Filmy Adda

బ్యాక్ టు బ్యాక్ సినిమాలను అనౌన్స్ చేస్తూ పవన్ కళ్యాణ్ బిజీగా ఉంటున్న సంగతి తెలిసిందే. ఓ వైపు రాజకీయాలు, మరో వైపు సినిమాలతో పవన్ తీరిక లేకుండా పని చేస్తున్నారు. ఇటీవల ఆయన పుట్టిన రోజు సందర్భంగా ఆయన నటిస్తున్న సినిమాల నుంచి అప్ డేట్స్ వచ్చాయి. అలాగే.. ఓజి సినిమా నుంచి కూడా గ్లిమ్ప్స్ అప్ డేట్ వచ్చిన సంగతి తెలిసిందే. ఓజి సినిమాలో పవన్ కళ్యాణ్ గ్యాంగ్ స్టర్ గా నటించబోతున్నారని తెలుస్తోంది. అయితే.. ఈ సినిమా స్టోరీ గురించి కూడా ఓ వార్తా వైరల్ అవుతోంది.

పవన్ కళ్యాణ్ తన రాబోయే చిత్రం ‘OG’ కోసం ఆయన అభిమానులు కళ్ళు కాయలు కాచేలా ఎదురు చూస్తున్నారు. ఈ క్రమంలో ఈ సినిమా గురించిన వార్తలు కూడా ఓ రేంజ్ లో గుప్పుమంటున్నాయి. ఈ సినిమా స్టోరీ లైన్ ఒకటి నెట్టింట్లో హల్ చల్ చేస్తోంది. దీని ప్రకారం, ఓ సామాన్య కుర్రాడు అనుకోకుండా ముంబై వచ్చి గ్యాంగ్ స్టర్ అవుతాడు. ఆ తరువాత అతను చాలా క్రైమ్స్, మాఫియా కేస్ లలో ఇన్వాల్వ్ అవ్వాల్సి వస్తుంది.

ఈ క్రమంలో అతను తన ఫ్యామిలీని కూడా కోల్పోతాడు. తన ప్రతీకారాన్ని తీర్చుకోవడానికి డ్రగ్స్ మాఫియా మొత్తాన్ని ఎలా అంతం చేస్తాడు? అన్న కథాంశంతో ఓజి రూపొందుతోంది అని టాక్. దీనిపై నెటిజన్స్ “రామ రామ కృష్ణ కృష్ణ” సినిమాలో అర్జున్ స్టోరీ లా ఉంది ఏంటి అంటూ కామెంట్స్ చేస్తున్నారు. ఈ సినిమాలో అర్జున్ హీరోయిన్ కు బ్రదర్ గా నటించిన సంగతి తెలిసిందే.

కొంతమంది నటులు చిరకాలం గుర్తుండిపోతారు. వారి యొక్క నటన, చేసిన పాత్రలు ఎప్పటికీ మర్చిపోలేము. అలాంటి వాళ్ళలో హాస్య నటుడిగా గుర్తింపు తెచ్చుకున్న నగేష్ ఒకరు.

అయితే నగేష్ జీవితంలో జరిగిన ఘటన చూస్తే ఇండస్ట్రీలో ఈగో ఎలా ఉంటుంది అనేది మనకి తెలుస్తుంది. ఈయనకి సినీ ఇండస్ట్రీలో అవకాశాలు రాక ముందు రైల్వే లో పని చేసేవారు.

కానీ చిన్నప్పటి నుండి నటన అంటే బాగా ఇష్టం. ఆ ఇష్టంతోనే నాటకాల్లో వేషాలు వేసేవారు. ఆ అనుభవంతోనే సినిమా రంగంలోకి రావాలని అనుకునేవారు. చాలా ఇబ్బందులు ఎదుర్కొని తమిళ సినిమా రంగంలోకి నగేష్ అడుగు పెట్టడం జరిగింది. చిన్నచిన్న పాత్రలు చేసి మంచి నటుడిగా ఎదిగారు నగేష్.

ఎలాంటి సినీ బ్యాక్ గ్రౌండ్ లేకుండానే ఇండస్ట్రీలోకి ఆయన రావడం జరిగింది. అలా తాను ఇండస్ట్రీలో నిలబడ్డారు. అయితే అదే సమయంలో తమిళ స్టార్ హీరో ఎంజిఆర్ మరియు నగేష్ మధ్య కొన్ని మనస్పర్ధాలు జరిగాయి. ఎంజీఆర్ సెట్ లోకి రావడం.. నగేష్ లేచి నిలబడక పోవడం దీనికి కారణం. నగేష్ లేవకపోవడంతో ఎంజీఆర్ ఇగో బాగా హర్ట్ అయింది. దీనితో దర్శకనిర్మాతలకు నగేష్ కి సినిమా అవకాశాలు ఇవ్వొద్దని ఆయన చెప్పారు.

దీనితో ఆయనకు అవకాశాలు రాలేదు. తర్వాత నగేష్ తెలుగు సినిమాల్లో నటించడం మొదలు పెట్టారు కమల్ హాసన్ తో ఈయనకి మంచి బంధం ఉండేది. దాని కారణంగా మళ్లీ తమిళంలో అవకాశాలు వచ్చాయి. ఆ తరవాత నగేష్ తన కొడుకుని తీసుకువచ్చి హీరోగా చేయాలని కూడా అనుకున్నారు. ఆర్థిక ఇబ్బందులు కూడా ఈయనకి రావడం, థియేటర్ ట్యాక్స్ కట్టలేకపోవడం జరిగాయి. అప్పుడు ఎంజీఆర్ సీఎం గా ఉన్నారు. నగేష్ కి ఉన్న థియేటర్ టాక్స్ కట్టలేకపోవడంతో ఆయనని జైలుకు పంపించారు.

వాల్తేరు వీరయ్య లాంటి బ్లాక్ బస్టర్‌ హిట్‌ మూవీ తరువాత మెగాస్టార్ చిరంజీవి హీరోగా నటించిన మూవీ భోళాశంకర్‌. ఈ చిత్రానికి మెహర్‌ రమేశ్‌ దర్శకత్వం వహించారు. ఈ సినిమాలో తమన్నా హీరోయిన్‌గా నటించగా, కీర్తి సురేష్‌ చిరంజీవి చెల్లెలిగా కనిపించింది. యంగ్ హీరో సుశాంత్‌ కీలక పాత్రలో నటించాడు.

భారీ అంచనాల మధ్య ఆగస్టు 11న రిలీజ్ అయిన భోళాశంకర్‌ మూవీ ప్రేక్షకులను మాత్రమే కాకుండా ఫ్యాన్స్ కూడా తీవ్రంగా నిరాశపరిచింది. తొలి షోకే నెగెటివ్‌ టాక్‌ తెచ్చుకుని, బాక్సాఫీస్‌ దగ్గర డిజాస్టర్ గా నిలిచింది. కోరాలో ఈ మూవీ గురించి అభిప్రాయం అడుగగా, ఒక యూజర్ ఎలా స్పందించాడో ఇప్పుడు చూద్దాం..
“భోళా శంకర్ సినిమా గురించి మీ అభిప్రాయం ఏమిటి?” అని కోరాలో అడుగగా, దానికి సంతోష్ కుమార్. కె అనే యూజర్ సమాధానం ఇస్తూ, “వాపు చూసి బలుపు అనుకోకూడదు. మంచి పనయింది చిరంజీవి గార్కి, తెలుగు ప్రేక్షకులకి లేదంటే ఇంకెన్నెన్ని మేకులు దించేసే వారు. చిరంజీవి అంటే ఓ బ్రాండ్ ఉండేది. అది చిరంజీవి గారే స్వయంగా చెడగొట్టుకుంటున్నారు. వాల్తేర్ వీరయ్య విజయానికి చాలా కారణాలు ఉన్నాయి. కథ, కథనం ముఖ్యంగా సంగీతం ఇలాంటివి.
ఎప్పుడో ఎన్టీఆర్, ఎన్ ఆర్ లు యంగ్ హీరోయిన్లతో తైతక్కలాడితే అప్పట్లో కొత్త, ఇంకా వేరే దిక్కులేక చూసారు. మనవరాళ్ల వయసు వారితో అది ఇంత మంది యంగ్ స్టర్స్ ఉండగా, ఆ వెకిలి డాన్సులు చేస్తే సీనియర్ అభిమానులమైన మాకే వెగటు పుట్టేస్తుంది. ఇక ఆ వేదాలమే రొడ్డ సినిమా. మళ్ళీ దాన్ని 8 ఏళ్ల తరువాత మ్యూజియం లో నుండి బయటకు తీసి, కళా తపస్వి , కళా సృష్టి కర్త అయిన మెహర్ రమేష్ లాంటి దర్శక దిగ్గజానికి ఇచ్చి తెలుగు ప్రేక్షకుల పైకి వదలడం ఏమి న్యాయమో చిరంజీవి గారు ఆలోచించాలి.
నిజంగా రీమేక్ లు ఇష్టమయితే చిరంజీవి గారి పాత సినిమాలే రీమేక్ చేస్తే బెస్ట్ ఎందుకంటే అవి ఎవర్ గ్రీన్ సబ్జెక్స్. ఇంత ఫ్రస్ట్రేషన్ చూపించిన నేను సినిమా చూసానా అంటే లేదు. ఆ ట్రైలర్ చూస్తేనే తెలిసిపోయింది. ఎంత పొడవాటి బాకు ప్రేక్షకుల హృదయాలను తాక బోతున్నాయో అని. వృద్దాప్యాన్ని హుందాగా అంగీకరించి, కళా తృష్ణ తీర్చుకునే సినిమాలు చేస్తే మంచిది. కాదు ఇంకా మేము ఇరవైల్లోనే ఉన్నాం అనుకుంటే” అంటూ రాసుకొచ్చారు.

Also Read: “బ్రో” మూవీ గురించి… ఈ నెటిజెన్ పోస్ట్ చూస్తే నవ్వాపుకోలేరు..!

సాధారణంగా సినిమా ఇండస్ట్రీలో ఒక స్టేజ్ కి వెళ్లేంతవరకు ఏదో ఒక రకమైన పనులు చేస్తూనే ఉంటారు. ఇప్పుడు ఉన్న ఎంతో మంది సెలబ్రిటీలు ఇదే ఇండస్ట్రీలో వారు ఇప్పుడు చేసే పని కాకుండా అంతకుముందు మరొక రకమైన పని చేశారు.

ఇప్పుడు నటులు అయిన ఎంతో మంది అంతకుముందు అసిస్టెంట్ డైరెక్టర్లుగా చేశారు. అయితే ఇలా ఇప్పుడు భారతదేశంలోనే సెన్సేషన్ అయిన ఒక వ్యక్తి తలపతి విజయ్ హీరోగా నటించిన స్నేహితుడు సినిమాలో ఒక పాటలో ఒక చిన్న పాత్రలో నటించారు.

కానీ ఇప్పుడు వరుస పెట్టి హిట్ సినిమాలు చేస్తున్నారు. కమర్షియల్ సినిమాలకి పెట్టింది పేరు అయ్యారు. ఆయన ఎవరో కాదు డైరెక్టర్ అట్లీ. డైరెక్టర్ అట్లీ శంకర్ దర్శకత్వంలో వచ్చిన నన్బన్ సినిమాలో ఒక పాటలో ఒక చిన్న రోల్ లో కనిపించారు. విజయ్, ఇలియానా కనిపించే ఈ పాటలో ఒక చోట షూటింగ్ జరుగుతున్నట్టు చూపిస్తారు. ఇక్కడ క్లాప్ కొట్టే వ్యక్తి పాత్రలో అట్లీ కనిపిస్తారు. అట్లీ అంతకుముందు శంకర్ దగ్గర అసిస్టెంట్ గా చేశారు.

అలా ఎంతోమంది ప్రముఖ హీరోలతో పరిచయం ఉంది. రాజా రాణి సినిమాతో డైరెక్టర్ గా ఇండస్ట్రీలోకి అడుగు పెట్టారు. మొదటి సినిమాతోనే సూపర్ హిట్ అందుకున్నారు. ఇంకొక విషయం ఏంటి అంటే అట్లీ దర్శకత్వం వహించిన సినిమాలు అన్నీ తమిళ్ తో పాటు తెలుగులో కూడా రిలీజ్ అయ్యాయి. దాంతో అట్లీకి తెలుగులో కూడా చాలా మంచి ఫ్యాన్ బేస్ ఉంది. రాజా రాణి తర్వాత విజయ్ హీరోగా నటించిన పోలీసోడు సినిమాకి దర్శకత్వం వహించారు.

అప్పటివరకు విజయ్ ని ఒక రకంగా చూసిన ప్రేక్షకులకి ఈ సినిమా చాలా కొత్తగా అనిపించింది. విజయ్ కి చాలా మంచి సినిమా వచ్చింది అంటూ ఈ సినిమాని ప్రేక్షకులు సూపర్ హిట్ చేశారు. ఆ తర్వాత విజయ్ తోనే మెర్సల్ సినిమాకి దర్శకత్వం వహించారు. ఈ సినిమా తెలుగులో అదిరింది పేరుతో రిలీజ్ అయ్యింది. ఈ సినిమాలో విజయ్ త్రిపాత్రాభినయం చేశారు.

అలా అంచలంచెలుగా ఎదిగి ఇప్పుడు టాప్ డైరెక్టర్స్ లో ఒకరిగా నిలిచారు. ఇటీవల ఒక ఈవెంట్ లో అట్లీ మాట్లాడుతూ “రోబో సినిమా షూటింగ్ టైంలో ముంబైలో ఉన్న షారుఖ్ ఖాన్ ఇల్లు అయిన మన్నత్ ముందు ఒక ఫోటో దిగి దాన్ని దాచుకున్నాను” అని, “కానీ ఇవాళ తన కారు లోపలికి వెళ్లడానికి అదే మన్నత్ డోర్లు తెరుచుకుంటున్నాయి” అని అన్నారు.

నిజంగా ఇది విన్నవారు అందరూ కూడా సక్సెస్ అంటే ఇదే అంటూ పొగుడుతున్నారు. అట్లీ ఒక తెలుగు హీరోతో సినిమా చేస్తున్నారు అనే వార్తలు వినిపిస్తున్నాయి. అట్లీ, అల్లు అర్జున్ కాంబినేషన్ లో సినిమా వస్తుంది అని చాలా రోజుల క్రితమే ఒక వార్త వచ్చింది. దాంతో అట్లీ అల్లు అర్జున్ కి కథ వినిపించాను అనే విషయం చెప్పిన తర్వాత ఇప్పుడు అట్లీ నెక్స్ట్ అల్లు అర్జున్ తోనే సినిమా చేస్తారు అని అంటున్నారు.

మరియం జకారియా అంటే తెలుగు ఆడియెన్స్ అంతగా గుర్తుపట్టకపోవచ్చు. కానీ డియ్యాలో డియ్యాలా పాటలో నటించిన నటి అంటే గుర్తుపడతారేమో. ఎందుకంటే 100 పర్సెంట్ లవ్ మూవీలోని ఈ సాంగ్ అప్పట్లో ఒక ఊపు ఊపిందని చెప్పవచ్చు. కొన్నేళ్ళ దాకా పెళ్ళిళ్ళలో, వేడుకల్లో ఈ పాట విపరీతంగా వినిపించింది.

సుకుమార్ దర్శకత్వంలో 2011 లో తెరకెక్కిన ఈ మూవీకి దేవిశ్రీ ప్రసాద్ అందించిన సంగీతం హైలెట్ గా నిలిచింది. పాటలన్నీ సూపర్ హిట్ అయ్యాయి. డియ్యాలో డియ్యాలా పాటలో నటించిన నటికి తెలుగులో మంచి గుర్తింపు వచ్చింది. మరి ఆ నటి ఎవరు? ఇప్పుడు ఎలా ఉందో చూద్దాం.. యంగ్ హీరో నాగ చైతన్య , తమన్నా హీరోహీరోయిన్లుగా నటించిన ఈ సినిమాకి దేవి శ్రీ ప్రసాద్ సంగీతం అందించారు. సుకుమార్ దర్శకత్వం వహించగా, బన్నీవాసు నిర్మించారు. 2011 లో రిలీజ్ అయిన ఈ మూవీ సూపర్ హిట్ గా నిలిచింది. ఇక ఈ మూవీలోనీ ఐటమ్ సాంగ్ లో నటించిన నటి పేరు మరియం జకారియా. ఈమె ఇరానియన్-స్వీడిష్ నటి. మరియం బాలీవుడ్, తెలుగు, తమిళ సినిమాలలో నటించింది. మరియం స్వీడన్‌లో మోడల్‌గా, డ్యాన్స్ టీచర్‌గా మరియు కొరియోగ్రాఫర్‌గా పనిచేశారు. అలాగే స్వీడన్‌లో ఇండిస్క్ డాన్స్ స్టూడియోను స్థాపించారు. ఆమె బాలీవుడ్ సినిమాలలో నటించడం కోసం 2009లో ముంబైలో అడుగుపెట్టారు. ఆ తరువాత పలు యాడ్స్ లో నటించారు. కోకోకోలా యాడ్ లో ఇమ్రాన్ ఖాన్ తో కలిసి నటించారు. తమిళ దర్శకుడు సుందర్ సి. ఆమె డ్యాన్స్ ను యూట్యూబ్‌లో చూసి తన మూవీ నగరం (2010)లో ఐటెమ్ సాంగ్ లో ఛాన్స్ ఇచ్చారు.
ఆ తరువాత 100% లవ్ మూవీలో ఆఫర్ రావడంతో “డియ్యాలో డియ్యాలా”లో చేసింది. దాంతో ఆమెకు గుర్తింపు వచ్చింది. ఆ తరువాత అల్లరి నరేష్‌తో మడత కాజాలో ఒక ప్రధాన పాత్రలో నటించింది. ఆ తరువాత బాలీవుడ్ లో వచ్చిన గ్రాండ్ మస్తి మూవీతో సూపర్ హిట్ ను అందుకున్నారు. ఆమెను ఇన్ స్టాగ్రామ్ లో మిలియన్ మెంబర్స్  ఫాలో అవుతున్నారు. తన డ్యాన్స్ వీడియోలను ఎప్పటికప్పుడు షేర్ చేస్తూ ఉంటుంది.

Also Read: “పటాస్” ప్రియ గుర్తుందా..? ఇప్పుడు బిగ్‌బాస్ కి వచ్చిందా..?

ప్రస్తుతం ఇండస్ట్రీలో ఎక్కడ చూసినా జవాన్ పేరే వినిపిస్తోంది. తాజాగా రిలీజ్ అయిన ఈ మూవీ బాక్సాఫీస్ దగ్గర సూపర్ హిట్ టాక్ తో దూసుకెళ్తోంది. బాలీవుడ్ కింగ్ ఖాన్ షారుక్ హీరోగా కోలీవుడ్ దర్శకుడు అట్లీ దర్శకత్వంలో నటించిన మూవీ ‘జ‌వాన్’.

బాలీవుడ్ లో ఈ మూవీ బ్లాక్ బ‌స్ట‌ర్ హిట్ టాక్ తో మొదటిరోజే ప్రపంచవ్యాప్తంగా 150 కోట్ల కలెక్షన్లు సాధించి, స‌రికొత్త రికార్డు క్రియేట్ చేసింది. అయితే సౌత్ ప్రేక్షకులు మాత్రం ఈ మూవీ పై పలు సినిమాలను మిక్స్ చేసి తీసినట్టుగా కామెంట్స్ చేస్తున్నారు. మరి కొందరు అయితే అట్లీ ఆ తెలుగు సీరియల్ ను కాపీ చేశారని అంటున్నారు. ఆ వివరాలు ఇప్పుడు చూద్దాం..
షారుక్ ఖాన్, నయనతార తొలిసారిగా జంటగా నటించిన జవాన్ మూవీ బాలీవుడ్ లో బ్లాక్ బస్టర్ అయ్యిందని అంటున్నారు. నార్త్ ఆడియెన్స్ అయితే అట్లీ మేకింగ్, షారుక్ అద్భుతమైన న‌ట‌న‌కు ఫిదా అయ్యారు. మొదటిరోజే వరల్డ్ వైడ్ గా రూ.150 కోట్ల వసూళ్లు రాబట్టి పఠాన్ రికార్డ్ ను బ్రేక్ చేశాడు. ఈ సినిమా పై ఆడియెన్స్ తో పాటు పలువురు సినీ సెలబ్రెటీలు బెస్ట్ మూవీ అంటూ కామెంట్స్ చేస్తున్నారు. దీంతో షారుక్ ఫ్యాన్స్ సంతోషానికి అవ‌ధు లేకుండా పోయాయి.
అయితే ఈ మూవీకి అంత రెస్పాన్స్ సౌత్ నుండి రావడం లేదని చెప్పవచ్చు. దానికి కారణం ఇలాంటి సినిమాలను ఇప్పటివరకు దక్షిణాది ఆడియెన్స్ ఎన్నో చూశారు. దాంతో వారికి నాలుగు అయిదు సినిమాలను కలిపి తీసినట్టుగా ఉందని కామెంట్స్ చేస్తున్నారు. కానీ బాలీవుడ్ ఆడియెన్స్ కి మాత్రం ఇది సరికొత్తగా ఉంది. అట్లీ మాస్ స్టైల్ టేకింగ్ లో షారుక్ ను సరికొత్తగా చూపించడంతో ఫ్యాన్స్ థ్రిల్ ఫిల్ అవుతున్నారు.
ఈ మూవీ పఠాన్ లాగే వెయ్యి కోట్ల వసూళ్లను సాధిస్తుందని అంచనా వేస్తున్నారు. అయితే కొందరు ఈ మూవీని తెలుగులో హిట్ అయిన బుల్లితెర సీరియల్ ‘మొగలిరేకులు’ తో పోలుస్తున్నారు. ఆ సీరియల్ నుండి కోలీవుడ్ డైరెక్టర్ అట్లీ కాపీ, చేసారని కామెంట్లు పెడుతున్నారు.

Also Read: “బిగ్‌బాస్ తెలుగు” ఫైనలిస్ట్ జవాన్ సినిమాలో నటించారా..? ఎవరంటే..?

జైలర్ చిత్ర నిర్మాత కళానిధి మారన్ భార్య కావేరి అపోలో హాస్పటల్ చైర్మన్ ఉపాసన కొణిదల తాతయ్య అయినా డాక్టర్ ప్రతాప్ చంద్రారెడ్డికి ఓ చెక్ ఇచ్చారు.

ప్రస్తుతం ఈ విషయం సోషల్ మీడియాలో హాట్ టాపిక్ గా ఇంతకీ ఆ చెక్ వెనుక సీక్రెట్ ఏంటో తెలుసా? చాలాకాలం తర్వాత రజనీకాంత్ కు మంచి సక్సెస్ ఇచ్చిన చిత్రం జైలర్. జైలర్ మూవీ తీసిన నిర్మాతకు ఈ చిత్రం భారీ లాభాలను తెచ్చిపెట్టింది.

జైలర్ ఊహించని రేంజ్ లో బ్లాక్ బస్టర్ కావడంతో నిర్మాణ సంస్థ సన్ పిక్చర్స్ లో పండుగ వాతావరణం నెలకొంది. దీంతో నిర్మాత కళానిధి మారని పలు రకాల కార్యక్రమాలలో పాల్గొంటున్నారు. ఆగస్టు 10 న విడుదలైన జైలర్ చిత్రం నెల రోజులు పూర్తికాకముందే ప్రపంచవ్యాప్తంగా 650 కోట్ల వరకు గ్రాస్ వసూలు చేసింది. అందుకే సినిమాల్లో వచ్చిన లాభాన్ని మొత్తం తనకే ఉంచుకోకుండా హీరో,దర్శకుడు ,సంగీత దర్శకుడు ఇలా అందరితో నిర్మాత షేర్ చేసుకుంటున్నారు.

ఈ నేపథ్యంలో ముందుగా హీరో రజనీకాంత్ ను కలిసి కళానిధి చెక్ ఇచ్చారు కానీ అందులో ఎంత అమౌంట్ వేసి ఉంది అన్న విషయాన్ని వెల్లడించలేదు. అయితే అందులో 100 కోట్ల సంఖ్య ఉంది అని బయట ప్రచారం జరుగుతుంది. అప్పటికే సినిమాకి హీరోగా రెమ్యూనరేషన్ కింద 110 కోట్లు పుచ్చుకున్న రజిని ఈ 100 కోట్లు కూడా కలవడంతో 210 కోట్లు ఒక్క సినిమాకి తీసుకున్న నటుడిగా కొత్త రికార్డు సృష్టించాడు. దాంతో పాటుగా ఒకటిన్నర కోటి విలువచేసే బిఎండబ్ల్యూ ఎక్స్ సెవెన్ సీరీస్ కారణం కళానిధి రజనీకాంత్ కు బహుమతిగా అందించారు.

అంత అమౌంట్ ఖర్చు పెట్టాడు అనుకుంటే.. విషయం ఇంకా ఉంది.. హీరో తర్వాత వంతు దర్శకుడు నెల్సన్ దిలీప్ కుమార్ ది. డైరెక్టర్ కి సుమారు కోటి రూపాయల విలువ చేసే పోర్షే మకాన్ లగ్జరీ కార్, మ్యూజిక్ డైరెక్టర్ అనిరుద్ రవిచంద్ర కు మరొక చెక్ తో పాటు పోర్షే మకాన్ కారు బహుమతిగా అందజేశాడు కళానిధి. దానితో పాటుగా కొంత అమౌంట్ ని సామాజిక సేవ కోసం కూడా ఉపయోగించాలి అని నిర్ణయించుకొని దానికోసం అపోలో హాస్పిటల్స్ వారికి చెక్ అందివ్వడం జరిగింది.

చెక్ అంటే ఏదో చిన్న మొత్తం అనుకున్నేరు…. వందమంది నిరుపేద పిల్లలకు ఉచితంగా గుండె శాస్త్ర చికిత్స చేయడం కోసం కోటి రూపాయలను అపోలో హాస్పిటల్స్ కు సన్ పిక్చర్ సంస్థ అందజేసింది. ఈ క్రమంలో మంగళవారం అపోలో హాస్పిటల్స్ చైర్మన్ ను కలిసిన కళానిధి భార్య ఆయనకు చెక్ అందించారు. ప్రస్తుతం సన్ పిక్చర్స్ చేపడుతున్నటువంటి ఈ సేవా కార్యక్రమాలకు పలువురు తమ హర్షం వ్యక్తం చేస్తున్నారు.

ALSO READ : “గీతా గోవిందం” పాట గొడవతో పాటు… “విజయ్ దేవరకొండ” ఎదుర్కొన్న ఐదు వివాదాలు..!