Filmy Adda Page 19
Category:

Filmy Adda

Filmy Adda

“జూనియర్ ఎన్టీఆర్” తో పాటు… “రామోజీ రావు” గారు పరిచయం చేసిన నటులు వీరే..!

by Mohana Priya
written by Mohana Priya

ఈనాడు గ్రూప్ సంస్థల చైర్మన్ రామోజీరావు గారు ఇవాళ తుది శ్వాస విడిచారు. రెండు రోజులుగా అస్వస్థత కారణంగా వెంటిలేటర్ మీద ఉన్నారు. చిన్న వ్యాపారంతో తన జీవితాన్ని మొదలుపెట్టి, ఇప్పుడు పెద్ద సామ్రాజ్యాన్ని సృష్టించారు. రామోజీ గ్రూప్ పేరుతో ఈనాడు న్యూస్ పేపర్, ఈటీవీ, ఉషాకిరణ్ మూవీస్, ప్రియా ఫుడ్స్, మార్గదర్శి చిట్ ఫండ్స్, రామోజీ ఫిలిం సిటీతో పాటు, కళాంజలి, బ్రిసా వంటి బ్రాండ్స్ కూడా రామోజీరావు గారు ఆవిష్కరించారు.

ఈటీవీ 8 భాషల్లో ప్రసారం అవుతుంది. రామోజీ ఫిలిం సిటీ అయితే సినిమా ఇండస్ట్రీకి ఎన్నో సేవలు అందించింది. ఎన్నో సేవలు అందిస్తోంది కూడా. ఒకరకంగా చెప్పాలి అంటే, రామోజీ ఫిలిం సిటీ లేకపోతే బాహుబలి సినిమా తీయడానికి చాలా కష్టం అయ్యేది అని సినిమా బృందం ఎన్నోసార్లు చెప్పారు. అది నిజం అనిపిస్తుంది. అయితే, ఉషాకిరణ్ మూవీస్ ద్వారా రామోజీ రావు గారు ఎంతో మంది నటులని పరిచయం చేశారు. వారిలో ఇప్పుడు స్టార్ నటులుగా ఎదిగిన వారు కూడా ఉన్నారు. వాళ్ళు ఎవరో ఇప్పుడు చూద్దాం.

actors introduced by usha kiran movies

#1 ఉదయ్ కిరణ్

చిత్రం సినిమా ద్వారా ఉదయ్ కిరణ్ తెలుగు సినిమా ఇండస్ట్రీకి పరిచయం అయ్యారు.

#2 జూనియర్ ఎన్టీఆర్

జూనియర్ ఎన్టీఆర్ హీరోగా నటించిన నిన్ను చూడాలని సినిమాని ఉషా కిరణ్ మూవీస్ బ్యానర్ వాళ్ళు నిర్మించారు. ఇది జూనియర్ ఎన్టీఆర్ హీరోగా నటించిన మొదటి సినిమా.

#3 తరుణ్

హీరో తరుణ్ నటించిన నువ్వేకావాలి సినిమాని కూడా ఉషా కిరణ్ మూవీస్ వాళ్ళు నిర్మించారు.

#4 శ్రియ

హీరోయిన్ శ్రియ మొదటి సినిమా ఇష్టం. ఈ సినిమాని కూడా ఉషా కిరణ్ మూవీస్ వాళ్లే నిర్మించారు.

#5 ప్రకాష్ కోవెలమూడి

ప్రముఖ డైరెక్టర్ రాఘవేంద్ర రావు గారి కొడుకు, ప్రకాష్ కోవెలమూడి నటించిన మొదటి సినిమా నీతో సినిమాని కూడా ఉషా కిరణ్ మూవీస్ వాళ్ళు ప్రొడ్యూస్ చేశారు.

#6 రితీష్ దేశ్‌ముఖ్

ఉషా కిరణ్ మూవీస్ వాళ్ళు బాలీవుడ్ లో కూడా సినిమాలు చేశారు. రితీష్ దేశ్‌ముఖ్ హీరోగా నటించిన మొదటి సినిమా అయిన తుజే మేరీ కసం సినిమాని ఉషా కిరణ్ మూవీస్ వాళ్ళు ప్రొడ్యూస్ చేశారు. ఇది నువ్వే కావాలి సినిమా రీమేక్.

#7 కళ్యాణ్ రామ్

నందమూరి కళ్యాణ్ రామ్ మొదటి సినిమా తొలిచూపులోనే సినిమాకి ఉషా కిరణ్ మూవీస్ వారు నిర్మాతలుగా వ్యవహరించారు.

#8 తనీష్

చైల్డ్ ఆర్టిస్ట్ గా నటించిన తనీష్, హీరోగా నటించిన మొదటి సినిమా నచ్చావులే. ఉషా కిరణ్ మూవీస్ వారు నిర్మించిన ఈ సినిమాతోనే తనీష్ హీరోగా పరిచయం అయ్యారు.

#9 రిచా పల్లోడ్

ఉషా కిరణ్ మూవీస్ వారు నిర్మించిన నువ్వే కావాలి సినిమాతోనే రిచా తెలుగు ఇండస్ట్రీలోకి అడుగు పెట్టారు.

#10 మాధవి లత

నచ్చావులే సినిమాతోనే మాధవి లత హీరోయిన్ గా కెరీర్ మొదలు పెట్టారు.

కేవలం నటులని మాత్రమే కాదు. ఎంతో మంది సాంకేతిక నిపుణులని కూడా ఉషాకిరణ్ మూవీస్ వారు పరిచయం చేశారు.

Filmy Adda

ఈ 11 మంది నటులు ఒకటి కంటే ఎక్కువ సార్లు పెళ్లి చేసుకున్నారని మీకు తెలుసా.?

by Mohana Priya
written by Mohana Priya

సెలెబ్రిటీల జీవితం తెరిచిన పుస్తకం లాంటిది అని అంటారు. వాళ్ళు మనకి వ్యక్తిగతంగా తెలియదు. వారికి మనం అందరం అంత పర్సనల్ గా తెలియదు. కానీ వాళ్ళ విషయాలు అన్ని మనకి తెలుస్తాయి.

అందరూ సెలబ్రిటీలు వాళ్ళ వ్యక్తిగత విషయాల గురించి ఎక్కువగా మాట్లాడరు. అయినా సరే వాళ్ళ విషయాలు స్ప్రెడ్ అవుతాయి. అందులో పెళ్లి కూడా ఒకటి.

పర్సనల్ కారణాల వల్ల కొంత మంది మ్యారేజ్ లైఫ్ అనుకున్న విధంగా సాగలేదు. దాంతో సపరేట్ అయ్యారు. తర్వాత కొంత కాలానికి మళ్లీ పెళ్లి చేసుకుని కొత్త జీవితం ప్రారంభించారు. వాళ్ళలో కొంత మంది ఎవరో ఇప్పుడు చూద్దాం.

#1 అక్కినేని నాగార్జున

1984 లో నాగార్జున కి, లక్ష్మీ తో వివాహం జరిగింది. తర్వాత కొంత కాలానికి వాళ్ళు విడిపోయారు. 1992 లో అమల ని వివాహం చేసుకున్నారు నాగార్జున.

#2 ప్రకాష్ రాజ్

1994 లో నటి లలిత కుమారి ని వివాహం చేసుకున్నారు ప్రకాష్ రాజ్. 2009 లో వాళ్ళిద్దరు డివోర్స్ తీసుకున్నారు. 2010 లో కొరియోగ్రాఫర్ పోనీ వర్మని పెళ్లి చేసుకున్నారు.

#3 రాధిక

1985 లో నటుడు ప్రతాప్ పోతన్ తో రాధిక పెళ్లి జరిగింది. 1986 లో వాళ్ళిద్దరూ విడిపోయారు. 1990 లో రిచర్డ్ హార్డీ ని పెళ్లి చేసుకున్నారు రాధిక. 1992 లో వాళ్లు విడిపోయారు. 2001 లో నటుడు శరత్ కుమార్, రాధిక పెళ్లి చేసుకున్నారు.

#4 శరత్ బాబు

1981 లో నటి రమాప్రభ ని పెళ్లి చేసుకున్నారు శరత్ బాబు. 1988 లో వాళ్ళిద్దరూ విడిపోయారు. తర్వాత స్నేహలత ని పెళ్లి చేసుకున్నారు శరత్ బాబు.

#5 పవన్ కళ్యాణ్

1997 లో నందిని ని పెళ్లి చేసుకున్నారు పవన్ కళ్యాణ్. 2008 లో వీళ్లిద్దరు విడిపోయారు. 2009 లో రేణు దేశాయ్ తో పవన్ కళ్యాణ్ పెళ్లి జరిగింది. 2012 లో వీళ్లు సపరేట్ అయ్యారు. 2013 లో అన్నా లెజ్నెవా ని పెళ్లి చేసుకున్నారు.

#6 లక్ష్మి

సీనియర్ నటి లక్ష్మి గారు 1969 లో భాస్కర్ ని పెళ్లి చేసుకున్నారు. 1974లో వారిద్దరూ విడిపోయారు. 1975 లో నటుడు మోహన్ శర్మ ని పెళ్లి చేసుకున్నారు. 1980లో వీళ్లు సపరేట్ అయ్యారు. 1987 లో నటులు, దర్శకులు, రచయిత అయిన శివ చంద్రన్ ని పెళ్లి చేసుకున్నారు.

#7 కమల్ హాసన్

1978 లో వాణి గణపతి ని పెళ్లి చేసుకున్నారు. 1988 లో నటి సారిక తో కమల్ హాసన్ పెళ్లి జరిగింది. వీరిద్దరూ 2004 లో విడిపోయారు.

#8 సీత

ఎన్నో సినిమాల్లో ముఖ్యపాత్రల్లో నటించిన సీత 1990 లో నటుడు పార్తిబన్ ని పెళ్లి చేసుకున్నారు. 2001 లో వాళ్ళిద్దరు విడిపోయారు. 2010 లో సతీష్ ని పెళ్లి చేసుకున్నారు.

#9 కీర్తి రెడ్డి

2004 లో నటుడు సుమంత్ తో కీర్తి రెడ్డి పెళ్లి జరిగింది. 2006 లో వీళ్లిద్దరు సపరేట్ అయ్యారు. 2014 లో కార్తీక్ ని పెళ్లి చేసుకున్నారు కీర్తి రెడ్డి.

#10 మంచు మనోజ్

హీరో మంచు మనోజ్ కూడా ఇటీవల భూమా మౌనికని పెళ్లి చేసుకున్నారు.

#10 శరత్ కుమార్

శరత్ కుమార్ 1984 లో ఛాయా ని పెళ్లి చేసుకున్నారు. 2000 సంవత్సరంలో వీరిద్దరూ విడిపోయారు. 2001 లో రాధిక తో, శరత్ కుమార్ పెళ్లి జరిగింది.

 

Filmy Adda

సావిత్రి గారితో ఉన్న ఈ అబ్బాయి యూనివర్సల్ హీరో అయ్యారు..! ఎవరో కనిపెట్టగలరా..?

by Mohana Priya
written by Mohana Priya

సినిమా ఇండస్ట్రీలో ఎంతో మంది నటులు ఉంటారు. ఒక్కొక్కరిది ఒక్కొక్క జర్నీ. కొంత మంది నటులు పెద్దయ్యాక ఇండస్ట్రీలోకి వస్తారు. కొంత మంది నటులు చిన్నప్పుడు సినిమాల్లో నటించి, ఆ తర్వాత కొంత విరామం తీసుకొని, మళ్లీ సినిమాల్లోకి వస్తారు. కానీ కొంత మంది నటులు మాత్రం, చిన్నప్పటినుండి పెద్ద అయ్యేంత వరకు సినిమాల్లో నటిస్తూనే ఉంటారు. ఇప్పటికీ నటిస్తూనే ఉన్నారు. చైల్డ్ ఆర్టిస్ట్ గా, లీడ్ పాత్రల్లో, సహాయ పాత్రల్లో, ముఖ్య పాత్రల్లో, అలా తమ వయసుకి సూట్ అయ్యే పాత్రల్లో నటిస్తూ వెళ్తూ ఉంటారు.

hero with savitri

అన్ని సంవత్సరాలు ఇండస్ట్రీలో ఉంటారు కాబట్టి వారు ప్రేక్షకులకు చాలా బాగా చేరువవుతారు. వారి భాషల ఇండస్ట్రీలో మాత్రమే కాకుండా ఇతర భాషల ఇండస్ట్రీలో కూడా వాళ్ళకి గుర్తింపు వస్తుంది. ఇప్పుడు పైన ఫోటోలో ఉన్న అబ్బాయి కూడా చాలా పెద్ద హీరో అయ్యారు. సావిత్రి గారితో ఉన్న ఈ బాబు ఎవరో గుర్తుపట్టారా? కమల్ హాసన్ తెలియని వారు ఉండరు. కమల్ హాసన్ తమిళ్ వారు. కానీ తెలుగులో కమల్ హాసన్ కి వీరాభిమానులు ఉన్నారు. ఆయన నటించిన స్వాతిముత్యం, సాగర సంగమం సినిమాలని ఇష్టపడేవారు ఎంతో మంది ఉంటారు. ఆయన నటన చాలా మందికి టెక్స్ట్ బుక్ లాంటిది. కళ్లతోనే ఎక్స్ప్రెషన్స్ పలికించే నటులు చాలా తక్కువ మంది ఉంటారు. వారిలో కమల్ హాసన్ ముందుగా మాట్లాడుకునే నటుడు.

విక్రమ్ సినిమాకి ముందు కమల్ హాసన్ బర్త్ డే రోజు ఒక వీడియో విడుదల చేశారు. అందులో కమల్ హాసన్ కళ్ళతోనే ఒక ఎక్స్ప్రెషన్ పలికిస్తారు. వీడియో విడుదల అయ్యాక ఆ ఎక్స్ప్రెషన్ గురించి చాలా మంది మాట్లాడుకున్నారు. ఆ ఎక్స్ప్రెషన్ చూస్తే అసలు కమల్ హాసన్ పాత్ర సినిమాలో ఎలా ఉంటుంది అనే విషయం తెలిసిపోతుంది. కమల్ హాసన్ మంచి నటుడు మాత్రమే కాదు. గాయకుడు, నృత్య కళాకారుడు, రచయిత, దర్శకుడు, నిర్మాత కూడా. దశావతారం సినిమాలో కమల్ హాసన్ నటన గురించి ఎంత చెప్పినా కూడా తక్కువే. అలాంటి సాహసం చేయాలి అనే ఆలోచన రావడమే చాలా గొప్ప. ప్రస్తుతం కమల్ హాసన్ ఇండియన్ 2 సినిమాలో నటించారు. ఈ సినిమా భారతీయుడు 2 పేరుతో తెలుగులో కూడా విడుదల అవుతుంది.

Filmy AddaMovie ReviewsViral

LOVE MOULI REVIEW : “నవదీప్” హీరోగా నటించిన ఈ సినిమా అలరించిందా..? స్టోరీ, రివ్యూ & రేటింగ్.!

by Mohana Priya
written by Mohana Priya

చాలా రోజుల తర్వాత నవదీప్ హీరోగా నటించిన లవ్ మౌళి సినిమా ప్రేక్షకుల ముందుకి వచ్చింది. ఈ సినిమాలో నవదీప్ ఒక డిఫరెంట్ పాత్రలో నటించారు. ఈ సినిమా ఎలా ఉందో ఇప్పుడు చూద్దాం.

  • చిత్రం : లవ్ మౌళి
  • నటీనటులు : నవదీప్, పంఖురి గిద్వానీ.
  • నిర్మాత : సీ స్పేస్, నైరా క్రియేషన్స్, శ్రీకర స్టూడియోస్
  • దర్శకత్వం : అవనీంద్ర
  • సంగీతం : గోవింద్ వసంత
  • విడుదల తేదీ : జూన్ 7, 2024

love mouli movie review

స్టోరీ :

మౌళి (నవదీప్) తల్లిదండ్రులు చనిపోవడంతో తాతయ్య దగ్గర పెరుగుతాడు. తాతయ్య కూడా మౌళికి 14 సంవత్సరాలు ఉన్నప్పుడు చనిపోతాడు. అప్పటి నుండి మౌళి ఎటువంటి నియమాలు లేకుండా పెరుగుతాడు. తనకు నచ్చినట్టు ఉంటాడు. మౌళి ఒక మంచి ఆర్టిస్ట్. అలా తను తయారు చేసిన పెయింటింగ్ ద్వారా చిత్ర (పంఖురి గిద్వానీ) ని సృష్టిస్తాడు. చిత్రతో ప్రేమలో పడతాడు. ఆ తర్వాత ఏం జరిగింది? చిత్ర, మౌళికి నచ్చినట్టు ఉంటుందా? ప్రేమకి అర్థం ఏంటో మౌళి తెలుసుకున్నాడా? చిత్రని తనకి నచ్చినట్టు మార్చుకున్నాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా కథ తెలిసిన కథ. కానీ దీనికి సోషియో ఫాంటసీ అనే ఒక విషయాన్ని యాడ్ చేశారు. దాంతో కాన్సెప్ట్ కొత్తగా అనిపిస్తుంది. ఫస్ట్ హాఫ్ సాగదీసినట్టు అనిపిస్తుంది. ప్రేమ అంటే ఏంటి అనే విషయాన్ని కొత్త కోణంలో చెప్పడానికి ప్రయత్నించారు. ఇంక పెర్ఫార్మెన్స్ విషయానికి వస్తే, నవదీప్ ఈ సినిమాలో ఒక కొత్త పాత్రలో నటించారు. తన పాత్రకి న్యాయం చేశారు. ట్రాన్స్ఫర్మేషన్ కూడా చాలా కొత్తగా అనిపిస్తుంది. హీరోయిన్ గా నటించిన పంఖురి గిద్వానీ కూడా బాగా నటించారు. సినిమాలో కొన్ని సన్నివేశాలు పెట్టడం అవసరమా అని అనిపిస్తుంది. అవి లేకపోయినా సినిమాలో చెప్పాలి అనుకున్న విషయాన్ని అదే విధంగా చెప్పే అవకాశం ఉంది.

యూత్ కి కనెక్ట్ అవ్వడం కోసం పెట్టిన కొన్ని సీన్స్ డిలీట్ చేసినా కూడా సినిమా అంతే బాగుండేది. గోవింద్ వసంత అందించిన పాటలు సినిమాకి తగ్గట్టు ఉన్నాయి. కృష్ణ అందించిన బ్యాక్ గ్రౌండ్ మ్యూజిక్ బాగుంది. టెక్నికల్ గా అన్ని రకాలుగా సినిమా బాగుంది. సినిమా ఎక్కువగా మేఘాలయలో నడుస్తుంది. లొకేషన్స్ చాలా బాగున్నాయి. అంతే బాగా చూపించారు. ఎడిటింగ్ కూడా డైరెక్టర్ అవనీంద్ర చేశారు. ఇద్దరు భిన్న మనస్తత్వాలు ఉన్న వ్యక్తులు ప్రేమించుకుంటే ఎలా ఉంటుంది అనే విషయాన్ని ఇంకా బాగా చూపించే అవకాశం ఉంది. ఈ విషయం మీద జాగ్రత్త తీసుకొని ఉంటే బాగుండేది అనిపిస్తుంది.

ప్లస్ పాయింట్స్ :

  • లొకేషన్స్
  • నవదీప్ నటన
  • కొన్ని కామెడీ సీన్స్
  • నిర్మాణ విలువలు

మైనస్ పాయింట్స్:

  • అనవసరమైన కొన్ని సీన్స్
  • సాగదీసినట్టుగా ఉండే ఫస్ట్ హాఫ్

రేటింగ్ :

2.5/5

ట్యాగ్ లైన్ :

కథనం గురించి పట్టించుకోకుండా, లాజిక్స్ వెతకకుండా, అసలు ఈ సినిమాలో సోషియో ఫాంటసీ అనే విషయాన్ని ఎలా చూపించారు అని తెలుసుకోవాలి అనుకుంటే, లవ్ మౌళి సినిమా ఒక్కసారి చూడగలిగే యావరేజ్ సినిమాగా నిలుస్తుంది.

Filmy AddaMovie ReviewsViral

MANAMEY REVIEW : “శర్వానంద్, కృతి శెట్టి” కాంబినేషన్ లో వచ్చిన ఈ సినిమా ఎలా ఉంది..? స్టోరీ, రివ్యూ & రేటింగ్.!

by Mohana Priya
written by Mohana Priya

డిఫరెంట్ కాన్సెప్ట్ ఉన్న సినిమాలని చేస్తూ తనని తాను కొత్తగా ఆవిష్కరించుకుంటున్న హీరో శర్వానంద్. ఇప్పుడు శర్వానంద్ మనమే సినిమాతో ప్రేక్షకుల ముందుకి వచ్చారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

  • చిత్రం : మనమే
  • నటీనటులు : శర్వానంద్, కృతి శెట్టి, విక్రమ్ ఆదిత్య, సీరత్ కపూర్, ఆయేషా ఖాన్.
  • నిర్మాత : T.G విశ్వ ప్రసాద్, వివేక్ కూచిభొట్ల
  • దర్శకత్వం : శ్రీరామ్ ఆదిత్య టి
  • సంగీతం : హేషామ్ అబ్దుల్ వహాబ్
  • విడుదల తేదీ : జూన్ 7, 2024

maname movie review

స్టోరీ :

విక్రమ్ (శర్వానంద్) లండన్ లో ఉంటాడు. ఎటువంటి టెన్షన్స్ లేకుండా లైఫ్ సరదాగా గడిపేయాలి అని అనుకుంటూ ఉంటాడు. అనురాగ్ (త్రిగున్) విక్రమ్ ఫ్రెండ్. అనురాగ్, శ్వేత (మౌనిక) అనే ఒక అమ్మాయిని ప్రేమించి పెళ్లి చేసుకుంటాడు. వాళ్ళిద్దరికీ ఖుషి (విక్రమ్ ఆదిత్య) పుడతాడు. ఇండియాకి వచ్చిన తర్వాత జరిగిన ఒక ప్రమాదంలో అనురాగ్, శ్వేత చనిపోతారు. దాంతో ఖుషి బాధ్యత ఎవరు చూసుకుంటారు అనే విషయం వస్తుంది. అనురాగ్ అనాధ. శ్వేత వెళ్ళిపోయి పెళ్లి చేసుకుంది కాబట్టి, శ్వేత తల్లిదండ్రులు బాబుని అంగీకరించరు. దాంతో, శ్వేత ఫ్రెండ్ సుభద్ర (కృతి శెట్టి) బాబుని చూసుకోవాలి అని అనుకుంటుంది. మరొక పక్క కొన్ని కారణాలవల్ల విక్రమ్ కూడా బాబు బాధ్యతలు తీసుకోవాలి అని అనుకుంటాడు.

ఖుషికి ఇంగ్లాండ్ సిటిజన్ షిప్ ఉంటుంది. వాళ్ల నియమాల ప్రకారం తల్లిదండ్రులు లాగా నాలుగు నెలల పాటు కేర్ టేకర్స్ చూసుకోవాలి. లేదు అంటే బాబుని అనాధాశ్రమంలో చేర్చుతారు. అందుకే విక్రమ్, సుభద్ర కలసి బాబుని చూసుకుంటూ ఉంటారు. మరొక పక్క సుభద్రకి కార్తీక్ (శివ కందుకూరి) తో నిశ్చితార్థం జరుగుతుంది. విక్రమ్, సుభద్ర బాబుని ఎలా జాగ్రత్తగా చూసుకున్నారు? వాళ్ళిద్దరూ ఎలా ప్రేమలో పడ్డారు? ఈ క్రమంలో విక్రమ్ ఎలా మారాడు? వీళ్లు ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమా కాన్సెప్ట్ కొత్తగా అనిపిస్తుంది. ఇలాంటి కాన్సెప్ట్ ఉన్న సినిమాలు తక్కువగానే వచ్చాయి. కానీ కథ తెలుస్తూ ఉంటుంది. చివరికి హీరో, హీరోయిన్ కలుస్తారు అనే విషయం కూడా అందరికీ తెలుసు. కానీ వాళ్లు మధ్యలో ఎదుర్కొన్న సంఘటనలు ఎలా ఉంటాయి అనే ఆసక్తితోనే సినిమా అంతా చూస్తారు. డైరెక్టర్ ప్రయత్నానికి మెచ్చుకోవాలి. శ్రీరామ్ ఆదిత్య ఎంచుకున్న ఈ స్టోరీ పాయింట్ లో నిజాయితీ కనిపిస్తోంది. కొన్ని చోట్ల పొరపాట్లు జరిగాయి. సెకండ్ హాఫ్ లో ముఖ్యంగా చాలా పొరపాట్లు జరిగాయి. ఫస్ట్ హాఫ్ అలా సరదాగా వెళ్ళిపోతుంది. ఇలాంటి సినిమాలకి సెకండ్ హాఫ్ చాలా ముఖ్యమైనది. కానీ అక్కడే సీన్స్ ఇంకా బాగా రాసుకొని ఉంటే బాగుండేది అనిపిస్తుంది. కామెడీ సీన్స్ బాగున్నాయి. కొన్ని సీన్స్ మరీ సినిమాటిక్ గా అనిపిస్తాయి.

కానీ సెకండ్ హాఫ్ లో చూపించిన ఎమోషన్స్ మాత్రం చాలా బాగా కనెక్ట్ అవుతాయి. ఇంక పర్ఫార్మెన్స్ విషయానికి వస్తే, శర్వానంద్ ఈ సినిమాలో చూడడానికి బాగున్నారు. బాగా నటించారు. శర్వానంద్ కాస్ట్యూమ్స్ కూడా చాలా కలర్ ఫుల్ గా ఉంటాయి. శర్వానంద్ నటన గురించి కానీ, ఎక్స్ప్రెషన్స్ గురించి కానీ ఈ సినిమా పరంగా ఒక్క కంప్లైంట్ కూడా లేదు. అంత బాగా చేశారు. సినిమా మీద అంత నమ్మకంగా ఉంటే అర్థం కాలేదు. కానీ సినిమా చూశాక శర్వానంద్ నటన ఎంత బాగుందో ప్రేక్షకులకి అప్పుడు అర్థం అవుతుంది. డైలాగ్ డెలివరీ కూడా చాలా బాగుంది. కృతి శెట్టి డీసెంట్ పర్ఫార్మెన్స్ ఇచ్చారు.

తన పాత్ర ఓవర్ గా ఎమోషన్స్ పలుకుతూ కాకుండా, చాలా బ్యాలెన్స్ ఉన్న అమ్మాయి లాగా ఉంటుంది. ఈ పాత్రలో చాలా బాగా నటించారు. మిగిలిన వాళ్ళందరూ కూడా తమ పాత్రలకి తగ్గట్టు నటించారు కానీ కొన్ని పాత్రలు రాసుకున్న విధానం, వాళ్ల సీన్స్ రాసుకున్న విధానం అంత బాగా అనిపించదు. ముఖ్యంగా రాహుల్ రవీంద్రన్ ట్రాక్ అయితే అసలు అర్థం కూడా కాదు. అది లేకపోయినా సినిమా బాగుండేది. సెకండ్ హాఫ్ లో ఎడిటింగ్ పరంగా కొన్ని సీన్స్ ఎడిట్ చేసి ఉన్నా కూడా ఇంకా బాగుండేది అనిపిస్తుంది. పాటలు బాగున్నాయి.

సినిమాలో 16 పాటలు ఉన్నాయి అని అన్నారు. కానీ అన్ని ఎక్కువ పాటలు ఉన్నట్టు అనిపించదు. సినిమా నడుస్తూనే ఉంటుంది. బ్యాక్ గ్రౌండ్ లో పాటలు ప్లే అవుతూ ఉంటాయి. విష్ణుశర్మ, జ్ఞాన శేఖర్ సినిమాటోగ్రఫీ బాగుంది. లొకేషన్స్ చాలా బాగా చూపించారు. సినిమాలో ఫ్రేమ్స్ కూడా చాలా కలర్ ఫుల్ గా ఉంటాయి. ఒక రకంగా చెప్పాలి అంటే సినిమాకి సినిమాటోగ్రఫీ ఒక మంచి ఫీల్ యాడ్ చేసింది. నిర్మాణ విలువలు చాలా బాగున్నాయి. సెకండ్ హాఫ్ లో ఇంకా కొంచెం జాగ్రత్త తీసుకుని ఉంటే బాగుండేది అనిపిస్తుంది.

ప్లస్ పాయింట్స్ :

  • స్టోరీ పాయింట్
  • కామెడీ సీన్స్
  • సినిమాటోగ్రఫీ
  • నిర్మాణ విలువలు

మైనస్ పాయింట్స్:

  • సెకండ్ హాఫ్ లో కొన్ని సీన్స్
  • ఎడిటింగ్

రేటింగ్ :

2.75/5

ట్యాగ్ లైన్ :

ఒక మంచి ఫీల్ గుడ్ సినిమాలు వచ్చి చాలా కాలం అయ్యింది. కథ కొత్తగా ఉంటుంది అని అనుకోకుండా, ఇలాంటి ఫీల్ గుడ్ ఎమోషనల్ సినిమాలు ఇష్టపడే వారికి మాత్రం మనమే సినిమా ఒక మంచి ఎంటర్టైనర్ గా నిలుస్తుంది.

watch trailer :

Filmy AddaMovie ReviewsViral

SATYABHAMA REVIEW : “కాజల్ అగర్వాల్” నటించిన ఈ సినిమా అలరించిందా..? స్టోరీ, రివ్యూ & రేటింగ్.!

by Mohana Priya
written by Mohana Priya

కొంత కాలం విరామం తర్వాత కాజల్ అగర్వాల్ మళ్లీ సత్యభామ సినిమాతో ప్రేక్షకుల ముందుకి వచ్చారు. ఈ సినిమాలో కాజల్ అగర్వాల్ పోలీస్ పాత్రలో నటించారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

  • చిత్రం : సత్యభామ
  • నటీనటులు : కాజల్ అగర్వాల్, నవీన్ చంద్ర, ప్రకాష్ రాజ్.
  • నిర్మాత : బాబీ తిక్క, శ్రీనివాస్ రావు తక్కలపెల్లి
  • దర్శకత్వం : సుమన్ చిక్కాల
  • సంగీతం : శ్రీచరణ్ పాకాల
  • విడుదల తేదీ : జూన్ 7, 2024

satyabhama movie review

స్టోరీ :

సత్య అలియాస్ సత్యభామ (కాజల్ అగర్వాల్) షీ టీంలో ఏసీపీ గా పనిచేస్తుంది. రైటర్ అయిన అమరేందర్ (నవీన్ చంద్ర) ని ప్రేమించి పెళ్లి చేసుకుంటుంది. ఎలాంటి తప్పు చేసిన వారి నుండి అయినా సరే నిజాన్ని రాబట్టగల సత్తా ఉన్న సత్యభామ, వ్యక్తిగత జీవితానికంటే వృత్తికే ఎక్కువగా ప్రాధాన్యత ఇస్తూ ఉంటుంది. ఒక సమయంలో సత్యభామ హసీనా అనే అమ్మాయికి తన భర్త నుండి, అతను పెట్టే ఇబ్బందుల నుండి బయటకు రావడానికి సహాయం చేస్తుంది. కానీ ఆ తర్వాత హసీనా చనిపోయినట్టు తెలుసుకుంటుంది. హసీనా చనిపోవడానికి హసీనా భర్త యాదు (అనిరుధ్ పవిత్రన్) కారణం అని తెలుసుకుంటుంది. ఆ తర్వాత సత్యభామ ఏం చేసింది? యాదుని పట్టుకుందా? సత్యభామ ఎలాంటి సంఘటనలు ఎదుర్కొంది? అసలు సత్యభామ ఈ కేస్ ని ఇంత వ్యక్తిగతంగా ఎందుకు తీసుకుంది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఇలాంటి స్టోరీ ఉన్న సినిమాలు అంతకుముందు వచ్చాయి. కానీ ఇందులో కొంచెం డిఫరెంట్ గా తీశారు. విలన్ ఎవరు అని తెలియడానికి సినిమా అంతా కూడా సినిమాలో ఉన్న హీరో, హీరోయిన్ వెతుకుతూ ఉంటారు. కానీ ఈ సినిమాలో అలా కాదు. విలన్ ఎవరో అనేది ముందే తెలిసిపోతుంది. ఆ విలన్ ని పట్టుకోవడానికి సత్యభామ ఎలాంటి ప్రయత్నాలు చేసింది అనే విషయాలు ఈ సినిమాలో చూపించారు. లేడీ ఓరియంటెడ్ సినిమాలు చాలా తక్కువగా వస్తూ ఉంటాయి. అందులోనూ ఇలాంటి జానర్ లో ఇంకా తక్కువగా వస్తూ ఉంటాయి. ఈ సినిమా ఒక మంచి ప్రయత్నం. సినిమా ఫస్ట్ హాఫ్ మామూలుగా మొదలవుతుంది. అసలు సత్యభామ ఎలాంటి పోలీస్ అనేది ఈ సినిమాలో చూపించారు.

కానీ కథ ముందుకు వెళ్లే కొద్దీ ఒక్కొక్క పాత్ర పరిచయం అవ్వడం, వాళ్లకు వెనుక ఉన్న స్టోరీ చెప్పడం అనేది జరుగుతూ ఉంటుంది. తెలిసిన కథ. కానీ కొత్త టేకింగ్ చేయడానికి ప్రయత్నించారు. ఇంక పెర్ఫార్మెన్స్ విషయానికి వస్తే, కాజల్ అగర్వాల్ ఈ సినిమా కోసం ఎంత కష్టపడ్డారు అనేది సినిమా చూస్తే అర్థమవుతుంది. డూప్ లేకుండా స్టంట్స్ చేశారు. ఇది చిన్న విషయం కాదు. ఈ సినిమా కోసం ప్రత్యేకంగా ట్రైనింగ్ కూడా తీసుకున్నారు కాజల్. నవీన్ చంద్రతో ఉండే ఒక ఎమోషనల్ సీన్ లో చాలా బాగా నటించారు. సినిమాకి ప్రధాన బలంగా నిలిచారు.

నవీన్ చంద్ర కూడా తన పాత్ర పరిధి మేరకు నటించారు. మిగిలిన వాళ్ళు అందరూ కూడా తమ పాత్రలకి తగ్గట్టు నటించారు. సినిమాలో ప్రకాష్ రాజ్, నాగినీడు, అంకిత్ కొయ్య, హర్షవర్ధన్ ఇలా చాలా మంది నటీనటులు ఉన్నారు. వాళ్ళందరూ మనకు తెలిసిన వాళ్లే. వాళ్ల పాత్రకి ఎంత కావాలో వాళ్ళు అంత చేశారు. శ్రీ చరణ్ పాకాల అందించిన పాటలు బాగున్నాయి. కానీ, పాటలు కొన్ని చోట్ల అనవసరంగా పెట్టినట్టు అనిపిస్తాయి. సత్యభామ తాను అలా చేయడానికి కారణం ఏంటి అనేది చెప్తుంది. కానీ, అది ఎమోషనల్ గా కనెక్ట్ అయినట్టు అనిపించదు. ఎడిటింగ్ బాగుంది.

టెక్నికల్ గా ఈ సినిమా చాలా బాగుంది. కొన్ని యాక్షన్ సీన్స్ బాగా డిజైన్ చేశారు. నిర్మాణ విలువల క్వాలిటీ కూడా తెలుస్తోంది. ప్రతి ఫ్రేమ్ చాలా హై క్వాలిటీలో కనిపిస్తుంది. విష్ణు బేసి అందించిన సినిమాటోగ్రఫీ కూడా సినిమా టోన్ ఎలివేట్ చేసేలాగా ఉంటుంది. తెలిసిన కథ అయినా కూడా, కొన్ని చోట్ల బోర్ అనిపించినా కూడా, కొన్ని చోట్ల మాత్రం ఆసక్తికరంగా ఉంటుంది. ఎమోషనల్ కనెక్ట్ విషయంలో ఇంకా జాగ్రత్త తీసుకొని ఉంటే బాగుండేది అనిపిస్తుంది.

ప్లస్ పాయింట్స్ :

  • భారీ తారాగణం
  • కాజల్ అగర్వాల్
  • యాక్షన్ సీన్స్
  • నిర్మాణ విలువలు

మైనస్ పాయింట్స్:

  • తెలిసిన కథ
  • ఎమోషన్స్ లో బలం

రేటింగ్ :

2.75/5

ట్యాగ్ లైన్ :

కథ నుండి పెద్దగా అంచనాలు పెట్టుకోకుండా, కాజల్ అగర్వాల్ ని కొత్త పాత్రలో చూడాలి అని అనుకునే వారికి, అసలు ఇలాంటి కాన్సెప్ట్ ని ఈ సినిమాలో ఎలా చూపించారు అని తెలుసుకోవాలి అని అనుకునే వారికి సత్యభామ ఒక్కసారి చూడగలిగే డీసెంట్ సినిమాగా నిలుస్తుంది.

 watch trailer :

Filmy Adda

మెగాస్టార్ చిరంజీవి ‘బావగారూ బాగున్నారా’ మూవీ హీరోయిన్ రచన ఇప్పుడు ఎలా ఉందో తెలుసా?

by Sainath Gopi
written by Sainath Gopi

సిల్వర్ స్క్రీన్ పై తమ అందం, అభినయంతో ఆడియెన్స్ మనసుల్లో ప్రత్యేక స్థానం ఏర్పరుచుకున్న హీరోయిన్స్ ఎంతో మంది ఉన్నారు. నటనకు అవకాశం ఉన్న క్యారెక్టర్స్ లో తమదైన శైలిలో ఎన్నో విజయవంతమైన సినిమాలలో నటించి ఆకట్టుకుంటారు. టాలీవుడ్ లో అగ్ర హీరోలతో నటించి, హిట్స్ అందుకున్న కథానాయకలు వివాహం తర్వాత ఇండస్ట్రీకి దూరం అయ్యారు.

కొందరు హీరోయిన్స్ సెకండ్ ఇన్నింగ్స్ మొదలు పెట్టి  అక్క, వదిన లాంటి పాత్రలలో  రాణిస్తున్నారు. కొందరు హీరోయిన్స్ మాత్రం వారి ఫ్యామిలీకే పరిమితమయ్యారు. అలా పెళ్లి చేసుకుని సినిమాలకు దూరమైన హీరోయిన్స్ లో  రచన ఒకరు. కొద్ది సమయంలోనే  తెలుగు ఆడియెన్స్ కి  చేరువ అయ్యింది. మెగాస్టార్ చిరంజీవి, మోహన్ బాబు, శ్రీకాంత్ లాంటి అగ్ర హీరోలతో నటించింది. ఇప్పుడు ఆమె ఏం చేస్తుందో చూద్దాం..
కోల్ కతాలో జన్మించిన రచన అసలు పేరు జుం జుం బెనర్జీ. సినిమాల్లోకి వచ్చాక తన పేరును రచనగా మార్చుకుంది. ఆమె తెలుగు, హిందీ, కన్నడ, తమిళ, ఒడియా భాషలలో హీరోయిన్ గా చేసింది. దర్శకుడు ఇ.వి.వి.సత్యనారాయణ నేను ప్రేమిస్తున్నాను సినిమా ద్వారా రచన  తెలుగు ఇండస్ట్రీలో అడుగు పెట్టింది. ఆ సినిమా హిట్ అవడంతో తెలుగులో రచనకు వరుసగా ఆఫర్స్ వచ్చాయి. అలా ఆమె కన్యాదానం, బావగారు బాగున్నారా, పవిత్ర ప్రేమ, రాయుడు, సుల్తాన్, మావిడాకులు, లాహిరి లాహిరి లాహిరిలో చిత్రాలలో నటించి గుర్తింపు సంపాదించుకుంది.
వెంకటేష్ హీరోగా వచ్చిన సూర్యవంశం మూవీలో సంఘవి చేసిన పాత్రని, హిందీలో రచన చేసింది. సినిమాలతో బిజీగా ఉన్నప్పుడే రచన 2007 లో ప్రోబల్ బసు అనే వ్యక్తిని వివాహం చేసుకుంది. పెళ్లి తరువాత ఇండస్ట్రీకి దూరం అయ్యింది. ఈ జంటకి ఒక బాబు. సినిమాలకు దూరంగా ఉన్నప్పటికీ రచన సమహిక మధ్యమాలలో మాత్రం యాక్టివ్ గానే ఉంటోంది. తరచుగా ఫ్యామిలీ ఫోటోలను షేర్ చేస్తోంది. ఆ ఫోటోస్ లో రచనని చూసినవారు ఆమెకి 50 ఏళ్ళు అంటే నమ్మలేకపోతున్నారు. ఈ వయసులోనూ అంతే అందంతో కనిపిస్తోంది.
Also Read:KABZAA MOVIE REVIEW : కన్నడ హీరో “ఉపేంద్ర” నటించిన కబ్జ హిట్టా..? ఫట్టా..? స్టోరీ, రివ్యూ & రేటింగ్.!

 

Filmy AddaOTT Releases

ఒక్క ఫోన్ కాల్ వల్ల ఇన్ని సమస్యలు వస్తాయా..? OTT లో ట్రెండ్ అవుతున్న ఈ సినిమా చూశారా..?

by Sainath Gopi
written by Sainath Gopi

మలయాళం నుండి మరొక సినిమా తెలుగులో డబ్ అయ్యి విడుదల అయ్యింది. ఈ సినిమా పేరు కీచురాళ్ళు. రాహుల్ రాజి నాయర్ దర్శకత్వం వహించిన ఈ సినిమాలో, రజీషా విజయన్ హీరోయిన్ గా నటించారు. 2022 లో కీడమ్ అనే పేరుతో మలయాళం లో ఈ సినిమా విడుదల అయ్యింది. ఇప్పుడు ఈ సినిమాని తెలుగులో ఈటీవీ విన్ యాప్ లో కీచురాళ్ళు పేరుతో విడుదల చేశారు. ఇంక ఈ సినిమా కథ విషయానికి వస్తే, రాధిక (రజీషా విజయన్) ఒక సైబర్ సెక్యూరిటీ ఎక్స్పర్ట్. పోలీస్ డిపార్ట్మెంట్ వారికి ఎన్నో విషయాల్లో కేస్ పరిష్కరించడానికి సహాయం చేస్తుంది. రాధిక తండ్రి ఒక లాయర్.

movie

తర్వాత రాధికకి ఒక రోజు ఫ్రిడ్జ్ రిపేర్ రావడంతో ఒక అతనికి ఫోన్ చేస్తుంది. అతను మాట్లాడే మాటలు రాధికకి నచ్చవు. అందుకే ఫోన్ కట్ చేస్తుంది. కానీ ఆ వ్యక్తి మాత్రం రాధిక ఫోటోలు అన్నీ ఫేస్ బుక్ లో చూసి ఆమె వెనకాల పడటం మొదలు పెడతాడు. మెసేజెస్ పంపిస్తూ ఉంటాడు. కానీ అతను అందరూ అనుకున్నట్టుగా ఫ్రిడ్జ్ రిపేర్ చేసే వ్యక్తి కాదు. ఈ విషయాలన్నీ రాధిక ఎలా కనిపెట్టింది అనేది మిగిలిన కథ. కేవలం రాధిక అనే ఒక పాత్ర చుట్టూ సినిమా తిరుగుతుంది. ఇది ఒక ఫిమేల్ ఓరియెంటెడ్ సినిమా. ఈ సినిమాలో తన పాత్రలో అంతే బాగా నటించారు రజీషా విజయన్.

లొకేషన్స్ కూడా చాలా తక్కువగానే ఉంటాయి. ఈ కాలంలో జరిగే చాలా విషయాల మీద ఈ సినిమా ఫోకస్ చేస్తుంది. మధ్య మధ్యలో కొన్ని సీన్స్ సాగదీసినట్టు అనిపించినా కూడా సినిమా అంతా కూడా ఒకే విషయం మీద సాగుతుంది. దాంతో సినిమా చూసే వారికి తర్వాత ఏమవుతుంది అనేది తెలుసుకోవాలి అనిపిస్తుంది. ప్రస్తుతం ఈ సినిమాకి చాలా మంచి స్పందన వస్తోంది. ఈ తరం వాళ్ళని ఉద్దేశించి ఈ సినిమా తీసినా కూడా కుటుంబం అంతా కలిసి చూసే విధంగా సినిమాని రూపొందించారు. అందుకే అందరూ చూసి ఈ సినిమా బాగుంది అంటూ కామెంట్స్ చేస్తున్నారు.

 

Filmy Adda

ఈ ఫోటోలో ఉన్న పిల్లాడు ఇప్పుడు దేశం గర్వించదగ్గ నటుడు అయ్యాడు..! ఎవరో తెలుసా..?

by Sainath Gopi
written by Sainath Gopi

సినీ సెలబ్రెటీల పుట్టిన రోజు లేదా వారికి సంబంధించిన ప్రత్యేకమైన రోజు అయినా వారి రేర్ ఫొటోలు సోషల్‌ మీడియాలో వైరల్ అవుతుంటాయి. ముఖ్యంగా స్టార్ హీరో, హీరోయిన్ల చిన్నప్పటి ఫొటోలు ఎక్కువగా నెట్టింట్లో చక్కర్లు కొడుతుంటాయి. స్టార్స్‌ సైతం అప్పుడప్పుడు వారి చిన్ననాటి ఫోటోలను అభిమానులతో షేర్‌ చేసుకుంటారు.

నెటిజన్లు తమ అభిమాన హీరోహీరోయిన్ల చిన్ననాటి ఫోటోలను చూసేందుకు చాలా ఇంట్రెస్ట్ చూపిస్తుంటారు. గత కొద్ది రోజులుగా నెట్టింట్లో త్రో బ్యాక్‌ ట్రెండ్‌ కొనసాగుతోంది. ఈ క్రమంలో స్టార్‌ హీరో ఫోటో సోషల్ మీడియాలో చక్కర్లు కొడుతోంది. పై ఫొటోలో గ్రీన్ షర్ట్ వేసుకున్న అబ్బాయి ఇప్పుడు సౌత్ లో స్టార్‌ హీరో. అతనెవరో ఇప్పుడు చూద్దాం..
ఈ హీరో కోలీవుడ్ లో అతి తక్కువ సమయంలోనే స్టార్ హీరోగా ఎదిగారు. కంటెంట్‏కు చాలా ప్రాధాన్యత ఇస్తూ, కొత్త స్టోరీలకు మద్దతిస్తూ, కథ నచ్చితే ఆ క్యారెక్టర్ కోసం ఎలాంటి రిస్క్ చేయడానికైనా రెడీ అయ్యే తమిళ హీరో. రజినీ కాంత్ మరియు కమల్ హాసన్ లను కలిపితే ఆ హీరో అని అక్కడి ఆడియెన్స్ పిలుస్తారు. రీసెంట్ గా తెలుగులో హిట్ అందుకున్నాడు.  హాలీవుడ్ సినిమాలో సైతం నటించాడు.
సౌత్, నార్త్ అనే తేడా లేకుండా సినిమాలలో నటిస్తూ ఆడియెన్స్ ని మెప్పిస్తున్నాడు. ఇప్పటికే ఆ హీరో ఎవరో అర్థమై ఉంటుంది. పై ఫొటోలో ఉన్న హీరో మరెవరో కాదు సౌత్ సూపర్ స్టార్ ధనుష్. సార్ మూవీతో టాలీవుడ్ లో విజయాన్ని అందుకున్న, ధనుష్ శేఖర్ కమ్ముల దర్శకత్వంలో మరో తెలుగు సినిమా చేయనున్నారు.
పాన్ ఇండియా సినిమా కెప్టెన్ మిల్లర్‌తో ఆడియెన్స్ ను పలకరించడానికి రెడీ అవుతున్నారు. ఈ మూవీ విడుదల కాకముందే మరో రెండు చిత్రాలను పట్టాలెక్కించారు. ఇటీవలే బాలీవుడ్ దర్శకుడు ఆనంద్‌ ఎల్ రాయ్ దర్శకత్వంలో హ్యాట్రిక్ సినిమాని ప్రకటించారు. అలాగే తన స్వీయ దర్శకత్వంలో 50వ చిత్రాన్ని కూడా ధనుష్‌ ప్రారంభించారు.

Filmy AddaOff Beat

కిరాక్ ఆర్పీ “నెల్లూరు పెద్దారెడ్డి చేపల పులుసు” హోటల్ లో ఐటమ్స్ ధరలు ఎంతో తెలుసా..? వీటి ప్రత్యేకత ఏంటి..?

by Sainath Gopi
written by Sainath Gopi

జబర్దస్త్ ద్వారా ఫేమస్ అయిన కమెడియన్స్ లో కిరాక్ ఆర్పీ ఒకరు. జబర్దస్త్ షోలో ఎన్నో సంవత్సరాలు అలరించి, ఆ తర్వాత వ్యాపార రంగంలోకి అడుగు పెట్టారు. నెల్లూరు పెద్దా రెడ్డి చేపల పులుసు పేరుతో ఒక హోటల్ మొదలు పెట్టారు. తర్వాత దీనికి బ్రాంచెస్ కూడా విస్తరించారు. ఎంతో మంది సెలబ్రిటీలు దీనికి ప్రచారం చేశారు.

ఎన్నో ఇంటర్వ్యూలు కూడా ఇచ్చి, తమ హోటల్ గురించి ఆర్పీ చాలా సార్లు చెప్పారు. అయితే, ఈ హోటల్ మీద ఒక సమయంలో ఒక కామెంట్ ఎక్కువగా వచ్చింది. “ఇందులో ధరలు ఎక్కువగా ఉన్నాయి” అంటూ కామెంట్స్ చేశారు. ఇందులో ధరలు చూసుకుంటే,

where is jabardasth kirrak rp

# రవ్వ – 2 పీసెస్ కి 235 రూపాయలు, 4 పీసెస్ కి 450 రూపాయలు.

# కొరమీను – 3 పీసెస్ కి 390 రూపాయలు, 5 పీసెస్ కి 650 రూపాయలు.

# సన్న చేపలు – హాఫ్ అయితే 260 రూపాయలు-6 పీసెస్, ఫుల్ అయితే 520 రూపాయలు 12 పీసెస్.

# బొమ్మిడాయి – హాఫ్ 390 రూపాయలు, ఫుల్ 650 రూపాయలు.

# తలకాయ కూర – 2 పీసెస్ 195 రూపాయలు, 4 పీసెస్ 390 రూపాయలు.

# రాగి సంగటి – 95 రూపాయలు.

# వైట్ రైస్ – హాఫ్ 65 రూపాయలు, ఫుల్ 130 రూపాయలు.

kirak rp hotel menu rates

image source : Zomato (Nelluru Pedda Reddy Chepala Pulusu)

ఈ ధరలు అన్నీ కూడా అమీర్ పేట్ లో ఉన్న నెల్లూరు పెద్దా రెడ్డి చేపల పులుసు హోటల్ లో ఉన్న ధరలు.  ఈ ధరలపై కామెంట్స్ రావడంతో ఆర్పీ మాట్లాడుతూ క్లారిటీ ఇచ్చారు. “ఇది నా వ్యాపారం. నా రేట్లు ఇంతే. కారు కొనుక్కోవాలి అనుకున్న వాళ్లు ఎవరి సామర్థ్యాన్ని బట్టి వాళ్ళు కొనుక్కుంటారు. అలాగే నా దగ్గర ఉన్న వంటలని కూడా కొనగలిగే సామర్థ్యం ఉన్నవాళ్లు మాత్రమే కొనుక్కుంటారు. తక్కువ రేటు అని చెప్పి ఎలా పడితే అలా ఇవ్వలేము. వంటకాల కోసం మేము క్వాలిటీ ఎక్కువగా ఉన్న పదార్థాలని వాడతాము.”

kirak rp hotel menu rates

image source : Zomato (Nelluru Pedda Reddy Chepala Pulusu)

“నా చేపల పులుసు అందుబాటులో ఉంటే తినాలి. లేకపోతే వద్దు. కొంత మంది కావాలి అని నా భోజనం గురించి తప్పుడు ప్రచారం చేస్తున్నారు. 100 రూపాయలు జేబులో పెట్టుకొని వచ్చి 1000 రూపాయల ఆహారం కావాలి అంటే వస్తుందా? మా చేపల పులుసు తినండి అని నేను ఎవరిని బ్రతిమలాడను. నేను కూడా ఒక వ్యవసాయ కుటుంబం నుండి వచ్చాను. ఎంత రేటు పెట్టాలి అనే విషయం నాకు తెలుసు. నా చేపల పులుసు మీద నాకు నమ్మకం ఉంది. ఎవరెన్ని చేసినా సరే. ఐ డోంట్ కేర్” అని ఆర్పీ చెప్పారు.

ALSO READ : అంబానీ వేడుకలకి టాలీవుడ్ నుండి “రామ్ చరణ్” ఒక్కరినే ఎందుకు పిలిచారు..? కారణం ఏంటంటే..?

Newer Posts
Older Posts