Filmy Adda

ఏషియన్ సినిమాస్ ప్రముఖ హీరోలతో కలిసి మల్టీప్లెక్స్ నిర్మాణం చేపట్టిన విషయం తెలిసిందే. ఏషియన్ సంస్థ సూపర్ స్టార్ మహేశ్ బాబుతో కలిసి ఆధునిక హంగులతో ‘ఏఎంబీ’ మల్టీప్లెక్స్ ను గచ్చిబౌలిలో నిర్మించారు.

ఇటీవల ఏషియన్ సంస్థ ఐకాన్ స్టార్ అల్లు అర్జున్ తో కలిసి ‘ఎఎఎ’ సినిమాస్ పేరుతో నిర్మించిన మల్టీప్లెక్స్ ను ప్రారంభించారు. అయితే ఈ రెండు మల్టీప్లెక్స్ లను పోలుస్తూ, రెండింటిలో ఏఎంబీ సినిమాస్ బెటర్ అని అంటున్నారు. ఆ వివరాలు ఏమిటో ఇప్పుడు చూద్దాం.. హైదరాబాద్ లోని ప్రముఖ మల్టీప్లెక్స్ లలో ఏఎంబీ సినిమాస్ ఒకటి. ఏఎంబీ మల్టీప్లెక్స్ కు ఆడియెన్స్ లో ఉన్న క్రేజ్ అంతా ఇంతా కాదు. ఈ మల్టీప్లెక్స్ లో రిలీజ్ అయిన సినిమాలకు బుకింగ్స్ ఒక రేంజ్ లో ఉంటాయి. మహేష్ ఇమేజ్ ఈ మల్టీప్లెక్స్ కు ప్లస్ గా మారింది. ఏఎంబీ మల్టీప్లెక్స్ లో చాలా ప్రత్యేకతలు ఉండటంతో కొత్త సినిమాల ప్రీమియర్ షోలు కూడా ప్రదర్శిస్తున్నారు. అలాగే చిత్రాలకు సంబంధించిన చిన్నచిన్న వేడుకలను కూడా ఏఎంబీ మల్టీప్లెక్స్ లో నిర్వహిస్తున్నారు.
ఇటీవల అమీర్ పేట్ లో అల్లు అర్జున్ ‘ఎఎఎ’ సినిమాస్ ప్రారంభించారు. అత్యాధునిక హంగులతో ఎఎఎ మల్టిప్లెక్స్ ను నిర్మించారు. కొత్తగా నిర్మించిన ఎఎఎ సినిమాస్ ను ఏఎంబీ సినిమాస్ తో పోలుస్తూ సోషల్ మీడియాలో నెటిజెన్లు తమ అభిప్రాయాలను చెప్తున్నారు. ఎఎఎ మల్టీప్లెక్స్ బాగానే ఉన్నప్పటికీ, ఏఎంబీ సినిమాస్ మల్టీప్లెక్స్ ఓ మెట్టు పైనే ఉందని ఈ రెండు మల్టీప్లెక్స్ లలో మూవీస్ చూసిన వారు కామెంట్లు చేస్తున్నారు. ఎఎఎ సినిమాస్ మల్టీప్లెక్స్ లో ఉన్న ఎల్ఈడీ లైట్ల వెలుగు కళ్ళకు ఇబ్బంది కలిగేలా ఉందని అంటున్నారు. ఇందులో ఉన్న చిన్నచిన్న లోపాలను సరిదిద్దితే ఎఎఎ సినిమాస్ కు ఎదురు ఉండదని కొంతమంది కామెంట్లు  చేస్తున్నారు. ఈ మల్టీప్లెక్స్ అమీర్ పేట్ లో నిర్మించడం ప్లస్ గా మారింది.

Also Read: తమ సినిమాల్లో తామే నటించిన 11 మంది డైరెక్టర్లు…వీరిలో ఎంతమందిని మీరు గమనించారు?

సెకండ్ ఇన్నింగ్స్ మొదలు పెట్టిన తర్వాత వాల్తేరు వీరయ్య రూపంలో భారీ హిట్ అందుకున్న చిరు ప్రస్తుతం వరుస సినిమాలతో దూసుకెళ్తున్నారు. అయితే ఈ నేపథ్యంలో చిరంజీవి నటిస్తున్న ‘భోళా శంకర్’ టీజర్ ఎంతో కోలాహలంగా రిలీజ్ అయింది.

చిరంజీవి నుంచి మంచి మాస్ ట్రీట్ వస్తుంది అని ఎంతో ఆశతో ఎదురుచూసిన అభిమానులు టీజర్ విషయంలో కాస్త నిరాశకు గురి అయ్యారు.భోళా శంకర్ టీజర్ కు ప్రస్తుతం మిశ్రమ స్పందన వ్యక్తం చేస్తున్నారు. కొందరు అభిమానులు టీజర్ పట్ల పాజిటివ్‌గా స్పందిస్తున్న మరికంత మంది మాత్రం చిరంజీవి మూవీ అంటే పెద్ద ట్విస్ట్ ఎక్స్పెక్ట్ చేశాము…ఇందులో కొత్త ఏముంది అని విమర్శిస్తున్నారు.

టీజర్ లో కొత్తగా ఏమి లేదు…ప్రతి సీన్ ఇంతకుముందు ఎక్కడో చూసినట్లుగానే అనిపిస్తుంది…డైలాగ్స్ కూడా ఎక్స్పెక్ట్ చేసినంత డిఫరెంట్ గా లేవు…మామూలు మాస్ సినిమా లాగే ఉంది కానీ బాస్ సినిమా లాగా లేదు. మరి ముఖ్యంగా వచ్చిరాని తెలంగాణ స్లాంగ్‌లో విచిత్రంగా చిరంజీవి పలికిన డైలాగ్స్ ప్రస్తుతం ట్రోలింగ్ ఎదుర్కొంటున్నాయి.

తమ అభిమాన నటుడు అలాంటి డైలాగ్స్ చెప్పడం జీర్ణించుకోలేని అభిమానులు ఆ డైలాగ్స్ పై రకరకాల మీమ్స్ చేసి సోషల్ మీడియాలో పోస్ట్ చేస్తున్నారు. నిజానికి చిరంజీవి డైలాగ్ చెబుతూ ఉంటే థియేటర్ మొత్తం విజిల్స్ తో మారు మోగుతుంది …అలాంటి చిరంజీవి సాగదీసినట్లు డైలాగులు పలుకుతుంటే వినడానికి విచిత్రంగా ఉంది.

చిరుకి సెట్ అయ్యే విధంగా మామూలు స్లాంగ్‌లో డైలాగ్ రాస్తే మరింత బాగుండేది అని అభిమానులు తమ అభిప్రాయాన్ని వ్యక్తం చేస్తున్నారు. రీసెంట్ గా విడుదలైన వాల్తేర్ వీరయ్యలో చిరు డైలాగ్స్ ఓ రేంజ్ లో ఉన్నాయి.. ఇప్పుడు ఈ మూవీలో కూడా అదే రేంజ్ ఎక్స్పెక్ట్ చేసిన ప్రేక్షకులు మొదట టీజర్ తో నిరాశకు గురి అయ్యారు. మరి ఈ నేపథ్యంలో చిత్రంపై దీని ప్రభావం ఎంతవరకు ఉంటుందో అన్నది ఆలోచించాల్సిన విషయం.

ALSO READ : “మెగాస్టార్ చిరంజీవి” కెరీర్‌లో టాప్ హిట్ అయిన ఈ 15 సినిమాలు… “రీమేక్స్” అని తెలుసా..?

డైరెక్టర్ ఓంరౌత్‌ దర్శకత్వంలో యంగ్ రెబల్‌ స్టార్ హీరో ప్రభాస్‌, కృతిసనన్‌ నటించిన సినిమా ‘ఆదిపురుష్‌’. రిలీజ్ కు ముందు నుండి ఈ చిత్రం విమర్శలకు, వివాదాలకు గురవుతోంది. ఈ చిత్రాన్ని రామాయణం ఆధారంగా రూపొందించిన విషయం తెలిసిందే. జూన్ 16న మూవీ రిలీజ్ అయినప్పటి నుండి ఆదిపురుష్ సినిమా తీవ్ర విమర్శలు ఎదుర్కొంటోంది.

కొందరు ఆదిపురుష్ పై సానుకూలంగా స్పందిస్తుంటే, చాలామంది రామాయణాన్ని ఆదిపురుష్‌ పేరుతో అపహాస్యం చేస్తున్నారని, ఏ మాత్రం అవగాహన లేకుండా ఈ చిత్రాన్ని తీశారని ఆగ్రహం వ్యక్తం చేస్తున్నారు. సామాన్యుల నుంచి సినీ, రాజకీయ ప్రముఖుల వరకు తీవ్రంగా విమర్శలు చేస్తున్నారు.
హనుమంతుడి డైలాగ్స్ పై తీవ్ర అభ్యంతరం రావడంతో చిత్రబృందం ఆ డైలాగ్స్ ను మార్చిన సంగతి తెలిసిందే. మూవీలోని కొన్ని సన్నివేశాల పట్ల మండిపడుతున్నారు. ముఖ్యంగా రావణుడి పాత్ర తీరు పై విమర్శలు చేస్తున్నారు. ఈ పాత్రలో బాలీవుడ్ హీరో సైఫ్ అలీ ఖాన్ నటించారు. ఇక ఇంద్రజిత్ సీతాదేవి గొంతు కోసినట్టు ఒక సీన్ లో చూపించారు. ఇది ఫిక్షన్. కొందరు రాజకీయ నేతలు ఏవేవో ఊహించుకుని రామాయణం మార్చేస్తారా అంటూ ఫైర్ అవుతున్నారు.  తాజాగా ఈ సినిమా పై భారత మాజీ క్రికెటర్ వీరేంద్ర సెహ్వాగ్‌ ట్వీట్ చేశారు. “ఆదిపురుష్‌ మూవీ చూసిన అనంతరం బాహుబలిని కట్టప్ప ఎందుకు చంపాడో అర్థమైందంటూ” ట్వీట్‌ చేశాడు. సెహ్వాగ్ ట్వీట్ పై నెటిజన్లు భిన్నమైన అభిప్రాయాలను వ్యక్తం చేస్తున్నారు. ఈ ట్వీట్‌ పై సెహ్వాగ్‌ను కొందరు ట్రోల్‌ చేస్తుంటే, కొందరు కాస్త బెటర్‌గా తీయాల్సింది అని సెహ్వాగ్‌ కు మద్ధతిస్తున్నారు.ప్రభాస్ అభిమానులు సెహ్వాగ్ చేసిన కామెంట్ పై ఆగ్రహం వ్యక్తం చేస్తున్నారు. ఆదిపురుష్ మూవీని అంగీకరించినందుకే బాహుబలి (ప్రభాస్)ను కట్టప్ప చంపాడు అనే అర్థంతో ఈ ట్వీట్ చేశారని ప్రభాస్ అభిమానులు సెహ్వాగ్‌  పై ఫైర్ అవుతున్నారు. అరె మీరూ మొదలుపెట్టారా అంటూ అభిమానులు తిట్టిపోస్తున్నారు.

Also Read: “వెతుక్కోవలసిన అవసరం లేదు… పాడు చేయకుండా ఉంటే చాలు..!” అంటూ… “రావణాసురుడి” పై జూనియర్ ఎన్టీఆర్ కామెంట్స్..!

ప్రముఖ కొరియోగ్రాఫర్ రాకేష్ మాస్టర్ ఇటీవల తుది శ్వాస విడిచిన సంగతి తెలిసిందే. రాకేష్ మాస్టర్ ఎన్నో సినిమాల్లో ఎన్నో హిట్ పాటలకి కొరియోగ్రఫీ చేశారు. రాకేష్ మాస్టర్ దగ్గర పనిచేసిన వారిలో ఇప్పుడు ఉన్న ఎంతో మంది ఫేమస్ కొరియోగ్రాఫర్స్ ఉన్నారు.

శేఖర్ మాస్టర్ లాంటివారు రాకేష్ మాస్టర్ తో కలిసి అంతకుముందు పని చేశారు. రాకేష్ మాస్టర్ ఈటీవీలో వచ్చిన ఢీ షో ద్వారా ప్రేక్షకులకు ఇంకా చేరువ అయ్యారు. అయితే ఆ తర్వాత కొన్నాళ్లు రాకేష్ మాస్టర్ ఎక్కడా కనిపించలేదు. సడన్ గా కొంత కాలం క్రితం సోషల్ మీడియా ద్వారా రాకేష్ మాస్టర్ మళ్ళీ ఫేమస్ అయ్యారు.

ఎన్నో యూట్యూబ్ ఛానల్స్ కి ఇంటర్వ్యూలు ఇచ్చి తన అభిప్రాయాలని తెలిపారు. తాను సినిమా ఇండస్ట్రీలో ఎన్ని ఇబ్బందులు ఎదుర్కొన్నాను అనేది కూడా రాకేష్ మాస్టర్ చెప్పారు. అయితే రాకేష్ మాస్టర్ చనిపోయినట్టు తెలియడంతో అందరూ దిగ్భ్రాంతికి గురయ్యారు. అప్పటి వరకు ఎన్నో ప్రోగ్రామ్స్ లో కనిపిస్తున్న రాకేష్ మాస్టర్ సడన్ గా మన మధ్య లేకపోవడం అందరినీ షాక్ కి గురి చేసింది.

రాకేష్ మాస్టర్ అంత్యక్రియల సమయంలో శేఖర్ మాస్టర్, జానీ మాస్టర్, గణేష్ మాస్టర్ తో పాటు రాకేష్ మాస్టర్ శిష్యులు ఎంతో మంది వెళ్లి చివరి చూపు చూశారు. అయితే రాకేష్ మాస్టర్ మృతి పైన చంద్రశేఖర్ అనే ఒక సీనియర్ సీరియల్ నటుడు దిగ్భ్రాంతి వ్యక్తం చేశారు. ప్రముఖ దర్శకుడు జంధ్యాల సుబ్రహ్మణ్య శాస్త్రి రూపొందించిన పోపుల పెట్టే అనే సీరియల్ ద్వారా చంద్రశేఖర్ పరిచయం అయ్యి ఆ తర్వాత ఎన్నో సినిమాల్లో కూడా నటించారు.

ఒకవైపు ప్రభుత్వ ఉద్యోగం చేస్తూనే, మరొకవైపు సినిమాల్లో సీరియల్స్ లో నటించారు. అయితే చంద్రశేఖర్ ఇప్పుడు రాకేష్ మాస్టర్ గురించి మాట్లాడారు. రాకేష్ మాస్టర్ మృతి పై చంద్రశేఖర్ మాట్లాడుతూ, “వ్యసనాలు మనిషిని పతనం చేస్తాయి” అని చెప్పారు. “అందుకే యువత వ్యసనాలకు దూరంగా ఉండాలి” అని అన్నారు. అంతే కాకుండా, “ఈ గ్లామర్ ఫీల్డ్ లో ఇలాంటి ఆకర్షణలు చాలా ఎక్కువగా ఉంటాయి” అని, “కొత్తగా వచ్చిన నటీనటులు ఇలాంటి వాటికి దూరంగా ఉండాలి” అని చంద్రశేఖర్ అన్నారు.

సినిమాలు అన్న తర్వాత కొన్ని సార్లు వివాదాలు రావడం సహజమైన విషయం. అయితే ఇటీవల వివాదానికి కేరాఫ్ అడ్రస్ అయిన సినిమా ప్రభాస్ హీరోగా నటించిన ఆదిపురుష్ సినిమా. సినిమా ట్రైలర్ ఎప్పుడు అయితే రిలీజ్ అయ్యిందో అప్పటి నుండి ఇప్పటివరకు సినిమాకి సంబంధించి ఏదో ఒక గొడవ అవుతూనే ఉంది.

సినిమా రిలీజ్ అయ్యే ముందు వచ్చిన ట్రైలర్ చూసిన ఎంతో మంది అప్పటికే చాలా కామెంట్స్ చేయడం మొదలు పెట్టారు. సరే ఏదో ఒక్క మంచి విషయం అయినా ఉండాలి కదా అన్నట్టు సినిమా రిలీజ్ అయ్యేంతవరకు ఆగుదాం అనుకున్నారు. కానీ సినిమా చూశాక ట్రైలర్ లో చూపించిన దాని కంటే ఇంకా ఎక్కువ కామెంట్స్ వస్తున్నాయి.

ఒకటి కాదు. రెండు కాదు. సినిమాలో చాలా నెగిటివ్ పాయింట్స్ ఉన్నాయి అంటూ కామెంట్స్ వస్తున్నాయి. అన్నిటికంటే ఎక్కువ కామెంట్స్ వస్తున్న ఒకటే ఒక విషయం. సైఫ్ అలీ ఖాన్ పోషించిన రావణాసురుడు పాత్ర రూపొందించిన విధానం. అసలు సైఫ్ అలీ ఖాన్ ని చూస్తే రావణాసురుడిలాగా అనిపించలేదు అని, అందుకు కారణం గెటప్ అంటూ కామెంట్స్ వచ్చాయి. దాంతో తెలుగులో అంతకుముందు రావణాసురుడి పాత్ర పోషించిన నటుల ప్రస్తావన ఇప్పుడు వస్తోంది.

అయితే జూనియర్ ఎన్టీఆర్ చేసిన కొన్ని కామెంట్స్ ఇప్పుడు చర్చల్లో నిలిచాయి. అది కూడా జూనియర్ ఎన్టీఆర్ ఎప్పుడో దాదాపు ఆరు సంవత్సరాల క్రితం మాట్లాడిన ఈ ఇంటర్వ్యూ ఇప్పుడు బయటికి వచ్చింది. జూనియర్ ఎన్టీఆర్ జై లవ కుశ సినిమాలో ఒక పాత్ర రావణాసురుడి పాత్ర ఆధారంగా రూపొందింది.

ఈ పాత్ర కోసం జూనియర్ ఎన్టీఆర్ ఎంత కష్టపడ్డారు అనే విషయాన్ని ఈ ఇంటర్వ్యూలో చెబుతూ, అసలు ఒక పాత్ర ,అది కూడా ఇలా పురాణాలకు సంబంధించిన రూపొందించిన పాత్రలు ఎలా ఉండాలి అనే విషయం పై మాట్లాడారు.ఇందులో జూనియర్ ఎన్టీఆర్ మాట్లాడుతూ, “పౌరాణికానికి సంబంధించిన పాత్రలు చేస్తున్నప్పుడు ఆ పాత్రల సమాచారం కోసం వెతుక్కోవాల్సిన అవసరం లేదు. కానీ అందులోని విషయాన్ని పాడు చేయకుండా ఉంటే చాలు” అని అన్నారు.

అంతే కాకుండా జూనియర్ ఎన్టీఆర్ ఈ విషయంపై ఇంకా మాట్లాడుతూ జై లవ కుశ సినిమా మొదలు అయ్యే ముందు జూనియర్ ఎన్టీఆర్ ఆనంద్ నీలకంఠన్ రాసిన అసుర అనే బుక్ చదివాను అని చెప్పారు. అందులో రావణుడు 18 లోకాలకు రాజు మాత్రమే కాకుండా, అసురులకి చక్రవర్తి కూడా. అంటే అన్ని లోకాలకు అధిపతి అయ్యాడు. అలా అవ్వడానికి ఆయనలో ఎంత నేర్పు ఉండాలి? అలాంటి వ్యక్తి కళ్ళు ఎలా ఉంటాయి? ఈ విషయాలన్నిటినీ తెలుసుకున్నాను అని జూనియర్ ఎన్టీఆర్ అన్నారు.

అంతే కాకుండా జూనియర్ ఎన్టీఆర్ ఇందులో ఇంకా మాట్లాడుతూ, “రావణాసురుడు ఎక్కడైనా నిలబడితే శత్రువు సైతం ఆయనని పొగిడేలాగా ఉండాలి. అలాంటి పాత్ర నేను చేసేటప్పుడు నేను ఎలా మాట్లాడాలి అనే విషయాలని తెలుసుకున్నాను” అని అన్నారు. ఈ ఇంటర్వ్యూ చూసిన వాళ్లు అందరూ కూడా జూనియర్ ఎన్టీఆర్ పాత్ర పై తీసుకున్న శ్రద్ధని మెచ్చుకుంటున్నారు.

watch video :

బాలీవు డైరెక్టర్ ఓం రౌత్ దర్శకత్వంలో వచ్చిన చిత్రం ఆదిపురుష్. ఈ సినిమా మొదటి షో నుండి మిక్స్డ్ టాక్ తెచుకుంది. ఈ మూవీ పై విమర్శలు, వివాదాలు వస్తున్నప్పటికి ఈ చిత్రం బాక్సాఫీస్ దగ్గర కలెక్షన్స్ భారీగా రాబడుతుంది.

ఈ సినిమాలో ప్రభాస్ రాముడిగా, సీతాదేవిగా కృతిసనన్, రావణుడుగా సైఫ్ అలీఖాన్, లక్ష్మణుడిగా సన్నీ సింగ్, హనుమంతుడిగా దేవదత్త నాగే నటించారు. అయితే ఈ చిత్రంలో ఇంద్రజిత్ పాత్రలో నటించిన నటుడు ఎవరో ఇప్పుడు చూద్దాం..
ఆదిపురుష్ సినిమాలో ఇంద్రజిత్ పాత్రలో నటించిన యాక్టర్ పేరు వత్సల్ శేత్. 1980 లో ఆగస్టు 5న వత్సల్ సేథ్ జన్మించాడు. వత్సల్, ఉత్పల్ షాంఘ్వీ గ్లోబల్ స్కూల్ లో ప్రాధమిక విద్యను పూర్తి చేసి, ముంబైలోని విలే పార్లేలోని గోకలిబాయి పునమ్‌చంద్ పీతాంబర్ హైస్కూల్‌లో తన ఇంటర్మీడియట్ ను పూర్తి చేశాడు. ముంబైలోని మిథిబాయి కాలేజీ నుండి గణితశాస్త్రంలో పట్టా పొందారు. వత్సల్ మొదట్లో సాఫ్ట్‌వేర్ ఇంజనీర్ కావాలనుకున్నాడు.
కాని జస్ట్ మొహబ్బత్‌లో అవకాశం రావడంతో బుల్లితెరపై అడుగుపెట్టాడు. ఆ తరువాత పలు టెలివిజన్ షోలలో నటించారు. ఆ ఆతరువాత బాలీవుడ్ సినిమాలలోనూ నటించాడు. 2004లో వచ్చిన టార్జాన్: ది వండర్ కార్‌ అనే చిత్రంలో రాజ్ చౌదరి అనే పాత్రను చేశాడు. ఇదే అతని మొదటి సినిమా. 2014లో వచ్చిన  థ్రిల్లర్ సిరీస్ ఏక్ హసీనా థీ, 2017లో లవ్-సాగా సిరీస్ హాసిల్ లో నటించి పాపులర్ అయ్యాడు. వత్సల్ నటుడు మాత్రమే కాదు మోడల్ కూడా. 2020లో వత్సల్ శేత్ టైమ్స్ మోస్ట్ డిజైరబుల్ మెన్‌ లిస్ట్ లో 36వ ప్లేస్ లో నిలిచాడు. వత్సల్ శేత్ తన సహనటి ఇషితా దత్తాను 2017 లో  వివాహం చేసుకున్నాడు. ఈ జంట తరచు విహారయాత్రలు చేస్తూ, వాటిని సోషల్ మీడియాలో పోస్ట్ చేయడం ద్వారా వార్తల్లో నిలుస్తుంటారు. తాజాగా రిలీజ్ అయిన ఆదిపురుష్ సినిమాలో ఇంద్రజిత్ గా నటించి, తెలుగు ఆడియెన్స్ కి ముందుకు వచ్చారు.

https://www.instagram.com/p/CoHoNdIryUD/?hl=en

Also Read: “మా నాన్న ఇలా కావడానికి కారణం వాళ్ళే..!”అంటూ… రాకేష్ మాస్టర్ కొడుకు కామెంట్స్..! ఏం అన్నారంటే..?

మెగా పవర్ స్టార్ రామ్ చరణ్, ఉపాసన దంపతులు ఇటీవల తల్లిదండ్రులు అయిన విషయం తెలిసిందే. వారికి ఒక అమ్మాయి పుట్టింది. దాంతో మెగా ఫ్యామిలీ అంతా కూడా ఘనంగా సంబరాలు చేసుకుంటోంది.

డెలివరీ అయిన తర్వాత హాస్పిటల్ లో ఉన్న ఉపాసన, పాపని చూడడానికి మెగా కుటుంబానికి చెందిన సభ్యులు అందరూ కూడా ఒక్కొక్కరిగా వెళ్లి వచ్చారు. చిరంజీవి కూడా ఈ విషయంపై మాట్లాడుతూ తనకు చాలా ఆనందంగా ఉంది అని తెలిపారు.

అయితే నిన్న ఉపాసన హాస్పిటల్ నుండి డిశ్చార్జ్ అయ్యారు. ఉపాసన, పాపతో పాటు రామ్ చరణ్ కూడా కలిసి వస్తున్న వీడియో సోషల్ మీడియాలో ఇప్పటికే చాలా వైరల్ అవుతోంది. ఈ సందర్భంగా రామ్ చరణ్ విలేఖరులతో మాట్లాడి వారు అడిగిన ప్రశ్నలకు సమాధానం చెప్పారు. తాను చాలా ఆనందంగా ఉన్నాను అని అన్నారు. ఒక విలేఖరి, “పాపకి ఎవరి పోలికలు వచ్చాయి?” అంటే, “నా పోలికలు వచ్చాయి” అని చెప్పారు.

అలాగే పాపకి పెట్టే పేరు విషయంపై కూడా ఇప్పటికే చాలా చర్చలు నెలకొన్నాయి. సెలబ్రిటీ పిల్లలు అంటే ఆ మాత్రం ఆసక్తి ఉండడం సహజమే. అది కూడా రామ్ చరణ్ లాంటి స్టార్ హీరో పిల్లలు అంటే ఇప్పటికి రామ్ చరణ్ కి ఉన్న క్రేజ్ కి ఆసక్తి ఇంకా పెరిగింది. ఈ విషయంపై కూడా రామ్ చరణ్ మాట్లాడారు. రామ్ చరణ్, ఉపాసన పాపకి పెట్టాల్సిన పేరు గురించి నిర్ణయించుకున్నారు అని, 21 రోజు ఫంక్షన్ చేసి పేరు ప్రకటిస్తాము అని చెప్పారు.

అయితే ప్రస్తుతం రామ్ చరణ్ షూటింగ్ కి బ్రేక్ తీసుకున్నారు. తన భార్య, బిడ్డతో ఉండాలి అని, ఈ సమయంలో తన భార్యకి తోడుగా ఉండాలి అని రామ్ చరణ్ నిర్ణయించుకున్నారు. దాంతో రామ్ చరణ్ ప్రస్తుతం శంకర్ దర్శకత్వంలో వస్తున్న గేమ్ ఛేంజర్ సినిమా షూటింగ్ కి విరామం ఇచ్చారు. ఈ సినిమా షూటింగ్ ఇప్పటికే చాలా వరకు పూర్తయింది. సాధారణంగా శంకర్ సినిమాలు అంటే అదొక రకమైన ఆసక్తి ఉంటుంది.

ఒక సందేశాన్ని అంత భారీగా చూపించడం, అది కూడా కమర్షియల్ అంశాలు కలిపి చూపించడం అనేది చాలా పెద్ద విషయం. ఇలా చూపించడానికి ప్రయత్నించే దర్శకుల్లో శంకర్ మొదటి వరుసలో ఉంటారు. ఇప్పటి వరకు వచ్చిన శంకర్ సినిమాలు అన్నీ కూడా కమర్షియల్ అంశాలు ఉంటూనే, సమాజంలో జరిగే కొన్ని విషయాలపై ఒక సందేశాన్ని ఇస్తున్నట్టుగా ఉంటాయి. మరి ఈ సినిమాలో ఎలాంటి సందేశం ఉంటుంది అనేది చూడాల్సిందే.

ALSO READ : “రామ్ చరణ్-ఉపాసన” అంబిలికల్ కార్డ్ రక్తాన్ని ఎందుకు దాచారు..? దానికి ఎంత ఖర్చు అవుతుంది..?