Filmy Adda

1. ఇటీవల కాలంలో మలయాళ చిత్రాలు ఎక్కువగా తెలుగులోకి డబ్‌ అవుతున్న విషయం తెలిసిందే. కొన్ని సినిమాలు థియేటర్లలో విడుదల అవుతుంటే, మరికొన్ని ఓటీటీల్లో రిలీజ్ అవుతున్నాయి. ఆసక్తికరంగా సాగే కథ మరియు కథనాలను మనసుకు హత్తుకునేలా తెరకెక్కుతోన్న ఈ చిత్రాలు తెలుగు ఆడియెన్స్ కూడా ఆకట్టుకుంటున్నాయి.

ఈ చిత్రాలకు ఓటీటీల్లో భారీగా రెస్పాన్స్ వస్తోంది. 2018 మూవీ, లేటెస్ట్‌గా ఓటీటీలోకి వచ్చిన నెయ్‌మార్‌ చిత్రాలకు  భారీ స్పందన వచ్చింది. ఈ క్రమంలోనే తాజాగా ‘పద్మిని’ అనే మలయాళ సూపర్‌ హిట్‌ మూవీ ప్రముఖ ఓటీటీ నెట్ ఫ్లిక్స్ లో స్ట్రీమింగ్ కు వచ్చింది. మరి ఆ సినిమా ఎలా ఉందో ఇప్పుడు చూద్దాం..
మలయాళ హీరో కున్‌చకో బొబన్‌ మలయాళ డబ్బింగ్ సినిమాల ద్వారా తెలుగు ఆడియెన్స్ కి సుపరిచితుడే. కున్‌చకో బొబన్‌ హీరోగా నటించిన మలయాళ మూవీ ‘పద్మిని’ జులై 14న థియేటర్లలో రిలీజ్ అయ్యి, సూపర్ హిట్ టాక్ తెచ్చుకుంది. ఈ చిత్రానికి సెన్నా హెగ్డే తెరకెక్కించారు. ఈ మూవీలో మడోన్నా సెబాస్టియన్‌, అప‌ర్ణా బాల‌ముర‌ళి, విన్సీ అలోషియస్‌, సజిన్‌, మాళవిక మేనన్‌ నటించారు. ఈ మూవీ కథ విషయానికి వస్తే, ఒక కాలేజీలో రమేష్ (కున్‌చ‌కో బొబన్‌) ప్రొఫెసర్‌గా వర్క్ చేస్తుంటాడు. అతను కథలు కూడా రాస్తుంటాడు.
రమేష్ ఎన్నో ఆశలతో  పెళ్లి చేసుకుని కొత్త జీవితంలోకి అడుగుపెడతాడు. కానీ మొదటి రాత్రే రమేష్ భార్య లవ్ చేసిన వ్యక్తితో వెళ్లిపోతుంది. ఆ తరువాత రమేష్ తల్లిదండ్రులు అతనికి రెండవ పెళ్లి చేయాలని భావిస్తారు. దానికి రమేశ్‌ కూడా ఒప్పుకోవడంతో  పెళ్లి సంబంధం చూస్తారు. అయితే ఆ అమ్మాయి పేరెంట్స్ రమేష్ కు అధికారికంగా విడాకులు వస్తేనే తమ కూతురుని ఇస్తామని షరతు పెడతారు. అయితే భార్య ఎక్కడికి వెళ్లిందో తెలియని రమేశ్‌ ఆమెను ఎలా వెతికి, పట్టుకున్నాడు? ఆమెను వెతికే క్రమంలో ఎలాంటి సమస్యలు ఎదుర్కొన్నాడు? రమేష్ కు లాయర్‌ (అపర్ణా బాలమురళి) ఎలా సహాయం చేసింది. చివరికి రమేష్ రెండవ పెళ్లి  చేసుకున్నాడా? లేదా ఇంతకీ కథలో పద్మిని ఎవరు? అనేది మిగతా కథ. లోపల బాధను ఉంచుకుని, పైకి బాధ కనిపించకుండా నవ్వుతూ కనిపించే రమేశ్‌ క్యారెక్టర్ లో కున్‌చకో బొబన్‌ ఒదిగిపోయారు. లాయర్ గా అపర్ణ బాలమురళీ నటన బాగుంది. సజిన్‌ కామెడీ టైమింగ్‌, మడోన్నా సెబాస్టియన్‌, విన్సీ అలోషియస్‌, మాళవిక మేనన్‌, అలరిస్తారు. పాటలు అంతగా ఆకట్టుకోకపోయినా బ్యాక్ గ్రౌండ్ మ్యూజిక్ వినసొంపుగా ఉంది. విజువల్స్‌ బాగున్నాయి. అనుకున్న స్టోరీని తెరకెక్కించడంలో డైరెక్టర్ సెన్నా హెగ్డే సక్సెస్ అయ్యాడు.

Also Read: అసలు హీరోయిన్ కంటే సైడ్ హీరోయిన్ కె ఎక్కువ ఫిదా అయ్యారు గా..! ఈ కామెంట్స్ చూడండి..!

హీరోలు అన్న తర్వాత పోటీ ఉంటుంది. ఒకే ఇండస్ట్రీలో ఉంటారు కాబట్టి సినిమాలు వస్తున్నాయి అంటే ఎవరి హీరో సినిమాలకు ఎక్కువ కలెక్షన్స్ వస్తాయి అనే చర్చలు జరుగుతాయి. అందుకే ఫ్యాన్ వార్స్ కూడా జరుగుతాయి. సోషల్ మీడియాలో, “మా హీరో గొప్ప” అంటే, “మా హీరో గొప్ప” అంటూ తిట్టుకుంటూ ఉంటారు. కానీ మరొక పక్క హీరోలు అందరూ కూడా బాగానే ఉంటారు. వాళ్ళందరి మధ్య ఆరోగ్యకరమైన కాంపిటీషన్ మాత్రమే ఉంటుంది. సినిమాలు అయిపోతే సాధారణమైన జీవితంలో వాళ్ళందరూ బాగానే ఉంటారు. ఒకరి పుట్టినరోజులకి ఒకరు విషెస్ చెప్పుకుంటూ ఉంటారు. ఫంక్షన్స్ లో కలుస్తూ ఉంటారు. అయితే ఇప్పుడు ఒక విషయం మీద జూనియర్ ఎన్టీఆర్, మహేష్ బాబు, అల్లు అర్జున్ మీద కామెంట్స్ వస్తున్నాయి.

వాళ్ళ ముగ్గురు ప్రస్తుతం ఎవరి పనుల్లో వాళ్ళు ఉన్నారు. అయినా కూడా వాళ్ల మీద కామెంట్స్ వస్తున్నాయి. అందుకు కారణం వాళ్లు రాజకీయాల్లో జోక్యం చేసుకోకపోవడం. పవన్ కళ్యాణ్ పిఠాపురం నుండి ఎన్నికల్లో పోటీ చేస్తున్న సంగతి తెలిసిందే. అయితే, ఇందుకు సోషల్ మీడియా ద్వారా చాలా మంది నటులు పవన్ కళ్యాణ్ కి మద్దతు ఇస్తూ కామెంట్స్ చేశారు. నాని, రాజ్ తరుణ్, చిరంజీవి, రామ్ చరణ్ కూడా జనసేన పార్టీకి ఓటు వేయండి అంటూ పోస్ట్ లు షేర్ చేశారు. కానీ జూనియర్ ఎన్టీఆర్, మహేష్ బాబు, అల్లు అర్జున్ మాత్రం ఈ విషయం మీద కామెంట్స్ చేయలేదు. మహేష్ బాబు, అల్లు అర్జున్ మామూలుగా రాజకీయాలకు దూరంగా ఉంటారు. చాలా సార్లు మహేష్ బాబు తనకి రాజకీయాలు అంటే అసలు ఆసక్తి లేదు అని, దాని గురించి తను మాట్లాడదలచుకోవట్లేదు అని చెప్పారు.

వందేళ్లు వచ్చినా కూడా తను సినిమాలు మాత్రమే చేస్తాను అని అన్నారు. రాజకీయ నాయకులు తనకి స్నేహితులుగా ఉన్నా కూడా వారి పుట్టినరోజుకి విష్ చేస్తూ సోషల్ మీడియాలో ఏదైనా పోస్ట్ షేర్ చేస్తారు కానీ, రాజకీయాలకి సంబంధం ఉన్న విషయం మీద కామెంట్స్ మాత్రం చేయలేదు. అల్లు అర్జున్ కూడా ఇంతే. జూనియర్ ఎన్టీఆర్ విషయానికి వస్తే, రాజకీయాలు ఉన్న కుటుంబానికి చెందినవారు. అయినా కూడా గత కొంత కాలం నుండి జూనియర్ ఎన్టీఆర్ రాజకీయాలకు దూరంగా ఉంటున్నారు. దాంతో వీళ్ళ ముగ్గురు ఈ విషయం మీద స్పందించలేదు.

అల్లు అర్జున్ ఆర్య 20 సంవత్సరాలు పూర్తి చేసుకున్న సెలబ్రేషన్స్ పనిలో ఉన్నారు. ఇప్పుడు పుష్ప 2 షూటింగ్ చేస్తున్నారు. జూనియర్ ఎన్టీఆర్ దేవర సినిమా షూటింగ్ పనిలో ఉన్నారు. మహేష్ బాబు రాజమౌళి సినిమా కోసం ట్రైనింగ్ తీసుకుంటున్నారు. ఇలా వీళ్లంతా ఎవరి పనుల్లో వాళ్ళు ఉన్నారు. వీళ్ళ ముగ్గురికి పవన్ కళ్యాణ్ తో మంచి స్నేహం ఉంది. అయినా కూడా వీళ్లు రాజకీయాలకి దూరంగా ఉంటున్నారు. అయినా కూడా, స్నేహం కారణంగా ఏదైనా ఒక పోస్ట్ పవన్ కళ్యాణ్ కి మద్దతుగా వేస్తే బాగుంటుంది అని చాలా మంది అభిప్రాయపడుతూ కామెంట్స్ చేశారు.

ALSO READ : “విలాసవంతమైన బంగ్లా” నుండి… “కోట్ల ఖరీదైన కార్” వరకు.. పవర్ స్టార్ “పవన్ కళ్యాణ్” దగ్గర ఉన్న 10 ఖరీదైన వస్తువులు..!

2021 సంవత్సరానికి గాను 69వ జాతీయ చలనచిత్ర అవార్డులు కొంత కాలం క్రితం ఇచ్చిన విషయం తెలిసిందే. అయితే ఈసారి ప్రకటించిన అవార్డుల విషయంలో పలు సినిమాలకు నిరాశ ఎదురయ్యింది. విమర్శకుల ప్రశంసలు అందుకున్న సర్పట్టా,  జై భీమ్ వంటి త‌మిళ‌ సినిమాలకు జాతీయ అవార్డుల్లో చోటు ద‌క్క‌క‌పోవ‌డంతో పలువురు ప్రముఖులు అసంతృప్తిని వ్యక్తం చేశారు.

ఈ చిత్రాల వలె 2021 లో రిలీజ్ అయ్యి, విమర్శకుల ప్రశంసలు అందుకున్న కన్నడ చిత్రానికి కూడా నిరాశే ఎదురయ్యింది. ఈ చిత్రం పలు ఫిల్మ్‌ఫేర్ అవార్డ్స్, సైమ అవార్డ్ లను అందుకుంది. మరి ఇలాంటి మూవీకి ఒక జాతీయ అవార్డు కూడా రాకపోవటం ఏంటి అని నెటిజెన్లు కామెంట్స్ చేస్తున్నారు. ఆ మూవీ ఏమిటో? స్టోరీ ఏమిటో ఇప్పుడు చూద్దాం..
”గరుడ గమన వృషభ వాహన” మూవీ 2021లో నవంబర్ 19న రిలీజ్ అయ్యి, సంచలన విజయం సాధించింది. ఈ కన్నడ మూవీ షోలు హైదరాబాద్ వంటి పలు నగరాల్లోనూ వేశారు. ఈ మూవీ పై అంత హైప్ ఏర్పడింది. కాంతారా ఫేమ్ రిషబ్ శెట్టి, రాజ్ బి శెట్టి లీడ్ రోల్స్ లో నటించిన ఈ సినిమాలో హీరోయిన్ లేదు. ఈ చిత్రానికి రాజ్ బి శెట్టి దర్శకత్వం వహించారు. థియేటర్లలో విజయం సాధించిన ఈ మూవీ ఆ తరువాత ఓటీటీలో రిలీజ్ అయ్యి, దేశవ్యాప్తంగా సినీ ప్రేక్షకుల ప్రశంసలు పొందింది.
ఈ మూవీ కథ విషయానికి వస్తే, ఇద్దరు మిత్రులు వారి శత్రువులను ఎదురించే క్రమంలో పెద్ద గ్యాంగ్ స్టర్స్ గా ఎదుగుతారు. ఈ నేపథ్యంలో వారిద్దరికీ ఎదురైన సమస్యలు, ఆ తరువాత వారి పతనానికి కారణం అయిన పరిస్థితుల ఏమిటనేది మిగిలిన కథ. రొటీన్ కథ అయినప్పటికీ కంప్లీట్ వయొలెంట్ బ్యాక్ డ్రాప్ లో ఈ చిత్రాన్ని తెరకెక్కించారు.  డైరెక్టర్ రాజ్ బి శెట్టి మరియు రిషబ్ శెట్టిలు అద్భుతంగా నటించారు. వారి నటనతో పాటు, యాక్షన్ సీన్స్ ఈ మూవీలో హైలైట్. మంచి కలెక్షన్స్ తో పాటు, ‘గరుడ గమన వృషభ వాహన’ విమర్శకుల ప్రశంసలను అందుకుంది. జీ5 ఓటీటీలో స్ట్రీమింగ్ అవుతున్న ఈ మూవీ విశేష ఆదరణ దక్కించుకుంది. ఈ మూవీకి జాతీయ అవార్డులలో గుర్తింపు దక్కలేదు. దాంతో ఇట్లాంటి సినిమాకి ఒక్క జాతీయ అవార్డు కూడా రాకపోవటం ఏంటి అని కామెంట్స్ చేస్తున్నారు.

Also Read: “చిరంజీవి – త్రిష” లాగానే… తెరపై అస్సలు “సూట్ అవ్వని” 15 హీరో-హీరోయిన్ల కాంబినేషన్స్..!

ఓనం పండుగ సందర్భంగా కేరళలో పెద్ద సినిమాలు విడుదల అవుతుంటాయి. ఈసారి దుల్కర్ సల్మాన్ నటించిన కింగ్ ఆఫ్ కొత్త, ప్రేమమ్ హీరో నివీన్ పోలి నటించిన రామచంద్ర బాస్ అండ్ కో వంటి చిత్రాలు బాక్సాఫీస్ దగ్గర రిలీజ్ అయ్యి, నెగటివ్ టాక్ తెచ్చుకున్నాయి.

అయితే వీటితో పాటు రిలీజ్ అయిన ‘ఆర్డిఎక్స్: రాబర్ట్ డోని గ్సేవియర్’ కి కూడా తొలిరోజు తొలి షో ప్రేక్షకులు లేక థియేటర్లు వెల వెల పోయాయి. కానీ ఆ తరువాత షోలకి ఊహించని విధంగా హౌస్ ఫుల్ అయ్యాయి. మరి ఆ చిత్రం ఎలా ఉందో ఇప్పుడు చూద్దాం..
టైటిల్ లో సూచించిన విధంగా ఈ మూవీ ముగ్గురు యువకుల కథ. రాబర్ట్ (షేన్ నిగమ్), డోని (ఆంటోనీ వర్గీస్) ఇద్దరు అన్నదమ్ములు, వీరి స్నేహితుడు జేవియర్ (నీరజ్ మాధవ్) తో కలిసి మార్షల్ ఆర్ట్స్‌లో శిక్షణ పొందుతారు. చర్చిలో జరుగిన పండుగలో తన తండ్రి పై చేయి వేశారని డోని రౌడీ గ్యాంగ్ ను చితకబాదుతాడు. ఆ రౌడీ గ్యాంగ్ అర్ధరాత్రి సమయంలో డోని ఇంటి పైకి వచ్చి కుటుంబంలో చిన్న పిల్లలతో పాటు అందరి పై దాడి చేస్తారు. వారికి తీవ్రమైన గాయాలు అవుతాయి.
డోని ఇంటి పై దాడి చేసిన గ్యాంగ్ ఎవరిది? ఆ గ్యాంగ్ కి డోని కుటుంబం పై ఉన్న పగ ఏమిటి? దాడి చేసిన తరువాత ఆ గ్యాంగ్ పై డోని, రాబర్ట్, జేవియర్ ఎలా పగ తీర్చుకున్నారు అనేది మిగిలిన కథ. డైనమిక్ ఫైట్ సీక్వెన్స్‌లు, హై-స్టేక్స్ స్టంట్స్, టెన్షన్-ఫిల్డ్ మూమెంట్స్ తో తెరకెక్కిన హై ఓల్టేజ్ యాక్షన్ సినిమా అని చెప్పవచ్చు. ఫ్రెండ్ షిప్, ఫ్యామిలీ, ఎమోషన్స్, మాస్, కామెడీ వంటివన్నీ ఈ చిత్రంలో ఉన్నాయి.
ఈ సినిమా నెట్‌ఫ్లిక్స్‌లో స్ట్రీమ్ అవుతోంది. షేన్ నిగమ్, ఆంటోనీ వర్గీస్ మరియు నీరజ్ మాధవ్ ముగ్గురు ఎక్కడా తగ్గకుండా పోటీ పడి నటించారు. విష్ణు అగస్త్య విలన్ పాత్రలో నటించాడు. విలన్ గా ఆయన లుక్స్, ఎక్స్‌ప్రెషన్స్ ప్రేక్షకులను సైతం భయపెట్టాయి. ఈ మూవీకి యాక్షన్ సీన్లు, బ్యాక్ గ్రౌండ్ మ్యూజిక్ హైలెట్ గా నిలిచాయి.

Also Read: OG కొత్త పోస్ట‌ర్‌లో… “ప‌వ‌న్ క‌ళ్యాణ్” చేతికి ఉన్న‌ టాటూ అర్థం ఏంటో తెలుసా..?

నందమూరి నటసింహం బాలకృష్ణ గురించి ప్రత్యేక పరిచయం అవసరం లేదు. ఆయనకు ఉన్న ఫ్యాన్ ఫాలోయింగ్ గురించి అందరికి తెలిసిందే. ఆయనను అభిమానులు బాలయ్య అని ప్రేమగా పిలుచుకుంటారు. ప్రస్తుతం బాలకృష్ణ వరుసగా సినిమాలలో నటిస్తున్నాడు.

ఓటీటీ లో హోస్ట్ గా బిజీగా ఉన్నారు. తెలుగు ఓటీటీ అయిన ‘ఆహా’లో ప్రసారం అవుతున్న ‘అన్ స్టాపెబుల్ విత్ ఎన్ బీకే’ టాక్ షోతో అందరిని అలరించారు. ఆ షోలో ఆయన మాట్లాడే విధానానికి, వచ్చిన గెస్ట్ లతో వ్యవహరించిన తీరుకి ఆడియెన్స్ ఫిదా అయ్యారు. ఈ విషయాలను పక్కన పెడితే, బాలకృష్ణ తన భార్య వసుంధర దేవి గురించి ‘అన్ స్టాపెబుల్’ టాక్ షోలో ప్రస్తావించారు. అంతేకాకుండా బాలయ్య తన భార్యకు అందరి ముందు ఐ లవ్ యూ చెప్పారు. ఈ క్రమంలోనే బాలయ్య భార్య ఎవరని, ఆమెకు ఉన్న ఆస్తి గురించి వార్తలు వినిపిస్తున్నాయి.మరి ఆమె గురించి ఇప్పుడు చూద్దాం..

ఎన్టీ రామారావు వారసుడిగా ఇండస్ట్రీలో అడుగుపెట్టిన బాలక్రిష్ణ విజయవంతంగా తన కెరీర్ లో రాణిస్తూ, టాప్ 4 హీరోలలో ఒకరిగా టాలీవుడ్ లో కొనసాగుతున్నారు. ఆయన ప్రస్తుతం చేతి నిండా సినిమాలతో చాలా బిజీగా ఉన్నాడు. బాలక్రిష్ణ 1982 లో వసుంధర దేవిని పెళ్లి చేసుకున్నారు. ఆమె ఎవరో కాదు. శ్రీరామదాసు మోటార్ కంపెనీ అధిపతి అయిన దేవరపల్లి సూర్యారావు కుమార్తనే. వందల కోట్ల ఆస్తులకు వారసురాలైన వసుంధర దేవి గ్రాడ్యుయేషన్ పోర్టయి చేశాకనే బాలక్రిష్ణను పెళ్లి చేసుకుంది.

ఆ తరువాత బాలక్రిష్ణ సినిమాలతో చాలా బిజీగా ఉండడంతో, ఫ్యామిలీ వ్యవహారాలన్నిటినీ కూడా వసుంధర దేవినే చూసుకుంటూ వస్తుంది.ఇక బాలకృష్ణ,వసుంధర దంపతులకు ముగ్గురు పిల్లలు. వారు కూతుర్లు బ్రాహ్మణి, తేజస్వి, కుమారుడు మోక్షజ్ఞ. పెద్ద కూతురు బ్రాహ్మణిని నారా చంద్రబాబు నాయుడు కుమారుడు లోకేశ్ కు ఇచ్చి వివాహం చేశారు. రెండవ కూతురు తేజస్వినికి గీతం సంస్థలకు చెందినటువంటి శ్రీ భరత్ తో పెళ్లి చేశాడు. ఇక బాలయ్య కుమారుడు మోక్షజ్ఞ త్వరలో టాలీవుడ్ లో హీరోగా అడుగు పెట్టబోతున్నాడని వార్తలొస్తున్నాయి.అది అఫీషియల్ గా అయితే కన్ఫర్మేషన్ రాలేదు.

ALSO READ : “నీకు ఇంగ్లిష్ రాదు కదా..? ఉద్యోగం ఎలా చేస్తావు..?” అనే IPS ప్రశ్నకు… ఈ వ్యక్తి చెప్పిన సమాధానం చూస్తే షాక్ అవ్వాల్సిందే..!

వరుస సినిమాలు చేస్తూ, ఇప్పుడు బ్రేక్ ఇచ్చి, ఎన్నికల సమయం దగ్గర పడుతూ ఉండడంతో, ప్రచార కార్యక్రమాల్లో పాల్గొంటున్నారు పవర్ స్టార్ పవన్ కళ్యాణ్. పవన్ కళ్యాణ్ ఇప్పుడు 3 సినిమాల్లో నటిస్తున్నారు.

అందులో మొదటిది, క్రిష్ జాగర్లమూడి దర్శకత్వంలో వస్తున్న హరిహర వీరమల్లు సినిమా. ఎప్పుడో స్టార్ట్ అయిన ఈ సినిమా, భారీ ఫైట్స్ తో రూపొందుతోంది. నిజజీవితంలో జరిగిన సంఘటనల ఆధారంగా ఈ సినిమా రూపొందుతోంది. నిధి అగర్వాల్ ఈ సినిమాలో హీరోయిన్ గా నటిస్తున్నారు. ఈ సినిమా కోసం పవన్ కళ్యాణ్ మార్షల్ ఆర్ట్స్ శిక్షణ కూడా పొందారు.

హరీష్ శంకర్ దర్శకత్వంలో వస్తున్న ఉస్తాద్ భగత్ సింగ్ సినిమా కూడా షూటింగ్ దశలో ఉంది. ఇవి మాత్రమే కాకుండా, సుజిత్ దర్శకత్వంలో ఓజీ సినిమాలో నటిస్తున్నారు. ఈ సినిమా రెండు భాగాలుగా విడుదల అవుతుంది. పవన్ కళ్యాణ్ గురించి అభిమానులకి చాలా విషయాలు తెలుసు. పవన్ కళ్యాణ్ కి ఇష్టమైన ఆహారం ఏంటో తెలుసా. ఇవి చాలానే ఉన్నాయి. ముఖ్యంగా పవన్ కళ్యాణ్ కి హైదరాబాద్ బిర్యానీ అంటే చాలా ఇష్టం. పవన్ కళ్యాణ్ కి సీ ఫుడ్ అంటే కూడా చాలా ఇష్టం.

అందులోనూ ముఖ్యంగా, నెల్లూరు చేపల పులుసు అంటే పవన్ కళ్యాణ్ కి ఇష్టం. అంతే కాకుండా నాటుకోడి చికెన్, పులిహోర కూడా పవన్ కళ్యాణ్ ఇష్టంగా తింటారు. ఒక సమయంలో పవన్ కళ్యాణ్ గురించి, త్రివిక్రమ్ శ్రీనివాస్ భార్య మాట్లాడుతూ, పవన్ కళ్యాణ్, త్రివిక్రమ్ చాలా విషయాల గురించి చర్చించుకుంటూ ఉంటారు అని, ఎవరికీ పుస్తకాలు ఇవ్వని త్రివిక్రమ్ శ్రీనివాస్, పవన్ కళ్యాణ్ కి మాత్రమే తన పుస్తకాలు ఇస్తారు అని చెప్పారు. అంతే కాకుండా పవన్ కళ్యాణ్ కి ఇష్టమైన ఆహారాల గురించి కూడా చెప్పారు.

పవన్ కళ్యాణ్ కి వెజిటేరియన్ ఆహారాలు కూడా చాలా ఇష్టం అని చెప్పారు. ఉప్మాతో పాటు, రవ్వ లడ్డు లాంటి స్వీట్స్ కూడా పవన్ కళ్యాణ్ కి ఇష్టం అని, వారి ఇంట్లో పవన్ కళ్యాణ్ కి ఏది కావాలి అంటే అది తినే స్వేచ్ఛ ఉంటుంది అని ,మొహమాట పడరు అని చెప్పారు. పవన్ కళ్యాణ్ కి హైదరాబాద్ బిర్యానీ అంటే ఇష్టం అనే విషయాన్ని రామ్ చరణ్ ఒక ఇంటర్వ్యూలో తెలిపారు. కానీ సినిమాలు చేస్తున్నప్పుడు మాత్రం పవన్ కళ్యాణ్ ఆహార విషయంలో జాగ్రత్తగా ఉంటారు.

బ్రో సినిమా చేస్తున్న సమయంలో కేవలం శాఖాహారం మాత్రమే తీసుకున్నారు. కేవలం పాలు, కూరగాయలు మాత్రమే పవన్ కళ్యాణ్ తీసుకున్నారు. ఈ విషయాన్ని దర్శకుడు సముద్రఖని ఒక ఇంటర్వ్యూలో చెప్పారు. అంతే కాకుండా అంతకుముందు సెకండ్ ఇన్నింగ్స్ స్టార్ట్ చేసేటప్పుడు వకీల్ సాబ్ సినిమా సమయంలో కూడా ఒక ప్రత్యేకమైన డైట్ తీసుకున్నారు. అలా సినిమాల విషయంలో మాత్రం జాగ్రత్తగా ఉంటారు. ఆ సినిమా చేస్తున్నప్పుడు ఆ పాత్రకి ఎలాంటి ఆహారం అవసరమో అలా మాత్రమే తింటారు. పాత్ర ప్రాముఖ్యతను బట్టి కూడా పవన్ కళ్యాణ్ ఆహారాన్ని తీసుకుంటారు.

ALSO READ : గవర్నమెంట్ జాబ్స్ ఉన్న 5 మంది భారత క్రికెటర్స్…ఎవరెవరు ఏ హోదాలో అంటే.?

సాధారణంగా హీరో అవ్వాలి అంటే కొన్ని పరిమాణాలు ఉంటాయి. చూడడానికి బాగుండాలి అని, హైట్ గా ఉండాలి అని, డాన్స్ రావాలి, ఫైటింగ్స్ రావాలి ఇలా చాలా ఉంటాయి. ఇవన్నీ చేస్తే మాత్రమే హీరో అంటారు. ఒక నటుడు అవ్వాలి అంటే నటన వస్తే చాలు. కానీ ఒక హీరో అవ్వాలి అంటే మాత్రం పైన చెప్పినవన్నీ కూడా కచ్చితంగా వచ్చి ఉండాలి అనే ఒక మైండ్ సెట్ లో చాలా మంది ఉంటారు. అయితే అవి తప్పు అని తెలిసిన వారు కూడా ఉంటారు. హీరో అవ్వాలి అంటే తన నటనతో ఆ పాత్రకి న్యాయం చేయాలి అనేది ముఖ్యం.

ఆ పాత్ర చూస్తున్నంత సేపు, ఆ హీరో కాకుండా ఆ పాత్ర మాత్రమే కనిపించాలి. ఆ పాత్ర చుట్టూ సినిమా తిరుగుతుంది అన్నప్పుడు అంత బాగా నటించాలి. ఆ పాత్రకి న్యాయం చేసిన వారే హీరో అవుతారు. అంతే కానీ సన్నగా ఉండడం, ఎత్తుగా ఉండడం ఇవన్నీ ఉంటేనే హీరో అవుతారు అనేది కేవలం అపోహ మాత్రమే. ఈ విషయాన్ని నిరూపించిన నటుడు సౌబిన్ షాహిర్. ఇతను మనలో కొంత మందికి తెలిస్తే, కొంత మందికి తెలియకపోవచ్చు.

పేరు తెలియకపోవచ్చు కానీ, మనిషిని చూస్తే మాత్రం మనలో చాలా మంది గుర్తుపడతారు. మలయాళం సినిమాల ద్వారా తెలుగులో అంత ఫేమస్ అయ్యారు. సౌబిన్ షాహిర్ చైల్డ్ ఆర్టిస్ట్ గా కెరీర్ మొదలు పెట్టి, ఎన్నో సినిమాల్లో నటించారు. ఆ తర్వాత కొన్ని సినిమాల్లో సహాయ పాత్రల్లో నటించారు. 2018 లో వచ్చిన సుడాని ఫ్రం నైజీరియా అనే సినిమాలో హీరోగా నటించారు. ఈ సినిమా చాలా పెద్ద హిట్ అవ్వడమే కాకుండా, ఇలా ఉంటే కూడా హీరో అవుతారు అని నిరూపించింది.

ఆ తర్వాత వచ్చిన కుంబలాంగి నైట్స్ అనే సినిమా సౌబిన్ షాహిర్ ని భారతదేశం అంతా ఫేమస్ చేసింది. ఈ సినిమా 2019 లో వచ్చింది. 2020 నుండి లాక్ డౌన్ మొదలైన సంగతి తెలిసిందే. దాంతో ఈ సినిమా కూడా చాలా మంది చూడడంతో అప్పటి నుండి సౌబిన్ షాహిర్ చాలా మందికి తెలిసిన నటుడు అయ్యారు. గత సంవత్సరం వచ్చిన రోమాంచం సినిమాలో మెయిన్ హీరోగా నటించారు. ఈ సినిమాకి తెలుగులో కూడా మంచి ఆదరణ లభించింది.

ఇటీవల మంజుమ్మిల్ బాయ్స్ అనే సినిమాతో ప్రేక్షకుల ముందుకు వచ్చారు. ఈ సినిమాని తనే నిర్మించారు కూడా. 2017 లో పరవా అనే సినిమాకి దర్శకత్వం వహించారు. ఇంకా ఓటీటీలో రిలీజ్ అయిన ఎన్నో మలయాళం నుండి తెలుగు డబ్బింగ్ సినిమాల ద్వారా ఫేమస్ అయ్యారు. హీరో అన్న పదానికి అర్థం మార్చి, హీరో అంటే పాత్రకి న్యాయం చేసి, సినిమా తన భుజాల మీద మోసి, ప్రేక్షకులని సినిమా ఆసక్తికరంగా చూసేలా చేసిన వాడు అని నిరూపించారు.

ALSO READ : జరగండి పాటలో ఈ మిస్టేక్ గమనించారా..? చూసుకోవాలి కదా డైరెక్టర్ గారూ..?