Filmy Adda

రాజకీయాల్లో బిజీ అయినా పవర్ స్టార్ పవన్ కళ్యాణ్ అభిమానుల కోసం వకీల్ సాబ్ సినిమాతో కం బ్యాక్ ఇచ్చారు. అప్పటి నుంచి వరుస ప్రాజెక్టులు చేస్తూ బిజీ గా ఉన్నాడు పవన్ కళ్యాణ్. ఇప్పటికే 3 ప్రాజెక్టులను ఓకే చేసిన పవన్ కళ్యాణ్ వాటిని ఎప్పుడు పూర్తి చేస్తాడా అని అభిమానులు ఎదురు చూస్తున్నారు.

అయితే తాజాగా పవన్ కళ్యాణ్ ఆంధ్ర ప్రదేశ్ లో రానున్న ఎన్నికల ప్రచారం కోసం సొంతం గా ఒక వాహనం తయారు చేయించుకున్నారు. ఈ వాహనం పేరు ‘వారాహి’ అంటూ పవన్ ట్వీట్ చేసిన విషయం తెలిసిందే. ఈహతే ఈ వాహనం రంగు, డిజైన్ వివాదం గా మారింది. ఈ వాహన రిజిస్ట్రేషన్ పనులు తెలంగాణ లో పూర్తయ్యాయి. ఈ వాహనానికి ‘టీఎస్ 13 ఎక్స్ 8384 ‘ అనే నెంబర్ ని కేటాయించారు.

ఈ వారాహి నెంబర్ తెలియగానే పవన్, బన్నీ మధ్య బంధం అంటూ మెగా ఫాన్స్ పోస్ట్ లు పెడుతున్నారు. ఎందుకంటే పవన్ కళ్యాణ్ వాహనం నెంబర్, పుష్ప లో అల్లు అర్జున్ చెప్పే తన పేజర్ నెంబర్ ఒకటే అని ఫాన్స్ కామెంట్లు చేస్తున్నారు. అలాగే గతం లో కూడా గబ్బర్ సింగ్ చిత్రం లో పవన్ కళ్యాణ్ ఉపయోగించిన జీప్ నెంబర్ 2425 . అదే నెంబర్ ని కూడా అల్లు అర్జున్ డీజే చిత్రం లో స్కూటర్ కి ఉపయోగించారు. దీంతో మామ అల్లుళ్ళ మద్య సింక్ భలే కుదిరిందంటూ ఫాన్స్ ఈ ఫోటోలని నెట్టింట వైరల్ చేస్తున్నారు.

పవన్ కళ్యాణ్ వారాహి రథాన్ని ఎన్నికల ప్రచారం కోసం వినియోగించనున్నారు. ఈ వాహనానికి పవన్ కళ్యాణ్ ఆర్మీ వాళ్ళు ఉపయోగించే ఆలివ్ గ్రీన్ కలర్ ని నిబంధనలకు విరుద్ధం గా వినియోగించారని విమర్శలు వచ్చాయి. దానికి తెలంగాణ రవాణా శాఖ అధికారులు బదులిస్తూ అది ఏమిరాల్డ్ గ్రీన్ కలర్ అని.. అందుకే రిజిస్ట్రేషన్ చేశామని పేర్కొన్నారు.

ఏ సినిమా లో అయినా ఒక హీరోకి ఎలివేషన్ పడితే ఆ సీన్ రేంజ్ మారిపోతుంది. ఒక్క సీన్ తో సినిమా మొత్తం మారిపోయిన సందర్భాలు కూడా ఉన్నాయి. హీరోలకు సీన్ లో ఎలివేషన్ పడితే థియేటర్ లో ఈలలు, గోలలతో నిండిపోతుంది.

ముఖ్యం గా స్టార్ హీరోలకు ఎలివేషన్స్ పక్కాగా ఉండేలా చూసుకుంటారు మేకర్స్. హీరో ఒక డైలాగ్ చెప్పి.. స్లో మోషన్ లో ఆలా వెళ్తూ ఉంటే మనం ఆ సీన్స్ కి కనెక్ట్ అయిపోతాం. కానీ కొన్ని సార్లు ఈ ఎలివేషన్స్ లో హీరోయిజం మిస్ అయ్యి.. ఆ సీన్స్ తేలిపోతాయి. ఇప్పుడు అలా లాజిక్ కి దూరం గా ఉన్న సీన్స్ ఏవో ఇప్పుడు చూద్దాం..

#1 ప్రాణానికి ప్రాణం 

బాలకృష్ణ, రజని జంటగా నటించిన ప్రాణానికి ప్రాణం చిత్రం లో.. బాలయ్య ఒక సీన్ లో జైలు లో ఉన్నప్పుడు హీరోయిన్ కి తాళి కడతాడు. దీంతో ఆ తలి జైలు ఊచకి ఉండిపోతుంది. అప్పుడు బాలయ్య ఆ ఊచలు విరిచేసి తాళిని తీసి ఆమెకి ఇస్తాడు. ఈ సీన్ చాలా కృతకంగా ఉంటుంది.

#2 ఇంద్ర

చిరంజీవి హీరోగా నటించిన ఇంద్ర చిత్రం లో ఒక సన్నివేశంలో చిరు మేనకోడలిని విలన్స్ ట్రైన్ లో తీసుకెళ్తుండగా.. చిరు అది హెలీకాఫ్టర్లో నుంచి చూస్తాడు. అసలు అంత హైట్ నుంచి ట్రయిల్ లో వాళ్ళు ఎలా కనిపించారు అన్నది ప్రశ్న.

#3 మాస్

కింగ్ నాగార్జున హీరోగా నటించిన మాస్ చిత్రం లో నాగ్ ఒక ఫైట్ కి ముందు కాలితో దుమ్ముని లేపుతాడు.

#4 ఒకే ఒక్కడు

యాక్షన్ కింగ్ అర్జున్ హీరోగా నటించిన ఒకే ఒక్కడు చిత్రం లో అతడు ఒక జర్నలిస్ట్. కానీ ఆ తర్వాత ఒక్క రూజు ముఖ్యమంత్రిగా ఉండే ఛాన్స్ దక్కుతుంది. కానీ అది నిజ జీవితం లో సాధ్యమయ్యే పని కాదు.

#5 అల్లుడా మజాకా

చిరంజీవి హీరోగా నటించిన అల్లుడా మజాకా చిత్రం లో ఒక ఫైట్ సీన్ లో వారిద్దరి ఫైట్ అస్సలు నాచురల్ గా అనిపించదు.

#6 జులాయి

జులాయి మూవీ లో మంత్రి అయిన కోట శ్రీనివాసరావు చనిపోయినా పోలీస్ లు కూడా టీవీ లో చూసి తెలుసుకుంటారు.

#7 అత్తారింటికి దారేది

అత్తారింటికి దారేది చిత్రం క్లైమాక్స్ లో పవన్ రైల్వే స్టేషన్ మొత్తాన్ని కొంటాడు. కానీ అది నిజ జీవితం లో జరిగే విషయం కాదు.

#8 వినయ విధేయ రామ

ఈ చిత్రం లో భారీగా ట్రోల్స్ ఎదుర్కొన్న సీన్ వినయ విధేయ రామ లోది. ఇందులో రామ్ చరణ్ తన అన్నయ్యల కోసం ట్రైన్ పైన ఎక్కి బీహార్ వెళ్తాడు.

#9 ఆగడు

ఆగడు మూవీ లో మహేష్ ఒక సీన్ లో రన్నింగ్ ట్రైన్ బోగీల మధ్య లో నుంచి జంప్ చేస్తాడు.

#10 బాహుబలి

బాహుబలి చిత్రం లో యుద్ధం సమయం లో తాటి చెట్లను వంచి కోటలోకి ప్రవేశించే సీన్. ఇది రియాలిటీ కి చాలా దూరంగా ఉంటుంది.

#11 లైగర్

లైగర్ చిత్రం లో హీరో విజయ్ దేవరకొండ రింగ్ లో ఫైట్ చెయ్యడం మానేసి.. ఎక్కడో ఒక ప్లేస్ లో ఫైట్ చేస్తాడు. ఆ వీడియో లైవ్ స్ట్రీమ్ చెయ్యగా అది చూసి హీరో ని విన్నర్ గా ప్రకటిస్తారు మ్యాచ్ నిర్వాహకులు.

#12 రేసు గుర్రం

రేసు గుర్రం చిత్రం లో అల్లు అర్జున్ తన పగ తీర్చుకోడానికి ఒక్క రోజు పోలీస్ గా ఛార్జ్ తీసుకుంటాడు.

#13 బంగారం

బంగారం మూవీ క్లైమాక్స్ లో పవన్ ని విలన్స్ భూమి లో పాతేస్తారు. కానీ పవన్ భూమిని చీల్చుకొని బయటకి వస్తాడు.

#14 హృదయ కాలేయం

సంపూర్ణేష్ బాబు హీరోగా వచ్చిన హృదయ కాలేయం చిత్రం లో అన్ని సీన్స్ రియాలిటీ కి దూరంగా ఉంటాయి.

#15 ఛత్రపతి

ఈ మూవీ లో హీరో ఇంట్రో సీన్ లో ప్రభాస్ షార్క్ తో ఫైట్ చేస్తాడు. అది అసలు సాధ్యమే కాని పని.

#16 పల్నాటి బ్రహ్మ నాయుడు

ఈ చిత్రం లో బాలయ్య తొడకొడితే ట్రైన్ వెనక్కి వెళ్లడం అనేది ఎప్పటికి ప్రేక్షకులు మర్చిపోలేని సీన్.

గత కొంతకాలం గా హీరో కళ్యాణ్ దేవ్, మెగా డాటర్ శ్రీజ ఇద్దరు దూరంగా ఉంటున్న విషయం తెలిసిందే. అయితే వీరిద్దరూ విడిపోయారని.. వేరే పెళ్లిళ్లకు సిద్ధమయ్యారని వార్తలు వస్తున్నాయి. కానీ వీరిద్దరూ విడిపోయినట్లు అధికారికంగా ఎక్కడా ప్రకటించలేదు. అయితే ఇటీవల వాలెంటైన్స్ డే సందర్భంగా సోషల్ మీడియా వేదికగా ఆరోపణలు ప్రత్యారోపణలు చేసుకోవడం తో వారి కోల్డ్ వార్ బయటపడింది.

అయితే తాజాగా కళ్యాణ్ దేవ్ హోలీ సందర్భంగా చేసిన పోస్ట్ వైరల్ గా మారింది. హోలీ పండగ వేళ కళ్యాణ్ దేవ్ చాలా జోష్ ఫుల్ గా కనిపించారు. హోలీ వేడుకల్లో పాల్గొన్న ఆయన అభిమానులు, మిత్రులకు హోలీ శుభాకాంక్షలు తెలియజేశారు. దీంతో కళ్యాణ్ దేవ్ విషయంలో ఆల్ ఈజ్ వెల్ అన్న వాదన వినిపిస్తోంది. ఆయన విడాకుల డిప్రెషన్ నుండి బయటకు వచ్చారని, అందుకే పండుగ శుభాకాంక్షలు తెలియజేస్తూ సోషల్ మీడియా పోస్ట్ పెట్టారని ఫాన్స్ సంతోష పడుతున్నారు.

2016లో చిరంజీవి చిన్న కుమార్తె శ్రీజ కళ్యాణ్ దేవ్ ని వివాహం చేసుకున్నారు. శ్రీజకు ఇది రెండో వివాహం. ఓ ఐదేళ్లు వీరి ప్రయాణం సాఫీగానే సాగింది. వివాహమైనప్పటికీ శ్రీజ తండ్రి వద్దే ఉండేవారు. చిరంజీవి అల్లుడి హోదాలో కళ్యాణ్ దేవ్ హీరోగా మారాడు. 2021 నుంచి శ్రీజతో కళ్యాణ్ దేవ్ కి విభేదాలు తలెత్తాయి. శ్రీజ తన సోషల్ మీడియా అకౌంట్స్ నుండి కళ్యాణ్ దేవ్ పేరు తొలగించడంతో ఈ విషయం బయటకు వచ్చింది.

ఒకప్పుడు కళ్యాణ్ దేవ్ మామయ్య చిరంజీవి ఇంట్లో ఉండేవాడు. గొడవలు అయ్యాక ఆయన తన ఇంటికి వచ్చేశాడు. శ్రీజ-కళ్యాణ్ దేవ్ ల కూతురు నవిష్క తల్లి వద్దే పెరుగుతుంది. ఈ క్రమంలో కూతురుని తలచుకుని కళ్యాణ్ దేవ్ ఎమోషనల్ పోస్ట్స్ పెడుతుంటారు. ఆమెను బాగా మిస్ అవుతున్నట్లుగా అనేక సార్లు వెల్లడించారు. ఇక తాజా పోస్ట్ తో కళ్యాణ్ దేవ్ సంతోషంగా ఉంటాడని ఆయన ఫాన్స్ అందరూ ఆశిస్తున్నారు.

అప్పట్లో టాప్ సింగర్ గా మంచి పేరు తెచ్చుకున్నారు ఈశ్వరి. ఈమె ఐటమ్ సాంగ్స్ పాడుతూ అందరినీ మత్తెక్కించేసేవారు. చాలా మందికి ఎల్ ఆర్ ఈశ్వరి గురించి తెలుసు కొత్తగా ఆమె గురించి పరిచయం చేయక్కర్లేదు. ఆమె చాలా పాటలు పాడారు. మాయదారి చిన్నోడు మనసే లాగేసిండు.. భలే భలే మగాడివో బంగారు నా సామివోయ్.. మసక మసక చీకటిలో మల్లె తోట్ల వెనకాల ఇలా చాలా పాటలు పాడారు పైగా ఈమె పాటలకి చక్కటి గుర్తింపుని కూడా తెచ్చుకున్నారు.

తాజాగా ఈమె పుష్ప సినిమాలో ఐటమ్ సాంగ్ అయినా ‘ఊ అంటావా మామ’ పాట గురించి కామెంట్లు చేశారు. అవి ప్రస్తుతం వైరల్ అవుతున్నాయి.

టాప్ సింగర్ గా పేరు తెచ్చుకున్న ఈశ్వరీ తాజాగా ఒక ఇంటర్వ్యూలో పాల్గొన్నారు. ఎక్కువగా ఆమె ఐటమ్ సాంగ్స్ ని పాడేవారు. హుషారుగా తాను పాటలు పాడేదని అందుకే దర్శకుడు ఐటమ్ సాంగ్స్ ని ఇచ్చే వారిని ఆమె చెప్పారు. పైగా ఈ మధ్య కాలంలో ఎక్కువ ప్రోగ్రామ్స్ జరుగుతున్నాయని.. కానీ అందులో ఆమె పాడిన పాటలు ఎవరు పాడడం లేదని అన్నారు. పైగా దానికి కారణం కూడా తనకు తెలియదని చెప్పారు.యాంకర్ ఆమెతో ఊ అంటావా మామ పాటని పాటించారు. ఈ పాట పై తన అభిప్రాయాన్ని చెప్పమంటే… ఆమె అన్ని లైన్స్ ఈ పాటలో ఒకేలా ఉంటాయి. ఇది కూడా పాటేనా అని ఆమె అన్నారు.

పైగా పై నుండి కింద వరకు ఒకేలా పాట ఉంటుందని ఆమె తన అభిప్రాయాన్ని చెప్పారు. ఈ మధ్య కాలంలో వస్తున్న పాటలు ఏమీ తనకి ఎక్కువగా నచ్చడం లేదని… ఇదివరకు వర్క్ చాలా సిన్సియర్ గా ఉండేదని అందుకే అప్పుడు పాడిన పాటలు ఇప్పటికి కూడా నిలబడ్డాయని ఆమె అన్నారు. పైగా ఒక్కో సినిమా అప్పట్లో 150 నుండి 250 రోజులు ఆడేవని ఇప్పుడు ఓ పది రోజులు ఆడితే అది పెద్ద గొప్ప అని అంటున్నారు. పైగా అప్పట్లో గాయకులు పాడిన పాటలు ఉన్న సినిమా సక్సెస్ అయితే వాళ్లకి కూడా అవార్డులు ఇచ్చే వాళ్ళని ఈశ్వరి చెప్పుకొచ్చారు.

2014 లో రాశీ ఖన్నా ఊహలు గుసగుసలాడే సినిమాతో మనకి పరిచయం అయింది అంతకి ముందే ఆమె 2013 లో మద్రాసు కెఫే అనే ఒక హిందీ సినిమాలో నటించింది. తర్వాత ఈమె జోరు, బెంగాల్ టైగర్, శివం, జై లవకుశ, రాజా ది గ్రేట్, విలన్, ఆక్సిజన్ టచ్ చేసి చూడు, వెంకీ మామ ఇలా చాలా సినిమాల్లో నటించింది.

కేవలం తెలుగు సినిమాలు మాత్రమే కాకుండా ఈమె హిందీ, తమిళ్, మళయాల చిత్రాల్లో నటించింది. మనం సినిమా లో కూడా ఈమె ఒక గెస్ట్ రోల్ చేసింది.

అయితే రాశీ ఖన్నా ఊహలు గుసగుసలాడే సినిమాకి హీరోయిన్ అవ్వడం వెనక ఒక పెద్ద కథ అవుతుంది. అంతేకాక ఆమె ఒక ముఖ్యమైన పాత్రని మిస్ చేసుకుంది. ఇక వాటికోసం తెలుసుకుందాం. మద్రాసు కెఫే సినిమా తర్వాత రాజమౌళి బాహుబలి సినిమా కోసం ఆడిషన్స్ చేస్తున్నారట. అవంతిక పాత్ర కోసం ఈ ఆడిషన్ చేయడం జరిగింది. రాశీ ఖన్నా ని రాజమౌళి ఏ పిలిచారట. రాజమౌళి మద్రాసు కెఫే సినిమా చూసి ఈమె ని ఆడిషన్స్ కి పిలవడం జరిగింది.

రాజమౌళితో సినిమా చేయడం ప్రతి ఒక్కరి కల చాలామంది హీరోలు హీరోయిన్లు రాజమౌళి సినిమాలో చిన్న చాన్స్ వచ్చిన సరే చేయాలని చూస్తారు. రాశీ ఖన్నా కూడా ఏదైనా చిన్న పాత్ర రాజమౌళి సినిమాలో ఉంటే చేయాలని చూస్తోంది. అయితే ఈ ఆడిషన్స్ కి ఈమె వెళ్ళినప్పుడు రాజమౌళి చాలా క్యూట్ గా ఉంది ఈ అమ్మాయి ఏదైనా లవ్ స్టోరీ కి బాగా సెట్ అవుతుందని అన్నారు. ఆ తర్వాత తన ఫ్రెండ్ ఒక అతను లవ్ స్టోరీ కోసం పని చేస్తున్నారని… ఆ స్టోరీ విను తప్పకుండా నీకు నచ్చుతుంది అని రాజమౌళి ఈమె కి చెప్పారట. అలా ఆమె ఊహలు గుసగుసలాడే సినిమా లో నటించి తెలుగు ఆడియన్స్ కి పరిచయమైంది.

టాలీవుడ్ దర్శక ధీరుడు రాజమౌళి ‘ఆర్ఆర్ఆర్’ సినిమా ని తీసుకు వచ్చారు. ఈ సినిమా మంచి హిట్ అవడమే కాదు అంతర్జాతీయ అవార్డ్స్ ని కూడా కైవసం చేసుకుంది. అంతర్జాతీయ పురస్కారమైన గోల్డెన్ గ్లోబ్ అవార్డు ని ఈ సినిమా అందుకోవడం జరిగింది. బెస్ట్ మూవీ, బెస్ట్ ఒరిజినల్ సాంగ్ రెండు క్యాటగిరీల్లో ఈ సినిమా నిలిచింది.

‘నాటు నాటు’ సాంగ్ అవార్డు కి అవార్డు వచ్చింది. ఈ విషయం తెలిసిందే. ఈ పాత కి చంద్రబోస్ లిరిక్స్ ని ఇచ్చారు. ఎం ఎం కీరవాణి ఈ సినిమాకి సంగీత దర్శకుడు. రాహుల్ సిప్లిగంజ్, కాల భైరవ ఇద్దరు ఈ పాటని పాడారు.

అలానే ఈ పాట ఒరిజినల్ సాంగ్ విభాగం లో ఆస్కార్‌కు నామినేట్ అయ్యింది. ఈనెల 13న 95వ అకాడమీ అవార్డులను ప్రకటించబోతున్నారు. ఆస్కార్ అవార్డు రావాలని కూడా అంతా కోరుకుంటున్నారు. ప్రముఖ ప్రవచన కర్త గరికపాటి నరసింహారావు గారు కూడా కోరుకుంటున్నారు. నాటు నాటు పాట గురించి ఆయన ప్రవచనం లో భాగంగా మాట్లాడారు. ఆస్కార్‌కు నాటు నాటు పాట నామినేట్ అవడం సంతోషించాల్సిన విషయమని ఆయన అన్నారు. ప్రస్తుతం ఇవి వైరల్ అవుతున్నాయి.

నిన్నటి వరకు ఆ పాట గురించి నాకు తెలియదు. మా అబ్బాయి పిలిచి ఆ పాటేంటో పెట్టు అని అడిగి కూర్చుని విన్నాను అని చెప్పారు. ఎందుకు ఆ స్థాయికి వెళ్లిందో తెలుసుకోవాలి అని విన్నాను అని అన్నారు. అచ్చ తెలుగు పాట ఇంగ్లిష్ మాటలు లేవు ఆ పాట రాసిన చంద్రబోస్‌కి నమస్కారం అని గరికపాటి అన్నారు. అయన కుడికాలు తిప్పితే ఈయన కూడా కుడికాలే తిప్పాడు. భగవంతుడి దయవల్ల మార్చి 13వ తేదీన పురస్కారం వస్తే.. మనకంటే అదృష్టవంతులు ఇంకొకరు ఉండరని ఆయన అన్నారు.

అంతే కాక పురస్కారం రావాలని కాంక్షిద్దాం…. సరస్వతీ దేవిని పూజిద్దాం… గుడి కి వెళ్తే దండం పెట్టండి… పురస్కారం రావాలని అని అన్నారు. మనమంతా గర్వంగా తిరుగుతాం అని చెప్పారు ఆయన. కూడబలుక్కుని నటించడం కలవలకే సాధ్యం కాదు ఎన్టీఆర్, రామ్ చరణ్ చాలా చక్కగా నటించారన్నారు. వీళ్ళు ఇద్దరూ వేర్వేరు కుటుంబాల్లో పుట్టిన మహానటులు అన్నారు.
అలానే నా కంటే చిన్నవాళ్లైనా ఇద్దరికీ నమస్కారం చేస్తున్నాను అని అన్నారు గరికపాటి.

‘ఆర్ఆర్ఆర్’ సినిమాతో ప్రపంచ స్థాయిలో తెలుగు సినిమా సత్తా చాటారు దర్శకుడు ఎస్ ఎస్ రాజమౌళి. దేశ వ్యాప్తంగా సంచలన విజయం సాధించిన ఈ సినిమా, ఏకంగా రూ. 1200 కోట్లు వసూలు చేసి బాక్సాఫీస్ రికార్డులు బద్దలు కొట్టింది. ఇప్పటికే ప్రతిష్టాత్మక అంతర్జాతీయ సినిమా అవార్డులను అందుకున్న ఈ చిత్రం ఆస్కార్ బరిలో నిలిచింది.

బెస్ట్ ఒరిజినల్ సాంగ్ కేటగిరీలో ఈ సినిమాకు చెందిన ‘నాటు నాటు’ పాట నామినేట్ అయ్యింది. అయితే ఈ చిత్రం మన దేశం నుంచి అధికారికంగా ఆస్కార్స్ కి పంపలేదు. దీంతో ర్ ఆర్ ఆర్ చిత్రం ఇండివిడ్యుయల్ గా ఆస్కార్ అవార్డు కోసం అప్లై చేసింది కాంపెయిన్ స్టార్ట్ చేసింది.

అయితే రాజమౌళి ఆర్ఆర్ఆర్ ఆస్కార్ మరియు గోల్డెన్ గ్లోబ్స్ క్యాంపైన్ కోసం రూ. 83 కోట్ల ని ఖర్చు చేసిందని సమాచారం. అయితే తొలిసారి ఒక తెలుగు సినిమా ఆస్కార్‌కి అడుగు దూరంలో నిలిచింది. మార్చి 12న ఒక‌వేళ ఆస్కార్ వ‌స్తే మాత్రం తెలుగు వాళ్ల‌మైనంద‌కు మ‌నం మ‌రింత‌గా గ‌ర్వ‌ప‌డొచ్చు. అయితే మరో వైపు తాజాగా సీనియ‌ర్ డైరెక్ట‌ర్ ప్రొడ్యూస‌ర్ త‌మ్మారెడ్డి భ‌ర‌ద్వాజ మాత్రం ఆర్ఆర్ఆర్ పై తీవ్ర వ్యాఖ్య‌లు చేశారు. ఇప్పుడు దానికి సంబంధించిన వీడియో నెట్టింట తెగ వైర‌ల్ అవుతుంది.

తాజాగా హైదరాబాద్ రవీంద్రభారతి ప్రివ్యూ థియేటర్‌ లో ‘వివాదాస్పద విషయాలపై సినిమాల నిర్మాణం’ అనే అంశంపై చర్చా కార్యక్రమం జరిగింది. ఇందులో పాల్గొన్న భరద్వాజ పలు కీలక విషయాలు వెల్లడించారు. ఈ సందర్భంగా ‘ఆర్ఆర్ఆర్’ సినిమా బృందం ఆస్కార్ కోసం చేస్తున్న ఖర్చుపై షాకింగ్ కామెంట్స్ చేశారు. “ఆర్ఆర్ఆర్ సినిమా కోసం రూ. 600 కోట్ల బడ్జెట్ అయింది. మళ్లీ ఆస్కార్ కోసం రూ.80 కోట్లు ఖర్చు పెట్టారు. ఆ 80 కోట్లు మాకు ఇస్తే ఓ 8 సినిమాలు తీసి వాళ్ళ మొఖాన కొడతాం” అని తమ్మారెడ్డి భరద్వాజ అన్నారు.

ప్రస్తుతం ప్రస్తుతం సినీ పరిశ్రమతో పాటు సినిమా వ్యాపారంలో సామాజిక స్పృహా లోపించిందని భరద్వాజ అభిప్రాయపడ్డారు. సినిమాలను తీసేది ప్రేక్షకులకు ఏదో నేర్పించాలని, వాళ్లను మార్చాలని కాదని చెప్పారు. మనకు నచ్చినట్లు మనం సినిమా తీయాలన్నారు. ‘ఆర్ఆర్ఆర్’ లాంటి సినిమాలను తాము చేయలేమని, కేవలం చూస్తామని ఆయన చెప్పారు. ప్రస్తుతం భరద్వాజ కామెంట్స్ సోషల్ మీడియాలో వైరల్ అవుతున్నాయి.

కమెడియన్ రఘు గురించి ప్రత్యేకంగా పరిచయం అవసరం లేదు. రఘు చాలా సినిమాల్లో నటించి నవ్వించాడు. తన కామెడీ తో అందరినీ ఆకట్టుకున్నాడు. రఘు ఒకటి కాదు రెండు కాదు చాలా సినిమాల్లో నటించి తెలుగు ప్రేక్షకులకు బాగా దగ్గర అయ్యాడు. లక్ష్మీ, కిక్, దిల్, యోగి, పిల్ల జమిందార్, అదుర్స్, ఊసరవెల్లి, టెంపర్ మొదలైన సినిమాల్లో నటించి ఆకట్టుకున్నాడు రఘు.

ఆ తర్వాత జబర్దస్త్ కామెడీ షో తో బాగా పాపులర్ అయిపోయాడు. జబర్దస్త్ షో కి వెళ్ళిన తర్వాత రోలర్ రఘుగా అందరికీ పరిచయమై ఫేమస్ అయిపోయాడు.

లాక్ డౌన్ టైం లో మాత్రం రఘు ఆర్థిక ఇబ్బందులు ఎదుర్కోక తప్పలేదు. కానీ ఇప్పుడు మాత్రం ఓ లగ్జరీ ఇంటికి యజమాని అయిపోయాడు. ఇంత తక్కువ టైం లో ఎలా అన్ని డబ్బులు సంపాదించాడంటూ అనేక అనుమానాలు వస్తున్నాయి. లిక్కర్ షాప్ లో రఘు లిక్కర్ అమ్ముతూ కనపడిన ఒక వీడియో కూడా వైరల్ అయింది అప్పట్లో. అవకాశాలు లేక పోవడంతో రఘు ఈ విధంగా మారిపోయాడని అప్పట్లో వార్తలు కూడా వినపడ్డాయి. లిక్కర్ బిజినెస్ బాగా రఘు కి క్లిక్ అయింది. తక్కువ టైం లోనే బాగా డబ్బులు సంపాదించాడని క్లియర్ గా తెలిసి పోతోంది.

నిజానికి రఘు ఇల్లు చూస్తే షాక్ అయిపోతారు. పెద్ద భవనం మాదిరి ఉంది ఇల్లు. ఇంటి ఫోటోలు, వీడియోలు కూడా ఇప్పుడు సోషల్ మీడియాలో విపరీతంగా వైరల్ అవుతున్నాయి. రఘు ఆంధ్ర ప్రదేశ్ లోని తెనాలి లో పుట్టాడు. పుట్టింది తెనాలిలో అయినా పెరిగింది అంతా కూడా హైదరాబాద్ లోనే. రఘు తండ్రి పేరు వెంకటరావు. ఈయన ఇండియన్ ఆర్మీలో పని చేసేవారు. రఘు ఎంబీఏ చదువుకున్నాడు కొన్నాళ్ళు సాఫ్ట్వేర్ ఉద్యోగం కూడా చేశాడు. రఘు దంపతులకు ఇద్దరు పిల్లలు ఉన్నారు రఘు భార్య పేరు వాణి. ఆగస్టు 4న రఘు తండ్రి చనిపోయారు.

రీ ఎంట్రీ ఇచ్చిన తర్వాత మెగాస్టార్ చిరంజీవి వరుస సినిమాలతో దూసుకు వెళ్ళిపోతున్నారు. సంక్రాంతి కానుకగా విడుదలైన వాల్తేరు వీరయ్య సినిమా మెగాస్టార్ చిరంజీవికి మంచి హిట్ ని ఇచ్చింది. చిరంజీవి ఇప్పటికే చాలా మంచి సినిమాలు చేశారు చిరంజీవి హిట్ కొట్టిన సినిమాల్లో ఇంద్ర కూడా ఒకటి. ఇంద్ర సినిమా అప్పట్లో పెద్ద హిట్ అయింది.

బి గోపాల్ చిరంజీవి కాంబినేషన్లో అశ్వనీత్ ఈ సినిమాని రూపొందించారు. ఈ సినిమా కి ప్రశంసలు దక్కడమే కాదు వసూళ్లు, రికార్డులు కూడా వచ్చాయి.

అయితే ఇంత మంచి సినిమా ఇంకా రీ రిలీజ్ అవ్వక పోవడం ఏమిటి అంటూ ఫ్యాన్స్ నిరాశ చెందుతున్నారు. ఈ మధ్యకాలంలో చాలా పాత సినిమాలు రీ రిలీజ్ అయిన విషయం తెలిసిందే. మరి అటువంటి సందర్భంలో చిరంజీవి ఇంద్ర సినిమా ఎందుకు రిలీజ్ అవ్వలేదు అని అంతా అడుగుతున్నారు. కొన్ని నెలల క్రితం ఇదే చర్చ సాగింది. దాంతో నిర్మాణ సంస్థ ఈ విషయం పై క్లారిటీ ఇచ్చేసింది. పూర్తి నాణ్యత తో ఈ సినిమాని రిలీజ్ చేస్తామని చెప్పింది. ఇప్పటికే ఈ విషయాన్ని చెప్పి చాలా రోజులైనా కూడా ఇంకా రిలీజ్ చేయలేదు. చిరంజీవి రాయలసీమ నేపథ్యం లో చేసిన ఫ్యాక్షన్స్ సినిమా ఇంద్ర.

హిందీ లో కూడా ఈ మూవీ హిట్ ని కొట్టింది. ఇంద్ర సినిమా వచ్చి గత ఏడాది తో 20 ఏళ్లు పూర్తయింది దాంతో 4k లో రిలీజ్ చేయాలని అభిమానులు కోరుతున్నారు. త్వరలోనే రిలీజ్ చేస్తామని చెప్పారు. జగదేక వీరుడు అతి లోక సుందరి సినిమా కూడా రిలీజ్ చేస్తే బాగుంటుందని ఫ్యాన్స్ అభిప్రాయం నిజానికి ఈ రెండిటిని రిలీజ్ చేయడం అంత పెద్ద కష్టమేమీ కాదు. మరి ఈ సినిమాలని ఎప్పుడు రిలీజ్ చేస్తారో చూడాలి.  చిరంజీవి ప్రస్తుతం భోళా శంకర్ సినిమా తో బిజీగా వున్నారు. ఆ సినిమా మీద కూడా ప్రేక్షకులకి అంచనాలు ఎక్కువగా వున్నాయి.