Category:

Filmy Adda

Filmy Adda Movie Reviews Viral

Butta Bomma Review: చైల్డ్ ఆర్టిస్ట్ “అనిఖా సురేంద్రన్” హీరోయిన్‌గా నటించిన బుట్ట బొమ్మ ఆకట్టుకుందా..? స్టోరీ, రివ్యూ & రేటింగ్.!

by Mohana Priya February 4, 2023

written by Mohana Priya

చిత్రం : బుట్ట బొమ్మ
నటీనటులు : అనిఖా సురేంద్రన్, అర్జున్ దాస్, సూర్య వశిష్ట.
నిర్మాత : సూర్యదేవర నాగ వంశీ, సాయి సౌజన్య
దర్శకత్వం : శౌరి చంద్రశేఖర్ టి రమేష్
సంగీతం : గోపి సుందర్
విడుదల తేదీ : ఫిబ్రవరి 4, 2023

స్టోరీ :

సత్య (అనిఖా సురేంద్రన్) ఒక మధ్య తరగతి కుటుంబానికి చెందిన అమ్మాయి. అరకులో తన తల్లి, తండ్రి, చెల్లెలితో కలిసి ఉంటుంది. ఒక ఫోన్ కొనుక్కొని అందులో ఇన్‌స్టాగ్రామ్‌లో రీల్స్ చేసి ఫేమస్ అయిపోవాలి అని సత్య అనుకుంటుంది. ఒకరోజు సత్య అనుకోకుండా ఒక రాంగ్ నెంబర్ కి డయల్ చేస్తుంది. అవతల పక్క ఫోన్ ఎత్తిన మురళి (సూర్య వశిష్ట) తో పరిచయం ఏర్పడుతుంది. వారిద్దరూ ఒకరిని ఒకరు చూసుకోకుండానే ప్రేమించుకుంటారు. తర్వాత వారిద్దరూ ఒకసారి కలుసుకోవాలి అనుకుంటారు. ఆరోజు ఆర్కే (అర్జున్ దాస్) తో వాళ్లకి గొడవ జరుగుతుంది. అసలు వారికి ఆర్కేకి మధ్య గొడవ ఏంటి? వాళ్ళు ఎదుర్కొన్న సంఘటనలు ఏంటి? ఆ గొడవ నుండి వాళ్ళు ఎలా బయటపడ్డారు? ఆరోజు మొత్తం ఏం జరిగింది? ఇదంతా తెలియాలంటే మీరు సినిమా చూడాల్సిందే.

రివ్యూ :

చైల్డ్ ఆర్టిస్ట్ గా నటించిన ఎంతో మంది తర్వాత హీరో హీరోయిన్లుగా పరిచయం అయ్యారు. ఇప్పుడు ఎన్నో తమిళ్ సినిమాల్లో చైల్డ్ ఆర్టిస్ట్ గా నటించిన అనిఖా సురేంద్రన్ కూడా హీరోయిన్ గా పరిచయం అయ్యింది. అది కూడా ఒక తెలుగు సినిమాతో హీరోయిన్ గా తన కెరీర్ మొదలు పెట్టింది. సినిమా ట్రైలర్ చూసినప్పుడు ఇది ఒక లవ్ స్టోరీ అని అర్థం అయ్యే ఉంటుంది. సినిమా ఫస్ట్ హాఫ్ అంతా కూడా లవ్ స్టోరీ లాగానే సాగుతుంది.

కానీ సెకండ్ హాఫ్ వచ్చేటప్పటికి సస్పెన్స్ మొదలవుతుంది. అప్పటివరకు ఒకలాగా నడిచిన కథ అప్పటినుండి ఒక సస్పెన్స్ థ్రిల్లర్ సినిమాగా నడుస్తుంది. సినిమా మొత్తం చాలా సహజంగా ఉంటుంది. ఇది రీమేక్ సినిమా అయినా కూడా తెలుగు సినిమాలా కనిపించడానికి చాలా జాగ్రత్తలు తీసుకున్నారు. ఎక్కడో అరకులో ఒక చోట ఉండే కుటుంబం. అందులో ఉండే ఒక అమ్మాయి. తనకి సంబంధించిన కథ అని చూపించడం సినిమాకి చాలా పెద్ద ప్లస్ అయ్యింది.

ఇంక పెర్ఫార్మెన్స్ విషయానికి వస్తే నటీనటులు అందరూ కూడా తమ పాత్రలకు తగ్గట్టుగా చేశారు. కానీ సినిమా మొత్తానికి పెద్ద హైలైట్ అయింది మాత్రం అర్జున్ దాస్. తెలుగులో అర్జున్ దాస్ తమిళ్ సినిమాల ద్వారా చాలా ఫేమస్ అయ్యారు. అంతకుముందు గోపీచంద్ హీరోగా నటించిన ఆక్సిజన్ సినిమాలో అర్జున్ దాస్ గోపీచంద్ తమ్ముడి పాత్రలో నటించారు.

ఆ తర్వాత ఇప్పుడు ఈ సినిమాలో నటించారు. తెలుగు సినిమాలో నటించడం మాత్రమే కాకుండా ఈ సినిమాలో డబ్బింగ్ కూడా తానే చెప్పుకున్నారు. దాంతో ఆ పాత్ర సినిమాకి హైలైట్ అయింది. పాటలు కూడా సినిమాకి తగ్గట్టుగా ఉన్నాయి. సినిమా సెకండ్ హాఫ్ లో బాగున్నా కూడా ఫస్ట్ హాఫ్ అంతా కూడా కొన్ని సీన్స్ మరీ సాగదీసినట్టుగా అనిపిస్తాయి. స్క్రీన్ ప్లే కూడా చాలా స్లోగా ఉంటుంది.

ప్లస్ పాయింట్స్ :

దర్శకుడు ఎంచుకున్న పాయింట్
నటీనటులు
సినిమాటోగ్రఫీ
సెకండ్ హాఫ్

మైనస్ పాయింట్స్:

సినిమా నిడివి
అక్కడక్కడ సాగదీసినట్టుగా ఉండే కొన్ని సీన్స్

రేటింగ్ :

3/5

ట్యాగ్ లైన్ :

ఎటువంటి ఎక్స్పెక్టేషన్స్ పెట్టుకోకుండా, ఒక మంచి కంటెంట్ ఉన్న సినిమా చూద్దాం అనుకునే వారికి, అలాగే సస్పెన్స్ థ్రిల్లర్ సినిమాలని ఇష్టపడే వారికి బుట్ట బొమ్మ సినిమా ఒక్కసారి చూడగలిగే సినిమాగా నిలుస్తుంది.

watch trailer :

February 4, 2023

బాలయ్య ”వీర సింహా రెడ్డి” ఓటీటీ రిలీజ్ డేట్ ఎప్పుడో తెలుసా…? ఎందులో స్ట్రీమ్ అవుతోందంటే..?

by Megha Varna February 4, 2023

written by Megha Varna

సంక్రాంతికి కానుకగా బాలకృష్ణ వీరసింహారెడ్డి సినిమా విడుదలైన విషయం తెలిసిందే. ఈ సినిమా ప్రేక్షకులను బాగానే ఆకట్టుకుంది. వీర సింహారెడ్డి పాత్ర బాల కృష్ణ కి సరిగ్గా సరిపోయింది. అలానే బాలకృష్ణ సరసన శృతిహాసన్ నటించిన ఈ సినిమాలో ఎమోషన్స్ సీన్స్, పాటలు, కొన్ని యాక్షన్ సీన్స్ ఇవన్నీ కూడా ఆడియన్స్ ని బాగా అట్రాక్ట్ చేశాయి.

ఈ సినిమాకి గోపీచంద్ మల్లిని దర్శకత్వం వహించారు. ఈ సినిమాలో వరలక్ష్మి శరత్ కుమార్, దునియా విజయ్ వంటి స్టార్లు కూడా కీలక పాత్రలు పోషించారు.

మైత్రి మూవీ మేకర్స్ బ్యానర్ పై ఎలమంచిలి రవి, నవీన్ ఎర్నేని ఈ సినిమాని నిర్మించారు. తమన్ సంగీతాన్ని అందించిన విషయం తెలిసిందే. ఈ సినిమా విడుదలైనప్పుడు నెగిటివ్ టాక్ వచ్చింది కానీ బాక్స్ ఆఫీస్ రిజల్ట్ మాత్రం ఇంకొక విధంగా ఉంది. అనుకున్నట్టుగా ఈ సినిమా బాక్స్ ఆఫీస్ వద్ద మంచి ఫలితాన్ని సొంతం చేసుకుని, విమర్శకుల అంచనాలకు భిన్నంగా ఈ సినిమా
టాక్ తెచ్చుకుంది. అయితే ఈ సినిమా ఓటిటి రిలీజ్ డేట్ ని కూడా ఫిక్స్ చేశారు.

ఇక ఆ విషయానికి వస్తే.. ఓటీటీ లో ఈ నెల 21వ తేదీన ఈ సినిమా స్ట్రీమింగ్ కాబోతోంది డిస్నీ ప్లస్ హాట్ స్టార్ లో ఈ మూవీ స్ట్రీమింగ్ అవ్వనుంది. చాలా మంది ఓటిటి లో ఈ సినిమా ఎప్పుడు వస్తుంద అని కూడా చూస్తున్నారు. పైగా కొందరు థియేటర్ లో మిస్ అయిన వాళ్లు కూడా ఉండొచ్చు వాళ్ళు కూడా ఓటిటి లో చూసేందుకు ఎదురు చూస్తున్నారు.

ఈ సినిమా డిస్నీ ప్లస్ హాట్ స్టార్ సబ్స్క్రైబర్లు ని కూడా పెంచుతుందని భావిస్తున్నారు. ఓటిటిలో కూడా మంచి ఫలితాలను ఈ సినిమా సొంతం చేసుకుంటుందని అంటున్నారు. వీర సింహారెడ్డి మూవీ కి కూడా అఖండ లాగే ఓటీటీ లో సూపర్ రెస్పాన్స్ వస్తుందని చూస్తున్నారు. మరో పక్కన నెట్ ఫ్లిక్స్ లో వాల్తేరు వీరయ్య సినిమా త్వరలోనే స్ట్రీమింగ్ కానుంది.

February 4, 2023

ఒకే లాగ కనిపించే 13 మంది హీరోయిన్స్.! లిస్ట్ లో ఎవరెవరున్నారో చూడండి.!

by Mohana Priya February 4, 2023

written by Mohana Priya

మనిషిని పోలిన మనుషులు ఉండటమనేది సహజం. ఒక వ్యక్తిని పోలిన వ్యక్తులు ప్రపంచం మొత్తంలో ఏడుగురు ఉంటారట. ఇదంతా మన అందరికీ తెలిసిన విషయమే.

మన హీరోయిన్లని పోలిన హీరోయిన్లు కూడా ఎంతో మంది ఉన్నారు. వాళ్ళలో కొంత మంది ఎవరో ఇప్పుడు చూద్దాం.

#1 నజ్రియా నజీమ్ – వర్ష బొల్లమ్మ

ఇటీవల స్వాతిముత్యం, మిడిల్ క్లాస్ మెలోడీస్ ద్వారా అందరినీ అలరించిన వర్ష, అలాగే అంటే సుందరానికి, రాజా రాణి, మలయాళం సినిమా బెంగళూరు డేస్ ద్వారా మనందరికీ సుపరిచితులైన నజ్రియా నజీమ్ చూడడానికి ఒకే లాగా ఉంటారు.

#2 ఈషా గుప్తా – ఏంజలీనా జోలి

హాలీవుడ్ స్టార్ ఏంజలీనా జోలి, బాలీవుడ్ నటి ఇషా గుప్తా ఫేస్ ఫీచర్స్ చాలా దగ్గరగా ఉంటాయి.

#3 శ్రీయ – జెనీలియా

మనలో చాలా మంది చిన్నప్పుడు వీళ్ళిద్దరిని చూసి కన్ఫ్యూజ్ అయ్యే ఉంటాం.

#4 అమలా పాల్ – దీపికా పదుకొనే

అమలా పాల్ కి, దీపికా పదుకొనే కి చాలా దగ్గర పోలికలు ఉంటాయి. అలాగే కొన్ని చోట్ల అమలా పాల్, ప్రియాంక చోప్రా లాగా కూడా ఉంటారు,

#5 ఐశ్వర్య రాయ్ – స్నేహ ఉల్లాల్

సాధారణంగా ఐశ్వర్య రాయ్ అంటే చాలా మందికి గుర్తుకువచ్చేది తన కళ్ళు. స్నేహ ఉల్లాల్ కళ్ళు కూడా ఐశ్వర్య రాయ్ కళ్ళ లాగానే ఉంటాయి.

#6 మీరా జాస్మిన్ – సుజిత

గుడుంబా శంకర్, భద్ర వంటి సినిమాల్లో నటించిన మీరా జాస్మిన్, చిన్నప్పటి నుంచి ఎన్నో సినిమాల్లో, సీరియల్స్ లో నటించిన సుజిత ఒకే లాగా ఉంటారు.

#7 సమంత – ఆత్మిక

తమిళ్ హీరోయిన్ ఆత్మిక, సమంత చూడడానికి కొంచెం ఒకే లాగా ఉంటారు.

#8 సౌందర్య – నిత్య మీనన్

నిత్యా మీనన్ కి, సౌందర్య గారికి ఫేస్ ఫీచర్స్ చాలా సిమిలర్ గా ఉంటాయి.

#9 ఇలియానా – రెజీనా కసాండ్రా

ఇలియానా కి, రెజీనా కి కూడా దగ్గర పోలికలు ఉంటాయి.

#10 దివ్య భారతి – రంభ

వీళ్ళిద్దరూ చూడటానికి కొంచెం ఒకే లాగా ఉంటారు. అందుకే తొలిముద్దు సినిమా షూటింగ్ మధ్యలో ఉన్నప్పుడే దివ్య భారతి చనిపోవడంతో మిగిలిన సీన్స్ లో రంభ నటించారు.

#11 త్రిష – రేష్మ

ఈ రోజుల్లో సినిమాలో నటించిన రేష్మకి, త్రిషకి కొంచెం పోలికలు ఉంటాయి. అలాగే సూపర్ స్టార్ యాంకర్ సుమకి ఇంకా త్రిషకి కూడా పోలికలు ఉంటాయి.

#12. రాశి ఖన్నా – నభ నటేష్

#13. పూజ జవేరి – భాను శ్రీ

February 4, 2023

Filmy Adda Viral

Boycott అన్నారు… కానీ రికార్డ్ లు అన్నీ లేపేసింది..! షారుఖ్ ఖాన్ “పఠాన్” కలెక్షన్స్ ఎంతో తెలిస్తే షాక్ అవ్వాల్సిందే..!

by Anudeep February 3, 2023

written by Anudeep

గత కొన్నేళ్లుగా షారుఖ్ ఖాన్ ట్రాక్ రికార్డు ఏమంత బాగాలేదు. ఒకపుడు కింగ్‌ ఖాన్‌గా బాలీవుడ్ బాక్సాఫీస్‌ను తన కనుసైగలతో శాసించిన ఈయన ఇపుడు హీరోగా ఉనికి కోసం పోరాడుతున్నాడు. ఈయన సినిమాలు వచ్చనవి వచ్చినట్టే బాక్సాఫీస్ దగ్గర బొక్కాబోర్లాపడుతున్నాయి. ఈయన చివరగా ‘చెన్నై ఎక్స్‌ప్రెస్’ సినిమాతో మంచి సక్సెస్ అందుకున్నాడు. ఆ తర్వాత వచ్చిన సినిమాలు ప్లాప్ లుగా నిలిచాయి. అయితే మధ్యలో ‘రాకెట్రీ.. ది నంబి ఎఫెక్ట్’, లాల్ సింగ్ చద్దా, బ్రహ్మాస్త్ర’ సినిమాల్లో అతిథి పాత్రల్లో మెరిసారు.

దీంతో తాజాగా వచ్చిన “పఠాన్” మూవీ పైనే షారుఖ్ ఆశలు పెట్టుకున్నాడు. దానికి తగ్గట్టుగానే పఠాన్ మూవీ రికార్డ్స్ కొల్లగొడుతూ దూసుకుపోతోంది. ఈ చిత్రానికి ఆరంభం నుంచే భారీ స్థాయిలో స్పందన లభిస్తోంది. యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించిన ఈ చిత్రానికి సిద్ధార్థ్ ఆనంద్ దర్శకత్వం వహించారు. ఈ చిత్రంలో దీపికా పదేకొణె హీరోయిన్‌గా చేసింది. ఇందులో జాన్ అబ్రహం కీలక పాత్ర పోషించాడు. ఈ యాక్షన్ మూవీకి దాదాపు రూ. 250 – 260 కోట్లు మేర బిజినెస్ జరిగినట్లు తెలిసింది. అందుకు అనుగుణంగానే దీన్ని దాదాపు 8000లకు పైగా థియేటర్లలో దీన్ని రిలీజ్ చేశారు.

ఈ సినిమా బాలీవుడ్ లో ఫస్ట్ డే రికార్డుల నుండి వీకెండ్, వీక్ అండ్ లైఫ్ టైం ఇలా అనేక సినిమాల రికార్డులను బ్రేక్ చేస్తూ ఎవ్వరూ ఎక్స్ పెర్ట్ చేయని రేంజ్ లో భీభత్సం సృష్టిస్తూ దూసుకు పోతుంది. ఎనిమిది రోజుల్లో ఈ మూవీకి ప్రపంచ వ్యాప్తంగా రూ. 336 కోట్లు నెట్‌తో పాటు రూ. 667 కోట్లు గ్రాస్ రాబట్టింది. ఇలా 9వ రోజు ఈ చిత్రానికి ఓవరాల్‌గా రూ. 28 – 30 కోట్లు గ్రాస్, రూ. 14 – 16 కోట్లు వచ్చినట్టు తెలుస్తోంది. ఈ చిత్రం ఓన్లీ హిందీ వెర్షన్స్ 680 కోట్లు వసూలు చేసింది.

ఇక హిందీ వర్షన్ కింద పఠాన్ సినిమా బాలీవుడ్ లో న్యూ ఆల్ టైం ఇండస్ట్రీ హిట్ గా నిలవడానికి సిద్ధం అవుతుంది. ఇప్పటివరకు అమీర్ ఖాన్ నటించిన దంగల్ సినిమా 702 కోట్ల రేంజ్ గ్రాస్ తో మొదటి స్థానం లో ఉంది. ఇక రానున్న వీకెండ్ లో కూడా ఈ చిత్రం మరో లెవెల్ కి చేరుకోబోతుందని తెలుస్తోంది. ఈ చిత్రం లాంగ్ రన్ లో బాలీవుడ్ అప్ కమింగ్ మూవీస్ కి ఆల్ టైం ఎపిక్ టార్గెట్ ను సెట్ చేయడానికి సిద్ధం అవుతుంది.

February 3, 2023

Filmy Adda Movie Reviews Viral

Writer Padmabhushan Review: “సుహాస్” నటించిన రైటర్ పద్మభూషణ్ హిట్టా..? ఫట్టా..? స్టోరీ, రివ్యూ & రేటింగ్.!

by Anudeep February 3, 2023

written by Anudeep

చిత్రం : రైటర్ పద్మభూషణ్
నటీనటులు : సుహాస్, టీనా శిల్పారాజ్, గౌరీ ప్రియారెడ్డి, అశిష్ విద్యార్థి, రోహిణి
దర్శకత్వం : షణ్ముక్ ప్రశాంత్
నిర్మాత : చంద్రు మనోహరన్
సంగీతం : శేఖర్ చంద్ర
విడుదల తేదీ : ఫిబ్రవరి 03, 2023

స్టోరీ :

రైటర్ పద్మభూషణ్ (సుహాస్) విజయవాడలో లైబ్రేరియన్ గా జాబ్ చేస్తుంటాడు. పద్మభూషణ్ తండ్రి(ఆశిష్ విద్యార్ధి), తల్లి సరస్వతి(రోహిణి) అతనికి ఎప్పుడూ సపోర్ట్ చేస్తుంటారు. ఐతే, పద్మభూషణ్ మాత్రం గొప్ప రైటర్ కావాలని కలలు కంటూ తొలి అడుగు అని ఒక బుక్ రాస్తాడు. పేరెంట్స్ కి తెలియకుండా అప్పుచేసి మరీ తన బుక్ ని పబ్లిష్ చేయిస్తాడు. అయితే ఆ బుక్ ని జనాలు కొనేలా చేసేందుకు ప్రయత్నిస్తూ ఉంటాడు.

మరో వైపు కొన్ని నాటకీయ పరిణామాల నేపథ్యంలో పద్మభూషణ్ లైఫ్ లోకి అతని మరదలు సారిక (టీనా శిల్పారాజ్) ఎంటర్ అవుతుంది. అప్పటి నుంచి తనకు ఎదురైనా ఒక సమస్యని పద్మభూషణ్ ఎలా ఎదుర్కొన్నాడు అన్నదే ఈ సినిమా.

రివ్యూ :

ఇంట్లోని ఆడవారికి ఇష్టాలను, అభిరుచులను గౌరవించాలి అనే కోణంలో దర్శకుడు షణ్ముక్ ప్రశాంత్ ఈ సినిమాలో అద్భుతమైన ఎమోషన్ తో పాటు గుడ్ ఫన్ ను చూపించారు. ప్రధాన పాత్రల మధ్యలోనే అన్ని రకాల ఎమోషన్స్ పండించడం లో సఫలం అయ్యాడు. మొత్తానికి సినిమాలో వాస్తవ పరిస్థితులు.. అలాగే సగటు మిడిల్ క్లాస్ భావోద్వేగాలు బాగున్నాయి. ఎమోషనల్ సీన్స్, క్లైమాక్స్ సన్నివేశాలు బాగున్నాయి.

కలర్ ఫోటోతో ఇప్పటికే హీరోగా ప్రూవ్ చేసుకున్న సుహాస్ మరోసారి తనలో ఉన్న నటనని బయట పెట్టాడు. ఒక మిడిల్ క్లాస్ అబ్బాయిగా నేటి యూత్ అంతా వీడెవడో మనలాగే ఉన్నాడే అనుకునే విధంగా సుహాస్ నటన ఉంది. ఇక టీనా శిల్ప రాజ్ తన పాత్ర పరిధిలో నటించింది. అయితే కన్నా అనే పాత్రలో నటించిన గౌరీ ప్రియ మాత్రం అదరగొట్టేసింది. ఇక ఎప్పటిలాగే రోహిణి, ఆశిష్ విద్యార్థి తమ అనుభవాన్ని రంగరించి నటించారు. వారి పాత్రలు ఈ చిత్రానికి ఒక ప్లస్.

దర్శకుడు షణ్ముక్ ప్రశాంత్ దర్శకుడిగా మంచి కథాంశంతో ఆకట్టుకున్నాడు. అలాగే ఆయన రాసుకున్న క్లైమాక్స్ కూడా బాగుంది. సంగీత దర్శకుడు అందించిన పాటలు బాగున్నాయి. అదే విధంగా బ్యాక్ గ్రౌండ్ స్కోర్ కూడా కొన్ని కీలక సన్నివేశాల్లో బాగుంది. ఇక ఎడిటర్ అనవసరమైన సీన్స్ ని ఇంకా టైట్ గా ట్రీమ్ చేసి ఉండి ఉంటే, సినిమాకి ప్లస్ అయ్యేది. సినిమాటోగ్రఫీ బాగుంది. నిర్మాణ విలువలు బాగున్నాయి.

ప్లస్ పాయింట్స్ :

ప్రధాన పాత్రల నటన
క్లైమాక్స్
ఎమోషనల్ సన్నివేశాలు

మైనస్ పాయింట్స్:

స్లో నరేషన్
కొన్ని బలహీన సన్నివేశాలు
స్క్రీన్ ప్లే

రేటింగ్ :

3 .25 /5

ట్యాగ్ లైన్ :

విభిన్న చిత్రాలను ఇష్ట పడేవారికి రైటర్ పద్మభూషణ్ నచ్చుతుంది. ఫీల్ గుడ్ ఎమోషనల్ సీన్స్ తో పాటు.. కుటుంబ అనుబంధాలు..భావోద్వేగాలు ఆకట్టుకుంటాయి. ఎలాంటి అంచనాలు లేకుండా వెళితే.. మంచి అనుభూతిని పొందుతారు.

watch trailer :

February 3, 2023

Filmy Adda Movie Reviews Viral

Michael Review : “సందీప్ కిషన్” ఈ సినిమాతో హిట్ కొట్టారా..? స్టోరీ, రివ్యూ & రేటింగ్.!

by Mohana Priya February 3, 2023

written by Mohana Priya

చిత్రం : మైఖేల్
నటీనటులు : సందీప్ కిషన్, విజయ్ సేతుపతి, దివ్యాంశ కౌశిక్.
నిర్మాత : భరత్ చౌదరి, పుస్కూర్ రామ్ మోహన్ రావు
దర్శకత్వం : రంజిత్ జయకోడి
సంగీతం : సామ్ CS
విడుదల తేదీ : ఫిబ్రవరి 3, 2023

స్టోరీ:

మైఖేల్ (సందీప్ కిషన్) చిన్నప్పటి నుంచి కూడా ఒక పెద్ద గ్యాంగ్ స్టర్ అవ్వాలి అని అనుకుంటాడు. తర్వాత గురు (గౌతమ్ మీనన్) అనే ఒక వ్యక్తి దగ్గర చేరుతాడు. ఒకరి మీద పగ తీర్చుకోవడానికి మైఖేల్ ఢిల్లీకి వెళ్తాడు. అక్కడ మైఖేల్ కి తీర (దివ్యాంశ కౌశిక్) అనే అమ్మాయి పరిచయం అవుతుంది. తర్వాత వారిద్దరూ ప్రేమించుకుంటారు. అప్పుడు మైఖేల్ కి ఎదురైన సమస్యలు ఏంటి? అసలు తీర ఎలాంటి అమ్మాయి? మైఖేల్ తర్వాత ఎలాంటి సంఘటనలు ఎదుర్కొన్నాడు? తాను అనుకున్నది సాధించాడా? అతని కథ ఏంటి? ఇవన్నీ తెలియాలంటే మీరు సినిమా చూడాల్సిందే.

రివ్యూ :

ఇప్పుడు ఉన్న యంగ్ హీరోల్లో ప్రతి సినిమాకి కథ పరంగా ఎంతో జాగ్రత్తలు తీసుకుంటూ, సినిమా సినిమాకి కొత్తదనం ఉండేలా చూసుకుంటున్న హీరో సందీప్ కిషన్. కమర్షియల్ సినిమాలతో పాటు కంటెంట్ ఓరియంటెడ్ సినిమాలని కూడా సందీప్ కిషన్ చేస్తూ ఉంటారు. సినిమా రిజల్ట్ ఎలా ఉన్నా కానీ ప్రతి సినిమాకి సందీప్ కిషన్ కి మాత్రం నటుడిగా చాలా మంచి మార్కులు పడతాయి. ప్రతి సినిమాకి ఆ సినిమాకి తగ్గట్టు తనని తాను మార్చుకోవడం, అలాగే ఆ పాత్ర తెరపై బాగా కనిపించడానికి ఎంతో కష్టపడడం ప్రేక్షకులు గుర్తించారు.

ఇప్పుడు ఈ సినిమాకి కూడా అలాగే కష్టపడ్డారు అని తెలుస్తోంది. ఈ సినిమాలో సందీప్ కిషన్ వేర్వేరు వయసు ఉన్న పాత్రలు పోషించారు. ఆ పాత్రకి తగ్గట్టుగా సందీప్ కిషన్ తనని తాను మార్చుకున్నారు కూడా. సినిమా మొత్తంలో సందీప్ కిషన్ కి డైలాగ్స్ చాలా తక్కువగా ఉంటాయి. ఎక్కువగా ఎక్స్ప్రెషన్స్ తోనే ప్రేక్షకులకి తాను అనుకున్నది చెప్పాల్సి ఉంటుంది. ఇలాంటి పాత్ర ఎంచుకోవడం కూడా చిన్న విషయం కాదు. కానీ సందీప్ కిషన్ ని చూస్తే ఆ పాత్రకి పూర్తిగా న్యాయం చేశారు ఏమో అనిపిస్తుంది.

ఇటీవల కాలంలో ఈ గ్యాంగ్ స్టర్ డ్రామా సినిమాలు చాలా ఎక్కువ అయ్యాయి. ఈ సినిమా కూడా అలాంటి సినిమానే. సినిమా మొత్తం ఒక యాక్షన్ డ్రామా టోన్ ఎలా అయితే ఉంటుందో అదే టోన్ లో సాగుతుంది. ఇందులో చాలా మంది ప్రముఖ నటీనటులు ఉన్నారు. కానీ వారిలో గౌతమ్ మీనన్, విజయ్ సేతుపతి వరలక్ష్మి శరత్ కుమార్ పాత్రలు వారు న్యాయం చేశారు అని అనిపిస్తాయి. హీరోయిన్ కౌశిక్ కూడా తన పాత్ర పరిధి మేరకు బానే చేశారు అనిపిస్తుంది.

పాటలు కూడా సినిమాలో ఒక ఫ్లోలో వెళ్ళిపోతాయి. అంతా బాగానే నడుస్తూ ఉంటుంది కానీ ఎక్కడా ఒక హై మూమెంట్ ఇలాంటివి అనిపించవు. సినిమాలో మంచి యాక్షన్ సీన్స్ ఉన్నాయి. నిర్మాణ విలువలు చాలా బాగున్నాయి. అయినా కూడా ఇంకా ఏదైనా ఒక మంచి ఎలివేషన్ లాంటిది ఉంటే బాగుండు ఏమో అని సినిమా చూస్తున్నంత సేపు ప్రేక్షకుడికి అనిపిస్తూ ఉంటుంది. స్క్రీన్ ప్లే, కొన్ని సీన్స్ ఎడిటింగ్ విషయంలో ఇంకా కొంచెం జాగ్రత్త తీసుకుంటే బాగుండేదేమో అనిపిస్తుంది.

ప్లస్ పాయింట్స్:

సందీప్ కిషన్
యాక్షన్ సీన్స్
సినిమాటోగ్రఫీ
మ్యూజిక్

మైనస్ పాయింట్స్ :

అవసరం లేని కొన్ని పాత్రలు
అక్కడక్కడ సాగదీసినట్టుగా ఉండే కొన్ని సీన్స్

రేటింగ్ :

3/5

ట్యాగ్ లైన్ :

కథ కొత్తది కాకపోయినా కూడా సినిమా బృందం చేసిన ప్రయత్నం మాత్రం చాలా కొత్తగా ఉంది. ఇలాంటి సినిమాలు మనం డబ్బింగ్ సినిమాలుగా చూస్తాములే కానీ తెలుగులో రావడం అనేది చాలా తక్కువగానే జరుగుతూ ఉంటుంది. కొంతకాలం క్రితం వచ్చిన కేజిఎఫ్ కూడా ఇలాంటి ఒక యాక్షన్ సినిమా. ఒక మంచి యాక్షన్ లవ్ స్టోరీ చూడాలి అనుకునే వారికి మైఖేల్ ఒక్కసారి చూడగలిగే సినిమాగా నిలుస్తుంది.

watch trailer :

February 3, 2023

Filmy Adda Viral

“అనుకున్నట్టే సర్వర్ క్రాష్ అయ్యిందిగా..?” అంటూ… అన్‌స్టాపబుల్ విత్ NBK “పవన్ కళ్యాణ్” ఎపిసోడ్ పై 15 మీమ్స్..!

by Mohana Priya February 2, 2023

written by Mohana Priya

పవర్ స్టార్ పవన్ కళ్యాణ్ కి ఉన్న క్రేజ్ గురించి ఎంత చెప్పినా తక్కువే అనిపిస్తుంది. ఒక హీరోగా మాత్రమే కాకుండా ఒక వ్యక్తిగా కూడా పవన్ కళ్యాణ్ ని ఇష్టపడే వాళ్ళు చాలామంది ఉంటారు. పవన్ కళ్యాణ్ సాధారణంగా ఇంటర్వ్యూలు ఇవ్వరు. సినిమా సందర్భంలో కూడా ప్రమోషన్స్ చాలా తక్కువగా ఇస్తూ ఉంటారు.

అలాంటిది పవన్ కళ్యాణ్ ఒక షోలో కూర్చొని తన జీవితం గురించి మాట్లాడుతున్నారు అంటే ఇంక ఆసక్తి మామూలుగా ఉండదు. ఇప్పుడు అదే అన్‌స్టాపబుల్ విత్ ఎన్ బి కె ఎపిసోడ్ విషయంలో జరిగింది. బాలకృష్ణ ఈ షో లో పవన్ కళ్యాణ్ ని ఎన్నో విషయాల గురించి ప్రశ్నలు అడిగారు. అందుకు పవన్ కళ్యాణ్ కూడా చాలా బాగా సమాధానాలు చెప్పారు. ఈ ఎపిసోడ్ మొదటి పార్ట్ ఇవాళ వచ్చింది. కానీ ఎపిసోడ్ వచ్చిన వెంటనే ఆహా యాప్ సర్వర్ క్రాష్ అయిపోయింది.

అంతకుముందు ప్రభాస్ ఎపిసోడ్ విషయంలో కూడా ఇలాగే జరిగింది. ఇప్పుడు పవన్ కళ్యాణ్ ఎపిసోడ్ విషయంలో కూడా ఇలా అవుతోంది. ఈ ఎపిసోడ్ లో పవన్ కళ్యాణ్ తన వ్యక్తిగత విషయాల గురించి కూడా మాట్లాడారు. అలాగే హీరో సాయి ధరమ్ తేజ్ కూడా కొంచెం సేపు వచ్చి ఈ ప్రోగ్రాం లో మాట్లాడారు. అసలు పవన్ కళ్యాణ్ ఇంత సరదాగా మాట్లాడుతూ ఉంటే చూడాలి అని అందరూ ఎదురు చూస్తూ ఉన్నారు. ఈ విషయంపై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2#3#4#5#6#7#8#9#10#11#12#13#14#15#16#17

#18

February 2, 2023

Filmy Adda Health Adda News Viral

“తారక రత్న” కు మెలేనా..!! అసలు ఏంటి ఈ అరుదైన వ్యాధి..??

by Anudeep February 2, 2023

written by Anudeep

నందమూరి తారకరత్న ఆరోగ్య పరిస్థితి రోజురోజుకు క్షీణిస్తోంది. ప్రస్తుతం బెంగళూరులోని నారాయణ హృదయాలయ హాస్పిటల్ లో ఆయన చికిత్స తీసుకుంటున్నారు . గత శుక్రవారం కుప్పంలో టీడీపీ యువనేత నారా లోకేష్ ప్రారంభించిన యువగలం పాదయాత్రకి హాజరైన తారకరత్న కొద్దిసేపు నడవగానే తీవ్ర అస్వస్థకు గురై స్పృహ తప్పి పడిపోయారు. వెంటనే దగ్గర్లో ఉన్న హాస్పిటల్ కి తరలించగా వైద్యులు గుండెపోటు వచ్చిందని నిర్ధారించారు. మెరుగైన చికిత్స కోసం ఆయన భార్య అలేఖ్య రెడ్డి కోరిక మేరకు బెంగళూరులోని నారాయణ హృదయాలయ ఆసుపత్రికి తరలించారు.

తారకరత్న ఆరోగ్యం అత్యంత విషమంగానే ఉందని వైద్యులు వెల్లడించడంతో సినీ, రాజకీయ వర్గాల్లో ఓ అలజడి మొదలైంది. క్షణ క్షణం ఆయన హెల్త్ అప్ డేట్స్ తెలుసుకుంటున్నారు జనం. కాగా తారకరత్నకు మెలెనా అనే ప్రాణాంతక వ్యాధి ఉన్నట్లు వైద్యులు చెబుతున్నారు. తారకరత్న బాడీలో మల్టీఫుల్ గా ఇంటర్నల్‌ బ్లీడింగ్‌ జరుగుతోందని వైద్యులు చెబుతున్నారు. ఇందుకు కారణం ఆయన మెలెనా అనే వ్యాధితో బాధపడుతుండమే అని తెలుస్తోంది. దీంతో అసలు ఏంటి ఈ వ్యాధి అని నందమూరి ఫాన్స్ ఆరా తీస్తున్నారు.

జీర్ణశయాంతర (గ్యాస్ట్రో ఇంటెస్టినల్) రక్తస్రావాన్ని మెలెనాగా పేర్కొంటారు. ఇదొక అరుదైన వ్యాధి. ఇది రావడానికి అనేక కారణాలు ఉన్నాయి. కడుపులో పుండ్లు, యాసిడ్ ఉత్పత్తి అధికంగా ఉండడం, రక్తనాళాల్లో వాపు, రక్తస్రావం, రక్త సంబంధిత వ్యాధుల వల్ల మెలెనా వస్తుంది. ఈ వ్యాధి వల్ల శరీరంలో రక్త స్థాయి తగ్గిపోతుంది. రక్తహీనతతో పాటు బలహీనమైపోతారు. కొన్ని సార్లు శ్వాస తీసుకోవడంలో ఇబ్బంది కలుగుతుంది. అలసట, విపరీతమైన చెమటలు, గందరగోళం అనిపించడం, అకస్మాత్తుగా కుప్పకూలిపోవడం, గుండె వేగంగా కొట్టుకోవడం వంటివి జరుగుతాయి.

అంతే కాకుండా మెలెనా వల్ల కొన్ని సందర్భాల్లో రక్తస్రావం విపరీతంగా అవుతుంది. ముక్కు,చెవులు, నోరు సహా పలు చోట్ల నుంచి రక్తస్రావం జరుగుతుంది. కొన్ని సందర్భాల్లో తీవ్రమైన గుండెపోటు తర్వాత.. రక్తనాళాల్లో రక్తస్రావం అవుతుంది. మెలెనా వ్యాధి సోకిన వారికి పెప్టిక్ అల్సర్ ట్రీట్మెంట్ తో పాటు ఎండోస్కోపీ థెరపీ, సర్జికల్ థెరపీ, ఆంజియోగ్రాఫిక్ ఎంబలైజేషన్, రక్తమార్పిడి చికిత్సలు చేస్తారు. ప్రస్తుతం ఈ వ్యాధి కారణంగానే తారక రత్నకి చికిత్స చేసేందుకు కష్టమవుతోందని తెలుస్తోంది. ఇప్పటికే బాలకృష్ణ, వసుంధర, బ్రాహ్మణి, ఎన్టీఆర్, చంద్రబాబు నాయుడు, కళ్యాణ్ రామ్, సుహాసిని, దగ్గుబాటి పురంధేశ్వరి, టీడీపీ నాయకులు ఆసుపత్రికి చేరుకొని తారకరత్న ఆరోగ్యం గురించి వైద్యులతో మాట్లాడారు.

February 2, 2023

Filmy Adda Viral

సందీప్ కిషన్ “మైఖేల్” సెన్సార్ రివ్యూ..! సినిమా ఎలా ఉందంటే..?

by Mohana Priya February 2, 2023

written by Mohana Priya

సందీప్ కిషన్ హీరోగా వస్తున్న సినిమా మైఖేల్. ఈ సినిమా ట్రైలర్ ఇటీవల విడుదల అయ్యి చాలా మంచి రెస్పాన్స్ అందుకుంది. ఈ సినిమాలో ఎంతో మంది ప్రముఖ నటీనటులు ముఖ్య పాత్రలో నటిస్తున్నారు. ఇందులో మజిలీ సినిమాతో తెలుగు ఇండస్ట్రీకి హీరోయిన్ గా పరిచయం అయిన దివ్యాంశ కౌశిక్ నటిస్తున్నారు.

ఈ సినిమాకి రంజిత్ జయకోడి దర్శకత్వం వహించారు. ఇందులో విజయ్ సేతుపతి, వరలక్ష్మి శరత్ కుమార్, వరుణ్ సందేశ్, అనసూయ భరద్వాజ్, గౌతమ్ మేనన్ ముఖ్యపాత్రల్లో నటిస్తున్నారు. ఈ సినిమా సెన్సార్ ఇటీవల పూర్తి అయ్యింది. సినిమా సెన్సార్ టాక్ ఇదే అంటూ ఒక వార్త ప్రచారంలో ఉంది.

సినిమా సెన్సార్ టాక్ చాలా బాగుంది అని అంటున్నారు. సందీప్ కిషన్ కెరీర్ లో బెస్ట్ సినిమా ఇదే అని సమాచారం. సినిమాలో హీరో, హీరోయిన్ అని కాకుండా మొత్తం కంటెంట్ మీదే నడుస్తుంది. సినిమాలో నటించిన ప్రతి ఒక్క యాక్టర్ కి మంచి పాత్ర లభించింది. అలాగే ట్రైలర్ చూసి ఇది కేవలం యాక్షన్ సినిమా మాత్రమే అనుకుంటున్నారు. కానీ యాక్షన్ తో పాటు ఒక మంచి లవ్ స్టోరీ కూడా ఈ సినిమాలో ఉంది. దాంతో అన్ని వర్గాల ప్రేక్షకులకి ఈ సినిమా నచ్చే అవకాశం ఉంది.

అలాగే నటన విషయంలో కానీ, తనని తాను మార్చుకున్న విషయంలో కానీ సందీప్ కిషన్ కి చాలా ప్రశంసలు దక్కాయి. ఇప్పటివరకు అసలు చేయని ఒక పాత్రలో సందీప్ నటించారు అని సమాచారం. అలాగే విజయ్ సేతుపతికి కూడా మరొకసారి గొప్ప పర్ఫార్మెన్స్ కి ఆస్కారం ఉన్న ఒక మంచి పాత్ర దొరికింది అని అంటున్నారు.

ఈ సినిమా కేవలం తెలుగులో మాత్రమే కాకుండా తమిళ్, మలయాళం, హిందీ, కన్నడ భాషల్లో కూడా విడుదల అవుతోంది. ఇందులో నటించిన చాలా మంది నటీనటులు తెలుగు, తమిళ్ భాషలకి చెందిన వారు ఉన్నారు .సినిమా సెన్సార్ టాక్ అయితే ఇలా ఉంది. ఇందులో ఎంతవరకు నిజం ఉందో తెలియాలి అంటే సినిమా విడుదల అయ్యేంతవరకు ఆగాల్సిందే.

February 2, 2023

ఈ వారం థియేటర్లలో విడుదల అవ్వబోతున్న 6 సినిమాలు..! ఏ సినిమా ఎప్పుడు రిలీజ్ అవుతోంది అంటే..?

by Anudeep February 1, 2023

written by Anudeep

కొత్త సంవత్సరం లో మొన్నటివరకు ప్రేక్షకుల ముందుకు మంచి మంచి సినిమాలు వచ్చి బాగా సందడి చేశాయి. సంక్రాంతికి వచ్చిన స్టార్ హీరోల సినిమాలు బాక్స్ ఆఫీస్ ను బద్దలు చేశాయి. ఇక ఫిబ్రవరి మొదటి వారం నుంచే సినిమాల సందడి మొదలవుతోంది. ఈ వారం కూడా మంచి మంచి సినిమాలు రావడానికి సిద్ధంగా ఉన్నాయి. ఇక ఆ సినిమాలు ఏంటో చూద్దాం..

#1 మైఖేల్

సందీప్ కిషన్ హీరోగా రంజిత్ జయ కోడి దర్శకత్వంలోతెరకెక్కుతున్న సినిమా ‘మైఖేల్‌’. పాన్ ఇండియా చిత్రం గా రాబోతున్న ఈ సినిమాలో విజయ్‌ సేతుపతి, వరలక్ష్మీ శరత్‌కుమార్‌, గౌతమ్‌ మేనన్‌, దివ్యాంశ కౌశిక్‌, అనసూయ, వరుణ్‌ సందేశ్‌ కీలక పాత్రలు పోషిస్తున్నారు. ఫిబ్రవరి 3న ఈ చిత్రం విడుదల కానుంది.

#2 రైటర్‌ పద్మభూషణ్‌

డైరెక్టర్ షణ్ముఖ ప్రశాంత్ దర్శకత్వంలో రూపొందిన సినిమా రైటర్ పద్మభూషణ్. ఇందులో సుహాస్, టిన శిల్ప రాజ్, ఆశిష్ విద్యార్థి, గౌరీ ప్రియ తదితరులు నటించిన ఈ సినిమా కూడా ఫిబ్రవరి 3న విడుదల కానుంది.

#3 బుట్టబొమ్మ

కోలీవుడ్ బ్యూటీ అనిఖా సురేంద్రన్‌ టైటిల్‌ రోల్‌ పోషిస్తున్న సినిమా బుట్టబొమ్మ. సూర్య వశిష్ఠ, అర్జున్‌ దాస్‌ ప్రధాన పాత్రలు పోషిస్తున్నారు. శౌరి చంద్రశేఖర్‌ రమేశ్‌ దర్శకత్వం వహిస్తున్నాడు. అరకు బ్యాక్‌ డ్రాప్‌లో సాగే ప్రేమకథ నేపథ్యంలో తెరకెక్కుతున్న బుట్టబొమ్మ ఫిబ్రవరి 4న విడుదల కానుంది. మలయాళంలో సూపర్ హిట్ అయిన ‘కప్పెల’ కి రీమేక్ గా తెరకెక్కిన ఈ మూవీని ‘సితార ఎంటర్టైన్మెంట్స్’ బ్యానర్ పై సూర్యదేవర నాగ వంశీ నిర్మించారు.

#4 ప్రేమదేశం

త్రిగున్ , అజయ్‌ కథుర్‌వార్, మేఘా ఆకాశ్‌, మాయ లీడ్ రోల్స్‌ లో నటిస్తున్న చిత్రం ప్రేమదేశం. శ్రీకాంత్‌ సిద్ధం దర్శకత్వం వహిస్తున్న ఈ చిత్రం రొమాంటిక్‌ లవ్‌ స్టోరీగా తెరకెక్కుతోంది. మధుబాల కీలక పాత్రలో నటిస్తోన్న ఈ చిత్రం ఫిబ్రవరి 3న సందడి చేయనుంది.

#5 సువర్ణ సుందరి

పూర్ణ, సాక్షి చౌదరి లీడ్ రోల్స్‌ లో నటిస్తున్న చిత్రం సువర్ణ సుందరి. సురేంద్ర మాచారపు దర్శకత్వం వహిస్తున్న ఈ చిత్రం విజువల్‌ థ్రిల్లర్‌గా తెరకెక్కుతోంది. జయప్రద, ఇంద్ర, రామ్‌ కీలక పాత్రల్లో నటిస్తున్న ఈ చిత్రం ఫిబ్రవరి 3న విడుదల కానుంది.

February 1, 2023

Newer Posts

Older Posts