Filmy Adda

ఏ ఇండస్ట్రీలో అయినా సరే రీమేక్ అనేది ఒక ట్రెండ్ అయిపోయింది. మన సినిమాలని వేరే భాషల్లో రీమేక్ చేస్తున్నారు. వేరే ఇండస్ట్రీ సినిమాలని కూడా తెలుగులోకి రీమేక్ చేస్తున్నారు. అయితే చాలా వరకు సినిమాలు తమ భాషలతో పాటు తెలుగులో కూడా విడుదల అవుతున్నాయి. కొన్ని మాత్రం అవ్వట్లేదు. అలాంటి సినిమాలని రీమేక్ చేస్తున్నారు.

అయితే ఇంకొక విషయం ఏమిటంటే ఏ భాషలో నుండి అయితే రీమేక్ చేశారో అదే భాషలో ఆ సినిమాలు విడుదల అవుతున్నాయి. లేదా ఒక సినిమాని డబ్ చేసి విడుదల చేసిన తర్వాత, ఆ సినిమాని రీమేక్ చేయడం కూడా జరుగుతోంది. అలా రీమేక్ చేసిన భాషలోనే విడుదల అయిన సినిమాలు ఏవో ఇప్పుడు చూద్దాం.

#1 నాగవల్లి – రాజా విజయ రాజేంద్ర బహద్దూర్

కన్నడలో విష్ణువర్ధన్ నటించిన ఇదే సినిమాని తెలుగులో వెంకటేష్ హీరోగా నాగవల్లి పేరుతో రీమేక్ చేశారు. కానీ మళ్ళీ కన్నడ సినిమాని కూడా తెలుగులో డబ్ చేశారు.

#2 ఏ మాయ చేసావే – ఎందుకిలా చేసావే

ఈ సినిమా తెలుగుతో పాటు తమిళంలో కూడా రూపొందింది. కానీ తమిళ్ సినిమా ఎండింగ్ మాత్రం తెలుగు సినిమాతో పోలిస్తే కొంచెం డిఫరెంట్ గా ఉంటుంది. ఈ సినిమాను యూట్యూబ్ లో విడుదల చేశారు.

https://www.youtube.com/watch?v=UeBH-Fl2khI

#3 గద్దల కొండ గణేష్ – చిక్కడు దొరకడు

హరీష్ శంకర్ దర్శకత్వంలో వరుణ్ తేజ్ హీరోగా నటించిన గద్దల కొండ గణేష్ సినిమా తమిళ్ లో సూపర్ హిట్ అయిన జిగర్ తండా సినిమా రీమేక్. ఈ సినిమాని తెలుగులో చిక్కడు దొరకడు పేరుతో డబ్ చేశారు.

#4 ఖైదీ నెంబర్ 150 – కత్తి

తమిళ్ స్టార్ విజయ్ హీరోగా నటించిన ఈ సినిమాని అదే పేరుతో తెలుగులో డబ్ చేశారు. పాటలు కూడా విడుదల చేశారు. కానీ తరువాత ఇదే సినిమాని తెలుగులో చిరంజీవి రీమేక్ చేస్తున్నట్టు ప్రకటించారు. దాంతో ఈ సినిమా తెలుగులో పెద్దగా క్రేజ్ సంపాదించలేదు.

#5 నరసింహ నాయుడు – సింహబలుడు

నందమూరి బాలకృష్ణ హీరోగా నటించిన సూపర్ హిట్ సినిమా నరసింహ నాయుడుని తమిళంలో సింహబలుడు పేరుతో రీమేక్ చేశారు. ఈ సినిమాని తెలుగులో కూడా డబ్ చేశారు. ఇందులో అర్జున్ హీరోగా నటించారు. ఈ సినిమా టీవీ లోకూడా చాలా సార్లు టెలికాస్ట్ అయ్యింది.

#6 గాడ్ ఫాదర్ – లూసిఫర్

మలయాళం సూపర్ స్టార్ మోహన్ లాల్ హీరోగా నటించిన పొలిటికల్ డ్రామా లూసిఫర్ సినిమాని తెలుగులో కూడా అదే పేరుతో డబ్ చేసి విడుదల చేశారు. అయితే ఇదే సినిమాని మళ్లీ మెగాస్టార్ చిరంజీవి రీమేక్ చేశారు. ఇంకొక విషయం ఏంటంటే ఇప్పుడు రీమేక్ గా రూపొందిన గాడ్ ఫాదర్ సినిమా కూడా మలయాళంలో అదే పేరుతో విడుదల అవుతోంది.

https://www.youtube.com/watch?v=BTMgx8aOv_g

#7 కాటమరాయుడు – వీరుడొక్కడే

తమిళ్ స్టార్ హీరో అజిత్ హీరోగా నటించిన వీరం సినిమాని తెలుగులో వీరుడొక్కడే పేరుతో డబ్ చేశారు. ఇదే సినిమాని ఆ తర్వాత పవన్ కళ్యాణ్ కాటమరాయుడు పేరుతో రీమేక్ చేశారు.

#8 గురు – గురు బ్రహ్మ

వెంకటేష్ హీరోగా సుధా కొంగర దర్శకత్వంలో వచ్చిన సినిమా గురు. ఈ సినిమాని తమిళంలో మాధవన్ తో చేశారు. అదే సినిమాని తెలుగులో గురు బ్రహ్మ పేరుతో డబ్ చేసి విడుదల చేశారు.

#9 టెంపర్ – అయోగ్య

జూనియర్ ఎన్టీఆర్ హీరోగా నటించిన టెంపర్ సినిమాని తమిళంలో విశాల్ హీరోగా అయోగ్య పేరుతో రీమేక్ చేశారు. తమిళ్ ఎండింగ్ మార్చారు. ఇదే సినిమాని తెలుగులో ఇదే పేరుతో డబ్ చేసి విడుదల చేశారు.

#10  కృష్ణ – రజిని ఫ్రం రాజమండ్రి

మాస్ మహారాజా రవితేజ హీరోగా నటించిన కృష్ణ సినిమాని కన్నడలో ఉపేంద్ర హీరోగా రీమేక్ చేశారు. ఈ సినిమాని తెలుగులో రజిని ఫ్రం రాజమండ్రి పేరుతో విడుదల చేశారు.

#11 మన్మధుడు – కంత్రి మొగుడు

నాగార్జున హీరోగా నటించిన మన్మధుడు సినిమాని కన్నడలో ఉపేంద్ర రీమేక్ చేశారు. ఈ సినిమా సగం మన్మధుడు సినిమా, సగం గజిని సినిమా కలిపి ఉంటుంది. ఈ సినిమాని తెలుగులో కంత్రి మొగుడు పేరుతో డబ్ చేశారు.

#12 గబ్బర్ సింగ్ – తిమ్మిరి

పవర్ స్టార్ పవన్ కళ్యాణ్ హీరోగా నటించిన గబ్బర్ సింగ్ సినిమా దబాంగ్ సినిమా రీమేక్ అన్న సంగతి తెలిసిందే. ఇదే సినిమాని తమిళంలో శింబు హీరోగా చేసి విడుదల చేశారు. దీన్ని తెలుగులో తిమ్మిరి పేరుతో డబ్ చేసి విడుదల చేశారు.

ఇవి మాత్రమే కాకుండా నువ్వు నాకు నచ్చావ్ సినిమాని నువ్వు నాకు ఇష్టం పేరుతో, ఆనందో బ్రహ్మ సినిమాని పెట్రోమాక్స్ పేరుతో ఇంకా చాలా సినిమాలని రీమేక్ చేసి మళ్లీ ఒరిజినల్ భాషలోనే విడుదల చేశారు.

గోపీచంద్ మలినేని డైరెక్షన్‌లో నటసింహా నందమూరి బాలకృష్ణ నటించిన చిత్రమే ‘వీరసింహారెడ్డి’. ఈ మూవీలో శృతి హాసన్ హీరోయిన్‌ కాగా.. వరలక్ష్మీ శరత్ కుమార్, దునియా విజయ్ వంటి స్టార్లు కూడా కీలక పాత్రలను పోషించారు. దీన్ని మైత్రీ మూవీ మేకర్స్ బ్యానర్‌పై యలమంచిలి రవి, నవీన్ యెర్నేని నిర్మించారు. అలాగే, థమన్ దీనికి సంగీతాన్ని అందించాడు. ఈ చిత్రం సంక్రాంతి కానుకగా ప్రేక్షకుల ముందుకి వచ్చింది. అయితే వీరసింహారెడ్డి మూవీని గతంలో మాదిరిగానే రీవేంజ్ స్టోరీతో తెరకెక్కించారు.

అయితే వీరసింహారెడ్డి మూవీ సెకండాఫ్ విషయంలో కొన్ని నెగిటివ్ కామెంట్లు వినిపిస్తున్నాయి. సెకండాఫ్ నిడివి ఎక్కువ కావడంతో కొంతమంది ప్రేక్షకులు బోరింగ్ గా ఫీలవుతున్నారు. అయితే బాలయ్య అభిమానులకు మాత్రం ఈ సినిమా ఎంతగానో నచ్చేసింది. అయితే ఈ సినిమా తుది ఫలితం ఎలా ఉండబోతుందనే చర్చ జరుగుతోంది. వీరసింహ రెడ్డి చిత్రం మొత్తాన్ని బాలయ్య తన భుజాలపై మోశారు. సినిమా లో అక్కడక్కడా కొన్ని లోపాలున్నా.. క్లైమాక్స్ సమయానికి వరలక్ష్మి శరత్ కుమార్ తో వచ్చే ఎమోషనల్ సీన్స్ అద్భుతంగా ఉన్నాయి.

కానీ బాలకృష్ణ డైరెక్టర్ ట్రాక్ రికార్డ్ ను నమ్మి ఛాన్స్ ఇవ్వకుండా కథ, కథనంపై మరింత శ్రద్ధ పెట్టాల్సిన అవసరం అయితే ఉంది. కొత్త ప్రాజెక్ట్ ల విషయంలో బాలయ్య ఈ జాగ్రత్తలు తీసుకుంటే మంచిది. వీరసింహ రెడ్డి మూవీకి తెలుగు రాష్ట్రాల్లో భారీ బిజినెస్ జరిగింది. రెండు రాష్ట్రాల్లో కలిసి రూ. 61.30 కోట్ల ప్రీ రిలీజ్ బిజినెస్ జరిగింది. ర్నాటక హక్కులు రూ. 4.50 కోట్లకు రెస్టాఫ్ ఇండియాలో రూ. 1 కోట్లకు, ఓవర్సీస్ హక్కులు రూ. 6.20 కోట్లకు అమ్ముడుపోయాయి. దీంతో ఈ మూవీకి ప్రపంచ వ్యాప్తంగా రూ. 73 కోట్లు వ్యాపారం జరిగింది. అంటే బ్రేక్ ఈవెన్ టార్గెట్ రూ. 74 కోట్లుగా ఉంది.

బాలయ్య కెరీర్‌లోనే అత్యధిక బిజినెస్ చేసుకున్న చిత్రంగా ఇది రికార్డు సాధించింది. మరోవైపు ఆ తర్వాత వాల్తేరు వీరయ్య, వారసుడు సినిమాలు బాలయ్య సినిమాకి పోటీగా రానున్నాయి. ఆ సినిమాల ఫలితాలు వీరసింహారెడ్డి ఫైనల్ రిజల్ట్ ను డిసైడ్ చేయనున్నాయి. ప్రస్తుతానికి అయితే వీరసింహ రెడ్డి కి మిక్స్డ్ టాక్ వస్తోంది. మొదటి రోజు ఈ చిత్రం 8 కోట్ల రూపాయలకు పైగా కలెక్షన్స్ సాధించింది. మరి ఫుల్ రన్ లో ఈ చిత్రం ఎంత కలెక్ట్ చేస్తుందో చూడాలి.

కొన్ని సంవత్సరాల తర్వాత మళ్లీ మల్టీస్టారర్ ట్రెండ్ మొదలుపెట్టిన సినిమా సీతమ్మ వాకిట్లో సిరిమల్లె చెట్టు. 2013 లో వచ్చిన ఈ సినిమాకి శ్రీకాంత్ అడ్డాల దర్శకత్వం వహించారు.

దిల్ రాజు గారు ఈ సినిమాని నిర్మించారు. విక్టరీ వెంకటేష్, సూపర్ స్టార్ మహేష్ బాబు ఇద్దరూ కలిసి తెర మీద కనిపించడం అనేది ప్రేక్షకులు ఎవరూ అప్పటివరకు ఊహించలేదు.

ఇందులో అంజలి, సమంత హీరోయిన్లుగా నటించారు. అయితే, ఈ సినిమా విడుదల అయ్యి దాదాపు 9 సంవత్సరాలు అవుతోంది. ఇందులో హీరోల పేర్లు మాత్రం ఎవరికీ తెలియదు. ఇవి మాత్రమే కాకుండా ఈ సినిమాలో చాలా ప్రశ్నలు ప్రశ్నలుగానే మిగిలిపోయాయి. అవేంటో ఇప్పుడు చూద్దాం.

Also Read:   హీరోయిన్ పాత్ర వల్లే… ఆ “నితిన్” సినిమా ఫ్లాప్ అయ్యిందా..?

#1 అసలు రేలంగి మామయ్య ఏం ఉద్యోగం చేస్తూ ఉంటాడు? ఎప్పుడు చూసినా నవ్వుతూ కనిపిస్తాడు లే కానీ అసలు ఏం పని చేస్తాడో డబ్బులు ఎలా సంపాదించాడో ఏం తెలియదు.

#2 చిన్నోడు పూల కుండిని ఎందుకు తన్నాడు? ఈ సినిమాలో వెంకటేష్ మహేష్ బాబు ని అడిగినట్టు మనకి కూడా అనుమానం వస్తుంది అసలు పూల కుండి ఎందుకు తన్నాడో అని.

#3 సీతకి అన్నీ ఎలా తెలిసిపోతుంటాయి? అంటే సీత మనిషి కాదా? సీత కి ఏమైనా అతీంద్రియ శక్తులు ఉన్నాయా?

#4 సినిమాలో లాస్ట్ లో బామ్మకి అన్ని గాజులు ఎలా చేయించారు? అంటే ఇద్దరికీ ఉద్యోగాలు వచ్చాయా? ఏం ఉద్యోగాలు వచ్చాయి?

#5 అసలు గీతా, చిన్నోడు లవ్ స్టోరీ ఏంటి? ఇద్దరూ ప్రపోజ్ చేసుకున్నారా?

#6 సినిమాలో సీత గీతకి తప్ప మిగిలిన ఎవరికి పేర్లు లేవా? రేలంగి మామయ్య అసలు పేరు ఏంటి? అసలు మిగిలిన వాళ్ళ పేర్లు ఏంటి?

#7. పెద్దోడు ఏం పని చేయకపోయినా డబ్బులు ఎలా ఇస్తాడు?

Also Read:   “వెస్టిండీస్” తో జరిగిన మ్యాచ్ లో… ఆ 3 ప్లేయర్స్ ఒకటే “జెర్సీ” వేసుకోడానికి కారణం ఏంటో తెలుసా?

ఎంతో ఎదురు చూసిన తర్వాత బాలకృష్ణ హీరోగా నటించిన వీర సింహా రెడ్డి సినిమా ఇవాళ విడుదల అయ్యింది. ఈ సినిమాకి గోపీచంద్ మలినేని దర్శకత్వం వహించారు. ఈ సినిమాలో బాలకృష్ణ రెండు పాత్రల్లో నటించారు. ఇదొక కమర్షియల్ ఎంటర్టైనర్ సినిమాగా రూపొందింది. ఇందులో బాలకృష్ణతో శృతి హాసన్ హీరోయిన్ గా నటించారు.

ఎంతోమంది ప్రముఖ నటినటులు ఈ సినిమాలో ముఖ్యపాత్రలో నటించారు. సినిమా విడుదల అయ్యే ముందు నుండి కూడా సినిమా ఎలా ఉంటుంది అని అందరూ ఎదురు చూశారు. కానీ సినిమా విడుదల అయిన తర్వాత చూస్తే ఈ సినిమాకి మిక్స్డ్ టాక్ వస్తుంది.

కొంత మంది సినిమా చాలా బాగుంది అంటే, మరి కొంతమంది మాత్రం, “చాలా రొటీన్ స్టోరీ. ఇలాంటి సినిమాలు మనం అంతకుముందు ముందు చాలా చూసాం” అని అంటున్నారు. కొంతమంది అయితే ఏదో ఒక్కసారి చూడగలిగే సినిమా అని అంటున్నారు. కానీ బాగా ఆశలు పెట్టుకుని వెళ్ళిన వారిని నిరాశపరిచింది అని కామెంట్స్ వస్తున్నాయి. మరి ఈ సినిమా నెగిటివ్ టాక్ కి కారణాలు అయిన విషయాలు ఏంటో ఇప్పుడు చూద్దాం.

#1 బాలకృష్ణ రెండు పాత్రల్లో నటించిన సినిమాలు చాలా ఉన్నాయి. అందులో తండ్రి కొడుకులుగా నటించిన సినిమాలు కూడా ఎక్కువగానే ఉన్నాయి. ఒకవేళ తండ్రి కొడుకులుగా బాలకృష్ణని చూపించాలి అనుకుంటే యాక్షన్ బ్యాక్ డ్రాప్ తో కాకుండా ఇంకా ఏమైనా కాన్సెప్ట్ ఎంచుకుంటే బాగుండేది అని అంటున్నారు. ఎందుకంటే దాదాపు ఇలాంటి స్టోరీతోనే చెన్నకేశవరెడ్డి సినిమా వచ్చింది. అందులో కూడా పెద్ద బాలకృష్ణ పాత్ర కొంచెం ఇలాగే ఉంటుంది అని అంటున్నారు.

#2 బాలకృష్ణ హీరోగా నటించిన అఖండ సినిమా కూడా యాక్షన్ ఓరియెంటెడ్ సినిమా. దాని తర్వాత వచ్చిన సినిమా కూడా అలాంటి సినిమానే. దాంతో వరుసగా అలాంటి సినిమాలు చేయడం ఎందుకు అని కామెంట్స్ కూడా వస్తున్నాయి. కొన్ని సీన్స్ కూడా ఆ సినిమా గుర్తు తెచ్చేలాగా ఉన్నాయి అని అంటున్నారు.

#3 ఫైటింగ్ సీన్స్ లో అయితే లాజిక్ కూడా లేదు అనే కామెంట్స్ వస్తున్నాయి. అందులోనూ ముఖ్యంగా వీర సింహా రెడ్డి పాత్ర పోషించిన బాలకృష్ణ ఎదురుగా వస్తున్న ఒక జీప్ ని కాలితో తన్నగానే ఆ జీప్ ఆగుతుంది. అసలు ఆ ఫైట్ చూసిన వాళ్లు, “లాజిక్ లేకుండా ఇలాంటి ఫైట్స్ ఎలా చేస్తారు?” అని అంటున్నారు. కానీ మరి కొంతమంది మాత్రం ఇలాంటివి అన్ని పట్టించుకోకుండా సినిమాని సినిమాలాగా చూడాలి అని అంటున్నారు.

#4 అసలు శృతి హాసన్ కి, బాలకృష్ణకి పెయిర్ కూడా అస్సలు సూట్ అవ్వలేదు అని అంటున్నారు. ఇద్దరు హీరో హీరోయిన్లుగా చూడడానికి చాలా డిఫరెంట్ గా ఉన్నారు అని, వారిద్దరికీ మధ్య కెమిస్ట్రీ కూడా తెరపై బాగా కనిపించలేదు అని అంటున్నారు. అలాగే శృతి హాసన్ తో వచ్చే కామెడీ ట్రాక్ కూడా చాలా ఇబ్బందికరంగా ఉంది అని అంటున్నారు. అసలు కొంత మంది అయితే హీరోయిన్ పాత్ర లేకపోయినా సినిమాకి పెద్దగా తేడా ఏమీ ఉండదేమో అని కామెంట్స్ చేస్తున్నారు.

ప్రస్తుతం అయితే వీర సింహా రెడ్డి సినిమా థియేటర్లలో నడుస్తోంది. సినిమా టాక్ కూడా యావరేజ్ గా వస్తోంది. అభిమానులకి నచ్చినా కూడా, సాధారణ ప్రేక్షకులకు సినిమా రొటీన్ గా అనిపిస్తుంది అని అంటున్నారు.

సినిమా ఇండస్ట్రీకి ఎంతో మంది హీరోలు వస్తూ ఉంటారు. కానీ వారిలో కొంత మంది మాత్రమే సినిమా ఇండస్ట్రీలో ఒక గుర్తింపు సంపాదించుకొని ఒక స్టార్ హీరో అవుతారు. ఆ స్టార్ హీరోలలో కొంత మంది కూడా అసలు సినిమా ఇండస్ట్రీలో ఇలాంటి హీరో మరొకరు రారు ఏమో అనే అంత గుర్తింపు తెచ్చుకుంటారు. ఆ తరం లో ఎన్టీఆర్, అక్కినేని నాగేశ్వర రావు ఎంత స్టార్డాం తెచ్చుకున్నారో.. ఆ తర్వాత చిరంజీవి ఆ స్థానం లో ఉన్నారు. కెరీర్ తొలినాళ్లలో నెగెటివ్ పాత్రలు కూడా పోషించిన ఆయన.. ఒక్కసారి హీరోగా మారిన తర్వాత వెనక్కి తిరిగి చూసుకోవాల్సిన అవసరం రాలేదు.

ఇన్నేళ్ల కెరీర్‌లో 150కి పైగా చిత్రాల్లో నటించిన చిరంజీవి.. ఒక కథను సులభంగా జడ్జ్ చేయగలడు. తనకున్న అనుభవంతో అందులోని లోటు పాట్లను గుర్తించి సవరించగలడు. అయినా ఇప్పటివరకు చిరు ఎందుకో దర్శకత్వం జోలికి వెళ్లలేదు. ప్రస్తుతం పలువురు యంగ్ డైరెక్టర్స్ తో పని చేస్తున్న చిరు కొందరిపై బాహాటంగానే విమర్శలు కురిపించారు. అయితే ప్రస్తుతం బాబీ దర్శకత్వం లో ‘వాల్తేరు వీరయ్య’ చిత్రం లో నటించారు. ఆ చిత్రం సంక్రాంతి కానుకగా విడుదల కానుంది.

అయితే ఈ చిత్ర ప్రమోషన్స్ లో చిరు సినిమా డైరెక్షన్ అంశం మరోసారి తెరపైకి వచ్చింది. మీకు దర్శకత్వం చేయాలనే ఆలోచన ఉందా?’ అని చిరంజీవిని ప్రశ్నించగా… ”ఈ జీవితాంతం సినిమాతో మమేకం అవ్వాలని ఉంది. ఏదో ఒక సమయంలో ఆ సందర్భం వచ్చి… స్క్రిప్ట్‌పై నాకు నమ్మకముంటే, సినిమాను డీల్ చేయగలనని లేదా హ్యాండిల్ చేయగలనని నమ్మితే కచ్చితంగా డైరెక్షన్ చేస్తాను ” అని సమాధానం ఇచ్చారు. అయితే భవిష్యత్తులో మెగాస్టార్ మెగాఫోన్ చేయబట్టే అవకాశాలు లేకపోలేదు.

అయితే చిరు కథానాయకుడిగా నటించిన తాజా సినిమా ‘వాల్తేరు వీరయ్య’ సంక్రాంతి సందర్భంగా థియేటర్లలో విడుదల అవుతోంది. మాస్ మహారాజా రవితేజ మరో ప్రత్యేక కథానాయకుడిగా నటించిన చిత్రమిది. తెలుగు, హిందీ భాషల్లో విడుదల చేస్తున్నారు. ‘వాల్తేర్ వీరయ్య’ సినిమా గురించి మెగాస్టార్ చిరంజీవి చెప్తూ.. ఇది ఫుల్ ప్యాకేజ్ లాంటి సినిమా అని, ఫ్యాన్స్‌కు పర్ఫెక్ట్ ట్రీట్ అవుతుందని అభిప్రాయపడ్డారు. ఫ్యామిలీ ఆడియన్స్‌తో పాటు పిల్లలు ఈ సినిమాను తప్పకుండా ఎంజాయ్ చేస్తారని.. సంక్రాంతి సీజన్‌‌కు మంచి సినిమా అవుతుందని ఆయన పేర్కొన్నారు.

కమలినీ ముఖర్జీ.. తెలుగు ఆడియెన్స్‌కి పెద్దగా పరిచయం అక్కర్లేని పేరు. చేసింది కొన్ని సినిమాలే అయినా.. తనకంటూ ఓ ప్రత్యేక గుర్తింపుని సొంతం చేసుకున్నారు. హిందీ సినిమాలతో హీరోయిన్ గా ఎంట్రీ ఇచ్చినా.. టాలీవుడ్ లో 2004 లో శేఖర్ కమ్ముల తీసిన ‘ఆనంద్’ చిత్రం తో సాలిడ్ హిట్ అందుకున్నారు. ఆ తర్వాత శేఖర్ కమ్ముల తెరకెక్కించిన గోదావరి, హ్యాపిడేస్ లాంటి చిత్రాలతో పాటు గమ్యం, గోపి గోపిక గోదావరి, గోవిందుడు అందరివాడేలే చిత్రాలు చేసింది.

2014లో వచ్చిన గోవిందుడు అందరివాడేలే చిత్రం తెలుగులో ఆమెకు తెలుగులో చివరి సినిమా. మలయాళం లో 2016 లో మోహన్ లాల్ ప్రధాన పాత్రలో వచ్చిన పులి మురుగన్ (మన్యం పులి ) చిత్రం ఆమె చేసిన చివరి సినిమా. కమలినీ ముఖర్జి ఈ సినిమాలో మోహన్ లాల్ సరసన జంటగా కనిపించింది. ఆ తర్వాత ఆమె కెరీర్ ఫేడౌట్ అయిపోయింది. సినిమాలు చేయడం మానేసిన ఆమె పబ్లిక్ ఈవెంట్స్‌లోనూ దర్శనం ఇవ్వడం లేదు. హీరోలకు ఉన్నంత కెరీర్ స్పాన్ హీరోయిన్స్‌కి ఉండదనే విషయం మరోసారి కమలినీ ముఖర్జి విషయంలో ప్రూవ్ అయింది.

అయితే ఈ సినిమా తరువాత దాదాపు ఆరేళ్ల గ్యాప్ తర్వాత డలాస్‌లో ఓ ఈవెంట్‌ లో కమలిని కనిపించింది. అక్కడ ఆమెను చూసిన వాళ్లంతా షాక్ అయ్యారు. అప్పుడు స్లిమ్ బ్యూటీలా ఉన్న కమలినీ ముఖర్జీ ఇప్పుడు బబ్లీ బ్యూటీలా అయిపోయింది. ఆమె పేరు చెప్తే గాని ఆమెను గుర్తుపట్టలేకపోయారు. సినిమాలు మానేసిన తర్వాత అమెరికాలోనే స్థిరపడ్డారామె. కమలిని లేటెస్ట్ ఫోటోలు చూసిన ఆమె ఫాన్స్ షాక్ అవుతున్నారు.

చేసింది తక్కువ సినిమాలే అయినా.. ఆమె తన అందం , అభినయం తో తెలుగు అమ్మాయిలా ఉంటూ.. తెలుగు వారి అభిమానాన్ని చూరగొన్నారు. ప్రస్తుతం ఆమె అమెరికా లో వ్యాపారం చేస్తూ స్థిరపడ్డారని సమాచారం. ఇక ఆమె వ్యక్తిగత వివరాలు ఏమి తెలియరాలేదు. వ్యాపారంలోనే రాణిస్తూ మళ్లీ సినిమాలవైపు రావట్లేదని తెలుస్తోంది. ఆమె తాజా ఫోటోలు ఇంటర్నెట్‌లో వైరల్ అవుతున్నాయి.