Filmy Adda

అడివి శేష్ గురించి ప్రత్యేకంగా చెప్పాల్సిన పనిలేదు. ఆయన ఇటీవలే మేజర్ సినిమాతో బంపర్ హిట్ అందుకున్నారు. కెరీర్ మొదట్లో కాస్త తడబడ్డా.. ఆ తర్వాత తనను తాను మార్చుకుని.. స్వయంగా తన సినిమాలను తానే రాసుకుంటూ వరుసగా హిట్‌లను అందుకుంటున్నారు. ఇక శైలేష్ కొలను దర్శకత్వంలో ఆయన హీరోగా వచ్చిన లేటెస్ట్ క్రైమ్ థ్రిల్లర్ హిట్ 2 .

బద్దకస్తుడిగా పేరు తెచ్చుకున్న ఓ పోలీస్ ఆఫీసర్‌ దేశమే ఉలిక్కిపడే క్రైమ్‌ను ఇన్వెస్టిగేషన్ చేయాల్సి వస్తే పరిస్థితి ఎలా ఉంటుంది? ఇంతకీ అతడు నేరస్థుడిని ఎలా పట్టుకున్నాడు? అనే కథాంశంతో రూపొందిన చిత్రమే ‘హిట్: ది సెకెండ్ కేస్’. ఈ చిత్రం మంచి పాజిటివ్ బజ్ తో దూసుకుపోతోంది.

అయితే ఈ చిత్రం లో ఒక సైకో కిల్లర్.. ఒక అమ్మాయి ని దారుణంగా హింసించి చంపుతాడు. మర్డర్ కి గురైంది ఒక అమ్మాయి మాత్రమే కాదు ఆ బాడీ కొందరు అమ్మాయిల శరీర భాగాలతో కలిసి ఉందని రివీల్ అవుతుంది. దీన్ని పోలీస్ ఆఫీసర్ ఎలా చేధించాడు అన్నదే కథ. అయితే ఈ సినిమా చూసిన తర్వాత ఒక అమ్మాయి చేసిన కామెంట్లు సోషల్ మీడియా లో వైరల్ అవుతున్నాయి.

” నాని గారు నిర్మిస్తున్న అన్ని హిట్ సినిమాల్లో అమ్మాయిలే చనిపోతున్నారు కదా.. నాని గారు మీరు తీసే నెక్స్ట్ హిట్ 3 సినిమాలో ఒక అమ్మాయి కిల్లర్ గా ఉండాలి.. అబ్బాయిలను చంపాలి. మీకు చేతకాకపోతే చెప్పండి నేనే ఆ రోల్ చేస్తా..” అంటూ ఒక అమ్మాయి చేసిన కామెంట్స్ వైరల్ గా మారాయి. దీనిపై నెటిజన్లు ఫన్నీ గా స్పందిస్తున్నారు.

నాని సమర్పణలో వాల్ పోస్టర్ సినిమా బ్యానర్ పై ప్రశాంత్ త్రిపిరినేని నిర్మించిన చిత్రం హిట్ 2. ఈ క్రైమ్ థిల్లర్ మూవీ కి హిట్ మొదటి పార్ట్ కి దర్శకత్వం వహించిన శైలేష్ కొలను నే దర్శకుడు. హిట్ సినిమాకి సీక్వెల్ గా రావడం, ట్రైలర్స్, పాటలు కూడా ఈ సినిమా పై అంచనాలు పెంచేసాయి. ప్రస్తుతం బాక్స్ ఆఫీస్ వద్ద ఈ చిత్రం మంచి వసూళ్లనే రాబడుతోంది.

watch video:

Nijamga chesina chesela undi… 🥴🥴 #Hit2TheSecondCase #Hit2 #Hit2Review #Nani #AdiviSesh https://t.co/PT3HKDzcxi

— Hemanth Kumar Pedhiredla  (@BelieverHemanth) December 3, 2022

ప్రస్తుతం అన్ని భాషల చిత్రాలు పాన్ ఇండియా రేంజ్ లో విడుదల అవుతూ భాషా బేధాలు లేకుండా అందర్నీ అలరిస్తున్నాయి. బాహుబలి తర్వాత తెలుగు ఫిలిం ఇండస్ట్రీ ఖ్యాతి ఎల్లలు దాటింది. ఆ ఒక్క చిత్రం తో ప్రపంచం మొత్తాన్ని తనవైపుకు తిప్పుకుంది టాలీవుడ్. అప్పటి నుంచి మంచి మంచి కథలతో ప్రేక్షకుల్ని మెప్పిస్తున్నారు మన హీరోలు.

అయితే ఎన్ని రికార్డులు కొల్ల గొట్టినా.. ఎంత అద్భుతమైన సినిమాలు తీసినా ఒక్క విషయం లో మాత్రం మన తెలుగు హీరోలు వెనకబడి ఉన్నారు. తెలుగు సినిమాలు అంటే మనకు ముందు గుర్తొచ్చేది ఎన్టీఆర్, ఏయన్నార్, కృష్ణ వంటి అలనాటి స్టార్ హీరోలు. వారి తర్వాత తరం లో స్టార్ హీరోలు అంటే చిరంజీవి, బాల కృష్ణ, వెంకటేష్, నాగార్జున. ప్రస్తుతం మహేష్ బాబు, పవన్ కళ్యాణ్, రాంచరణ్, ప్రభాస్, అల్లు అర్జున్, జూనియర్ ఎన్టీఆర్ స్టార్ హీరోలుగా ఉన్నారు.

అయితే చిరంజీవి, వెంకటేష్, నాగార్జున, బాలకృష్ణ ల వయసు 60 సంవత్సరాలకి అటు ఇటు గా ఉన్నాయి. అయినా వీరంతా ఇప్పటికీ కుర్ర హీరోలకు పోటీగా సినిమాలు తీస్తున్నారు. వారి సినిమాలు ఇప్పటికీ ఇండస్ట్రీ హిట్ లు కొడుతున్నాయి అంటే వారి క్రేజ్ ఏంటో అర్థం అవుతుంది. కానీ ఈ సీనియర్ హీరోలు వారి వయసుకు తగిన పాత్రలు ఎంచుకోవటం లేదన్నది ప్రేక్షకుల బాధ. టాలీవుడ్ మినహా ఇతర భాషల్లోని సీనియర్ హీరోలు వార్ వయసుకు తగిన పాత్రలు ఎంచుకుంటూ అభిమానులను అలరిస్తున్నారు.

ఉదాహరణకి ఇటీవల వచ్చిన కమల్ హాసన్ ‘విక్రమ్’ మూవీ లో ఆయన తన ఏజ్ కి తగ్గ పాత్రనే చేసారు. అలాగే రజనీకాంత్ కూడా.. మలయాళం లో చూసుకుంటే మోహన్ లాల్, మమ్ముట్టి, హిందీ లో సంజయ్ దత్ వంటి సీనియర్ హీరోలు తమ వయసుకు తగిన పాత్రలు వేస్తున్నారు. కానీ తెలుగులో మాత్రం సీనియర్ హీరోలు ఇప్పటికీ యంగ్ హీరోయిన్లతో డ్యూయెట్స్ వేయడానికే ట్రై చేస్తున్నారు అన్నది నిజం.

అప్పట్లో ఎన్టీఆర్, ఏయన్నార్, శోభన్ బాబు తండ్రి తరహా పాత్రల్లో కనిపించి మెప్పించారు. ఇప్పుడు కూడా వెంకటేష్, నాగార్జున కొన్ని సినిమాల్లో అలాంటి పాత్రలు వేస్తున్నారు కానీ మళ్ళీ రొమాన్స్, డ్యూయెట్స్ అంటూ వెనక్కి వెళ్తున్నారు. అంతే కాకుండా హీరోలు ఎంత ఫిట్ గా ఉన్నా కూడా వయసును దాచడం కష్టం. మళ్ళీ వీటి కోసం ఇంకాస్త కస్టపడి అలాంటి పాత్రల్లో నటిస్తున్నారు.

తమ హీరో లు ఎప్పటికీ అందంగా, యవ్వనం గా కనిపించాలని వారి అభిమానులు కోరుకోవడం లో తప్పు లేదు కానీ, వారి వయసు దృష్ట్యా, హుందాగా ఉండే పాత్రలు ఎంచుకుంటే ఇంకా బావుంటుందని ప్రేక్షకులు భావిస్తున్నారు. వారికీ సరిపోని కథలతో, ఇప్పుడు చేయలేని యాక్షన్ సీక్వెన్స్ లతో ఎందుకు వారిని వారు కష్టపెట్టుకుంటారు అన్నది ప్రశ్న. వారితో పోలిస్తే ఎంతో చిన్న వారైన హీరోయిన్ల పక్కన వారిని చూడటం కూడా ఎబ్బెట్టుగా ఉందని ఈ మధ్య కాలం లో ఎక్కువగా వినిపిస్తున్న మాట. ఈ విషయం పై మన స్టార్ హీరోలు ఒక్కసారి ఆలోచించాల్సిన అవసరం ఉంది.

టాలీవుడ్ సీనియర్ హీరోయిన్ సీత గురించి ఎంత చెప్పినా తక్కువే. ఎన్నో సినిమాల్లో హీరోయిన్ గా నటించి మెప్పించిన ఆమె 2002 లో సినిమాల్లోకి రీ ఎంట్రీ ఇచ్చింది. పలు స్టార్ హీరోల సినిమాల్లో కీలక పాత్రలు చేసింది సీత. నటిగానే కాక నిర్మాతగా కూడా సీత హిట్ అయ్యారు. అయితే ప్రస్తుతం ఈమె సినిమాల్లో కనిపించడం తగ్గింది. కానీ బుల్లితెరపై తన హవా కొనసాగిస్తూ పలు సీరియల్స్ లో నటిస్తున్నారు.

అయితే తాజాగా ఈమె చేసిన ఒక్క ఫోటో షూట్ చూసి అందరూ ఆశ్చర్యపోతున్నారు. మోడరన్ చీరకట్టు, హెయిర్ స్టైల్ తో ఈమె మనకు తెలిసిన సీతేనా అనేంతలా మారిపోయారు ఈ ఫొటోల్లో. సినిమాల్లో చాలా హుందాగా పద్దతైన కట్టు బొట్టు లో కనిపించిన సీత ఇలా మేకప్ తో పది ఇరవై సంవత్సరాల వయసు తగ్గడం తో గుర్తించడం కాస్త కష్టంగానే ఉంది.

గంగోత్రి, సింహాద్రి, ప్రాణం, బన్నీ, హరే రామ్ వంటి చిత్రాల్లో ఆమె తల్లి పాత్రలు చేసి మెప్పించారు. ప్రస్తుతం ఈమె కోలీవుడ్ లో సీరియల్స్ చేస్తూ బిజీ గా ఉన్నారు. 55 సంవత్సరాలు సీత ఈ వయసులో కూడా ఎంతో అందం గా, ట్రెండీ గా ఉంటూ ఆమె ఫోటోలను సోషల్ మీడియా లో పంచుకోవడం తో ఆమె అభిమానులు సంతోషం వ్యక్తం చేస్తున్నారు.

1980 ల్లో సినీ రంగ ప్రవేశం చేసి 55 ఏళ్ల వయసులో కూడా బిజీ గా ఉన్న సీత నటన విషయంలో పలు సార్లు విమర్శకుల ప్రశంసలు దక్కించుకున్న విషయం తెల్సిందే. నటిగా సీత ఎన్నో సార్లు అలరించింది.. ఆశ్చర్యపర్చింది. అయితే మొదటి సారి ఇలా తన లుక్ తో సీత సర్ ప్రైజ్ చేశారు అంటూ నెటిజన్స్ మాట్లాడుకుంటున్నారు. ఈ ఫోటో షూట్ తో ఈమెకు మళ్ళీ అవకాశాలు క్యూ కట్టే అవకాశాలు లేకపోలేదు అని అంటున్నారు సినీ జనాలు.

సంక్రాంతి పండుగను తెలుగు ప్రాంతాలలో భారీ ఎత్తున జరుపుతారు. పండుగ జరిగే రోజుల్లో సినిమాలు సూపర్ హిట్ అవుతాయి అన్న నమ్మకం చాల మందికి మేకర్స్ కి ఉంటుంది. అందుకే హీరోలు సినిమా షూటింగ్ త్వరగా పూర్తి చేసి సంక్రాంతి బరిలో వుండాలని కోరుకుంటారు. ఇప్పుడు ఇలాంటి పోటీ మెగాస్టార్ చిరంజీవి వాల్తేరు వీరయ్య , బాలయ్య వీర సింహ రెడ్డి సినిమాల మధ్య ఉంది.

నంద‌మూరి న‌ట‌సింహం బాల‌కృష్ణ న‌టిస్తోన్న వీర‌సింహారెడ్డి సినిమా సంక్రాంతికి థియేట‌ర్ల‌లోకి దిగ‌నుంది. మ‌లినేని గోపీచంద్ ద‌ర్శ‌క‌త్వంలో తెర‌కెక్కుతోన్న ఈ సినిమా షూటింగ్ దాదాపు చివ‌రి ద‌శ‌కు చేరుకుంది. మైత్రీ మూవీస్ బ్యాన‌ర్‌పై తెర‌కెక్కుతోన్న ఈ సినిమాలో శృతీహాస‌న్ హీరోయిన్‌. థ‌మ‌న్ స్వ‌రాలు అందిస్తున్నాడు.

అలాగే చిరు కూడా బాబీ దర్శకత్వం లో వాల్తేరు వీరయ్య సినిమా చేస్తున్నారు. దీనికి దేవి శ్రీ ప్రసాద్ ట్యూన్స్ అందిస్తున్నారు. అయితే ఈ రెండు చిత్రాల నుంచి సింగిల్స్ రిలీజ్ చేసారు మేకర్స్. మంచి మాస్ బీట్ తో ఈ రెండు పాటలు ప్రస్తుతం ట్రెండింగ్ లో ఉన్నాయి.

అయితే ఇంటర్నెట్లో ఒక వీడియో వైరల్ అవుతోంది. బాస్ పార్టీ పాటను థమన్ చేస్తే ఎలా ఉంటుంది అని..బాస్ పార్టీ ఆడియో కి.. జై బాలయ్య లోని థమన్ వీడియో ని యాడ్ చేసి పెట్టారు కొందరు మీమర్స్. దీంతో నెటిజన్లు ఈ వీడియో పై ఫన్నీగా స్పందిస్తున్నారు.

watch video:

https://www.instagram.com/reel/ClX4w3op7wE/?igshid=YmMyMTA2M2Y%3D

సినిమా వాళ్ళ జీవితం ఒక తెరిచిన పుస్తకం లాంటిది. సినిమా ప్రియులకు తమ బంధువుల వార్తలు తెలిసిన తెలియకపోయినా సెలబ్రిటీల గురించి మాత్రం ప్రతి చిన్న విషయం ఖచ్చితంగా తెలిసి ఉంటుంది. వాళ్లతో మనకి పరిచయం లేకపోయినా మన వాళ్లే అంత చనువు వస్తుంది. ఇలా చిన్నచిన్న విషయాలకే జనాల్లో చర్చ జరిగితే.

పెళ్లి లాంటి పెద్ద విషయాలు తెలిసినప్పుడు డిస్కషన్ మామూలుగా జరగదు. ఇది మాత్రం సినిమా ప్రియులే కాకుండా మామూలు ప్రజలు కూడా చర్చించుకునే విషయం. ఇంతగా పాకుతుంది అని సెలబ్రెటీలు జాగ్రత్తపడి ఆడంబరంగా చేసుకోకపోయినా, మీడియా పుణ్యమా అని అక్కడ జరిగే ప్రతి ఒక్క విశేషం అందరికీ తెలుస్తూనే ఉంటుంది.

వాళ్లు వేసుకున్న డ్రస్సుల దగ్గర నుండి, డెకరేషన్ ఎలా ఉంది, ఎంతమంది వచ్చారు, కొన్నిసార్లయితే వాళ్లు తినడానికి మెనూ ఏం పెట్టారు లాంటి విషయాలు కూడా బయటకు వస్తాయి. వీటన్నిటితో పాటు మరొక ముఖ్యమైనది, ఇంకా అసలు ఆసక్తి అనేది మొదలయ్యేది దీంతోనే. అదే వెడ్డింగ్ కార్డు. ఒక రకంగా చెప్పాలంటే వెడ్డింగ్ కార్డు డిజైన్ ని బట్టే పెళ్లి ఎలా ఉండబోతుంది అన్నది కొంతవరకు అంచనా వేయొచ్చు. అంటే కొన్నిసార్లు కార్డు గ్రాండ్ గా ఉంటే పెళ్లి కూడా ఘనంగా జరుగుతుంది, సింపుల్ గా ఉంటే సింపుల్ గా జరుగుతుంది. అలాంటి సెలబ్రిటీల వెడ్డింగ్ కార్డు కొన్ని ఇవే.

రామ్ చరణ్ – ఉపాసన

జూనియర్ ఎన్టీఆర్ – లక్ష్మీ ప్రణతి

అల్లు అర్జున్ – స్నేహ

మంచు మనోజ్ – ప్రణతి

నందమూరి తారక రామారావు – బసవతారకం

నాగచైతన్య – సమంత

చిరంజీవి – సురేఖ

గోపీచంద్ – రేష్మ

అల్లరి నరేష్ – విరూప

ప్రియమణి – ముస్తఫా రాజ్

డైరెక్టర్ క్రిష్ – రమ్య

వరుణ్ – వితిక

మహేష్ బాబు తన తండ్రిని కోల్పోవడంతో పుట్టెడు దుఃఖంలో మునిగిపోయారు. తన తండ్రి మరణంతో షూటింగ్స్ కూడా ఆలస్యం అయ్యే లాగే వున్నాయి. మహేష్ బాబు తల్లి తండ్రి ఇద్దరు దూరమవడంతో మానసికంగా కూడా ఇబ్బంది పడుతున్నారు. దీనితో ఆయన మూవీస్ కూడా ఆలస్యం అయ్యే లాగే ఉన్నాయి.

ఏది ఏమైనా మహేష్ బాబు కి దీని నుండి బయటకి రావడానికి సమయం పడుతుంది. సర్కారు వారి పాట తర్వాత మహేష్ బాబు త్రివిక్రమ్ దర్శకత్వంలో ఓ సినిమా చేస్తున్నారు. ఈ సినిమా తరవాత రాజమౌళి తో మహేష్ ఓ సినిమా చేస్తున్నారు.

త్రివిక్రమ్ మహేష్ బాబు సినిమా కోసం ప్రేక్షకులు ఎదురుచూస్తున్నారు. హారిక హాసిని బ్యానర్ మీద భారీ బడ్జెట్ తో ఈ సినిమాని నిర్మిస్తున్నారు. మహేష్ బాబు సరసన పూజా హెగ్డే నటిస్తున్నట్లు తెలుస్తోంది. అలానే రెండో హీరోయిన్ కింద శ్రీ లీల నటిస్తున్నట్లు వార్తలు వినపడుతున్నాయి. సాధారణంగా త్రివిక్రమ్ సినిమాలను మనం చూసుకున్నట్లయితే సెకండ్ హీరో కూడా ఉంటాడు. ఈ సినిమాలో కూడా రెండవ హీరో ఉంటున్నట్లు తెలుస్తోంది. ఎలా అయితే త్రివిక్రమ్ చేసిన గత సినిమాల్లో ఉన్నారో…. మహేష్ బాబు సినిమాలో కూడా ఇంకో హీరో ఉంటున్నట్లు తెలుస్తోంది.

సాయి రోనాక్ మహేష్ బాబు సినిమాలో సెకండ్ హీరో కింద నటిస్తున్నట్టు తెలుస్తోంది. తాజాగా ఓదెల రైల్వే స్టేషన్ సినిమాలో నటించారు సాయి రోనాక్. అలానే ప్రెషర్ కుక్కర్, పాఠశాల, గుప్పెడంత మనసు వంటి సినిమాల్లో నటించారు. అయితే సాయి రోనాక్ రాజయోగం ప్రమోషన్స్ లో బాగా ఈ విషయాన్ని షేర్ చేసుకున్నారు. మహేష్ బాబు త్రివిక్రమ్ సినిమా లో ఒక పాత్ర చేస్తున్నానని చెప్పారు. దీనితో ఈ సినిమా లో రెండవ హీరో సాయి రోనాక్ ఏ అని తెలుస్తోంది. దానికి సంబంధించిన వీడియో కూడా ఇక్కడ ఉంది మరి మీరు కూడా ఒక లుక్ వేసేయండి.

Young hero #SaiRonak doing an important role in #SSMB28 pic.twitter.com/FxhSx47kj6

— Phani Kumar (@phanikumar2809) December 2, 2022