Filmy Adda

అటు సినిమాలూ చేస్తూ, ఇటు టాక్ షో హోస్ట్ చేస్తూ బిజీగా ఉన్న నటుడు నందమూరి బాలకృష్ణ. ప్రస్తుతం బాలకృష్ణ వీర సింహా రెడ్డి సినిమా షూటింగ్ పనిలో బిజీగా ఉన్నారు. ఈ సినిమాకి గోపీచంద్ మలినేని దర్శకత్వం వహిస్తున్నారు. ఈ సినిమాలో శృతి హాసన్ హీరోయిన్ గా నటిస్తున్నారు. వీరిద్దరూ కలిసి నటించడం ఇదే మొదటిసారి.

ఈ సినిమాలో ఇంకా ఎంతో మంది ప్రముఖ నటీనటులు ముఖ్య పాత్రల్లో నటిస్తున్నారు. కన్నడ స్టార్ హీరో దునియా విజయ్ ఈ సినిమాలో విలన్ పాత్రలో నటిస్తున్నారు. అలాగే వరలక్ష్మి శరత్ కుమార్ కూడా సినిమాలో ఒక పాత్రలో నటిస్తున్నారు. తన పాత్ర ఫ్లాష్ బ్యాక్ ఎపిసోడ్ లో, అలాగే ఇప్పుడు ఉన్న టైంలో కూడా కనిపిస్తుంది అని, అందుకోసం తాను 15 కిలోల బరువు తగ్గాను అని వరలక్ష్మి శరత్ కుమార్ చెప్పారు. ఈ సినిమా టీజర్ విడుదల అయ్యింది. దానికి చాలా మంచి రెస్పాన్స్ వచ్చింది.

అయితే ఈ సినిమా తర్వాత బాలకృష్ణ అనిల్ రావిపూడి దర్శకత్వంలో ఒక సినిమాలో నటిస్తారు అనే సంగతి తెలిసిందే. ఇప్పుడు బాలకృష్ణ మరొక యంగ్ డైరెక్టర్ దర్శకత్వంలో కూడా నటిస్తారు అనే వార్తలు వస్తున్నాయి. కేరాఫ్ కంచరపాలెం, ఉమా మహేశ్వర ఉగ్ర రూపస్య వంటి సినిమాలతో గుర్తింపు సంపాదించుకున్న వెంకటేష్ మహా దర్శకత్వంలో బాలకృష్ణ నటిస్తున్నారు అని ఒక వార్త బయటకు వచ్చింది. వెంకటేష్ మహా బాలకృష్ణని కలిసి స్టోరీ చెప్పడానికి ఆసక్తి చూపుతున్నారు అని అంటున్నారు. ఒకవేళ బాలకృష్ణకు స్టోరీ నచ్చి సినిమా చేస్తే ఈ కాంబినేషన్ నిజంగా ఒక కొత్త కాంబినేషన్ అవుతుంది. ఈ విషయంలో ఎంత వరకు నిజం ఉందో తెలియాలి అంటే అధికారిక ప్రకటన వచ్చేంత వరకు ఆగాల్సిందే.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

అలా తమిళ సినిమాల్లో నటిస్తూ, అవి తెలుగులో కూడా డబ్ చేస్తూ తెలుగులో కూడా స్టార్ హీరో అనే గుర్తింపు సంపాదించుకున్న నటుడు చియాన్ విక్రమ్. విక్రమ్ నటించిన అన్ని సినిమాలు తెలుగులో కచ్చితంగా డబ్ అవుతాయి. ఇటీవల విక్రమ్ హీరోగా నటించిన కోబ్రా, పొన్నియన్ సెల్వన్ సినిమాలు కూడా తెలుగులో డబ్ అయ్యాయి.

అయితే విక్రమ్ కి ఇప్పుడు ఒక అరుదైన గౌరవం లభించింది. విక్రమ్ కి గోల్డెన్ వీసా లభించింది. దుబాయ్ ప్రభుత్వం విక్రమ్ కి గోల్డెన్ వీసా అందించింది. పూర్ణ తన భర్తతో కలిసి విక్రమ్ కి ఈ దుబాయ్ గోల్డెన్ వీసా అందించారు. ఈ ఫోటోని సోషల్ మీడియాలో షేర్ చేశారు. అంతకు ముందు కూడా కొంత మంది భారతీయ నటీనటులకు దుబాయ్ గోల్డెన్ వీసా వచ్చింది. వారిలో ప్రముఖ నటుడు మోహన్ లాల్, మమ్ముట్టి, కమల్ హాసన్, త్రిష, కాజల్, షారుఖ్ ఖాన్ కూడా ఉన్నారు. ఇప్పుడు విక్రమ్ కూడా ఈ జాబితాలో చేరారు. ప్రస్తుతం విక్రమ్ తంగలాన్ అనే సినిమా పనిలో బిజీగా ఉన్నారు. ఈ సినిమాకి సంబంధించిన ప్రోమో ఇటీవల విడుదల చేశారు.

సినీ ఫంక్షన్లలో, ఈవెంట్స్ లో యాంకర్ భానుశ్రీ పని చేస్తున్న విషయం మనకు తెలిసిందే. అలాగే భానుశ్రీ జబర్దస్త్ లో కొన్ని స్కిట్స్ కూడా చేస్తూ అప్పుడప్పుడూ మెరుస్తుంది. అటు వెండితెర నుండి ఇటు బుల్లితెర నుండి కూడా ఈమె తనదైన శైలితో మెప్పిస్తోంది.

సోషల్ మీడియాలో కూడా ఎప్పుడూ యాక్టివ్ గా ఉంటూ ఫాన్స్ ని అలరిస్తుంది యాంకర్ భాను శ్రీ. అయితే మొట్టమొదట ఈమె అవకాశాల కోసం వరంగల్ నుండి హైదరాబాద్ కి ఇంట్లో ఎవరికీ చెప్పకుండా వచ్చేసింది.

కెరీర్ మొదట్లో భానుశ్రీ ఎన్నో ఇబ్బందులు ఎదుర్కోవాల్సి వచ్చింది. సినిమా అవకాశాల కోసం చాలా కష్ట పడింది భానుశ్రీ. కానీ ఆమె జీవితమే మారిపోయింది. భాను శ్రీ జబర్దస్త్ లో కొన్ని స్కిట్స్ చేయడం.. సినీ ఫంక్షన్లలో, ఈవెంట్స్ లో అలరించడం మనం చూస్తూనే ఉంటాం. ఎన్నో కష్టాలు దాటి వచ్చి ఈమె ఇప్పుడు ఈ స్థానం లో వుంది. మొదట్లో సినిమాల కోసం వెతికే సమయంలో డబ్బులు సంపాదించుకోవడానికి ఒక జ్యూస్ సెంటర్ ని నడిపేదట ఈమె.

ఇదిలా ఉంటే తాజాగా భాను శ్రీ ఎమోషనల్ అయ్యిపోయింది. శ్రీ దేవి డ్రామా కంపెనీ ప్రోగ్రాం లో… పాట పాడుతూ ఈమె ఎమోషనల్ అయ్యింది. అక్కడ ఉన్నవారంతా కూడా కంటతడి పెట్టుకున్నారు. ఆమె పాత మీద ఇంద్రజ కూడా పాటలో వున్నా డెప్త్ వాయిస్ లో కనపడింది అని అన్నారు. తాజాగా శ్రీ దేవి డ్రామా కంపెనీ వచ్చిన ప్రోమో లో భాను శ్రీ ఎమోషనల్ అవ్వడాన్ని మనం చూడచ్చు.

తెలుగు ఇండస్ట్రీలో స్టార్ హీరోలందరితో నటించి స్టార్ హీరోయిన్ గా గుర్తింపు పొందిన నటి భూమిక చావ్లా. ఎన్నో సూపర్ హిట్ సినిమాల్లో భూమిక నటించారు. కేవలం తెలుగులోనే కాకుండా హిందీ, తమిళ సినిమాల్లో కూడా భూమిక నటించారు. అయితే భూమిక మళ్లీ చాలా సంవత్సరాల తరువాత హిందీ సినిమాలో నటిస్తున్నారు అని సమాచారం.

అది కూడా సల్మాన్ ఖాన్ హీరోగా నటిస్తున్న సినిమాలో భూమిక ఒక ముఖ్య పాత్రలో నటిస్తున్నారు అనే వార్తలు వస్తున్నాయి. బాలీవుడ్ నటుడు సల్మాన్ ఖాన్ హీరోగా కిసీ కా భాయ్ కిసీ కా జాన్ అనే సినిమాలో ఒక పాత్ర పోషిస్తున్నట్లు వార్తలు వస్తున్నాయి. అంతే కాకుండా సల్మాన్ ఖాన్ భూమిక కలిసి అంతకుముందు తేరే నామ్ సినిమాలో నటించారు.

ఇది మాత్రమే కాకుండా సల్మాన్ ఖాన్ మైనే ప్యార్ కియా సినిమాలో హీరోయిన్ గా నటించిన భాగ్య శ్రీ కూడా ఈ సినిమాలో ముఖ్య పాత్ర పోషిస్తున్నట్లు సమాచారం. ఈ సినిమాలో పూజా హెగ్డే హీరోయిన్ గా నటిస్తున్నారు. అలాగే వెంకటేష్, రామ్ చరణ్ కూడా అతిథి పాత్రల్లో కనిపిస్తారు. ఈ సినిమా కాటమరాయుడు రీమేక్ అని వార్త వచ్చింది. ఇంక భూమిక విషయానికి వస్తే ఇటీవల సీతారామం సినిమాలో ఒక ముఖ్య పాత్రలో నటించారు. ఈ సినిమా సూపర్ హిట్ అయ్యింది. ఇందులో భూమిక కనిపించేది కొంచెం సేపు అయినా కూడా భూమిక పోషించిన పాత్రకి మంచి గుర్తింపు వచ్చింది.

గ్లామర్ బ్యూటీ రష్మిక మందన్నను నేషనల్ క్రష్ గా అభిమానులు ఎంతో అభిమానంగా పిలుచు కుంటారు. ఆమె పుష్ప సినిమాతో పాన్ ఇండియా స్టార్ హీరోయిన్ అయిపోయింది. ఈ క్రేజ్ తో పలు బాలీవుడ్ చిత్రాలకు కూడా సైన్ చేసింది రష్మిక. ప్రెజెంట్ ఈమె అన్ని ఇండస్ట్రీలలో వరుస సినిమాలు చేస్తూ దూసుకు పోతుంది.

అయితే తాజాగా ఈమె సోషల్ మీడియా వేదికగా ఎమోషనల్ పోస్ట్ చేసింది. ఈ పోస్ట్ ఇప్పుడు నెట్టింట వైరల్ అవుతుంది. ఈమెపై గత కొన్ని రోజుల నుండి చాలా మంది ట్రోల్స్ చేస్తున్నారు. ఎన్ని ట్రోల్స్ వచ్చినా ఈమె పట్టించుకోకుండా తన పని తాను చూసుకుంటుంది. ఇప్పుడు మాత్రం ట్రోల్ల్స్ పై స్పందిస్తూ ఎమోషనల్ అయింది రష్మిక.

” గత కొంత కాలంగా కొన్ని ట్రోల్స్ నన్ను బాధపెడుతూనే ఉన్నాయి.. ఇప్పుడు నేను వాటిపై మాట్లాడాలని అనుకుంటున్నాను. ఇది ఇంతకు ముందే ఎప్పుడో చేయాల్సింది. కానీ ఇప్పుడు చెబుతున్నాను.. నా కెరీర్ స్టార్ట్ చేసిన క్షణం నుంచి నెగెటివిటీ వస్తూనే ఉంది.. మామూలుగానే ట్రోల్స్, నెగెటివిటీ అనేది కామన్‌గా వస్తూ ఉంటాయి.

నేను ఎంచుకున్న కెరీర్ అలాంటిదే అని నాకు తెలుసు.. పైగా నేను అందరికీ నచ్చాలని రూల్ ఏమీ లేదు.. అందరి ప్రేమ నాకు దక్కాలని కూడా అనుకోను..మీకు నేను నచ్చలేదని అంటే..ఇలా నెగెటివిటీ, ట్రోలింగ్ చేయడం కాదు కదా?

నేను చెప్పని విషయాలను చెప్పినట్టుగా సోషల్ మీడియా, ఇంటర్నెట్‌లో ప్రచారం చేయడం మాత్రం నాకు చాలా బాధగా అనిపిస్తోంది. అవి నన్ను తక్కువ చేసినట్టుగా అనిపిస్తోంది. నేను ఇంటర్వ్యూలో చెప్పిన కొన్ని విషయాలు తప్పుగా వెళ్లిపోయాయి. నేను చెప్పింది కాకుండా వేరేవి రాస్తున్నారు.. దాని వల్ల నాకు ఇండస్ట్రీలో ఉన్న రిలేషన్స్, బయట ఉన్న రిలేషన్స్ దెబ్బ తినే అవకాశాలున్నాయి. మంచి విమర్శల వల్ల నా కెరీర్ ముందుకు వెళ్తుంది.. తప్పులను మార్చుకోవడానికి పని చేస్తాయి.. కానీ ఇలాంటి హేట్, నెగెటివిటీ ఎందుకు?.. ఇన్నేళ్లుగా దాన్ని పట్టించుకోవద్దని అనుకున్నాను.. కానీ అది మరింత హద్దులు దాటుతోంది.. ఇప్పుడు ఇలా బయటకు చెబుతున్నాను.

మీలో కొందరు నాపై చూపిస్తున్న ప్రేమకు రుణపడిపోయాను. వారి ప్రేమే ఎల్లప్పుడు నన్ను మరింత ముందుకు నడిపిస్తుంది. ఆ ప్రేమే ఇప్పుడు ఇలా నా మనసులోని మాటలను చెప్పేందుకు దైర్యాన్ని ఇచ్చింది. నా చుట్టూ ఉండే వారు నన్ను ప్రేమిస్తున్నారు. మిమ్మల్ని అలరించేందుకు మరింత కష్టపడతాను. అందరి పట్ల కాస్త దయతో మెలగండి.. మేం మా బెస్ట్ ఇచ్చేందుకు ప్రయత్నిస్తుంటాం. థాంక్యూ’ అంటూ రష్మిక మందన ఎమోషనల్ పోస్ట్ పెట్టింది.

వర్ష ఇమ్మానియేల్ కి మధ్యలో ఏం నడుస్తోంది అనేది అందరిలీ వుండే సందేహమే. ఇమ్మానియేల్ ని వర్ష ప్రేమిస్తుందా అని అని అందరిలో ఈ ప్రశ్న వుంది. జబర్దస్త్ వేదికపై వర్ష ఇమ్మానియేల్ ప్రేమకథ మనం చూస్తూనే ఉంటాం. సుధీర్ రష్మీ తర్వాత వర్ష ఇమ్మానియేల్ ఇంత రేంజ్ లో ప్రచారాన్ని దక్కించుకున్నారు.

ఇదిలా ఉంటే తాజాగా వర్ష కోసం ఇమ్మానియేల్ వర్ష కి ఓ నెక్లెస్ ని బహుమతిగా ఇచ్చాడట. మరి ఇక అసలు ఏం అయ్యింది..?, ఎందుకు ఇమ్మానియేల్ వర్ష కి ఈ నెక్లెస్ ని బహుమతిగా ఇచ్చాడో చూద్దాం.

వర్ష, ఇమ్మానియేల్ ఇద్దరి మధ్య కూడా లవ్ ట్రాక్ నడుస్తూ వుంది. పైగా ఈ లవ్ ట్రాక్ ఆధారంగా స్కిట్లని కూడా చేస్తూ ఉంటారు. ఇలా ప్రేక్షకుల్ని వీళ్లిద్దరూ అలరిస్తూ ఉంటారు. తాజాగా నెక్లెస్ కి సంబంధించి జరిగిన విషయాన్ని చూస్తే.. మామూలుగా మనం గిఫ్ట్స్ ని ఎవరికైనా ఇస్తూ ఉంటాము. నచ్చిన వ్యక్తి కి బహుమతిగా ఏదో ఒకటి ఇవ్వడం లేదంటే ఎవరైనా ఇస్తే తీసుకుంటూ ఉంటాం. అయితే ఇలానే ఇమ్మానియేల్ కూడా వర్ష కి హైదరాబాద్లో ఉన్న ప్రముఖ నగల షాప్ కి తీసుకు వెళ్లి ఖరీదైన నెక్లెస్ ని కొని ఇచ్చాడట.

వచ్చే నెల వర్ష బర్త్డే ఉండడం వలన ఇలా ఇమ్మానియేల్ వర్ష కి సర్ప్రైజ్ చేశాడు. ఈ వీడియో ఇప్పుడు సోషల్ మీడియాలో తెగ షికార్లు కొడుతోంది. కానీ ఈ వీడియోలో ఉన్న ఆఖరి విషయాన్ని చూస్తే నవ్వు ఆపుకోలేరు. నిజంగా ఇమ్మానియేల్ వర్ష కోసం ప్రేమతో ఏమి కొన్ని ఇవ్వలేదు కేవలం వీడియోని చేయడానికి మాత్రమే ఈ బహుమతిని ఇచ్చాడట. వీడియో చివరన కూడా ఈ విషయం చెప్పారు. ఇది ఇప్పుడు వైరల్ అవుతోంది.

దేశవ్యాప్తంగా సినీ ప్రియులు ఎప్పుడెప్పుడా అని ఎదురుచూస్తున్న ఆదిపురుష్ టీజర్ వచ్చేసింది. ఆదివారం సాయంత్రం అయోధ్యలోని సరయు నది తీరాన గ్రాండ్‏గా విడుదల చేశారు. రిలీజ్ అయిన కాసేపట్లోనే ఈ టీజర్ కు మంచి రెస్పాన్స్ వచ్చింది.

ఇందులో రాముడిగా ప్రభాస్ కనిపించగా.. సైఫ్ అలీఖాన్ రావణుడిగా.. సీత పాత్రలో కృతి సనన్ కనిపించింది. అయితే వీరి ముగ్గురి గురించి ప్రేక్షకుల గతంలోనే తెలుసు.

అలాగే వీరంతా సుపరిచితం కావడంతో ఆడియన్స్ సైతం వీరి నటన పై అవగాహన ఉంది. తెలుగు తో పాటు, హిందీ, తమిళ్, మలయాళం, కన్నడ భాషల్లో కూడా ఈ సినిమా టీజర్ విడుదల అయ్యింది. బాహుబలి తర్వాత నుండి ప్రభాస్ నటించిన అన్ని సినిమాలు కూడా తెలుగుతో పాటు మిగిలిన భాషల్లో విడుదల అవుతున్నాయి. సినిమాకి ఓం రౌత్ దర్శకత్వం వహించారు. ఓం రౌత్ అంతకు ముందు తానాజీ సినిమాకి దర్శకత్వం వహించారు.

అయితే ఈ సినిమా టీజర్ కాస్త నిరాశ పరిచింది. అందుకే ఈ సినిమా ని వచ్చే జూన్ నెలకు వాయిదా వేశారు. కాస్త సమయం తీసుకుని ఈ సినిమాను విడుదల చెయ్యాలని నిర్ణయం తీసుకుంది చిత్ర యూనిట్. ఈ సినిమాయే కాక ప్రభాస్ సలార్ సినిమాలో నటించనున్నాడు. ఈ సినిమా ఆలస్యం అయ్యేలా వుంది కనుక ఈ ఎఫెక్ట్ సలార్ మీద కూడా పడుతుందని అంటున్నారు. ఈ సినిమా వలన సలార్ కూడా వాయిదా పడే అవకాశం వుంది. ఈ రెండు సినిమాలూ కూడా భారీ బడ్జెట్ తో తీస్తున్నవే.

“పుష్ప: ది రైజ్” సినిమాతో స్టైలిష్ స్టార్ అల్లు అర్జున్ పాన్ ఇండియా స్టార్ గా మారిపోయారు. సుకుమార్ దర్శకత్వంలో ఎర్రచందనం స్మగ్లింగ్ నేపథ్యం లో భారీ అంచనాల మధ్య విడుదలైన ఈ సినిమా బాక్సాఫీస్ వద్ద మంచి విజయాన్ని సాధించింది.

ఇక ఈ సినిమాలో పుష్ప రాజ్ పాత్రలో అల్లు అర్జున్ అద్భుతమైన నటనను కనబరిచారు. ఇక ఈ సినిమా రెండవ భాగమైన “పుష్ప: ది రూల్” పైన అంచనాలు రోజు రోజుకీ పెరుగుతూ వస్తున్నాయి.

ఇక ఈ సినిమా ఎప్పుడెప్పుడు విడుదల అవుతుందా అని అభిమానులు ఆసక్తిగా ఎదురుచూస్తున్నారు. ప్రస్తుతం పుష్ప ది రూల్ సినిమాకు సంబంధించి చిత్ర యూనిట్ వర్క్ చేస్తోంది. అయితే తాజాగా వచ్చిన సమాచారం ప్రకారం పుష్ప: ది రూల్ సినిమా షూటింగ్ ని బ్యాంకాక్ లో చేస్తారట. వచ్చే వారం నుండి బ్యాంకాక్ లో పుష్ప రెండవ భాగం షూట్ చెయ్యనున్నారు. బ్యాంకాక్ అడవుల్లో షూటింగ్ రెండు మూడు వారలు ఉండనుంది.

ఈ సినిమాలో ప్రముఖ సెలబ్రిటీ ఫోటోగ్రాఫర్లలో ఒకరైన అవినాష్ గోవరికర్ ఈ పని చేస్తుండటం గమనార్హం. అయితే ఈ సినిమా కూడా మంచి హిట్ అందుకుంటుందని అంటున్నారు. పుష్ప2 మూవీ కూడా ఇండస్ట్రీ హిట్ గా నిలిస్తే బన్నీ మార్కెట్ మరింత పెరిగే ఛాన్స్ అయితే ఉంది. అలానే దాదాపుగా 350 కోట్ల రూపాయల భారీ బడ్జెట్ తో ఈ సినిమా తెరకెక్కుతోంది.

ఎన్నో అంచనాలు పెట్టుకున్నప్పటికీ విజయ్ దేవరకొండ లైగర్ సినిమా హిట్ అవ్వలేదు. భారీ ఎక్స్పెక్టేషన్స్ ప్రేక్షకులు పెట్టుకున్నా డిసప్పాయింట్ చేసింది. మరో పక్క డియర్ కామ్రేడ్ సినిమా కూడా హిట్ అవ్వలేదు. ఇలా విజయ్ దేవరకొండ కి కాలం కలిసి రావడం లేదు.

భారీ ఎక్స్పెక్టేషన్స్ పెట్టుకున్నప్పటికీ ఊహించిన ఫలితాలు ఈ సినిమాకి అందలేదు. లైగర్ సినిమా హిట్ అవ్వకపోవడం తో సినిమాను కొనుగోలు చేసిన వాళ్లకి నష్టాలు వచ్చాయి.

అయితే ఇప్పడూ ఎక్కడ చూసిన విజయ్ ని కమ్ బ్యాక్ ఎప్పుడు అని విజయ్ ని అడుగుతున్నారట. దానికి విజయ్ ఇచ్చే జవాబు ఏంటంటే.. ”కమ్ బ్యాక్ ఎప్పుడు అని అడిగే వాళ్లందరికీ ఒక్కటే చెప్తున్నాను. నేను ఎక్కడికీ వెళ్లలేదు కదా.. ఇక్కడే వున్న కదా” అని అంటున్నాడు విజయ్. ఇదిలా ఉంటే విజయ్ ప్రతి ఒక్కరి జీవితంలో గెలుపు ఓటమి సహజం అని అన్నాడు.

నిజానికి ఇలాంటి పెద్ద సినిమాలో నటించడమే గొప్ప అవకాశం అని విజయ్ అన్నాడు. పైగా ఆయన పాత్రని ఆయన ఆస్వాదించునట్లు చెప్పాడు విజయ్. అంతేకాక ఈ సినిమా కోసం దేశమంతా ప్రచారం చేశారు అయితే దేశమంతా ప్రచారం చేయడం గొప్ప అనుభూతిని ఇచ్చిందని విజయ్ దేవరకొండ అన్నాడు. రిస్క్ చెయ్యాలని. రిస్క్ చేయ‌క‌పోతే మ‌నం ఉన్న‌తిని కోరుకోవ‌టం లేదనే అని విజయ్ అన్నాడు. అలానే ఈ సినిమా వలన పూరి జగన్నాధ్ పైన విమ‌ర్శ‌లు కూడా వచ్చాయి. కానీ ఈ విమర్శలు వింటున్నా కూడా నిశబ్దం గానే ఉంటున్నాడు పూరి జగన్నాధ్.