Filmy Adda

మాస్ మహారాజా కెరీర్ ఎప్పుడు జెట్ స్పీడ్ తోనే దూసుకు పోతాడు. ఏడాదికి మూడు-నాలుగు సినిమాలను పక్కాగా విడుదల చేస్తాడు.ఈయన గ్యాప్ లేకుండా సినిమాలు అనౌన్స్ చేసి అంతే వేగంగా షూటింగ్ కూడా పూర్తి చేస్తున్నాడు.

ఇటీవలే రమేష్ వర్మ దర్శకత్వంలో చేసిన ఖిలాడీ, శరత్ మండవ దర్శకత్వంలో చేసిన రామారావు ఆన్ డ్యూటీ సినిమాలు ప్లాప్ అయ్యాయి. అయినా కూడా మాస్ రాజా జోరు ఏ మాత్రం తగ్గకుండా మరింత వేగం అయ్యింది.ప్రెజెంట్ రవితేజ త్రినాథరావు నక్కిన దర్శకత్వంలో ధమాకా సినిమా చేస్తున్నాడు.

ఈ సినిమాలో రవితేజ కు జోడీగా పెళ్లి సందడి బ్యూటీ శ్రీలీల నటిస్తుండగా.వివేక్ కూచిభట్ల సహా నిర్మాతగా టీజీ విశ్వ ప్రసాద్ భారీ స్థాయిలో ఈ సినిమాను నిర్మిస్తున్నారు. ఈ సినిమాను కామెడీ అండ్ ఫ్యామిలీ ఎంటర్టైనర్ గా దర్శకుడు తెరకెక్కిస్తున్నాడు.అయితే రవితేజ చేసిన వరుస సినిమాలు పరాజయం కావడంతో ఈ సినిమాపైనే ఫ్యాన్స్ ఆశలు పెట్టుకున్నారు.

తాజాగా ఈ సినిమా నుండి ఒక అప్డేట్ రిలీజ్ చేసారు మేకర్స్. ఈ సినిమా నుండి  ఫస్ట్ సింగిల్ రిలీజ్ చేయగా ఈ లిరికల్ సాంగ్ ప్రేక్షకులను బాగా ఆకట్టుకుంటుంది. ఈ పాట మాస్ అండ్ ఎనర్జిటిక్ గా ఉంది.ఇందులో రవితేజ అండ్ శ్రీలీల జంటగా కనిపించగా వీరి జంట ప్రేక్షకులకు కన్నుల విందుగా ఉంది. అయితే ఈ సినిమాకు సంబంధించిన ఒక ఆసక్తికర అప్డేట్ నెట్లో సందడి చేస్తోంది.. తాజాగా అందుతున్న సమాచారం ప్రకారం.. ఈ సినిమాలో ‘జబర్దస్త్’ స్కిట్స్ లాంటి కామెడీ ట్రాక్ లు ఉండే అవకాశం ఉందని అంటున్నారు. ఈ సినిమా దర్శకుడు త్రినాథరావు.. హైపర్ ఆది మంచి స్నేహితులు.

‘జబర్దస్త్’ షోలో హైపర్ ఆది స్కిట్స్ ఏ రేంజ్ లో పేలుతాయో తెలిసిందే. అందుకే త్రినాథరావు.. ఆదితో తన సినిమా కోసం కొన్ని స్కిట్స్ రాయించుకున్నారట. సినిమాలో అక్కడక్కడా జబర్దస్త్ స్కిట్స్ కనిపిస్తాయని అంటున్నారు. అయితే ‘జబర్దస్త్’ షోని ఎంత మంది ఇష్టపడతారో అదే రేంజ్ లో హేట్ చేసేవాళ్లు కూడా ఉన్నారు. బుల్లితెరపై ఆ షో ఓకే కానీ.. అలాంటి స్కిట్స్ ను వెండితెరపై పాపులర్ హీరోలు వేస్తే బాగోదేమో. అసలు బేసిక్ గా రవి తేజ అంటేనే సూపర్ కామెడీ. ఈయన కోసం హైపర్ ఆది అవసరమా అని నెటిజన్లు కామెంట్లు చేస్తున్నారు. అయినా హైపర్ ఆది స్కిట్స్ లో కొంచెం అసభ్యత పెరుగుతోంది. ఈ నేపథ్యంలో రవి తేజ వంటి స్టార్ హీరో ఎలా ఒప్పుకున్నాడన్నదే ప్రశ్న.

అయితే ఈ విషయంలో హీరో రవితేజ ఎలాంటి అభ్యంతరాలు పెట్టలేదని టాక్. దర్శకుడు చెప్పినట్లుగా సినిమా చేసుకుంటూ వెళ్లిపోయారట. ఈ మధ్యకాలంలో రవితేజ జడ్జిమెంట్ చాలా వరకు ఫెయిల్ అవుతుంది. అందుకే ఈ సినిమా విషయంలో ఆయన పెద్దగా ఇన్వాల్వ్ అవ్వలేదని.. దర్శకుడికే మొత్తం వదిలేశారని తెలుస్తోంది.మరి సినిమాకి ఎలాంటి రిజల్ట్ వస్తుందో చూడాలి.

సూపర్ స్టార్ మహేష్ బాబు ఫ్యాన్స్ మహేష్ బాబు సినిమా ఎప్పుడు తెర మీదకి వస్తుందా అని ఆసక్తిగా ఎదురు చూస్తున్నారు. సూపర్ స్టార్ మహేష్ బాబు ఇప్పుడు త్రివిక్రమ్ తో సినిమా చేయనున్నారు. గతంలో అతడు, ఖలేజా సినిమాలు మహేష్ బాబు త్రివిక్రమ్ కాంబినేషన్ లో వచ్చాయి.

ఇక రాబోతున్న ఈ సినిమా గురించి చూస్తే… మహేష్ బాబు కి జంటగా పూజాహెగ్డే నటిస్తున్నారు. హారిక అండ్ హాసిని క్రియేషన్స్ బ్యానర్ పై ఈ చిత్రం రాబోతుంది.

నిర్మాతగా చిన్నబాబు వ్యవహరిస్తున్నారు. దసరా తర్వాత ఈ చిత్రం షూటింగ్ మొదలవుతుంది. అయితే ఈ సినిమా టైటిల్ విషయానికి వస్తే… పార్ధు, అర్జునుడు అనే పేర్లు వినపడ్డాయి. తాజాగా అయోధ్య లో అర్జునుడు అనే టైటిల్ ని ఫైనల్ చేయవచ్చనే టాక్ నడుస్తోంది. ప్రస్తుతం ఈ టైటిల్ ని చిత్ర యూనిట్ పరిశీలిస్తోంది. త్రివిక్రమ్ చేసిన గత నాలుగు చిత్రాలు కూడా ‘ఆ’ అక్షరం తో మొదలయ్యాయి. అందుకే రాబోతున్న ఈ టైటిల్ ను కూడా ‘ఆ’ తో మొదలు పెడుతున్నట్లు తెలుస్తోంది.

త్రివిక్రమ్ దర్శకత్వంలో మహేష్ బాబు 28వ సినిమా అయ్యాక.. రాజమౌళి దర్శకత్వంలో మహేష్ బాబు తన 29వ చిత్రం చేయనున్నారు. రాజమౌళి హాలీవుడ్ ఏజెన్సీ CAA కి సైన్ చేసారు. మహేష్ కోసం రాజమౌళి ఏదో పెద్దగానే ప్లాన్ చేస్తున్నారు.

రాజమౌళి ఇటీవల టోర్నడో ఇంటర్నేషనల్ ఫిలిం ఫెస్టివల్ కోసం కెనడా వెళ్లారు. అప్పుడు అక్కడ అయినా మహేష్ బాబుతో సినిమా తీసుకొస్తున్నట్లు చెప్పారు. జేమ్స్ బాండ్ లాంటి ప్రాజెక్ట్ ను తీసుకు వస్తున్నట్లు రాజమౌళి అనౌన్స్ చేశారు. ఈ చిత్రం గురించి మహేష్ బాబు మాట్లాడుతూ… రాజమౌళి తో ఒక్క సినిమా చేయడం 25 సినిమాలని ఒకేసారి చేయడం అని చెప్పారు. ఈ సినిమా కనుక తెరమీదకు వచ్చిందంటే ఫాన్స్ కి పండగే. ఈ చిత్రం యొక్క స్క్రిప్ట్ ని ఎస్ ఎస్ రాజమౌళి తండ్రి రాస్తున్నారు.

ఎక్కువగా నెగిటివ్ షేడ్స్ చేసేవారు పృథ్వీ. ఎన్నో సినిమాల్లో నటించి తెలుగు ప్రేక్షకులకి బాగా దగ్గరయ్యాడు. పెళ్లి, చెన్నకేశవ రెడ్డి, నువ్వు నాకు నచ్చావ్, గౌతమ్ SSC ఇలా ఎన్నో సినిమాల్లో నటించాడు. సీరియళ్ల లో కూడా నటించి మెప్పించాడు పృథ్వి.

ఇది ఇలా ఉంటే కొంత కాలం నుండి సినిమాల్లో కానీ సీరియల్స్ లో కానీ పృథ్వి కనపడడం లేదు. అయితే ఈయన ఎందుకు సినిమాల్లో కానీ సీరియల్స్ లో కానీ కనపడడం లేదు అనేది చూస్తే..

పృథ్వి ఇండస్ట్రీ లో కనపడక  పోవడం వెనుక బలమైన కారణం వుంది. పృథ్వీ తాజాగా ఈ విషయాలను ఓ ఇంటర్వ్యూ లో చెప్పాడు. పైగా ఆఫర్స్ రావక పోవడం ఏమి లేదు. వరుస ఆఫర్లు వస్తున్న సమయం లోనే పృథ్వి ఇండస్ట్రీ నుండి దూరం అయ్యాడు. పృథ్వి  కి ఒకే ఒక్క అబ్బాయి వున్నాడట. తన వయస్సు 27 సంవత్సరాలు. అయితే ఈ బాబు కి మానసిక ఎదుగుదల లేదని.. మాట్లాడలేడని చెప్పాడు.

ఈ విషయం తెలిసినప్పటి నుంచి తాను డిప్రెషన్ లోకి వెళ్ళి పోయాడట. దీని మూలంగా తొమ్మిది ఏళ్ళు డిప్రెషన్ లో ఉన్నాడట. ఆ టైం లో ఈయన సినిమాలకు దూరంగా ఉన్నారట. అదే విధంగా తాను సినిమాల్లో నటిస్తున్నప్పుడు కొంత మంది హీరోలు తన పాత్రలను కట్ చేయించారని అన్నాడు. అలా సీన్స్ ని కట్ చేసినప్పుడు ఎంతో బాధ కలిగినది అని చెప్పాడు. నిజానికి ఇలా జరిగితే ఎవరికైనా సరే ఎంతో బాధ కలుగుతుంది.

పృద్వి కూడా సీన్స్ ని కట్ చేసినప్పుడు ఎంతో బాధ పడ్డారట. కెరీర్ పై ఇలాంటివన్నీ కూడా నన్ను ఎఫెక్ట్ చేసాయి అని అన్నాడు. తాను చెప్పిన ఈ విషయాలు నెట్టింట వైరల్ గా మారాయి. అయితే ఇంకా తనకి అభిమానులు వున్నారు. పృథ్వీ భవిష్యత్తు ప్రాజెక్ట్ల తో సక్సెస్ అవ్వాలని అంటున్నారు ఫ్యాన్స్.

ప్రభాస్ హీరోగా ఆదిపురుష్ సినిమా రాబోతోంది. ఈ సినిమాకి ఓం రౌత్ దర్శకత్వం వహిస్తున్నారు. ఇది తెలుగు, హిందీ భాషల్లో రూపొందుతోంది. అయితే ఈ సినిమా ఎప్పుడో విడుదల అవ్వాల్సి ఉంది. ఎన్నో కారణాల వల్ల సినిమా విడుదల వాయిదా పడింది.

ఈ సినిమా కోసం ప్రభాస్ డిఫరెంట్ లుక్ లో కనిపిస్తారు. అందు కోసం చాలా కష్టపడుతున్నారు. ఈ సినిమాకి సంబంధించి ఇప్పటి వరకు లీక్ అయిన స్టిల్స్ కూడా జనాల్లో ఆసక్తిని పెంచాయి.

ఇక ఇది ఇలా ఉంటే ఆదిపురుష్ టీజర్ విడుదలవ్వాల్సి ఉంది. ప్రభాస్ ఫ్యాన్స్ కూడా దీని గురించి ఎప్పటి నుండో ఎదురు చూస్తున్నారు. ఆదిపురుష్ టీజర్ కి సంబంధించి ఒక ముఖ్యమైన అప్డేట్ విడుదలయింది. ఇది నిజంగా ఫాన్స్ కి గుడ్ న్యూస్ అని చెప్పాలి.

ఉత్తరప్రదేశ్ అయోధ్య లో విడుదల చేయనున్నట్లు తెలుస్తోంది. అక్టోబర్ 2వ తేదీన ప్రభాస్ నటిస్తున్న ఆదిపురుష్ సినిమా టీజర్ ఉత్తర ప్రదేశ్ అయోధ్య లో విడుదల కానున్నట్లు సమాచారం అందింది. పైగా ఆది పురుష్ టీమ్ జర్నలిస్టులను కూడా తీసుకు వెళ్తున్నట్టు తెలుస్తోంది. వివిధ ప్రాంతాల నుండి జర్నలిస్టులు వెళ్లి దీనిని కవర్ చేయనున్నారు.

రామాయణం ఆధారంగా ఆది పురుష్ సినిమాని తీసుకు వస్తున్నారు. ఈ చిత్రాన్ని భారీ బడ్జెట్‌ తో రూపొందించనున్నారు. ఈ సినిమాలో కృతి సనన్, సైఫ్ అలీ ఖాన్, సన్నీ సింగ్ కీలక పాత్రల్లో కనపడనున్నారు. ఆదిపురుష్ షూటింగ్ కూడా పూర్తి అయ్యి పోయింది. 2023 జనవరి 12న ఈ సినిమాని రిలీజ్ చెయ్యడానికి చూస్తున్నారు.

ఇక ఇది ఇలా ఉంటే ప్రస్తుతం ప్రభాస్ ‘ఆదిపురుష్’ సినిమా తో బిజీగా ఉండగా.. ప్రశాంత్ నీల్ సలార్, నాగ్ అశ్విన్ ప్రాజెక్ట్ –K సినిమాలు కూడా ప్రభాస్ చేతి లో వున్నాయి. ప్రాజెక్ట్ –K లక్ష్యం అయితే పాన్ వరల్డ్ స్థాయి లో ఇంటర్నేషనల్ మార్కెట్స్‌ని రీచ్ అవ్వడమే.

ఎన్నో అంచనాలు పెట్టుకున్నప్పటికీ విజయ్ దేవరకొండ లైగర్ సినిమా హిట్ అవ్వలేదు. భారీ ఎక్స్పెక్టేషన్స్ ప్రేక్షకులు పెట్టుకున్నా డిసప్పాయింట్ చేసింది. మరో పక్క డియర్ కామ్రేడ్ సినిమా కూడా హిట్ అవ్వలేదు. ఇలా విజయ్ దేవరకొండ కి కాలం కలిసి రావడం లేదు.

భారీ ఎక్స్పెక్టేషన్స్ పెట్టుకున్నప్పటికీ ఊహించిన ఫలితాలు ఈ సినిమాకి అందలేదు. ఇక ఇదిలా ఉంటే ఇప్పుడు ఖుషి సినిమా షూటింగ్ కూడా అవుతోంది. ఇంచుమించు చాలా షూటింగ్ అయిపోయింది.

లైగర్ సినిమా హిట్ అవ్వకపోవడం తో సినిమాను కొనుగోలు చేసిన వాళ్లకి నష్టాలు వచ్చాయి. అలానే పూరి జగన్నాధ్ పైన విమ‌ర్శ‌లు కూడా వచ్చాయి. కానీ ఈ విమర్శలు వింటున్నా కూడా నిశబ్దం గానే ఉంటున్నాడు పూరి జగన్నాధ్. అయితే వి.వి.వినాయ‌క్ రీసెంట్ గా ఓ ఇంట‌ర్వ్యూలో పూరి జగన్నాథ్ పై వ‌స్తున్న విమ‌ర్శ‌ల‌ పై స్పందించారు.

ఇక దాని గురించి చూస్తే.. దర్శకుడు పూరి జగన్నాధ్ యొక్క సామర్ధ్యం ఎవరికీ తెలీదు. బ‌య‌ట‌కు వ‌చ్చే వార్త‌ల‌ను చూస్తూ ఎంటర్టైన్ చేస్తున్నారని.. మాట్లాడుతున్నారని అన్నారు. అలానే ఈ చిత్రం పూరి జ‌గ‌న్నాథ్ లైఫ్ ని ఏమి మార్చేయదు. గతం లో కూడా ఫ్లాపులు, హిట్లు, సూపర్ హిట్లను కూడా పూరి అందుకున్నారు అని చెప్పారు వినాయక్.

అలానే ఇప్పటికీ పోకిరి సినిమా తనకి ఇష్టమని చెప్పాడు. మ‌ళ్లీ పోకిరితో కొడ్తే ఏ సినిమా కూడా కనపడదని చెప్పారు. పైగా సినిమాల్లో కష్టాలు వస్తాయని.. ఇవన్నీ సహజమని అన్నారు. మళ్లీ తిరిజి లేవ‌లేనంత అస‌మ‌ర్దుడేం కాదు పూరి అని చెప్పారు.

ఇదిలా ఉంటే విజయ్ దేవరకొండ ఖుషి సినిమాలో నటిస్తున్నాడు. ఈ సినిమాలో విజయ్ దేవరకొండ సరసన సమంత నటిస్తున్నారు. అయితే సమంతకు కొన్ని సమస్యలు రావడం వల్ల షూటింగ్ మధ్యలో ఆగింది. ఈ సినిమాను మైత్రీ మూవీ మేకర్స్ వాళ్ళు ప్రొడ్యూస్ చేస్తున్నారు. శివ నిర్వాణ ఈ సినిమాకి దర్శకత్వం వహిస్తున్నారు.