Filmy Adda

అలనాటి నటుడు నందమూరి తారకరామారావు ఇంట విషాదం చోటు చేసుకున్న సంగతి తెలిసిందే. ఆయన చిన్న కుమార్తె ఉమా మహేశ్వరి హఠాన్మరణం పొందారు. కంఠమనేని ఉమా మహేశ్వరి ఎన్టీఆర్ కు స్వయానా నాలుగవ కుమార్తె. ఆమె మరణంతో ఎన్టీఆర్ కుటుంబంలో తీవ్ర విషాదం చోటు చేసుకుంది. జూబ్లీహిల్స్ లోని ఆమె నివాసంలో సోమవారం మధ్యాహ్నం సమయంలో ఉమా మహేశ్వరి కన్నుమూశారు.

ఈ సోమవారం అనగా.. ఆగస్టు ఒకటవ తేదీన ఆమె ఆత్మహత్య చేసుకున్న సంగతి తెలిసిందే. నందమూరి కుటుంబ ప్రముఖులు ఆమెను కడసారి చూడడం కోసం ఆమె ఇంటికి చేరుకున్నారు. నేడు ఆమెకు మహా ప్రస్థానంలో అంత్యక్రియలు జరగనున్నాయి. అయితే.. నందమూరి కుటుంబానికి చెందిన ఓ ఆసక్తికర అంశంపై నెట్టింట్లో చర్చ నడుస్తోంది.

గత కొంత కాలంగా ఎన్టీఆర్ కుటుంబంలో వరుస విషాదాలు చోటు చేసుకుంటున్నాయి. 2019 లో హరికృష్ణ రోడ్డు ప్రమాదంలో మరణించారు. ఉమా మహేశ్వరి కూడా ఆగష్టు నెలలోనే మృతి చెందడం గమనార్హం. ఈ క్రమంలో ఎన్టీఆర్ సంతానం ఎంత మంది స్వర్గస్తులయ్యారు అన్న విషయమై సోషల్ మీడియాలో చర్చ జరుగుతోంది. వారి లిస్ట్ మీరు కూడా చూసేయండి.

1. హరికృష్ణ:

నందమూరి హరికృష్ణ ఆగష్టు 29 వ తేదీ 2019 న ఓ పెళ్ళికి వెళుతూ రోడ్డు ప్రమాదంలో మృతి చెందిన సంగతి తెలిసిందే.

2. ఉమా మహేశ్వరి:

ఎన్టీఆర్ నాలుగవ కుమార్తె ఆగష్టు ఒకటవ తేదీ సోమవారం రోజున ఇంట్లోనే ఆత్మహత్య చేసుకున్న సంగతి తెలిసిందే.

3. రామకృష్ణ:

ఎన్టీఆర్ పెద్ద కుమారుడు రామకృష్ణ చాలా చిన్న వయసులోనే అనారోగ్య కారణాలతో మృతి చెందారు. ఆ సమయంలో ఎన్టీఆర్ ఇరుగు పొరుగు సినిమా షూటింగ్ లో ఉన్నారు. ఎన్టీఆర్ షూటింగ్ పూర్తి చేసి ఇంటికి వెళ్లారు. కానీ.. అతని మృతిని జీర్ణించుకోవడానికి ఎన్టీఆర్ కు చాలా కాలమే పట్టింది.

4.సాయికృష్ణ:

ఎన్టీఆర్ ఐదవ కొడుకు సాయి కృష్ణ కూడా కొన్నేళ్ల క్రితమే అనారోగ్యంతో మృతి చెందారు. ఆయన ఎన్టీఆర్ కు సంబంధించిన పర్సనల్ విషయాలను చూసుకునేవారు.

ఎన్టీఆర్ కు మొత్తం పన్నెండు మంది సంతానం. వీరిలో 8 మంది కుమారులు కాగా.. మరో నలుగురు కుమార్తెలు. వీరిలో ముగ్గురు కుమారులు, ఒక కుమార్తె స్వర్గస్తులయ్యారు.

విజయ్ దేవరకొండ హీరోగా పూరి జగన్నాధ్ దర్శకత్వంలో రూపొందుతున్న సినిమా లైగర్. ఈ సినిమాతో అనన్య పాండే తెలుగు ఇండస్ట్రీకి పరిచయం అవుతున్నారు. ఈ సినిమా విడుదల అవ్వడానికి సిద్ధంగా ఉంది. సినిమా బృందం అంతా కూడా ప్రమోషన్స్ పనిలో ఉన్నారు. సినిమా గురించి ఎప్పుడైతే ప్రకటించారో అప్పటి నుంచి సినిమాపై క్రేజ్ మొదలైంది.

అందుకు రెండు కారణాలు. ఒకటి ఇది విజయ్ దేవరకొండ మొదటి పాన్ ఇండియన్ సినిమా. అర్జున్ రెడ్డి సినిమా తర్వాత విజయ్ దేవరకొండ క్రేజ్ జాతీయ స్థాయిలో పెరిగింది. ఎంతో మంది బాలీవుడ్ సెలబ్రిటీలు కూడా విజయ్ దేవరకొండ నటన వారికి బాగా నచ్చుతుంది అని చెప్పారు. అలాంటిది విజయ్ దేవరకొండలాంటి పాన్ ఇండియన్ స్థాయిలో క్రేజ్ ఉన్న నటుడి సినిమా పాన్ ఇండియన్ సినిమాగా వస్తోంది అంటే అందరూ ఆసక్తిగా ఎదురు చూస్తున్నారు. మరొక కారణం పూరి జగన్నాధ్.

సాధారణంగా పూరి జగన్నాధ్ దర్శకత్వం వహించిన ఎన్నో సినిమాలు హిందీలో కూడా రీమేక్ చేశారు. అవి హిందీలో కూడా హిట్ అయ్యాయి. హిందీ మాత్రమే కాకుండా ఇతర భాషల్లో కూడా రీమేక్ చేశారు. పూరి జగన్నాధ్ కి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. పూరి జగన్నాధ్ రేంజ్ సినిమా ఇది అవుతుంది అని అందరూ అంటున్నారు. సినిమా బృందమంతా కూడా సినిమాకి సంబంధించి విడుదల చేసిన పోస్టర్స్ విషయంలో ప్రత్యేక శ్రద్ధ వహిస్తున్నారు. పోస్టర్స్ కానీ, ట్రైలర్ కానీ, లేదా సినిమాకి సంబంధించి బయటికి వచ్చే ఏ విషయం అయినా కానీ ట్రెండ్ అయ్యే విధంగా ఉండేలా చూస్తున్నారు.

కొన్ని నెలల క్రితం ఈ సినిమాకి సంబంధించి ఒక పోస్టర్ విడుదల చేశారు. ఆ పోస్టర్ విడుదల అయిన తరువాత బీర్ అభిషేకం చేసిన వీడియో ఒకటి వైరల్ అయ్యింది. దాన్ని చూసి చాలా మంది, “బీర్ అభిషేకం చేయడం ఏంటి?” అని కామెంట్స్ చేశారు. అక్కడితో ఆగకుండా విజయ్ దేవరకొండ పోస్టర్ ని టాటూ వేయించుకోవడం, ఇంకా చాలా చేశారు అభిమానులు. ఇవన్నీ కొంత వరకు బాగానే ఉన్నా కూడా, తర్వాత ట్రోలింగ్ కి దారి తీసింది. హీరో అయిన తర్వాత అభిమానులు ఉండటం సహజం. కానీ ఏ హీరోకి కూడా ఇలా జరగలేదు.

ఇదంతా జరిగి మర్చిపోయిన తర్వాత, ఇటీవల ట్రైలర్ లాంచ్ సమయంలో జరిగిన విషయాలన్నీ కూడా ఇలాగే కామెంట్స్ వచ్చేలా చేశాయి. ట్రైలర్ కి ముందు విజయ్ దేవరకొండ పోస్టర్ ఒకటి విడుదల చేశారు. ఆ పోస్టర్ కూడా చాలా చర్చనీయాంశం అయ్యింది. తర్వాత సినిమా మొదటి పాట వచ్చింది. “ఆ పాట కూడా పెద్ద గొప్పగా ఏమీ లేదు” అంటూ కామెంట్ చేశారు. “విజయ్ దేవరకొండ డాన్స్ బాగున్నా కూడా, పాట వినడానికి అస్సలు బాలేదు. ఏదో గూగుల్ ట్రాన్స్లేట్ వాడి హిందీ భాషలో ఉన్న లిరిక్స్ ని తెలుగులోకి మార్చినట్టు ఉంది” అని అన్నారు.

ట్రైలర్ విడుదల అయ్యే ముందు కూడా జరిగిన హడావిడి అంతా ఇంతా కాదు. సుదర్శన్ థియేటర్ లో విజయ్ దేవరకొండ కటౌట్ పెట్టారు. విజయ్ దేవరకొండ కటౌట్ మాత్రమే కాకుండా దర్శకుడు పూరి జగన్నాధ్ కటౌట్ కూడా పెట్టారు. పూరి జగన్నాధ్ అంటే అంతటి క్రేజ్ ఉన్న దర్శకుడు కాబట్టి ఆయనకి కటౌట్ పెట్టినా కూడా అది సాధారణంగానే అనిపిస్తుంది. ఇదంతా ఒక ఎత్తయితే, ప్రొడ్యూసర్ కరణ్ జోహార్ కి, హీరోయిన్ అనన్య పాండేకి కూడా కటౌట్ పెట్టడంతో చాలా కామెంట్స్ వచ్చాయి. అయినా, “ఈ సినిమా విడుదల అయ్యేటప్పుడు ఇలాంటివన్నీ చేసినా కూడా ఒక అర్థం ఉంటుంది కానీ, ట్రైలర్ లాంచ్ కే ఇంత ఎందుకు చేస్తున్నారు ?”అంటూ కామెంట్స్ వచ్చాయి.

ఇటీవల సినిమా బృందం ముంబై లోకల్ ట్రైన్ లో ప్రయాణించారు. హీరో విజయ్ దేవరకొండ, హీరోయిన్ అనన్య పాండే ట్రైన్ లో నిల్చొని ప్రయాణిస్తున్న వీడియో ఒకటి వైరల్ అయ్యింది. దీనిపై కూడా చాలా కామెంట్స్ వచ్చాయి. అందుకు కారణం ఏమిటంటే సాధారణంగా ముంబై లోకల్ ట్రైన్స్ ఎప్పుడూ రద్దీగా ఉంటాయి. అక్కడ నిల్చోవడానికి స్థలం దొరకడం కూడా చాలా కష్టమవుతుంది. అలాంటిది వీళ్ళు ఒక ఖాళీగా ఉన్న ట్రైన్ లో ప్రయాణించారు.

అంటే సెలబ్రిటీలు కాబట్టి వీళ్ళ కోసం అలాంటి సదుపాయం కల్పించారు అని మనకి తెలిసిపోతుంది. ఇక్కడ కూడా సెలబ్రిటీ స్టేటస్ కనిపిస్తోంది. “ఒకవేళ అందరిలాగా వాళ్లు కూడా సాధారణ మనుషులు అని చెప్పాలంటే. సాధారణంగా రద్దీగా ఉన్న ట్రైన్ లోనే ప్రయాణించాలి కదా? ఇలాంటి ప్రత్యేక సదుపాయాలు అన్నీ ఎందుకు?” అని కామెంట్స్ చేస్తున్నారు. అంతేకాకుండా వాళ్ళిద్దరూ ఒక ఖాళీ ట్రైన్ లో నిల్చుని ప్రయాణించారు. “ఖాళీగా ఉన్న ట్రైన్ లో కూర్చోకుండా నిల్చొని ప్రయాణించడం ఏంటి?” అనే కామెంట్స్ కూడా వచ్చాయి.

విజయ్ దేవరకొండ ఎక్కడికి వెళ్ళినా కూడా సాధారణమైన చెప్పులు ధరించి వెళ్లడం కూడా వైరల్ అయ్యింది. సినిమా బృందం ప్రమోషన్స్ చాలా పెద్ద ఎత్తున ప్లాన్ చేసింది అని మనకి అర్థం అవుతోంది. కానీ, “ఇంత పబ్లిసిటీ చేస్తున్నారు. సినిమాలో నిజంగా అంత మంచి కథ ఉందా?” అనే కామెంట్స్ వస్తున్నాయి. ఎందుకంటే ఇటీవల విడుదలైన ట్రైలర్ కూడా ప్రేక్షకుల అంచనాలను అందుకోలేకపోయింది. కాబట్టి సినిమా బృందం చేస్తున్న ఈ ప్రమోషన్స్ అన్నీ ఈ సినిమాకి ప్లస్ అయ్యి హిట్ అవుతుందా? లేక ట్రోల్ అవుతారా? అని అంటున్నారు. కానీ ఏది ఏమైనా కూడా ఇంత అంచనాల మధ్య విడుదల అవుతోంది కాబట్టి సినిమా ఎలా ఉండబోతోందా అని ప్రేక్షకులు కూడా ఆసక్తిగా ఎదురు చూస్తున్నారు.

నాని కామెడీ పాత్ర చేసి చాలా సంవత్సరాలు అయ్యింది. “అంటే సుందరానికి..” సినిమాలో నాని మళ్లీ కామెడీ ఎక్కువగా ఉన్న పాత్ర చేస్తున్నారు అని మనకు ముందే అర్థమయ్యింది. నానిని ఇలా చూడాలి అని ప్రేక్షకులు చాలా రోజులుగా ఎదురుచూసారు. మొత్తానికి “అంటే సుందరానికి..” సినిమాతో నాని అభిమానుల కోరిక నెరవేరిందనే చెప్పొచ్చు.

సినిమా టీజర్, ట్రైలర్ లో చూపించినట్టుగానే ఒక సింపుల్ స్టోరీ లైన్ మీద నడుస్తుంది. కానీ దర్శకుడు వివేక్ ఆత్రేయ ఆ సింపుల్ స్టోరీని కూడా ప్రేక్షకులకు కనెక్ట్ అయ్యే విధంగా చూపించారు.ఫస్ట్ హాఫ్ మొత్తం కూడా పాత్రలని ప్రేక్షకులకి పరిచయం చేయడంలోనే అయిపోతుంది. అసలు కథ ఉండేది మాత్రం సెకండ్ హాఫ్ లోనే. సినిమాకి పెద్ద హైలైట్ మాత్రం నాని, నజ్రియా.

నాని చిన్నప్పటి పాత్ర పోషించిన చైల్డ్ ఆర్టిస్ట్ విన్నీ శేఖర్ మంచి మార్కులే కొట్టేసాడు. అయితే, విన్నీ.. శేఖర్ మాస్టర్ కొడుకు అన్న విషయం అందరికి తెలిసిందే. ఇక, ఈ సినిమాలో అలరించిన మరో చైల్డ్ ఆర్టిస్ట్ హారిక. ఆమె నజ్రియా చిన్నప్పటి రోల్ ను పోషించారు. విన్నీ శేఖర్, హారిక ల మధ్య నడిచిన సన్నివేశాలు కూడా ప్రేక్షకులను బాగా ఆకట్టుకుంటాయి. అయితే.. చైల్డ్ ఆర్టిస్ట్ హారిక ఎవరు అన్న సంగతి చాలా మందికి తెలియదు. ఈ అమ్మాయి తెలుగు వారికి పరిచయమైన నటే. అయినా చాలా మంది ఆమెని గుర్తుపట్టలేదు. స్టార్ మా లో ప్రసారం అయిన కోయిలమ్మ సీరియల్ లో హారిక చైల్డ్ ఆర్టిస్ట్ గా నటించారు.

కోయిలమ్మ సీరియల్ టైములో తెలుగు బుల్లితెర ప్రేక్షకులకు బాగా దగ్గరైన హారిక ఆ తరువాత తెరపై కనిపించలేదు. తాజాగా.. అంటే సుందరానికి సినిమాతో హారిక తిరిగి ఇండస్ట్రీ లోకి వచ్చారు. కొంతమంది ఆమెని గుర్తుపట్టారు కూడా. కేవలం అంటే సుందరానికి సినిమాలోనే కాకుండా.. అల్లు అర్జున్ “పుష్ప” సినిమాలో కూడా హారిక చైల్డ్ ఆర్టిస్ట్ గా కనిపించి మెప్పించారు. ఇంకా.. వైష్ణవ తేజ్ హీరోగా నటిస్తున్న ” రంగ రంగ వైభవంగా ” సినిమాలో కూడా నటిస్తున్నారు. మొత్తానికి ఇండస్ట్రీ లోకి వచ్చిన తరువాత వరుస అవకాశాలతో చైల్డ్ ఆర్టిస్ట్ హారిక దూసుకెళ్తున్నారనే చెప్పాలి.

“చంద్రుడిలో ఉందే కుందేలు కిందికొచ్చిందా..కిందికొచ్చి నీలా వాలిందా” ఈ పాట వచ్చి దశాబ్దం దాటినా ఆ పాటకి, అందులో తన అభినయానికి ఇంకా క్రేజ్ తగ్గలేదు..కళ్లతో ఎక్స్ప్రెషన్స్ పలికించే నటులు అతికొద్దిమంది వాళ్లల్లో త్రిష ఒకరు..

ఇండస్ట్రీకి వచ్చి రెండు దశాబ్దాలు దాటినా ఇంకా అదే మార్క్ యాక్టింగ్తో, ఎక్స్ప్రెషన్స్ తో ప్రేక్షకుల మనసు దోచుకుంటునే ఉంది.. అందాల నటి త్రిష ఇటీవలే 39వ పడిలోకి అడుగు పెట్టారు.. సినిమా ఇండస్ట్రీ లో కెరీర్ ప్రారంభించి చాలా కాలమే అయినా.. ఇప్పటికీ తిరుగులేని ఫాలోయింగ్ తో దూసుకెళ్తున్న నటిగా త్రిష పేరు తెచ్చుకున్నారు.

ఒక మనిషిని పోలిన మనుషులు ఏడుగురు ఉంటారని అంటుంటారు. అలా.. సెలెబ్రిటీలను పోలిన మనుషులను చూస్తే అందరికి సహజంగానే ఆసక్తి కలుగుతూ ఉంటుంది. ఇప్పటికే పలువురు సెలెబ్రిటీలను పోలిన మనుషులు సోషల్ మీడియాలో వైరల్ అవుతున్న సంగతి తెలిసిందే. తాజాగా.. హీరోయిన్ త్రిషని పోలిన ఓ అమ్మాయి ఫోటోలు నెట్టింట్లో హల్ చల్ చేస్తున్నాయి. ఈ అమ్మాయి పేరు దీపికా విజయ్.

అచ్చం త్రిషలా ఉన్న ఈ అమ్మాయి త్రిష కంటే కొంచం సన్నగా ఉంటారు. ఈ అమ్మాయి ఫోటోలను చూస్తే హీరోయిన్ త్రిష సన్నబడిందా అన్న అనుమానం కలగక మానదు. అచ్చం త్రిషని పోలిన ఈ అమ్మాయి ఫోటోలు ప్రస్తుతం ఓ రేంజ్ లో వైరల్ అవుతున్నాయి. ఈమె ఇంస్టాగ్రామ్ ఖాతాలో రీల్స్ చేస్తూ ఉంటారు. ఈ రీల్స్, ఫోటోలలో అచ్చం త్రిషని పోలి ఉండడంతో ఈమె త్రిషకి చెల్లెలా అంటూ నెటిజన్స్ కామెంట్స్ చేస్తున్నారు. దీపికా విజయ్ మైసూర్ కు చెందిన అమ్మాయి. ప్రస్తుతం వైరల్ అవుతున్న దీపికా ఫోటోలను కింద ఇంస్టాగ్రామ్ ఖాతాలో మీరు కూడా చూసేయచ్చు.

https://www.instagram.com/p/CdauORWP-2o/

యావత్‌ సినీ అభిమానుల్లో ఆసక్తి రేకెత్తించిన చిత్రం రౌద్రం.. రణం.. రుధిరం.. (ఆర్‌ఆర్‌ఆర్‌). బాహుబలి లాంటి బిగ్గెస్ట్‌ బ్లాక్‌ బస్టర్‌ తర్వాత రాజమౌళి దర్శకత్వం వహించిన చిత్రం కావడం, ఎన్టీఆర్, రామ్ చరణ్ మల్టీస్టారర్ గా తెరకెక్కడంతో ఆర్‌ఆర్‌ఆర్‌పై ప్రేక్షకుల్లో భారీ అంచనాలు నెలకొన్నాయి.

అలాగే రాజమౌళి ఏ సినిమా చేసినా ప్రేక్షకుడిని సంతృప్తి పరచడమే లక్ష్యంగా పెట్టుకుంటారు. అందువల్లే బాహుబలి కోసం ఐదేళ్లు పట్టింది. ఆర్ఆర్ఆర్ విషయంలోనూ అదే జరిగింది. దాదాపు నాలుగేళ్ల పాటు ఈ సినిమా కోసం శ్రమించాడు జక్కన్న. ఆయన కష్టమంతా తెరపై స్పష్టంగా కనిపించింది.

సినిమాలో గవర్నర్‌ స్కాట్‌ ఓ సారి ఫ్యామిలీతో కలిసి ఆదిలాబాద్‌ పర్యటనకు వచ్చినప్పుడు.. అక్కడ గోండు జాతికి చెందిన బాలిక మల్లిని తమతో పాటు ఢిల్లీకి తీసుకెళ్తాడు. తమ బిడ్డని తీసుకెళ్లొద్దని అడ్డుకున్న కుటుంబ సభ్యులపై దాడి చేయిస్తాడు.  ఇది అన్యాయం అని భావించిన గోండు జాతి బిడ్డ భీమ్‌ (ఎన్టీఆర్‌).. ఎలాగైన మల్లిని తిరిగి ఎలాగైన మల్లిని తిరిగి తీసుకురావాలని భావిస్తాడు.

తన స్నేహితులతో కలిసి ఢిల్లీకి వెళ్తాడు. పకడ్బందీ బందోబస్తు ఉన్న బ్రిటీష్‌ కోటలోకి ఓ వేడుక జరుగుతున్న టైంలో భీమ్ కొన్ని క్రూర మృగాలతో కోటలోకి ప్రవేశిస్తాడు. ఆ జంతువులు వేడుకను డిస్టర్బ్ చేయడంతో పాటు అక్కడున్న వారంతా జంతువులను చూసి భయపడిపోతారు. అయితే ఈ సీన్ గురించి ఓ ఇంటర్వ్యూలో రాజమౌళిని అలాంటి చోటికి మీరు జంతువులను ఎలా తీసుకెళ్తారు అని ప్రశ్నించగా..

దానికి సమాధానంగా రాజమౌళి “నాకు క్రేజీ ఐడియాలు అంటే ఇష్టం. అది భీమ్ పాత్రపై పని చేసింది. భీమ్ అడవిలో నివసించే గిరిజనుడు కావడంతో, జంతువులతో అతనికి సాన్నిహిత్యం ఉంటుంది. ఇప్పుడు అతను తన బలం లేని ప్రదేశానికి వెళ్తున్నాడు. కాబట్టి అతను తన బలాన్ని పెంచుకోవాలి అనుకుంటాడు” అని నేను ఆలోచించడం ద్వారా ఆ సీన్ సాధ్యం అయిందని దర్శకధీరుడు రాజమౌళి తెలిపారు.

మాస్ మహారాజా రవి తేజ హీరోగా నటించిన రామారావు ఆన్ డ్యూటీ సినిమా ఇటీవల విడుదల అయ్యింది. ఈ సినిమాకి అంత మంచి స్పందన రావట్లేదు. సినిమా కథ బాగున్నా కూడా టేకింగ్ సరిగ్గా లేదు అంటూ కామెంట్స్ వస్తున్నాయి. రవి తేజ హీరోగా నటించిన ఖిలాడీ సినిమా కూడా ఆశించిన ఫలితాన్ని పొందలేదు.

రవి తేజ గత సంవత్సరం విడుదలైన క్రాక్ సినిమాతో హిట్ కొట్టారు. దాంతో తర్వాత వచ్చే సినిమాలు కూడా అదే విధంగా ఉంటాయేమో అని ప్రేక్షకులు ఆశించారు. ఇప్పుడు రవి తేజ ఈ సినిమాలో ఒక మంచి పవర్ ఫుల్ రోల్ లో కనిపిస్తున్నారు అని తెలిసిన తర్వాత మళ్లీ రవి తేజ హిట్ కొడతారు అని అన్నారు. కానీ అలా జరగలేదు.

అయితే ఈ సినిమాలో చాలా పొరపాట్లు ఉన్నాయి, అందుకే సినిమా ఫలితం ఈ విధంగా ఉంది అంటూ కామెంట్స్ వస్తున్నాయి. ఒక స్టార్ హీరో సినిమాలో తీసుకోవాల్సిన జాగ్రత్తలు ఏవి కూడా ఈ సినిమాలో తీసుకోలేదు అని అంటున్నారు. సినిమా నిజజీవిత సంఘటన ఆధారంగా రూపొందింది అని చెప్పారు. సినిమాలో చెప్పాలి అనుకున్న పాయింట్ కూడా బాగుంది. కానీ అలాంటి విషయాన్ని హ్యాండిల్ చేసే విధానం ఇది కాదు అని అంటున్నారు.

హీరో అసలు విషయం చెప్పినా కూడా ప్రేక్షకులలో ఒక ట్విస్ట్ చూసిన అనుభూతి రాదు. అంత ఫ్లాట్ గా ఉంది అని అంటున్నారు. ఈ సినిమా 1990 నేపథ్యంలో సాగుతుంది. ఈ సినిమాలో ఇద్దరు హీరోయిన్లతో రెండు పాటలు ఉంటాయి. పాటలు వినడానికి, చూడటానికి చాలా బాగున్నాయి. రెండు పాటలు కూడా ఫారిన్ లొకేషన్లలో షూట్ చేశారు. ఆ ఫారిన్ లొకేషన్లు చూస్తూ ఉంటే అవి ఇప్పుడు ఈ కాలానికి తగినట్లు ఉన్నాయి. అప్పట్లో జరిగిన సినిమా అని చూపిస్తున్నప్పుడు పాటలు కూడా అలాగే రావాలి కానీ సడన్ గా ఇప్పటి జనరేషన్ కి తగ్గట్టు పాటలు ఎలా మారాయి అని అంటున్నారు.

అసలు సినిమాలో స్పెషల్ సాంగ్ అవసరం కూడా లేదు. ఏదో కావాలి అని ఆ పాట పెట్టినట్టు ఉంది అని అంటున్నారు. అన్నిటికంటే పెద్ద విషయం డబ్బింగ్. అసలు డబ్బింగ్ విషయంలో ఈ సినిమాలో సరిగ్గా జాగ్రత్తలు తీసుకోలేదు అని కామెంట్స్ వస్తున్నాయి. సినిమాలో పాత్రలు పోషించిన వాళ్ళు చెప్పే డైలాగ్ ఒకటి అయితే వచ్చే వాయిస్ లో ఉండే డైలాగ్ వేరే లాగా ఉంది. ఒక చోట రెండు చోట్ల కాదు. చాలా చోట్ల సినిమా మొత్తం ఇలాగే జరిగింది. దాంతో ఇవి కూడా చూసుకోకపోతే ఎలా అంటూ కామెంట్స్ చేస్తున్నారు. ప్రస్తుతం అయితే ఈ సినిమా థియేటర్లలో నడుస్తోంది.