Filmy Adda

పుష్ప సినిమా అల్లు అర్జున్ కి మంచి హిట్ ని తీసుకు వచ్చింది. ఈ సినిమాలో అల్లు అర్జున్ చాలా డిఫరెంట్ గా కనిపించారు. పైగా యాక్టింగ్ అయితే ఎంతో అద్భుతంగా వుంది. అంతే కాకుండా ఈ సినిమా అల్లు అర్జున్ మొదటి పాన్ ఇండియా సినిమా. దాదాపు 12 సంవత్సరాల తర్వాత మళ్లీ అల్లు అర్జున్ సుకుమార్ కలిసి చేసిన సినిమా పుష్ప.

అల వైకుంఠపురంలో తర్వాత మంచి బ్లాక్ బస్టర్ హిట్ ని బన్నీకి తీసుకొచ్చింది. డిసెంబర్ 17 న ఈ చిత్రం విడుదల అయ్యింది. ఈ చిత్రంలో పాటలు, డైలాగ్స్ సైతం అన్నీ కూడా బాగా ఆకట్టుకున్నాయి. ముఖ్యంగా ‘ఊ అంటావా మావ..’ పాట గురించి చెప్పుకునే తీరాలి. ఈ పాటకి సమంత డాన్స్ తో కుమ్మేసింది.

కేవలం ఇక్కడ సౌత్ ఇండియన్ ప్రేక్షకులకు మాత్రమే కాకుండా అటు నార్త్ ప్రేక్షకుల్ని కూడా ఈ సినిమా ఆకట్టుకుంది. ఈ సినిమా బాలీవుడ్ సినిమాలకు సైతం ధీటుగా వసూళ్లను రాబడుతోంది. చాలా మంది సెలబ్రెటీలు ఇప్పటికే ‘ఊ అంటావా మావ..’ అంటూ స్టెప్పులు వేశారు. తాజాగా అమెరికన్ డాన్సింగ్ డాడ్ రికీ పాండ్ కూడా చిందులేశారు. ఆ వీడియో ఇప్పుడు నెట్టింట్లో వైరల్ గా మారింది.

అల్లు అర్జున్ స్టెప్పులు వేసి రికీ పాండ్ బాగా ఆకట్టుకున్నారు. ఇది చూసి నెటిజన్లు ఫిదా అయిపోతున్నారు. భారతీయ పాటలకు స్టెప్పులేసి వీడియోని పోస్ట్ చేయడం అందర్నీ ఆశ్చర్యపరుస్తోంది. ఆ వీడియో చూసిన వాళ్లందరూ కూడా ప్రశంసిస్తున్నారు. ఈ చిత్రం అద్భుతమైన కలెక్షన్ తో పాటు ఎంతో మంది హృదయాలను కూడా గెలుచుకుంది. పెద్ద పెద్ద స్టార్స్, క్రికెటర్లు సైతం ఈ సినిమాని మెచ్చుకుంటున్నారు.

https://www.instagram.com/reel/CYS0RYHB_Cg/?utm_source=ig_embed&ig_rid=4b12adb1-028b-4861-a158-9d585606058f

జీవితం ఎప్పుడు ఎలా ఉంటుందో చెప్పలేము. తమ ముందే పెరిగిన పిల్లలు, వారి ముందే ఈ లోకాన్ని విడిచి వెళ్లిపోతే ఆ తల్లిదండ్రుల బాధ ఎలా ఉంటుందో చెప్పడానికి కూడా రాదు.

అలా సినిమా ఇండస్ట్రీలో కూడా ఎంతో మంది ప్రముఖ నటులు వారి పిల్లల్ని కోల్పోయారు. వారిలో కొంత మంది హీరోలు, లేదా ప్రముఖ నటులు వారి కొడుకులని కోల్పోయారు. వారెవరో ఇప్పుడు చూద్దాం.

#1 ఎన్టీఆర్

ఎన్టీఆర్ గారి పెద్ద కొడుకు రామకృష్ణ చిన్న వయసులోనే అనారోగ్యంతో మరణించారు.

#2 పరుచూరి వెంకటేశ్వరరావు

ప్రముఖ రైటర్, నటుడు పరుచూరి వెంకటేశ్వరరావు గారి కొడుకు పరుచూరి రఘుబాబు అనారోగ్యంతో మరణించారు.

#3 కోట శ్రీనివాసరావు

నటుడు కోట శ్రీనివాసరావు గారి కొడుకు కోట ప్రసాద్ రోడ్ యాక్సిడెంట్ లో మరణించారు.

#4 గొల్లపూడి మారుతి రావు

నటుడు గొల్లపూడి మారుతి రావు గారి కొడుకు శ్రీనివాస్ షూటింగ్ సమయంలో మరణించారు. వైజాగ్ బీచ్ లో బండి మీద ఒక సీన్ షూట్ చేస్తున్నప్పుడు శ్రీనివాస్ ని ఒక పెద్ద అల దెబ్బ కొట్టింది. అలతో పాటు శ్రీనివాస్ మాయం అయ్యారు. ఆ తర్వాత శ్రీనివాస్ మృతదేహం లభ్యమైంది.

#5 ప్రభుదేవా

ప్రముఖ నటుడు, డైరెక్టర్, కొరియోగ్రాఫర్ ప్రభుదేవా కొడుకు చిన్న వయసులో మరణించారు.

#6 కృష్ణ

సూపర్ స్టార్ కృష్ణ గారి పెద్ద కొడుకు రమేష్ బాబు అనారోగ్య సమస్యల కారణంగా ఇటీవల కన్ను మూసారు.

#7 తేజ

ప్రముఖ డైరెక్టర్ తేజ కొడుకు అనారోగ్య కారణంగా మరణించారు.

#8 హరికృష్ణ

హరికృష్ణ గారి పెద్ద కొడుకు జానకి రామ్ రోడ్డు ప్రమాదంలో మరణించారు.

#9 బాబు మోహన్

ప్రముఖ నటుడు బాబు మోహన్ గారి కొడుకు పవన్ కుమార్ రోడ్డు ప్రమాదంలో మరణించారు.

#10 ప్రకాష్ రాజ్

ప్రకాష్ కొడుకు కూడా చిన్న వయసులోనే అనారోగ్య సమస్య కారణంగా మరణించాడు.

ఇలా కొంత మంది సినీ ప్రముఖుల కుమారులు వివిధ కారణాల వల్ల ఈ లోకాన్ని విడిచి వెళ్లిపోయారు.

కరోనా మహమ్మారి కేసులు విపరీతంగా పెరుగుతున్నాయి. ఈ క్రమంలో సెలెబ్రిటీలలో కూడా కరోనా బారిన పడుతున్నారు. ఇటీవలే సూపర్ స్టార్ మహేష్ బాబు కూడా కరోనా బారిన పడిన సంగతి తెలిసిందే. ఈ క్రమంలో సెలెబ్రిటీలందరు మహేష్ బాబు కోలుకోవాలంటూ ట్విట్టర్ మాధ్యమంలో ట్వీట్స్ పోస్ట్ చేసారు.

ఈ విషయమై విజయశాంతి కూడా స్పందించారు. మహేష్ బాబు గారు త్వరగా కోలుకోవాలని కోరుకుంటున్నట్లు పేర్కొన్నారు. అయితే.. ఈ పోస్ట్ పై ఓ నెటిజెన్ పిచ్చి ప్రశ్నను సంధించారు.

మహేష్ బాబు గారు అని ఎందుకు..? మహేష్ బాబు అనొచ్చుగా మేడం.. అంటూ ప్రశ్నించారు. దీనిపై విజయశాంతి కౌంటర్ వేశారు. నాకు నా మెంటార్లు అట‌ల్ జీ మ‌రియు అద్వానీ జీ అలానే నేర్పించారు. వయసులో, అనుభవంలో నాకంటే పెద్దవారు అయినా పాలిటిక్స్ లో చిన్నపిల్లని అయిన నన్ను విజయశాంతి జీ అనే సంబోధిస్తారు అంటూ చురక అంటించారు.

గత కొన్ని రోజుల నుంచి కూడా దీప్తి సునైనా, షణ్ముఖ్ మధ్య గొడవలు జరిగాయని వార్తలు వచ్చాయి. తరువాత వారు బ్రేక్ అప్ చెప్పుకున్నారు. ఈ టైంలో వారు పెట్టిన ట్వీట్స్ కూడా చాలానే వైరల్ అయ్యాయి. న్యూ ఇయర్ రోజే.. ఈ కొత్త జంట తమ దారులు వేరు అంటూ స్పష్టం చేసింది.

వీరిద్దరూ విడిపోయి ఇప్పటికి వారం పైనే అవుతోంది. అయినప్పటికీ వీరి అభిమానులు వీరిద్దరూ కలిసి ఉంటె బాగుంటుంది అని కోరుకుంటున్నారు.

ఇటువంటి టైములో తాజాగా దీప్తి, షన్ను కలిసి జంటగా నటించిన ‘మలుపు’ మేకింగ్‌ వీడియో రిలీజ్ అయింది. ఈ వీడియో ప్రస్తుతం సోషల్ మీడియాలో వైరల్ అవుతోంది. ఈ వీడియో లో దీప్తి, షన్ను షూటింగ్ టైంలో బాగా ఎంజాయ్ చేశారని తెలుస్తోంది. ఈ వీడియోలో షన్ను హాస్పిటల్ బెడ్ పై పడుకోగా.. దీప్తి వచ్చి అతని ఎదపై పడుకుంటుంది. వెంటనే షన్ను నవ్వుతూ.. నేను చనిపోయేటప్పుడు కూడా దీప్తి ప్లేస్ ఇవ్వాలంటూ గొడవపడుతుంది అంటూ సెటైర్ వేసాడు. వెంటనే దీప్తి కూడా నవ్వేసింది.

ఆ తరువాత షన్ను ముద్దు పెట్టుకోగా… దీప్తి అలానే చూస్తూ ఉండిపోయింది. వీరిద్దరూ ఎంతలా ప్రేమించుకున్నారో ఈ వీడియో చెప్పకనే చెప్తుంది. ఈ వీడియోను చూసి ఫాన్స్ ఎమోషనల్ అవుతున్నారు. మీరిద్దరూ కలిసి నటించిన చివరి సాంగ్ అవుతుందని అనుకోలేదని, మీ జంట బాగుందని, మీరు మళ్ళీ కలవాలని కోరుకుంటున్నాం అంటూ కామెంట్స్ చేస్తున్నారు.

Watch Video:

టాలీవుడ్ సూపర్ స్టార్ కృష్ణ పెద్ద కొడుకు రమేష్ బాబు మృతి చెందిన విషయం విదితమే. 55 సంవత్సరాల వయసులోనే ఆయన మృతి చెంది సూపర్ స్టార్ కృష్ణకు పుత్ర శోకం మిగిల్చారు. చిన్న వయసులోనే ఆయన మృతి చెందడం దురదృష్టకరం అంటూ సినీ పరిశ్రమ విషాదంలో మునిగిపోయింది.

ఈ క్రమంలో హఠాత్తుగా ఆయన మృతి చెందడంపై సోషల్ మీడియాలో పలు కధనాలు వస్తున్నాయి. ఓ వైపు సూపర్ స్టార్ మహేష్ బాబుకు కరోనా సోకడంతో అన్నయ్య అంత్యక్రియలకు కూడా హాజరు అయ్యే పరిస్థితి లేదు.

ఈ పరిస్థితిలో రమేష్ బాబు మృతి పై అనేక కధనాలు వస్తున్నాయి. ప్రస్తుతం కరోనా థర్డ్ వేవ్ వచ్చే అవకాశం ఉందన్న హెచ్చరికలు వస్తున్న క్రమంలో రమేష్ బాబు కూడా కరోనా వలనే మరణించారు అంటూ సోషల్ మీడియాలో వార్తలు వచ్చాయి. మహేష్ బాబుకి కూడా కరోనా సోకడంతో ఈ వార్తలు అందరు నిజమనే అనుకుంటున్నారు. కానీ, అసలు రమేష్ బాబుకి కరోనా సోకలేదు.

ఇప్పుడు ఎవరు చనిపోయినా కరోనా వల్లనేమో అనుకునే పరిస్థితి నెలకొంది. కానీ, రమేష్ బాబుకు గతంలో కూడా అనారోగ్య సమస్యలు ఉన్నాయి. ఆయన శ్వాస తీసుకోవడంలో ఇబ్బంది పడుతున్న టైంలో ఆయన కుటుంబ సభ్యులు ఆసుపత్రికి తీసుకువెళ్లారు. అయితే.. ఆసుపత్రికి తీసుకెళ్తున్న సమయంలోనే ఆయన మరణించారు. శ్వాస ఇబ్బంది ఎదురవ్వడం వల్లే ఆయన మరణించడంతో ఆయనకు కరోనా సోకిందని అభిమానులు బాధపడ్డారు.

కానీ, ఆయనకు ఉన్న అనారోగ్య సమస్యలే ఆయన మృతికి కారణమయ్యాయి. కరోనా కారణంగా మహేష్ బాబు కూడా అన్న అంత్య క్రియలకు హాజరు కాలేకపోయారు. వాట్సాప్ కాల్ లోనే అన్న అంత్యక్రియలను చూడాల్సి వచ్చింది. రమేష్ బాబు కూడా గతంలో హీరోగా పలు సినిమాల్లో నటించారు. అయితే ఆయనకు హీరోగా కలిసిరాకపోవడంతో.. నిర్మాతగా పలు సినిమాలకు వ్యవహరించారు.

ప్రతి బుధవారం ఈ టీవీ లో టెలికాస్ట్ అవుతూ టాప్ టీఆర్పీ తో దూసుకుపోయే డాన్స్ షో ఢీ. అయితే ఈ మధ్య ఈ షో లో చాలా మార్పులు చోటు చేసుకుంటూ వచ్చాయి. గత కొన్ని సీజన్ల నుండి ఢీ ప్రోగ్రాంలో అలరించిన సుధీర్ ఇక పై ఈ ప్రోగ్రాం లో కనిపించట్లేదు.

మొదట్లో కొంతకాలమే ఆయన షో నుంచి దూరంగా ఉంటారు.. తిరిగి మళ్ళీ కనిపిస్తారు అని అనుకున్నా.. అది జరగలేదు. తాజాగా ప్రసారం అవుతున్న షో లో సుధీర్, రష్మీ జంట లేదు.

సుధీర్, రష్మీ జంటకి ఏ రేంజ్ లో ఫాలోయింగ్ ఉన్నదో ప్రత్యేకంగా చెప్పక్కర్లేదు. ఒక రకంగా చెప్పాలంటే ఢీ హిట్ అవ్వడానికి సుధీర్ ఒక ముఖ్య కారణం. ఇలా ఉండగా, ఈ సీజన్లో మాత్రం సుధీర్ కనిపించడంలేదు. దాంతో, “అసలు షో కి మెయిన్ హైలైట్ అయిన సుధీర్ షోలో కనిపించకపోవడం ఏంటి?” అని ఫ్యాన్స్ కామెంట్స్ చేస్తున్నారు.

సుధీర్, రష్మీ జంట లేకపోవడంతో ఢీ షో రేటింగ్ పడిపోయింది. మొన్న బార్క్ రేటింగ్స్ చూడగా ఢీ షో కు 3.5 రేటింగ్ మాత్రమే వచ్చింది. అయితే.. ఈ షో లో పెర్ఫార్మన్స్ లకు కొదవలేదు. ఓ రేంజ్ లో డాన్సర్లు పెర్ఫర్మ్ చేసి అందరిని ఆకట్టుకున్నారు. కానీ, ఎంటర్టైన్మెంట్ విషయంలో మాత్రం సుధీర్-రష్మీ జోడి లేని లోటు కొట్టొచ్చినట్లు కనిపించింది. దీనితో ఈ ఎఫెక్ట్ రేటింగ్స్ పైనా పడిందని ఫాన్స్ ఫీల్ అవుతున్నారు.

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు. అయితే, కొంత మంది డైరెక్టర్లు కూడా సినిమాల్లో చిన్న చిన్న పాత్రల్లో కనిపించారు. వివరాల్లోకి వెళితే, ప్రభాస్ ని స్టార్ గా చేసిన సినిమాల్లో మొదటిగా గుర్తొచ్చేది వర్షం. ఈ సినిమా ప్రభాస్ కి మూడవ సినిమా. ప్రభాస్ కి మొదటి సూపర్ హిట్ సినిమా కూడా ఇదే.

వర్షం సినిమాకి శోభన్ దర్శకత్వం వహించారు. త్రిష, ప్రభాస్ కాంబినేషన్ అప్పట్లో సంచలనం సృష్టించింది. ఈ సినిమాకి దేవి శ్రీ ప్రసాద్ పాటలు కూడా ప్రధాన బలంగా నిలిచాయి. అయితే, కింద కనిపిస్తున్న ఫోటో గమనించండి. ఇది సెకండ్ హాఫ్ లో ప్రభాస్, త్రిష విడిపోయి మళ్లీ కలిసిన తర్వాత బస్సులో ప్రయాణిస్తున్న సీన్. వీరిద్దరి వెనకాల ఉన్న వ్యక్తిని గమనించారా? ఆ వ్యక్తి ప్రస్తుతం టాప్ డైరెక్టర్లలో ఒకరిగా స్థానం సంపాదించుకున్నారు.

ఆయన ఎవరో కాదు. మహర్షి సినిమాతో జాతీయ అవార్డు అందుకున్న దర్శకుడు వంశీ పైడిపల్లి. వంశీ పైడిపల్లి ఈ సినిమాకి అసిస్టెంట్ డైరెక్టర్ గా వ్యవహరించారు. దాంతో ఒక సీన్లో అలా వంశీ పైడిపల్లి కనిపించారు. వంశీ పైడిపల్లికి, ప్రభాస్ కి కూడా చాలా మంచి స్నేహం ఉంది. వంశీ పైడిపల్లి దర్శకత్వం వహించిన మొదటి సినిమా కూడా ప్రభాస్ తోనే. 2007 లో వచ్చిన మున్నా సినిమాతో వంశీ పైడిపల్లి దర్శకుడిగా ఇండస్ట్రీలోకి అడుగు పెట్టారు. తర్వాత బృందావనం, ఎవడు, ఊపిరి సినిమాలకి దర్శకత్వం వహించారు. ఇటీవల వచ్చిన మహర్షి సినిమాతో జాతీయస్థాయి గుర్తింపు తెచ్చుకున్నారు. ప్రస్తుతం వంశీ పైడిపల్లి, తలపతి విజయ్ హీరోగా నటిస్తున్న సినిమా దర్శకత్వ పనిలో బిజీగా ఉన్నారు.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

తాజాగా.. ఈ సినిమాకు “బంగార్రాజు” అనే టైటిల్ ను కూడా ఖరారు చేసారు. ఈ సినిమాలో నాగార్జునతో పాటు నాగ చైతన్య కూడా నటిస్తున్నారు. నాగ చైతన్య సరసన క్రితి శెట్టి నటించనున్నారు.

న్యూ ఇయర్ సందర్భంగా టీజర్ విడుదల చేసారు. ఈ సినిమా సంక్రాంతి కనుకగా విడుదల అవ్వబోతోంది. టీజర్‌లో నాగార్జున, నాగ చైతన్య, రమ్య కృష్ణ, క్రితి శెట్టి కనిపించారు. వీరు మాత్రమే కాకుండా సినిమాలో ఉన్న మరి కొంత మంది నటులు కూడా ఇందులో కనిపించారు. వీరిలో ఒక షాట్‌లో నాగ చైతన్య ఒక అమ్మాయితో మాట్లాడుతూ కనిపిస్తారు. ఆ అమ్మాయి ఎవరా అని చాలా మంది వెతికారు. ఆ అమ్మాయి పేరు దక్ష నాగర్కర్.

దక్ష అంతకుముందు కొన్ని సినిమాల్లో నటించారు. హుషారు సినిమాలో కూడా ఒక హీరోయిన్‌గా నటించారు. 2013లో వచ్చిన “ఇష్ట సఖి” సినిమాతో దక్ష ఇండస్ట్రీలోకి అడుగు పెట్టారు. ఆ తర్వాత “ఏకే రావు”, అలాగే తేజ దర్శకత్వంలో వచ్చిన “హోరా హోరీ” సినిమాల్లో నటించారు. ఇటీవల విడుదలయిన “జాంబీ రెడ్డి”లో కూడా దక్ష నటించారు. ఇప్పుడు బంగార్రాజు సినిమాలో కూడా ఒక హీరోయిన్‌గా నటించారు. ఈ సినిమా సంక్రాంతి కానుకగా జనవరి 14న థియేటర్లలోకి రాబోతోంది.