Filmy Adda

కేరళ బ్యూటీ అనుపమ పరమేశ్వరణ్ సోషల్ మీడియా లో ఎప్పుడూ యాక్టివ్ గా ఉంటుంది. సోషల్ మీడియా లో ఈ భామ ఎప్పుడు తన ఫోటోలను పోస్ట్ చేస్తూ ఫ్యాన్స్ ని అలరిస్తుంది. అలానే వివిధ రకాల వీడియోలని కూడా పంచుకుని సమయం దొరికినప్పుడల్లా తన ఫ్యాన్స్ తో ముచ్చట్లు పెడుతుంది అనుపమ.

తాజాగా అనుపమ పరమేశ్వరణ్ ఒక వీడియోని చేసారు. ఆ వీడియోని అనుపమ పరమేశ్వరణ్ తన ఇంస్టాగ్రామ్ లో ఆమె పోస్ట్ చేశారు. ఆ నాగిని డ్యాన్స్ వీడియో ఇప్పుడు వైరల్ గా మారింది.

ఇంస్టాగ్రామ్ లో నాగిని డాన్స్ చేస్తూ ఫ్యాన్స్ తో అనుపమ సందడి చేసింది. ఆ వీడియో తో పాటు error found in 🧠 అని క్యాప్షన్ ని కూడా అనుపమ పరమేశ్వరణ్ పెట్టింది. ముందు ఈ వీడియోని చూస్తే ఎవరైనా సరే అసలు అనుపమ పరమేశ్వరణ్ కి ఏం అయ్యింది అంటారు.

https://www.instagram.com/reel/CWsSVelAP5U/?utm_source=ig_web_copy_link

ఎన్నో తెలుగు సినిమాల్లో నటించి కోట శ్రీనివాసరావు పాపులర్ అయ్యారు, క్యారెక్టర్ ఆర్టిస్ట్ గా, విలన్ గా, కమెడియన్ గా ఎన్నో పాత్రలు చేసి ప్రేక్షకులను మెప్పించారు కోట, వయసు మీద పడడంతో ఈమధ్య సినిమాలు తగ్గించేశారు.కోట శ్రీనివాసరావు తాజాగా ఇంటర్వ్యూ లో ఈ విషయాలని చెప్పారు.

తనకు కడుపు కోత మిగిల్చిన కొడుకు చావును గుర్తు చేసుకుని ఎమోషనల్ అయ్యారు. ఇండస్ట్రీలో నిలబడాలంటే మంచి అనుభవం ఉన్న వారి ప్రోత్సాహం అవసరమని అన్నారు. అందుకనే జె.డి.చక్రవర్తి, జగపతిబాబు మా అబ్బాయిని ప్రోత్సహించారని అన్నారు.

గాయం- 2 సినిమాలో కోట శ్రీనివాసరావు కొడుకు ఒక వేషం వేయాల్సి వచ్చింది. ఆ సీన్ లో తాను పాడె మీద పడుకోవాలి. లొకేషన్ లో పాడె కూడా రెడీ చేశారు. ఎంతైనా కన్న కొడుకుని అలా చూడడం బాధగా అనిపించి జగపతిబాబుతో ఈ విషయాన్ని కోట శ్రీనివాసరావు పంచుకున్నారట.

అలా పాడె మీద చూడలేం అయ్యా తలుచుకుంటేనే కాస్త వణుకు వచ్చేస్తోంది. వాడిని అలా చూస్తే నేను పాత్రని చేయలేను అన్నారు. మరి ఏం పర్వాలేదు రిలాక్స్ అవ్వండి అంటూ కోట శ్రీనివాసరావుకి జగపతి బాబు ధైర్యం చెప్పారు. ఏ ముహూర్తాన ఆ మాట అన్నానో కానీ వారం రోజుల్లో కొడుకు పోయాడు. ఎలా చూడకూడదు అనుకున్నానో అలానే చూడాల్సి వచ్చింది అని కోటా అన్నారు.

ఇండస్ట్రీలో అవకాశాలు రావడం అంత సులభం కాదు. పైగా అవకాశాలు వచ్చినా స్థిరపడడం కూడా అంత సులభం కాదు. చాలా మంది ఇండస్ట్రీలో అవకాశాలు కోసం ఎంతో కష్ట పడుతుంటారు. కానీ అందరూ ఈ అవకాశాన్ని వినియోగించుకోలేరు.

హీరోలైలా, హీరోయిన్స్ అయినా, చైల్డ్ ఆర్టిస్ట్స్ కి అయినా ప్రతి ఒక్కరికి ఇది వర్తిస్తుంది. మరీ ముఖ్యంగా బ్యాక్ గ్రౌండ్ లేని నటులకైతే వచ్చే అవకాశాలు తక్కువ. కానీ ట్యాలెంట్ ఉంటే కచ్చితంగా ఇండస్ట్రీలో నిలబడవచ్చు. అయితే ఈ ఫోటోలో ఉన్న ఈ హీరోయిన్ ని గుర్తుపట్టారా…? ఈమె ఎవరో కాదండీ చిన్న చిన్న క్యారెక్టర్లు చేస్తూ హీరోయిన్ గా ఎదిగి పోయినా లేడీ సూపర్ స్టార్ నయనతార.

తమిళ ఇండస్ట్రీలో లేడీ సూపర్ స్టార్ గా గుర్తింపుపొందింది. లేడీ ఓరియెంటెడ్ చిత్రాలకు ఈమె బ్రాండ్ అంబాసిడర్ గా నిలిచింది. తెలుగులో లక్ష్మీ, తులసి, సింహా, సైరా మొదలైన సినిమాలు చేసి హిట్స్ అందుకుంది. తెలుగు, తమిళ్, మలయాళ భాషల్లో కలిపి 75 కంటే ఎక్కువ చిత్రాల్లో నయన్ నటించింది.

టాలీవుడ్ నటుడు ఉత్తేజ్ భార్య పద్మావతి కొంత కాలం క్రితం తుదిశ్వాస విడిచారు. భార్య దూరం అవడం తో ఉత్తేజ్ పరిస్థితి మరింత బాధాకరంగా ఉంది. ఆయనను పరామర్శించడానికి వెళ్లిన నటులు.. ఆయన విలపిస్తుంటే చూసి కన్నీరుమున్నీరయ్యారు.

నటుడు ఉత్తేజ్ భార్య పద్మావతి (48) గత కొంత కాలంగా కాన్సర్ తో బాధపడుతున్నారు. హైదరాబాద్ లోని బసవతారకం కాన్సర్ ఆసుపత్రిలోనే ఆమె చికిత్స తీసుకున్నారు. తాజాగా, ఆమె పరిస్థితి విషమించడంతో రెండు నెలల క్రితం ఆమె కన్నుమూశారు.

ఇటీవల పద్మ గారి పుట్టినరోజు అవ్వడంతో సోషల్ మీడియా వేదికగా ఉత్తేజ్ ఒక పోస్ట్ షేర్ చేసారు. అందులో ఉత్తేజ్ ఈ విధంగా రాసారు. “పుట్టినరోజు శుభాకాంక్షలు పద్దమ్మ… ఉన్నంత కాలం నాకు పరిష్కారమై..ఇప్పుడు ప్రశ్న నిచ్చి వెళ్ళావు..
చాలా నొప్పి పద్దు…. నా చివరిశ్వాస తోనే నువ్వు నాలోంచి వెళ్ళేది….లవ్ యూ పద్దమ్మా.. మయూఖ పిల్లలంతా నిన్ను గుర్తు చేసుకుంటూనే ఉన్నారు….”

అలాగే పద్మ గారితో ఉన్న కొన్ని ఫొటోస్ ని కూడా ఉత్తేజ్ షేర్ చేశారు. వీటితో పాటు ఒక నోట్ కూడా ఉత్తేజ్ పోస్ట్ చేశారు. అందులో ఉత్తేజ్, “తాను కష్టాలు పడుతున్న సమయంలో పద్మ గారు తనకి తోడు ఉన్నారని, ఎంతో ధైర్యాన్ని ఇచ్చారు అని, తన కలలన్ని సాకారం అవుతున్న సమయంలో వదిలేసి వెళ్ళిపోయారు” అని రాశారు. “నాది ఒక ప్రపంచం, తనది ఒక ప్రపంచం అంటూ ఏదీ లేదు అని, ఇద్దరు ఒకటే” అని సారాంశం వచ్చేలా ఉత్తేజ్ రాసారు.

సినీ ఇండస్ట్రీ లో హీరోలకు సహజం గానే బిరుదులు పెట్టేస్తూ ఉంటారు. కొన్ని సినిమాలు హిట్ కొట్టి సక్సెస్ రేట్ వచ్చాక వారి అభిమానులు, దర్శకులు వారికి బిరుదులు ఇచ్చేస్తూ ఉంటారు. అయితే.. కొన్ని సినిమాల తరువాత.. వారు మరింత గా ముందుకు దూసుకెళ్తుంటే.. వారికి వచ్చే బిరుదులు కూడా మారుతూ వస్తాయి.. అలా.. ఒకప్పుడు ఉన్న బిరుదులతో పాటు కొత్త బిరుదులు సొంతం చేసుకున్న టాలీవుడ్ హీరోల లిస్ట్ పై మీరూ ఓ లుక్ వేయండి.

1. నందమూరి బాలకృష్ణ:

నందమూరి హీరో బాలకృష్ణ కు మొదట్లో యువరత్న అనే బిరుదు ఉండేది. వరుస హిట్ లు తరువాత.. నందమూరి బాలకృష్ణను ఆయన అభిమానులు నటసింహం అనే పేరుతొ పిలుచుకుంటున్నారు. బాలకృష్ణను సింహ సినిమా నుంచి నటసింహం అని పిలుచుకుంటున్నాం..

2. కృష్ణ:

మాస్ ఫాలోయింగ్ ను సంపాదించుకున్న హీరో కృష్ణకు మొదట్లో “నటశేఖర” అనే బిరుదు ఉండేది. ఆ తరువాత ఆయనను “సూపర్ స్టార్” అని పిలవడం మొదలుపెట్టారు. “సింహాసనం” అనే సినిమా నుంచి కృష్ణ ను సూపర్ స్టార్ అని పిలుస్తున్నారు.

3. నాగార్జున:

హీరో అక్కినేని నాగార్జున కు కెరీర్ మొదట్లో యువసామ్రాట్ అనే బిరుదు ఉండేది. ఆ తరువాత “రగడ” సినిమా నుంచి ఆయనను కింగ్ నాగార్జున అని పిలవడం స్టార్ట్ చేసారు.

4. చిరంజీవి:

చిరంజీవికి సినిమా ప్రపంచానికి ఎనలేని సంబంధం ఉంది. చిరు కెరీర్ మొదట్లో.. ఆయనను డైనమిక్ హీరో అని పిలుచుకునే వారు. ఆ తరువాత ఆయనకు సుప్రీం హీరో అనే బిరుదును ఇచ్చారు. తరువాత కలం లో “మరణ మృదంగం” సినిమా నుంచి ఆయనను మెగాస్టార్ అని పిలుస్తూ వస్తున్నారు.

5. ఎన్టీఆర్:

జూనియర్ ఎన్టీఆర్ ను ఆయన అభిమానులు యంగ్ టైగర్ అంటూ ముద్దు గా పిలుచుకుంటుంటారు. శక్తీ సినిమా తో ఆయనకు ఏ 1 స్టార్ అనే బిరుదు కూడా ఆడ్ అయింది.. కానీ.. ఆయన అభిమానులు ఇప్పటికీ యంగ్ టైగర్ అనే పిలుచుకుంటుంటారు.

6. ప్రభాస్:

ప్రభాస్ ను మొదట్లో డార్లింగ్ అనీ, యంగ్ రెబెల్ స్టార్ అని పిలిచేవారు. పాన్ ఇండియా స్టార్ అయిన ప్రభాస్ ను ఇప్పుడు రెబెల్ స్టార్ అని పిలుస్తున్నారు.

9. మహేష్ బాబు:

మహేష్ బాబు ను ఆయన కెరీర్ ప్రారంభం లో ప్రిన్స్ అని పిలిచేవారు. “పోకిరి” సినిమా తరువాత నుంచి ఆయనను సూపర్ స్టార్ అని పిలుస్తున్నారు.

8. నరేష్:

హీరో నరేష్ ను ఇప్పటి వరకు అందరు అల్లరి నరేష్ అనే పిలుస్తూ వచ్చారు. రీసెంట్ గా “నాంది” సినిమా తో ఆయన కొత్త గా కనిపించి “నాంది” నరేష్ అని పిలిపించుకుంటున్నారు.

9. రవితేజ:

మాస్ సినిమాలకు పెట్టింది పేరైన రవితేజ ను మొదట్లో మాస్ హీరో అని పిలుచుకునే వారు. “మిరపకాయ్” సినిమా నుంచి రవితేజ ను మాస్ మహారాజ్ గా పిలవడం స్టార్ట్ చేసారు.

10. బన్నీ:

నిన్న మొన్నటి వరకు.. బన్నీ ని స్టయిలిష్ స్టార్ అని పిలుస్తూ వచ్చాం.. తాజాగా.. ఆయన హీరో గా నటిస్తున్న పుష్ప సినిమా రాబోతున్న సంగతి తెలిసిందే. ఈ సినిమా టీజర్ లో బన్నీ కి దర్శకుడు సుకుమార్ ఐకాన్ స్టార్ అనే బిరుదుని ఆడ్ చేసారు.

తెలుగు సినీ ప్రేక్షకులకు కైకాల సత్యనారాయణ సుపరిచితమైన పేరు. కొన్ని పాత్రలకు ఆయన మాత్రమే సరిపోతారు. ఆ పాత్రలలో ఆయనని తప్ప ఎవరిని ఉహించుకోలేము అన్నంతగా ఒదిగి నటిస్తారు కైకాల సత్యనారాయణ. ఆయన గత కొంతకాలంగా అనారోగ్య సమస్యలతో ఇబ్బందిపడుతున్నారు.

ప్రస్తుతం 88 సంవత్సరాల వయసుకు చేరుకున్న కైకాల సత్యనారాయణ తన సినీ కెరీర్ లో ఎన్నో మలుపులు చూసారు. ఎన్నో విభిన్న పాత్రలతో తెలుగు ప్రేక్షకులను అలరించి, అభిమానం చూరగొన్నారు.

సీనియర్ ఎన్టీఆర్ నుంచి.. జూనియర్ ఎన్టీఆర్ తరం వరకు ఆయన తన నటన ప్రస్థానాన్ని కొనసాగిస్తూ వచ్చారు. ఎస్వీ రంగారావు నటవారసుడిగా కైకాల సత్యనారాయణ తెలుగు సినీ పరిశ్రమలోకి అడుగుపెట్టారు. ఆరుదశాబ్దాల కాలం పాటు పరిశ్రమలో కొనసాగి దాదాపు 777 సినిమాలలో నటించారు. ఒకటేమిటి.. పౌరాణికం, జానపదం, సాంస్కృతికం, చారిత్రకం.. ఇలా ఏ జోన్ లో అయినా నటించగల సత్తా కైకాల సత్యనారాయణది.

ఆయన కృష్ణా జిల్లా బంటుమిల్లిలో 1935 జులై 25 న జన్మించారు. 1958 లో సిపాయి కూతురు సినిమాతో తెలుగు సినిమా రంగప్రవేశం చేసారు. మొదట్లో ఆయన ఎన్టీఆర్ కు డూప్ గా కూడా చేసారు. ఆ తరువాత సీనియర్ ఎన్టీఆర్ చొరవ చూపించడంతో ఆయనకు ఇతర సినిమాలలో అవకాశాలు కూడా వచ్చాయి. లవకుశ, శ్రీకృష్ణార్జున యుద్ధం, నర్తనశాల, శ్రీ కృష్ణా పాండవీయం, కురుక్షేత్రం, దానవీర శూరకర్ణ, సీతాకళ్యాణం ఇలా చాలా పౌరాణిక సినిమాలలో నటించారు.

యముడికి మొగుడు, యమగోల, యమలీల వంటి సినిమాలలో యముడి పాత్ర పోషించి యముడిని తలపించారు. ఇప్పటికి యముడి పాత్ర అంటే మొదట కైకాల సత్యనారాయణ రూపమే గుర్తొస్తుంది. దాదాపు నాలుగుతారల నటులతో నటించిన కైకాల సత్యనారాయణకు 2011 లో రఘుపతి వెంకయ్య పురస్కారం లభించింది. ఆరోగ్య సమస్యల వల్ల సినిమాలకు దూరంగా ఉంటూ వస్తున్న కైకాల సత్యనారాయణ చివరిగా “దీర్ఘాయుష్మాన్ భవ” అనే సినిమాలో నటించారు. ఇప్పటికే ఈ సినిమా ఫస్ట్ లుక్ రిలీజ్ అయ్యింది.

ప్రస్తుతం ఎక్కడ చూసినా నడుస్తున్న టాపిక్ పుష్ప. ఈ సినిమాలో అల్లు అర్జున్ చాలా డిఫరెంట్ గా కనిపిస్తున్నారు. అంతే కాకుండా ఈ సినిమా అల్లు అర్జున్ మొదటి పాన్ ఇండియన్ సినిమా. ఇప్పటికే విడుదలైన టీజర్, పోస్టర్స్ ప్రేక్షకుల్లో ఆసక్తిని పెంచాయి.

దాదాపు 12 సంవత్సరాల తర్వాత మళ్లీ అల్లు అర్జున్, సుకుమార్ కలిసి చేస్తున్న సినిమా పుష్ప.దాంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమా డిసెంబర్ 17 వ తేదీన ప్రేక్షకుల ముందుకు రాబోతోంది.

ఈ సినిమాలో నాలుగవ పాట “ఏయ్ బిడ్డ.. ఇది నా అడ్డా..” సాంగ్ ఇప్పటికే ఉర్రుతలు ఊగిస్తోంది. అయితే.. జియో సావన్ అప్లికేషన్ మాత్రం ఈ పాటని తప్పుగా చూపించింది. “ఏ బిడ్డా.. ఇది నా *డ్డ అంటూ చూపించడంతో నెటిజన్స్ ఓ రేంజ్ లో ఫైర్ అవుతున్నారు. అయితే జియో సావన్ వెంటనే సరిదిద్దుకోవడానికి తెలుగు అనే ఆప్షన్ ని తీసేసినా.. ఈలోపు జరగాల్సిన నష్టం జరిగిపోయింది.

https://twitter.com/Cr7_AADHF__/status/1463054737549377536?ref_src=twsrc%5Etfw%7Ctwcamp%5Etweetembed%7Ctwterm%5E1463054737549377536%7Ctwgr%5E%7Ctwcon%5Es1_&ref_url=https%3A%2F%2Fsumantv.com%2Fmovies%2Fjiosaavn-makes-mistake-in-pushpa-song%2F52723%2F