Filmy Adda

తెలుగు, తమిళ్ లో ఎన్నో సినిమాల్లో నటించి, మధ్యలో కొంత విరామం తీసుకొని క్రాక్ సినిమాతో మళ్లీ సెకండ్ ఇన్నింగ్స్ మొదలు పెట్టిన స్టార్ నటి శృతి హాసన్. అంతకుముందు పవర్ స్టార్ పవన్ కళ్యాణ్ హీరోగా నటించిన వకీల్ సాబ్ సినిమాలో కూడా ఒక చిన్న పాత్రలో నటించారు. శృతి హాసన్ సోషల్ మీడియాలో చాలా యాక్టివ్ గా ఉంటారు. రోజు ఏదో ఒక పోస్ట్ చేస్తూనే ఉంటారు. తన వ్యక్తిగత జీవితానికి సంబంధించిన విషయాలను కూడా సోషల్ మీడియా ద్వారా శృతి హాసన్ నెటిజన్స్ తో షేర్ చేసుకుంటారు.

అంతే కాకుండా తన ఫాన్స్ అడిగే ప్రశ్నలకు కూడా శృతి హాసన్ సమాధానాలు చెబుతూ ఉంటారు. అయితే ఇటీవల సోషల్ మీడియాలో శృతి హాసన్ ఒక ఫోటో పోస్ట్ చేశారు. అందులో శృతి హాసన్ ముఖం మీద టాటూ వేయించుకున్నారు. అది ఒరిజినల్ కాదు. ఏదో టెంపరరీగా స్కెచ్ వేసింది అని చూస్తుంటే అర్థమవుతోంది. అయితే, ఈ ఫోటోను చూసిన చాలా మంది “ఇంత అందమైన ముఖాన్ని ఎందుకు అలా చేసుకున్నావు?” అని అడుగుతున్నారు.

ఇది మాత్రమే కాకుండా శృతి హాసన్ కి శరీరంపై కొన్ని టాటూలు ఉంటాయి. అంతే కాకుండా కాస్మెటిక్ సర్జరీ కూడా చేయించుకున్నారు. ఈ విషయాన్ని స్వయంగా తనే వెల్లడించారు. అయితే ఇప్పుడు శృతి హాసన్ మళ్ళీ టాటూ ఉన్న ఫోటో పోస్ట్ చేయడంతో సోషల్ మీడియా అంతట ఆ ఫోటో వైరల్ అయ్యి, నెగటివ్ కామెంట్స్ కి దారితీసింది. దాంతో శృతి హాసన్ ఈ విధంగా స్పందించారు.

“నీకు టాటూస్ అంటే ఎందుకు అంత ఇష్టం? నువ్వు ఎందుకు వింతగా ఉన్నావు? అంత అందమైన ముఖానికి GOTH మేకప్ వేసి ఎందుకు అలా చేసుకున్నావు? అని అడిగేవారికి నేను చెప్పే సమాధానం ఒక్కటే” అని పోస్ట్ చేసి, నెక్స్ట్ ఇంస్టాగ్రామ్ స్టోరీలో, కమల్ హాసన్ హీరోగా నటించిన అభయ్ సినిమాలో ఫోటో పోస్ట్ చేసి, “ఇదంతా నాకు మా నాన్న నుండి వచ్చింది” అని సరదాగా కామెంట్ చేశారు శృతి హాసన్. శృతి హాసన్ ప్రస్తుతం ప్రభాస్ హీరోగా నటిస్తున్న సలార్ సినిమాలో హీరోయిన్ గా నటిస్తున్నారు.

ఈ సంవత్సరం వకీల్ సాబ్ తో ఇన్నింగ్స్ మొదలుపెట్టిన పవర్ స్టార్ పవన్ కళ్యాణ్, వచ్చే సంవత్సరం వరుస సినిమాలతో మన ముందుకు రాబోతున్నారు. అందులో మొట్టమొదటిగా విడుదల అవుతోంది భీమ్లా నాయక్. ఈ సినిమా మలయాళం సినిమా అయిన అయ్యప్పనుమ్ కోషియుమ్ కి రీమేక్ గా రూపొందుతోంది. ఇందులో రానా దగ్గుబాటి కూడా మరొక హీరోగా నటిస్తున్నారు. అయితే, సాధారణంగా మలయాళం సినిమాలో ఇద్దరు హీరోలకు సమానమైన ఇంపార్టెన్స్ ఉంటుంది.

ఇద్దరు హీరోలు కథలో కీలక పాత్ర పోషిస్తారు. ఒక హీరోని ఎక్కువ చేయడం, ఒక హీరోని తక్కువ చేయడం, అలా ఏమీ ఉండదు. అందుకే టైటిల్ లో కూడా ఇద్దరి పేర్లు ఉన్నాయి. కానీ తెలుగులో మాత్రం పవన్ కళ్యాణ్ పోషించే పాత్ర పేరు మాత్రమే ఉంది. ఈ విషయంపై చాలా పెద్ద ఎత్తున చర్చ జరిగింది. దాంతో నిర్మాతలు, “అప్పుడే మీరు నిర్ణయాలు తీసుకోకండి. ఇంకా చాలా అనౌన్స్మెంట్స్ ఉన్నాయి” అని చెప్పారు. కానీ తర్వాత రానా దగ్గుబాటికి సంబంధించిన ఒక వీడియోని విడుదల చేశారు.

అందులో రానా దగ్గుబాటి పేరు డానియల్ శేఖర్ అని రివీల్ చేశారు. కానీ టైటిల్ మాత్రం మార్చలేదు. ఈ విషయం పక్కన పెడితే, సినిమాలో కూడా చాలా మార్పులు చోటు చేసుకున్నట్లు సమాచారం. ముఖ్యంగా రానా పాత్రలో ఎన్నో మార్పులు జరగబోతున్నాయట. మలయాళం ఒరిజినల్ సినిమాలో రానా పాత్ర పోషించిన పృథ్వీరాజ్ ని కూడా మరొక హీరోగానే చూపిస్తారు. కానీ తెలుగులోకి వచ్చేసరికి రానా దగ్గుబాటి పాత్రని విలన్ రూపంలో చూపించబోతున్నారట.

అదే కాకుండా రానా పాత్రకి ఫ్లాష్‌బ్యాక్‌ కూడా ఉంటుందట. మలయాళంలో అలాంటిదేమీ ఉండదు. తెలుగులో మాత్రం సినిమాటిక్ లిబర్టీతో చాలా మార్పులు చేస్తున్నారు. హీరో ఎలివేషన్స్ కూడా ఈ మార్చిన కథకి తగ్గట్టుగా రూపొందించారు. ప్రస్తుతం అయితే ఈ సినిమా గురించి ఈ విధంగా వార్తలు ప్రచారంలో అయితే ఉన్నాయి. నెటిజన్లు కూడా, “ఇన్ని మార్పులు చేసే దానికి మళ్లీ రీమేక్ అని చెప్పడం ఎందుకు?” అని కామెంట్స్ చేస్తున్నారు. మరి ఈ వార్తల్లో ఎంత వరకు నిజం అవుతాయో తెలుసుకోవాలంటే సినిమా విడుదలయ్యే వరకు ఆగాల్సిందే.

బిగ్‌ బాస్ ప్రోగ్రాం తమిళ్ లో కూడా ప్రసారం అవుతుంది. 18 మంది కంటెస్టెంట్స్ తో 5వ సీజన్ అక్టోబర్ 3వ తేదీన మొదలయ్యింది. ఈ ప్రోగ్రాంలో ట్రాన్స్‌జెండర్‌ అయిన నమిత మారిముత్తు పాల్గొంటున్నారు. నమిత మోడల్, అలాగే నటి. మిస్ ట్రాన్స్ స్టార్ ఇంటర్నేషనల్ 2020 విన్నర్ అయ్యారు నమిత. ఇటీవల జరిగిన టాస్క్ లో భాగంగా హౌస్‌మేట్స్ ఒక్కొక్కరు వారి కథని చెప్పారు. ఇందులో భాగంగానే నమిత కూడా తన బాధని చెప్పారు.

గుక్క తిప్పుకోకుండా మాట్లాడిన నమిత, మధ్యలో చాలా ఎమోషనల్ కూడా అయ్యారు. నమిత మాత్రమే కాదు పక్కన ఉన్న కంటెస్టెంట్స్ ని. అలాగే చూస్తున్న ప్రేక్షకులని కూడా నమిత కథ కదిలించింది. సమాజం తనను అంగీకరించకపోవడం, శారీరకంగా, మానసికంగా తాను ఎదుర్కొన్న ఇబ్బందులు గురించి నమిత మాట్లాడారు. మమ్మల్ని ఎందుకు అంగీకరించడం లేదు? మాకు ఉద్యోగాలు ఎందుకు ఇవ్వడం లేదు? ప్రభుత్వాలు ఏం చేస్తున్నాయి?”

“మానసికంగా, శారీరకంగా మమ్మల్ని చంపేస్తున్నారు. అందుకే రోడ్లమీద అడుక్కుంటూ బతకాల్సివస్తోంది” అని ఎమోషనల్ అయ్యారు నమిత. మమ్మల్ని మనుషుల్లాగే చూడట్లేదు అని మాట్లాడారు. అంతే కాకుండా కొంత మంది వల్ల తనలాంటి వారికి చెడ్డ పేరు వస్తుంది అని, అలాంటి ప్రచారం చేసే వాళ్ళతో పాటు, సంఘంలోని అందరిలోనూ తమపట్ల మార్పులు రావాలి అని, అందరూ కూడా తనలాగ రాణిస్తే చాలా సంతోషిస్తాను” అని నమిత అన్నారు.

సాధారణంగా టీవీలో టెలికాస్ట్ చేసేటప్పుడు ఎడిటింగ్ లో చాలా వరకు కట్ అవుతుంది. కానీ విజయ్ టెలివిజన్ లో టెలికాస్ట్ అయిన ఈ ప్రోగ్రాంలో మాత్రం ఈ ఎపిసోడ్ లో ఎటువంటి కట్స్ లేకుండా, నమిత చెప్పిన చిన్న వాక్యాన్ని కూడా కట్ చేయకుండా, ఏ పదం కూడా బీప్ చేయకుండా ప్రసారం చేశారు. నమిత దాదాపు అరగంట మాట్లాడారు. నమిత కథని చూసిన ఎంతో మంది నెటిజన్లు నమితకి మద్దతు తెలియజేస్తూ పోస్ట్ లు చేస్తున్నారు.

సెలబ్రిటీల జీవితం ఒక తెరిచిన పుస్తకంలాంటిది. వారికి సంబంధించిన చిన్న విషయం నుండి పెద్ద విషయం వరకు అన్నీ వాళ్లు అధికారికంగా ప్రకటించకుండానే వైరల్ అయిపోతాయి. ఇప్పుడు అదే విధంగా నాగ చైతన్య, సమంత విడాకులకు సంబంధించిన విషయాల గురించి కూడా అంతకుముందే చాలా పుకార్లు వచ్చాయి. కొద్ది రోజుల క్రితం వారిద్దరూ అధికారికంగా విడిపోతున్నట్లు ప్రకటించారు. విడాకుల విషయం ప్రకటించిన తర్వాత చాలా మంది సమంతని తప్పుపట్టడం మొదలుపెట్టారు. ఈ విషయంపై ఎట్టకేలకు సమంత స్పందించారు.

ఇంస్టాగ్రామ్ స్టోరీలో సమంత ఈ విధంగా పేర్కొన్నారు. “నా వ్యక్తిగత జీవితం గురించి మీరు ఆలోచించిన విధానం నన్ను కదిలించింది. తప్పుడు వార్తలనుండి, పుకార్లనుండి నన్ను సమర్ధించడానికి ప్రయత్నించిన మీ అందరికీ చాలా థాంక్యూ. నాకు అఫైర్స్ ఉన్నాయి అన్నారు. నేను పిల్లలు వద్దు అని అనుకున్నాను అని అన్నారు. నేను ఒక అవకాశవాది అని అన్నారు. ఇంక ఇప్పుడు అయితే ఏకంగా నాకు అబార్షన్స్ అయ్యాయి అని అంటున్నారు.

డివోర్స్ అనేది చాలా బాధాకరమైన విషయం. ఈ బాధ నుండి కోలుకోవడానికి నన్ను ఒక్క దాన్ని వదిలేయండి. నాపై కనికరం లేకుండా వ్యక్తిగతంగా ఎటాక్ చేస్తున్నారు. కానీ నేను మీ అందరికీ ఒక మాట ఇవ్వాలని అనుకుంటున్నాను. ఎవరు ఏమన్నా కానీ అవన్నీ నాపై ప్రభావం చూపడానికి నేను అనుమతించను.” అని సమంత ఇంస్టాగ్రామ్ ద్వారా పేర్కొన్నారు.

ప్రస్తుతం ఎక్కడ చూసినా నడుస్తున్న ఒకే ఒక్క టాపిక్ సమంత, నాగ చైతన్య విడాకులు. “ఇంత మంచి జంట విడాకులు ఎందుకు తీసుకోవాల్సి వచ్చింది?” అని చాలా మంది అభిప్రాయపడుతున్నారు. ఇదిలా ఉండగా, ప్రముఖ నటులు, రాజకీయవేత్త మురళీ మోహన్ గారు ఒక సందర్భంలో నాగ చైతన్య, సమంత ఉన్న అపార్ట్మెంట్ గురించి మాట్లాడారు. మురళీ మోహన్ గారి జయభేరి ఆరంజ్ కౌంటీ అపార్ట్మెంట్ లో నాగ చైతన్య, సమంత నివాసం ఉన్నారు.

ఈ అపార్ట్మెంట్ కొనుక్కోవడం వెనకాల ఉన్న కథని ఒక ఇంటర్వ్యూలో మురళీ మోహన్ గారు వివరించారు. నాగ చైతన్య, సమంత అప్పటివరకు చాలా అపార్ట్మెంట్స్ చూసి ఉన్నారు. నాగ చైతన్యకి చూడంగానే మురళీ మోహన్ గారి అపార్ట్మెంట్ నచ్చిందట. మురళీ మోహన్ గారు అపార్ట్మెంట్ తన కుటుంబం కోసం కట్టించుకున్నారు. ఆరంజ్ కౌంటీలో పైన ఫ్లోర్ లలో కొన్ని అపార్ట్మెంట్స్ కట్టించి ఒక్కొక్క ఇంటికి స్పెషల్గా స్విమ్మింగ్ పూల్, అలా అన్ని సౌకర్యాలు ఉండేటట్లు ఏర్పాటు చేసుకున్నారు. ఒకటి తనకోసం, తన పిల్లల కోసం, ఇంకొకటి వాళ్ళ తమ్ముడు కోసం కట్టించుకున్నారట. కానీ నాగ చైతన్య అపార్ట్మెంట్ కావాలి అని అడిగారు.

అందుకు మురళీ మోహన్ గారు కుదరదు అని, ఎందుకంటే ఇది తన కుటుంబం కోసం కట్టించుకున్నాను అని చెప్పారు. నాగ చైతన్య నాగార్జునకి చెప్పి మురళీ మోహన్ గారితో మాట్లాడించారు. నాగార్జున, మురళీ మోహన్ చాలా మంచి మిత్రులు కాబట్టి నాగార్జున బాగా రిక్వెస్ట్ చేయడంతో మురళీ మోహన్ గారు కాదనలేక ఆ ఇల్లు ఇచ్చారట. ప్రస్తుతం ఆ ఇంట్లో సమంత ఒక్కరే ఉంటున్నారు. ఈ విషయాన్ని మురళీ మోహన్ గారు కొన్ని సంవత్సరాల క్రితం చెప్పారు. కానీ ప్రస్తుత పరిస్థితుల నేపథ్యంలో మళ్లీ ఈ వీడియో సోషల్ మీడియాలో వైరల్ అవుతోంది.

watch video : 

చై సామ్ విడాకులు తీసుకున్న వార్త సోషల్ మీడియా ను హోరెత్తించింది. గత మూడు, నాలుగు రోజుల పాటు ఆమె విడాకులు తీసుకున్న తాలూకు వార్తలే సోషల్ మీడియా లో హల్ చల్ చేసాయి. విడాకులు తీసుకున్న తరువాత.. సమంత సోషల్ మీడియా లో ఓ పోస్ట్ చేసింది. తాను కలలు గన్న దానికోసం కష్టపడాలని, ఇలా నిద్రపోతూ ఉండకూడదని తన పోస్ట్ లో పేర్కొంది. విడాకుల తర్వాత కూడా సమంత సోషల్ మీడియాలో ఆక్టివ్ గానే ఉంటున్నారు. తనను తాను మోటివేట్ చేసుకునే విధంగా ఉన్న స్టేటస్ లను అభిమానులతో పంచుకుంటూ ఉన్నారు.

అంతే కాదు.. ఆచరణలో కూడా సమంత దూసుకొళ్తోంది. ఇప్పటికే ఒప్పుకున్న యాడ్స్ లో నటించడానికి కూడా సిద్ధమైంది. ఇటీవలే ఓ యాడ్ షూట్ లో పాల్గొన్న సమంత షూటింగ్ గ్యాప్ లో కంటతడి పెట్టుకున్నారు అంటూ వార్తలు వచ్చిన సంగతి తెలిసిందే. విడాకుల గురించి అనౌన్స్ చేసిన తరువాత నుంచి సమంత సోషల్ మీడియా అకౌంట్ లపై మరింత ఫోకస్ పెరిగినట్లు అయింది. ఆమె చేస్తున్న పోస్ట్ లు వైరల్ అవుతున్నాయి..

విడాకుల తరువాత జరుగుతున్న పరిణామాలపై సమంత తన బాధను వ్యక్తం చేసింది. “ఈ సమాజం ఎప్పుడు మహిళనే ప్రశ్నిస్తుంది. మగవాళ్ళని ప్రశ్నించదు.. అలాంటి సమయాల్లో మనకి ప్రాధమికంగా నైతిక హక్కు లేనట్లే..” అంటూ సమంత తన ఇన్స్టాగ్రామ్ స్టోరీలో ఓ కొటేషన్ ను పంచుకుంది. విడాకుల ప్రకటన తర్వాత నుంచి సామ్ ను చాలా మంది తప్పు పడుతూ వస్తున్నారు. ఈ క్రమంలో సమంత చాలా మానసిక వత్తిడికి గురి అవుతున్నారట. అందుకే ఆరోజు షూటింగ్ గ్యాప్ లో కూడా సమంత ఎమోషనల్ అయ్యారని తెలుస్తోంది.

సోషల్ మీడియా వేదికగా నాగ చైతన్య, సమంత విడిపోతున్నట్లు ప్రకటించిన సంగతి తెలిసిందే. సమంత కూడా తన సోషల్ మీడియా హ్యాండిల్స్ లో ఇంటి పేరు తీసేయడం, ఈ విషయంపై ఇంటర్వ్యూలో అడిగినా కూడా, “నేను సమయం వచ్చినప్పుడు మాత్రమే ఇలాంటి వాటికి స్పందిస్తాను” అని చెప్పడం తో వారిద్దరూ విడిపోయారని సోషల్ మీడియాల్లో వార్తలు గుప్పుమన్నాయి. అక్టోబర్ రెండవ తేదీన నాగ చైతన్య, సమంత ఇద్దరు విడాకులు తీసుకుంటున్నట్లు ప్రకటించారు.

విడాకుల తర్వాత సమంత మొట్టమొదటిసారిగా తెరపై కనిపించబోతున్నారు. అది ఏ సినిమాలోనో కాదు. ఒక షో ద్వారా. జూనియర్ ఎన్టీఆర్ హోస్ట్ గా వ్యవహరిస్తున్న ఎవరు మీలో కోటీశ్వరులు షోకి సమంత అతిథిగా రాబోతున్నారు. ఈ షోలో సమంత 25 లక్షల రూపాయలు గెలుచుకున్నట్లు సమాచారం. సమంత ఎవరు మీలో కోటీశ్వరులు ఎపిసోడ్ షూటింగ్ ఇవాళ పూర్తి చేశారు. ఇందుకు సంబంధించిన ఒక పిక్చర్ సోషల్ మీడియాలో వైరల్ అవుతోంది.

ఈ ఫోటోలో సమంత ప్రముఖ ప్రొడ్యూసర్ మహేంద్ర బాబుతో ఉన్నారు. ఈ ఎపిసోడ్ దసరా సందర్భంగా టెలికాస్ట్ అవుతుంది అని సమాచారం. దసరా సందర్భంగా ఎవరు మీలో కోటీశ్వరులు షోకి కొంత మంది ప్రముఖులు అతిథులుగా రాబోతున్నారు. వారిలో సూపర్ స్టార్ మహేష్ బాబు ఉన్నారు. అదే వారంలో సమంత ఎపిసోడ్ కూడా టెలికాస్ట్ అవుతుంది అనే వార్తలు వినిపిస్తున్నాయి. సమంత తెలుగులో ఒక ఫిమేల్ ఓరియెంటెడ్ సినిమా సైన్ చేసినట్టు వార్తలు వినిపిస్తున్నాయి. అంతే కాకుండా, తమిళ్ లో కూడా డ్రీమ్ వారియర్ పిక్చర్స్ ప్రొడక్షన్ లో ఒక సినిమా సైన్ చేశారు. అటువైపు నాగ చైతన్య కూడా అఖిల్ అక్కినేని హీరోగా నటించిన మోస్ట్ ఎలిజిబుల్ బ్యాచిలర్ ప్రీ రిలీజ్ ఈవెంట్ కి రాబోతున్నారు.