Filmy Adda

సినిమాల్లో హీరోయిన్ తర్వాత ముఖ్యమైన పాత్ర హీరో సోదరి పాత్ర. ఒక్కొక్కసారి హీరోయిన్ కంటే కూడా హీరో సోదరి పాత్రకు చాలా ప్రాముఖ్యత ఉంటుంది. చాలా సినిమాల్లో వాళ్ళ వల్లే కథ మలుపు తిరగడం, అప్పటివరకు ఒక లాగా ఉన్న హీరో సడన్ గా మారడం అవుతుంటాయి. హీరో సోదరి పాత్రల్లో నటించిన ఎంతోమంది ప్రస్తుతం ఇంకా నటిస్తున్నారు, మరికొంతమంది వేరే వృత్తుల్లో ఉన్నారు. అలా హీరో సోదరి పాత్రలో నటించిన కొంతమంది ఇప్పుడు ఏం చేస్తున్నారో చూద్దాం.

#1 సంధ్య – అన్నవరం

డబ్బింగ్ సినిమా ప్రేమిస్తే తెలుగు వాళ్లకి పరిచయమైన సంధ్య తర్వాత అన్నవరం సినిమాలో హీరో చెల్లెలిగా నటించారు. ఆ తర్వాత ఎన్నో తమిళం, మలయాళం సినిమాలు చేశారు. 2015లో చెన్నైకి చెందిన ఐటీ ఉద్యోగి వెంకట్ చంద్రశేఖర్ ని వివాహం చేసుకున్నారు. వాళ్లకి ఇప్పుడు ఒక పాప కూడా ఉంది. 2016 లో వచ్చిన మలయాళ సినిమా అవరుడే వీడు సినిమాలో కనిపించారు సంధ్య.

#2 మౌనిక – శివరామరాజు

శివరామరాజు లో ముగ్గురు అన్నల చెల్లి గా నటించిన మౌనిక తర్వాత మా అల్లుడు వెరీ గుడ్, కొడుకు సినిమాల్లో కూడా హీరోయిన్ గా నటించారు. ఎన్నో సినిమాల్లో నటించిన మౌనిక తర్వాత 2014 లో ఇస్లాం మతం తీసుకున్నారు. తన పేరుని రహీమా గా మార్చుకున్నారు. 2015 లో చెన్నైకి చెందిన వ్యాపారి మాలిక్ ని వివాహం చేసుకున్నారు.

#3 మంజూష – రాఖీ

రాఖీ లో ఎన్టీఆర్ చెల్లెలిగా నటించిన మంజూష తర్వాత ఎన్నో సినిమాల్లో నటించారు. ప్రస్తుతం యాంకరింగ్ కూడా చేస్తున్నారు.

#4 దీపా వెంకట్ – శ్రీరామ్

మనసిచ్చి చూడు, శ్రీరామ్ సినిమాల్లో, తర్వాత ఎన్నో తమిళ సీరియల్స్ లో కూడా నటించారు దీపా. దీపా నటి మాత్రమే కాకుండా మంచి డబ్బింగ్ ఆర్టిస్ట్ కూడా. ప్రస్తుతం తమిళ్ లో టాప్ డబ్బింగ్ ఆర్టిస్ట్ ల లో ఒకరు దీపా. జ్యోతిక, సౌందర్య, సిమ్రాన్, గజాలా, సంజన, విద్యాబాలన్, శ్రీయ వంటి ఎంతో మంది హీరోయిన్లకు తమిళంలో డబ్బింగ్ చెప్పారు.

ఉరుమి సినిమాలో తమిళంలో పాటు తెలుగులో కూడా విద్యాబాలన్ కి దీపా డబ్బింగ్ చెప్పారు. నయనతార కి అయితే రాజా రాణి సినిమా నుండి దాదాపు ప్రతి సినిమాకి తమిళంలో దీపా నే చెబుతున్నారు. కాష్మోరా, వివేకం సినిమాల్లో తెలుగులో కూడా నయనతార కి డబ్బింగ్ చెప్పారు దీపా.

#5 శరణ్య మోహన్ – కళ్యాణ్ రామ్ కత్తి

మలయాళం సినిమా రంగంలో చైల్డ్ ఆర్టిస్ట్ గా తన కెరీర్ ని మొదలు పెట్టారు శరణ్య. తెలుగులో విలేజ్ లో వినాయకుడు, భీమిలి కబడ్డీ జట్టు, హ్యాపీ హ్యాపీగా సినిమాల్లో హీరోయిన్ గా నటించారు. కళ్యాణ్ రామ్ హీరోగా నటించిన కత్తి సినిమా లో కళ్యాణ్ రామ్ చెల్లెలిగా నటించారు.

2015 లో ముద్ర అనే తెలుగు సినిమాలో నటించారు. అదే సంవత్సరంలో తనకి ఎంతోకాలం నుండి స్నేహితులు అయిన అరవింద్ కృష్ణన్ ని పెళ్లి చేసుకున్నారు. ఇప్పుడు వారికి ఒక కొడుకు, ఒక కూతురు ఉన్నారు.

#6 వర్ష – వాసు

వాసు సినిమా లో హీరో చెల్లెలిగా నటించారు. అంతేకాకుండా నువ్వే కావాలి ఇంకా చాలా సినిమాల్లో సహాయ పాత్రల్లో కనిపించారు వర్ష. ఈటీవీ లో వచ్చిన కురుక్షేత్రం సీరియల్ లో హీరోయిన్ గా నటించారు. తర్వాత కొంతకాలం బ్రేక్ తీసుకొని మళ్ళీ ఇప్పుడు ఈటీవీ లో ఒక సీరియలో ముఖ్య పాత్ర లో నటిస్తున్నారు.

#7 మధుమిత – పుట్టింటికి రా చెల్లి

పుట్టింటికి రా చెల్లి సినిమా తో పాటు, మన్మధుడు, నువ్వే నువ్వే సినిమాల్లో నటించారు. స్వప్నమాధురి అనే పేరుతో యాంకరింగ్ ద్వారా ఇండస్ట్రీ లోకి అడుగుపెట్టారు. తర్వాత తన పేరుని మధుమిత గా మార్చుకున్నారు. నటులు, బిగ్ బాస్ వన్ విజేత అయిన శివబాలాజీ ని పెళ్లి చేసుకున్నారు. ప్రస్తుతం తన యూట్యూబ్ ఛానల్ ద్వారా అందరినీ అలరిస్తున్నారు.

#8 వాసుకి – తొలిప్రేమ

తొలిప్రేమ సినిమాలో పవన్ కళ్యాణ్ చెల్లెలిగా నటించిన వాసుకి మీకు గుర్తుండే ఉంటారు. అదే సినిమా కోసం తాజ్ మహల్ సెట్ క్రియేట్ చేసిన ఆర్ట్ డైరెక్టర్ ఆనంద్ సాయి ని పెళ్లి చేసుకున్నారు.

ఆనంద్ సాయి సైనికుడు, యమదొంగ, పులి, గుడుంబా శంకర్, నాని, బాలు, బృందావనం సినిమాలకు ఆర్ట్ డైరెక్టర్ గా వ్యవహరించారు. అంతేకాకుండా భువనగిరి దగ్గర ఉన్న లక్ష్మీ నరసింహ స్వామి గుడి కి కూడా చీఫ్ ఆర్కిటెక్ట్ గా బాధ్యతలు నిర్వహించారు. వాసుకి ప్రస్తుతం సినిమాలకు స్వస్తి చెప్పి గూగుల్ లో పనిచేస్తున్నారు.

#9 కీర్తి రెడ్డి – అర్జున్

అర్జున్ సినిమాలో మహేష్ బాబు కవల సోదరి గా నటించిన కీర్తి రెడ్డి మనకు కొత్త ఏమీ కాదు. అంతకుముందు గన్ షాట్, తొలిప్రేమ సినిమాల తో ఎంతో పాపులర్ అయ్యారు. ప్రస్తుతం కీర్తి రెడ్డి పెళ్లి చేసుకుని యూ ఎస్ లో సెటిల్ అయ్యారు. వాళ్లకి ఇద్దరు పిల్లలు ఉన్నారు.

ప్రముఖ దర్శకులు రామ్ గోపాల్ వర్మ కి శ్రీదేవి గారు అంటే ఎంత ఇష్టమో మనందరికీ తెలుసు. శ్రీదేవి గారితో క్షణక్షణం, గోవిందా గోవిందా సినిమాలు చేశారు రామ్ గోపాల్ వర్మ. ఈ సినిమాలు రామ్ గోపాల్ వర్మకి మాత్రమే కాకుండా శ్రీదేవి గారికి కూడా ఎంతో మంచి పేరు తీసుకొచ్చాయి. ఎన్నో సందర్భాల్లో రామ్ గోపాల్ వర్మ కూడా తాను శ్రీదేవికి అభిమానిని అని, ఆమె అందానికి భక్తుడిని అని చెప్పారు.

అయితే, రామ్ గోపాల్ వర్మ ఇచ్చిన ఒక ఇంటర్వ్యూలో శ్రీదేవిని ఆయనకు భార్యగా పొందే అవకాశం మిస్ అయ్యింది అని అన్నారట. సమయం కథనం ప్రకారం, రామ్ గోపాల్ వర్మ మాట్లాడుతూ, “గోవిందా గోవిందా షూటింగ్ చేస్తున్నప్పటికే శ్రీదేవి టాప్ హీరోయిన్ గా ఉన్నారు. ఆ సమయంలో శ్రీదేవి టాక్స్ సమస్యలతో ఇబ్బంది పడ్డారు. అంతే కాకుండా కుటుంబపరమైన సమస్యలు, అలాగే తన సోదరితో కూడా సమస్యలు ఎదురయ్యాయి.

అప్పుడు శ్రీదేవి ఒక రోజు నన్ను ప్రైవేట్ గా కలిసి మాట్లాడారు. అంతకు రెండు నెలల ముందే నేను నా భార్యతో విడిపోయాను. ఒకవేళ శ్రీదేవి నాతో ఆ రోజు షేర్ చేసుకున్న విషయాలని బట్టి నేను తనని ప్రపోజ్ చేసి ఉంటే కథ వేరే లాగా ఉండేది. కానీ నేను తనని ప్రపోజ్ చేయలేదు. అందుకు రెండు కారణాలున్నాయి. ఒకటి శ్రీదేవి అంటే నాకు చాలా ఆరాధన భావన ఉంది. రెండవ కారణం నా లైఫ్ లోకి ఊర్మిళ రావడం” అని చెప్పారట రామ్ గోపాల్ వర్మ.

ఢీ, జబర్దస్త్ వంటి షోలలో యాంకరింగ్ చేస్తూ.. రష్మీ గౌతమ్ బుల్లితెర ప్రేక్షకుల్లో మంచి స్థానాన్ని సంపాదించుకున్న సంగతి తెలిసిందే. అవకాశాలు వచ్చినప్పుడు వెండితెర పై కూడా నటిస్తూ.. రష్మీ గౌతమ్ తెలుగు ప్రేక్షకులకు మరింత చేరువ అవుతూ వస్తున్నారు. కేవలం అందం, టాలెంట్ మాత్రమే కాదు.. ఆమె స్టయిల్ కి కూడా చాలా మంది ఫాన్స్ ఉన్నారంటే అతిశయోక్తి కాదు.

మరో వైపు.. రష్మీ-సుధీర్ జంట కు కూడా ఓ రేంజ్ లో ఫాలోయింగ్ ఉంది. యు ట్యూబ్ కపుల్ గా ఈ జంట కు మంచి ఫాలోయింగ్ ఉంది. అసలు వీరిద్దరి మధ్య ఉండే కెమిస్ట్రీ నే వీరికి మరింత పాపులారిటీ ని తీసుకొచ్చింది. ఓ వైపు.. వీరిద్దరూ ప్రేమించుకుంటున్నారని.. పెళ్లి చేసుకోవాలని ఫాన్స్ ఫీల్ అయిపోతూ ఉంటె.. వీరిద్దరూ మాత్రం తమ మధ్య ఉన్నది కేవలం స్నేహం మాత్రమేనని పలు సందర్భాలలో స్పష్టం చేస్తూ వచ్చారు. అయినప్పటికీ నెటిజెన్ల కామెంట్స్, పెళ్లి గురించిన క్వశ్చన్స్ ఆగలేదు.

ఇటీవల జబర్దస్త్ ఆర్టిస్ట్ వర్ష తన పై వస్తున్న ట్రోల్స్ గురించి చెప్తూ ఎమోషనల్ అయ్యింది. ఈ సందర్భం లో రష్మీ కూడా స్పందించారు. ఏ విషయం లో అయినా అమ్మాయిలు అబ్బాయిలు సమానమని అంటూ ఉంటారని.. చెప్పుకొచ్చారు. సుధీర్ ఏ హీరోయిన్ తో ఆక్ట్ చేసినా ఒప్పుకుంటారని.. కానీ నా విషయం లో అలా ఉండదన్నారు.

రీసెంట్ గా నాది ఓ ట్రైలర్ రిలీజ్ అయితే.. అందులో సుధీర్ ఆక్ట్ చేస్తే బాగుండేదని పలువురు కామెంట్స్ చేసారని వాపోయారు. ఇక్కడ అందరం కలిసి పని చేసినా.. మా పర్సనల్ లైవ్స్ వేరే ఉంటాయని ఎందుకు ఒప్పుకోరన్నారు. అబ్బాయిలు ఎంతమందితో పులిహోర కలిపినా తప్పు గా చూడరని.. కానీ అమ్మాయిలు క్యారెక్టర్ పరం గా మరొకరితో నటిస్తే మాత్రం తప్పుబడతారని ఆవేదన చెందారు.

పవర్ స్టార్ పవన్ కళ్యాణ్. పరిచయం అక్కర్లేని వ్యక్తి. పవన్ కళ్యాణ్ ఆన్ స్క్రీన్ ప్రెజెన్స్ ఎంత పవర్ ఫుల్ గా ఉంటుందో ఆఫ్ స్క్రీన్ ప్రజెన్స్ కూడా అంతే పవర్ ఫుల్ గా ఉంటుంది. మధ్యలో ఎన్ని ఫ్లాప్స్ ఎదురైనా కూడా మళ్ళీ ధైర్యంగా ముందుకెళ్ళి కం బ్యాక్ ఇచ్చారు పవన్ కళ్యాణ్. అలా పవన్ కళ్యాణ్ కెరీర్ లో బిగ్గెస్ట్ హిట్స్ లలో ఒకటైన గబ్బర్ సింగ్ సినిమాని ప్రేక్షకులు మర్చిపోవడం చాలా కష్టం.

రీమేక్ సినిమా అయినా కూడా ఎక్కడా రీమేక్ షేడ్స్ కనిపించకుండా అచ్చమైన తెలుగు సినిమాలాగా తీశారు. దీని తర్వాత వచ్చిన అత్తారింటికి దారేది సినిమా కూడా ఎంత పెద్ద బ్లాక్ బస్టరో మన అందరికీ తెలుసు. త్రివిక్రమ్ శ్రీనివాస్ దర్శకత్వం, డైలాగ్స్, పవన్ కళ్యాణ్ స్క్రీన్ ప్రెజెన్స్, దేవి శ్రీ ప్రసాద్ సంగీతం ఇవన్నీ సినిమాని ఇండస్ట్రీ హిట్ చేశాయి.

ఆ తర్వాత కెమెరామెన్ గంగతో రాంబాబు, గోపాల గోపాల, కాటమరాయుడు, అజ్ఞాతవాసి సినిమాల్లో నటించారు పవన్ కళ్యాణ్. మళ్లీ వకీల్ సాబ్ సినిమాతో కం బ్యాక్ ఇచ్చారు. అయితే మీరు ఒక విషయం గమనించారా? ఈ మూడు సినిమాలకు ఒక కామన్ పాయింట్ ఉంది. పవన్ కళ్యాణ్ కాదు. ఈ మూడు సినిమాల్లో శంకర్ మహదేవన్ పాటలు పాడారు.

పవన్ కళ్యాణ్, శంకర్ మహదేవన్ కాంబినేషన్ లో ఏదైనా పాట ఉంటే, ఆ సినిమా సూపర్ హిట్ అవుతుంది అని చెప్పడానికి ఈ మూడు సినిమాలే నిదర్శనం. మీరు ఒకసారి గమనిస్తే మిగిలిన ఏ సినిమాల్లోను శంకర్ మహదేవన్ పవన్ కళ్యాణ్ కి పాడలేదు. ఈ ఒక్క మూడు సినిమాల్లో మాత్రమే పాడారు. అయితే, వీళ్ళిద్దరిదీ సూపర్ హిట్ కాంబినేషన్ అన్నమాట.

సినిమాల్లోకి రావాలని చాలా మంది కలలు కంటూ ఉంటారు. అందుకోసం వారు పడే పాట్లు కూడా మాములుగా ఉండవు. సినిమాలో ఒక్క అవకాశం వస్తే చాలని.. తమని తాము ప్రూవ్ చేసుకోవాలని చాలా మంది కోరుకుంటూ ఉంటారు. అయితే.. టీవీలలో ప్రసారం అయ్యే జబర్దస్త్, శ్రీదేవి డ్రామా కంపెనీ, పటాస్.. లాంటి షో లు టాలెంట్ ను ప్రూవ్ చేసుకోవడానికి ఎంతో కొంత సహకరిస్తాయి.

ఈ షోలలో పార్టిసిపేట్ చేయడం, ఎంటర్టైన్ చేయడం ద్వారా ఎంతో కొంత నిలదొక్కుకుని పాపులారిటీ సంపాదించుకున్న ఆర్టిస్ట్ లు చాలా మందే ఉన్నారు. వారిలో అదిరే అభి టీం ఆర్టిస్ట్ రాము కూడా ఒకరు. జబర్దస్త్ లో తన కామెడీ ద్వారా నవ్వులు పూయిస్తూ.. వెండితెరపై కూడా అవకాశాల కోసం ప్రయత్నిస్తున్నారు. ఇటీవల ఆయన ఇచ్చిన ఓ ఇంటర్వ్యూ లో నాగార్జున గారు తనకు బాకీ ఉన్నారంటూ.. అసలేమి జరిగిందో చెప్పుకొచ్చారు.

ఓ రోజు అన్నపూర్ణ స్టూడియోస్ కు ఆడిషన్ కు వెళ్లారు. ఐతే, సెలెక్ట్ కాకపోవడం తో.. అక్కడే ఓ పక్కన కూర్చుని బాధపడుతున్న టైం లో నాగార్జున వచ్చారట.. ఆయన అక్కడే ఎవరికోసమో చూస్తుండగా.. అక్కడ బాయ్స్ ఎవరు రాలేదని అనుకున్న రాము వెళ్లి ఆయనకు ఒక సిగరెట్, కూల్ డ్రింక్ ను తీసుకొచ్చి ఇచ్చారట. అయితే డబ్బులు తీసుకోకుండానే తెచ్చి ఇచ్చారట.

ఆయనతో ఉండి.. తన అవకాశం గురించి కూడా అడిగితె.. పనైపోతుంది.. తనకు కూడా సినిమాల్లోకి వెళ్ళడానికి ఒక అవకాశం వస్తుంది కదా అని భావించి రోజంతా అక్కడే ఎదురు చూశాడట. సాయంత్రం అయ్యే సరికి అక్కడ వేరేవాళ్లని నాగార్జున గారి గురించి అడగగా.. ఆయన అసలు షూటింగ్ కె రాలేదని.. ఇందాక వచ్చింది ఆయన డూప్ అని చెప్పారుట. దీనితో జబర్దస్త్ రాము షాక్ అయ్యి.. ఇక చేసేదేమి లేదని అనుకున్నారు. ఆయన ఈ అనుభవాన్ని ఫన్నీ గా పంచుకున్నారు. ఇంకా.. జబర్దస్త్ ఆర్టిస్ట్ రాము పంచుకున్న విషయాలను ఈ కింద వీడియో లో చూడొచ్చు.

Watch Video: