Filmy Adda

తెలుగు సినిమా ఇండస్ట్రీని నిలబెట్టిన వాళ్లలో మొదటి పేరు నందమూరి తారక రామారావు గారు. ఎటువంటి బ్యాక్ గ్రౌండ్ లేకుండా ఇండస్ట్రీలో అడుగు పెట్టి, తనకంటూ ఒక ప్రత్యేక స్థానాన్ని సంపాదించుకున్నారు.

ఇప్పుడు తారక రామారావు గారు లేకపోయినా కూడా ఆయనని అందరూ చాలా గొప్పగా చూస్తారు. అంత పేరు సంపాదించుకున్నారు. నందమూరి తారక రామారావు గారు అంటే దైవ సమానులు అని అంటారు. సినిమాల్లో నటించడం మాత్రమే కాకుండా అప్పట్లో ప్రజలకి కూడా ఎంతో సేవ చేశారు.

రాజకీయాల్లోకి దిగి రాష్ట్రాన్ని అభివృద్ధి చేయడానికి తనవంతు కృషి చేశారు. ఇప్పుడు తెలుగు సినీ పరిశ్రమ ఈ స్థాయిలో ఉండడానికి మొదటిగా పునాది వేసిన వ్యక్తి నందమూరి తారక రామారావు గారు. ఆయన అప్పట్లో ఎన్నో పాత్రలు చేసి తెలుగు ప్రజలు అందరూ కూడా ఇప్పటికీ గర్వపడే అంత స్థాయికి సినిమా ఇండస్ట్రీ ని తీసుకెళ్లారు. అయితే అప్పట్లో తెలుగు సినిమా ఇండస్ట్రీ చెన్నైలో ఉన్న సంగతి తెలిసిందే. షూటింగ్స్ ఎక్కువగా చెన్నైలో జరిగేవి.

అందుకే ఇప్పుడు ఉన్న చాలా మంది స్టార్ హీరోలు పుట్టింది, పెరిగింది చాలా వరకు చెన్నైలోనే అయ్యి ఉంటుంది. నందమూరి తారక రామారావు గారు కూడా చెన్నైలో ఒక ఇల్లు నిర్మించుకున్నారు. కుటుంబం అంతా కూడా చెన్నైలోనే ఉన్నారు. ఈ ఇల్లు దాదాపు 70 సంవత్సరాల క్రితం నాటి ఇల్లు. ఈ ఇల్లు ఇప్పటికి కూడా ఉంది. అయితే అప్పట్లోనే ఎంతో అధునాతనంగా ఈ ఇంటిని నిర్మించారు. ఇల్లు చాలా పెద్దది అని బయట నుండి చూస్తుంటేనే అర్థం అవుతుంది.

అంతే కాకుండా సెక్యూరిటీ కూడా చాలా గట్టిగా ఉండేలాగా చూసుకున్నారు. గోడలకి కంచె ఏర్పాటు చేయడం మాత్రమే కాకుండా, ఒక సెక్యూరిటీ గార్డ్ ని నియమించి, ఇప్పటి కాలంలో బయట సెక్యూరిటీ గార్డ్ కి  ప్రత్యేకంగా ఒక షెల్టర్ లాంటిది ఎలా అయితే ఉంటుందో, అలాంటి షెల్టర్ అప్పట్లోనే నిర్మించారు. ఇప్పటికి కూడా ఆ షెల్టర్ అలాగే ఉంది. ఎటువైపు నుండి కూడా ఎవరు ఆగంతకులు ఇంట్లోకి ప్రవేశించకుండా ఉండేలాగా ఇంటి చుట్టూ భద్రత బాగా ఉండేలాగా జాగ్రత్తలు తీసుకున్నారు.

ఇంట్లోకి ఇప్పటికీ ఎవరికీ ప్రవేశం లేదు. ఆ ఇంటిని భద్రంగా అలాగే ఉంచారు. అంతే కాకుండా ఎన్టీఆర్ గారి ఇంటి దగ్గర చాలా మంది సెలబ్రిటీలు కూడా ఉండేవారు. వారిలో సావిత్రి గారు కూడా ఉన్నారు. చెన్నైలో కూడా ఎన్టీఆర్ గారి ఇంటిని ఇప్పటికీ అలాగే భద్రంగా ఉంచారు అని అంటే అక్కడివారికి కూడా ఎన్టీఆర్ గారు అంటే ఎంత అభిమానమో మనమే అర్థం చేసుకోవాలి.

watch video :

ALSO READ : షూటింగ్ సెట్ లోనే హీరోయిన్ కి వార్నింగ్ ఇచ్చిన హీరో భార్య..! అసలు ఏం జరిగిందంటే..?

ఒక సినిమా డైరెక్టర్ కి తన సినిమా కథ, నిర్మాణం, నటీనటులు ఇవన్నీ ఎంత ముఖ్యమో, ప్రేక్షకుల అభిరుచికి తగ్గట్టు సినిమా తీయడం కూడా అంతే ముఖ్యం. ఒక సినిమా విడుదల అయ్యే టైం పట్టి కూడా ఆ సినిమా ఫలితం, సినిమా రూపొందించే విధానం ఉంటాయి.

ఇప్పుడు గుంటూరు కారం సినిమా విషయంలో కూడా జరిగింది అదే. సినిమా బృందం మీద మొదటి నుండి కామెంట్స్ వస్తూనే ఉన్నాయి. ముఖ్యంగా కుర్చీ మడత పెట్టి సాంగ్ ప్రోమో రిలీజ్ అయిన తర్వాత వచ్చిన కామెంట్స్ మామూలుగా లేదు.

“మహేష్ బాబు లాంటి హీరో ఇలాంటి సోషల్ మీడియా రెఫరెన్స్ వాడి పాట చేయడం ఏంటి?” “అసలు త్రివిక్రమ్ క్వాలిటీ పడిపోయింది.” “ఆయన అంతకుముందు ఎలా ఉండేవారు? ఇప్పుడు ఎలా ఉన్నారు?” ఇలా ఒకటి కాదు. రెండు కాదు. కొన్ని వేల కామెంట్స్ వచ్చాయి. అంతే కాకుండా త్రివిక్రమ్ పాత వీడియోలని చూపిస్తూ, “అప్పట్లో ఇలాంటి మంచి క్వాలిటీ కంటెంట్ ఇచ్చే రైటర్ ఇప్పుడు ఇలా అయిపోయారు” అంటూ కామెంట్స్ చేశారు. కానీ ఇక్కడ మనం గమనించాల్సిన విషయం ఏంటి అంటే, సినిమా అనేది ఒకవైపు ఎంటర్టైన్మెంట్ మాత్రమే కాదు. మరొక వైపు వ్యాపారం కూడా. సినిమా మీద కొన్ని కోట్ల రూపాయల పెట్టుబడి ఉంటుంది.

అది కూడా ఒక స్టార్ హీరో సినిమా అంటే ఇంకా ఎక్కువ ఉంటుంది. అందుకే దర్శకుడు తన వ్యక్తిగత అభిరుచులని పక్కన పెట్టి, ప్రేక్షకులకి ఎలాంటి సమయంలో ఎలాంటి కంటెంట్ ఉన్న సినిమా ఇస్తే క్లిక్ అవుతుంది అనే విషయాన్ని ఆలోచించి, అందుకు అనుగుణంగా నిర్ణయం తీసుకుంటారు. హీరోలు కూడా అంతే. తమ ఫ్యాన్స్ తమని ఎలా చూడాలి అనుకుంటున్నారు అనే విషయాన్ని దృష్టిలో పెట్టుకొని సినిమాలు చేస్తారు. ఇప్పుడు ఈ సినిమా విషయానికి వస్తే ఇది పక్కా పండుగ సినిమా. పండగ అన్నాక అన్ని వర్గాల ప్రేక్షకులు సినిమాలకు వెళ్తారు.

అన్ని వర్గాల ప్రేక్షకులని ఎంటర్టైన్ చేసే బాధ్యత సినిమా బృందం మీద ఉంది. అలాంటప్పుడు సినిమాలో అందరిని ఆకట్టుకునే కంటెంట్ కూడా ఉండాలి. పండగ అంటే సరదాగా ఉండే సినిమాలు చూడాలి అనుకుంటారు. సీరియస్ గా ఉండే సినిమాలు చూడటం కష్టమే. అంతే కాకుండా సినిమా బృందం ముందు నుండి కూడా మహేష్ బాబుని ఈ సినిమాలో కొత్తగా చూస్తారు అని చెప్తూనే ఉన్నారు. వాళ్ళు చెప్పినట్టే మహేష్ బాబు ఈ సినిమాలో కొత్తగా కనిపించారు. నకిలీసు గొలుసు పాటకి డాన్స్ వేస్తారు అని ఒక వార్త వచ్చినప్పుడు కూడా ఎన్నో కామెంట్స్ వచ్చాయి.

కానీ ఒక్కసారి సినిమా చూశాక అవన్నీ ఆగిపోయాయి. మహేష్ బాబు అలా డాన్స్ వేస్తున్నప్పుడు ప్రేక్షకులు ఎంజాయ్ చేశారు. ఏ పాటకి అయితే ఇదేం పాట అంటూ కామెంట్స్ చేశారో, ఇప్పుడు అదే పాటని ప్రతిచోట పెడుతున్నారు. సినిమా చూసి వచ్చాక అవే పాటలకి మహేష్ బాబు వేసిన డాన్స్ బాగుంది అంటూ కామెంట్స్ చేస్తున్నారు. సినిమా బృందం కూడా అంతకుముందు ఆ పాటలు థియేటర్ లో చాలా బాగుంటాయి అని చెప్పారు. దీన్ని బట్టి అర్థమైంది ఏంటి అంటే, వాళ్ళు ఎలాంటి తప్పు చేయలేదు. వాళ్లు ముందు నుంచి స్పష్టంగానే వాళ్లు ఎలాంటి సినిమా ప్రెజెంట్ చేస్తున్నారు అనే విషయాన్ని ప్రేక్షకులకు చెప్తూనే ఉన్నారు. వాళ్ల క్లారిటీ ముందు నుండి అలాగే ఉంది. ఇంక ఇప్పుడు వాళ్ళు చెప్పినట్టే జరిగింది. నిజంగానే ఈ పాటలకు మంచి రెస్పాన్స్ వచ్చింది. అందరూ మెచ్చుకుంటూ కామెంట్స్ చేస్తున్నారు.

హాస్య బ్రహ్మగా పేరుగాంచిన బ్రహ్మానందం గురించి తెలుగువారికి ప్రత్యేకంగా పరిచయం చేయాల్సిన పని లేదు. హాస్య నటుడిగా  తన కామెడీ టైమింగ్ తో మూడు తరాలను అలరించారు. 1100కి పైగా చిత్రాలలో నటించి, మెప్పించారు.  నవ్వించడంలో ఆయనని మించిన వారు లేరని చెప్పవచ్చు.

సోషల్ మీడియాలో బ్రహ్మానందం  మీమ్ రూపంలో లేదా కామెడీ వీడియోల రూపంలోనో ఎక్కడో ఒకచోట తప్పకుండా కనిపిస్తూనే ఉంటారు. హాస్య బ్రహ్మ, కామెడీ కింగ్ అంటూ పలు పేర్లతో పిలిచే ఆయనకు ఉన్న మరో పేరు మీమ్ గాడ్. నేడు పుట్టిన రోజు  జరుపుకుంటున్న బ్రహ్మానందం రేర్ పిక్స్ చూద్దాం..
కన్నెగంటి బ్రహ్మానందం 1956లో ఆంధ్రప్రదేశ్‌లోని సత్తెనపల్లిలోని చాగంటి వారి పాలెం గ్రామంలో ఫిబ్రవరి 1న  జన్మించారు. ఆయన తండ్రి పేరు నాగలింగాచారి, తల్లి పేరు లక్ష్మీ నర్సమ్మ. బ్రహ్మానందం ఎనిమిది మంది పిల్లలలో ఒకరు. తండ్రి వడ్రంగి పనిచేసేవారు. మాస్టర్ ఆఫ్ ఆర్ట్స్ డిగ్రీ పూర్తి చేసి, పశ్చిమగోదావరిలోని అత్తిలిలో బ్రహ్మానందం తెలుగు లెక్చరర్‌గా చేరారు. లెక్చరర్‌గా పనిచేస్తున్న సమయంలో థియేటర్‌లో మరియు మిమిక్రీ ఆర్టిస్ట్‌గా కూడా పనిచేశారు.
నవలా రచయిత ఆది విష్ణు ఆయనని దూరదర్శన్ (డిడి) ఎన్‌సివి శశిధర్‌కు పరిచయం చేశారు. అలా  ఆయన 1985లో డిడి తెలుగు ఛానెల్ లో ప్రసారం అయిన పకపకలు షోతో టెలివిజన్‌లోకి అడుగుపెట్టారు. అందులో లో ఆయన నటనకు ప్రేక్షకుల నుండి మంచి స్పందన లభించింది. షోలో ఆయన నటన చూసిన దర్శకుడు జంధ్యాల అహ నా పెళ్లంట సినిమాలో అవకాశం ఇచ్చాడు. ఆ అద్భుతమైన పాత్ర ఆయన కెరీర్ ను మలుపు తిప్పింది. ఆ తరువాత వరుస అవకాశాలు రావడంతో స్టార్ కమెడియన్ గా ఎదిగారు.
గిన్నీస్ బుక్ రికార్డ్ మరియు పద్మ శ్రీతో పాటు ఎన్నో అవార్డులు అందుకున్న ఆయన సోషల్ మీడియా మరియు మీమ్ కంటెంట్ మొదలైన తరువాత జిఫ్ గాడ్, గాడ్ ఆఫ్ మీమ్స్ అని పిలుస్తున్నారు. ఆయన లేకుండా మీమ్స్ ను ఊహించడం నేటి తరానికి అసాధ్యం అని చెప్పవచ్చు. ఆయన పుట్టిన రోజు(ఫిబ్రవరి 1) సందర్భంగా ఉదయం నుండి ఆయన మీమ్స్, ఫోటోలు, వీడియోలు నెట్టింట్లో వైరల్ అవుతున్నాయి. ఈ క్రమంలో ఆయన అరుదైన ఫోటోలను మీరు చూసేయండి..

1.
2.3.4.5.6.7.8.
9.10. 11. 12.13.
14.15. 16. 17.18. Also Read: “మీరు లేకపోతే సోషల్ మీడియానే లేదు..! అంటూ… హాస్యబ్రహ్మ “బ్రహ్మానందం” బర్త్ డే పై 15 మీమ్స్..!

ఎన్నో సంవత్సరాలుగా సినీ పరిశ్రమలో హీరోల వారసులే ఎక్కువగా హీరోలుగా కొనసాగుతున్న విషయం తెలిసిందే.  అయితే కుమారులే కాకుండా హీరోల అక్క లేదా చెల్లెలి కుమారులు సైతం ఇండస్ట్రీలో హీరోలుగా అడుగు పెడుతున్నారు. వీరిలో కొందరు రాణిస్తున్నారు.

పవర్ స్టార్ పవన్ కళ్యాణ్ తన మేనల్లుడు సాయి ధరమ్ తేజ్ తో మొదటిసారి ‘బ్రో’ అనే చిత్రంలో కలిసి నటిస్తున్నారు. ఈ మూవీ జులై 28న రిలీజ్ కానుంది. ఈ నేపథ్యంలో సినీ ఇండస్ట్రీలో హీరోలుగా ఎంట్రీ ఇచ్చిన మేనల్లుళ్ళు ఎవరో ఇప్పుడు చూద్దాం..
1. చిరంజీవి, సాయి ధరమ్ తేజ్:

మెగాస్టార్ చిరంజీవి సోదరి కుమారుడు సాయి ధరమ్ తేజ్. మేనమామల దారిలోనే హీరోగా ఎంట్రీ ఇచ్చి, తన కంటూ ఒక ఇమేజ్ ను ఏర్పరుచుకున్నారు.
2. వెంకటేష్ – నాగ చైతన్య:

అక్కినేని వారసుడిగా తెలుగులో హీరోగా అడుగుపెట్టిన నాగ చైతన్య, హీరో విక్టరీ వెంకటేష్‌‌కు మేనల్లుడు. ఇద్దరు కలిసి  ప్రేమమ్, వెంకీ మామ చిత్రాలలో నటించారు.
3. నాగార్జున -సుమంత్:

అక్కినేని నాగార్జున సోదరి కుమారుడు సుమంత్. తెలుగులో పలు సినిమాలలో హీరోగా సుమంత్ నటించారు.
4. మహేష్ బాబు – గల్లా అశోక్:

సూపర్ స్టార్ మహేష్ బాబు అక్క పద్మావతి కుమారుడు గల్లా అశోక్. ‘హీరో’ మూవీతో హీరోగా టాలీవుడ్ లో ఎంట్రీ ఇచ్చాడు.5. చిరంజీవి – వైష్ణవ్ తేజ్:

మెగాస్టార్ చిరంజీవి మేనల్లుడు వైష్ణవ్ తేజ్  ‘ఉప్పెన’ మూవీతో తెలుగులో హీరోగా ఎంట్రీ ఇచ్చి విజయాన్ని అందుకున్నారు.
6. నాగార్జున – సుశాంత్:

అక్కినేని నాగార్జున మేనల్లుడు సుశాంత్ మేనమామ దారిలో హీరోగా టాలీవుడ్ లో అడుగుపెట్టినప్పటికీ, అంతగా గుర్తింపు పొందలేకపోయారు. ప్రస్తుతం వేరే హీరోల చిత్రాలలో సైడ్ రోల్స్ లో నటిస్తున్నారు.
7. పవన్ కళ్యాణ్ – సాయి ధరమ్ తేజ్, వైష్ణవ్ తేజ్:

పవర్ స్టార్ పవన్ కళ్యాణ్ కు మేనల్లుళ్ళు  సాయి ధరమ్ తేజ్, వైష్ణవ్ తేజ్. పవన్, సాయి ధరమ్ తేజ్ తో కలిసి ‘బ్రో’ మూవీలో నటిస్తున్నారు.
8. అల్లు అరవింద్ – రామ్ చరణ్:

నిర్మాత అల్లు అరవింద్ సోదరి సురేఖ, మెగాస్టార్ చిరంజీవిల కుమారుడు రామ్ చరణ్. మెగా పవర్ స్టార్‌గా  టాలీవుడ్‌లో స్టార్ హీరోగా రాణిస్తున్న విషయం తెలిసిందే.
9. నాగబాబు – సాయి ధరమ్ తేజ్, వైష్ణవ్ తేజ్:

సాయి ధరమ్ తేజ్, వైష్ణవ్ తేజ్ నాగబాబుకు మేనల్లుళ్లే. మెగాస్టార్ చిరంజీవి, నాగబాబు చెల్లెలు కుమారుడు. ఇద్దరు  మేనమామల దారిలో హీరోలుగా టాలీవుడ్ లో ఎంట్రీ ఇచ్చారు.
10. అర్జున్ సర్జ – చిరంజీవి సర్జ:

యాక్షన్ కింగ్ అర్జున్, కన్నడ స్టార్ హీరో చిరంజీవి సర్జ మేనల్లుడు. కన్నడలో స్టార్ హీరోగా రాణిస్తున్న సమయంలోనే చిరంజీవి సర్జ గుండెపోటుతో కన్నుమూశారు.
11. అర్జున్ సర్జ – ధృవ సర్జ:

యాక్షన్ కింగ్ అర్జున్ మరో మేనల్లుడు ధృవ సర్జ. ఇతను చిరంజీవి సర్జ తమ్ముడు. కన్నడలో ధృవ సర్జ స్టార్ హీరోగా రాణిస్తున్నారు.12. ఆమీర్ ఖాన్ – ఇమ్రాన్ ఖాన్:

బాలీవుడ్ మిస్టర్ పర్ఫెక్ట్ ఆమీర్ ఖాన్ సోదరి కుమారుడు ఇమ్రాన్ ఖాన్. బాలీవుడ్ లో హీరోగా ఎంట్రీ ఇచ్చిన ఇమ్రాన్ ఖాన్ అంతగా విజయం సాధించలేకపోయారు.
13. మహేష్ భట్ – ఇమ్రాన్ హష్మి:

బాలీవుడ్ డైరెక్టర్ మహేష్ భట్ మేనల్లుడు ఇమ్రాన్ హష్మి.హీరోగా బాలీవుడ్ లో ఎంట్రీ ఇచ్చిన ఇమ్రాన్ హష్మి తన కంటూ ప్రత్యేక ఇమేజ్ ను తెచ్చుకున్నారు.

Also Read: జీవిత‌, రాజ‌శేఖ‌ర్‌ల‌కి జైలు శిక్ష‌ పడడానికి అసలు కారణం ఏంటి..? ఏం జరిగిందంటే..?

సూపర్ స్టార్ మహేష్ బాబు హీరోగా వచ్చిన గుంటూరు కారం సినిమా ఇటీవల విడుదల అయ్యింది. టాక్ తో సంబంధం లేకుండా కలెక్షన్స్ తో దూసుకుపోయింది. త్రివిక్రమ్ శ్రీనివాస్ దర్శకత్వం వహించిన ఈ సినిమాని సూర్యదేవర నాగ వంశీ నిర్మించారు.

శ్రీలీల, మీనాక్షి చౌదరి ఈ సినిమాలో హీరోయిన్లుగా నటించారు. రమ్యకృష్ణ, జయరాం, ప్రకాష్ రాజ్, వెన్నెల కిషోర్, మురళి శర్మ, జగపతిబాబు వంటి వాళ్ళు ఈ సినిమాలో ముఖ్య పాత్రల్లో నటించారు. ఈ సినిమాకి తమన్ సంగీత దర్శకత్వం వహించారు. అయితే ఈ సినిమా పాటలు యూట్యూబ్ లో విడుదల చేస్తున్నారు.

కుర్చీ మడతపెట్టి సాంగ్ ఎంత హిట్ అయ్యిందో ప్రత్యేకంగా చెప్పాల్సిన అవసరం లేదు మొదట ఈ పాట మీద కామెంట్స్ చేసిన వాళ్ళు సినిమాలో ఈ పాట వచ్చినప్పుడు థియేటర్లలో డాన్సులు వేశారు. పేపర్లు ఎగిరేశారు. ఈ పాటలో మహేష్ బాబు స్టెప్స్ కూడా ప్రేక్షకులకు బాగా అనిపించాయి. అసలు మహేష్ బాబు అంత డాన్స్ చేయడం చాలా సంవత్సరాల తర్వాత జరిగిన విషయం ఏమో. అప్పుడెప్పుడో అర్జున్ లాంటి సినిమాలో మహేష్ బాబు డాన్స్ వేశారు.

ఆ తర్వాత ఖలేజా, దూకుడు సినిమాలో కూడా మహేష్ బాబు కొన్ని పాటలకు డాన్స్ వేశారు. సరిలేరు నీకెవ్వరు సినిమా నుండి మహేష్ బాబు సినిమాలో ఒక డాన్స్ పాట ఉండేలాగా చూసుకుంటున్నారు. ఈ సినిమాలో కూడా అలాగే మూడు పాటలకు డాన్స్ వేశారు. ఈ పాటని శేఖర్ మాస్టర్ కొరియోగ్రఫీ చేశారు. ఈ సినిమాలో పాటలు అన్నిటికీ కూడా శేఖర్ మాస్టర్ కొరియోగ్రఫీ చేశారు. అయితే ఈ పాట కుర్చీ మడతపెట్టి కావడంతో కుర్చీతో ఒక స్టెప్ ఉంటుంది.

ఈ స్టెప్ సింగిల్ టేక్ లో ఉంటుంది. అయితే ఈ స్టెప్ మహేష్ బాబు వేస్తున్నప్పుడు కుర్చీ కొంచెం జరుగుతుంది. అయినా కూడా మహేష్ బాబు తడబడకుండా డాన్స్ వేశారు. ఇది పొరపాటు కాదు. కానీ సాధారణంగా హీరోలు ఏదైనా ఒక ప్రాపర్టీ తో డాన్స్ వేస్తున్నప్పుడు అది పడిపోవడం, లేదా ఉన్న స్థానం నుండి జరగడం వంటివి అవుతూ ఉంటాయి. కొన్ని పాటల్లో అయితే ఆ పాటలు డాన్స్ వేస్తున్న వారి షూ ఊడిపోవడం, లేదా వారి వస్తువు ఏదైనా కింద పడిపోవడం వంటివి కూడా అవుతూ ఉంటాయి. కానీ ఆ హీరో అలాంటి చిన్న చిన్నవి కనిపించకుండా తన డాన్స్ తో ప్రేక్షకులని ఎలా చూపు తిప్పనియ్యకుండా చేశారు అనేది ముఖ్యమైన విషయం.

ఈ పాటలో అలాగే జరిగింది. కానీ మహేష్ బాబు డాన్స్ తో అది కవర్ చేశారు. మహేష్ బాబు ఆ స్టెప్ కోసం ఒత్తిడి అంతా కుర్చీ మీద పెట్టి వేస్తున్నారు. దాని పొజిషన్ కొంచెం మారినా కూడా స్టెప్ అటూ ఇటూ అయ్యే అవకాశం ఉంది. కాలు కూడా జారే అవకాశం ఉంది. కానీ మహేష్ బాబు అవి ఏమీ పట్టించుకోకుండా కుర్చీ జరిగినా కూడా స్టెప్ కరెక్ట్ గా వేశారు. పాట చూసిన వాళ్ళు అందరూ కూడా మహేష్ బాబు డాన్స్ బాగుంది అని అంటున్నారు. ఈ ఒక్క పాట మాత్రమే కాదు ఈ సినిమాలో మహేష్ బాబు ప్రతి పాటలో వేసిన డాన్స్ డాన్స్ ని మెచ్చుకుంటున్నారు.

watch video :

ALSO READ : గుంటూరు కారం “దమ్ మసాలా” పాటలో కనిపించిన ఈ అమ్మాయి ఎవరో తెలుసా..? ఈమె బ్యాక్‌గ్రౌండ్‌ ఏంటంటే..?

నటులు అన్నాక వారు స్క్రీన్ మీద వారి పాత్ర కోసం తమని తాము ఎలా తయారు చేసుకుంటారు అనేది కూడా చాలా ముఖ్యమైన విషయం. అందుకే ప్రతి హీరో కూడా వారి పాత్ర కోసం కష్టపడతారు. వారిలో సీనియర్ హీరోలు కూడా ఉన్నారు.

ఒక స్టేజ్ వచ్చాక ప్రేక్షకులు తాము ఎలాంటి పాత్రలు చేసినా కూడా అంగీకరిస్తారు అనే ఆలోచనలో వాళ్ళు లేరు. ఇంత ఏజ్ వచ్చాక కూడా వారు పోషించే పాత్రల కోసం కష్టపడుతున్నారు. అలా ఇటీవల ఒక హీరో తన సినిమా కోసం ఎంతో కష్టపడ్డారు.

తనని తాను చాలా మార్చుకొని సినిమాలో చాలా కొత్తగా కనిపించారు. ఆ సినిమా కూడా ఇటీవల విడుదల అయ్యింది. ఆ సినిమా పేరు మాలైకోట్టై వాలిబన్. ఆ హీరో మరెవరో కాదు. మలయాళం స్టార్ హీరో మోహన్ లాల్. మోహన్ లాల్ అంటేనే ట్రాన్స్ఫర్మేషన్ కి పెట్టింది పేరు. మలయాళంలో ఇప్పటికి కూడా ఎంతో మంది హీరోలకి స్ఫూర్తినిచ్చే హీరోల్లో మోహన్ లాల్ ఒకరు. ఇటీవల వచ్చిన ఈ సినిమా కోసం తనని తాను పూర్తిగా మార్చుకున్నారు. ఇంకా దృఢంగా అయ్యారు.

ఇప్పుడు మరొక హీరో కూడా ఇదే బాటలో తనని తాను సినిమా కోసం మార్చుకోవడానికి సిద్ధం అయ్యారు. ఆ హీరో మరెవరో కాదు. మెగాస్టార్ చిరంజీవి. మెగాస్టార్ హీరోగా నటిస్తున్న విశ్వంభర షూటింగ్ ఇటీవల మొదలు అయ్యింది. ఈ సినిమా కోసం చిరంజీవి స్పెషల్ వర్కౌట్ చేయడం మొదలు పెట్టారు. ఇదే విషయాన్ని ఇవాళ సోషల్ మీడియా ద్వారా షేర్ చేశారు. ఇందులో చిరంజీవి ఎన్నో డిఫరెంట్ రకాల ఎక్సర్సైజులు చేస్తున్నారు.

watch video :

చిరంజీవిని ప్రణయ్ సాయి ఆలకంటి అనే టైనర్ ట్రైన్ చేస్తున్నారు. ఈ వయసులో కూడా చిరంజీవి ఇలా చేయడం అంటే మామూలు విషయం కాదు. ఈ విషయాన్ని ఇవాళ సోషల్ మీడియాలో పోస్ట్ చేసిన వెంటనే ఎంతో మంది చిరంజీవిని మెచ్చుకుంటూ కామెంట్స్ చేయడం మొదలు పెట్టారు. చిరంజీవికి చాలా మంది హీరోలు కూడా అభిమానులు అన్న సంగతి తెలిసిందే. వారిలో కొంత మంది కూడా చిరంజీవి పోస్ట్ కి కామెంట్స్ చేస్తున్నారు.

watch video :

Gearing up .. And raring to go #Vishwambhara pic.twitter.com/VeUj0yhN35

— Chiranjeevi Konidela (@KChiruTweets) February 1, 2024

ALSO READ : పార్ట్ 1 సూపర్ హిట్.. ఇప్పుడు పార్ట్ 2 కూడా వస్తుంది..! అసలు ఏం ఉంది ఇందులో..!

ఒకప్పుడు మలయాళ సినిమాలంటే చిన్న చూపు ఉండేది. కానీ ఓటీటీలు వచ్చిన తరువాత మలయాళ సినిమాలకు ఆదరణ పెరిగింది. ప్రతివారం ఓటీటీలో మలయాళ సినిమాలు తెలుగు వెర్షన్ లో రిలీజ్ అవుతూ తెలుగు ఆడియెన్స్ కి చేరువయ్యాయి.

తెలుగులో మలయాళ సినిమాలకు ప్రత్యేక ఫ్యాన్ బేస్ ఏర్పడింది. దాంతో అక్కడ విజయం సాధించిన చిత్రాలు ఎప్పుడెప్పుడు ఓటీటీలోకి వస్తాయా అని ఎదరుచూసేవారు పెరిగారు. ఈ క్రమంలో అక్కడి నటీనటులు పాపులర్ అవుతున్నారు. అలా ఇటీవల కాలంలో పాపులర్ అయిన నటి అనశ్వర రాజన్. ఆమె ఎవరో ఇప్పుడు చూద్దాం..
మలయాళ సూపర్ స్టార్ మోహన్ లాల్, ప్రియమణి నటించిన ‘నెరు’ మూవీ ఇటీవల ఓటీటీలో రిలీజ్ అయ్యి, తెలుగు ఆడియెన్స్ నుండి మంచి రెస్పాన్స్ అందుకుంది. ఈ మూవీ డిసెంబర్ 21 న రిలీజ్ అయ్యి బ్లాక్ బస్టర్ హిట్ అందుకుంది. దృశ్యం దర్శకుడు జీతూ జోసెఫ్ డైరెక్షన్ లో వచ్చిన ఈ మూవీలో కీలక పాత్ర సారా మహమ్మద్. ఈ పాత్ర చుట్టే కథ తిరుగుతుంది. చూపు లేని అమ్మాయి పాత్రలో అనశ్వర రాజన్ అద్భుతంగా నటించింది. ఆమె నటనకు ప్రశంసల వర్షం కురుస్తోంది.
కంప్లీట్ స్టార్ గా పేరుగాంచిన మోహన్ లాల్ తో నటించడం అంత సులభమైన విషయం కాదు. అయితే అనశ్వర పాత్ర మోహన్ లాల్ తో పాటు ట్రావెల్ అవుతూ ప్రేక్షకుల దృష్టిని తన వైపుకు మళ్లించడంలో విజయం సాధించింది. అందువల్లే ఆమెకు మంచి గుర్తింపు వచ్చింది. ఆమె ఎవరా అంటూ నెటిజెన్లు ఆరా తీస్తున్నారు. ఆమె కేరళలో ‘కరివెల్లూర్’ అనే టౌన్ లో 2002లో సెప్టెంబరు 8న జన్మించింది. అక్కడే పెరిగింది.
అనశ్వర 2017లో  ‘ఉదాహరణం సుజాత’ చిత్రంతో ఎంట్రీ ఇచ్చింది. 2019 లో తన్నీర్ మథన్ దినంగల్  చిత్రంలో ప్రధాన పాత్రలో నటించింది. పలు చిత్రాలలో నటించి, ఫాలోయింగ్ ను పెంచుకుంది. మలయాళ యంగ్ హీరోలకు మొదటి ఆప్షన్ గా నిలిచింది. యారియాన్ 2 మూవీతో బాలీవుడ్ లో అడుగుపెట్టింది. నెరు మూవీతో తెలుగు ఆడియెన్స్ కు పరిచయం అయ్యింది. ఈ చిత్రం ప్రస్తుతం ‘డిస్నీ ప్లస్ హాట్ స్టార్’ లోస్ట్రీమింగ్ అవుతోంది.

Also Read: “ఆ హీరోకి పద్మ విభూషణ్ రావాలి..!” అంటూ… “పూనమ్ కౌర్” కామెంట్స్..! పోస్ట్ లో ఏం ఉందంటే..?