Filmy Adda

నటులు అన్నాక వారు స్క్రీన్ మీద వారి పాత్ర కోసం తమని తాము ఎలా తయారు చేసుకుంటారు అనేది కూడా చాలా ముఖ్యమైన విషయం. అందుకే ప్రతి హీరో కూడా వారి పాత్ర కోసం కష్టపడతారు. వారిలో సీనియర్ హీరోలు కూడా ఉన్నారు.

ఒక స్టేజ్ వచ్చాక ప్రేక్షకులు తాము ఎలాంటి పాత్రలు చేసినా కూడా అంగీకరిస్తారు అనే ఆలోచనలో వాళ్ళు లేరు. ఇంత ఏజ్ వచ్చాక కూడా వారు పోషించే పాత్రల కోసం కష్టపడుతున్నారు. అలా ఇటీవల ఒక హీరో తన సినిమా కోసం ఎంతో కష్టపడ్డారు.

తనని తాను చాలా మార్చుకొని సినిమాలో చాలా కొత్తగా కనిపించారు. ఆ సినిమా కూడా ఇటీవల విడుదల అయ్యింది. ఆ సినిమా పేరు మాలైకోట్టై వాలిబన్. ఆ హీరో మరెవరో కాదు. మలయాళం స్టార్ హీరో మోహన్ లాల్. మోహన్ లాల్ అంటేనే ట్రాన్స్ఫర్మేషన్ కి పెట్టింది పేరు. మలయాళంలో ఇప్పటికి కూడా ఎంతో మంది హీరోలకి స్ఫూర్తినిచ్చే హీరోల్లో మోహన్ లాల్ ఒకరు. ఇటీవల వచ్చిన ఈ సినిమా కోసం తనని తాను పూర్తిగా మార్చుకున్నారు. ఇంకా దృఢంగా అయ్యారు.

ఇప్పుడు మరొక హీరో కూడా ఇదే బాటలో తనని తాను సినిమా కోసం మార్చుకోవడానికి సిద్ధం అయ్యారు. ఆ హీరో మరెవరో కాదు. మెగాస్టార్ చిరంజీవి. మెగాస్టార్ హీరోగా నటిస్తున్న విశ్వంభర షూటింగ్ ఇటీవల మొదలు అయ్యింది. ఈ సినిమా కోసం చిరంజీవి స్పెషల్ వర్కౌట్ చేయడం మొదలు పెట్టారు. ఇదే విషయాన్ని ఇవాళ సోషల్ మీడియా ద్వారా షేర్ చేశారు. ఇందులో చిరంజీవి ఎన్నో డిఫరెంట్ రకాల ఎక్సర్సైజులు చేస్తున్నారు.

watch video :

చిరంజీవిని ప్రణయ్ సాయి ఆలకంటి అనే టైనర్ ట్రైన్ చేస్తున్నారు. ఈ వయసులో కూడా చిరంజీవి ఇలా చేయడం అంటే మామూలు విషయం కాదు. ఈ విషయాన్ని ఇవాళ సోషల్ మీడియాలో పోస్ట్ చేసిన వెంటనే ఎంతో మంది చిరంజీవిని మెచ్చుకుంటూ కామెంట్స్ చేయడం మొదలు పెట్టారు. చిరంజీవికి చాలా మంది హీరోలు కూడా అభిమానులు అన్న సంగతి తెలిసిందే. వారిలో కొంత మంది కూడా చిరంజీవి పోస్ట్ కి కామెంట్స్ చేస్తున్నారు.

watch video :

Gearing up .. And raring to go #Vishwambhara pic.twitter.com/VeUj0yhN35

— Chiranjeevi Konidela (@KChiruTweets) February 1, 2024

ALSO READ : పార్ట్ 1 సూపర్ హిట్.. ఇప్పుడు పార్ట్ 2 కూడా వస్తుంది..! అసలు ఏం ఉంది ఇందులో..!

ఒకప్పుడు మలయాళ సినిమాలంటే చిన్న చూపు ఉండేది. కానీ ఓటీటీలు వచ్చిన తరువాత మలయాళ సినిమాలకు ఆదరణ పెరిగింది. ప్రతివారం ఓటీటీలో మలయాళ సినిమాలు తెలుగు వెర్షన్ లో రిలీజ్ అవుతూ తెలుగు ఆడియెన్స్ కి చేరువయ్యాయి.

తెలుగులో మలయాళ సినిమాలకు ప్రత్యేక ఫ్యాన్ బేస్ ఏర్పడింది. దాంతో అక్కడ విజయం సాధించిన చిత్రాలు ఎప్పుడెప్పుడు ఓటీటీలోకి వస్తాయా అని ఎదరుచూసేవారు పెరిగారు. ఈ క్రమంలో అక్కడి నటీనటులు పాపులర్ అవుతున్నారు. అలా ఇటీవల కాలంలో పాపులర్ అయిన నటి అనశ్వర రాజన్. ఆమె ఎవరో ఇప్పుడు చూద్దాం..
మలయాళ సూపర్ స్టార్ మోహన్ లాల్, ప్రియమణి నటించిన ‘నెరు’ మూవీ ఇటీవల ఓటీటీలో రిలీజ్ అయ్యి, తెలుగు ఆడియెన్స్ నుండి మంచి రెస్పాన్స్ అందుకుంది. ఈ మూవీ డిసెంబర్ 21 న రిలీజ్ అయ్యి బ్లాక్ బస్టర్ హిట్ అందుకుంది. దృశ్యం దర్శకుడు జీతూ జోసెఫ్ డైరెక్షన్ లో వచ్చిన ఈ మూవీలో కీలక పాత్ర సారా మహమ్మద్. ఈ పాత్ర చుట్టే కథ తిరుగుతుంది. చూపు లేని అమ్మాయి పాత్రలో అనశ్వర రాజన్ అద్భుతంగా నటించింది. ఆమె నటనకు ప్రశంసల వర్షం కురుస్తోంది.
కంప్లీట్ స్టార్ గా పేరుగాంచిన మోహన్ లాల్ తో నటించడం అంత సులభమైన విషయం కాదు. అయితే అనశ్వర పాత్ర మోహన్ లాల్ తో పాటు ట్రావెల్ అవుతూ ప్రేక్షకుల దృష్టిని తన వైపుకు మళ్లించడంలో విజయం సాధించింది. అందువల్లే ఆమెకు మంచి గుర్తింపు వచ్చింది. ఆమె ఎవరా అంటూ నెటిజెన్లు ఆరా తీస్తున్నారు. ఆమె కేరళలో ‘కరివెల్లూర్’ అనే టౌన్ లో 2002లో సెప్టెంబరు 8న జన్మించింది. అక్కడే పెరిగింది.
అనశ్వర 2017లో  ‘ఉదాహరణం సుజాత’ చిత్రంతో ఎంట్రీ ఇచ్చింది. 2019 లో తన్నీర్ మథన్ దినంగల్  చిత్రంలో ప్రధాన పాత్రలో నటించింది. పలు చిత్రాలలో నటించి, ఫాలోయింగ్ ను పెంచుకుంది. మలయాళ యంగ్ హీరోలకు మొదటి ఆప్షన్ గా నిలిచింది. యారియాన్ 2 మూవీతో బాలీవుడ్ లో అడుగుపెట్టింది. నెరు మూవీతో తెలుగు ఆడియెన్స్ కు పరిచయం అయ్యింది. ఈ చిత్రం ప్రస్తుతం ‘డిస్నీ ప్లస్ హాట్ స్టార్’ లోస్ట్రీమింగ్ అవుతోంది.

Also Read: “ఆ హీరోకి పద్మ విభూషణ్ రావాలి..!” అంటూ… “పూనమ్ కౌర్” కామెంట్స్..! పోస్ట్ లో ఏం ఉందంటే..?

స్వయం కృషి తోనే చిరంజీవి మెగాస్టార్ గా రాణించారు. అయితే.. ఆయన కొత్త గా వచ్చే నటులకు.. తనకింద పని చేసేవారిపట్ల కూడా ఎంతో సహృదయం గా మెలుగుతూ ఉంటారు. నేటితరం నటీనటులకు ఆయన ఆదర్శం గా నిలుస్తున్నారు. ఇటీవల కరోనా కాలం లో కూడా చిరంజీవి ముందుకొచ్చి తోచినంత సాయం చేసిన సంగతి తెలిసిందే.

తాజాగా లంకేశ్వరుడు సినిమా కు కో డైరెక్టర్ గా పని చేసిన ప్రభాకర్ చిరు చేసిన సాయాన్ని గుర్తు చేసుకున్నారు. చిరంజీవి తనకు సాయం చేయకపోయి ఉండుంటే.. తన పిల్లల చదువులు పూర్తి అయ్యేవి కాదన్నారు. తాను డైరెక్టర్ గా “హెల్ప్ లైన్” అనే సినిమా తీశానని.. కానీ ఈ సినిమా రిలీజ్ చేయడానికి ఎవరు ముందుకు రాలేదన్నారు. ఈ సినిమా కు దర్శక, నిర్మాత బాధ్యతలు తీసుకుని నష్టపోయానని.. పిల్లల ఫీజులు కట్టలేక ఇబ్బందిపడ్డానన్నారు. ఈ విషయాన్నీ చిరు ముందుకు తీసుకువెళ్తే.. ఆయన వెంటనే స్పందించి ఫీజు ఏర్పాటు చేశానన్నారు. అప్పటిదాకా.. కాలేజీ ఫీజు ఇన్ టైం లో కట్టని కారణం గా ఎగ్జామ్ రాయనివ్వని యాజమాన్యం.. చిరంజీవి సాయం చేసారని చెప్పగానే.. సహకరించారన్నారు. రామ్ చరణ్ సహా స్టాఫ్ అంతా తనకు సాయం చేశారన్నారు.

బుల్లితెర పై ప్రసారం అయ్యే సీరియల్స్ కు ఎంత ఆదరణ ఉంటుందో ప్రత్యేకంగా చెప్పనక్కర లేదు. సీరియల్ నచ్చిందంటే ప్రేక్షకులు దానిని నెత్తిన పెట్టుకుంటారు. ఇక ఆ సీరియల్ లోని పాత్రలను ప్రేమిస్తుంటారు. ఆ పాత్రలలో నటించేవారిని సొంత మనుషులుగా భావిస్తూ కనెక్ట్ అయిపోతుంటారు.

అలా ప్రేక్షకులు కనెక్ట్ అయిన సీరియల్ పాత్ర జగతి మేడం. గుప్పెడంత మనసు సీరియల్ లో కీలక పాత్ర అయిన జగతిని ఆడియెన్స్ చాలా ఇష్టపడ్డారు. హీరో తల్లిగా జగతి  పాత్రలో నటించిన నటి జ్యోతి రాయ్. నెట్టింట్లో సందడి చేసే ఆమె తాజాగా తన రియల్ ఏజ్ ను రివీల్ చేశారు. ఆ వివరాలు ఇప్పుడు చూద్దాం..
తెలుగు సీరియల్స్ లో టాప్ రేటింగ్ తెచ్చుకున్న సీరియల్  గుప్పెడంత మనసు. కార్తీక దీపం లాంటి సీరియల్ టో పోటీ పడిన ఈ సీరియల్ తక్కువ సమయంలోనే ప్రేక్షకాదరణ పొందింది. సీరియల్ లోని హీరోహీరోయిన్లకు ధీటుగా  జగతి మేడం పాత్రలో జ్యోతి రాయ్ ఆకట్టుకున్నారు. తన కట్టు బొట్టు, హుందాతనంతో ఆడియెన్స్ ని ఫిదా చేశారు. అయితే ఈ పాత్ర మరణించింది. ఆమె లేని సీరియల్ ని ఆడియెన్స్ చూడలేకపోతున్నారు. సోషల్ మీడియాలో యాక్టివ్ గా ఉండే జ్యోతి రాయ్ ఎప్పటికప్పుడు తన లేటెస్ట్ ఫహోటవలను షేర్ చేస్తూ ఫ్యాన్స్ ని అలరిస్తోంది.
సీరియల్ చాలా హుందాగా ఉండే జ్యోతి రాయ్ నెట్టింట్లో మాత్రం గ్లామర్, హాట్ ఫోటోలతో హల్చల్ చేస్తోంది. ఆ మధ్య పర్సనల్ విషయాలతో వైరల్ అయ్యింది. ప్రస్తుతం ప్రెట్టీ గర్ల్ అనే వెబ్ సిరీస్ తో పాటు, పలు కన్నడ చిత్రాలలో నటిస్తున్నట్టు తెలుస్తోంది. సీరియల్ లో తల్లి పాత్ర చేసిన జ్యోతి బయట ట్రెండీ వేర్స్ ధరించి, యంగ్ గా కనిపిస్తుంది. ఆమె ఏజ్ ఎంత అని అభిమానులు చాలా రోజుల నుండి అడుగుతూ ఉన్నారు.
తాజాగా అభిమనులతో చిట్ చాట్ చేసిన జ్యోతి రాయ్ ని  ‘మీ ఏజ్ ఎంతో చెప్పగలరా’ అని అడుగగా,  పాన్ కార్డ్ లో పుట్టిన తేదీని చూపించింది. అందులో 1994లో జన్మించినట్టు ఉంది. అంటే జ్యోతి ఏజ్ 30 సంవత్సరాలే కావడంతో షాక్ అవుతున్నారు. తల్లి పాత్ర చేయడంతో ఆమె వయసు ఎక్కువగా ఉంటుందని భావించారు. ఈ ఫోటో ప్రస్తుతం వైరల్ గా మారింది.

https://www.instagram.com/jyothiraiofficial/reel/CursM0OrQGL/

Also Read: గుంటూరు కారం “దమ్ మసాలా” పాటలో కనిపించిన ఈ అమ్మాయి ఎవరో తెలుసా..? ఈమె బ్యాక్‌గ్రౌండ్‌ ఏంటంటే..?

సుహాస్ హీరోగా నటించిన అంబాజీపేట మ్యారేజ్ బ్యాండ్ సినిమా విడుదలకి సిద్ధంగా ఉంది. సినిమా బృందం అంతా కూడా ప్రమోషన్స్ లో పాల్గొంటున్నారు. సినిమాకి ముందు పెయిడ్ ప్రీమియర్స్ కూడా ఉంటాయి. అయితే ఈ సినిమాలో శివాని హీరోయిన్ గా నటించారు.

ఈ మధ్య తెలుగు అమ్మాయిలకి మంచి అవకాశాలు వస్తున్నాయి. శివాని కూడా తెలుగు అమ్మాయే కావడం విశేషం. ఈ సినిమా గురించి శివాని మీడియాతో మాట్లాడారు. సినిమా చూసి ఆడియన్స్ రెస్పాన్స్ ఎలా ఉంటుందో అని ఎదురు చూస్తున్నాను అని అన్నారు.

“ఇంస్టాగ్రామ్ లో ఆడిషన్స్ కి రమ్మని ఒక మెసేజ్ పెట్టారు. ఫ్రెండ్ క్యారెక్టర్ లేదా ఇంకొక క్యారెక్టర్ అనుకోని ఆడిషన్స్ కి వెళ్ళాను. ఆడిషన్ చేశాక వివరాలు తర్వాత చెప్తాము అని అన్నారు. ఆ తర్వాత కాల్ చేసి అంబాజీపేట మ్యారేజ్ బ్యాండ్ సినిమాలో హీరోయిన్ నేనే అని చెప్పారు. ఈ విషయం నాకు నమ్మబుద్ధి కాలేదు. షూటింగ్ సెట్స్ కి వెళ్ళాక కూడా అలాగే అనిపించేది. కానీ ఆ తర్వాత సినిమా బృందం హీరోయిన్ నేనే అని చెప్పి సీన్స్ షూట్ చేశాక నాకు నమ్మకం కుదిరింది” అని శివాని చెప్పారు. దుష్యంత్ కాటికనేని ఈ సినిమాకి దర్శకత్వం వహించారు.

ధీరజ్ మొగిలినేని ఈ సినిమాకి నిర్మాతగా వ్యవహరించారు. శేఖర్ చంద్ర ఈ సినిమాకి సంగీత దర్శకత్వం వహించారు.  ఈ సినిమాలో శరణ్య ప్రదీప్ కూడా మరొక ముఖ్య పాత్రలో నటించారు. గోపరాజు రమణ కూడా ఈ సినిమాలో నటించారు. ఒక ఊరిలో జరిగే ఒక యువకుడి కథగా ఈ సినిమా రూపొందింది. అతని ప్రేమకథ ఎలా ఉంటుంది? ఆ ఊరిలో అతను ఎదుర్కొన్న సమస్యలు ఏంటి? అనే స్టోరీ మీద ఈ సినిమా నడుస్తుంది.

సినిమాలో ప్రేమ కథతో పాటు, ఎమోషన్స్ కూడా ఉంటాయి అని దర్శకుడు చెప్పారు. ఇటీవల గ్రామీణ నేపథ్యంలో వస్తున్న సినిమాలకి మంచి ఆదరణ లభిస్తోంది. ఇప్పుడు ఈ సినిమా కూడా అలాగే కనిపిస్తోంది. ట్రైలర్ లో ఉన్న సీన్స్ చూస్తూ ఉంటే సినిమా చాలా సహజంగా తీశారు అని అర్థం అవుతోంది. ఇంకా ఈ సినిమా ప్రేక్షకుల అంచనాలని ఎంతవరకు అందుకుంటుందో తెలియాలి అంటే విడుదల అయ్యేంత వరకు ఆగాల్సిందే.

ALSO READ : అప్పుడు RGVని ఇంటర్వ్యూ చేసిన యాంకర్ ఇప్పుడు ఎంపీగా పోటీ… వైసీపీ ప్లానింగ్ మాములుగా లేదుగా?

సంక్రాంతి పండగ అంటేనే సినిమాల పండగ. చాలా సినిమాలు సంక్రాంతికి విడుదల అవుతాయి. ఈ సంవత్సరం కూడా అలాగే విడుదల అయ్యాయి. పెద్ద హీరోల సినిమాలతో పాటు యంగ్ హీరోల సినిమాలు కూడా ఇందులో ఉన్నాయి. వాటిలో పాన్-ఇండియన్ సినిమాగా విడుదల అయ్యి హిట్ సాధించిన సినిమా హనుమాన్. తేజ సజ్జా హీరోగా నటించిన ఈ సినిమాకి ప్రశాంత్ వర్మ దర్శకత్వం వహించారు.

రిలీజ్ అయ్యి 19 రోజులవుతున్న కూడా హనుమాన్ మూవీ సందడి ఎక్కడా తగ్గలేదు. ఇప్పటివరకు ప్రపంచవ్యాప్తంగా 250 కోట్లు కలెక్షన్ సాధించింది. 2024 లో 200 కోట్లు కలెక్షన్ సాధించడం మొదటి భారత చిత్రంగా రికార్డు సృష్టించింది. 50 కోట్ల బడ్జెట్ తో తెరకెక్కించిన ఈ చిత్రం రూ.250 కోట్ల పైనే గ్రాస్ ను కొల్లగొట్టి రూ.130 కోట్ల మార్క్ ను దాటేసి రికార్డ్ సృష్టించింది. ఓవర్సీస్ లో కూడా ఈ మూవీ జోరు ఇంకా తగ్గలేదు.

వరల్డ్ వైడ్ గా రూ.28.2 కోట్ల థియేట్రికల్ బిజినెస్ జరిగింది. వరల్డ్ వైడ్ గా ఈ సినిమాకి రూ.28.2 కోట్ల థియేట్రికల్ బిజినెస్ జరిగింది. బ్రేక్ ఈవెన్ కావాలంటే రూ.28.5 కోట్ల షేర్ ను రాబట్టాల్సి ఉంది. 19 రోజుల్లోనే ఈ సినిమా రూ.140.88 కోట్లు షేర్ ను సొంతం చేసుకుంది. దీంతో ఈ సినిమా రూ.140.88 కోట్ల లాభాలను అందించింది.

ఈ సినిమాకి రెండవ భాగం అయిన జై హనుమాన్ కూడా 2025 లో విడుదల అవుతుంది అని సినిమా బృందం ఇప్పటికే ప్రకటించారు.మొదట తక్కువ స్క్రీన్స్ లో విడుదల అయిన ఈ సినిమాకి హిట్ టాక్ వచ్చాక స్క్రీన్స్ పెంచారు. ఈ సినిమాని నిరంజన్ రెడ్డి నిర్మించారు.మొదట తక్కువ స్క్రీన్స్ లో విడుదల అయిన ఈ సినిమాకి హిట్ టాక్ వచ్చాక స్క్రీన్స్ పెంచారు. అయితే అంత లాభాలు వచ్చినా కానీ ఆ లాభాల్లో కొంత వరకు కూడా నిరంజన్ రెడ్డికి రాలేదు అనే వార్తలు వినిపిస్తున్నాయి. అందుకు కారణం, ఈ సినిమా తెలుగు థియేట్రికల్ రైట్స్ ని మైత్రి డిస్ట్రిబ్యూషన్స్ సొంతం చేసుకుంది. హిందీ విషయంలో కూడా ఇదే పని చేసినట్టు సమాచారం.

Also read: హనుమాన్ సినిమాని పొగిడిన చిలుకూరు బాలాజీ అర్చకుడు….!

సందీప్ రెడ్డి వంగా దర్శకత్వంలో తెరకెక్కిన ‘యానిమల్’ మూవీ ఎంతటి సంచలన విజయం సాధించిందో తెలిసిందే. భారీ అంచనాల మధ్య రిలీజ్ అయిన ఈ మూవీకి అదే స్థాయిలో ఆడియెన్స్ నుండి రెస్పాన్స్‌ రావడంతో భారీ వసూళ్లను సాధించింది. తాజాగా 69వ ఫిల్మ్ ఫేర్ అవార్డులలో సైతం పలు కేటగిరీల్లో అవార్డులు సొంతం చేసుకుని సెన్సేషన్ క్రియేట్ చేసింది. ఈ మూవీ ప్రస్తుతం ఓటీటీలో కూడా దూసుకెళ్తూ, ట్రెండింగ్ అవుతోంది. అయితే ఈ మూవీ రిలీజ్ తరువాత విమర్శలు వచ్చిన విషయం తెలిసిందే. తాజాగా ఓటీటీలో కూడా విడుదలైంది ఈ సినిమా.

ఈ సినిమాపై హీరోయిన్ తాప్సి నెగటివ్ కామెంట్స్ చేసారు. ఒక ఇంటర్వ్యూలో తాప్సి మాట్లాడుతూ సినిమా యాక్టర్స్ కి ఒక పవర్ బాధ్యత ఉండాలని అన్నారు, దీన్ని అందరూ పాటించాలని కాదు.అది వారి పర్సనల్. ఇటీవల బాక్స్ ఆఫీస్ వద్ద రికార్డ్స్ ని క్రియేట్ చేసిన అనిమల్ లో హిం-స చాలా ఎక్కువగా ఉంది. నేను ఐతే ఆ సినిమాలో నటించేదానిని కాదు అని చెప్పారు తాప్సి. మహిళల పట్ల సినిమాలో చూపించిన సంఘటనలు మీద చాలామంది విమర్శలు గుప్పించారు. సందీప్ రెడ్డి వంగా దర్శకత్వంలో రణబీర్ కపూర్, రష్మిక మందన్న జంటగా నటించిన చిత్రం యానిమల్. యాక్షన్ డ్రామాగా తెరకెక్కిన ఈ సినిమా ట్రైలర్‌ కి ఆడియెన్స్ నుండి విపరీతమైన రెస్పాన్స్ వచ్చింది. భారీ అంచనాల నడుమ రిలీజ్ అయ్యి, దాదాపు 900 కోట్లకు పైగా వసూళ్లను రాబట్టింది.

ఓటీటీలో స్ట్రీమింగ్ అవుతున్న ఈ మూవీని చూసి కొందరు బాగుందని అంటే, కొందరు ఇదేం మూవీ అంటూ తల పట్టుకుంటున్నారు. ముఖ్యంగా తమిళ ఆడియెన్స్ ఈ మూవీ పై ఎక్కువగా విమర్శలు చేస్తున్నారు. ప్రముఖ నటీమణులు రాధిక, కస్తూరీ లాంటి వారు యానిమల్ మూవీ పై విమర్శలు చేస్తున్నారు. నటి రాధిక యానిమల్ పేరు మెన్షన్ చేయకుండా, చెత్త మూవీ, కోపం వచ్చిందని ఫైర్ అయ్యింది.

“నిన్న రాత్రి ఈ సినిమా చూడటం మొదలుపెట్టాను. సగం కూడా అయిపోలేదు. అప్పటికే విసుగొచ్చింది. అసలు ఈ మూవీని ఎలా చూశారు?మూడున్నర గంటలు ప్రజలు సినిమా హాళ్లలో ఎలా కూర్చున్నారు? ఆటో ఫ్లైయింగ్ ప్లేన్‌లో ఆ సన్నివేశాలు ఏమిటి? ప్రేమలో పడటం, మాట్లాడుకునే సమయంలోనే అలా జరగడం ఏంటి? నన్ను తప్పుగా భావించవద్దు, ఇది ఒక ఫిల్మ్ మేకర్ టాప్ నాచ్‌లో తెరకెక్కించాడు. కానీ ఆ రేంజ్ ని అందుకోలేం. మూవీలో చాలా ఉంది. కానీ ఆ మూవీ ఎంటర్టైన్ చేయకుండా, విసుగును తెప్పించింది” అని నటి కస్తూరి ఫైర్ అయ్యారు.

ఎన్ని సంవత్సరాలు మారినా, ఎన్ని సినిమాలు వచ్చినా మదర్ సెంటిమెంట్ సినిమాలకి మాత్రం ఆదరణ ఒకటే రకంగా ఉంటుంది. అందుకే ఇప్పటికి కూడా చాలా మంది డైరెక్టర్లు అమ్మ సెంటిమెంట్ అనే కాన్సెప్ట్ మీద సినిమాలు తీస్తూ ఉంటారు.

అయితే ఎవరి స్టైల్ వారికి ఉంటుంది. ఇటీవల ప్రభాస్ హీరోగా వచ్చిన సినిమా సలార్ లో కూడా మదర్ సెంటిమెంట్ ఉంది. ప్రభాస్ తల్లి పాత్రని ఈశ్వరీ రావు పోషించారు. ప్రభాస్ తల్లి పాత్రలో ఆమె నటన చాలా బాగుంది. అయితే దీని మీద కామెంట్స్ కూడా అదే రకంగా వచ్చాయి.

ఈ సినిమాలో ఒక సీన్ లో ప్రభాస్ ఒక ప్లాస్టిక్ కత్తి పట్టుకుంటే ఈశ్వరి రావు భయపడి ఆ కత్తి తీసేయమని చెప్తారు. ఈ సీన్ మీద కామెంట్స్ వచ్చాయి. అసలు ఒక ప్లాస్టిక్ కత్తికి అంత రియాక్షన్ ఇవ్వవలసిన అవసరం ఏం ఉంది అని అన్నారు. కానీ ఇక్కడ మనం గమనించాల్సిన విషయం ఏంటి అంటే, హీరో తల్లికి ట్రామా ఉంటుంది. గతంలో జరిగిన కొన్ని సంఘటనల ప్రభావం ఆమె మీద పడి ఆమెకి గొడవలు అంటే భయం వస్తుంది. అందుకే ఫ్లాష్ బ్యాక్ లో కూడా వరద దేవా కోసం వచ్చినప్పుడు ముందు వద్దు అని చెబుదాం అనుకొని తర్వాత వెళ్ళమని చెప్తుంది.

పక్కన ఒక వ్యక్తి టైర్ మీద మేకులు కొడుతుంటే కూడా ఆమెకి తలుపుకి మేకులు కొడుతున్న సీన్ గుర్తుకి వచ్చి ఒక్క క్షణం ఆలోచిస్తుంది. ఆమె భర్తని కోల్పోయిన కొంత సేపటికి ఎవరో తెలియని వాళ్ళు వచ్చి తనని ఇబ్బంది పెడతారు. అప్పుడు వరద వచ్చి వాళ్ళని కాపాడతాడు. ఆ కారణంగానే మళ్లీ అన్ని సంవత్సరాల తర్వాత దేవాని వరద వచ్చి హెల్ప్ అడగంగానే వెళ్ళమని చెప్తుంది.

ఆ తర్వాత జరిగిన సంఘటనల వల్ల గొడవలు అంటే ఇంకా భయం ఏర్పడడంతో హీరోని గొడవల జోలికి వెళ్లొద్దు అని అంటుంది. కానీ ప్రేక్షకులు ఏమో ఆమె పడే బాధని పట్టించుకోవడం మానేసి కత్తిని చూసి అంత చేసింది అని అన్నారు. నెక్స్ట్ పార్ట్ లో అయినా ఆమె అలా రియాక్ట్ రావడానికి సరైన కారణాలు చూపెడతారు ఏమో చూడాల్సిందే.

తెలుగు ఇండస్ట్రీలో గతంలో స్టార్ హీరోయిన్ గా రాణిస్తూ, వరుస చిత్రాలలో నటించిన ప్రియమణి పెళ్లైన కొత్తలో, యమదొంగ లాంటి సూపర్ హిట్ సినిమాలలో ప్రేక్షకులను అలరించింది. లేడీ ఓరియెంటెడ్ సినిమాలలో కూడా నటించింది. ఆ తర్వాత ఆమెకు టాలీవుడ్ లో ఆఫర్స్ తగ్గాయి.

దాంతో ప్రియమణి విరామం తీసుకుంది. ఆ తరువాత బుల్లితెరపై ఎంట్రీ ఇచ్చి, రియాల్టీ షోలకు జడ్జీగా చేసింది.  ఆ తర్వాత ఓటీటీలో ఎంట్రీ ఇచ్చి, భామా కలాపం మూవీతో సెకండ్ ఇన్నింగ్స్ మొదలుపెట్టింది. ఈ మూవీ హిట్ కావడంతో ఆమె మళ్ళీ  సినిమాలతో బిజీగా మారింది. భామా కలాపం 2 కూడా రిలీజ్ కానుంది. ఈ క్రమంలో భామా కలాపం మూవీ కథ ఏమిటో ఇప్పడు చూద్దాం..

తాజాగా రిలీజ్ అయిన భామా కలాపం 2 టీజర్ ఆడియెన్స్ ను ఆకట్టుకుంటోంది. ఇందులో ప్రియమణి లీడ్ రోల్ లో నటించగా సీరత్ కపూర్, రఘు ముఖర్జీ, బ్రహ్మాజీ త‌దిత‌రులు ఇందులో న‌టించారు. అభిమన్యూ ఈ మూవీకి దర్శకత్వం వహించారు. అయితే ఈ మూవీ 2022 లో ప్రియమణి లీడ్ రోల్ లో నటించిన మూవీ భామా కలాపంకు సీక్వెల్ గా తెరకెక్కుతోంది. భామా కలాపం ఓటీటీలో రిలీజ్ అయ్యి, ఆడియెన్స్ నుండి మంచి రెస్పాన్స్ అందుకుంది. డార్క్ క్రైమ్ కామెడీ థ్రిల్లర్ గా తెరకెక్కిన ఈ మూవీ ఆహా ఓటీటీలో అందుబాటులో ఉంది.
ఇక కథ విషయానికి వస్తే, అనుపమ(ప్రియమణి) అమాయకపు గృహిణి. ఆమె ఒక అపార్ట్‌మెంట్ లో భర్త మోహన్, కొడుకు వరుణ్‌తో కలిసి నివసిస్తుంటుంది. యూట్యూబ్‌లో సొంత కుకింగ్ ఛానెల్‌ కోసం ఎప్పటికప్పుడు కొత్త కొత్త వంటలు చేస్తుంటుంది. అయితే ఆమెకు ఇతరుల ఇళ్ళలో ఏం జరుగుతుందో తెలుసుకోవడం అంటే చాలా ఇంట్రెస్ట్. ఎప్పుడూ కిటికీలోంచి ఇతరులను గమనిస్తూ, అపార్ట్‌మెంట్ లో పనిచేసే పనిమనిషి శిల్ప నుండి వారి విషయాలను  తెలుసుకుంటూ ఉంటుంది.
కోల్‌కతా మ్యూజియంలో 200 కోట్ల రూపాయల విలువైన ఒక గుడ్డు అదృశ్యం అవుతుంది. ఆ గుడ్డు కారణంగా అనుపమ, ఆమె ఫ్యామిలీ ఎలాంటి సమస్యలలో చిక్కుకున్నారు ? ఇతరుల గురించి  తెలుసుకోవాలనుకునే అనుపమ ఆసక్తి వల్ల ఎలాంటి ప్రమాదం వచ్చింది? చివరకు దానిని నుంచి వారు ఎలా బయటపడ్డారు అనేది మిగిలిన కథ.