Filmy Adda

కళ్యాణం వచ్చినా , కక్కొచ్చినా ఆగదూ అంటారు..కరోనా వచ్చింది..కళ్యాణాలు అన్ని బంధ్..లేకపోయుంటే ఈ పాటికి ఎంతమంది ఒక ఇంటి వాళ్లయ్యేవారో.. ఎవరి సంగతో ఎందుకు కాని మన హీరోలు నిఖిల్,నితిన్ ల పెళ్లికి ఈ లాక్ డౌన్ అడ్డుపడుతూ వస్తుంది..పెట్టుకున్న ముహుర్తాలు క్యాన్సిల్ చేసుకున్నారు..మళ్లీ ముహుర్తాలు పెట్టారు..కానీ మళ్లీ లాక్ డౌన్ పొడిగించారు..ఈ సారి మాత్రం ఆపేది లేదంటూ..నిఖిల్ పెళ్లికి సిద్దపడిపోయాడు..ఇంతకీ పెళ్లెప్పుడు? ఎక్కడ??

హ్యాపీడేస్ తో పరిచయం అయిన నిఖిల్ తర్వాత వరుస చిత్రాలు చేస్తూ తెలుగులో తనకంటూ ఒక గుర్తింపు తెచ్చుకున్నాడు..ఈ యంగ్ హీరో, డా.పల్లవి వర్మ అనే అమ్మాయిని కొంతకాలంగా ప్రేమించుకుంటున్నారు..ఇరు కుటుంబాల పెద్దలు అంగీకరించడంతో నిశ్చితార్దం కూడా అయింది.అన్నీ బాగుంటే ఏప్రిల్ 16న పెళ్లి జరిగిపోయేదే, కాని లాక్ డౌన్ కారణంగా వాయిదా పడింది.చేసేదేం లేక, మే 14కి నిఖిల్-పల్లవి పెళ్లిని వాయిదా వేశారు. కానీ మే 17వరకు లాక్ డౌన్ పొడిగించారు.

సరే , మే 17తర్వాత మంచి ముహుర్తాలేమైనా ఉన్నాయా అని చూసుకునేలోపే, మే 17 తర్వాత కూడా లాక్ డౌన్ కొనసాగింపు ఉంటుందని ప్రకటించారు.  అయినా మే 14 దాటితే వచ్చేది మూఢం, ముహుర్తాలు కూడా ఉండవు.ఇద్దరి జాతకాల ప్రకారం మే 14 మంచి ముహుర్తం ఉండడంతో, ఆ రోజే చేయాలని పెద్దలు నిర్ణయించారు.ఎలాగూ 20మందితో పెళ్లి చేసుకోవచ్చని ముఖ్యమంత్రిగారు ప్రకటించారు, సో లాక్‌డౌన్‌ నిబంధనలను పాటిస్తూ అతికొద్ది మంది సన్నిహితుల సమక్షంలో మే 14 అనగా రేపు (గురువారం) నాడు నిఖిల్ పెళ్లి ఫిక్స్ చేశారు.హైదరాబాద్ సిటీ అవుట్స్కట్స్లో  ఓ ఫామ్‌ హౌజ్‌లో నిఖిల్‌ పెళ్లి జరగనుందని సమాచారం.

రేపటిలోపే పెళ్లికి ముందు జరగాల్సిన సంప్రదాయ కార్యక్రమాలు పెళ్లి కూతుర్ని, పెళ్లి కొడుకుని చేయడం, గౌరీ పూజ ఇతరత్రా కార్యక్రమాలు  ఎవరిళ్లల్లో వాళ్లే నిర్వహించుకోవాలని నిర్ణయించుకున్నట్టు సమాచారం..మొత్తానికి నిఖిల్ పెళ్లికొడుకాయెనే…నెక్ట్స్ లైన్లో ఉన్నది నితిన్.. బాబు దుబాయ్లో ప్లాన్ చేసినట్టున్నాడు పెళ్లి..లాక్ డౌన్ తీసేవరకు ఆగుతాడో లేదంటే నిఖిల్ లా హడావిడిగా చేసేస్కుంటాడో ??

మోస్ట్ ఎలిజబుల్ బ్యాచిలర్ రానా ప్రేమ గురించి పెట్టిన పోస్టు ఇప్పుడు హాట్ టాపిక్ గా మారింది.. రానా ప్రేమ విషయం కేవలం ప్రేక్షకులకు మాత్రమే సర్ప్రైజ్  కాదు అటు ఇరు కుటుంబ సభ్యులను, క్లోజ్ ప్రెండ్స్ ను , ఇండస్ట్రీ వారిని కూడా షాక్ కి గురయ్యేలా చేసింది..వీరిద్దరి రిలేషన్ పై రానా ఫాదర్ ప్రముఖ నిర్మాత సురేశ్ బాబు స్పందించారు..సురేశ్ బాబు మాటలను బట్టి వారి బంధం గురించి మరింత క్లారిటి వచ్చింది.

“వారిద్దరి స్నేహం ఇప్పటిది కాదు..కొన్నేళ్లుగా వాళ్లు రిలేషన్లో ఉన్నారు..కానీ సడన్ గా ఇలాంటి నిర్ణయం ప్రకటిస్తారనుకోలేదు.. మొత్తానికి ఇద్దరూ మంచి నిర్ణయం తీసుకున్నారు. ఈ ఏడాదిలో పెళ్లి చేయాలి అనుకుంటున్నాం. డిసెంబర్ లో లేదంటే అంతకుముందే జరగొచ్చు కూడా.  లాక్ డౌన్ వేళ ఏం చేయాలో పాలుపోక ఉన్న మాకు మంచి పని పెట్టారు రానా మిహిక. ఇప్పుడు పెళ్లికి సంబంధించిన పనుల్లో బిజి అయిపోయాం. పెళ్లి ఎప్పుడనేది, ఇతర వివరాలు త్వరలో మీడియాకి వెల్లడిస్తాం అని అన్నారు సురేశ్ బాబు.

సినిమా వాళ్లకు సంబంధించిన ప్రేమ వ్యవహారాలు కనీసం గాసిప్స్ రూపంలో అయినా బయటపడుతూ ఉంటాయి..కాని రానా స్వయంగా ప్రకటించేంతవరకు దగ్గరి వాళ్లకు కూడా తెలియలేదంటే నిజంగా 2020 షాకింగ్ న్యూసే..ఏదేమైతేనేమి భల్లాలదేవ మనసు దోచుకున్న సుందరి ఎవరా అనేది తెలిసిపోయింది.

కే రాఘవేంద్ర రావు దర్శకత్వం వహించిన ఝుమ్మంది నాదం చిత్రంతో తెలుగు ప్రేక్షకులకు పరిచయం అయిన తాప్సి, తర్వాత బాలీవుడ్ షిప్ట్ అయిపోయింది. బాలీవుడ్లో విభిన్న చిత్ర కథలను ఎంచుకుంటూ, వాటిల్లో తన నటనతో తనకంటూ ప్రత్యేక గుర్తింపు తెచ్చుకుంది. టాలీవుడ్ , బాలీవుడ్లోనే కాదు ,దేశవ్యాప్తంగా  ఫ్యాన్స్ ని సంపాదించుకోగలిగింది. ఆ అభిమానానికి ప్రధాన కారణాలు  తాప్సి నటించే చిత్రాలు, వాటిల్లోని కథాంశాలే . ఫింక్, తప్పడ్ ఇతర చిత్రాలు దేశవ్యాప్తంగా చర్చకు దారితీసాయి.వైవిద్యమైన చిత్రాలు చేస్తూ తనకంటూ గుర్తింపు తెచ్చుకున్న  తాప్సి తన పర్సనల్ లైఫ్ గురించి కొన్ని ఆసక్తికర విషయాలను ప్రేక్షకులతో పంచుకొంది..వివరాల్లోకి వెళ్తే ..

ఇటీవల  ఒక మీడియా ఛానల్ కు ఇచ్చిన ఇంటర్వ్యూ లో తాప్సి పన్ను మాట్లాడుతూ ..అందరికి నా పర్సనల్ లైఫ్ గురించి తెలుసుకోవాలనే ఆసక్తి ఉండటంవలన పలు రకాల కధనాలు ప్రచారం లోకి తీసుకువస్తున్నారు,నేను ఇంకా వివాహం చేసుకోలేదు.నా జీవితంలోకి వస్తున్నా వ్యక్తి సినిమా రంగానికో క్రికెట్ రంగానికో సంబందించి వ్యక్తి కాదు .అసలు ఈ దగ్గరలో ఉన్న వ్యక్తి అయితే కానే కాదు అని తెలిపారు.నేను ప్రేమిస్తున్న వ్యక్తి బాడ్మింటన్ ఆటగాడైన మథియాస్ బోతో అని తాప్సి వెల్లడించారు .నా తల్లితండ్రులు ఒప్పుకున్నారు కాబట్టే ఈ విషయాన్నీ బహిర్గతం చేస్తున్నాను.

ఈ నేపథ్యంలో తాప్సి తన వివాహం గురించి మాట్లాడుతూ నేను ఎప్పుడైతే పిల్లలు కావాలి అని కోరుకుంటానో అప్పుడు మాత్రమే నేను వివాహం చేసుకుంటాను అని తెలిపారు.నేను బాగా హడావిడి చేసుకునేలా పెళ్లి చేసుకోను ..చాలా సాదాసీదాగా నా దగ్గర స్నేహితులు మరియు కుటుంబ సభ్యుల సమక్షంలో వివాహం చేసుకుంటాను అని వెల్లడించారు.

రాజమౌళి తెరకెక్కిస్తున్న ఆర్ఆ.ర్ .ఆర్ చిత్రం గురించి అంతటా ఆసక్తి నెలకొంది   . ఇప్పటికే రిలీజ్ చేసిన టీజర్స్ తో మంచి రెస్పాన్స్ వచ్చింది.రాజమౌళి మళ్ళీ పక్కాగా ఇంకో ఇండస్ట్రీ హిట్ ఇవ్వడం ఖాయం అని సినీ వర్గాలలో చర్చలు మొదలయ్యాయి .ఎన్టీఆర్ ,రామచరణ్ లాంటి బడా హీరోలతో బారి రేంజ్లో తెరకెక్కుతున్న ఈ చిత్రం ఎప్పుడెప్పుడు చూస్తామా అని సినీ ప్రేక్షకులంతా ఎదురుచూస్తున్నారు .

ఈ చిత్రంలో రామ్ చరణ్ సరసన బాలీవుడ్ బ్యూటీ ఆలియా భట్ నటిస్తోంది. మరోవైపు ఎన్టీఆర్ సరసన ఒలీవియా మోరీస్ నటిస్తోంది. శరవేంగంగా షూటింగ్ మొదలు పెట్టుకున్న ఈ చిత్రం కరోనా కారణంగా విధించిన లాక్ డౌన్ కారణంగా షూటింగ్ కి బ్రేక్ పడింది . ఇలా షూటింగ్ క్యాన్సిల్ అవ్వడం వలన ఆర్ ఆర్ ఆర్ చిత్రాన్ని వచ్చే యేడాది ఏప్రిల్ చివరలో ప్రేకక్షుల ముందుకు తీసుకువచ్చేలా సన్నాహాలు చేస్తున్నారు చిత్ర బృందం .

ఈ చిత్రంలో అలియా పాత్ర ఎలా ఉండబోతుందో జక్కన తెలిపారు .ఎన్టీఆర్ ,రాంచరణ్ చాలా స్టార్ డోమ్ ఉన్న యాక్టర్స్ అంతేకాకుండా భారీ స్థాయిలో అభిమానులు ఉన్న హీరోలు.వీరిద్దరి నటన ముందు ఒక యాక్టర్ నిలబడాలంటే అది చాలా కష్టం.అందుకే చాలా అలోచించి అలియాను సెలెక్ట్ చేయమని రాజమౌళి తెలిపారు .ఈ చిత్రంలో అలియా రెండు విభిన్న కోణాలు ఉన్న పాత్ర చేయబోతుంది.రామరాజు మరదలుగా సీత పాత్రలో ప్రేక్షకులకు కనపడనుంది అలియా బట్ .

ఈ పాత్ర ద్వారా అలియా ప్రేక్షకుల హృదయాలలో చెరగని ముద్ర వేసుకుంటారని రాజమౌళి తెలిపారు.లాక్ డౌన్ ముగియగానే శరవేగంగా షూటింగ్ మొదలుపెట్టడానికి చిత్ర బృందం అన్ని ఏర్పాట్లు చేసుకుంటుంది.బాహుబలి లాంటి భారీ హిట్ తర్వాత రాజమౌళి నుండి వస్తున్న చిత్రం కాబట్టి ప్రేక్షకులలో అంచనాలు రోజు రోజుకి పెరిగిపోతున్నాయి.పైగా ముల్టీస్టారర్ చిత్రం కావడంతో ఇరు హీరోల లభిమానులు కూడా చాలా ఆసక్తితో ఎదురుచూస్తున్నారు.అసలు ఈ చిత్రంలో అలియా పాత్ర ఏ మేరకు ప్రేక్షకులను ఆకట్టుకుంటుందో వేచి చూడాలి .

బాలీవుడ్ హీరో అక్షయ్ కుమార్ భారీ విరాళాన్ని ప్రకటించారు … అయితే అక్షయ్ విరాళానికి సంబందించిన ఓ ముఖ్యమైన విషయాన్నీఆయనభార్య ట్వింకిల్ ఖన్నా బహిర్గతం చేసారు .. వివరాల్లోకి వెళ్తే.

అక్షయ్ కుమార్ భారీ విరళంపై అతని భార్య ట్వింకిల్ ఖన్నా మాట్లాడుతూ విరాళం ఇవ్వడానికి వాళ్లద్దరి మధ్య జరిగిన ఒక సంఘటన గురించి వివరించారు . ఇంత పెద్ద మొత్తంలో విరాళం ఇస్తున్నారు మన భవిష్యత్ అవసరాల కోసం డబ్బు అవసరం కదా ….మీరు తీసుకున్న నిర్ణయం సరయినదో కాదో ఒకసారి ఆలోచించుకోమని చెప్పానని తెలిపారు ..

అయితే తన భార్య చెప్పిన మాటలపై స్పందిస్తూ ”నేను నా కెరీర్ ప్రారంభించినప్పుడు నా దగ్గర చిల్లిగవ్వ కూడా లేదు. ఇప్పుడీ స్థాయిలో ఉన్నా కాబట్టి.. ఇలాంటి పరిస్థితులలో ఏమీ లేని వారి కోసం ఏదైనా సహాయం చేయకుండా ఎలా ఉండగలను” . అయినా నన్ను ఈ స్థాయిలోకి తీసుకువచ్చింది వల్లే వాళ్ళకే తిరిగి ఇస్తున్న అని అన్నారని ట్వింకిల్ ఖన్నా చెప్పారు . అక్షయ్ కుమార్ రీల్ హీరో కాదు గొప్ప మనసున్న రియల్ హీరో అని నెటిజన్లు ప్రశంసిస్తున్నారు .