gossips

జూనియర్ ఎన్టీఆర్ మరొకసారి హోస్ట్ గా మన ముందుకు వచ్చారు. జెమినీ టీవీలో టెలికాస్ట్ అవుతున్న ఎవరు మీలో కోటీశ్వరులు అనే ప్రోగ్రామ్ కి హోస్ట్ గా వ్యవహరిస్తున్నారు జూనియర్ ఎన్టీఆర్. ప్రోగ్రామ్ కూడా ఎప్పుడో మొదలవ్వాల్సి ఉంది. కానీ కరోనా కారణంగా వాయిదా పడింది.

అయితే ఇప్పుడు ఈ ప్రోగ్రాం మొదలయ్యింది. ఈ ప్రోగ్రాం మొదలైనప్పటి నుంచి కూడా మంచి హిట్ టాక్ తో దూసుకుపోతోంది. అయితే, ఈ ప్రోగ్రాంకి మహేష్ బాబు అతిథిగా రాబోతున్నారు అనే వార్త ఎప్పుడో బయటికి వచ్చింది. ఆ ఎపిసోడ్ షూటింగ్ కి సంబంధించిన ఒక ఫోటో కూడా సోషల్ మీడియాలో వైరల్ అయింది.

దాంతో మహేష్ బాబు ఎపిసోడ్ ఎప్పుడు వస్తుందా అని ప్రేక్షకులు ఆసక్తిగా ఎదురు చూస్తున్నారు. జెమినీ టీవీ బృందం ఇటీవల మహేష్ బాబు ఎపిసోడ్ త్వరలో రాబోతోంది అని ఒక ప్రోమో విడుదల చేసింది. అందులో మహేష్ బాబు, జూనియర్ ఎన్టీఆర్ సరదాగా మాట్లాడుకోవడం మన ప్రోమోలో చూడొచ్చు. ఈ ఎపిసోడ్ ఎప్పుడు టెలికాస్ట్ అవుతుంది అని ప్రేక్షకుల్లో ఆసక్తి మొదలయ్యింది. ఈ ఎపిసోడ్ వచ్చే ఆదివారం 8:30 కి ప్రసారం అవ్వబోతున్నట్టు జెమినీ టీవీ బృందం ప్రకటించింది. అలాగే ఒక స్పెషల్ ప్రోమో కూడా విడుదల చేసింది.  దాంతో ఎపిసోడ్ కోసం ప్రేక్షకులు ఎదురు చూస్తున్నారు.

watch video : 

https://youtu.be/T3UloEf7bZo

మెగాస్టార్ చిరంజీవి హీరోగా, కొరటాల శివ దర్శకత్వంలో రాబోతున్న సినిమా ఆచార్య. ఈ సినిమా షూటింగ్ పూర్తయినా కూడా కరోనా కారణంగా విడుదల వాయిదా పడింది. ఇందులో చిరంజీవి పక్కన కాజల్ హీరోయిన్ గా నటిస్తున్నారు. ఖైదీ నెంబర్ 150 తర్వాత వారిద్దరి కాంబినేషన్ లో రాబోతున్న రెండవ సినిమా ఇది.

ఈ సినిమాపై ఇంత ఆసక్తి క్రియేట్ అవ్వడానికి ముఖ్య కారణం చిరంజీవి అయితే, మరొక కారణం చిరంజీవి, రామ్ చరణ్  కలిసి నటించడం.  చాలా కలం తర్వాత ఇద్దరినీ ఒకే స్క్రీన్ మీద చూడడం, అది కూడా ఇద్దరినీ ఫుల్ లెన్త్ రోల్ లో చూడడం అనే విషయం సినిమా మీద ఆసక్తిని ఇంకా పెంచింది. అయితే, ఇందులో రామ్ చరణ్ పాత్ర నిడివి ఏంటి? అసలు ఎంత సేపు కనిపిస్తారు? అనే ప్రశ్న అందరిలో నెలకొంది.

ఈ విషయంపై  ప్రస్తుతం వైరల్ అవుతున్న ఒక వార్త ప్రకారం, ఈ సినిమాలో రామ్ చరణ్ ఫ్లాష్ బ్యాక్ ఎపిసోడ్ లో కనిపిస్తారట. రామ్ చరణ్ పోషిస్తున్న సిద్ధ పాత్ర నిడివి 40 నిమిషాల వరకు ఉంటుందని సమాచారం. రామ్ చరణ్ కి పూజ హెగ్డే హీరోయిన్ గా నటిస్తున్నారు. ఆచార్య సినిమా ఫిబ్రవరి 2022 లో విడుదల అవుతుంది అని సినిమా బృందం ప్రకటించింది.

త్రివిక్రమ్ శ్రీనివాస్, మహేష్ బాబు కాంబినేషన్ లో వచ్చిన అతడు సినిమా మర్చిపోవడం చాలా కష్టం. టీవీ లో ఎన్ని సార్లు టెలికాస్ట్ చేసినా సరే మంచి టిఆర్పి రేటింగ్ వస్తుంది. అంత మ్యాజిక్ ఉంది ఆ సినిమాలో.

ముఖ్యంగా ఆ డైలాగ్స్ అయితే ఇప్పటికి కూడా మనం సోషల్ మీడియాలో చాలా చోట్ల చూస్తూనే ఉంటాం. మణి శర్మ గారు అందించిన సంగీతం కూడా ప్రేక్షకులను ఎంతగానో అలరించింది. అయితే, త్రివిక్రమ్ అతడు సినిమా కథని మహేష్ కంటే ముందు పవన్ కళ్యాణ్ కి వినిపించారు అని అందరికి తెలుసు. పవన్ కళ్యాణ్ కి కథ నచ్చకపోవడంతో ఈ సినిమాని రిజెక్ట్ చేశారు.

పవన్ కళ్యాణ్ మాత్రమే కాకుండా మరొక హీరో కూడా ఈ కథని రిజెక్ట్ చేసినట్టు సమాచారం. తెలుగు ఫిల్మ్ అప్డేట్స్ అనే ఒక ఇంస్టాగ్రామ్ పేజ్ కథనం ప్రకారం, ఆ హీరో మరెవరో కాదు అప్పట్లో లవర్ బాయ్ గా గుర్తింపు సంపాదించిన ఉదయ్ కిరణ్. త్రివిక్రమ్ ఈ సినిమా కథని ఉదయ్ కిరణ్ కి కూడా వినిపించారట. ఈ సినిమాకి నిర్మాత అయిన మురళీ మోహన్ గారు ఉదయ్ కిరణ్ కి అడ్వాన్స్ కూడా ఇచ్చారట. కానీ కొన్ని కారణాల వల్ల ఉదయ్ కిరణ్ ఈ సినిమా చేయలేకపోయారట. ఈ వార్త ఒకటి అయితే వైరల్ అయ్యింది. ఆ తర్వాత త్రివిక్రమ్ మహేష్ కథని వినిపించడంతో, మహేష్ బాబుకి కథ నచ్చి సినిమా చేస్తాను అని ఒప్పుకున్నారు.

కొన్ని సంవత్సరాలు సినిమా ఇండస్ట్రీ నుండి గ్యాప్ తీసుకొని మళ్లీ ఇటీవల క్రాక్ సినిమాతో కం బ్యాక్ ఇచ్చిన నటి శృతి హాసన్. ఆ తర్వాత నుండి వరుసగా సినిమాల్లో నటిస్తున్నారు. నందమూరి బాలకృష్ణ హీరోగా గోపీచంద్ మలినేని దర్శకత్వంలో రూపొందుతున్న సినిమాకి కూడా శృతి హాసన్ హీరోయిన్ గా సైన్ చేశారు.

అలాగే ప్రభాస్ తో పాటు సలార్ సినిమాలో కూడా నటిస్తున్నారు. శృతి హాసన్ సోషల్ మీడియాలో కూడా చాలా యాక్టివ్ గా ఉంటారు. తన వ్యక్తిగత విషయాల గురించి కూడా బహిరంగంగానే మాట్లాడుతుంటారు. అలా తను ఒక వ్యక్తితో రిలేషన్ లో ఉన్న సంగతి సోషల్ మీడియా ద్వారా అందరికీ చెప్పకనే చెప్పారు శృతి హాసన్. అయితే, శృతి హాసన్ అంతకు ముందు ఒక ప్రముఖ స్టార్ కుటుంబానికి చెందిన హీరోతో రిలేషన్ లో ఉన్నారు అనే వార్తలు వచ్చాయి.

అది కూడా తెలుగు ఇండస్ట్రీకి చెందిన హీరోనే కావడం చర్చనీయాంశం అయింది. అతనెవరో కాదు, అక్కినేని నాగ చైతన్య. నాగ చైతన్య, శృతి హాసన్ కలిసి ప్రేమమ్ సినిమాలో నటించారు. కానీ 2013లో వీళ్ళిద్దరూ రిలేషన్ షిప్ లో ఉన్నారట. కానీ అది పెళ్లి వరకు వెళ్లలేదు. తర్వాత ఈ వార్త చాలా రోజుల వరకు చర్చలో నిలిచింది.

సాధారణంగా తెలుగు ఇండస్ట్రీలో కమెడియన్స్ అంటే ముందుగా గుర్తొచ్చేది బ్రహ్మానందం గారు. బ్రహ్మానందం గారు గత కొద్ది సంవత్సరాల నుండి సినిమాల్లో ఎక్కువగా నటించడం లేదు. ఒకవేళ నటించినా కూడా అతిధి పాత్రల్లో మాత్రమే కనిపిస్తున్నారు.

ఇదేవిధంగా గత సంవత్సరంలో వచ్చిన అల వైకుంఠపురంలో సినిమాలో ఒక చోట, అలాగే ఈ సంవత్సరం విడుదలై సూపర్ హిట్ అయిన జాతిరత్నాలు సినిమాలో ఒక రెండు మూడు సినిమాల్లో నటించారు. అయితే ప్రస్తుతం బ్రహ్మానందం గారికి సంబంధించిన ఒక వార్త సోషల్ మీడియాలో వైరల్ అవుతోంది. సమయం కథనం ప్రకారం, అదేంటంటే, నితిన్ హీరోగా నటిస్తున్న రాబోయే సినిమా మాచర్ల నియోజకవర్గం. ఈ సినిమాకి రాజశేఖర్ రెడ్డి దర్శకత్వం వహిస్తున్నారు. ఈ సినిమాలో ఒక ముఖ్య పాత్ర కోసం బ్రహ్మానందం గారిని సంప్రదించారట.

బ్రహ్మానందం గారు కూడా ఈ పాత్ర చేయడానికి ఒప్పుకున్నారు. కానీ చివరి నిమిషంలో ఆ సినిమా నుంచి బ్రహ్మానందం గారు తప్పుకోవాల్సి వచ్చింది. అందుకు కారణం బ్రహ్మానందం గారు షూటింగ్ సెట్ కి సమయానికి చేసుకోకపోవడం, అలాగే డైరెక్టర్ చెప్పినట్టు  వినకపోవడం అని అంటున్నారు. ఈ విషయాల వల్ల ఇబ్బంది పడిన నితిన్. బ్రహ్మానందం గారిని పక్కకు పెట్టారు అని వార్తలు వస్తున్నాయి. మరి ఈ వార్తల్లో ఎంత వరకు నిజం ఉందో ఎవరికీ తెలియదు.

థియేటర్లు మూత పడడం వలన కరోనా లాక్ డౌన్ కాలంలో ఓటిటీల వాడకం మరింత ఎక్కువగా పెరిగింది. మరోవైపు ఓటిటీలు కూడా రకరాల సిరీస్ లు, ప్రోగ్రాంలు, సినిమాలు, టాక్ షోలతో ప్రేక్షకులని ఎంటర్టైన్ చేయడానికి సిద్ధం అవుతున్నాయి. తెలుగు ఓటిటి ఆహ కూడా భిన్నమైన కంటెంట్ తో దూసుకెళ్తున్న సంగతి తెలిసిందే. నందమూరి బాలకృష్ణ హోస్ట్ గా అన్ స్టాపబుల్ అనే టాక్ షోను ఆహ తీసుకొస్తోంది. ఈ షోలో పలువురు సెలెబ్రిటీలను బాలయ్య బాబు మాట్లాడించనున్నారు.

ఇందులో, “మొదటి ఎపిసోడ్ లో గెస్ట్ గా ఎవరు వస్తారు?” అనే విషయంపై ఆసక్తి నెలకొంది. చాలా మంది, “నందమూరి కుటుంబం నుంచి ఎవరైనా అతిథిగా వస్తారేమో” అని అన్నారు. కానీ మొదటి ఎపిసోడ్ కి మంచు కుటుంబం వారు అతిథులుగా రాబోతున్నారు. మోహన్ బాబు గారు, మంచు విష్ణు, మంచు లక్ష్మి ఈ ప్రోగ్రాంకి అతిధులుగా రాబోతున్నారు అనే వార్త ప్రస్తుతం వైరల్ అవుతోంది. ఈ ప్రోగ్రాం నవంబర్ 4వ తేదీ నుండి మొదలవుతుంది.