Health Adda

దేశవ్యాప్తంగా కరోనా వచ్చిన వాళ్ల సంఖ్య రోజు రోజుకి పెరిగిపోతోంది. వారిలో చాలామందికి కరోనా పాజిటివ్ వచ్చినా కానీ వైద్యుల సహాయంతో కోలుకుంటున్నారు. కానీ ఇటీవల తెలిసిన విషయం ఏంటంటే కరోనా తగ్గిపోయినా కూడా దాని ప్రభావం చాలాకాలం వరకు ఉంటుందట. ఒకసారి కరోనా వచ్చి తగ్గింది అంటే కచ్చితంగా మనిషి శరీరంలో ఏదో ఒక భాగం దెబ్బ తినే ఉంటుంది. ముఖ్యంగా ఊపిరితిత్తులు పాడయ్యే అవకాశం ఉంది. అలాగే గుండెకి సంబంధించిన సమస్యలు వచ్చే సూచనలు కూడా ఉంటాయట.

షెరీ అంటోయింట్ అనే నర్సు ట్విట్టర్ లో ఈ విషయం గురించి మాట్లాడారు.”కరోనా అంత భయంకరమైన వ్యాధి ని నేను ఇప్పటి వరకు చూడలేదు. ఒకవేళ పేషంట్ కోలుకున్నాను అని చెప్తే తను తిరిగి మామూలు గా ఉండొచ్చు అని కాదు. అలా కోలుకున్న ప్రతి వ్యక్తికి ఊపిరితిత్తుల మార్పిడి లేదా గుండెపోటు రావడం లాంటివి అవుతాయి” అని అన్నారు.

twitter/sheriantoinette

షెరీ కరోనా తో ఆస్పత్రిలో చేరిన పేషెంట్ల లో చూసిన లక్షణాలు ఇవి

• రక్తం గడ్డ కడుతుంది. కానీ అది మనం గుర్తించలేము. రక్తం గడ్డకట్టడం తో శరీరం నల్లగా మారుతుంది.
• చర్మంపై పుండ్లు పడతాయి. గట్టిగా రుద్దితే చర్మం రాలుతుంది ఏమో అన్నట్టుగా ఉంటుంది.
• శరీరం చాలా గట్టిగా అవుతుంది. వాపులు, బొబ్బలు వస్తాయి. పగుళ్లు ఏర్పడతాయి. శరీరమంతా చాలా పొడిగా తోలు లేచినట్లు ఉంటుంది.

• ప్రతి ఒక్కరికి హార్ట్ బీట్ రేట్ మారుతుంది. కారణం ఏంటి అనేది తెలియదు. కానీ పేషెంట్ కి గుండె సాధారణంగా కొట్టుకోదు. అంటే హార్ట్ బీట్ సాధారణంగా మనిషికి ఉండాల్సిన రేంజ్లో ఉండదు.
• మూత్రపిండాలు పాడవుతాయి. ఎరుపు రంగు లో కి మారి వాచినట్టు అవుతాయి. ఇది కూడా ఎందుకు అవుతుంది అనే దానికి కారణం ఇప్పటి వరకు తెలియలేదు.
• పేషంట్ కి ఫోలే కాథెటర్, లేదా యూరినల్ ట్యూబ్ కచ్చితంగా పెట్టాల్సి వస్తుంది.

• చర్మం గట్టిగా అయిపోవడంతో శ్వాస ఇబ్బందులు వస్తాయి. వెంటిలేటర్ పెట్టినా కూడా శ్వాస తీసుకోవడంలో ఇబ్బంది అవుతుంది. చర్మం మళ్లీ మామూలుగా అవ్వడానికి స్నానం చేయించడం లేదా శుభ్రపరచడం లాంటివి చేస్తే చర్మం నీలిరంగులో మారిపోతుంది.
• ఫీడింగ్ కూడా ట్యూబ్ తోనే చేయాల్సి వస్తుంది. అలా ట్యూబ్ ఫీడింగ్ ఉన్న పేషెంట్ లకి పైన చెప్పిన లక్షణాల్లో కచ్చితంగా ఏదో ఒకటి ఉంటుంది.

ఇవన్నీ చూసిన చాలా మంది పేషంట్ లు తమకు ఇలాంటి సమస్యలు ఎదురయ్యాయి అని చెప్పారు. ఇటీవల కరోనా నుంచి కోలుకున్న ఒక పేషంట్ తనకి గుండె కి సంబంధించిన సమస్య ఎదురైంది అని, రక్తం గడ్డ కట్టడం వల్ల గుండెపోటు వచ్చిందని డాక్టర్లు స్టెంట్ వేశారు అని చెప్పారు.

మరొక వ్యక్తి మూత్రపిండాల సమస్య వచ్చింది అని, డయాలసిస్ చేయాలి అన్నారు అని, దగ్గు, హార్ట్ బీట్ సరిగ్గా లేకపోవడం, ఉబ్బసం సమస్యలు ఎదురవుతున్నాయి అని, అంతకు ముందు ఎప్పుడూ తనకు ఇలాంటి సమస్యలు లేవు అని, ఇప్పుడే ఇలాంటివన్నీ వచ్చాయి అని చెప్పారు.

నాకు తిరుగు లేదు అని విర్రవీగిన మనిషిని..కంటికి కనిపంచని వైరస్ కదలకుండా చేస్తోంది..” ఇంతకుముందు తనకు ఇష్టమున్నట్టు బతికిన మనిషిని తన ఇష్టాలకు దూరం చేసింది..కేవలం భౌతిక దూరం మాత్రమే మనకి కరోనా సోకకుండా చేస్తుందని ,దానితో పాటు వ్యక్తిగత శుభ్రత ముఖ్యమని ముందు నుండి చెప్పుకుంటున్నాం..అందుకే ఈ లాక్ డౌన్ .. దాంతో పాటు మన రోగనిరోధక వ్యవస్థ పటిష్టంగా ఉంటే కరోనా బారి నుండి మనల్ని మనం కాపాడుకోవచ్చు అనే మాట కూడా వింటున్నాం.

ప్రస్తుతం కరోనా ప్రపంచాన్ని వణికిస్తుంది. అగ్రరాజ్యమైన అమెరికా సైతం ఏమి చేయలేని పరిస్థితి నెలకొంది. ప్రపంచంలో కరోనా పాజిటివ్ కేసుల ఈ సంఖ్య రోజురోజుకి పెరుగుతుండడంతో ప్రజలు ఆందోళన చెందుతున్నారు.

ఇది ఇలా ఉండగా…కరోనా లక్షణాల్లో తాజాగా మరో మూడు గుర్తించారు వైద్య నిపుణులు. వికారం లేదా వాంతులు, డయేరియా, ముక్కు కారడం కూడా కరోనా లక్షణాలే అని తేల్చారు. కరోనా లక్షణాలు వైరస్ సోకిన రెండు నుండి పద్నాలుగు రోజుల్లో కనిపిస్తాయని అంటున్నారు వైద్య నిపుణులు.

అంతేకాదు కరోనా సోకిన చాలామందిలో పొత్తి కడుపులో నొప్పి కూడా కనిపించింది అంట. 10 టీవీ కథనం ప్రకారం ఆస్ట్రేలియాలోని క్యూన్స్ లాండ్‌లో ఓ నర్సుకు తరచూ కడుపు నొప్పి రావడంతో కరోనా పరీక్ష నిర్వహించగా పాజిటివ్ అని తేలింది అంట. ఫ్రాన్స్‌లో కూడా చాలామంది కోవిడ్ పాజిటివ్ రోగుల్లో ఈ లక్షణం కనిపించింది అంట. UKలో 8మంది కరోనా సోకిన పిల్లల్లో ‘ఎటిపికల్ అపెండిసైటిస్’ లక్షణాలు కనిపించాయి అంట. కాబట్టి కడుపు నొప్పి వచ్చిన జాగ్రత్తగా ఉండమని వైద్య నిపుణులు సూచిస్తున్నారు.

కరోనా లక్షణాలు..

• ఫీవర్
• వణుకు
• దగ్గు
• శ్వాస తీసుకోవడంలో ఇబ్బందులు
• అలసట
• ఒళ్లు నొప్పులు
• తలనొప్పి
• రుచి చూడలేకపోవడం, వాసన పసిగట్టలేకపోవడం
• గొంతునొప్పి
• ముక్కు దిబ్బడ
• వాంతులు
• డయేరియా

Also Read >> శరీరంలో రోగ నిరోధక శక్తిని పెంచే ఆహార పదార్థాలు ఇవే >>Click Here