Human angle

ఆమె కుటుంబంలో పెద్ద కూతురు. కుటుంబ పోషణకై బాధ్యతను తన భుజాలపై వేసుకొని తల్లితో కలిసి చేపలు అమ్మేది. జీవితంలో ఏదో సాధించాలనే సంకల్పంతో వ్యాపార రంగంలో అడుగుపెట్టింది. ఒక్కొక్క మెట్టు ఎక్కుతూ తాను అనుకున్నది సాధించి చూపింది. కొన్ని కోట్ల రూపాయల వ్యాపారానికి అధిపతి అయ్యింది.

ఎన్నో ఆటుపోట్లను, విమర్శలను ఎదుర్కొంటూ విజయాన్ని సాధించిన ఈమె కథ ఎంతో మంది యువతకు స్ఫూర్తిదాయకంగా నిలుస్తుంది. ఇంతకు ఎవరు ఆమె.. ఆమె సాధించిన ఘనత ఏంటి అనే అసలు విషయాన్ని తెలుసుకుందాం..

ఆమె పేరు వినోదా చందావత్. భద్రాద్రి కొత్తగూడెం కి చెందిన  నిరుపేద కుటుంబంలో పుట్టిన వినోద ముగ్గురు అక్కాచెల్లెలులో పెద్దది. డిగ్రీ పూర్తి చేసి హైదరాబాద్ లో సివిల్ కోచింగ్ తీసుకుంటూ తొలి ప్రయత్నంలోనే విజయం సాధించింది వినోదా. తాను సాధించాల్సింది ఇంకా ఏదో ఉందని, తన లక్ష్యం  వ్యాపారం అని గ్రహించి మల్హరి మసాలాస్ అనే పేరుతో వ్యాపారం ప్రారంభించింది.

వినోద మొదటిగా సాఫ్ట్వేర్ ఉద్యోగులకు ఆహారం అందించే డబ్బావాలా వ్యాపారం ప్రారంభించింది. దానితో నష్టాలు రావడంతో మసాలా వ్యాపారం చేయాలని నిర్ణయించుకొని ప్రాజెక్టును మొదలుపెట్టింది. 2016లో మల్హరి మసాలాస్ తో తన వ్యాపారం మొదలు పెట్టిన వినోదా 20 మంది మహిళలకు ఉపాధి కల్పించింది. దానికోసం బ్యాంకు నుంచి 42 లక్షలు లోన్ తీసుకుంది. అంతేకాకుండా తన ఫ్రెండ్స్ దగ్గర ఇంట్లో వాళ్ల దగ్గర కూడా కొంత సొమ్మును సేకరించింది.

ఈ డబ్బుతో  తన వ్యాపారానికి సంబంధించిన అడుగులు వేసింది. ముందుగా మార్కెట్ అధ్యయనం చేసి ఉచితంగా తన మసాలా ఉత్పత్తులను పంచేది. ఆ మసాలా ఉత్పత్తుల కాస్త ప్రజలకు నచ్చడంతో 24 రకాల మసాలాలు సరఫరా చేసే స్థాయికి ఎదిగింది వినోదా. అంతే కాకుండా మల్హరి మసాలాస్ తో పాటు నమస్తే కిచెన్ ని మరింత ఉన్నత స్థాయికి తీసుకువెళ్లాలని ప్రయత్నం చేస్తుంది వినోదా .  పూటగడవడం కోసం చాపలు అమ్ముకునే అమ్మాయి ఒక్కొక్క అడుగు ముందుకు వేస్తూ తన వ్యాపారాన్ని కోట్ల రూపాయలకు ఎదిగేలా చేస్తుంది వినోదా. ఈమె కథ ఎంతో మందికి యువతకు ఆదర్శంగా నిలవాలని కోరుకుందాం..

Source: http://dhunt.in/xOGX7?s=a&uu=0x016e94364408decb&ss=pd

ప్రస్తుత కాలంలో చిన్న పిల్లల దగ్గర నుండి మహిళల వరకు లెగ్గింగ్స్, జెగ్గింగ్స్, జీన్స్ ఎక్కువగా ధరిస్తున్నారు. వివాహం అయిన ఆడవారు కూడా ఎక్కువగా వీటినే ధరించడానికి ప్రాధాన్యతను ఇస్తున్నారు.

చాలా మంది మహిళలు వీటిని ఇష్టపడటానికి, ఎటువెళ్ళిన వీటినే వాడడానికి కారణం అత్యంత సౌకర్యవంతంగా ఉండడం, అందుబాటులో ఉండడం. అయితే వీటిని ధరించడం వల్ల సౌకర్యంతో పాటు సమస్యలు ఉన్నాయనని నిపుణులు అంటున్నారు. మరి ఆ సమస్యలు ఏమిటో ఇప్పుడు చూద్దాం..
మొదట్లో అయితే తెలుపు, నలుపు రంగులలో మాత్రమే లభించేవి. ప్రస్తుతం మార్కెట్ లో అన్ని రకాల రంగులు దొరుకుతున్నాయి. దాంతో ఎక్కువగా వీటినే వాడుతున్నారు. ప్రస్తుతం మహిళలు ధరించే ప్యాంట్ లలో ఇవి ఎక్కువగా పాపులర్ అయ్యాయి. వారి దృష్టిలో ఇప్పటివరకు తయారు చేయబడిన అత్యంత సౌకర్యవంతమైన ప్యాంటు అంటే లెగ్గింగ్స్ అని చెప్పవచ్చు.
అయితే లెగ్గింగ్స్ ధరించడం వల్ల సౌకర్యం ఉన్నప్పటికి కొన్ని సమస్యలు ఉన్నాయని నిపుణులు చెబుతున్నారు. లెగ్గింగ్స్ అనేవి చాలా బిగుతుగా, చర్మానికి అంటిపెట్టుకుని ఉంటాయి. అందువల్ల ఎక్కువ సమయం వీటిని ధరించడం వల్ల గాలి వెళ్ళే అవకాశం లేకపోతే చర్మ సమస్యలు వస్తాయని అంటున్నారు. ఎందుకంటే ఇవి భారత దేశంలో వాతావరణ పరిస్థితులకు సపోర్ట్ చేసే దుస్తులు కాదు.
ఇండియాలో శరీరానికి గాలి తగలవలసిన అవసరం ఉన్న వాతావరణ పరిస్థితులు ఉంటాయి. చలికాలంలో వెచ్చని బట్టలు అవసరం ఉంటుంది. లెగ్గిన్స్ క్లాత్ చాలా పలుచగా ఉంటుంది. దాంతో చల్ల గాలి తాకి చర్మ సంబంధిత సమస్యలు రాషెస్, ఫంగల్ ఇన్ఫెక్షన్స్ లాంటివి వస్తాయి. వీటి వాడకం వల్ల చలి, ఎండ, పొల్యూషన్ వల్ల చర్మం మాత్రమే కాకుండా బాడి కూడా ఎఫెక్ట్ అవుతుందని చెబుతున్నారు.

పెళ్లి అయిన ఆడవాళ్లు,పెళ్లి వయసు వచ్చిన ఆడవాళ్లు, అంటే యుక్త వయసు వచ్చిన ఆడవాళ్లు లెగ్గిన్స్ వాడక పోవడమే మంచిది. ఎందుకంటే సాధారణంగా ఈ వయసు ఆడవారికి, అందులోనూ ముఖ్యంగా పెళ్లి అయిన ఆడవారికి ఇంట్లో చాలా బాధ్యతలు ఉంటాయి. అలాగే బయట కూడా చాలా బాధ్యతలు నిర్వహించాల్సి ఉంటుంది.

అలాంటి సమయంలో సౌకర్యంగా ఉండే దుస్తులు వేసుకోవడం అనేది చాలా ముఖ్యమైన విషయం. కాబట్టి ఇలా గాలి చొరబడకుండా ఉండే వస్త్రంతో తయారు చేసిన దుస్తులని వారు వేసుకోకపోవడమే మంచిది అని, ఎందుకంటే అవి వేసుకున్నప్పుడు సౌకర్యంగా ఉండకపోవడం వల్ల పనిపై శ్రద్ధ పెట్టలేకపోయే అవకాశం ఉంది అని నిపుణులు చెప్తున్నారు. అందుకే పెళ్లి అయిన ఆడవారు లెగ్గింగ్స్, జీన్స్ వాడకపోవడమే ఉత్తమం అని అంటున్నారు.

Also Read:  “నైటీలు” పగలు వేసుకోవడం వల్ల కలిగే ఈ నష్టాల గురించి తెలుస్తే…ఆడవాళ్ళు ఇంకోసారి ఆ తప్పు చేయరు.!

ఏదైనా బాధాకరమైన సంఘటన జరిగినా, అనుకున్నది జరగకపోయినా, ఆర్థికంగా నష్టపోయినా, మానసికంగా బాధపడినా కాలక్రమంలో మరిచిపోతాం. కానీ కొన్ని సంఘటనలు ఎక్కువ కాలం కొనసాగి, దానిలో నుంచి బయటకు రాలేపోతే డిప్రెషన్ లో ఉండిపోతాం. దీనివల్ల మానసికంగా దిగులు, నిస్సత్తువలతో పాటు శారీరకంగా అనారోగ్యాలు కూడా చుట్టుముడతాయి.

అందుకే మనం ఒకరి చేత మోసపోయినా, ఒకరు మనం బాధ పడేలా మాట్లాడినా ఎందుకు మనం వీక్ అవుతాం అంటే.. పదే పదే దాని గురించే ఆలోచించడం వల్ల. అప్పుడు మనం ఏం చెయ్యాలి అంటే.. సంఘటన జరిగిపోయింది.. ఓకే.. తరువాత ఏంటి, దీనికి పరిష్కారం ఏంటి అని ఆలోచించి అందులో నుంచి బయటకు రావాలి.

అంతే కానీ జరిపోయిన దాని గురించి ఎక్కువగా ఆలోచిస్తూ మన ఎనర్జీ ని తగ్గించుకోవద్దు. అదే విషయాన్ని ఆలోచిస్తూ ఉండడం వల్ల మనలో నెగటివ్ ఆలోచనలు పెరిగిపోతాయి. చివరకు అవేలా తయారవుతాయి అంటే.. వాళ్ళను చంపడమా, మనం చవడమా అనే స్థాయికి చేరుకుంటాయి. దీంతో మనలో కోపం, ద్వేషం, అసూయ, అసహనం ఏడ్పు లాంటివి కలుగుతాయి.

మన శక్తినంతా ఆ వ్యక్తికి లేక ఆ సంఘటనకే ఖర్చు పెట్టేస్తాం. అలాకాకుండా మనం దాని నుంచి ఎలా బయటపడాలి అని ఆలోచించాలి. వాళ్ళను మార్చుకోవడమా, లేదా పూర్తిగా వదిలేయడమా అని నిర్ణయించుకోవాలి. అది ఫ్రెండ్స్ అయినా, బంధువులైన కావొచ్చు.. లేదా సంఘటన నుండి బయటపడాలంటే మరచిపోవడం అనేది ఒక గొప్ప మెడిసిన్‌ లాంటిది.

ఏవైనా ఒక బాధాకరమైన సంఘటన జరిగినప్పుడు దాని గురించే ఆలోచించకుండా మన మూడ్‌ను డైవర్ట్‌ చేసుకుని దానిని మరచిపోవడానికి ప్రయత్నించాలి. ఒంటరిగే గడిపే వారికి గార్డెనింగ్, పెట్స్ ను పెంచుకోవడంతో పాటు పుస్తకాలు మంచి నేస్తాలు. అవి మీ మనస్సును ప్రతిబింబిస్తాయి. ఒక మంచి పుస్తకం చదివితే ఒక మంచి ఫ్రెండ్ ని కలిసిన అనుభూతి కలుగుతుంది. అలా ప్రయత్నించినట్లయితే మనం చాలా సులభంగా ఆ బాధ నుంచి బయటపడటానికి అవకాశం ఉంటుంది.

ఇవి కూడా చదవండి: నా భర్త ఇలా అన్ని చెప్పేయడం నచ్చట్లేదు.. చివరకు ఆ విషయాలు కూడా..? నా సమస్యకి పరిష్కారం ఏంటి..?

నేటి కాలంలో మగపిల్లలతో సమానంగా ఆడపిల్లలు చదువుకుంటున్నారు…. వాళ్ళ యొక్క ఆశయాలని అందుకోవాలని నడుస్తున్నారు… అనుకున్నది సాధించాలనే పట్టుదలతో పయనిస్తున్నారు… అదే తీరులో నడిచిన ఒక అమ్మాయి నిజంగా ఎందరికో ఆదర్శంగా నిలిచింది.

ద బెటర్ ఇండియా కధనం ప్రకారం SSC లో ఆమె 86% మార్కులు తెచ్చుకుంది. దీంతో అందరూ ఆమె సైన్స్ వైపు వెళుతుంది ఏమో అని అనుకున్నారు. బంధువులు అయితే డాక్టర్ అవుతుందేమో అని అనుకున్నారు. కానీ ఆమె ఎదుటి వాళ్లు ఏమనుకుంటారు..?, ఎక్కువ మార్కులు వచ్చిన వాళ్ళు సైన్స్ వైపు వెళ్లాలేమో..? ఇలాంటి ప్రశ్నలు ఏమీ లేకుండా ఆమెకు నచ్చిన దారిలో ఆమె వెళ్లింది.

ఆమెకి ఆర్ట్స్, కల్చర్ మరియు లిటరేచర్ అంటే ఇష్టం. అందుకనే ఆమె జర్నలిజంని ఎంచుకుంది. ఇప్పుడు ఆమె బేకరీ ని నడుపుతోంది. పైగా ఇది చాలా సులభం. నాకు నచ్చిన దారిలో నేను వెళ్తున్నాను అని ఆమె సమాధానమిచ్చింది. నిజంగా ఆమెలో వున్న ఒక్క విషయాన్ని మెచ్చుకోవాలి. అదేంటంటే.. ఎవరికి నచ్చిన తీరు వాళ్లది ఎవరికి నచ్చినట్టు వాళ్ళు అనుసరించాలి అంతేకానీ ఎదుటి వాళ్లు ఏమనుకుంటారు అని ఏ మాత్రము ఆలోచించకూడదు. మనకి నచ్చింది మనం చేస్తే మనం దానిని తప్పకుండా సాధించగలం అని ఆమె ధృడంగా నమ్ముతోంది.

కెరీర్ విషయంలోనైనా రిలేషన్షిప్ లో అయినా అంతే అని ఆమె అంది. సొసైటీ కొన్ని రకాల రూల్స్ ని పెడుతుంది. దానికి తగ్గట్టుగా ప్రతి ఒక్కరూ అనుసరించాలని అనుకుంటే పొరపాటు. మనకంటూ కొన్ని నిర్ణయాలు తీసుకుంటూ ఉండాలి. మనకు నచ్చినట్లు మనం వెళ్ళాలి. అప్పుడే మనం ఏదైనా చేయగలం పైగా అమ్మాయి అంటే ఇలా పద్ధతిగా బట్టలు వేసుకోవాలి వంటివి చాలా కండీషన్స్ ఉంటాయి.

కానీ ఆమె ఒక్కటే చెప్పింది కంఫర్టబుల్ గా ఉన్న బట్టలు వేసుకోవాలి. ఎప్పుడు కూడా నేను దానికే ప్రయారిటీ ఇస్తానని ఆమె చెప్పుకొచ్చింది. పైగా ఆమెకి కొద్దిగా జుట్టునెరిసింది. కానీ ఆమె రంగు వేసుకోలేదు. ఇది నా యొక్క సొంత నిర్ణయం అని ఆమె అంది. మనకి నచ్చింది మనం చేయడం అనేది చాలా ముఖ్యం.

ఒకవేళ కనుక మనకి నచ్చిన దానిని చేసినప్పుడు తప్పులు చేసినా.. అది మీకు నచ్చి చేశారు కాబట్టి నేర్చుకుని పర్ఫెక్ట్ గా ఉండడానికి చూస్తారు. అంతే కానీ తప్పు చేసి ఆఖరికి ఎటు వెళ్ళాలో తెలియక మధ్యలోనే ఉండిపోరు. ఇలా ఉంటే పడినా లేస్తూ ఉంటాము. అయితే సొసైటీ ఎక్స్పెక్ట్ చేసిన విధంగా ఉండటం అనేది ఓ ట్రాజిడీ అని ఆమె చెప్పింది.

డబ్బులు సంపాదించడానికి చాలా దారులు ఉంటాయి. కేవలం ఉద్యోగం మాత్రమే చెయ్యక్కర్లేదు. అదే విధంగా ఎటువంటి వ్యాపారం చెయ్యాలనే ఆలోచన లేకపోయినా కొన్ని సందర్భాల్లో ఏదైనా ఐడియా మనకి రావచ్చు.

అలాంటిదే ఐశ్వర్య రవి జీవితం. 2015లో తన బిడ్డకి చర్మంపై ర్యాషెస్ రావడంతో ఆమె వ్యాపారవేత్తగా మారిపోయింది. చిన్నపిల్లలకి షాంపూలు, సబ్బులు ఉపయోగించినప్పుడు నెగిటివ్ రియాక్షన్ ఎక్కువగా వచ్చే అవకాశం ఉంటుంది.

తన బిడ్డకి కూడా అలానే చర్మంపై ర్యాషెస్ రావడం జరిగింది. వెంటనే ఆమె భయపడింది. పీడియాట్రిషన్ దగ్గరికి వెళ్లి ఆమె అడగగా ఐశ్వర్య తన బిడ్డకి వాడుతున్న ప్రొడక్ట్స్ ని ఆపేయమన్నారు. ప్రొడక్ట్స్ లో ఉపయోగించే కెమికల్స్ కారణంగా చర్మంపై సమస్యలు వస్తున్నాయని డాక్టర్లు చెప్పారు. అయితే ఇలాంటి సమస్యలతో చాలా మంది తల్లులు సతమతమవుతున్నారు కదా అని వెంటనే ఆమెకి ఒక ఆలోచన వచ్చింది.

అదే కెమికల్స్ లేకుండా షాంపూలు మొదలైన ప్రోడక్ట్ తయారు చేయడం. శనగపిండితో పాటు ఇతర మూలికలను ఉపయోగించి ఫేస్ వాష్ అలానే కొన్ని నూనెలని, పువ్వులని ఉపయోగించి హెయిర్ వాష్ వంటి వాటిని ఆమె తయారు చేయడం మొదలు పెట్టింది. ఐశ్వర్య తన తల్లి మరియు అమ్మమ్మ సలహా కూడా ఇందులో తీసుకుంది. చాలా ప్రొడక్ట్స్ ని ఈమె తన వంటగదిలో చేయడం మొదలుపెట్టింది.

ఇవి చాలా బాగా పనిచేస్తున్నాయని చర్మం కూడా ఎంతో సాఫ్ట్ గా అవుతోందని ఆమె గ్రహించింది. కొన్ని నెలల తర్వాత వాళ్ళ కుటుంబంలో ఉండే వాళ్ళకి ఈ ప్రొడక్ట్స్ ని ఇచ్చింది. ఆ తర్వాత నెమ్మదిగా వ్యాపారంని స్టార్ట్ చేసింది. ఇదే ఆమెకు నిజంగా జీవితంలో పెద్ద మలుపు. షాంపూలు, కండిషనర్లు, మాయిశ్చరైజర్లు మొదలైన వాటిని ఈమె తయారుచేసి కుటుంబ సభ్యులకు స్నేహితులకు ఇచ్చి ఫీడ్ బ్యాక్ తీసుకుంది. మంచి పాజిటివ్ రెస్పాన్స్ రావడంతో ఇక ఆమె ఈ వ్యాపారాన్ని కొనసాగించింది.

వీటిని చేయడానికి నలుగురి మహిళలని కూడా ఆమె పనిలో పెట్టుకుంది. ఇప్పుడు ఆమె అరవై ఐదు రకాల ప్రొడక్ట్స్ ని తయారుచేసి బిజినెస్ చేస్తున్నారు. నెలకి ఆమెకి 500పైగా ఆర్డర్లు వస్తాయి. రూ.5 లక్షలని నెలకి ఆమె సంపాదిస్తోంది. ఆలోచన చిన్నదైనా పెద్దదైనా చేయాలనే తపన.. సక్సస్ అవుతాననే పట్టుదల ఉంటే ఎవరికైనా ఏదైనా సాధ్యం. చాలా మంది మహిళలకి క్రియేటివిటీ వున్నా నమ్మకం తక్కువగా ఉంటుంది. అటువంటి వాళ్ళందరూ ఐశ్వర్య లాంటి మహిళలని ఆదర్శంగా తీసుకోవాలి.

మీకు జీవితం లో ఏదైనా సంకట స్థితి ఎదురైనా,, లేదా ఎవరి సలహా అన్నా కావాలి అనుకున్న.. దానికి సరైన ప్లాట్ ఫార్మ్ కోరా. అందులో మన ప్రశ్నలకు ఎందరో జవాబులు ఇస్తూ ఉంటారు.. మన సందేహాలను తీరుస్తూ ఉంటారు.

అలాగే కొంతకాలం కిందట కోరా లో ఒక ప్రశ్న వచ్చింది..” ఒక పేదింటి అమ్మాయికి ఒక పనికి రాని వాడితో ఐదేళ్ళ క్రితం పెళ్లి అయింది. మోసం చేసి పెళ్లి చేసుకున్నారు. ఆ అబ్బాయికి భార్య, కుటుంబం అంటే లెక్క లేదు. ఇంకా పిల్లలు లేరు. పెద్ద వాళ్ళు సర్ది చెప్తూనే ఉన్నారు. అతను మారడం లేదు. ఇప్పుడు ఆ అమ్మాయి జీవితం ఎలా?” దానికి హరి గోవిందు గారు ఇలా స్పందించారు.

“ఈ ప్రశ్న కు నిజ జీవితంలో జరిగిన ఒక సంఘటన మీ ముందు ఉంచాలని అనుకుంటున్నాను. 1996 లో మా వీధిలో పిల్లలకు ట్యూషన్ చెప్పేవాడిని. అందులో కొందరు ఆడపిల్లలకు వారి ఉన్నత చదువుల విషయంలో సలహాలు ఇచ్చే వాడిని. వారికి సహాయంగా ఉండేవాడిని. ఆ ఏరియాల్లో వుండే వారికి ఎవరికి చదువు లేదు. వారిలో ఒక అమ్మాయికి నేనే దగ్గరుండి కర్నూల్ గవర్నమెంట్ కాలేజ్ లో ఇంటర్ చేర్పించాను. తర్వాత ఆమె బీఈడీ పూర్తి చేసింది.

నేను ఉద్యోగ రీత్యా కర్నాటకలో ఉండటం వల్ల, ఎప్పుడైనా ఊరు వెళ్ళినపుడు అమ్మాయి తో మాట్లాడే వాడిని. డీయాస్సి కి ప్రయత్నం చేసేది మరోవైపు పోటీ పరీక్షలకు కూడా సిద్ధమయ్యేది. వాళ్ల ఇంట్లో చెప్పాను.. జాబ్ వచ్చాక పెళ్లి చేయండి… ఇప్పుడే వద్దు అని.ఇంత చదువు చదివిన అబ్బాయిలు వారి చుట్టాలలో లేరు అని వాపోతుంటే , నేనే సంబంధాలు చూస్తా లేండి అని చెప్పాను.

కొంత కాలం తరువాత ఒకరోజు ఫోన్, దేవుని కడప లో ఆ అమ్మాయి పెళ్లి .ఆ రోజే ముహూర్తం. అది కూడా మా అమ్మ, నన్ను పెళ్లికి పిలవలేదు అని వాళ్లకు గుర్తు చేస్తే , నాకు ఫోన్ చేశారు.ఎక్కడో నాలో ఒక చిన్న బాధ, ఇంత చేస్తే …నాకు ఒక చిన్న మాట కూడా చెప్ప లేదే అని.. అయినా ఆ అమ్మాయి బాగుంటే చాలు అని వదిలేశాను.

కొన్ని సంవత్సరాల తరువాత నేను మహానంది లో ఒక కార్యక్రమము చూసుకొని వస్తున్నాను.అప్పుడు ఫోను వచ్చింది, ఆ అమ్మాయి పురుగుల మందు తాగి, చావు బతుకుల మధ్యలో ఉందని. పెళ్లి తరువాత ఆ అమ్మాయి ని చూడ్డం కూడా అదే మొదటి సారి. అప్పుడు జరిగిన విషయాలన్నీ తెలుసుకున్నాను. అడుక్కు తినే స్థితిలో ఉంది. పీకల్లోతు అప్పులు, చదువు లేని పోరంబోకు, పచ్చి తాగుబోతు.ఇవన్నీ దాచి పెట్టి , పెళ్లి చూపులు అయిన వారం లోనే, ఎవరో చని పోతున్నారని తొందర పెట్టి పెళ్లి చేసుకున్నాడు..పెళ్ళైన సంవత్సరము లోనే అప్పుల క్రింద ఇల్లు తో సహా అన్ని పోయాయి.

ఆ అబ్బాయి తన అన్న గారి ఇంట్లో ఈ అమ్మాయిని ఉంచటం… ఇక ఆ అమ్మాయి ఆ ఇంట్లో వాళ్ళు, ఎవరు సరిగ్గా పట్టించు కోక పోవటం , కారణము వారు పేద వారే. ఇక ఆ అమ్మాయి ఎవరూ లేనప్పుడు తన బిడ్డ కు, దొంగ తనంగా కొద్దిగా అన్నం తెచ్చుకొని , తినిపించుకొని , తను పస్తు ఉండేది..భర్త ఎప్పుడు వస్తాడో, ఎప్పుడు పోతాడో తెలీదు.ఏదైనా స్కూల్ లో పని చేస్తాను అంటే అనుమానం తో బూతులు తిడుతూ కొట్టడం.

హాస్పిటల్ లో ఒకటే మాట చెప్పాను.ఆ అమ్మాయి తల్లిదండ్రులకు …”మీ అమ్మాయి చని పోయింది అనుకోండి…నేనే ఆ అమ్మాయిని చూసుకుంటాను అన్నాను….”ఎవరు తెలియని ఒక మారుమూల గ్రామములో ఇండస్ట్రీయల్ ప్రయివేటు స్కూల్ లో (ప్రియ సిమెంట్) టీచర్ గా చేరిపించాను..ఆమె భర్త తాగి , గొడ్డలి తీసుకొని వెళ్లి , ఆ అమ్మాయి ఇంట్లో గొడవ చేస్తే, మా అమ్మాయి ఎక్కడవుందో తెలీదు అని, నాలుగు దెబ్బలు తగిలించి పంపించారు..చివరికి వాడు తాగి తాగి చాలా తక్కువ రోజులలో , ఎక్కడో ఒక మురికి కుంటలో శవమై కనిపించాడు.

ఇవి జరిగి ఏడెనిమిది సంవత్సరాలు అయింది. ఇప్పుడు ఆ అమ్మాయి ఏదో ప్రయివేట్ స్కూల్ లో హెడ్ మాస్టర్. మీ ప్రశ్నకు నాదొకటే జవాబు, మాటలు వద్దండి… ఆ అమ్మాయి ని ఆ నరక కూపము నుండి విడిపించి, బతకడానికి దారి చూపండి.” అని చెప్పారు హరి గోవిందు గారు.