Human angle

వైవాహిక జీవితంలో భార్య భర్తల మధ్య గొడవలు వస్తూనే ఉంటాయి. ఎటువంటి గొడవలు రాకుండా భార్య భర్తలు ఎలా ఉండాలి..?, అసలు గొడవలు రాకుండా వైవాహిక జీవితంలో ఎలా నడుచుకోవాలి అనే దాని గురించి ఇప్పుడు తెలుసుకుందాం. చాలామంది ఆశ్చర్యపోతారు వైవాహిక జీవితం అన్నాక గొడవలు వస్తూ ఉంటాయి కదా..

భార్య భర్తల మధ్య గొడవలు సహజం కదా అని భావిస్తారు. అయితే నిజానికి చిన్న చిన్న గొడవలు కూడా రాకుండా మనం అడ్డుకోవచ్చు. ఎటువంటి గొడవలూ రాకుండా ఆనందంగా భార్యాభర్తలు జీవించవచ్చు.

#1. ఒకసారి ఆగండి:

ఏదైనా మాట్లాడే ముందు కానీ ఏదైనా చెప్పేముందు కానీ ఒకసారి ఆగండి. ఒకసారి ఆలోచించుకుని అప్పుడు మాత్రమే దానిని చెప్పండి. అప్పుడు కచ్చితంగా గొడవలు రాకుండా ఉంటాయి.

#2. మీ పార్టనర్ ని నిందించవద్దు:

మీ యొక్క భావాలని మీరు చెప్పినప్పుడు ఇతరులను నిందించకండి. వాళ్ళ తప్పుల గురించి మాట్లాడద్దు.

#3. అసలు సమస్యనే చూసుకోండి:

చాలామంది డైవర్ట్ చేస్తూ ఉంటారు. అలా కాకుండా అసలు సమస్య ఏమిటి అనే దానిని పరిష్కరించుకోండి. అలా చేస్తే ఇబ్బందులు రాకుండా ఉంటాయి.

#4. మొదట వినండి:

గొడవలు రాకుండా ఉండాలంటే ముందు ఎదుటి వారు చెప్పేది వినండి. ఆ తర్వాత మీరు మాట్లాడండి. ఇలా చేయడం వల్ల కూడా మీ మధ్య గొడవలు రాకుండా ఉంటాయి.

#5. మాట్లాడే టోన్ మార్చండి:

మాట్లాడేటప్పుడు కోపంగా మాట్లాడద్దు. మీ టోన్ బాగుండేలా చూడండి. అప్పుడు ఎదుటి వాళ్ళు కూడా మీరు చెప్పేది వింటారు. గట్టిగా అరుచుకుంటూ వెళ్తే ఇబ్బందులు తప్ప సమస్యకి పరిష్కారం ఉండదు.

#6. వాళ్ళ ప్లేస్ లో ఉండి ఆలోచించండి:

ఎప్పుడైనా సరే గొడవలు రాకుండా ఉండాలంటే వాళ్ళ ప్లేస్ లో ఒకసారి మీరు ఉంటే ఏం చేస్తారు అనేది చూసుకోండి. ఇలా చేయడం వల్ల వాళ్లు చేసేది కూడా కరెక్ట్ అని మీకు అర్థమవుతుంది. మీ మధ్య గొడవలు కూడా రాకుండా ఉంటాయి.

పెళ్ళయిన కొత్తలో భార్యాభర్తలిద్దరూ ఒకరిపై ఒకరు చాలా ప్రేమ కురిపిస్తారు. ఒకరంటే ఒకరు విడిచి ఉండలేనంత కేరింగ్ తీసుకుంటారు. ఇష్టాయిష్టాలను తెలుసుకొని భాగస్వామి మెప్పు పొందాలని ప్రయత్నిస్తారు.

అలాగే ఒకరికి ఒకరు సమయం వెచ్చిస్తూ అనేక విషయాలు సరదాగా చర్చించుకుంటారు. కానీ కొన్నిసార్లు సరదాగా మాట్లాడినవే సీరియస్ అవుతుంటాయి. అందుకే మీ భాగస్వామి దగ్గర కొన్ని విషయాలు ఎప్పటికి మాట్లాడకూడదు అవేంటంటే . .

1. పాత స్నేహాల గురించి మాట్లాడడం: 

మీకు గతంలో ఉండే స్నేహాల గురించి, పరిచయాల గురించి అతిగా మాట్లాడకూడదు. ఒక్కోసారి అది మీ క్యారెక్టర్ పై నెగటివ్ ప్రభావాన్ని చూపించొచ్చు.

2. కుటుంబ సభ్యుల గురించి మాట్లాడడం: 

ఎట్టి పరిస్థితుల్లో కూడా మీ భాగస్వామి దగ్గర వారి కుటుంబ సభ్యుల గురించి తక్కువ చేసి మాట్లాడడం గాని, చెడుగా మాట్లాడడం గాని చేయకూడదు. దీనివల్ల మీ ఇద్దరి మధ్య అనవసరమైన గొడవల ప్రారంభమవుతాయి.

3. ఇతరులతో పోల్చవద్దు:

మీ భార్యను లేదా భర్తను ఇతరులతో అస్సలు పోల్చకూడదు. దీనివలన వారిలో అసూయ, ఈర్ష, కోపం పెరిగిపోతాయి.

4. పాత గొడవలు వదిలేయాలి:

భార్యాభర్తలు అన్నాక చిన్న చిన్న గొడవలు జరుగుతూ ఉంటాయి. వాటిని ఎప్పటికప్పుడు వదిలేయాలి కానీ వాటిని తవ్వుతూ మరింత పెద్దవి చేసుకోకూడదు.

5. చెడు అలవాట్లను మానేయండి:

గతంలో మీకు స్మోకింగ్, డ్రింకింగ్ లాంటి చెడు అలవాట్లు ఉంటే వాటిని వెంటనే మానేయండి. అంతేకానీ వాటి గురించి మీ భాగస్వామి వద్ద చర్చించొద్దు.

6. ఆర్థిక సమస్యలు:

మీ ఆర్థిక సమస్యలకు మీ భాగస్వామిని బాధ్యులను చేయకండి. అవి మీ అంతట మీరే పరిష్కరించుకోండి.

7. లోపాలను ఎత్తిచూపొద్దు:

అదే పనిగా మీ భాగస్వామిలోని లోపాలను ఎత్తి చూపడం మంచిది కాదు. పై విషయాలన్నీ పాటించడం ద్వారా ఆలుమగలు ఎలాంటి మనస్పర్థలు లేకుండా ఆనందంగా జీవించొచ్చు.

ప్రేమ చాలా మధురమైంది.. ప్రేమలో ఉన్నంత కాలం.. స్వర్గంలో ఉన్న ఫీలింగ్ కలుగుతుంది.. ప్రేమ కోసం ఏ చేయడానికైనా సిద్ధం అనేలా తయారు చేస్తుంది. ఒక్కసారి పీకల్లోతు ప్రేమలో మునిగితే చుట్టుపక్కల లోకంతో పనే ఉండదు.. కొందరికి అయితే ఆకలి వేయదు.. నిద్ర రాదు.. ఇలా ప్రేమ ఎంత హ్యాపీగా ఉంచుతుందో.. కానీ విఫలమైతే విషాదం నింపుతోంది.

అయితే కొందరు మాత్రం ప్రేమే జీవితం అనుకోని.. నచ్చిన వ్యక్తి దూరం పెడితే తట్టుకోలేక ఆత్మహత్యే గతి అనుకుంటున్నారు. నిండు నూరేళ్ల జీవితాన్ని ముందే ముగించేసుకుంటున్నారు. అయితే ఇలా ప్రేమ కోసం, ప్రేమించిన వారి కోసం ప్రాణాలు తీసుకొనేవారు ఒక్క క్షణం తన తల్లిదండ్రులు, తోబుట్టువుల గురించి ఆలోచిస్తే వారికీ ఇంత బాధ ఉండదు కదా అంటుంది ఒక అమ్మాయి..

representative image

ప్రేమించిన అమ్మాయితో గొడవ అవ్వడం తో ఆత్మహత్య చేసుకున్న తన తమ్ముడి లా ఎవరు మారొద్దని.. తమ కుటుంబం లా ఎవరు బాధపడకూడదని కోరుకుంటోంది ఈ యువతి.. ఆమె వేదన ఏంటో ఆమె మాటల్లోనే విందాం..

” నా పేరు సత్య, మా ఇంట్లో నేను, అమ్మ, తమ్ముడు కళ్యాణ్ ఉండేవాళ్ళం. నాన్న మేము చిన్నగా ఉన్నప్పుడే మరణించడం తో అమ్మ కస్టపడి తమ్ముడ్ని, నన్ను పెంచింది. అందుకే నేను నా డిగ్రీ పూర్తి కాగానే ఒక ఉద్యోగం చేరిపోయాను. మా తమ్ముడు బాగా చదువుతాడు. వాడికి గ్రూప్స్ రాసి మంచి ఉద్యోగం సంపాదించాలని కోరిక ఉండేది. దానికి తగ్గట్టే కస్టపడి చదివే వాడు. దానికి నేను సహాయం చేస్తూ ఉండేదాన్ని. ఇలా మా జీవితం హ్యాపీ గా గడుస్తున్న సమయం లో ఒక సంఘటన జరిగింది.

మా తమ్ముడు కోచింగ్ తీసుకుంటున్న సెంటర్లోనే ఒక అమ్మాయితో పరిచయం అయ్యింది. ఇద్దరు ఒకరినొకరు బాగా ఇష్టపడ్డారు. ఆ అమ్మాయిని నాకు కూడా పరిచయం చేసాడు. ఏం జరిగినా కూడా చదువు మాత్రం నిర్లక్ష్యం చెయ్యలేదు. ఇంతలో గ్రూప్స్ నోటిఫికేషన్ వచ్చింది. ఇంకా కస్టపడి చదవడం స్టార్ట్ చేసాడు కళ్యాణ్. అయితే ఒక విషయం లో నా తమ్ముడికి, వాడు ప్రేమించిన అమ్మాయికి చిన్న గొడవ జరిగింది. ఒకరితో ఒకరు మాట్లాడుకోవడం మానేశారు.

ఇంతలో నాకు కళ్యాణ్ బిహేవియర్ లో మార్పు కనిపించి ఏమైంది అని అడిగా.. కానీ ఎక్సమ్ టెన్షన్ అంటూ మాట దాటేశాడు. నేను కూడా అదే నిజం అనుకున్నా.. కానీ అదే నేను చేసిన పెద్ద తప్పు.. కొన్ని రోజులకు కళ్యాణ్ తన రూమ్ లో ఫ్యాన్ కి ఉరేసుకున్నాడు. ఒక్కసారిగా అందరం షాక్ అయిపోయాం. నేను, అమ్మ ఈ విషయాన్ని జీర్ణించుకోలేకపోయాం. ఆ తర్వాత నాకు వాడి పరిస్థితి గురించి తెలిసింది.

చిన్న గొడవని.. పెద్దగా ఊహించుకొని ఆ అమ్మాయిని దూరం చేసుకొని చివరికి క్షణికావేశం లో జీవితాన్ని కోల్పోయాడు కళ్యాణ్. కానీ చిన్నప్పటి నుంచి తోడుగా ఉన్న అక్క, మా మీదే ప్రాణాలు పెట్టుకున్న అమ్మ, అలాగే తాను ప్రేమించిన అమ్మాయి గురించి ఆలోచించకుండా ప్రాణాలు తీసుకున్నాడు. ఒక్కసారైనా నాతో కానీ, లేదా వాడు ప్రేమించిన అమ్మాయితో కానీ మనసు విప్పి మాట్లాడి ఉంటే ఇప్పుడు మాకు ఇంత శోకం ఉండేది కాదు.

ప్రతి బంధం లో గొడవలు అనేవి ఉంటాయి. కానీ వాటిని ఎంతవరకు తీసుకోవాలి.. వాటిని ఎలా పరిష్కరించుకోవాలి అన్న దానిపై మన వివేకం ఆధార పది ఉంటుంది. ఎంతో తెలివిగల వాడు అనుకున్నా నా తమ్ముడు ఇంత తెలివితక్కువ పని చేసి మా అందరికి ఇంత బాధని మిగిల్చాడు. నాలాగా ఇంకొకరు బాధపడకూడదు అని నేను కోరుకుంటున్నాను.” అని ఆ యువతి తన జీవితం లో జరిగిన విషాదం గురించి పంచుకుంది.

బిడ్లలను తల్లిదండ్రులు ఎంతో గారాబంగా పెంచుకొని ఉంటారు. తీరా ఆ తల్లిదండ్రులకు అండగా ఉండాల్సిన సమయంలో.. యువత ఆత్మహత్య చేసుకోవడం విష్మయం కలిగిస్తోంది. ఒక్కసారి ఇలాంటి ఆత్మహత్యలు చేసుకునే ముందు యువత ఒకసారి ఆలోచించుకోవాలి.. వారి మీద కుటుంబాలు ఆధారపడి ఉంటాయని గుర్తుంచుకోవాలి. తమని నమ్ముకొని ఒక కుటంబం ఉందని గుర్తుంచుకోవాలి.

కెరటం నా ఆదర్శం… లేచి పడుతున్నందుకు కాదు పడినా లేస్తున్నందుకు.. అని అన్నారు స్వామి వివేకానంద. ఎంతో మందికి వివేకానంద ఆదర్శం. ఆయన నడిచిన మార్గం అద్భుతం. ఆయన నేటికీ నిదర్శనం. భారతదేశాన్ని జాగృతము చేసారు వివేకానంద. అదే విధంగా అమెరికా, ఇంగ్లాండులలో యోగ, వేదాంత శాస్త్రములను ఆయన ఉపన్యాసములతో.. వాదనలతో పరిచయం చేసారు.

ఒక ప్రఖ్యాత ఆధ్యాత్మిక నాయకుడు అయిన స్వామి వివేకానంద జనవరి 12, 1863 న జన్మించారు. జూలై 4, 1902 న మృతి చెందారు. అయితే ఈయన మరణం వెనుక వుండే నిజాలు గురించి చాలా మందికి తెలియవు. మరి ఆయన మరణం గురించి ఆ నిజాలు గురించి చూద్దాం.

నిజానికి చాలా మందికి స్వామి వివేకానంద ఎలా చనిపోయారు ఎందుకు చనిపోయారు అనేది తెలియదు. మరి స్వామి వివేకానంద కి సంబంధించిన ముఖ్యమైన విషయాలు తెలుసుకుందాం.

స్వామి వివేకానంద హిందూ మతం గురించి అవగాహన కల్పించారు. హిందూ మత ప్రాశస్త్యం గురించి ఎన్నో ఉపన్యాసాలు కూడా ఇచ్చారు. భారతదేశం ప్రాచీన ఔన్నత్యాన్ని పొందాలని స్వామి వివేకానంద ఎంతగానో ఎదురుచూశారు. అమెరికాలో ఈయన ప్రసంగానికి చాలా మంది ఆయన శిష్యులు కింద కూడా మారారు.

పాశ్చాత్య దేశాలలోకి అడుగు పెట్టిన మొదటి హిందూ సన్యాసి స్వామి వివేకానంద. భారత దేశం వచ్చాక రామకృష్ణ మఠాన్ని కూడా స్వామి వివేకానంద స్థాపించడం జరిగింది. అయితే 39 ఏళ్లకే స్వామి వివేకానంద మరణించారు.

జూలై 4, 1902 న ఏమైంది..?

స్వామి వివేకానంద ఉదయాన్నే లేచి మూడు గంటలపాటు బేలూరు మఠంలో ధ్యానం చేసారు. శుక్ల యజుర్వేదం, సంస్కృత వ్యాకరణం, ఫిలాసఫీ ఆఫ్ యోగాని విద్యార్థులకు నేర్పించి తర్వాత తోటి ఉద్యోగులతో పాటు రామకృష్ణ మఠానికి వెళ్లారు.

రాత్రి ఏడు గంటల ప్రాంతానికి వివేకానంద ఒంటరిగా గది లోకి వెళ్లారు. ఎవరిని కూడా రావద్దని చెప్పారు. 9:10 కి ధ్యానం చేస్తుండగా మృతి చెందారు స్వామి వివేకానంద. శిష్యులు చెబుతున్న దాన్ని బట్టి చూస్తే మహాసమాధిని వివేకానంద పొందారని మెదడులోని ఒక రక్తనాళం పగిలిపోయి శాశ్వత నిద్రలోకి వెళ్లి పోయారని తెలుస్తోంది. అయితే ఇలా పగలడం వెనక కారణం బ్రహ్మరంధ్రం. మహాసమాధి సమయంలో ఇది జరిగినట్లు తెలుస్తోంది.

వివేకానంద మృతి చెందాక ఆయన దహన సంస్కారాలని రామకృష్ణ దహన సంస్కారాలు చేసిన దానికి ఎదురుగా బేలూరు లోని గంగా నది ఒడ్డున గంధపు చెక్కల చితి పై దహనం చేశారు.

కానీ చిన్న వయస్సులోనే శాశ్వత నిద్రలోకి వెళ్లిపోవడం అందరినీ బాధ పెడుతుంటుంది. పైగా యోగి తమ స్వంత జీవిత కాలాన్ని పొడిగించుకుని ఎక్కువ కాలం జీవించలేరా అని చాలా మంది ఆశ్చర్య పడుతూ వుంటారు. అయితే ఈయన మరణం వెనుక భిన్న అభిప్రాయాలు వున్నాయి. కొందరు మహాసమాధి అంటే కొందరు సాధారణ మరణం అంటారు. వివేకానంద వంటి వాళ్ళ మరణం వెనుక ఒక అపారమైన ఆధ్యాత్మిక వాస్తవికత ఉంటుంది. ఏది ఏమైనా మరణం అనేది జీవితం యొక్క వాస్తవికత.

శ్రీనివాస్ రామానుజన్ గురించి తెలియని వాళ్లు ఉండరు. శ్రీనివాస్ రామానుజన్ గొప్ప గణిత శాస్త్రవేత్త. 20వ శతాబ్దంలో ప్రపంచ ప్రఖ్యాతి గాంచిన గణిత మేధావుల్లో ఈయన కూడా ఒకరు. శ్రీనివాస్ రామానుజన్ చేసిన పరిశోధనలు అప్పట్లో ఎంతో ప్రత్యేకంగా నిలిచాయి.

పట్టువిడవకుండా పరిశోధనలు చేశారు రామానుజన్. 1887 డిసెంబర్ 22న శ్రీనివాస్ రామానుజన్ జన్మించారు. 1920 ఏప్రిల్ 26 న మరణించారు.

శ్రీనివాస్ రామానుజన్ మరణించేటప్పటికి ఆయన వయస్సు కేవలం 33 మాత్రమే. కానీ అంత చిన్నవయసులో చనిపోవడం బాధాకరం. ఇదిలా ఉంటే ఈయన సాధించిన విజయాలకు గుర్తుగా తమిళనాడులో ఆయన జన్మించిన డిసెంబర్ 22ను రాష్ట్ర సాంకేతిక దినోత్సవంగా ప్రకటించడం జరిగింది. అంతే కాక శ్రీనివాస్ రామానుజన్ 75వ పుట్టిన రోజు నాడు తపాలా బిళ్ళను విడుదల చేసారు.

దీనికి గల కారణం సంఖ్యా శాస్త్రంలో శ్రీనివాస రామానుజన్ చేసిన విశేష కృషే. అలానే అప్పటి ప్రధానమంత్రి మన్మోహన్ సింగ్ అయితే 2012లో రామానుజన్ బర్త్ డే ని జాతీయ గణిత దినోత్సవంగా మార్చారు. 125వ జయంతి కి అయితే భారత ప్రభుత్వం జాతీయ గణితశాస్త్ర సంవత్సరంగా ప్రకటించడం జరిగింది.

ఓ సారి రామానుజన్ కి ఈ సంఘటన ఎదురైంది. అదేంటంటే.. ఇంగ్లాండ్ వెళ్లేముందు వాళ్ళ అమ్మగారు వెళ్లొద్దని ఆయనకి చెప్పారు. సముద్రం దాటి వెళ్లడం మంచిది కాదని సంస్కృతికి విరుద్ధమని చెప్పారట. పైగా ఇక్కడ ఏదో పని చేసుకుని ఉండిపొమ్మని ఆయనకి చెప్పారు. కానీ ఆయన వినలేదు.

ఆఖరికి తన మాటే నెగ్గించుకుని ఇంగ్లాండ్ వెళ్లి ప్రొఫెసర్ హార్డీ తో ఆయన యొక్క మేధస్సును ప్రపంచానికి చాటి చెప్పారు. కానీ కొన్ని సంవత్సరాలకి అనారోగ్యంతో మరణించారు. దీనికి గల కారణం ఏమిటంటే సంస్కృతి. ఇంగ్లాండ్లో శాఖాహారం దొరికేది కాదు. ఆచారం ప్రకారం రామానుజన్ మాంసాన్ని ముట్టకూడదు. మాంసం తినకుండా ఆరోగ్యం పాడైపోతున్నా సరే పస్తులు ఉన్నారు. ఏమాత్రం మాంసాహారం తినే వారు కాదు. శాఖాహారం చూస్తే దొరికేది కాదు. చావనైనా చచ్చిపోతాను కానీ మాంసాహారాన్ని తీసుకోనని రామానుజన్ అలానే అనుసరించి 33 ఏళ్లకే చనిపోయారు.

ప్రతీ మనిషి జీవితంలో కుటుంబం చాలా ముఖ్యం.తల్లి కడుపులో నుండి బయటకి వచ్చిన దగ్గరనుండీ, అక్క చెళ్ళెళ్ళు, అన్న దమ్ములు, భార్య ఇలా పలు రూపాలలో మనిషి జీవితం లో కుటుంబం ఒక ముఖ్య భూమిక పోషిస్తుంది. మనిషి కష్ట సుఖాలలో తోడుండేది కుటుంబమే, ఒక్క మాటలో చెప్పాలంటే కుటుంబ సభ్యులే ప్రతీ మనిషికీ మొట్టమొదట పరిచయమయ్యే వ్యక్తులు.

అయితే కొన్ని కారణాల వల్ల ఉమ్మడి కుటుంబాలు చాలా మందికి ఒక సమస్య గా లేదా భారంగా పరిణమించాయి. వాటికి ఎన్నో కారణాలు ఉన్నాయి. అయితే మన జీవితం లో ఎన్నో కష్టాలు ఎదురవుతూ ఉంటాయి.. వాటిని దాటుకుంటూ ముందుకు సాగుతూ ఉంటాం. అయితే కొన్ని కష్టాలకు మన సొంత వారే కారణం అయినపుడు అది మనకు ఇంకా బాధని కలిగిస్తుంది.

ఇటువంటి సందర్భాల్లో వాటిని ఎలా ఎదుర్కోవాలో ఇప్పుడు చూద్దాం..

#1 నాణేనికి రెండు వైపులా ఆలోచించడం

ప్రతి విషయానికి రెండుకోణాలు ఉంటాయి. మంచి.. చెడు.. లాగే. అందుకే ప్రతి విషయాన్నీ అవతలి వారు చెప్పే కోణం లో కూడా ఆలోచించాలి. అందుకే మనకి నచ్చిన కోణం లో కాకుండా సరైనది ఎదో ఆ మార్గాన్నే మనం ఎంచుకోవాలి. ఎందుకు నా సొంతవారే ఇలా నన్ను తప్పు పడుతున్నారు అని బాధ పడటం మానెయ్యాలి.

#2 పరిస్థితులని అర్థం చేసుకోవాలి..

మనం ఏదైనా కొలను లోకి దిగినప్పుడు చేపలు మనల్ని కొరుకుతూ ఉంటాయి. అవి మనకు హాని చేస్తున్నాయి అనుకుంటాం కానీ.. అవి మన చర్మం పై ఉన్న మృతకణాలను శుభ్రం చేస్తాయి.. అలాగే మన ఇంట్లో వాళ్ళు కూడా మనకి మంచి చెయ్యాలని చూస్తే మనం వారిని అపార్థం చేసుకొనే అవకాశం ఉంది. అందుకే పరిస్థితులని అర్థం చేసుకోవడం ముఖ్యం..

#3 స్వభావాలను తెలుసుకోవాలి..

ప్రతి మనిషి వారికీ నచ్చినట్లు ప్రవర్థించడం వారి సహజ స్వభావం. మనకి కొంత మంచి వల్ల ఇబ్బంది ఉన్నట్లే.. మన వల్ల కూడా కొందరికి ఇబ్బందులు ఉంటాయి. కానీ మన సొంత వారు మనలోని తప్పులను చెప్పి ఇతరుల్లో మనం చులకన కాకుండా చూస్తారు. అందుకే మనం వారు చెప్పే విధానం లో తప్పులు ఎంచకుండా.. వారు ఏం చెప్తున్నారో తెలుసుకోవాలి.

#4 ఎదుటి వారి స్థానం లో ఉండి ఆలోచించడం

ఒకరిని మార్చడం మన చేతిలో లేనపుడు.. ఆ పరిస్థితిని చక్క దిద్దే నేర్పు మనలో ఉండాలి. బాధ పడటం వల్ల ఉపయోగం ఉండదు. దాని వల్ల సమస్యకి పరిష్కారం దొరకదు. అందుకే ఆ పరిస్థితిని వేరే వారి కోణం లో ఉండి చూడటం నేర్చుకోవాలి. అప్పుడే మనకి అవగాహనా, మానసిక స్థిరత్వం వస్తుంది.

#5 అన్నిటికి సిద్దపడి ఉండటం

ముందుగా మనం మన మైండ్ ని అన్నిటికి సిద్ధం చేసుకోవాలి. మన ఆలోచనలే మన చేతలను ప్రభావితం చేస్తాయి. అందుకే పాజిటివ్ గా ఆలోచించడం నేర్చుకోవాలి. మనం బాధ పడుతున్నాం అని ఎదుటి వారు మనకి నచ్చినట్లు మాట్లాడరు. అందుకే మనం స్ట్రాంగ్ గా ఉండాలి.

#6 అంచనాలు పెట్టుకోకూడదు

ఎటువంటి ఎక్సపెక్టషన్స్ పెట్టుకోకుండా మనం చెయ్యాల్సిన పనిని పూర్తి చెయ్యాలి. అప్పుడే మనకి మంచి ఫలితాలు వస్తాయి. అందుకే ఏ విషయం గురించి ఎక్సపెక్టషన్స్ పెట్టుకోకూడదు. మన భాగస్వామి లేక తోబుట్టువు మారాలి అని ఆశించకుండా మనం చేసే పనిని మంచి గా చెయ్యాలి.

#7 కుటుంబమే మన బలం

మన ఆలోచనలు ఎప్పుడు పాజిటివ్ గా ఉండాలి. అప్పుడే మనకి కావాల్సిన వారు చెప్పే విషయాలను అర్థం చేసుకోగలం. వారు కాస్త రూడ్ గా చెప్పినా.. ఆ విషయాలు మన మంచి కోసమే అని తెలుసుకోవాలి.

#8 మంచి అలవాట్లు అలవరచుకోండి

నచ్చిన పనులో.. లేక మంచి జీవన శైలిని అలవరచుకోవడం వల్ల మనకు నెగటివ్ ఆలోచనలు రాకుండా ప్రతిదీ అర్థవంతం గా కనిపిస్తుంది. అప్పుడు మన వాళ్ళు చెప్పే మంచి మంకు అర్థం అవుతుంది.