Human angle

లేడీస్ ఫస్ట్.. ఈ మాట తరచూ మనం వింటూనే ఉంటాం. ఏదైనా చేయాలి అన్నా, ఎక్కడికైనా వెళ్ళాలి అన్నా, ఏదైనా చెప్పాలి అన్నా.. ఎవరు ముందు అనే మీమాంసలో ఉంటే వెంటనే లేడీస్ ఫస్ట్ అంటారు. ఇన్నీ విషయాల్లో లేడీస్ ఫస్ట్ అంటూ ఉంటారు కానీ ఇంట్లో మాత్రం ఇందుకు పూర్తి భిన్నంగా ఉంటుంది.

ఇంట్లో అందరూ తిన్నాకే అమ్మ తింటుంది. అందరూ పడుకున్నాకే అన్నీ సర్ది అమ్మ పడుకుంటుంది. అందుకే అమ్మ గురించి ఓ గొప్ప మాట ఉంది. “తినవలసిన వ్యక్తులు నలుగురు ఉన్నప్పుడు, తినడానికి 3 రొట్టెలే ఉన్నప్పుడు.. నాకు ఆకలిగా లేదు అనే మొదటి వ్యక్తి అమ్మే”.

అందుకేనేమో ఇంట్లో ఆడవాళ్లు అందరూ తిన్నాక మిగిలింది తింటారు. అందరూ ప్రశాంతంగా పడుకున్నారు అని తను నిశ్చయించుకొన్నాకే చివరికి పడుకుంటారు.ఇంట్లో ఉండే ఆడవారంటే అనేకమందికి అదో రకమైన చులకన భావం ఉంటుంది. భర్త బయట కష్టపడి సంపాదిస్తే.. ఇంట్లో ఖాళీగా కూర్చోని తింటుంటారు అన్నట్టు ఉంటుంది వాళ్ళ వాలకం. కానీ ఇంట్లో క్షణం తీరిక లేకుండా గడిపేది వాళ్లే అని గుర్తించరు. వాళ్ళ ఆకలిని, ఆరోగ్యాన్ని సైతం లెక్క చేయకుండా మనకు అన్ని సమకూర్చి పెడతారు వాళ్ళు.

మన ఇంట్లో అన్నీ సజావుగా సాగుతున్నాయి అంటే దానికి కారణం వాళ్లే అని ఎవరు గుర్తించకపోగా సూటిపోటి మాటలతో వారిని బాధిస్తాం. ఇంత చేసినా తిరిగి మన నుంచి ఏం ఆశించరు. కనీసం “నువ్వు తిన్నావా” అని అడిగే వారు కూడా తక్కువే మనలో. మళ్లీ దీనికి మన సంస్కృతి.. సంప్రదాయం అని కలరింగ్ ఇస్తాం. అయితే ఇదే విషయాన్ని ప్రస్తావిస్తూ ట్విట్టర్ యూజర్ అన్షిక అన్నింట్లో లేడీస్ ఫస్ట్ అంటారు కానీ మా అమ్మ మాత్రం లాస్ట్ కే తింటుంది అని పోస్ట్ చేసారు.

దీనికి అనేక మంది నెటిజన్లు స్పందిస్తూ.. అది తల్లికి పిల్లలపై ఉండే ప్రేమ అని కొందరంటే.. కుటుంబం పట్ల బాధ్యత అని మరికొందరు కామెంట్ చేశారు. కొందరు ఇది పితృస్వామ్య కట్టుబాట్లలో భాగం అని అంగీకరించారు. ఇంకొందరు మాత్రం ఇది పబ్లిక్ గా చర్చించడం ఏంటని అన్షికను విమర్శిస్తున్నారు. ఏది ఏమైనప్పటికీ కొన్ని మాటలు బయట ఆదర్శలకే కానీ ఇంట్లో ఆచరణకు పనికిరావు అని మనం అర్ధం చేసుకోవాలి.

NOTE: images used in this article are just for representative purpose. But not the actual characters.

ఎంతో మందికి ఆదర్శం అయిన వ్యక్తుల్లో సుధా మూర్తి ఒకరు. సుధా మూర్తి మంచి రచయిత కూడా అనే విషయం మనందరికీ తెలుసు. మహాశ్వేత, డాలర్ బహు, ద బర్డ్ విత్ గోల్డెన్ వింగ్స్, వైస్ అదర్ వైస్, ద మదర్ ఐ నెవర్ న్యూ తో పాటు ఇంకా ఎన్నో పుస్తకాలను రచించారు సుధా మూర్తి. సుధా మూర్తి రచించిన త్రీ థౌజండ్ స్టిచెస్ అనే పుస్తకం 2017 లో విడుదలైంది.

ఈ పుస్తకంలో తన వ్యక్తిగత జీవితానికి సంబంధించిన విషయాలను షేర్ చేశారు సుధా మూర్తి. ఈ బుక్ లో తను ఎయిర్ పోర్ట్ లో ఎదుర్కొన్న ఒక సంఘటన గురించి చెప్పారు. ఒకసారి సుధా మూర్తి లండన్ నుండి బెంగళూరు వెళ్లటానికి బిజినెస్ క్లాస్ టికెట్ బుక్ చేసుకున్నారు. లండన్ లోని హిత్రూ ఎయిర్ పోర్ట్ లో ఈ సంఘటన జరిగింది. సుధా మూర్తి ఇండో వెస్ట్రన్ స్టైల్ లో డ్రెస్ అయ్యి ఉన్నారు.

బోర్డింగ్ పాస్ తీసుకొని ఏరోప్లేన్ ఎక్కడానికి లైన్ లో నిలబడి ఉన్నప్పుడు సుధా మూర్తి ముందు ఒక ఇండియన్ ఆవిడ ఉన్నారు. ఆవిడ చాలా మోడ్రన్ గా రెడీ అయ్యి ఉన్నారు. సుధా మూర్తి వెనకాల కూడా తన ముందున్న ఆవిడ ఫ్రెండ్ ఉన్నారు. సుధా మూర్తి ముందున్నావిడ సుధా మూర్తిని చూసి బోర్డింగ్ పాస్ చూపించమని అడిగారు. అందుకు సుధా మూర్తి ఎందుకు అని అడగగా, “మీరు ఎక్కాల్సిన క్లాస్ ఇది కాదు. ఎకానమీ క్లాస్. ఇది బిజినెస్ క్లాస్” అని అన్నారు ఆ మహిళ.

అందుకు సుధా మూర్తి “బిజినెస్ క్లాస్ కి, ఎకానమీ క్లాస్ కి తేడా ఏంటి?” అని తెలియనట్టుగా అడిగారు. దీనికి ముందు ఉన్న ఆవిడ బిజినెస్ క్లాస్ అంటే ఏంటో చెప్పి సుధా మూర్తి ని ఎకానమీ క్లాస్ లైన్ లో నిల్చోమని చెప్పారు. కానీ సుధా మూర్తి ఆవిడ మాటలు పట్టించుకోకపోవడంతో ,ఆ ముందున్న ఆవిడ సుధా మూర్తి వెనక ఉన్న ఆవిడతో వీళ్ళు ఇంతే ఎంత చెప్పినా వినరు అని అన్నారు. బోర్డింగ్ పాస్ చూపించే సమయానికి ఆ ఇద్దరు మహిళలు అక్కడే నుంచుని అధికారులు ఏమంటారో అని ఎదురుచూడసాగారు.

కానీ సుధా మూర్తి తన బోర్డింగ్ పాస్ చూపించడంతో వాళ్ళిద్దరూ షాకయ్యారు. తర్వాత లోపలికి వెళ్ళిన సుధామూర్తి ఆ ఇద్దరు మహిళలతో నేను ఊరి మహిళ అయ్యి ఉండవచ్చు కానీ మీరు మాత్రం క్లాస్ వాళ్ళు కాదు. ఒక మనిషికి క్లాస్ అనేది డబ్బులను బట్టి రాదు. చేసే మంచి పనులతో వస్తుంది అని చెప్పి అక్కడి నుంచి వెళ్ళిపోయారు.

ఇలా సుధా మూర్తి ఒక్కరికే కాదు. మనిషి కనిపించే విధానాన్ని చూసి అంచనా వేయడం అనేది మనం కూడా చూస్తూనే ఉంటాం.మనమందరం ఈ సమస్యను ఎదుర్కొంటున్నా కూడా మనలో చాలా మంది దీనిని ఇగ్నోర్ చేస్తూ ఉంటాం. కొంత మంది మాత్రమే వాళ్ళకి తిరిగి ఎదురు చెప్పగలుగుతారు.

అంబెడ్కర్.. ఎవరికీ పరిచయం అవసరం లేని పేరు. ఆయన భారతీయ న్యాయవాది, రాజకీయ నేత, ఆర్థిక శాస్త్రవేత్త. ఆయన కులాన్ని నిర్ములించడానికి ఎంతగానో కృషి చేశారన్న సంగతి తెలిసిందే. అయితే.. చాలా మందికి ఆయన వ్యక్తిగత జీవితం గురించి తెలియదు. ఈ ఆర్టికల్ లో డాక్టర్ అంబెడ్కర్ గారి రెండవ పెళ్లి స్టోరీని తెలుసుకుందాం. బిబిసి కధనం ప్రకారం.. ముంబైలోని వైల్ పార్లే ప్రాంతంలో నివసించే డాక్టర్ ఎస్. రావు అంబెడ్కర్ కు అత్యంత సన్నిహితుడు. అంబెడ్కర్ ముంబై వెళ్ళినప్పుడల్లా ఆయనను కలుస్తూ ఉండేవారు.

డాక్టర్ ఎస్. రావు కు ఉన్న కూతుర్లకు శారద అనే ఓ స్నేహితురాలు ఉండేవారు. వారిది కబీర్ కుటుంబం. కబీర్ కుటుంబానికి, డాక్టర్ ఎస్. రావు కుటుంబానికి సన్నిహిత సంబంధాలు ఉండేవి. రెండు కుటుంబాల మధ్య రాకపోకలు కూడా ఉండేవి. ఈ క్రమంలోనే శారద కబీర్ కు అంబెడ్కర్ తో పరిచయం ఏర్పడింది. శారద కబీర్ తండ్రి కృష్ణారావు వినాయక్‌రావు కబీర్ కు శారదతో కలిపి ఎనిమిది మంది సంతానం ఉన్నారు. అంబెడ్కర్ కార్మిక మంత్రిగా ఉన్నప్పుడే శారద పరిచయం అయ్యారు.

శారద తన కూతురి స్నేహితురాలిని, తెలివైన అమ్మాయని, ఎంబిబిఎస్ చదివిన డాక్టర్ అని డా.ఎస్ రావు పేర్కొన్నారు. ఆమె పేరు శారు అయినా పెళ్లి అయిన తరువాత మాత్రం ఆమె తన పేరుని సవిత అంబెడ్కర్ గా మార్చుకున్నారు. డాక్టర్ మాల్యాంకర్ వద్ద ఆమె సహాయక డాక్టర్ గా పని చేసేవారు. మరో వైపు.. అంబెడ్కర్ తన అనారోగ్యాల కారణంగా మాల్యాంకర్ క్లినిక్ ను సందర్శిస్తూ ఉండేవారు. మాల్యాంకర్ క్లినిక్ ను సందర్శించాల్సిందిగా అంబెడ్కర్ కు డా.ఎస్ రావు సిఫారసు చేస్తారు.

ఈ క్రమంలో మాల్యాంకర్ క్లినిక్ వద్ద అంబెడ్కర్ కు శారదాతో పరిచయం మరింత ముందుకు సాగింది. అంబెడ్కర్ అణగారిన వర్గాల కోసం తన గొంతుని వినిపిస్తూ.. తన ఆరోగ్యం గురించి పట్టించుకోలేదు. దీనితో తరచూ అనారోగ్యం బారిన పడుతూ ఉండేవారు.. అంబెడ్కర్ ను పరిశీలించిన మాల్యాంకర్ ఆయనకు బీపీ, మధుమేహం, కీళ్లనొప్పులు, తిమ్మిర్లు ఉన్నట్లు గుర్తించారు. అప్పటికి అంబెడ్కర్ కు వివాహం అయింది. ఆయన మొదటి భార్య రమాబాయి. కానీ, ఆమె 1935 లోనే మరణించారు. అప్పటి నుంచే అంబెడ్కర్ ఒంటరిగానే ఉన్నారు.

ఆ తరువాత తన అనారోగ్యాన్ని దృష్టిలో ఉంచుకొని.. తాను చేయాల్సిన పనులు చాలా ఉన్నాయని భావించి.. తన జీవితానికో తోడు ఉంటె బాగుండని అనుకున్నారు. ఆ తోడు శారద అయితే బాగుంటుందనుకున్నారు. అందుకే ఆయన శారదకు ఈ విషయాన్నీ ప్రస్తావించారు. ఆమెకు ఓ ప్రేమ లేఖను కూడా పంపించారు.. ఈ ప్రేమ లేఖను “ప్రియమైన శారూ అని ప్రారంభించి.. ప్రేమతో నీ రాజా..” అని ముగించారు. నాతొ పాటు ఓ సహచరి ఉండాలని నన్ను అభిమానించే జనం.. నా సన్నిహితులు అంటూ ఉంటారు. నాకు నచ్చే, నాతో ఉండగలిగే మహిళా దొరకడం కష్టం.

అది నువ్వు అయితే బాగుంటుందని అనుకుంటున్నా.. మనిద్దరి మధ్య ఉన్న వయసు వ్యత్యాసాన్ని, నా అనారోగ్య సమస్యలని దృష్టిలో ఉంచుకుని నన్ను కాదన్నా.. నేను చింతించను..” అని అంబెడ్కర్ ప్రేమ లేఖలో రాసారు. అయితే.. శారద మొదట ఆశ్చర్యపోయినా డాక్టర్ మాల్యాంకర్ ను, తన సోదరుడిని అడిగి చివరకు అంబెడ్కర్ ను పెళ్లి చేసుకోవడానికే నిశ్చయించుకున్నారు. శారద తన అంగీకారం తెలిపిన తరువాత అంబెడ్కర్ ఆమెకోసం ఓ బంగారు నెక్లెస్ ను కూడా బహుకరించారు. వీరు మొదట ముంబై లోనే పెళ్లి చేసుకోవాలని అనుకున్నా.. అనుకోని కారణాల వలన వీరి పెళ్లి ఢిల్లీ లో కొనసాగింది. వీరి విశేషాలను మాయి సాహెబ్ తన ఆత్మకథ అయిన “డాక్టర్ అంబేడ్కరాంచ్య సాహావాసాత్” (అంబెడ్కర్ తో నా జీవితం) లో రాసుకున్నారు.

తల్లి కూతుర్ల అనుభవం అనేది ఎంతో అపూర్వమైనది. ఆడబిడ్డకు ఏ చిన్న లోటు జరిగినా ఆ తల్లి తట్టుకోలేక పోతుంది. బిడ్డకు చిన్న దెబ్బ తగిలినా ఆ తల్లి గుండె విలవిల్లాడిపోతుంది. మాతృమూర్తి ప్రేమ అంత గొప్పది. తల్లి ప్రేమకు ఎలాంటి విలువ కట్టలేము.

పెళ్లి చేసి అత్తారింటికి పంపించిన తర్వాత కూడా తన బిడ్డ సంతోషంగా ఉండాలని కోరుకుంటుంది తల్లి. కొంతమంది తల్లులు అధిక ప్రేమ వల్ల ఒక్కోసారి ఆ బిడ్డకు లేనిపోని చిక్కులు తెచ్చిపెడుతుంది. ఆ తల్లీ బిడ్డల మధ్య సరైన అనుబంధ అవగాహన ఉండకపోవచ్చు.

ఓ ఆడబిడ్డ కు వివాహం చేసి అత్తవారింటికి పంపించారు. ఆడబిడ్డ అక్కడ అందరితో అన్యోన్యంగా మెలుగుతూ సుఖంగా జీవిస్తుంది. అమ్మ కంటే ఎక్కువ ప్రేమగా అత్తగారిని చూసుకుంటుంది. ఇటీవల కాలంలో అత్తాకోడళ్ల మధ్య అన్యోన్యత చాలా తక్కువ అనేది మనకు తెలిసిన విషయమే. ఇందుకు ఉదాహరణ ఇప్పుడు మనం తెసుకోబోయే కథ

అమ్మ కంటే ఎక్కువగా అత్తగారి మీద ప్రేమ పెంచుకుంది అంటే వాళ్ళిద్దరూ బంధం ఏ విధంగా ఉందో తెలుస్తుంది. అమ్మ మా అత్త గారి ఇంటికి వచ్చినప్పుడు నా గురించి ప్రతి విషయం చెబుతు ఉంటే నాకు కొంచెం భయం వేస్తోంది. పొరపాటున చెప్పకూడని ఏ విషయమైనా చెపుతుందేమో.. అమ్మ చెప్పే విషయాల వల్ల మా అత్తగారు నన్ను తప్పుగా అర్థం చేసుకుంటారు ఏమో అనిపిస్తుంది. దీని వలన మా అత్తగారికి నాకు ఉన్న మధ్య అనుబంధం దూరం అవుతుందేమో అనిపిస్తుంది. అమ్మ ఇలా చేయడం నాకు నచ్చటం లేదు .

మా అత్తా కోడళ్ళ మధ్య అనుబంధాన్ని ఎలా కాపాడుకోవాలి. అమ్మ వ్యక్తిత్వం గురించి అత్తగారికి క్లియర్ గా చెప్పడం మంచిదా. లేక అత్త గారికి నాకు మధ్య జరుగుతున్న సంభాషణ గురించి అమ్మకి ప్రతి విషయం ఫోన్లో చెప్పకపోవడం మంచిదా.. అమ్మ మా ఇద్దరి మధ్య ఉన్న మంచి సంబంధాన్ని చెడగొట్టడానికి చూస్తుంది అని నాకు అనిపిస్తుంది. మా ఇంటి లోని జరిగే ప్రతి విషయం నుంచి అమ్మని దూరంగా ఉండడమే మంచిది అని నాకు అనిపిస్తుంది. అమ్మని హద్దులో ఉంచడం ద్వారా మా అత్తా కోడలు అనుబంధం దృఢంగా ఉంటుంది అనిపిస్తుంది నాకు.

NOTE: images used in this article are just for representative purpose. But not the actual characters.

సాధించాలనే పట్టుదల ఉండాలే గానీ వయసుతో సంబంధం లేదు. జీవితంలో ఎదురయ్యే ఎన్నో సమస్యలను సమయస్ఫూర్తితో పోరాడుతూ ముందుకు సాగిపోవాలి. తన కూతురికి ఎదురైన సమస్యలను వేళ్ళతో సహా పీకి పారేయడానికి  ఈ వృద్ధ జంట నడుంబిగించింది. వీరు చేసిన ఈ వినూత్న ప్రయత్నం ఒక స్టార్టప్ కంపెనీగా ప్రారంభమైంది. భావితరాలకు ఆదర్శంగా నిలుస్తోంది.

సూరత్ కి చెందిన రాధాకృష్ణ మరియు శకుంతల దంపతులు దాదాపు 50 ఏళ్ల పాటు కుటుంబ వ్యాపార వ్యవహారాలను చూసుకునే 2010లో రిటైర్ అయ్యారు.

ఈ చౌదరి దంపతుల కుమార్తె జుట్టు బాగా ఓడిపోయి అనేక ఇబ్బందులతో సతమతమవుతున్నారు. ఎన్ని ప్రయత్నాలు చేసినా జుట్టు ఉండటం అనేది తగ్గటం లేదు. ఆమె మనసులో వేదనను తల్లిదండ్రులతో వెల్లడించింది. కూతురి బాధని చూడలేని ఆ వృద్ధ దంపతులు దాదాపు సంవత్సరం పాటు ఆ జుట్టు ఉండటానికి గల కారణాలు ఏంటి? ఎందువలన ఈ విధంగా జరుగుతుంది అని వెబ్ సైట్స్ లో పరిశోధించడం మొదలుపెట్టారు. ఎన్నో అధ్యయనాలు చేశారు.

స్త్రీలలో ఈస్ట్రోజెన్ హార్మోన్స్ స్థాయిల అసమతుల్యత  వలన ఈ విధంగా జరుగుతుంది అని గ్రహించారు. ఈ హార్మోన్ సక్రమంగా పనిచేయడం కోసం ఇంటర్నెట్ లో అనేక విషయాలను శోధించి ఒక పరిష్కారాన్ని కనుగొన్నారు. వారే సొంతంగా ఆయిల్ తయారు చేయడానికి నడుం బిగించారు. అనేక పరిశోధనలు చేసిన తర్వాత ఆముదం, కొబ్బరి నూనె, నువ్వుల నూనె ఇలా 50 రకాల మూలికలు ఉపయోగించి హెయిర్ ఆయిల్ తయారు చేశారు. ఇలా తయారు చేసిన నూనెను తన కుమార్తెకు ఇవ్వగా, ఆమె జుట్టు ఊడటం ఆగిపోయి ఒత్తుగా పెరగడం మొదలైంది.

తమ సన్నిహితులు కూడా ఇచ్చి వాడమని చెప్పారు. మూడు నెలల పరిశోధన అనంతరం హెయిర్ ఆయిల్ వాడిన వారికి ఫలితాలు రావడంతో అవిమీ హెర్బల్ పేరుతో హెయిర్ ఆయిల్ స్టార్టప్ కంపెనీని ప్రారంభించారు. 85 సంవత్సరాల వయస్సులో కూడా మనిషి సాధ్యంకానిది  ఏమీ లేదంటూ ఈ తరానికి ఆదర్శంగా నిలిచారు ఈ వృద్ధ జంట.

ఈ మధ్య కాలం లో ఫ్యాషన్ ప్రపంచం విస్తృతం గా పెరుగుతోంది. వస్త్ర ధారణ లో ఎన్నో మార్పులు చోటు చేసుకున్నాయి. ఈ క్రమం లో ఆడవారు అయినా, మగవారు అయినా ట్రెండీ గా కనిపించాలని కోరుకుంటున్నారు.

ఈ క్రమం లో మగవారి వస్త్రధారణపై కంటే.. ఆడవారి వస్త్రధారణపై ఎక్కువ గా విమర్శలు, జడ్జిమెంట్ లు కనిపిస్తున్నాయి.

representative image

ఆడవారి వస్త్రధారణలో టాప్స్ రెగ్యులర్ వేర్ గా ప్రాచుర్యం పొందాయి. వీటిని లెగ్గింగ్స్ తో జత చేసి వేసుకుంటూ ఉంటారు. ఇవి చూడడానికి పంజాబీ మోడల్ లా ఉన్నప్పటికీ.. వీటికి చున్నీలు లేదా దుపట్టాలు ఉండవు. ఇటీవల వచ్చిన ఈ మోడల్ ను ధరిస్తున్న ఆడవారు ఎవరు వీటిపై చున్నీలను కానీ, దుపట్టాలను కానీ వేసుకోవడం లేదు. ట్రెండీ లుక్ కోసం కొందరు వీటికి జాకెట్ లను జత చేస్తున్నారు.

representative image

అయితే.. ఈ మధ్య ఆడవారు ఎందుకు చున్నీలు వేసుకోవడం లేదు అన్న ప్రశ్నకు లలిత అనే కోరా యూజర్ దిమ్మ తిరిగే సమాధానం ఇచ్చారు. “నాకు సౌకర్యం గా అనిపించదు కాబట్టే నేను వేసుకోను.. నాకు పదహారేళ్ళ వయసు ఉన్న సమయం లోనే నేను చున్నీ వేసుకున్నప్పుడు, మా అమ్మ చెయ్యి పట్టుకుని నడుస్తున్న రోజులలో కూడా దరిద్రులు చూసే చూపుల్ని సహించాను..

representative image

నాకు 21 సంవత్సరాల వయసు వచ్చాకా.. కలియుగ దైవం వేంకటేశుడు వెలసిన పుణ్యక్షేత్రం తిరుపతి లో గుండు కొట్టించుకున్న తరువాత కూడా కొందరు నికృష్టుల కళ్ళు నన్ను దహించేస్తూ చూశాయి. కానీ, ఇప్పుడు నేను చున్నీ వేసుకున్నా.. వేసుకోకపోయినా నా దగ్గర ఎవరూ ఎలాంటి వెధవ వేషాలు వెయ్యరు. ఎందుకంటే.. అప్పుడు నాలో లేనిది.. ఇప్పుడు నాలో ఉన్నది ఒకటే..”ధైర్యం”.

representative image

నా చుట్టూ ఉన్న వాళ్ళల్లో ఏ దరిద్రుడు ఏ చూపుతో నన్ను చూస్తున్నాడో తెలుసుకోగల “తెలివితేటలూ:.. వాళ్ళని తిప్పికొట్టగల “సామర్ధ్యం”.. ఇవే నన్ను ఈరోజు ఇంత ధైర్యం గా సమస్యలను ఎదుర్కొనగలిగేలా చేస్తున్నాయి. మీకు వీలయితే ఆడవారికి ధైర్యం చెప్పండి.. ఇవేమి చేతకాక వస్త్రధారణ, సంప్రదాయం పేరిట ఆడవారికి నియమాలు పెట్టడం వలన ఉపయోగం ఉండదు.. దానికి బదులు కరాటే నేర్పించినా అంతో ఇంతో ఉపయోగం ఉంటుంది..” అంటూ ఆమె సమాధానం ఇచ్చారు.

Note: all the images used in this article are just for representative purpose. But not the actual characters

గత కొన్ని రోజులుగా సోషల్ మీడియాలో ఓ రేంజ్ లో ఈ అమ్మాయి గురించి పోస్ట్ లు వైరల్ అవుతున్నాయి. అంబానీకి కాబోయే కోడలు ఇటీవలే భరత నాట్యంలో అరంగ్రేటం చేసారు. ఈ వేడుకకు పలువురు రాజకీయ, క్రీడా ప్రముఖులు హాజరు అయ్యారు. దీనితో.. ఒక్కసారిగా మీడియా చూపు ఆమె వైపు పడింది.

అంబానీ దేశ ధనికుల్లో ఒకరన్న సంగతి తెలిసిందే. 99.7 బిలియన్ డాలర్ల  సంపద కలిగి.. ఆసియాలోనే అత్యంత ధనవంతుడిగా అంబానీ నిలిచారు. మరోవైపు ప్రపంచ కుబేరుల జాబితాలో కూడా ఎనిమిదవ స్థానంలో ఉన్నారు.

తాజాగా అంబానీ కుటుంబంలోకి మరో కొత్త వ్యక్తి రాబోతున్నారు. ఆమె ఎవరో కాదు. రాధికా మర్చంట్. అంబానీ చిన్న కొడుకు అనంత్ అంబానీని ఆమె త్వరలోనే వివాహం చేసుకోనున్నారట. త్వరలోనే రాధికా అంబానీ కుటుంబంలోకి కోడలిగా అడుగు పెట్టబోతున్నారు. ఈ క్రమంలో ఈ రాధికా మర్చంట్ ఎవరు అన్న చర్చ సోషల్ మీడియాలో జోరుగా సాగుతోంది. ఎన్‌కోర్ హెల్త్‌కేర్ సీఈఓ విరెన్ మర్చంట్, శైలా మర్చంట్ ల కూతురే రాధికా మర్చంట్.

ఆమె తన పాఠశాల విద్యను ముంబైలో పూర్తి చేసుకున్నారు. ఆ తరువాత న్యూయార్క్ లో పాలిటిక్స్, ఎకనామిక్స్‌లో డిగ్రీ చదువుని పూర్తి చేసారు. విరేన్ మర్చెంట్ కుటుంబానికి అంబానీ కుటుంబంతో చాలా కాలం గానే పరిచయాలు ఉన్నాయి. 2018 లో ముకేశ్ అంబానీ కూతురు ఈషా అంబానీ వివాహ వేడుక జరిగిన సంగతి తెలిసిందే. ఆ సందర్భంగా రాధికా మర్చంట్ కూడా వేడుకల్లో సందడి చేసారు. రాధికా మర్చంట్ కు శాస్త్రీయ నృత్యం అంటే ఇష్టం ఉంది.

ఆ ఇష్టం తోనే ఆమె శ్రీ నిభా ఆర్ట్స్ లో గురు భావనా ​​థాకర్ ఆధ్వర్యంలో భారత శాస్త్రీయ నృత్యాన్ని అభ్యసించారు. తాజాగా.. అత్తమామల సమక్షంలో భరతనాట్యం లో అరంగ్రేటం చేసారు. దీనితో ఒక్కసారిగా రాధికా మర్చంట్ ఫేమ్ లోకి వచ్చారు.

ఎన్నో ఆటంకాలు వచ్చినా ఆత్మస్థైర్యంతో ముందుకు వెళ్ళచ్చు అనుకుంటాం. మానసికంగా ఏమైనా సమస్యలు ఉన్నా వాటిని మన సంకల్పబలంతోనో.. మనోధైర్యంతోనో మనం అధిగమించవచ్చు. మరి శారీరక సమస్యల పరిస్థితి ఏంటి..? కొంతమంది పుట్టుకతోనే అవయవలోపంతో జన్మించిన వారు ఉంటారు. వారిలో కూడా కుంగిపోకుండా జీవితంలో విజయం సాధించే దిశగా ముందుకు వెళ్ళేవాళ్ళని చూస్తూనే ఉంటాం.

ఎడెల్వీస్ మ్యూచువల్ ఫండ్‌కు చీఫ్ ఎగ్జిక్యూటివ్ ఆఫీసర్‌గా పని చేస్తున్న రాధికా గుప్తారాధికా గుప్తా కూడా ఈ కోవకు చెందిన వ్యక్తే. ఒకప్పుడు జాబ్ రాకపోయేసరికి జీవితాన్ని ముగించేయాలనుకున్న ఆమె.. నేడు చిన్న వయసులోనే సీఈఓ పదవి చేపట్టిన వ్యక్తుల్లో ఒకరిగా నిలిచారు.

రాధికా గుప్తా పుట్టుకతోనే వంకర మెడతో జన్మించారు. కెరీర్ ప్రారంభంలో ఆమె ఎన్నో ఆటంకాలను ఎదుర్కోవాల్సి వచ్చింది. అవయవలోపం కారణంగా ఎన్నో ఉద్యోగాలను ఆమె కోల్పోవాల్సి వచ్చింది. ఇరవై రెండేళ్ల వయసులోనే ఉద్యోగం దొరక్క విరక్తి చెందిన ఆమె తన జీవితాన్ని చాలించాలనుకుంది. అయితే.. ఆమె స్నేహితులు ఆమెను కాపాడడంతో ఆమె బతికి బట్టకట్టారు. చిన్నతనం నుంచే అవయవలోపం కారణంగా రాధికా గుప్తా ఎన్నో అవమానాలను ఎదుర్కొన్నారు.

ఆమె తండ్రి దౌత్యవేత్త కావడంతో ఆమె పలు చోట్ల పెరిగారు. పాకిస్తాన్, న్యూ ఢిల్లీ, న్యూయార్క్ లలో పెరిగిన ఆమె తరువాత నైజీరియా కు వెళ్లాల్సి వచ్చింది. ఇలా ఆమె చదువుకు రకరకాల ప్రాంతాలలో కొనసాగింది. నైజీరియాలో ఆమె చదువుకున్న స్కూల్ లోనే ఆమె తల్లి కూడా పనిచేసేవారు. ఆమె తల్లి చాలా అందగత్తె. అయితే రాధికా గుప్తాకు ఉన్న అవయవలోపం కారణంగా అందరు ఆమెని తల్లితో పోలుస్తూ గేలి చేసేవారు. ఇలా ఆమె కాన్ఫిడెన్స్ చాలా వరకు దెబ్బతింది. అభద్రతా భావాల మధ్య పెరిగిన ఆమె ఉద్యోగం చేయాలనుకున్నా.. అందులో కూడా ఓటమి ఎదుర్కోవాల్సి వచ్చింది. దీనితో ఆమె కిటికీలోంచి కిందకు దూకేశారు. అయితే.. ఆమె స్నేహితురాలు కాపాడింది.

కానీ, కాళ్ళు విరగడంతో నాలుగు చక్రాల కుర్చీకి పరిమితం అవ్వాల్సి వచ్చింది. ఆ సమయంలోనే మానసిక ఒత్తిడికి చికిత్స తీసుకున్నారు. ఆ సమయంలో వచ్చిన ఒక్క అవకాశమే నా జీవితాన్ని మలుపుతిప్పింది. ఒక జాబ్ ఇంటర్వ్యూ ఉందని చెప్పి ఆసుపత్రి నుంచి బయటకు వచ్చి ఇంటర్వ్యూకు వెళ్లారు. అప్పుడే రాధికా గుప్తాకు మెకెన్సీలో జాబ్ వచ్చింది. కానీ మూడేళ్ళ తరువాత ఆర్ధిక సంక్షోభం కారణంగా ఇబ్బందులు వచ్చాయి.

అప్పుడే దేశం మారాలని అనుకున్నారు. పాతికేళ్ల వయసులో.. భర్త సాయంతో భారత్ కు వచ్చారు. భారత్ లో సొంతంగా అసెట్ మేనేజ్‌మెంట్ సంస్థను ప్రారంభించారు. కొన్నేళ్ళకి ఈ కంపెనీని ఎడెల్వీస్ మ్యూచువల్ ఫండ్స్ సంస్థ కొనుగోలు చేసింది. ఎడెల్వీస్ మ్యూచువల్ ఫండ్ సంస్థ సీఈఓ కోసం చూస్తున్న టైములోనే రాధికా భర్త ఆమెని ప్రోత్సహించారు. అలా.. ఆమె ఎడెల్వీస్ మ్యూచువల్ ఫండ్స్ సంస్థకు సీఈఓ అయ్యారు. ఒకప్పుడు నాలోపాన్ని చూసుకుని బాధపడేదాన్నని.. అలా ఎవ్వరూ బాధపడకూడదనే.. లిమిట్ లెస్ పుస్తకాన్ని రాశానని రాధికా గుప్త చెప్పుకొచ్చారు.

సోషల్ మీడియా యుగంలో ప్రేమికులు తమ ప్రేమను వ్యక్తపరుచుకోవడానికి క్షణం కూడా ఆలస్యం చేయడం లేదు. అయితే.. ప్రేమ ఎంత త్వరగా పుడుతుందో.. అంతే త్వరగా గొడవలు కూడా వచ్చే అవకాశాలు ఉంటాయి. ప్రస్తుతం ఉన్న రోజుల్లో ప్రేమికుల మధ్య ఉన్న అతి చనువు కూడా ఒక్కోసారి బ్రేకప్ కు దారితీస్తోంది. చేతిలోకి స్మార్ట్ ఫోన్ వచ్చాక ప్రైవసీ అన్న పదమే చెరిగిపోయింది.

దానికి తోడు ఫోన్ ను ఎక్కువ వాడుకుంటూ పర్సనల్ స్పేస్ ను పెంచుకోవడం కూడా ఇద్దరు వ్యక్తుల మధ్య బంధం బీటలు వారడానికి కారణం అవుతోంది. కొన్ని అలవాట్ల వలన కూడా ఎంతో అన్యోన్యంగా ఉండే జంట విడిపోవచ్చు.

ఇద్దరు ప్రేమికుల మధ్య బ్రేకప్ కు దారి తీసే అంశాలేంటో ఇప్పుడు తెలుసుకుందాం. ఏ బంధంలో అయినా ఒకరిని ప్రేమించినప్పుడు వారి తప్పులను స్వీకరించే మనస్తత్వం ఉండాలి. అది ఈరోజుల్లో లేకపోవడం వలన చాలా మంది మధ్య వచ్చే మనస్పర్థలు ఎప్పటికీ తొలగక బ్రేకప్ కు దారితీస్తున్నాయి. రిలేషన్ షిప్ లో ఇద్దరి అభిప్రాయాలకు విలువ ఉండాలి. అంతే తప్ప మీ భాగస్వామి మీ చెప్పుచేతల్లోనే ఉండాలని కోరుకుంటే  మాత్రం ఆ బంధం ఎక్కువ కాలం నిలవదు.

కొందరు ఎలాంటి దుస్తులు వేసుకోవాలి, ఎవరిని కలవాలి, ఎవరితో మాట్లాడాలి లాంటివి కూడా నిర్ణయించేస్తూ ఉంటారు. దానివల్ల మీ భాగస్వామికి మీపై ఉన్న ఇష్టం కాస్త అసహ్యంగా మారుతుంది. పూర్తిగా మీ భాగస్వామిపై ఆధారపడడం. రిలేషన్ షిప్ అన్నాక ఒకరి పనులు ఒకరి పంచుకోవడం సహజమే.. కానీ.. పూర్తిగా భాగస్వామిపైనే ఆధార పడడం వలన కూడా మీరు చులకన అయ్యే అవకాశం ఉంటుంది.