మనం తరచుగా రెస్టారెంట్స్ కి వెళుతూనే ఉంటాం. వారాంతాల్లోనో.. మరేదైనా స్పెషల్ అకేషన్ ఉంటేనో మన సన్నిహితులతో, కుటుంబ సభ్యులతో కలిసి లంచ్ లేదా డిన్నర్ కి వెళ్తూ ఉంటాం. ఇండియన్ ఫుడ్ లో చాలా మందికి ఆఖరికి పెరుగు తినే అలవాటు ఉంటుంది. ఈ క్రమం లోనే రెస్టారెంట్స్ కూడా చివరిలో పెరుగుతో చేసిన రైతా లేదా గడ్డ పెరుగు కచ్చితం గా ఉండేలా చూసుకుంటాయి.

మనం సాధారణం గా ఇంట్లో పాలు కాచి తోడుపెట్టిన పెరుగు కంటే రెస్టారెంట్స్ లో లభించే పెరుగు ఎక్కువ గా గడ్డ కట్టి కనిపిస్తుంది. మనం ఇంట్లో తోడు పెట్టిన పెరుగు గడ్డ గానే ఉన్నప్పటికీ ఒక్క గరిట తో తీయగానే తిరిగి స్మూత్ గా అయిపోతుంది. ఇంట్లో ఉండే పెరుగు స్వచ్ఛం గా ఉంటుంది. కానీ రెస్టారెంట్స్ లో ఎంతమంది వచ్చినా.. అందరికి గడ్డ పెరుగే వడ్డిస్తారు. ఇది ఎలా సాధ్యమవుతుందో తెలుసా..?

ఈ ప్రశ్నకి ఓ కోరా యూజర్ సమాధానం ఇచ్చారు. అతనికి తెలిసిన సన్నిహితులు కూడా హోటల్ వ్యాపారం లో ఉండడం తో అతను ఈ విషయాలను తెలుసుకున్నారట. ఇంతకీ రెస్టారెంట్స్ లో జరిగే మోసం ఏమిటంటే.. వీరు ఎక్కువ సేపు పెరుగు గడ్డ కట్టి ఉండడానికి మొక్క జొన్న పిండి ని కలుపుతుంటారట. అంతే కాదు పెరుగు లోని టేస్ట్ పోకుండా ఉండడం కోసం కొంచం వెనిగర్ ను కూడా కలుపుతారు.

ఈ రెండు పదార్ధాలు మనం తినే పదార్ధాలు కాబట్టి ఈ పెరుగు హానికరమేమి కాదు. కానీ.. ఇలాంటి ట్రిక్స్ తో హోటల్ యాజమాన్యాలు కస్టమర్లను ఎలా చీట్ చేస్తున్నాయో చూడాలి. భోజనం చేయడానికి వచ్చే కస్టమర్లు పెరుగు కోసమే డబ్బు చెల్లిస్తారు తప్ప మొక్క జొన్న పిండికి, వెనిగర్ కి కాదు. ఈ పెరుగు శరీరానికి హాని చేయకపోవచ్చు.. కానీ, పెరుగు లోని స్వచ్ఛత మాత్రం కచ్చితం గా పోతుంది. అందుకే.. మీ కేవలం స్వచ్ఛమైన ఆహరం తీసుకోవాలనుకుంటే.. ఇటువంటి వాటిని తినకుండా ఉండడం మేలు.

మరో రెండు రోజుల్లో టీచర్స్ డే రాబోతోంది. తల్లితండ్రుల తరువాత అంతటి గౌరవనీయ స్థానం గురువు కే చెందుతుంది. వారికోసం ప్రత్యేకం గా సెప్టెంబర్ ఐదవ తేదీన ఉపాధ్యాయ దినోత్సవం నిర్వహిస్తాం. ఉత్తమ ఉపాధ్యాయుడు డా. సర్వేపల్లి రాధాకృష్ణన్ జన్మదినాన్ని పునస్కరించుకుని.. ఆరోజున టీచర్స్ డే గా జరుపుకుంటున్నాం. విద్యార్థులంతా టీచర్స్ డే రోజు తమకు ఇష్టమైన గురువులకు బహుమతులు ఇవ్వాలని భావిస్తూ ఉంటారు. మీకు ఇష్టమైన టీచర్లకు ఎలాంటి బహుమతులు ఇస్తే బాగుంటుందో ఓ లుక్ వేయండి.

ఇందుకోసం మీరు ఎక్కువ ఖరీదు ఏమి పెట్టాల్సిన అవసరం లేదు. మీ బడ్జెట్ లో మీరు ఇవ్వగలిగిన బహుమతి ని ప్రేమ గా గురువులకు ఇస్తే..ఆ సంతోషమే వేరు. చిన్న చిన్న పూల కుండీలను, ఏదైనా అరుదైన మొక్కను బహుమతి గా ఇవ్వొచ్చు. పూల బొకేలు కూడా ఇవ్వడానికి బాగుంటాయి.. కానీ రెండు మూడు రోజుల తర్వాత పడేయడం తప్ప ఏమి చెయ్యలేం. అదే ఏదైనా మొక్క అయితే.. వాటిని వారు మీ గుర్తు గా పెంచుకుంటారు. ఒకవేళ అంత ఖరీదు మీరు పెట్టలేం అనుకుంటే.. మీకు నచ్చిన విధం గా గ్రీటింగ్ కార్డు తయారు చేసి మీరు చెప్పాలనుకున్న మాటలను స్కెచ్ రాసి ఇవ్వండి. మీ టీచర్స్ ఎంతో సంతోషిస్తారు. ఒక మంచి డైరీ, మంచి పెన్, మంచి హ్యాండ్ బాగ్ లాంటివి తక్కువ బడ్జెట్ లో టీచర్స్ కు ఎంతో అవసరమైనవి. ఇలాంటి గిఫ్ట్స్ ను ఇస్తే మీ టీచర్స్ కూడా హ్యాపీ ఫీల్ అవుతారు.

సాయి పల్లవి, నాగ చైతన్య జంట గా నటిస్తున్న సినిమా “లవ్ స్టోరీ ” నుంచి సారంగ దరియా పాట రిలీజ్ అయ్యాక ఎంత విజయం సాధించిందో తెలిసిందే. ఈ పాట మొదట్లో కొంత వివాదాన్ని ఎదుర్కొన్నప్పటికీ.. ఫాలోయింగ్ ఏమాత్రం తగ్గలేదు. తరువాత దర్శకుడు శేఖర్ కమ్ముల కలుగచేసుకుని వివాదాన్ని సద్దుమణిచారు.

సారంగదరియ జానపద గీతం అన్న సంగతి అందరికి తెలిసిందే. కానీ.. సారంగ దరియా అన్న పదానికి అర్ధం మాత్రం చాలా మందికి తెలియదు. నిజానికి సారంగ దరియా పురుష లింగ పదం సారంగ ధరుడికి స్త్రీ లింగ పదం. ఈ విషయాన్ని సుద్దాల అశోక్ తేజ గారు ఓ ఇంటర్వ్యూ లో చెప్పారు. సారంగ ధరుడు అంటే సారంగ వాయిద్యాన్ని వాయించే వాడు అన్న అర్ధాన్ని సుద్దాల అశోక్ తేజ గారు చెప్పారు.

నిజానికి ఆ వాయిద్యం పేరు సారంగి. దానిని సారంగ అని ఎక్కడా చెప్పలేదు. కాబట్టి ఈ అర్ధం కంటే మరొక అర్ధం ఈ పదానికి ఇంపుగా ఉంటుంది. సారంగ దరుడు అంటే
లేడిని చేత ధరించిన వాడు అని అర్ధం. ఆ పేరు ఒక్క శివుడికే ఉంది. శివుడిని సారంగ ధరుడు అంటారు. పై ఫోటో లోని శివుడిని గమనిస్తే ఆయన చేతిలో లేడి కనిపిస్తుంది. ఈ శిల్పం బ్రిటిష్ మ్యూజియంలో ఉంటుంది.

సారంగ ధరుడు అనే పదానికి స్త్రీలింగం లో సారంగ ధరి అని పేరు. తెలుగు వాచక శబ్దాలకు “య” కారాన్ని కలిపి వాడడం ఎప్పటినుంచో వస్తోంది. (సఖి- సఖియా, చెలి-చెలియా) అలా.. సారంగ ధరి కాస్తా సారంగ ధరియ అయ్యింది. సారంగధరుడు శివుడు కాబట్టి.. సారంగధరి లేదా సారంగధరియ అంటే పార్వతి దేవి అని అర్ధం.