Mythology

తెలుగు నెలలలో నాలుగో నెల ఆషాఢ మాసానికి ఎంతో ప్రాముఖ్యత ఉంది. ఈ ఆషాడ మాసాన్ని శూన్యమాసం అని పిలుస్తారు. శూన్య మాసం అంటే ఎలాంటి శుభకార్యాలకు అనువైనది కాదు అని అర్థం. ఈ శూన్య మాసంలోనే తొలి ఏకాదశి, దక్షిణాయనం వంటి పర్వదినాలు మొదలవుతాయి.

అదేవిధంగా ఈ ఆషాడ మాసం లో వచ్చిన  శుద్ధ పౌర్ణమిని గురుపౌర్ణమి అని పిలుస్తారు. గురుపౌర్ణమినే వ్యాస పూర్ణిమ అని అంటారు. వేదవ్యాసుల వారు ఈ రోజునే జన్మించారు. గురు పౌర్ణమి అంటే భగవంతుడు మనకు ఇచ్చిన సంపూర్ణమైన వేదాన్ని  గురువు వేదవ్యాసులు మానవుని యొక్క సౌలభ్యం కోసం నాలుగు భాగాలుగా ఈ రోజునే విభజించి రాశారు. జగత్ గురువు అయినటువంటి ఈ వేదవ్యాసులవారు పుట్టినరోజునే గురుపౌర్ణమిగా జరుపుకుంటారు.

ఈ గురు పౌర్ణమి నాడు ఉదయాన్నే లేవగానే ఎలాంటి పనులు చేయాలి. ఆ 3 పనులు చేయడం వల్ల కలిగే లాభాలు ఏమిటో మనం ఎప్పుడు కలుసుకుందాం.

#1. తల్లిదండ్రులు నమస్కరించడం :

ప్రతి బిడ్డకు తల్లిదండ్రులు అనేవారు మొదటి గురువులు. ఖచ్చితంగా ఉదయాన్నే లేవగానే తల్లిదండ్రుల వద్దకు వెళ్లి వాళ్ల పాదాలకు నమస్కరించుకోవాలి. ఇలా చేయడం ద్వారా సత్ప్రవర్తన కలిగి మంచి అభివృద్ధిలోకి వస్తారు.

#2. గురువు స్మరించడం :

మాతృదేవోభవ.. పితృదేవోభవ.. ఆచార్యదేవోభవ.. తల్లిదండ్రుల తర్వాత దైవంతో సమానం అయినవారు గురువులు. మీ గురువులు మీ దగ్గరలో ఉంటే వారికి పాదాభివందనం చేయాలి. దగ్గర లేని గురువులు అయితే వాళ్ళ మనసులో తలచుకుని వారు చెప్పిన మంచి మాటలను స్మరించుకోవాలి. ఎట్టి పరిస్థితుల్లో గురు దూషణ మాత్రం చేయకూడదు. అది ఇప్పుడు గాని ఇంకెప్పుడైనా గాని గురువుని  దూషించడం ద్వారా సకల పాపాలు చుట్టుకుంటాయి అని పురాణాలు చెబుతున్నాయి.

#3. గురువుకి బహుమతి ఇవ్వటం :

నీకు విద్య నేర్పిన గురువులకు ఏదైనా పండు గాని, ఫలము గాని ఇచ్చి నమస్కరించుకోవాలి. గురువుగారు మీకు దగ్గరగ అనుకూలంగా లేనప్పుడు ఎవరైనా బ్రాహ్మణుులకు ఇచ్చి వారికి పాదాభివందనం చేసి వారి ఆశీస్సులు తీసుకోవాలి. ఇలా చేయడం వల్ల భవిష్యత్తులో ఉన్నత స్థానానికి చేరుకుంటారు విద్యార్థులు. కేవలం ముఖ్యమైన పర్వదినాల్లో అప్పుడు మాత్రమే గురువును గౌరవించడం  అనేదే కాకుండా నిత్యం గురువును గౌరవిస్తుండాలి. అప్పుడే ఆ విద్యార్థి ఉన్నత శిఖరాలకు ఎదుగుతారు.

చాణక్యుడు ఎంతటి మహా జ్ఞానో అందరికీ తెలుసు. ఆయన చెప్పిన నీతి సూత్రాలు, ఆర్థిక సూత్రాలు ఇప్పటికి కూడా ఎంతోమంది ఆచరిస్తున్నారు. చాణక్యుడు రచించిన అర్థశాస్త్రం లో ఎంతో జ్ఞానం మిళితమై ఉంది. చాణక్యుడు చెప్పిన నీతి వాక్యాలు నేటికీ అనుసరించాల్సినవే.

వాటిని నిజంగా తర్వాత తరానికి కూడా అందించి మంచి భవిష్యత్తును రూపొందించుకునేలా తోడ్పడాలి. ఆచార్య చాణక్యడు చాణక్య నీతి లో ఆనందాన్ని, శాంతిని హరింపచేసే కొన్ని ముఖ్యమైన విషయాలను తెలిపారు. ఇవి కనుక మనిషి జీవితంలో ఎదురైతే లోలోపలే కృంగిపోతారని హెచ్చరించారు చాణక్యుడు. మరి ఇక వాటి గురించి చూద్దాం.

Also Read:   ప్రామిస‌రీ నోట్ రాసేటప్పుడు ఈ 10 విషయాలు తప్పక గుర్తుపెట్టుకోవాలి…లేదంటే అప్పు ఎగ్గొట్టినా ఏం చేయ‌లేరు.!

#1. కుమార్తె కళ్లముందే వితంతువు అవ్వడం:

తండ్రి కళ్ళ ముందు కుమార్తె వితంతువు అయితే ఆ తండ్రి అస్సలు తట్టుకోలేడు. కూతురు సంతోషంగా లేకపోతే తండ్రి అస్సలు సంతోషంగా ఉండలేడు అని తెలిపారు.

#2. నీచుల సహవాసము:

చెడు చేసే వాళ్ళ మాటలు ఎంతో కటువుగా ఉంటాయి. అలానే ఎప్పుడూ గొడవలు కోపంతో రగిలి పోతారు. అలాంటి వాళ్ళతో స్నేహం చేస్తే దుర్మార్గపు లక్షణాలు అలవాటు అవుతాయి. అందుకని మీ కుటుంబానికి కానీ మీకు కానీ హాని చేసే వ్యక్తులకు సహకారం అందించవద్దని చాణక్య అంటున్నారు. అలా కాదని మంచిగా ఉండాలని మీరు అనుసరించారు అంటే ఎప్పటికైనా నరకప్రాయం అవుతుందని అన్నారు.

#3. మూర్ఖత్వంతో ఉండడం:

మూర్ఖత్వంతో చాలామంది ప్రవర్తించి కన్నతల్లిని కూడా బాధ పెడుతూ ఉంటారు. మూర్ఖుడు రెండు కాళ్ల జంతువు అని చాణక్యుడు అన్నారు. అయితే ఇలా అందరినీ బాధ పెట్టి చిల్లరిగా తిరిగే వాళ్ళ వల్ల ఎలాంటి ప్రయోజనం లేదని చెప్పారు.

#4. గయ్యాళి భార్య:

గయ్యాళి భార్యతో భర్త నిజంగా ఎంతో కుంగిపోవాలా అని చెప్పారు. అలాంటి భార్యతో కాపురం చెసే భర్త లోలోపలే కుంగిపోతాడు అని చాణక్య నీతి చెబుతోంది.

#5. ఇలా జరిగితే ఉండలేము:

ఒక వ్యక్తి తాను అపఖ్యాతి పాలైన ప్రాంతంలో నివాసం కొనసాగించడం ఎంతో ప్రమాదకరమైనది. ఒకవేళ పరోపకార భావనతో ఉన్నా సరే తనకి మాత్రమే కాకుండా కుటుంబానికి కూడా ఇది ప్రమాదాన్ని తీసుకొస్తుంది.

Also Read:  “లాయర్” కి “అడ్వకేట్” కి మధ్య ఉన్న తేడా మీకు తెలుసా.? ఇద్దరు ఒకరే అనుకుంటే పొరపాటే.!

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థ శాస్త్రం లో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు.

చాణక్య నీతి ప్రతి అంశాన్ని కూడా ఎంతో అద్భుతంగా వివరించింది. చాణక్యుడు స్నేహితుల గురించి కూడా ఎన్నో గొప్ప విషయాలు చెప్పారు. వాటిని కనుక అనుసరిస్తే ఎలాంటి ఇబ్బందులు లేకుండా జీవితం లో ముందుకు వెళ్ళిపోవచ్చు.

అయితే మీరు ఆనందంగా ఉండాలి అనుకుంటే ఇలాంటి ఆలోచనలు కలిగి ఉన్న వాళ్ళకి దూరంగా ఉండాలి. అయితే మరి మీరు ఆనందంగా ఎలా ఉండొచ్చు ..? ఎటువంటి వాళ్లకు దూరంగా ఉండొచ్చు అనేది ఇప్పుడు తెలుసుకుందాం. వాటిని ఆచరిస్తే ఆనందంగా ఉండేందుకు అవుతుంది.

#1. మధురంగా మాట్లాడే వాళ్ళు:

కొంత మంది అతి మధురంగా మాట్లాడుతూ ఉంటారు. అటువంటి వాళ్ళకి దూరంగా ఉండాలని ఆచార్య చాణక్య అంటున్నారు. బాగా మధురంగా మాట్లాడే వాళ్ళ మనసులో కుట్ర మాత్రమే ఉంటుందని చాణక్య చెప్పారు. కనుక ఇటువంటి వ్యక్తులకు దూరంగా ఉంటే మంచిది. లేక పోతే ఆనందంగా ఉండలేరు. చూడడానికి మధురంగా వున్నా సరే వారి వలన సమస్యలే.

#2. చెడు గుణం కలిగిన వారు:

చెడు గుణం ఉన్న వ్యక్తులకు కూడా దూరంగా ఉండాలి. అలాంటి గుణం వల్ల మనం కూడా ఇబ్బందులు ఎదుర్కోవాల్సి వస్తుంది. అలానే అలాంటి గుణం వలన వారికి కూడా ఇబ్బందే.

#3. ఏది చెప్పని వాళ్ళు:

ఏది చెప్పని వాళ్ళ యొక్క మనసు లో అంతా కుట్రే ఉంటుంది. అటువంటి వాళ్లకి కూడా దూరంగా ఉండాలి.

#4. తప్పుడు నిర్ణయాలు తీసుకునేలా చేసేవారు:

మనం తప్పుడు నిర్ణయాలు తీసుకునేలా ఎవరైనా చేస్తున్నట్లయితే వారికి కూడా దూరంగా ఉండాలి అని చాణక్య నీతి చెబుతోంది. కనుక తప్పుడు నిర్ణయాలు తీసుకునేలా చేసే వారి నుండి కూడా దూరంగా వుండండి.

మహా పతివ్రత అయిన మండోదరి రావణాసురుడి భార్య. ఈమె విశ్వకర్మ పుత్రుడైన మయ బ్రహ్మ కుమార్తె. ఈమెను రావణాసురుడు మోహించి వివాహం చేసుకోవడం జరిగింది. ఈమెకి ఇంద్రజిత్తు జన్మించాడు. దేవకన్య అయిన హేమకు, మయ బ్రహ్మకు ఈమె కలిగింది. అయితే మండోదరి తన తండ్రితో కలిసి వనంలో వెళ్తున్నప్పుడు రావణుడు వెళ్తూ ఇమ్మని చూస్తాడు. రావణుడికి వివాహం అవ్వలేదు.

Read Also: Today Horoscope Telugu: ఈరోజు రాశి ఫలాలు జనవరి 14 2023 ఈ రాశుల వారికి అస్సలు బాలేదు..!!

అందుకనే తనకు మండోదరిని ఇచ్చి వివాహం చేయమని అడుగుతాడు. దీనితో తండ్రి మయుడు మండోదరిని రావణుడుకి ఇచ్చి వివాహం చేస్తాడు. ఈమె ఎంతో సౌందర్యము కలది. శ్రీమద్రామాయణం లో కొన్ని పాత్రలు మానవత్వాన్ని మర్చిపోయి ప్రవర్తిస్తే మరికొన్ని పాత్రలు మానవత్వాన్ని చూపిస్తాయి.

ఏ స్త్రీకి అయిన తట్టుకోలేని శోకం తన భర్త మరణించినప్పుడు వస్తుంది. సీతాదేవిని రావణుడు అపహరించిన అప్పటి నుండి రావణుడికి ఏదో కీడు వస్తుందని మండోదరికి అనిపించింది. తన భర్తకి కూడా తాను చేసేది అధర్మం అని చెప్తూ ఉండేది. అయితే ఆఖరికి రావణాసుడు బలి కాక తప్పలేదు. యుద్ధభూమికి మండోదరి వస్తుంది. అక్కడ రావణుడి శరీరానికి కొద్ది దూరంలో ఒక చెట్టు కింద రామలక్ష్మణులు పక్కన విభీషణుడు నిలబడి ఉంటారు.

ఎవరికైనా సరే తన భర్తను చంపారు అంటే ఎంతో కోపం వస్తుంది. అయితే మండోదరికి మాత్రం చంపినా వాళ్లపై కోపం రాలేదు. పైగా ఆమె ఎవరు నిన్ను చంపారు అంటూ మండిపడలేదు. యుద్ధ భూమికి వెళ్లిన మండోదరి పల్లకి దిగి రావణుడు దగ్గరికి ఏడుస్తూ వీళ్ళందరికీ తెలియని విషయం ఒకటుంది. అది ఏమిటంటే రావణుడిని రాముడు చంపారని అందరూ అనుకుంటున్నారు.

నీవు తపస్సు చేసుకునే సమయం లో నీ ఇంద్రియాలను అన్నిటిని అదుపులో ఉంచుకున్నావు. కోరికలను జయించావు. కానీ, సీతమ్మను చూసాక నీ ఇంద్రియాలు అదుపుతప్పాయి. నాలో లేని ఏ అందం నీకు సీతమ్మలో కనబడిందో..? ఆ సమయంలో నీవు నీ ఇంద్రియాలను, కోరికలను తొక్కి పట్టి ఉంచకపోవడం వల్లే నేడు నీకు ఈ పరిస్థితి దాపురించింది. నిన్ను చంపింది రాముడు కాదు.. నీ ఇంద్రియాలే నిన్ను కాటేశాయి..” అంటూ వాపోయింది.

ఏ స్త్రీ అయినా భర్త హత్య చేయబడితే.. ఇటువంటి మాటలు మాట్లాడలేదు. కట్టుకున్న భర్త మరణించినా కూడా మండోదరి ధర్మమే మాట్లాడింది.. అందుకే రామాయణం జరిగిపోయి ఇన్ని కాలాలు గడుస్తున్నా ఆమెను ఎప్పటికి గుర్తు పెట్టుకోవాల్సిందే.

మామూలుగా పూజ చేసినప్పుడు మంత్రాలు చదువుతారు. పెళ్ళిళ్ళు మొదలైన శుభకార్యాలకు కూడా మంత్రాలు చదువుతూ ఉంటారు. ఇవే మంత్రాలని మనం అనుకుంటాం. కానీ మంత్రానికి అర్ధం వేరు. మంత్రం వలన కలిగే లాభం కూడా వుంది.

చాలా మందికి ఇటువంటి వాటి గురించి తెలీదు. అయితే మంత్రాల కి మెదడు కి ఉన్న సంబంధం ఏమిటి అనే ముఖ్య విషయాలు ఇప్పుడు తెలుసుకుందాం.

అసలు మంత్రం అనేది సంస్కృత పదం. ‘మన్’ అంటే మనస్సు అలానే ‘త్ర’ అంటే సాధనం. అంటే దీని అర్ధం మనసును నియంత్రించే సాధనం అని. మన ఆలోచనలను కంట్రోల్ చేసేది. అయితే మంత్రం లో అత్యంత ముఖ్యమైనది ధ్వని. ధ్వని అంటే మన నోటి నుండి వచ్చే శబ్దం.

అది మాటైనా పాటైనా సరే. అలానే మంత్రాలను వల్లివేస్తే మైండ్ లో అటెన్షన్ నెట్‌ వర్క్ యాక్టివేట్ అవుతుంది. డిఫాల్ట్ మోడ్ నెట్‌వర్క్ కూడా స్లో గా డీయాక్టివేట్ అవుతుంది. ఒక స్వామిజీ యొక్క మెదడు ని చూసి ఫలితాలను చెప్పారు. మంత్రాలు వలన మైండ్ లో అటెన్షనల్, వర్కింగ్ మెమోరీ పార్ట్స్ లో ఇంప్రూవ్మెంట్ కలిగింది. అదే విధానగా మంత్రాలు జపిస్తున్నప్పుడు నిశ్చలంగా ప్రశాంతంగా మన మనస్సు వుంటుందట.

మనల్ని తీర్చిదిద్దడానికి మన ఆలోచనలు బాగా ఉపయోగ పడతాయి. మనల్ని మనం ఇంప్రూవ్ చేసుకోవడం అనేది ఆలోచన చేతిలో ఉంటుంది. పైగా మనల్ని ఎన్నో కోరికలు, ఆశలు కట్టిపడేస్తూ ఉంటాయి. మన అవసరాలతో మనం జీవితాంతం నిద్రపోతూ ఉంటాం. కోరికలు నెరవేరక పోతే ఏదో తెలియని బాధ కలుగుతుంది కోపం వస్తుంది.

అయితే మన ఆలోచనలే మనల్ని మార్చేస్తాయి. మన ఆలోచనలు మనల్ని తయారు చేస్తాయి కాబట్టి మనం ఎప్పుడూ కూడా ఆలోచనలు మీద ఏకాగ్రత పెడుతూ ఉండాలి. మన ఆలోచనల బట్టే మనం తయారవుతాము. మన ఆలోచన బాగుంటే మన యొక్క జీవితం కూడా బాగుంటుంది.

కురుక్షేత్ర యుద్ధం ముగిసిన తరువాత సుమారు 36 సంవత్సరాల పాటు పాండవులు హస్తినపుర రాజ్యాన్ని పాలించారు. శ్రీకృష్ణుడు, బలరాముడు తమ దేహాలను వదిలి అవతారాలను ముగిస్తారు.

ఈ విషయం తెలిసిన పాండవులు రాజ్యాన్ని త్యజించి, తమ శరీరాలతోనే స్వర్గాన్ని చేరుకోవాలని భావిస్తారు. అలా  పాండవులు, ద్రౌపది తమ చివరి ప్రయాణాన్ని ప్రారంభిస్తారు విడిచిపెట్టారు. దారిలో ద్రౌపది ముందుగా మరణిస్తుంది. కారణం ఏమిటో ఇప్పుడు చూద్దాం..
పాండవులు మరియు ద్రౌపది మరణం గురించి మహాభారతంలోని స్వర్గారోహణ పర్వంలో చెప్పబడింది. పాండవులు హస్తిన పురాన్ని విడిచి వెళ్లేముందు అభిమన్యుని కుమారుడు పరీక్షిత్ ను రాజుగా పట్టాభిషేకం చేసిన తరువాత  హిమాలయాలకు ప్రయాణాన్ని ప్రారంభిస్తారు. వీరిని ఒక కుక్క అనుసరిస్తుంది. పాండవులు ద్రౌపదితో దారిలో కొన్ని పుణ్యక్షేత్రాలను దర్శించుకుని హిమాలయాలను దాటరు. ఈ క్రమంలో ముందుగా ద్రౌపది క్రింద పడి మరణిస్తుంది.అప్పుడు భీముడు ద్రౌపది మరణానికి ధర్మరాజుని కారణం అడుగుతాడు. దానికి ద్రౌపదికి పాండవులు అందరు భర్తలు అయినప్పటికీ, ఆమె అర్జునుడి పట్ల ఎక్కువ ప్రేమను కలిగి ఉంటుందని చెప్పాడు. ప్రయాణం సాగిస్తూ ఉండగా సహదేవుడు పడిపోయాడు. అప్పుడు భీముడు సహదేవుడు ఎందుకు పడిపోయాడు అని అడిగినపుడు తనకున్న జ్ఞానానికి అతడు ఎల్లపుడూ గర్వంతో ఉండేవాడని అందువల్లనే అతను పడిపోయాడని చెప్పాడు. ఆ తరువాత నకులుడు కింద పడిపోగా, ధర్మరాజు భీమునితో నకులుడు తన అందం పట్ల ఎక్కువగా గర్వపడ్డాడు. ఆ పాపం వల్లే పడిపోయాడని చెప్పాడు.
ఆ తర్వాత అర్జునుడు పడిపోయినపుడు, ధర్మరాజు భీమునితో  యుద్ధానికి ముందు అర్జునుడు కురుక్షేత్ర యుద్ధాన్ని తన శక్తితో ఒక్కరోజులోనే ముగించగలనన్న నమ్మకంతో ఉండేవాడని, కానీ అలా చేయలేకపోయాడని, అంతేకాకుండా, అతను ఎప్పుడూ ఇతర విలువిద్య నిపుణులను తక్కువ చూసేవాడని చెప్పాడు. అయితే ఆ తరువాత భీముడు పడిపోతూ నేనేం పాపం చేశాను అని అడిగినపుడు ధర్మరాజు నువ్వు అతిగా తినేవాడివని, నీ శక్తి సామర్ధ్యాల గురించి ప్రగల్భాలు చెప్పేవాడివని, ఇతరులను అగౌరవపరిచేవాడివని చెప్పాడు. చివరగా ధర్మరాజు ముందుకు వెళ్ళగా ఆయనను కుక్కను అనుసస్తుంది. వారి ముందు ఇంద్రుడు ప్రత్యక్షం అయ్యి స్వర్గానికి తీసుకెళ్తానని చెప్పగా, డానికి ధర్మరాజు ద్రౌపదిని, తన సోదరులను కూడా వెంట స్వర్గానికి తీసుకెళ్లాలని అడుగుతాడు. ఇంద్రుడు వారు ఇప్పటికే స్వర్గానికి చేరుకున్నారని చెప్పడంతో, తనతో పాటు కుక్కను స్వర్గానికి  తీసుకెళ్లలాని కోరుతాడు. కుక్కకు స్వర్గ ప్రవేశం లేదని చెప్పడంతో అక్కడే ఉండిపోతానని ధర్మరాజు చెప్తాడు.  అప్పుడు ఆ కుక్క యమధర్మరాజుగా మారి తన గొప్పతనాన్ని పరీక్షించడానికి వచ్చానని వెల్లడిస్తాడు. పాండవులలో ఒక్క ధర్మరాజు మాత్రమే శరీరంతో స్వర్గంలో ప్రవేశిస్తాడు.

Also Read: “ద్వారకా నగరం” ఇప్పటికీ ఉందా..? పరిశోధకులు ఏం చెప్తున్నారు అంటే..?

కలియుగ దైవంగా భావించుకునే ఏడుకొండల వేంకటేశ్వర స్వామి వారు కొలువుదీరిన దివ్య క్షేత్రం తిరుమల తిరుపతి. కలియుగ వైకుంఠం తిరుమలలో ఎటు చూసినా గోవింద నామ స్మరణే. ఏడుకొండలవాడి దర్శనం కోసం పరితపిస్తుంటారు భక్తులు. తమ శక్తి కొద్దీ కానుకలు సమర్పిస్తారు. 15 వేల సంవత్సరాల నుంచి తిరుపతిని భక్తులు దర్శించుకుంటున్నారు.

అయితే అప్పటికీ ఇప్పటికీ తిరుమల లో ఎన్నో మార్పులు వచ్చాయి. కాశి తర్వాత హిందువులకి అత్యంత పవిత్రమైన స్థలం తిరుమల. అయితే తిరుమలలో ఎన్నో స్వామివారికి సంబంధించిన ఎన్నో కార్యక్రమాలు చేస్తారు. వాటికి సంబంధించిన పలు కర పత్రాలను ముద్రిస్తారు. అయితే ఇప్పుడు స్వామి వారికి సంబంధించి డైరీ లు, క్యాలెండర్లు ఇస్తున్నారు కానీ ఒక్కప్పుడు కేవలం కరపత్రాలను మాత్రమే ముద్రించేవారు.

గుడికి వెళ్లిన భక్తులు మనకున్న కష్టాలను దైవానికి విన్నవించుకోవాలని, మనస్సు ప్రశాంతంగా చేసుకోవాలని మనము భగవంతుడిని ఆశ్రయిస్తూ ఉంటాము. మనము భగవంతుడిని కోరుకోగానే ఆ బాధలు తీరాలంటే అందుకు తగిన అర్హత భగవంతుడి దగ్గర మనం పొందాలి. అసలు ఆలయానికి వెళ్లినప్పుడు మనం ఎలాంటి మనస్సుతో దేవుడిని దర్శించుకోవాలి అన్న విషయాలు మనకు చాలా మంది చెప్పరు.

అయితే తాజాగా 42 సంవత్సరాల క్రితం ముద్రించిన పామ్ప్లేట్ ఒకటి నెట్ లో వైరల్ గా మారింది. 1981 లో ముద్రించిన ఈ కర పత్రం లో హిందువులు ఎటువంటి నియమాలు పాటించాలి, ఎలా ఉండాలి అన్నది ముద్రించి ఇచ్చారు. అందులో ఏం రాసి ఉందంటే..

ప్రతి ఒక్కరు రోజు స్నానం చేసి నుదుటిన బొట్టు ధరించాలి. ఆ తర్వాత దేవుణ్ణి స్మరించుకోవాలి. ఇంటి ముందు ఓం కారాన్ని రాయండి. వారానికి ఒకసారి దేవాలయాలకు వెళ్ళాలి. సామాజిక ఉత్సవాల్లో పాల్గొనండి.. వీలైనంత ఎక్కువ మందికి సాయం చెయ్యండి అని ఆ కర పత్రం లో ముద్రించారు. దాన్ని చూసిన నెటిజన్లు అప్పటి కాలం లో సంస్కృతి సంప్రదాయాలను కాపాడేందుకు వాళ్ళు చేసిన కృషి ని చూసి అబ్బురపడుతున్నారు. ఏదేమైనా గడచిన రోజులు.. ఆ కాలం చాలా మంచిది అని కామెంట్స్ చేస్తున్నారు.

భార్య భర్తల మధ్య సమస్యలు రావడం సహజం. చాలా మంది ఇళ్లల్లో ఇబ్బందులు వస్తూ ఉంటాయి. అయితే సర్దుకుపోతే సమస్యలు వాటంతటవే తొలగిపోతూ ఉంటాయి. అంతే కానీ సమస్యను పట్టుకుని వేలాడుతూ ఉంటే పరిష్కారం దొరకదు.

అయితే భార్య భర్తల మధ్య ఇబ్బందులు తొలగించుకోవాలంటే వాస్తు పండితులు చెప్పిన చిట్కాలను అనుసరించాలి.

#1. భార్య భర్తల మధ్య సమస్యలు పరిష్కరించుకోవాలి అంటే ఇంట్లో కర్పూరాన్ని వెలిగించండి. ఇలా చేయడం వలన నెగిటివ్ ఎనర్జీ పూర్తిగా దూరం అయ్యి పాజిటివిటీ కలుగుతుంది. ఎలానో మనం నిత్య పూజ లో కర్పూరం వెలిగిస్తూ ఉంటాము. ఇలా అయినా సరే నెగిటివ్ ఎనర్జీ పూర్తిగా తొలగిపోయి పాజిటివ్ ఎనర్జీ కలుగుతుందని.. గొడవలు వంటి రావు అని అంటున్నారు. పైగా కర్పూరం వలన మానసిక ఆరోగ్యం మెరుగుపడుతుంది.

#2. ఇంట్లో కర్పూరాన్ని వెలిగించడం వల్ల ఇంట్లో ఉండే కుటుంబ సభ్యుల మధ్య సంబంధాలు మెరుగుపడతాయి. ఒకవేళ భార్యాభర్తల మధ్య గొడవలు వున్నా కుటుంబ సభ్యుల మధ్య గొడవలు వున్నా ఇలా చేయడం మంచిది.

#3. బెడ్ రూమ్ లో సమస్యలు వస్తే బెడ్ రూమ్ లో కాస్త కర్పూరాన్ని వెండి గిన్నెలో కానీ ఇత్తడి గిన్నెలో కానీ వేసి వెలిగించండి ఇది కూడా నెగిటివ్ ఎనర్జీని పూర్తిగా తొలగించి మీ బంధాన్ని మరింత దృఢంగా చేస్తుంది. ఒకవేళ కర్పూరం వెలిగించక పోయినా కర్పూరాన్ని గదిలో ఉంచుకున్నా కూడా మంచిది.

#4. వాస్తు దోషాలు ఏమైనా ఉంటే నేతిలో కర్పూరం వేసి వెలిగించండి. దీనితో వాస్తు దోషాలు తొలగిపోతాయి.

#5. ఆర్థిక ఇబ్బందులు ఉన్నట్లయితే లవంగాలను కర్పూరం తో పాటు కాల్చి వెలిగించండి ఇది ఆర్థిక ఇబ్బందుల్ని తొలగిస్తుంది.

#6. ఇంట్లో సానుకూల వాతావరణాన్ని ఏర్పరచుకోవడానికి కూడా కర్పూరం సాయం చేస్తుంది. క్రిమికీటకాలను కూడా నాశనం చేస్తుంది.

చూశారు కదా దీని వలన ఎన్ని ఉపయోగాలు ఉన్నాయో.. మరి రెగ్యులర్ గా ఈ పద్ధతిని ఫాలో అయ్యిఇబ్బందులు లేకుండా ఉండండి. ఆనందంగా జీవించండి. చక్కగా ఐకమత్యంగా ఇంట్లో అందరూ కలిసిమెలిసి ఉండండి.

ద్వారక.. ఈ పేరు వినగానే మనకు గుర్తుకొచ్చేది శ్రీకృష్ణుడు. మహాభారత కాలంలో శ్రీకృష్ణుడు పాలించిన ఈ నగరం ఇప్పుడు సముద్రం అడుగున ఉంది. భారత ఇతిహాసాలకు బలాన్ని చేకూర్చే ఆనాటి ఆనవాళ్లు ఇంకా పదిలంగా ఉన్నాయి. కృష్ణుడు పాలించిన ఈ నగరానికి ఏమైంది? సముద్రంలో ఎందుకు మునిగిపోయింది?.

ద్వారకా అనేక ద్వారాలు కలది అని అర్థం. ద్వార్‌ అనే పదానికి సంస్కృత భాషలో వాకిలి, ద్వారం అనే అర్థాలున్నాయి. ద్వార్‌ ఆధారంగానే ఈ నగరానికి ద్వారక పేరు వచ్చిందని చెబుతారు. అనేక ద్వారాలు ఉన్న నగరం కాబట్టి ద్వారక అయింది. హిందువులు అతి పవిత్రంగా భావించే చార్‌ ధామ్‌ (నాలుగు ధామాలు)లలో ద్వారకాపురి ఒకటి. ఆ మిగిలిన మూడు పవిత్ర నగరాలు.. బద్రీనాథ్, పూరీ, రామేశ్వరం.

వేద వ్యాసుడు రాసిన మహాభారత కావ్యంలో ద్వారకా నగరాన్ని ద్వారావతిగా పేర్కొన్నారు. ఈ నగరం గుజరాత్‌లోని పశ్చిమ తీరంలో ఉంది. శ్రీకృష్ణుడు మధురలో కంసుడిని సంహరించాడు. దీంతో మగధరాజైన జరాసంధుడు మధురపై అనేక దండయాత్రలు చేశాడు. దీంతో శ్రీకృష్ణుడు తనతో ఉన్న యాదవులను ద్వారకకు తరలించాడు. అనంతరం సముద్ర గర్భంలోని దీవుల సమూహాలన్నీ కలిపి అద్భుతమైన ద్వారకా నగరాన్ని నిర్మించారు.

ద్వారకా నగరం సంయుక్త రాజ్య సమాహారంగా ఉండేదని పురాణాలు చెబుతున్నాయి. అంధకులు, వృష్టులు, భోజులు ఇందులో భాగస్వాములు. ద్వారకను పాలించిన యాదవులను ‘దశరాస్’ అంటారు. వాసుదేవ కృష్ణుడు, బలరాముడు, సాత్యకి, కృతవర్మ, ఉద్ధవుడు, అక్రూరుడు, ఉగ్రసేనుడు.. ద్వారకలో నివసించిన యాదవ ప్రముఖుల్లో ముఖ్యులు.

మహాభారత యుద్ధం క్రీ.పూ. 3138లో జరిగింది. ఆ తర్వాత 36 ఏళ్లు శ్రీకృష్ణుడు ద్వారకలో నివసించాడు. కృష్ణుడి అనంతరం యాదవ రాజులు పరస్పరం తమలో తామే కలహించుకోవడం వల్ల సామ్రాజ్యం పతనైమనట్లు చెబుతారు. శ్రీకృష్ణుడు 120 ఏళ్లు జీవించినట్లు చరిత్ర చెబుతోంది. ఆయన నిర్యాణం చెందగానే సముద్రంలో భారీ ప్రళయం వచ్చిందట. ఆ సునామే ద్వారకను ముంచెత్తిందని చెబుతారు. సాగరం ఉవ్వెత్తున ఎగసి వస్తుంటే తాను చూశానని మహాభారతంలో అర్జునుడు కూడా చెబుతాడు.

ద్వారకాపురి క్రీ.పూ. 1443లో సాగర గర్భంలో మునిపోయినట్లు చెబుతారు. తీరం వెంట దీని ఆనవాళ్లు లభించాయి. ప్రస్తుతం గుజరాత్‌లోని జామ్‌నగర్‌ సముద్రతీరంలో ద్వారకకు సంబంధించిన ఆనవాళ్లు ఉన్నాయి. ఇక్కడ ఉన్న ద్వారకాధీశుడి ఆలయం కూడా చాలా ప్రసిద్ధి. దీన్ని శ్రీకృష్ణుడి మనవడు వజ్రనాభుడు నిర్మించాడని ప్రతీతి.

డాక్టర్ రావు బృందం 2001 నుంచి 2004 వరకు ద్వారకా నగరంపై పరిశోధనలు చేసింది. 2001లో సముద్రజలాల్లో మునిగి ఉన్న కొన్ని కళాఖండాలను వెలుగులోకి తెచ్చారు. తదుపరి పరిశోధనల కోసం రూ. 14 కోట్లు ఖర్చవుతాయని, వాటిని విడుదల చేయాలని నాటి మన్మోహన్ సింగ్ ప్రభుత్వానికి ఎస్.ఆర్. రావు ఓ లేఖ రాశారు. కానీ, యూపీఏ ప్రభుత్వం నుంచి ఎలాంటి స్పందన రాలేదు. దీంతో ఇది అక్కడే ఆగిపోయింది.

మహాభారతం, రామాయణం పుక్కిటి పురాణాలు కాదని, వాటికి చారిత్రక ఆధారాలు ఉన్నాయని అనేక పరిశోధనల్లో బయటపడింది. అలాంటి ఒక పరిశోధనలోనే వసుదేవ కృష్ణుడు నిర్మించిన ద్వారకా నగరం గురించి వెలుగులోకి వచ్చింది. 1983-86లో గుజరాత్ సముద్రతీరంలో జరిగిన ఓ పరిశోధనలో ఆసక్తికర విషయం బయటపడింది. పశ్చిమ తీరంలో గోమతి నది అరేబియా సముద్రంలో కలిసే చోట సముద్ర గర్భంలో ఒక మహానగరానికి సంబంధించిన ఆనవాళ్లు బయటపడ్డాయి.

ప్రముఖ ఆర్కియాలజిస్టు డాక్టర్ ఎస్.ఆర్. రావు ఆధ్వర్యంలో జరిగిన ఈ పరిశోధన శ్రీకృష్ణుడి ఉనికిని ప్రపంచానికి చాటి చెప్పింది. ఆ మహా నగరం క్రీ.పూ. 3150 ఏళ్ల కిందటిదని నిర్ధారించారు. అదే ద్వాపర యుగంలో కృష్ణుడు విశ్వకర్మ సాయంతో నిర్మించిన ద్వారకగా భావించారు. గుజరాత్ తీరం నుంచి 20 కి.మీ. దూరంలో సముద్ర గర్భంలో 40 మీ. లోతులో సుమారు 9 చ.కి.మీ. వైశాల్యంలో ఈ చారిత్రక నగరం విస్తరించి ఉన్నట్లు గుర్తించారు. క్రమబద్ధమైన నిర్మాణాలకు సంబంధించిన రాతి కట్టడాల ఫొటోలను బాహ్య ప్రపంచానికి విడుదల చేశారు.

సాగర గర్భంలో పురాతన నగరం అవశేషాలు అనేకం బయటపడ్దాయి. రాతి దిమ్మెలు, స్తంభాలు నీటిపారుదల పరికరాలు మొదలైనవి. అయితే ఇవి ఏ కాలానికి చెందినవన్నది ఇప్పటికీ స్పష్టంగా తెలీదు. చర్చలు జరుగుతున్నాయి. వాటిని పరిశోధనల కోసం విదేశాలకు పంపగా.. సింధు నాగరికతకు వాటికీ సంబంధం లేదని తెలిసింది. దీంతో ఇవే ద్వారకా అవశేషాలేనని పరిశోధకులు భావిస్తున్నారు.

ఈ అన్వేషణలో అనేక కళాకృతుల అవశేషాలు బయటపడ్డాయి. అందమైన రంగు రంగుల వస్తువులు లభించాయి. వాటిపై ఎన్నో రంగులు ఉన్నాయి. 500ల కన్నా ఎక్కువ కళాకృతులు, రకరకాల నమూనాలు లభించాయి. ఇవన్నీ రెండు వేల సంవత్సరాల నాటి సంస్కృతికి చిహ్నంగా నిలిచాయి. పలు రాతి దిమ్మెలు లభించాయి. కానీ, ఈ రాళ్లకు, బయట ఉన్న రాళ్లకు సంబంధం తెలియలేదు. తవ్వకం జరిపిన చోట అంతర్గత నీటి ప్రవాహం చాలా ఎక్కువగా ఉంది అని పరిశోధకులు వెల్లడించారు.