News

తమిళిసై సౌందరరాజన్‌ సార్వత్రిక ఎన్నికలు సమీపిస్తున్న సమయంలో గవర్నర్ పదవికి రాజీనామా చేశారు. తన రాజీనామా లేఖని రాష్ట్రపతికి పంపించారు. అయితే, అంతకుముందు కొన్ని రోజుల నుండి తమిళిసై లోక్ సభ ఎన్నికల్లో పోటీ చేస్తారు అనే ఒక వార్త వినిపించింది. కానీ ఇప్పుడు తమిళిసై రాజీనామా లేఖని సోమవారం నాడు పంపించడంతో ఈ వార్తలు నిజం అని అర్థం అవుతోంది. రాష్ట్రానికి రెండవ గవర్నర్ గా తమిళిసై నియమితులు అయ్యారు. ఎన్నోసార్లు ప్రభుత్వం తనని గౌరవించట్లేదు అని తమిళిసై చెప్పారు. ఈ వివాదం సుప్రీంకోర్టు వరకు కూడా వెళ్ళింది.

తమిళిసై సౌందరరాజన్ స్వతహాగా తమిళనాడుకి చెందినవారు. తమిళనాడులోని కన్యాకుమారిలోని కలియక్కవిలైలో ఆమె పుట్టారు. తమిళిసై తండ్రి కుమారి అనంతన్, తమిళనాడులో మాజీ పార్లమెంటు సభ్యుడిగా పనిచేయడం మాత్రమే కాకుండా, సీనియర్ ఇండియన్ నేషనల్ కాంగ్రెస్ నాయకుడిగా కూడా ఉన్నారు. నటుడు, వ్యాపారవేత్త, రాజకీయ నాయకుడు అయిన విజయ్ వసంత్ కూడా తమిళిసైకి బంధువు అవుతారు. తమిళిసై భర్త సౌందరరాజన్ ఒక డాక్టర్. తమిళిసై ఎథిరాజ్ కాలేజ్ ఫర్ ఉమెన్ లో డిగ్రీ పట్టా పొందారు. ఆ తర్వాత చెన్నైలో ఉన్న మద్రాస్ మెడికల్ కాలేజీలో ఎంబీబీఎస్ చదువుకున్నారు.

చెన్నైలో ఉన్న డాక్టర్ ఎంజీఆర్ మెడికల్ యూనివర్సిటీలో ఒబెస్ట్రిక్స్ అండ్ గైనకాలజీలో స్పెషలైజేషన్ పొందారు. కెనడాలో ఎఫ్ఈటీ (ఫ్రోజెన్ ఎంబ్రియో ట్రాన్స్ఫర్) థెరపీలో శిక్షణ పొందారు. రాజకీయాల్లోకి రాకముందు 5 సంవత్సరాల పాటు చెన్నైలో ఉన్న రామచంద్ర మెడికల్ కాలేజీలో అసిస్టెంట్ ప్రొఫెసర్‌గా పనిచేశారు. తమిళిసైకి ఒక అబ్బాయి, ఒక అమ్మాయి ఉన్నారు. వారు కూడా డాక్టర్లుగా విధులు నిర్వర్తిస్తున్నారు. చిన్నప్పటినుండి రాజకీయ కుటుంబంలో పెరగడంతో అప్పటి నుండే రాజకీయాల మీద ఆసక్తి పెరిగింది.

తమిళిసై 1999 లో దక్షిణ చెన్నై జిల్లా మెడికల్ వింగ్ సెక్రటరీగా, 2001 లో మెడికల్ వింగ్ లో రాష్ట్ర జనరల్ సెక్రటరీగా, 2005 లో దక్షిణాది రాష్ట్రాలకు వైద్య విభాగంలో ఆల్ ఇండియా కో-కన్వీనర్ గా, 2007 లో స్టేట్ జనరల్ సెక్రటరీగా, 2010 లో స్టేట్ వైస్ ప్రెసిడెంట్ గా పనిచేసి, ఆ తర్వాత 2013 లో బీజేపీ నేషనల్ సెక్రెటరీగా పదోన్నతి పొందారు. సెప్టెంబర్ 1వ తేదీ, 2019 లో భారత రాష్ట్రపతి రామ్ నాథ్ కోవింద్ ఆదేశం ద్వారా తెలంగాణ గవర్నర్‌గా నియమితులయ్యారు. రాష్ట్ర పదవిని నిర్వహిస్తున్న మొదటి మహిళగా కూడా ఈమె ఘనత పొందారు. సెప్టెంబర్ 9వ తేదీ,  2019 లో తెలంగాణ గవర్నర్‌గా బాధ్యతలు స్వీకరించారు.

Source : Wikipedia

తమిళిసైకి, ఫిబ్రవరి 16వ తేదీ 2021 లో పుదుచ్చేరి (కేంద్రపాలిత ప్రాంతం)కి అదనపు బాధ్యతలు అప్పగించారు. కేంద్రపాలిత ప్రాంతంలో విధులు నిర్వహించిన ఐదవ మహిళగా ఈమె ఘనత పొందారు. కోవిడ్ సమయంలో కూడా ఆస్పత్రులకు వెళ్లి వ్యాక్సినేషన్‌ను సరైన సమయంలో అందించడానికి తనవంతు కృషి చేశారు. తమిళిసై 2006, 2011 లో శాసనసభ సభ్యురాలిగా, 2009, 2019 లో లోక్ సభ సభ్యురాలిగా పోటీ చేశారు. 2 అసెంబ్లీ ఎన్నికలు, తర్వాత 2 పార్లమెంట్ ఎన్నికల్లో కూడా తమిళిసై ఓడిపోయారు.

2019 లో భారత సార్వత్రిక ఎన్నికలలో, తమిళనాడు మాజీ ముఖ్యమంత్రి ఎం. కరుణానిధి కుమార్తె, కనిమొళి కరుణానిధిపై తూత్తుక్కుడి నియోజకవర్గం నుండి ఓడిపోయారు. తమిళనాడు అసెంబ్లీ ఎలక్షన్స్ లో, 2006 లో రాధాపురం నియోజకవర్గం నుండి, 201లో వేలచేరి నియోజకవర్గం నుండి, 2016 లో విరుంగంపక్కం నియోజకవర్గం నుండి పోటీ చేసి ఓడిపోయారు. ఇప్పుడు 2024 లో చెన్నై సెంట్రల్, తూత్తుక్కుడి నియోజకవర్గాల నుండి పోటీ చేయాలి అని అనుకుంటున్నారు. ప్రత్యక్ష ఎన్నికల్లోకి రావాలి అని ఆశిస్తున్నారు. ఈ కారణంగానే తమిళిసై తన గవర్నర్ పదవికి రాజీనామా చేయాలి అనే నిర్ణయం తీసుకున్నట్టు తెలుస్తోంది. అయితే, తమిళిసై తన తర్వాత ఆలోచనలు ఏంటి అనేది ఇంకా ప్రకటించాల్సి ఉంది.

ALSO READ : ఈ వైసీపీ ఎమ్మెల్యే తమ్ముడు ఎవరో తెలుసా? తెలుగులో టాప్ డైరెక్టర్..!

ఏపీ అసెంబ్లీ ఎన్నికలకు శంఖారావం మోగింది. ఇటీవల ఎన్నికల నోటిఫికేషన్ విడుదలైన సంగతి తెలిసిందే. మే 13 వ తేదీ ఆంధ్ర ప్రదేశ్ లో సార్వత్రిక ఎన్నికలు జరగబోతున్నటువంటి తరుణంలో అన్ని పార్టీ అధినేతలు ఎన్నికలకు సిద్ధమయ్యారు. ఇకపోతే ఇప్పటికే తెలుగుదేశం బిజెపి జనసేన కూటమిగా ఏర్పడి ఎన్నికల బరిలోకి రాబోతున్నటువంటి తరుణంలో అభ్యర్థుల జాబితాలను కూడా ప్రకటించిన సంగతి మనకు తెలిసిందే.

ఇక వైఎస్ఆర్సిపి అధినేత జగన్మోహన్ రెడ్డి సైతం ఇడుపులపాయలు ఒకేసారి 175 మంది ఎమ్మెల్యేలు అలాగే 25 ఎంపీ అభ్యర్థులను కూడా ప్రకటించారు. ఇలా అభ్యర్థుల ప్రకటన కూడా ఖరారు కావడంతో ప్రతి ఒక్కరూ కూడా ఎన్నికల ప్రచార కార్యక్రమాలలో నిమగ్నమయ్యారు. ఇక ఈ ఎన్నికలలో అందరి చూపు మూడు నియోజకవర్గాల పైనే ఉంది. టిడిపి జనసేన నుంచి పోటీ చేయబోతున్నటువంటి పవన్ కళ్యాణ్, లోకేష్, బాలయ్య ఈ ముగ్గురి నియోజకవర్గాలపై అందరు చూపు ఉంది.

టిడిపి జాతీయ ప్రధాన కార్యదర్శి నారా లోకేష్ గత ఎన్నికలలో మంగళగిరి నుంచి పోటీ చేసి ఆళ్ల రామకృష్ణారెడ్డి చేతిలో ఓడిపోయారు. అయితే ఈసారి కూడా అక్కడే నిలబడి గెలుపు సాధించాలని కృషితో లోకేష్ ముందడుగు వేస్తున్నారు. అయితే లోకేష్ కి పోటీగా వైఎస్ఆర్సిపి పార్టీ నుంచి మురుగుడు లావణ్య ఎన్నికల బరిలోకి దిగారు. ఈమె రాజకీయ నేపథ్యం నుంచి వచ్చినటువంటి మహిళ. మరి వీరిద్దరి మధ్య పోటీ ఎలా ఉంటుందో ఆసక్తికరంగా మారింది.

ఇకపోతే జనసేన అధినేతగా గత ఎన్నికలలో భీమవరం గాజువాక నుంచి పోటీ చేసినటువంటి పవన్ కళ్యాణ్ రెండు చోట్ల కూడా గెలుపు సాధించలేక ఓటమిపాలయ్యారు. అయితే ఈసారి గెలుపే లక్ష్యంగా ఈయన పిఠాపురం నుంచి ఎన్నికల బరిలోకి దిగిన సంగతి మనకు తెలిసిందే. పీఠాపురంలో కాపు ఓట్లు అధికంగా ఉన్నటువంటి తరుణంలో ఇక్కడే తన గెలుపు సాధ్యమని పవన్ కళ్యాణ్ పిఠాపురం నుంచి ఎన్నికల బరిలోకి రాబోతున్నారు. ఇక పవన్ కళ్యాణ్ ని ఎలాగైనా ఓడించే దిశగా జగన్మోహన్ రెడ్డి అడుగులు వేశారు ఈ క్రమంలోనే కాపు మహిళా నేతగా ప్రస్తుతం ఎంపీగా కొనసాగుతున్నటువంటి వంగ గీతను బరిలోకి దింపారు. దీంతో ఈ నియోజకవర్గపై కూడా ఎంతో ఆసక్తి నెలకొంది.

ఇక చంద్రబాబు బావమరిది, లోకేష్ మామయ్య, సినీ నటుడు బాలయ్య గత రెండు ఎన్నికలలో కూడా హిందూపురం నుంచి పోటీ చేసి గెలుపొందిన సంగతి తెలిసిందే. ఇకపోతే ఎన్నికలలో కూడా ఈయన హిందూపురం నుంచి పోటీ చేయబోతున్నారు అయితే ఈ ఎన్నికలలో వైఎస్ఆర్సిపి పార్టీ నుంచి బిసి మహిళా దీపికాను జగన్ రంగంలోకి దింపారు. ఈమె భర్త వేణుగోపాల్ రెడ్డి. ఈయన రెడ్డి సామాజిక వర్గానికి చెందినవారు. ఇక ఈమె కురుపు మహిళ ఇలా రెండు సామాజిక వర్గానికి చెందిన ఓట్లు వస్తాయనే ఉద్దేశంతో జగన్ ఈమెను రంగంలోకి దింపారు.

ఇలా ఈ ముగ్గురికి పోటీగా మహిళలను నిలబెట్టి మహిళల చేతిలో వారు ఓడిపోయేలా జగన్ వేరే లెవెల్ పాలిటిక్స్ చేస్తూ రంగంలోకి దింపారని తెలుస్తుంది మరి ఈ ఎన్నికలలో ఎవరు విజయకేతనం ఎగరవేస్తారు అనేది తెలియాల్సి ఉంది.

పవన్ కళ్యాణ్ ఇటీవల చేసిన ప్రకటన ఒకటి ప్రస్తుతం దుమారం రేపుతోంది. కాకినాడ జిల్లాలోని పిఠాపురం నియోజకవర్గం నుండి తాను పోటీ చేయనున్నట్లు పవన్ కళ్యాణ్ ప్రకటించారు. ఈ విషయాన్ని పవన్ కళ్యాణ్ గురువారం ప్రకటించారు. జనసేన పార్టీ మొదలు పెట్టి పది సంవత్సరాలు పూర్తి చేసుకుంది.

ఈ సందర్భంగా పవన్ కళ్యాణ్ మాట్లాడుతూ, వచ్చే ఎన్నికల్లో పిఠాపురం నుండి పోటీ చేస్తున్నట్లు ప్రకటించారు. జనసేన కార్యకర్తలు అందరూ కూడా పవన్ కళ్యాణ్ చేసిన ఈ ప్రకటన వల్ల ఆనందంలో ఉన్నారు. కానీ మరొక పక్క తెలుగు దేశం పార్టీ నాయకులు మాత్రం ఆగ్రహానికి గురవుతున్నారు.

పిఠాపురం మాజీ ఎమ్మెల్యే, టీడీపీ నేత ఎస్వీఎస్‌ఎన్ వర్మ అనుచరులు అయితే పవన్ కళ్యాణ్ మీద కోపోద్రిక్తులు అవుతున్నారు. పిఠాపురం టికెట్ ని వర్మకి కేటాయించాలి అని అంటున్నారు. అంతే కాకుండా, పవన్ కళ్యాణ్ ఈ విషయాన్ని ప్రకటించిన తర్వాత తెలుగు దేశం పార్టీ కార్యాలయం దగ్గర చంద్రబాబు, నారా లోకేష్ ఫ్లెక్సీలను చించివేశారు. కరపత్రాలను కూడా కాల్చారు. టీడీపీ ఫ్లెక్సీలు, జెండాలు తగలబెట్టడం మాత్రమే కాకుండా, ప్రధాన కూడళ్ల దగ్గర వర్మకు మద్దతు ఇస్తూ నిరసనలు జరిపారు.

అసలు ఎవరు ఈ వర్మ? తెలుగు దేశం పార్టీ ద్వారా రాజకీయాల్లోకి అడుగు పెట్టారు వర్మ. తెలుగు దేశం పార్టీ నుండి పిఠాపురంలో 2009 లో జరిగిన శాసనసభ ఎన్నికల్లో పోటీ చేశారు. ప్రజారాజ్యం పార్టీ నుండి అభ్యర్థిగా నిలబడిన వంగా గీత చేతిలో కొంచెం తేడాతో వర్మ ఓడిపోయారు. ఆ తర్వాత తెలుగు దేశం పార్టీ 2014 లో టికెట్ నిరాకరించడంతో, తెలుగు దేశం పార్టీ రెబెల్ అభ్యర్థిగా ఇండిపెండెంట్ గా బరిలోకి దిగారు. అప్పుడు వైసీపీ అభ్యర్థి పెండెం దొరబాబు మీద ఎంతో మెజారిటీతో వర్మ గెలిచారు. మొదటి సారిగా ఎమ్మెల్యే అయ్యి, అసెంబ్లీలోకి అడుగు పెట్టారు వర్మ.

ఆ తర్వాత తెలుగు దేశం పార్టీలో చేరిన వర్మ, 2019 ఎన్నికల్లో వైసీపీ అభ్యర్థి పెండెం దొరబాబు చేతిలోనే ఓడిపోయారు. అప్పటి నుండి కూడా వర్మ తెలుగు దేశం పార్టీ ఇంచార్జ్ గా ఉన్నారు. ఇప్పుడు పవన్ కళ్యాణ్ జనసేన నుండి బరిలోకి దిగుతున్నట్లు ప్రకటించడంతో, వర్మ మద్దతుదారులు ఆగ్రహానికి గురవుతున్నారు. అయితే, ఇప్పుడు సీట్ ఒకవేళ దక్కకపోతే, తెలుగు దేశం పార్టీకి రాజీనామా చేసి, ఇంకొకసారి స్వతంత్ర అభ్యర్థిగా వర్మ నిలబడాలి అని ఆలోచిస్తున్నట్టు సమాచారం.

ALSO READ : అప్పుడు “జూనియర్ ఎన్టీఆర్” కి జోడీగా నటించిన హీరోయిన్ … ఇప్పుడు తల్లిగా..? ఎవరంటే..?

ఇటీవల యాదాద్రిలో జరిగిన ఒక సంఘటన చర్చలకి దారి తీసింది. వివరాల్లోకి వెళితే, తెలంగాణ ముఖ్యమంత్రి రేవంత్ రెడ్డి, ఆయన సతీమణి గీతతో కలిసి, మార్చి 11వ తేదీ రోజు ఉదయం యాదాద్రి శ్రీ లక్ష్మీనరసింహస్వామిని దర్శించుకునేందుకు వెళ్లారు.  అయితే రేవంత్ రెడ్డి తో పాటు ఉప ముఖ్యమంత్రి మల్లు భట్టి విక్రమార్క, మంత్రులు ఉత్తమ్ కుమార్ రెడ్డి, కోమటి రెడ్డి వెంకట్ రెడ్డి, కొండా సురేఖ కూడా వెళ్లారు.

పూజలు జరిగిన తర్వాత వేద పండితులు ఆశీర్వాదాలు అందించడానికి, ఆలయం లోపల, ముఖ్యమంత్రితో పాటు మిగిలిన మంత్రులు అందరూ కూర్చునేందుకు 4 పీటలు వేశారు. ఆ పీటలు చాలా ఎత్తుగా ఉన్నాయి. ఆ పీటల మీద రేవంత్ రెడ్డి దంపతులు, ఉత్తమ్ కుమార్ రెడ్డి, కోమటి రెడ్డి వెంకట్ రెడ్డి కూర్చున్నారు.

కోమటి రెడ్డి పక్కన ఒక పీట మీద భట్టి విక్రమార్క కూర్చున్నారు. కానీ ఆ పీట ఎత్తు తక్కువగా ఉంది. ఉత్తమ్ కుమార్ రెడ్డి కూర్చున్న మరొక వైపు పీట మీద కొండా సురేఖ కూర్చున్నారు. ఆ పీట ఎత్తు కూడా తక్కువగా ఉంది. సాధారణంగా అయితే, ప్రోటోకాల్ ప్రకారం ముఖ్యమంత్రి రేవంత్ రెడ్డి పక్క సీట్లో, ఉపముఖ్యమంత్రి పార్టీ విక్రమార్క కాబట్టి ఆయన కూర్చోవాలి. కానీ అలా జరగకపోవడం వలన ఈ విషయం మీద పెద్ద ఎత్తున చర్చలు జరుగుతున్నాయి. దళితుడు కాబట్టి భట్టి విక్రమార్క, అంతే కాకుండా బహుజన బిడ్డ కొండా సురేఖని అవమానించారు అంటూ బీఆర్ఎస్ పార్టీ కామెంట్ చేసింది.

అయితే, ఈ విషయం మీద ఇప్పుడు బాబు గోగినేని స్పందించారు. సోషల్ మీడియా వేదికగా బాబు గోగినేని ఇలా రాశారు. “పెద్ద పీట చిన్న పీట. వీళ్ళు అందరూ అక్కడికి వెళ్లాల్సిన అవసరం ఏమిటి అని అడగకుండా పెద్ద-పీట చిన్న-పీట చర్చలో నిమగ్నమై ఫుల్ టైమ్ పాస్ చేసుకుంటున్న పిల్లలూ! కుడివైపు చూడండి. పూజారి లాగా అనిపిస్తున్న సార్ నేలమీద కూర్చున్నారులా ఉంది. ఆయనది ఏ కులమో! నిజంగా వివక్ష ఉన్నచోట ఆందోళన చేసి, రెండు గ్లాసులు ఉన్నచోట దాన్ని బయట పెట్టి, గుడిలోకి దళితులను రానివ్వని చోట ఆందోళన చేయమంటాను. వివక్ష పాటిస్తున్న వారిని పోలీసులకు పట్టివ్వమంటాను నేను.”

“ఇలా అనవసర, అసందర్భ, పనికిరాని లొల్లి చేయడం ఆపి, మనోభావాలు దెబ్బ తీసుకొవడానికి కాచుకుని కూర్చొని సమస్య లేని చోట గోల చేసి అభాసుపాలు అవ్వవద్దు అంటాను. భట్టి విక్రమార్క గారి వ్యక్తిత్వం పట్ల, ఆయన దర్పం పట్ల కూడా గౌరవం ఉండాలి. ఆయన తనను వివక్ష కు గురి చేస్తే లొంగిపోతారు అనుకోవడం అనేది ఆయనకు ఈ గోల పెట్టేవారు ఇచ్చే మర్యాద. జీవితంలో నిజమైన ఆందోళన ఎప్పుడూ చేయని ఇంటర్నెట్ ఏడుపు మొఖాలు ఎక్కువైపోతున్నాయి. యాంటి సోషల్ మీడియా లో ఏడవడమే ఉద్యమం అనుకుంటున్నాయి.”

“సరే గానీ, ఈ మూడో బొమ్మలో ఏమైతున్నదో చూడుర్రి. అక్కడ కుర్చీ లో కూర్చున్నది ఎవరు? కుర్చీ లేనిది ఎవరికి?” అని రాశారు. అయితే ఈ విషయం మీద భట్టి విక్రమార్క మాట్లాడుతూ, “కావాలనే చిన్న పీట మీద కూర్చున్నాను” అని, “ఉపముఖ్యమంత్రిగా రాష్ట్రాన్ని శాసిస్తున్నాను. మూడు శాఖలలో ప్రభుత్వంలో కీలక పాత్ర పోషిస్తున్నాను” అని అన్నారు. తాను ఆత్మగౌరవంతో జీవించే మనిషిని అని, తనని ఎవరు అవమానించలేదు అని పేర్కొన్నారు.

ALSO READ : అందరి చూపు ఆమెవైపే…ఎవరు ఆమె.? 1984 నుంచి ఒవైసీల అడ్డా…ఈసారి బీజేపీ జెండా ఎగరనుందా.?