News

ఉక్రెయిన్, రష్యాల మధ్య యుద్ధ వాతావరణం ముదురుతున్న సంగతి తెలిసిందే. రష్యా దాడికి తెగబడడంతో ఉక్రెయిన్ పరిస్థితి ఇబ్బందికరంగా మారింది. ప్రాణాలు అరచేత పట్టుకుని అక్కడి ప్రజలు చాలా ఇబ్బందికి గురి అవుతున్నారు.

రష్యా అధ్యక్షుడు పశ్చిమ మరియు ఉక్రెయిన్‌ లు నాటోలో చేరబోమని మరియు ఉక్రెయిన్ సైనికరహితం చేసి తటస్థ రాజ్యంగా మారాలని హామీలు కోరుతున్నారు. ఈ విషయమై ఉక్రెయిన్ వెనక్కి తగ్గడంతో ఇరు ప్రాంతాల మధ్య యుద్ధ వాతావరణం నెలకొంది.

రష్యా సేన దాడికి దిగడంతో ఉక్రెయిన్ అల్లాడిపోతోంది. ఈ యుద్ధం వల్ల ఉక్రెయిన్ ప్రజలు నానా అవస్థలు పడుతున్నారు. ప్రాణాలు కాపాడుకోవడం కోసం పరుగులు పెడుతున్నారు. మరోవైపు పిల్లలు ఉన్న వారి పరిస్థితి మరింత ఇబ్బందికరంగా ఉంది. నానా తిప్పలు పడీ ప్రాణాలు కాపాడుకుంటే.. తిండి తిప్పలకి వెతుక్కోవాల్సిన పరిస్థితి ఉంది.

చాలా మంది ఏటీఎం కార్డులు పని చేయకపోవడం వలన కూడా ఇబ్బందులు ఎదుర్కొంటున్నారు. దొరికన సరుకులు ఇంటికి కొనుక్కుని వెళ్లాలన్నా.. ఇంటికి వెళ్లేసరికి ఎటువైపు నుంచి దాడి జరుగుతుందో అన్న భయం నెలకొంది. ఈ పరిస్థితిల్లో ఓ తండ్రి ఈ యుద్ధం నుంచి తన కూతురుని కాపాడడానికి దూరంగా పంపిస్తున్నాడు. కూతురుని చూడకుండా ఉండగలనో లేదో అని ఆ వ్యక్తి పడుతున్న బాధ చూపరుల గుండెని మెలితిప్పుతుంది. ఇందుకు సంబంధించిన వీడియో సోషల్ మీడియా లో తెగ వైరల్ అవుతోంది.

Watch Video:

UNBEARABLE. 💔 A Ukrainian father says goodbye to his family as he sends them to a safe zone and prepares to stay back and fight. (via straightoutathesixtv) #RussiaUkraineConflict pic.twitter.com/M7logpDlNS

— Josh Benson (@WFLAJosh) February 24, 2022

ఇటీవల కాలంలో కళ్ళముందు ఘోరం జరుగుతుంటే ఆపాల్సింది పోయి వీడియోలు తీస్తున్నారు. తాజాగా గుజరాత్‌లో జరిగిన ఈ దుర్ఘటన జనం తీరుకి అద్దం పడుతుంది. ఓ ప్రేమోన్మాది తాను ప్రేమించిన అమ్మాయిని గొంతు కోసి చంపేశాడు. ఆమె కన్న తల్లి ముందరే ఇంతటి దారుణానికి ఒడిగట్టాడు.

చుట్టూ అంతమంది జనాల ముందు పట్టపగలే ఆ దుర్మార్గుడు ఇంతటి దారుణానికి ఒడిగట్టాడు. చుట్టూ ఉన్న జనం కూడా వీడియోలు తీయడంలో నిమగ్నం అయిపోయి ఆమెను కాపాడలేకపోయారు.

వివరాల్లోకి వెళితే.. గుజరాత్ కు చెందిన గ్రీష్మా వెకారియా(21) ను ఓ ప్రేమోన్మాది పట్టపగలే గొంతు కోసి చంపాడు. ఆమె పీకపై కత్తి పెట్టి ఎవరు దగ్గరకి రావద్దు అంటూ అందరిని బెదిరించాడు. నోటిలో పాన్ నములుతూ నిర్లక్ష్యంగా, కనికరం లేకుండా ఆమె గొంతు కోసేశాడు. ఆమె అక్కడికక్కడే చనిపోయింది. అక్కడికీ ఆమె తల్లి, బంధువులు అతన్ని అడ్డుకోవాలని ప్రయత్నించినా అతను వారిపై కూడా దాడి చేసాడు.

అతని పేరు ఫెనిల్‌ గొయాని. ఈ వీడియో ఇప్పుడు సోషల్ మీడియాలో భయాందోళనలని కలిగిస్తోంది. ఫిబ్రవరి 12 వ తేదీన కామ్రేజ్‌ పసోదరా ప్రాంతం లో ఉన్న ఆమె ఇంటి వద్దకి వెళ్లి మరీ ఈ దాడికి పాల్పడ్డాడు. మరో వైపు చుట్టూ జనాలు కలిసికట్టుగా ఎదిరించి ఉంటె ఆమెని కాపాడగలిగి ఉండేవారు. కానీ.. ఎవరు ధైర్యం చేయలేదు. ఈ ఘటన జరిగిన నాలుగు రోజులకి కానీ ఆ సైకోని పోలీసులు అరెస్ట్ చేయలేకపోయారు. హత్య జరిగాక 9 రోజుల తరువాత అతనిపై చార్జిషీట్ ను దాఖలు చేసారు. ఈ కేసుపై 2500 పేజీల ఛార్జ్ షీట్ దాఖలైంది.

ఈ ఛార్జ్ షీట్ ను తయారు చేయడం కోసం పోలీసులు 190 మంది సాక్షుల్ని, 25 మంది ప్రత్యక్ష సాక్షుల్ని ప్రశ్నించారు. ఈ ఛార్జ్ షీట్ ను ఇప్పటికే ఫస్ట్‌ క్లాస్‌ మెజిస్ట్రేట్‌ ముందు పెట్టారు. నిందితుడు ఫెనిల్ గతంలో ఓ కారు దొంగతనం కేసులో కూడా అరెస్ట్ అయ్యాడు. గ్రీష్మా తో కలిసి ఒకే కాలేజీ లో చదువుకున్నాడు. ఆ తరువాత అటెండన్స్ సరిపోక డిబార్ అయ్యాడు. గ్రీష్మని ప్రేమించాలని, పెళ్లి చేసుకోవాలని వేధించేవాడు.

ఈ విషయమై గ్రీష్మ పేరెంట్స్ ఫిర్యాదు చేయాలనుకున్నారు. అయితే.. ఫెనిల్ పేరెంట్స్ తమ కొడుకు ఇంక ఇబ్బంది పెట్టడు అని మాటివ్వడంతో వారు వెనక్కి తగ్గారు. అయినా ఫెనిల్ కు వార్నింగ్ ఇచ్చారు. తన ప్రేమని ఒప్పుకోకుండా, ఫామిలీ తో వార్నింగ్ ఇప్పించింది అన్న కారణంగా గ్రీష్మ పై కోపం పెంచుకున్నాడు. ఆ కక్ష ఆమె ప్రాణాలు తీసేవరకు వెళ్ళింది.

మామూలుగా ఆడవాళ్లు నైటీ పగటిపూట కూడా వేసుకుంటూ ఉంటారు. ఒకవేళ బయటికి వెళ్లాల్సి ఉంటే నైటీ మీద చున్నీ లాంటిది ఏదైనా కప్పుకొని వెళతారు. కానీ నైటీ పగటిపూట వేసుకోవడం సరైనది కాదట. దానికి కారణాలు ఏంటంటే.

మనం రాత్రి పడుకున్నప్పుడు మన ఒంటి మీద ఎన్నో క్రిములు చేరతాయట. అలాగే మనం పొద్దున లేచిన తర్వాత పళ్ళు తోముకోవడం లాంటి పనులు చేసినప్పుడు క్రిములు ఇంకా ఎక్కువగా ఉంటాయట. అలా మనకి తెలియకుండా
మనం పొద్దున నిద్ర లేచే సమయానికి ఎంతో బ్యాక్టీరియా మన మీద ఉంటుంది.

ఒకవేళ ఆ బ్యాక్టీరియాతో వేరే గదులలో కి వెళితే క్రిములు వ్యాపించే అవకాశాలు ఉంటాయి. ముఖ్యంగా వంటగదిలోకి వెళ్తే మన చుట్టూ ఉన్న వంట పదార్థాల పై కూడా బ్యాక్టీరియా అనేది పడుతుంది. కాబట్టి వ్యాధులు వచ్చే ఆస్కారం ఉంటుంది. అందుకే స్నానం చేసిన తర్వాతే వంటగదికి వెళ్లాలి అని అంటారు.

అంతేకాకుండా నైటీ అన్న పదం లో నైట్ ఉంది అంటే అవి రాత్రి పూట వేసుకునే దుస్తులు అన్న విషయాన్ని సూచిస్తుంది. కాబట్టి నైటీలు రాత్రిపూట మాత్రమే వేసుకోవాలి. ఇంకొక కారణం ఏంటి అంటే గౌను లాగా ఉండే నైటీలు అందరూ క్యారీ చేయలేరు. అలాంటి వాళ్ళు నైట్ సూట్ వేసుకోవాలట. లేదా ఓవర్ కోట్ ధరించాలట. అప్పుడు నైటీ లేదా నైట్ డ్రెస్ ని ఎటువంటి ఇబ్బంది లేకుండా సౌకర్యవంతంగా క్యారీ చేయగలుగుతారట.

ప్రతి ఒక్కరికి వేరు వేరు అభిప్రాయాలు ఉంటాయి. కొంతమంది కుటుంబానికి ప్రాముఖ్యతనిస్తారు. కొంతమంది కెరియర్ కి, ఇంకా కొంతమంది డబ్బు కి ఇలా ప్రతి మనిషి కొన్ని విషయాలను ఎక్కువగా పట్టించుకుంటారు కొన్ని విషయాలను వదిలేస్తారు. కానీ ఈ అభిప్రాయాలు ఉండటానికి ముఖ్య కారణం గతంలో వాళ్ళు ఎదుర్కొన్న సంఘటనలే. అలా మన ఇండస్ట్రీలో చాలామంది హీరోయిన్లు 40 దాటినా కూడా వాళ్ల వ్యక్తిగత కారణాల వల్ల కెరియర్ కి ప్రాముఖ్యతనిచ్చి పెళ్లి చేసుకోకుండా ఉండిపోయారు. వాళ్ళలో కొంతమంది ఎవరంటే.

#1 టబు

ఎన్నో సంవత్సరాల నుండి ప్రేక్షకులను అలరిస్తున్నారు టబు. తెలుగులో మాత్రమే కాకుండా హిందీలో కూడా ఎన్నో హిట్ చిత్రాల్లో నటించారు. కానీ ఇన్ని సంవత్సరాలు అయినా కూడా తన వ్యక్తిగత విషయాలకి సంబంధించిన వివరాలు ఎక్కువగా బయటికి రావు. టబు కూడా ఈ విషయాల గురించి బయట ఎక్కువగా మాట్లాడరు.

#2 సితార

సినిమాల్లోనే కాకుండా ఎన్నో సీరియల్స్ లో కూడా నటించారు సితార.సితార తన పెళ్లి గురించి ఒకసారి మీడియాతో మాట్లాడుతూ తను తన తండ్రికి చాలా క్లోజ్ అని, తల్లిదండ్రులను వదిలి వెళ్ళటం ఇష్టం లేక పెళ్లి చేసుకోలేదు అని. తన తండ్రి చనిపోయిన తర్వాత పెళ్లి ఆలోచన పూర్తిగా పోయింది అని అన్నారు.

#3 వెన్నిరాడై (వెన్నిర ఆడై) నిర్మల

ఎన్నో తమిళ్, మలయాళం సినిమాలతో పాటు తెలుగులో శంకర్ దాదా ఎంబిబిఎస్, రగడ, కలిసుందాం రా, అధిపతి, సీమ సింహం ఇంకా ఎన్నో చిత్రాల్లో అలాగే రెండు కన్నడ చిత్రాలలో కూడా నటించారు నిర్మల. అంతేకాకుండా సీరియల్స్ లో కూడా నటించారు.

#4 నర్గీస్ ఫక్రీ

నర్గీస్ ఫక్రీ 2011లో వచ్చిన రాక్ స్టార్ సినిమాతో బాలీవుడ్ లో అడుగు పెట్టారు. నర్గీస్ ఫక్రీ ఎక్కువగా హిందీ చిత్రాల్లో నటించారు. తెలుగులో సూపర్ హిట్ అయిన జులాయి సినిమా తమిళ్ లో ప్రశాంత్ హీరోగా సాహసం పేరుతో రీమేక్ అయింది. ఈ సినిమాలో ఒక స్పెషల్ సాంగ్ చేశారు నర్గీస్ ఫక్రీ.

#5 సుష్మితా సేన్

పరిచయం అక్కర్లేని వ్యక్తి సుష్మితా సేన్.  సుష్మితా సేన్, రొమన్ షాల్ తో గత రెండు సంవత్సరాలుగా ప్రేమ లో ఉన్నారట.

#6 అమీషా పటేల్

హిందీ లోనే కాకుండా తెలుగులో కూడా బద్రి, నాని, నరసింహుడు చిత్రాల్లో నటించారు అమీషా పటేల్. అమీషా పటేల్ రిలేషన్ షిప్ గురించి వార్తలు వస్తూ ఉంటాయి. కానీ అమీషా పటేల్ మాత్రం దేనికి ఎక్కువగా స్పందించరు.

#7 నగ్మా

అప్పట్లో దాదాపు అందరు హీరోలతో యాక్ట్ చేసి టాప్ హీరోయిన్ గా పేరు తెచ్చుకున్న నగ్మా ప్రస్తుతం రాజకీయాల్లో బిజీగా ఉన్నారు. నగ్మా కూడా తన పెళ్లి గురించి ఎక్కువగా రియాక్ట్ అవ్వరు.

#8 ఆశ పారేఖ్

1952 లో తన కెరీర్ ని మొదలు పెట్టిన ఆశ పారేఖ్ తర్వాత ఎన్నో సినిమాల్లో నటించి ఎంతో గుర్తింపు తో పాటు, అవార్డులను కూడా గెలుచుకున్నారు.

#9 శోభన

2017 లో శోభన పెళ్లి చేసుకోబోతున్నారనే వార్తలు వినిపించాయి. కానీ 2018 లో ఒక ఇంటర్వ్యూలో తన వ్యక్తిగత విషయాల గురించి ఎక్కువగా మాట్లాడను అని, కానీ తను సింగిల్ గా సంతోషంగా ఉన్నాను అని చెప్పారు.

#10. కౌసల్య

పంచదార చిలక, అల్లుడుగారొచ్చారు సినిమాలతో తెలుగులో మంచి పేరు తెచ్చుకున్న కౌసల్య కూడా ఇప్పటివరకు పెళ్లి చేసుకోలేదు. రారండోయ్ వేడుక చూద్దాం సినిమాలో రకుల్ తల్లిగా నటించి సెకండ్ ఇన్నింగ్స్ కూడా మొదలుపెట్టారు కౌసల్య.

రైతులు, దేశ ప్రజలు సుభిక్షంగా ఉంటేనే ఒక దేశం అభివృద్ధి పథంగా పయనిస్తూ ఉంటుంది. ఇందుకోసం ప్రభుత్వాలు సైతం రకరకాల పధకాలు అమలు చేస్తూ రైతులకు, ప్రజలకు అండగా నిలుస్తుంటాయి. రాష్ట్ర ప్రభుత్వమే కాకుండా.. కేంద్ర ప్రభుత్వం కూడా కొన్ని పధకాలను అమలు చేస్తూ ఉంటుంది.

రైతుల కోసం కేంద్ర ప్రభుత్వం ప్రత్యేకంగా పీఎం కిసాన్ స్కీం ను అమలు చేస్తున్న సంగతి తెలిసిందే. దీని పూర్తి పేరు పీఎం కిసాన్ సమ్మాన్ నిధి యోజన పధకం.

అయితే.. ఈ పధకం కింద ప్రభుత్వం రైతులకు ఏడాదికి ఆరు వేల రూపాయల చొప్పున అందిస్తుంది. అయితే ఈ డబ్బు ఒకేసారి జమ అవదు. విడతల వారీగా ఈ డబ్బు జమ అవుతూ వస్తుంది. ఏడాదికి మూడు విడతల చొప్పున డబ్బుని అందిస్తూ వస్తున్నారు. ఇప్పటి వరకు ఈ పధకం కింద రైతులకు పది విడతలుగా డబ్బు జమ అయింది. అనగా.. ఇరవై వేల వరకు రైతుల ఖాతాకు అందింది.

ఇక 11 వ విడతకు సంబంధించి ఈ ఏడాది ఏప్రిల్ లో డబ్బులు పడే అవకాశం ఉంది. అయితే ఈ స్కీం లో కొన్ని షరతులు ఉన్నాయి. కుటుంబంలో ఒకరికి మాత్రమే ఈ స్కీం కింద డబ్బు అందుతుంది. అంటే భార్యకి గాని, భర్తకి గాని ఎవరో ఒకరికే ఈ స్కీం వర్తిస్తుంది. ఒకవేళ ఇద్దరు తీసుకుంటూ ఉంటె డబ్బు వెనక్కి ఇవ్వాల్సి ఉంటుంది. లేకుంటే అధికారులు చర్యలు తీసుకునే అవకాశం ఉంటుందట.

ప్రస్తుతం ఇలా ఎవరెవరు తీసుకుంటున్నారో గుర్తించే ప్రక్రియ కొనసాగుతోంది. ఎవరైనా ఒకే ఇంట్లో ఇద్దరు తీసుకుంటుంటే.. వెనక్కి ఇచ్చేయడం మంచిది. లేదంటే కేసు నమోదు అయ్యే అవకాశం కూడా ఉందని తెలుస్తోంది. మరోవైపు కొందరు అర్హత లేకున్నా ఈ పధకం కింద లబ్ది పొందుతున్నారని తెలుస్తోంది. దీనివల్ల ప్రభుత్వానికి నష్టం వాటిల్లుతోంది. ఈ క్రమంలో ప్రభుత్వం సవరణలు చేపట్టింది.

శ్రీ రామచంద్రుని అనన్య భక్తుడు హనుమంతుని గురించి తెలియని హిందువు ఉండడు. ఆయన బలశాలి, ధైర్య శాలి.. ఎంత బలం ఉన్నా ఎప్పుడు, ఎక్కడ, ఏమి మాట్లాడాలో తెలిసిన వాడు. అందుకే శ్రీరాముడు సైతం ఆంజనేయుడిని అభిమానిస్తూ ఉంటాడు. ఆయన మాటకారితనాన్ని అందరు వేనోళ్ళ కీర్తిస్తుంటారు.

కానీ, ఆ ఊరి ప్రజలు మాత్రం హనుమంతుని పేరెత్తరు. ఆయనను పూజించడం అస్సలు ఉండదు. అసలు ఆయనని తలవడానికి కూడా ఇష్టపడరు. ఉత్తరాఖండ్‌లోని చమోలిలో ఉన్న ద్రోణగిరి గ్రామంలో ప్రజలు హనుమంతుని పూజించరు.

అసలు దేశం మొత్తంలో ఏ ఊరిలో అయినా హనుమంతుడికి గుడి ఉంటుంది. మారుమూల కుగ్రామంలో, చివరకు జన సంచారం తక్కువ ఉండే రహదారులపై కూడా హనుమంతుడికి గుడి ఉంటుంది. కానీ, ఆ ఊరిలో ప్రజలు మాత్రం హనుమంతుడిని ఆరాధించడానికి ఇష్టపడరు. అక్కడి నుంచే హనుమంతుడు సంజీవని పర్వతాన్ని ఎత్తుకెళ్లాడని అక్కడి ప్రజలు విశ్వసిస్తుంటారు.

రామ రావణ యుద్ధ సమయంలో లక్ష్మణుడు అపస్మారక స్థితిలో పడిపోతే హనుమంతుడు సంజీవని కోసం వెతుకుతాడన్న సంగతి తెలిసిందే. అయితే ఆ సమయంలో హిమాలయాల వైపు వచ్చి సంజీవని పర్వతం వైపు ఎటు వెళ్లాలో హనుమకు దారి తెలియకపోతే.. ఓ మహిళ దారి చూపించిందని, అయితే హనుమకు సంజీవని మొక్క ఏదో తెలియక ఆ పర్వతాన్నే తమ గ్రామం నుంచి తీసుకెళ్లిపోయాడని ఇక్కడి ప్రజలు నమ్ముతారు.

తమ గ్రామ ప్రజలకు సంజీవనిని దూరం చేశాడన్న కారణంతో ఇక్కడి వారు హనుమ పై కోపం పెంచుకున్నారు. అందుకే ఆయన పేరైనా పలకరు. కనీసం ఆయనను తలవరు. ఇక గుళ్ళు గోపురాలు, పూజలు పునస్కారాల సంగతి సరేసరి. ఆ గ్రామంలో హనుమని పూజించడం నేరం గా పరిగణిస్తారు.

రోజులు మారుతూ ఉన్నా సమస్యలు మాత్రం అలానే ఉంటున్నాయి. టెక్నాలజీ పెరుగుతున్నా కట్నం పై వేధింపులు అలానే కొనసాగుతున్నాయి. న్యాయం జరగాలంటూ అమ్మ నాన్న మిస్ యు అని సూసైడ్ లెటర్ లో రాసి ఆత్మహత్య చేసుకుంది ఒక వివాహిత. ఇక దీని గురించి పూర్తి వివరాల్లోకి వెళితే…

దుబ్బాక గ్రామానికి చెందిన దోర్ల శోభ వెంకట్‌ రెడ్డిల కూతురు ప్రవళికను (28) బోర్గాం గ్రామానికి చెందిన చామకూర మహేశ్‌కు ఇచ్చి పెద్దలు పెళ్లి చేశారు. వీరికి పెళ్లై ఐదు సంవత్సరాలు గడుస్తోంది. వీళ్ళిద్దరూ ప్రేమించుకుని..

తర్వాత పెద్దలను ఒప్పించి వివాహం చేసుకోవడం జరిగింది. అన్ని సవ్యంగా సాగుతున్నాయి కదా అని అనుకున్నారు. ఇంతలోనే వేధింపులు మొదలయ్యాయి. ఆ వేధింపులు తట్టుకో లేక శుక్రవారం దుబ్బాక లో వివాహిత ఆత్మహత్యకు పాల్పడింది. పెళ్లి జరిపించేటప్పుడు కట్న కానుకలను, బంగారాన్ని ఇచ్చారు.

మహేష్ ఉద్యోగం పోవడంతో ఇంటి వద్దనే ఉంటున్నాడు. అదనపు కట్నం కావాలని భర్త, అత్త వారి దగ్గర్నుంచి వేధింపులు రావడంతో… ఆరు నెలల క్రితం తన బాధను చూడలేక తల్లిదండ్రులు నాలుగు లక్షల రూపాయలని ఇచ్చారు. అంతటితో ఆగక ఇంకా అదనపు కట్నం కావాలని వేధించడం మొదలు పెట్టారు. దీంతో ఆమె తట్టుకో లేక శుక్రవారం తెల్లవారుజామున ఉరి వేసుకుని ఆత్మహత్యకు పాల్పడింది.

ప్రవళిక తల్లి ఫిర్యాదు చేయడంతో భర్త చామకూర మహేశ్, అత్త చామకూర రాజవ్వ, సమీప బంధువులైన మేనమామలు, మేనత్త పై కేసు నమోదు చేసి పోలీసులు దర్యాప్తు చేస్తున్నారు. పోస్టుమార్టం నిమిత్తం నిజామాబాద్‌ ప్రభుత్వ ఆస్పత్రికి మృతదేహాన్ని తరలించారు. భర్త, అత్త తో పాటు వారి సమీప బంధువుల పై వరకట్నం కేసు నమోదు చేసారు.