News

ఎప్పుడో అనుకున్న కల 65 ఏళ్ళకి నిజమయింది. 35 ఏళ్ల వారి ప్రేమ కథకు మూడు ముళ్ళు పడ్డాయి. ఇక వివరాల్లోకి వెళితే.. కర్ణాటక హెబ్బాళ్ కి చెందిన చిక్కున్న అనే వ్యక్తికి 65 సంవత్సరాలు. 30 ఏళ్ల వయసులో ఉన్నప్పుడు తను పక్కింటి అమ్మాయి విజయమ్మను ప్రేమించాడు. కానీ దురదృష్టవశాత్తూ అతను ఆమెని పెళ్లి చేసుకోలేకపోయాడు.

ఆమె పెద్దలు కుదిర్చిన వివాహమే చేసుకుంటానని మరొకరిని వివాహం చేసుకుంది. కానీ పెళ్లయిన కొద్ది కాలానికే అతను చనిపోయాడు. వారికి పిల్లలు కూడా లేరు. అప్పటినుండి ఒంటరిగా జీవితాన్ని సాగిస్తోంది. కోరుకున్న అమ్మాయిని పెళ్లి చేసుకోలేదు అని చిక్కన్న కూడా పెళ్లి చేసుకోకుండా బ్రహ్మచారిగా ఉండిపోయాడు. ప్రేమ విఫలం అయిందని జీవితాంతం పెళ్లి చేసుకోకూడదు అని అనుకున్నాడు.

ఈ మధ్య తాను ప్రేమించిన జయమ్మ ఒంటరిగా ఉందని తెలిసి ఆవేదన చెందాడు. మరోసారి తన ప్రేమ గురించి ఆమెకి చెప్పాలని అనుకున్నాడు. తనకోసమే ఇన్నాళ్లు ఒంటరిగా ఉండి పోయాడు అని తెలుసుకున్న జయమ్మ మనసు కరిగింది. ఇలా ఇద్దరూ ఆఖరికి పెళ్లి చేసుకోవాలని అనుకున్నారు.

బంధువుల సమక్షంలో ఒక ఆలయంలో వివాహం చేసుకున్నారు. పెళ్లిలో అరుంధతి నక్షత్రం చూపిస్తున్న ఫోటోలు సోషల్ మీడియాలో వైరల్ అయ్యాయి.ఎవరికి ఎవరు అనేది ముందే రాసిపెట్టి ఉంటుందంటూ సోషల్ మీడియాలో కామెంట్లు పెడుతున్నారు.

భర్త వేధింపుల కారణంగా భార్య ఆత్మహత్య చేసుకోవడం మనం చూసే ఉంటాం. కానీ తాజాగా భార్య తీరుతో విసిగిపోయి భర్త ఆత్మహత్య చేసుకున్నాడు. పూర్తి వివరాల్లోకి వెళితే… బీహార్ లోని భాగాలు పూర్ లో ఇది చోటుచేసుకుంది. విద్యుత్ శాఖలో పని చేస్తున్న జూనియర్ ఇంజనీర్ రణ్ ధీర్ భార్య, అత్త బాధని భరించలేక ఆత్మహత్య చేసుకున్నాడు. తాజాగా ఈ ఘటన కలకలం రేపుతోంది.

రణ్ ధీర్ పరమానంద పూర్ గ్రామానికి చెందిన రాధ అనే యువతిని వివాహం చేసుకున్నాడు. పెళ్లయిన కొన్ని నెలల భార్య భర్తలు బాగానే ఉన్నారు. అత్తింటివారు కూడా ఇతన్ని బాగానే చూసుకునేవారు. కానీ రోజులు గడిచే కొద్దీ భార్య ప్రవర్తన లో మార్పు కనబడింది. భార్య అత్తింటివారు కలిసి రణ్ ధీర్ ని పలు విధాలుగా వేధించడం మొదలుపెట్టారు. విడాకులు ఇవ్వాలని ఆ అమ్మాయికి వేరే పెళ్లి కూడా చేస్తామని అత్త బెదిరించింది.

తన భార్య కూడా నువ్వంటే ఇష్టం లేదని చెప్పేసింది. దీంతో తీవ్ర మనస్తాపం చెందాడు. అలా మానసిక ఒత్తిడికి లోనయ్యి ఆత్మహత్య చేసుకున్నాడు. కొడుకుకి ఫోన్ చేస్తే స్విచ్ ఆఫ్ రావడంతో తల్లిదండ్రులకి అనుమానం వచ్చి కొడుకు ఉంటున్న క్వార్టర్స్ కి వెళ్లి చూశారు.

ఇంకేం వుంది చూసేసరికి కొడుకు మృతి చెందాడు. పోలీసులు పరిశీలించగా ఆత్మహత్య చేసుకున్న గదిలో సూసైడ్ నోట్ దొరికింది. భార్య, అత్తమామల వేధింపులు భరించలేక ఆత్మహత్య చేసుకున్నట్లు అందులో రాశాడు. పోస్టుమార్టం అనంతరం కుటుంబ సభ్యులకు మృతదేహాన్ని అప్పగించారు.

జబర్దస్త్.. ఎందరో ప్రేక్షకులకు వినోదాన్ని పంచడమే కాదు.. ఎందరో ఆర్టిస్ట్ లకు ఓ దారిని కూడా చూపించింది. జబర్దస్త్ మొదలైన తొలినాళ్లలో ఎక్కువ గా అబ్బాయిలే ఆర్టిస్ట్ లు గా ఉండే వారు. ఆడ ఆర్టిస్ట్ లు అవసరం అయినప్పుడు కూడా మగవారే ఆడవారి గెటప్ లు వేసి అలరిస్తూ ఉండేవారు. అదో యూనీక్ గా చాలాకాలం జబర్దస్త్ లో కొనసాగింది.

ఆ తరువాత మొదటి లేడీ కమెడియన్ గా సత్య వచ్చారు. ఆమె చమ్మక్ చంద్ర టీం లో స్కిట్ లు వేస్తూ అలరించారు.ఆ దారిలోనే.. రోహిణి, వర్ష, ఫాతిమా వంటి ఆర్టిస్ట్ లు వచ్చి మగ ఆర్టిస్ట్ లకు ధీటుగానే టాలెంట్ ను ప్రూవ్ చేసుకుంటున్నారు. అయితే.. తాజాగా.. ఈ దోవలోకే పవిత్ర కూడా వచ్చారు. దాదాపు అందరి టీం లీడర్ల స్కిట్ లలోను అవసరం అయితే ఆక్ట్ చేస్తూ పంచ్ లు వేస్తూ, వేయించుకుంటోంది.

వెంకీ మంకీస్, భాస్కర్, హైపర్ ఆది.. ఇలా ప్రతి టీం స్కిట్ లో ఈమె కనిపిస్తుంది. తక్కువ కాలం లోనే మంచి కామెడీ ని అందిస్తూ ప్రేక్షకులకు చేరువైంది. ఇంతకీ ఈమెకు జబర్దస్త్ లో అవకాశం ఎలా వచ్చిందో తెలియదు కదూ.. ఈమె టిక్ టాక్ ద్వారా ఫేమస్ అయింది. అలా జబర్దస్త్ లోను అవకాశం వచ్చింది. మరో వైపు షార్ట్ ఫిలిం లో కూడా నటిస్తూ పాపులారిటీ పెంచుకుంటోంది.

గత వారం రోజులుగా ఆంధ్రప్రదేశ్ లోని పలు ప్రాంతాలు వరద భీభత్సంతో అల్లాడుతున్న సంగతి తెలిసిందే. వరసగా వర్షాలు పడుతుండడంతో వరద తలెత్తి రాష్ట్రంలో పలు చోట్ల ఇబ్బందికర పరిస్థితులు నెలకొన్నాయి. ఇవి ఇంకా సద్దుమణగనే లేదు అప్పుడే మరో ఇబ్బందికర పరిస్థితి రాబోతోంది.

ఇప్పుడిప్పుడే ఆంధ్ర రాష్ట్రాలు కోలుకుంటున్నాయి అనుకునేలోపే మరో ఇబ్బంది రాబోతోంది అంటూ వాతావరణ శాఖ హెచ్చరిస్తోంది.

దక్షిణ థాయిలాండ్ పరిసర ప్రాంతాలలో అల్పపీడనం ఏర్పడిందని వాతావరణ శాఖ తాజాగా హెచ్చరిక విడుదల చేసింది. దీనిపై అనుబంధంగా ఉన్న ఉపరితల ఆవర్తనం మధ్యస్థ స్థాయి ట్రోపోస్పేయర్‌ వరకు వ్యాపించి ఉన్నట్లు తెలుస్తోందని వాతావరణ శాఖ పేర్కొంది. ఈ అల్పపీడనం పశ్చిమ వాయువ్య దిశ వైపు ప్రయాణిస్తూ రేపు వాయుపీడనంగా మారనుందని పేర్కొంది.

తర్వాత 24 గంటల్లో బంగాళాఖాతం కేంద్రంగా పెను తుఫాను వచ్చే అవకాశం ఉందని పేర్కొంది. ఆ తరువాత మరింత బలపడి డిసెంబరు 4వ తేదీ నాటికి ఉత్తరాంధ్ర- ఒడిశా తీరానికి చేరే అవకాశం ఉన్నట్లు పేర్కొంది. ఈ లెక్కన, డిసెంబరు 3, 5 తేదీల్లో కోస్తాంధ్ర లో పలు ప్రాంతాలలో వర్షాలు కురిసే అవకాశాలు ఉన్నాయి. ఈ క్రమంలో అధికారులు లోతట్టు ప్రాంతాలలో నివసిస్తున్న ప్రజలను అప్రమత్తం చేస్తున్నారు. ఇప్పటికే కురిసిన వర్షాల వలన చెరువుల్లోనూ, వాగుల్లోనూ, బావుల్లోనూ నీరు అలానే ఉంది. చాలా ప్రాంతాల్లో రోడ్లపై నీరు ఇంకా ఇంకిపోలేదు. ఈ క్రమంలో తిరిగి వర్షాలు పడితే.. పరిస్థితి మరింత ఇబ్బందికరంగా మారే అవకాశం ఉంది.