News

జీవితంలో ఉన్నత చదువులు చదవాలన్నా.. ఉన్నతమైన స్థానంలో ఉద్యోగం పొందాలన్నా పరీక్షలు తప్పనిసరి. మనం పరీక్షలు రాసి, మంచి మార్కులు తెచ్చుకుంటే.. మన ప్రతిభకు తగ్గ స్థానం లభిస్తుంది. అయితే.. పరీక్షకు హాజరు అవ్వడానికి ముందు కొన్ని విషయాలను కూడా మనం పరిగణనలోకి తీసుకోవాలి. మనం తీసుకెళ్లాల్సిన హాల్ టికెట్, మన వస్త్ర ధారణ, మనతో పాటు తీసుకెళ్లే వాచ్, కాలిక్యులేటర్ లాంటివి అనుమతిస్తారో..లేదో ముందే తెలుసుకుని అందుకు తగ్గట్లుగా ప్రిపేర్ అయ్యి వెళ్లాల్సి ఉంటుంది.

ఇవేమి పట్టించుకోకుండా వెళ్తే.. ఎగ్జామ్ హాల్ కి వెళ్ళాక ఇక్కట్లు తప్పవు. అన్నిటికంటే ముఖ్యమైన విషయం ఏమిటంటే.. పరీక్ష సమయానికి కనీసం అరగంట ముందే వెళ్లడం మంచిది. ఎందుకంటే.. దారిలో ట్రాఫిక్ ఇబ్బందులు రావచ్చు.. లేక అక్కడికి వెళ్ళాక మరేదైనా సమస్య ఎదురవ్వచ్చు. వీటిని ఎదుర్కోవాలంటే ముందు మనకు సమయం కావాలి. లేదంటే ఈ అమ్మాయిలా ఇబ్బంది పడక తప్పదు. అస్సాంకు చెందిన 19 ఏళ్ల జూబ్లీ అనే విద్యార్థిని తేజ్‌పుర్‌లోని గిరిజానంద చౌదరి ఇనిస్టిట్యూట్ ఆఫ్ ఫార్మాస్యూటికల్ సైన్సెస్ కాలేజీలో ఏఏయూ పరీక్ష రాయడం కోసం తన తండ్రితో పాటు కలిసి వెళ్ళింది.

ఆమె సమయానికే వెళ్ళింది.. కానీ ఆమె షార్ట్స్ ధరించి ఉంది. షార్ట్స్ ను ధరించి ఉన్నప్పటికీ.. సెక్యూరిటీ గార్డ్ ఆమెను లోపలకి అనుమతించడంతో ఆమెకు ఏ అనుమానం రాలేదు. కానీ.. ఎగ్జామ్ రూమ్ లోకి వెళ్తున్న టైంలో ఇన్విజిలేటర్ అడ్డుకున్నారు. షార్ట్స్ ధరిస్తే.. పరీక్షకు అనుమతించేది లేదని తేల్చి చెప్పడంతో.. చేసేది లేక ఆమె ఏడ్చుకుంటూ బయటకు వచ్చి తన తండ్రికి జరిగింది చెప్పింది. దీనితో ఆ తండ్రి వారిని ఎంతో ప్రాధేయపడ్డాడు.

చివరకు వారు ప్యాంటు ధరిస్తే తప్ప ఎగ్జామ్ కు అనుమతించేది లేదన్నారు. అప్పటికప్పుడు ఆ తండ్రి 8 కిలోమీటర్ల దూరం వెళ్లి ఓ ట్రూజర్ ను కొనుక్కొచ్చారు. ఆ లోపలే.. కిటికీలకు ఉన్న కర్టైన్ లను తొలగించి.. ఆమె కాళ్లకు చుట్టి పరీక్ష రాయించారు. బయటకు వచ్చిన తరువాత ఆ అమ్మాయి తన వేదనను మీడియాతో పంచుకుంది. గతంలో నీట్ పరీక్షకు ఇలానే వెళ్లానని.. వాళ్ళు ఏమి అభ్యంతరం పెట్టలేదని తెలిపింది. ఏఏయు సైతం నోటిఫికేషన్ లో డ్రెస్ కోడ్ ను పెట్టలేదని.. తనకు ఎలా తెలుస్తుంది? అని ప్రశ్నించింది. ఈ యాజమాన్యం డ్రెస్ పై పెట్టిన శ్రద్ధ కోవిడ్ నిబంధనలు పాటించడంలో పెట్టలేదని.. మాస్క్, టెంపరేచర్ వంటివి చెక్ చేయడం లేదని ఆవేదన చెందింది.

బాలీవుడ్ స్టార్ కపుల్ కరీనా, సైఫ్ అలీఖాన్ లు తమ పిల్లలతో కలిసి పర్యటనకు బయలుదేరారు. కాగా.. వీరికి ముంబై ఎయిర్పోర్ట్ లో చేదు అనుభవం ఎదురైంది. ముందుగా సైఫ్, తైమూర్ లు వెళ్లిపోగా.. వెనకాల కరీనా, కుమారుడు జహంగీర్, కేర్ టేకర్లు వస్తున్నారు. కాగా… కరీనా వెనక వస్తున్న కేర్ టేకర్ ను సీఐఎస్ఎఫ్ అధికారులు అడ్డుకున్నారు. పాస్ పోర్ట్ ను చూపించాలని కోరారు. వెనక్కు వచ్చిన కరీనా ను కూడా పాస్ పోర్ట్ ను చూపించాలని అడగ్గా.. కరీనా కూడా చూపించారు. ప్రస్తుతం ఈ వీడియో నెట్టింట్లో చక్కర్లు కొడుతోంది. స్టార్ లు అయినప్పటికీ.. సీఐఎస్ఎఫ్ అధికారులు తమ బాధ్యత చక్కగా నిర్వర్తించారంటూ నెటిజన్లు కితాబిస్తున్నారు.

ఒక వ్యక్తి తన ప్రేయసిని 10 సంవత్సరాల పాటు ఒకే గదిలో బంధించాడు అని ఆరోపణలు ఎదుర్కొన్నారు. కానీ ఈ ఘటనకు సంబంధించిన ఆశ్చర్యకరమైన విషయం ఒకటి ఇటీవల వెలుగులోకి వచ్చింది. వివరాల్లోకి వెళితే, న్యూస్ 18 తెలుగు కథనం ప్రకారం రెహమాన్, సజిత అనే ఇద్దరు వ్యక్తులు పెళ్లి చేసుకోవాలని అనుకున్నారు. 2010లో సజిత తన ఇంటి నుండి బయటికి వచ్చేశారు. అప్పుడు తనకి 18 సంవత్సరాలు. రెహమాన్ ఎలక్ట్రిక్ పెయింటింగ్ వర్క్ చేసేవారు. దాంతో రెహమాన్ ఎవరికి తెలియకుండా సజితని పది సంవత్సరాలపాటు ఒకచోట ఉంచారు.

తర్వాత ఈ సంవత్సరం వితనస్సేరి లోని ఒక ఇంట్లోకి మారారు. రెహమాన్ ఆచూకీ కనిపించడం లేదు అని రెహమాన్ కుటుంబ సభ్యులు పోలీసులకు ఫిర్యాదు చేయడంతో పోలీసులు దర్యాప్తు చేపట్టారు. ఇందులో కూడా ఎటువంటి ఆధారాలు లభించలేదు. తర్వాత రహమాన్ సోదరుడు నేన్మారాలో అతని ఆచూకీ గుర్తించి పోలీసులకు సమాచారం అందించడంతో పోలీసులు రెహమాన్ ని అదుపులోకి తీసుకున్నారు.

representative image

మొదట రెహమాన్ సజితని  బలవంతంగా బంధించారు అని అనుకున్నారు కానీ వారిద్దరూ కలిసి ఉంటున్నామని చెప్పారు. తాము చట్ట ప్రకారం పెళ్లి చేసుకోలేదు, సహజీవనం చేస్తున్నామని చెప్పారు. సజిత కూడా రెహమాన్ ని ప్రేమిస్తున్నాను అని చెప్పడంతో ఈ కేస్ మూసివేశారు. ఇటీవల వారిద్దరూ స్పెషల్ మ్యారేజ్ యాక్ట్ ప్రకారం వివాహం చేసుకున్నారు. ఈ విషయంపై రెహమాన్ మాట్లాడుతూ అధికారిక వివాహం వారిని కాపాడుతుంది అని తమకు తెలుసు అని, ఇప్పుడు తాము సంతోషంగా ఉన్నామని, అలాగే సురక్షితంగా ఉన్నట్టు భావిస్తున్నామని చెప్పారు.