News

కట్టుకున్న భర్త కు అనారోగ్యం.. అయినప్పటికి గుండె దిటవు చేసుకుని ఆ సంసారాన్ని నెట్టుకొస్తోంది ఆ ఇల్లాలు. ఇంటి పోరే తప్పేటట్లు లేదనుకుంటే.. దానికి తోడు మామ వేధింపులు. ఇవన్నీ భరించలేక పిల్లలతో కలిసి ఆత్మహత్య చేసుకుందామనుకుంది. పిల్లలతోనే బకింగ్‌హామ్‌ కెనాల్‌ లాకుల వద్ద ఆత్మహత్య చేసుకోవడానికి వచ్చింది. నాన్న దగ్గర ఉండొద్దు.. అమ్మమ్మ వాళ్ళింటికి వెళ్ళిపోదాం.. అంటూ ఆమె కన్నకూతురు ఎంతగానో బతిమిలాడింది.

కానీ తనను ఆదరించే వారు ఎవరు లేరు అనుకుందో ఏమో.. ఆత్మహత్య కు ప్రయత్నించింది. కూతురు, కొడుకు ని తోసేసి.. ఆ తరువాత తానూ నీటిలోకి దూకేసింది. పిల్లలు మాకు ఈత రాదు అని వారిస్తున్నా వినలేదు. అదే సమయం లో వారిని చూసిన హెడ్ కానిస్టేబుల్ వారిని ఆపడానికి ప్రయత్నించారు. అంతలోనే వారు దూకేశారు. అదే కెనాల్ లో చేపలు పడుతూ ఉన్న యాకోబు, యేసు, నాగరాజు, క్రిష్టియన్ బాబు లు నీళ్ళలోకి దూకి వారిని రక్షించారు.

ఆమెను రక్షించగానే.. ఎందుకు కాపాడారంటూ ఆమె భోరున విలపించింది. ఆమె తన పేరు శాంతి ప్రియా అని చెప్పి, తన పరిస్థితులు చెప్పుకొచ్చింది. మూడేళ్ళ క్రితం తన భర్తకు రెండు కిడ్నీలు చెడిపోయాయి. అయితే.. అతనికి కిడ్నీ దానం ఇవ్వడానికి భర్త తండ్రి కానీ, భర్త తమ్ముడు కానీ ముందుకు రాలేదు. దీనితో ఆమె తన కిడ్నీలలో ఒకదానిని దానం చేసింది. అప్పటినుంచి ఆమె ఆరోగ్యం కూడా దెబ్బ తింది. అయినా ఇంటి పనంతా చూసుకుంటూ సంసారాన్ని లాక్కొస్తోంది.

ఇది ఇలా ఉండగానే.. మరో వైపు మామ వేధిస్తుండడం తో.. ఆమె మరింత అసహనానికి గురైంది. ఈ విషయం భర్తకు చెప్పినా చేసేదేమి లేకపోవడం తో తనలో తానే కుమిలిపోయింది. పుట్టింటి వారితో చెప్పి మొరపెట్టుకున్నా ఫలితం లేకపోయింది. తనలో తానే బాధపడుతూ.. చివరకు ఆత్మహత్య చేసుకోవాలనుకుంది. తన రెండో కూతురు మరిది తో కలిసి బయటకు వెళ్లడం తో.. పెద్దకూతురును, కొడుకుని తీసుకెళ్లి నీటిలో తోసేసి.. తానూ దూకేసింది.

విషయం తెలుసుకున్న పోలీసులు.. ఆమె కుటుంబసభ్యులను పిలిపించారు. ఆమె మామ రామకృష్ణ వస్తూనే.. నీ మొగుడిని.. కూతురుని కూడా తీసుకెళ్లి ఆత్మహత్య చేసుకుంటే పీడా విరగడ అయ్యేది అనడం తో హతాశురాలైంది. పోలీసులు కలగచేసుకుని వారికి కౌన్సిలింగ్ ఇప్పించారు. ఆ తరువాత శాంతిప్రియ తల్లితండ్రులను పిలిపించి ఆమెను, ఆమె పిల్లలను కూడా తల్లితండ్రుల వద్దకు పంపించారు

సాధారణంగా పెళ్లి అంటే మనం భారతదేశంలో ఒక విలువ ఇస్తారు. కానీ కొంత మంది మాత్రం ఆ విలువలు అన్నీ మర్చిపోయి ప్రవర్తిస్తూ ఉంటారు. వివరాల్లోకి వెళితే, న్యూస్ 18 తెలుగు కథనం ప్రకారం, విశాఖపట్నంలోని గాజువాకకి చెందిన రేణుక అనే యువతికి జగదీష్ తో వివాహం జరిగింది. పెళ్లి అయిన మూడు రోజులకే ఆ యువతి గర్భవతి అని తేలింది. దాంతో జగదీష్ రేణుకని వదిలేశాడు. రేణుక అంతకుముందే శ్రీనివాస్ అనే వ్యక్తిని ప్రేమించింది.

అప్పుడే రేణుక గర్భం దాల్చింది. తర్వాత శ్రీనివాస్ వేరే పెళ్ళికి సిద్ధమయ్యాడు. రేణుక ఒక పాపకు జన్మనిచ్చింది. శ్రీనివాస్ ని రేణుక నిలదీయడంతో, శ్రీనివాస్ రేణుక వదిలించుకోవాలి అనుకొని ఒక ప్లాన్ వేసాడు. పాప బాధ్యత తీసుకుంటాను అని అలాగే తనకి కొంత నగదు కూడా ఇస్తాను అని చెప్పి ఇంట్లో చూపించిన అమ్మాయిని పెళ్లి చేసుకున్నాడు శ్రీనివాస్. శ్రీనివాస్ పిన్ని కొడుకు అయిన ప్రసాద్ ఆర్మీలో ఉద్యోగం చేస్తున్నాడు. అతడి వివరాలను రేణుకకి ఇచ్చి ప్రసాద్ ని లైన్ లో పెట్టమని అని చెప్పాడు శ్రీనివాస్. ప్రసాద్ తో క్లోజ్ అయ్యి పెద్దలకు తెలియకుండా తనని పెళ్లి చేసుకునేలా చేసింది రేణుక.

ఉద్యోగరీత్యా లక్నోలో ఉంటున్న ప్రసాద్, రేణుకని కాపురానికి లక్నో కి తీసుకెళ్లి ఆమెకి ఎన్నో లక్షల విలువ చేసే బంగారాన్ని కొనిచ్చాడు. కొంతకాలం తర్వాత తనకి జివిఎంసిలో ఉద్యోగం వచ్చిందని చెప్పి విశాఖపట్నం వచ్చి శ్రీనివాస్ తో సెటిల్ అయ్యింది రేణుక. ఈలోగా లాక్ డౌన్ రావడంతో ప్రసాద్ వైజాగ్ కి రాలేకపోయాడు. కానీ తరచుగా రేణుకతో ఫోన్లో మాట్లాడుతూ ఉండేవాడు. ఆ తర్వాత తన తల్లికి ఆరోగ్యం బాగాలేదు అని చెప్పి తరచుగా ప్రసాద్ నుండి డబ్బులు తీసుకోవడం మొదలుపెట్టింది రేణుక.

సర్జరీల పేరుతో దాదాపు 45 లక్షల రూపాయలను ప్రసాద్ నుండి తీసుకుంది రేణుక. అంతే కాకుండా తర్వాత తన తల్లి చనిపోయింది అంటూ నమ్మించింది. ఇదంతా మాత్రమే కాకుండా ప్రసాద్ కి తెలియకుండా సాయి అనే ఒక ప్రైవేట్ ఫైనాన్స్ సంస్థలో పనిచేస్తున్న యువకుడిని కూడా పెళ్లి చేసుకుంది రేణుక. చివరికి రేణుక గురించి తెలుసుకున్న ప్రసాద్ గాజువాక పోలీసులను ఆశ్రయించాడు. పోలీసులు కేసు నమోదు చేసుకుని దర్యాప్తు చేస్తున్నారు.

ఇటీవల కాలం లో ప్రేమ వివాహాలు ఎక్కువ గానే జరుగుతున్నాయి. ఐతే.. కన్న వారికి ఇష్టం లేకుండా బలవంతం గా పిల్లలు చేసుకునే వివాహాలే కొంత బాధ కలిగిస్తూ ఉంటాయి. తాజాగా.. అలాంటి ఘటనే కాకినాడ రిజిస్ట్రార్ ఆఫీస్ వద్ద చోటు చేసుకుంది. ఓ కూతురు కులాంతర వివాహం చేసుకోవడం తో.. ఆమె తల్లి తండ్రులు పడుతున్న వేదన చూసి స్థానికులు కలత చెందుతున్నారు.

ఇక వివరాల్లోకి వెళితే.. తూర్పుగోదావరి జిల్లా కు చెందిన ఓ అమ్మాయి.. కాకినాడకు చెందిన అబ్బాయి ప్రేమించుకుంటున్నారు. అయితే.. వీరిద్దరూ వేరే కులానికి చెందిన వారు కావడం తో.. వీరిద్దరికి పెళ్లి చేయడానికి అమ్మాయి తరపు తల్లితండ్రులు నిరాకరించారు. దీనితో వారిద్దరూ తల్లితండ్రులకు చెప్పకుండానే వివాహం చేసుకోవాలని నిర్ణయించుకున్నారు.

నలభై రోజుల క్రితమే వారు కాకినాడ  రిజిస్ట్రార్ ఆఫీస్ లో తమ వివాహం కోసం బుక్ చేసుకున్నారు. తాజాగా.. అనుకున్న తేదీ రాగానే.. ఇంట్లో చెప్పకుండా అక్కడకు వెళ్లి పెళ్లి చేసుకున్నారు. అయితే.. ఈ విషయం అమ్మాయి తల్లితండ్రులకు తెలియడం తో వెంటనే అక్కడకు చేరుకున్నారు. నవమాసాలు మోసి, కని, పెంచితే.. నీకు ఏది కావాలంటే అది ఇస్తే.. అవన్నీ మర్చిపోయి ఇంత మోసం చేస్తావా..? అంటూ ఆ అమ్మాయి తల్లి గుండెలవిసేలా రోదిస్తూ.. వారిని అడ్డుకోవడానికి ప్రయత్నించింది.

దీనితో అక్కడ ఉద్రిక్త పరిస్థితి నెలకొంది. చుట్టూ పక్కల వారు కూడా పోగుబడి వారిని అడ్డుకోవడానికి ప్రయత్నిస్తున్నారు. ఇంత రద్దీ లో కూడా.. ఆ అబ్బాయి చాకచక్యం గా ఆ అమ్మాయిని బయటకు తీసుకెళ్లిపోయాడు. బయట అతని స్నేహితులు కారు తో సిద్ధం గా ఉన్నారు. వెంటనే ఆ కారు ఎక్కి వెళ్లిపోయారు. ఆ కారు వెనకాలే తల్లి తండ్రులు కూడా పరిగెత్తారు కానీ.. వారిని అందుకోలేకపోయారు. వారు పడుతున్న వేదన చూస్తుంటే.. ఎవరికైనా గుండె తరుక్కుపోతుంది.

విశాఖపట్నంలో జరిగిన ఘటన ప్రస్తుతం చర్చలకు దారి తీసింది. వివరాల్లోకి వెళితే, సాక్షి కథనం ప్రకారం, భార్గవి అనే ఒక యువతి తనకు ఇష్టం లేని పెళ్లి చేస్తున్నారు అని పోలీస్ కంప్లైంట్ ఇచ్చింది. ఇవాళ భార్గవి తను ప్రేమించిన యువకుడిని సింహాచలంలో పెళ్లి చేసుకుంది. శుక్రవారం పోలీస్ కంప్లైంట్ ఇచ్చిన భార్గవి తన ప్రేమ గురించి తన తల్లిదండ్రులకి తెలియదు అని చెప్పింది.

కానీ ఇప్పుడు మాత్రం తన ప్రేమని తన తల్లిదండ్రులు ఒప్పుకోలేదు అని చెప్పింది. అందుకే తాను ప్రేమించిన యువకుడిని పెళ్లి చేసుకున్నాను అని చెప్పింది. భార్గవి మేజర్ కావడంతో పోలీసులు తన నిర్ణయానికే వదిలేశారు. తన తల్లిదండ్రులు ఏమనుకున్నా పర్వాలేదు అని, తాను మాత్రం తనకి నచ్చిన వ్యక్తిని పెళ్లి చేసుకున్నాను అని భార్గవి చెప్పింది.

watch video :