News

కొన్ని కొన్ని సార్లు మన జీవితం లో ఊహించని విషాదాలు చోటు చేసుకుంటూ ఉంటాయి. మనం ఎంతో కష్టపడి కట్టుకున్న ఆశల సౌధాన్ని కూల్చివేస్తూ ఉంటాయి. ఈ అమ్మాయి విషయం లో అదే జరిగింది. మంగళూరు ఎస్పీ ఆఫీసులో విధులు నిర్వర్తిస్తున్న మహిళా పోలీస్ షాలిని కరోనా కారణం గా లోకాన్ని వీడింది. 24 ఏళ్ల వయసుకే పోలీస్ అయిన షాలిని ప్రస్తుతం ఏడు నెలల గర్భవతి.

ఏప్రిల్ 20 న ఆమె మెటర్నిటీ సెలవు తీసుకుని సొంత ఊరైన కోలార్ కు వెళ్ళింది. ఆ తరువాత ఆమెకు కరోనా లక్షణాలు కనిపించడం తో టెస్ట్ చేయించుకుంది. పాజిటివ్ గా తేలడం తో ఆమె కుటుంబ సభ్యులు ఆమెను ఆసుపత్రి లో చేర్పించారు. జాలప్ప ఆసుపత్రి లో ఆమె చికిత్స తీసుకుంటూ మే 18 న మరణించింది. ఎప్పుడు నవ్వుతు హుషారు గా ఉండే షాలిని ఇక లేదన్న విషయాన్నీ ఆమె కుటుంబ సభ్యులు జీర్ణించుకోలేకపోతున్నారు.

మరణం ఎప్పుడు ఎవరిని తీసుకెళ్లిపోతుందో చెప్పలేం.. అందుకే నూకలున్నంత వరకే జీవితం అంటుంటారు. తాజాగా.. కొత్తగా పెళ్లి చేసుకున్న రోజుల గడువులోనే నవ వధువు ఈ లోకాన్ని వీడి వెళ్ళిపోయింది. ఈ ఘటన కుటుంబం లోను, బంధువుల్లోనూ.. స్థానికంగా విషాదాన్ని మిగిల్చింది. నాగర్ కర్నూల్ కు చెందిన శ్రీవాణికి, తాండూరు కు చెందిన నవీన్ కు పెద్దలు వివాహం నిశ్చయించారు. ఈ నెల 14 న ఈ వివాహం జరిగింది. బంధుమిత్రులంతా కలిసి భోజనాలు చేశారు.

ఆ మరునాడు వధూవరులిద్దరూ కలిసి ఆలయం లో అభిషేకం చేసారు. ఆ తరువాత ఇంటికి చేరుకున్నారు. అప్పటినుంచి శ్రీవాణి కి అస్వస్థత చేకూరింది. ఉన్నట్లుండి వాంతులు చేసుకోవడం తో అందరిలోనూ కంగారు మొదలైంది. మరికాసేపటికి శ్రీవాణి కుప్పకూలిపోయింది. వెంటనే ఆమెను ఆసుపత్రికి తరలించారు. చికిత్స తీసుకుంటూనే శ్రీవాణి మరణించింది. ఆమెకు కరోనా సోకినా పట్టించుకోకుండా పెళ్లి చేసారంటూ ఇరుగు పొరుగు వారు చెబుతున్నారు. కానీ, అలసట, నిద్ర లేకపోవడం, సరిగ్గా తినకపోవడం వలనే ఆమెకు బిపి డౌన్ అయి మరణించిందని తల్లి తండ్రులు చెబుతున్నారు.