News

మాములుగా జనాలు పామును చూడడానికే భయపడతారు . కానీ ఆ వ్యక్తి మాత్రం దానిని కొరికి కొరికి చంపేశాడు .అది కర్ణాటకలోని … కోలార్ లో జరిగిన ఘటన . లాక్ డౌన్ వలన ఈ మధ్యనే మద్యం దొరకడంతో అప్పుడే తాజాగా కొనుకున్న మందు బాటిల్ తో ఇంటికి వెళ్తున్నాడు 38 ఏళ్ళ కన్స్ట్రక్షన్ వర్కర్ కుమార్ . మస్తూర్ గ్రామానికి చెందిన కుమార్ అప్పటికే పూర్తిగా మద్యం మత్తులో ఉన్నాడు .ఆలా బైక్ మీద వెళ్తుండగా ఓ పాము కుమార్ బైక్ కు అడ్డంగా వచ్చింది .ఇంటికి ఎప్పుడు వెళ్లి క్వార్టర్ ఫినిష్ చేద్దామా అనే మూడ్ లో ఉన్న కుమార్ కు దానిని చూడగానే పిచ్చి కోపం వచ్చింది .

బైక్ రెండు చక్రాల మధ్య పాము ఉంది . దాన్ని పట్టుకొని మెడలో వేసుకున్నాడు . కొంత దూరం బైక్ డ్రైవ్ చేసుకుంటూ వెళ్ళాక …పాము అటు ఇటు కదులుతుంటే చిరాకు వచ్చింది కుమార్ కి .దీంతో బైక్ ను సడన్ గా ఆపి పామును చేతులతో పట్టుకున్నాడు .అప్పటికే జనం గుమిగూడి ఆశ్చర్యంగా చూస్తున్నారు ఏంటి పామును ఇలా పట్టేసుకున్నాడు అని.పామును ఎడమ చేత్తో పట్టుకుని జంతికలు కోరినట్టు కొరుకుతుంటే చుట్టూ ఉన్న జనం నివ్వెరపోయారు .అది చాలా విషపూరితమైన పాము ఎందుకిలా చేస్తున్నాడు అని అక్కడ ఉన్న జనం వింతగా మాట్లాడుకున్నారు .సదరు సంఘటన ను వీడియో ఫోటోలు తీశారు .

సమాచారం తెలిసిన పోలీసులు అరగంట తర్వాత ఘటన స్థలానికి చేరుకున్నారు .ఆ సమయానికే పాము చచ్చిపోయింది. పోలీసులు ఆ వ్య్తకి ఏక్కడ ఉంటాడో తెలుసుకొని ఇంటికి వెళ్లారు . ఎందుకిలా చేసావ్ అని పోలీసులు అడగగా ..నాకు అది పాము అని అసలు తెలియదు సార్ అన్నాడు .కానీ నాకు ప్రమాదం ఏమి జరగదు అంటూ తన మూడేళ్ళ కొడుకు వైపు చూసాడు . డాక్టర్ దగ్గరకి వెళ్దాం అని పోలీసులు అడగగా నాకు ఏమి జరగదు అయినా మా ఊరిలో ఇలాంటి పాములను చాలానే చూస్తూ ఉంటాం అని సమాధానమిచ్చాడు కుమార్.

ఇది ఇలా ఉండగా..కుమార్‌ను ముల్‌బాగల్ అటవీ శాఖ అధికారులు అరెస్టు చేసి అతనిపై కేసు నమోదు చేసారు. వన్యప్రాణి కార్యకర్త శరత్ బాబు ఇండియన్ ఎక్స్‌ప్రెస్.కామ్‌తో మాట్లాడుతూ “కుమార్ కొరికిన పాము ర్యాట్ స్నేక్, దీనిని కన్నడలో కేరె హావు అంటారు. అటవీ అధికారుల ప్రకారం, కుమార్ పామును ఎత్తుకొని అతని మెడలో ఉంచాడు. తరువాత దానిని కొరికేటప్పుడు మద్యం సేవించడం ప్రారంభించాడు. “మేము అక్కడికి చేరుకున్నప్పుడు, కుమార్ ఒక దుకాణం దగ్గర విశ్రాంతి తీసుకుంటున్నప్పుడు పాము చనిపోయింది” అని అధికారి చెప్పారు. రాష్ట్రంలో మద్యం అమ్మకాలు మొదలైన మరుసటి రోజే ఈ ఘటన జరిగింది.

కొన్ని రాష్ట్రాల్లో మద్యం అమ్మకాలు మొదలయ్యాయి. రెండు తెలుగు రాష్ట్రాల్లో మద్యం అమ్మకాలు జరిగాయి. ఇన్ని రోజులు మద్యం దొరకకపోవడం వల్ల మందు బాబులు అందరు మద్యం కోసం వైన్ షాప్స్ దగ్గర ఒక్కసారిగా ఎగబడ్డారు. సామజిక దూరం చాలామంది పాటించలేదు. కేవలం ఒక్క రోజే కొన్ని కోట్ల ఆదాయం వచ్చింది మద్యం అమ్మకాల వల్ల.

కొన్నిచోట్ల మహిళలు కూడా వైన్ షాప్స్ దగ్గర లైన్ లో నించున్నారు.ఉదయం 11 గంటల నుంచి రాత్రి 7 గంటల వరకు వైన్ షాప్ ఓపెన్ చేయాలి రూల్ పెట్టారు. నియంత్రించేందుకు మద్యం ధరలను కూడా పెంచారు. కానీ ధరలు పెరిగినా మందు బాబులు మాత్రం అస్సలు వెనకడుగు వేయలేదు. ఈ నేపథ్యంలో ఈ పరిస్థితిపై సోషమీడియాలో కొన్ని ట్రోల్ల్స్ వచ్చాయి. అవి చూసి నవ్వుకోండి.

లాక్ డౌన్ కారణంగా మందుబాబులు 45 రోజులు లిక్కర్ కు దూరంగా ఉండాల్సి వచ్చింది. తర్వాత లాక్ డౌన్ ఇంకెన్ని రోజులు ఉంటుందో అనే ఆలోచనతో మందుకు కొరత లేకుండా కొని పెట్టుకునేందుకు పోటీ పడ్డారు మందుబాబులు. బెంగళూరులో ఓ వ్యక్తి ఏకంగా 52, 841 రూపాయల విలువ చేసే లిక్కర్ కొనుగోలు చేశాడు. ఈ బిల్లు సోషల్ మీడియాలో వైరల్ గా మారింది.

లైట్ బీర్ ధరను రూ. 20, స్ట్రాంగ్ బీర్ ధరను రూ. 10 మేరకు పెంచింది. క్వార్టర్ బాటిల్ పై రూ. 20, హాఫ్ బాటిల్ పై రూ. 40, ఫుల్ బాటిల్ పై రూ. 80, ఫారిన్ లిక్కర్ బాటిల్ పై రూ. 150 చొప్పున ధరలను పెంచారు. అన్ని రకాల బ్రాండ్లపై 20 శాతం వరకూ ధరలను పెంచింది. రేట్లు ఎంత పెరిగినా మాకు పట్టదు అన్నట్టు కొంటున్నారు మందుబాబులు.

1.

2.

3.

4.

5.

6.

7.

8.

9.

10.

11.

12.

13.

ఒకవైపు ప్రపంచాన్ని కరోనా గడగడలాడిస్తుంటే , ఆంధ్రప్రదేశ్ లోని విశాఖ జిల్లా వాసులకు మరో ఘటన కుదిపేసింది..ఎప్పుడు ఎక్కడ కరోనా ఎవరికి సోకుతుందో తెలియక భయపడుతూ , బిక్కు బిక్కుమంటూ పడుకున్న ప్రజలను , నిద్రలో ఉండగానే మృత్యువు మరో రూపంలో కబలించింది.  ఎక్కడి జనం అక్కడ కుప్పకూలిపోతున్నారు, జంతువులు గిలగిల కొట్టుకుంటూ చనిపోతున్నాయి.ఇంతకీ వైజాగ్లో  ఏం జరిగింది?ప్రస్తుత పరిస్థితి ఎలా ఉంది??

తెల్లవారుఝామున 4గంటలకు

విశాఖలోని గోపాలపట్నం పరిధిలోని ఆర్‌ఆర్‌ వెంకటాపురంలోని ఎల్‌జి పాలిమర్స్ పరిశ్రమలో తెల్లవారుజామున భారీ ప్రమాదం చోటుచేసుకుంది. ఇటీవల కాలంలో లాక్ డౌన్ కారణంగా పరిశ్రమలు మూతపడిన సంగతి తెలిసిందే.ఈ రోజు పరిశ్రమ తెరిచే ప్రయత్నం జరిగిందని సమాచారం. ఆ క్రమంలో పరిశ్రమలో ప్రమాదం సంభవించి భారీగా రసాయన వాయువు లీక్ అవ్వడంతో 3 కిలోమీటర్ల​ మేర గ్యాస్ వ్యాపించింది. లీకైన గ్యాస్ ని స్టెరీన్ గా గుర్తించారు..పాలిమర్స్ తయారిలో ఇది ఉత్ప్రేరకంగా పనిచేస్తుంది.

భయంతో పరుగులు పెట్టిన జనం

పరిశ్రమ చుట్టుపక్కల సుమారు ఆరు గ్రామాల వరకు ఉంటాయి.. అందరూ నిద్రలో ఉండడం లీకైన గ్యాస్ పీల్చడంతో స్థానికులు ఊపిరి తీసుకోవడానికి ఇబ్బంది పడ్డారు.ఈ గ్యాస్ కి పీల్చిన వారు ఎక్కడిక్కడ కుప్పకూలిపోవడంతో అధికారులు అప్రమత్తమయి సైరన్ మోగించారు..పోలీసులు వెంటనే ఘటనా స్థలానికి చేరుకుని తలుపులు కొట్టి ప్రజలను నిద్రలేపారు. సుమారు మూడు కి,మీ మేర గ్యాస్ వ్యాపించడంతో రోడ్లపైన ఎక్కడిక్కడ జనం కుప్పకూలిపోయారు.  చిన్నపిల్లలు, మహిళలు ఎక్కువగా ప్రమాదానికి గురైన ఈ ఘటనలో ఇప్పటివరకు 10మరణాలు సంభంవించాయి . సుమారు వందల సంఖ్యలో జనం స్పృహ తప్పిపడిపోయారు.

అంబులెన్సులు, బస్సులలో హాస్పిటల్ కి తరలింపు

కరోనా చికిత్స కోసం కోసం ఏర్పాటు చేసిన అంబులెన్స్లు, ఆ ఏరియాకు దగ్గరలో ఉన్న సింహాచలం బస్ డిపో నుండి బస్సులను రప్పించి ప్రమాదానికి గురైన వారిని  హుటాహుటిన కెజిఎచ్ కి తరలించారు.. కరోనా పేషెంట్స్ కోసం ముందస్తుగా ఏర్పాటు చేసిన  వైద్య సదుపాయాలు, వెంటిలేటర్లు ఏర్పాటు చేయడంతో,  వందల సంఖ్యలో వస్తున్న జనానికి వైద్యం అందించడం, వెంటిలేటర్లు ఏర్పాటు చేయడం కొద్దిగా సులువయింది.

గ్రామాలను ఖాళీ చేయిస్తున్న అధికారులు

పరిశ్రమకు 5 కిలోమీటర్ల పరిధిలో ఉన్న ప్రాంతాల ప్రజలను ఇళ్ల నుంచి ఇతర ప్రాంతాలకు తరలిస్తున్నారు. వారికి వసతి ఏర్పాట్లు చేస్తుంది ప్రభుత్వం. ప్రజలు కూడా ఇల్లు ఖాళీ చేసి దూరప్రాంతాల్లో ఉన్న బంధువుల ఇళ్లకు చేరుకుంటున్నారు. సుమారు 20వేల మందికి పైగా జనం ఇతర ప్రాంతాల్లోని బంధువుల ఇంటికి చేరుకున్నట్టు సమాచారం.. ప్రస్తుతం చుట్టూ ఉన్న గ్రామాలను ఖాళీ చేయించే పనిలో యంత్రాంగం ఉంది.

తాజాగా ఉత్తర కొరియా అధ్యక్షుడు కిమ్ జంగ్ ఉన్ ఆరోగ్యం విషమించింది అని ఆఖరి రోజులలో ఉన్నారని ,కొంతమంది అయితే ఏకంగా చనిపోయారనే వార్తలు కూడా ప్రచారం అయ్యాయి

తాజాగా ఒక కంపిని ఓపెనింగ్ కు కిమ్ విచ్చేసారు ।।కానీ అది కిమ్ కాదని అతని డూప్ ను పంపించారని ఇదివరకు నియంతలు కూడా అదే విధంగా చేసేవారని సోషల్ మీడియా లో పలు కధనాలు వినపడుతున్నాయి .

మాజీ బ్రిటిష్ సభ్యురాలు లూయిస్ మేన్స్ ఇది వరుకు తీసుకున్న ఫొటోలతో పోల్చితే కిమ్ పళ్ళ వరస తేడాగా ఉందని తన ట్విట్టర్ లో రెండు ఫోటోలు కలిపి ట్వీట్ చేసారు .అయితే ఇప్పుడు సోషల్ మీడియా లో అంత దీని గురించే చర్చ నడుస్తుంది .కిమ్ కనపడగానే అసలు విషయం స్పష్టం అవుతుంది అనుకుంటే కొత్తగా మరికొన్ని రూమర్స్ హల్చల్ చేస్తున్నాయి..ఇన్ని ట్విస్టుల ఇంత సస్పెన్స్ ఏ సినిమాలో కూడా చూడలేదు కానీ కిమ్ మీద నెలకొన్న కధనాలు స్పై సినిమాలను తలపించేలా ఉన్నాయని పలువురు నెటిజన్లు సోషల్ మీడియా లో కామెంట్స్ చేస్తున్నారు.

కరోనా కారణంగా అర్థాంతరంగా ఆగిపోయిన పదో తరగతి పరీక్షలను లాక్ డౌన్ ఎత్తేసిన రెండు వారాలకు నిర్వహిస్తామని ఏపీ విద్యాశాఖ మంత్రి ఆదిమూలపు సురేష్ గతంలోనే స్పష్టం చేశారు. ఈ దిశగా షెడ్యూల్ సిద్దం చేస్తున్నారంట విద్యాశాఖ అధికారులు. కరోనా విజృంభిస్తున్న నేపథ్యంలో వ్యాధిని వ్యాప్తి చెందకుండా కట్టడి చేసేందుకు తీసుకోవాల్సిన జాగ్రత్తలపై ప్రభుత్వం కీలక నిర్ణయాలు తీసుకుంది. గతంలో మాదిరిగా కాకుండా ఒక పరీక్ష హాలులో కేవలం 12 మంది విద్యార్ధులు మాత్రమే పరీక్ష రాసేలా చర్యలు తీసుకోబోతున్నారు. విద్యార్థులకు మధ్య భౌతిక దూరం పాటించేలా చర్యలు తీసుకోబోతున్నట్టు తెలిపారు. విద్యార్ధులకు మధ్య కనీసం ఆరడుగుల దూరం ఉండటంతో పాటుగా ప్రతీ బెంచ్‌కు ఒక విద్యార్ధి మాత్రమే కూర్చునే విధంగా ఏర్పాట్లు చేస్తున్నారు.

అదే విధంగా తెలంగాణాలో కూడా… సీఎం కేసీఆర్‌ హైకోర్టు సూచించిన నిబంధనల ప్రకారం మిగతా 8 పరీక్షలను నిర్వహిస్తామని తెలిపారు. 2500 పరీక్షా కేంద్రాలను అవసరమైతే 5000కు పెంచుతాం అని తెలిపారు. భౌతికదూరం పాటిస్తూ, హాళ్లను శానిటైజ్‌ చేస్తూ అన్ని జాగ్రత్తలు పాటిస్తూ టెన్త్‌ పరీక్షలు నిర్వహిస్తామన్నారు. ఈ నెలలోనే టెన్త్‌ పరీక్షలు పూర్తి చేస్తామని తెలిపారు.ఎందుకంటే ఎస్‌ఎస్‌సీ ఆధారంగానే ఇతర అడ్మిషన్స్‌, ఇంటర్మీడియట్‌ చదువు ఆధారపడి ఉంటుంది అని సీఎం పేర్కొన్నారు. విద్యార్థుల కోసం ఆర్టీసీ బస్సులు కూడా ఏర్పాటు చేస్తామని తెలిపారు.