News

హైదరాబాద్ లో చిన్న వానకే మ్యాన్ హోల్స్  నోర్లు తెరిచి ఉంటాయి. రోడ్లపై పొంగుతున్న డ్రైనేజి వాటర్లో ఆచితూచి అడుగు వేయాల్సిన పరిస్థితి . జిఎచ్ఎమ్ సి అధికారులు ఎప్పటికప్పుడు సమస్యలని పరిష్కరిస్తున్నప్పటికి వర్షం పడిన ప్రతిసారి ఏదో ఒక ఘటన చోటుచేసుకుంటూనే ఉంటుంది. తాజాగా పీర్జాదిగూడాలో జరిగిన ఘటనలో ఇద్దరు వ్యక్తులు డ్రైనేజి మ్యాన్ హోల్ లో పడిపోయారు. అందులో ఒకరు నెలల పసికందు .

కాంట్రాక్టర్ నిర్లక్ష్యానికి రెండు నిండు ప్రాణాలు నీట మునిగిపోయేవి . స్థానికులు అలెర్ట్ అయి రక్షించడంతో చంటిపిల్ల, ఒక మహిళ ప్రాణాలతో బయటపడ్డారు . హైదరాబాద్లోని పీర్జాది గూడలో రోడ్ల మరమ్మత్తుల కోసం తవ్విన గుంతలని పూడ్చలేదు.దీంతో నగరంలో నిన్న కురిసిన వర్షానికి గుంతలు నీటితో నిండిపోయాయి. అక్కడికి సమీపంలో ఉన్న హాస్పిటల్ కి చెకప్ కోసం వచ్చింది ఒక కుటుంబం . మధ్య వయస్కురాలు చంటి బిడ్డని ఎత్తుకుని హాస్పిటల్ వైపు నడుస్తుండగా చూస్కోకుండా అడుగుపెట్టి గుంతలో పడిపోయింది.

చేతిలో ఉన్న చంటిబిడ్డని మునిగిపోకుండా ప్రయత్నించింది, ఇంతలో చుట్టుపక్కల ఉన్నవాళ్లు వారిద్దరిని రక్షించారు.  మహిళ చిన్న చిన్న గాయాలతో బయటపడినప్పటికి పాప ఆరోగ్యం ఎలా ఉందన్నది తెలియాల్సి ఉంది. గతంలో కూడా ఈ ప్రాంతంలో కారు గుంతలో పడిందని సమాచారం. ఇంత జరుగుతున్న అధికారులు ఏం చేస్తున్నారనే ప్రశ్న ఎదురవుతున్నది. వర్షాలు పడినప్పటికి బయటికి వచ్చేవాళ్లు అప్రమత్తంగా ఉండాలి .

watch video:

 

View this post on Instagram

 

A post shared by SARCASM (@sarcastc_us) on Mar 19, 2020 at 8:47am PDT

దేశంలో 170 కరోనా పాజిటివ్ కేసులు నమోదవగా, రాష్ట్రంలో నిన్న ఒక్కరోజులోనే ఎనిమిది పాజిటివ్ కేసులు నమోదయ్యాయి. దీంతో ప్రజల్లో రోజురోజుకి పెరిగిపోతున్న భయాందోళనలు మానవత్వాన్ని చంపేస్తున్నాయి. అందుకు ప్రత్యక్ష ఉదాహరణగా వృద్ద దంపతులను ఇంటి నుండి గెంటివేసిన ఘటన హైదరాబాద్లో చోటుచేసుకుంది.

కరోనా వైరస్ ముఖ్యంగా ముసలివారికి, చిన్నపిల్లలకు వస్తుందనే నేపద్యంలో..కరోనా ఉందేమోననే అనుమానంతో ఇద్దరు ముసలివాళ్లని అపార్ట్ మెంట్ నుండి బయటికి పంపించివేశారు. హైదరాబాద్ నగరంలోని అల్వాల్ లో నివాసం ఉండే దంపతులిద్దరూ ఇటీవల విదేశాలకు వెళ్లి మూడు రోజుల క్రితం నగరానికి వచ్చారు. కరోనా వైరస్ ఎక్కువ గా విదేశాల నుండి వచ్చిన వారిలోనే బయటపడుతుంది కాబట్టి, వీళ్లిద్దరు కూడా విదేశాలనుండి వచ్చారనే భయంతో అపార్ట్ మెంట్ లో నివసించే వాళ్లంతా ఆ ముసలివాళ్లని అక్కడి నుండి వెళ్లిపోమని కోరారు.

వాళ్లు వినకపోవడంతో వెళ్లిపోవాల్సిందే అని ఒత్తిడి చేయడం స్టార్ట్ చేశారు. మా ఇంట్లో మేం ఉంటున్నాము, మేం అన్ని టెస్టులు చేయించుకునే వచ్చాం ఎందుకు వెళ్లిపోవాలని ఆ దంపతులు నిరాకరించారు. దాంతో అపార్ట్ మెంట్ వాసులు బలవంతంగా ఇద్దరిని బయటికి గెంటేశారు. అపార్ట్మెంట్ లో సుమారు 50 కుటుంబాలు నివసిస్తున్నాయి. విషయం పోలీసుల వరకు వెళ్లిందా లేదా , తర్వాత ఏం జరిగింది అనే సమాచారం తెలియాల్సి ఉంది.

భయపడినంతా జరుగుతోంది. ఇదే పరిస్థితి ఇలాగే కొనసాగితే మనుషులు ఒకరికొకరు ధైర్యంగా నిలబడాల్సిందిపోయి. ఒకరిని చూసి ఒకరు భయపడే పరిస్థితి ఎదురవుతుంది. కేవలం మన నిర్లక్ష్యం మూలంగా ఎందరో ప్రాణాలను బలిచేయడం సరికాదు. ప్రభుత్వాలు చెప్తున్న సూచనలు పాటించండి. కొద్దిరోజులు సామాజిక జీవనానికి దూరంగా ఉండండి.

ముఖ్యంగా విదేశాల నుండి వచ్చేవాళ్లు వారి వారి వివరాలు వైద్యశాఖ అధికారులకు ఇవ్వండి. పూర్తి చెకప్ జరిగేంత వరకు డాక్టర్ల పర్యవేక్షణలో ఉండు. విదేశాల నుండి వచ్చే వాళ్లలో కొంతమంది పారాసిటమాల్ వేసుకుని బాడీ టెంపరేచర్ కంట్రోల్ లో ఉండేలా చూస్కుంటున్నారనే వార్తల్లో మరింత కలవరపరుస్తున్నాయి. మన ఒక్కరి నిర్లక్ష్యం ఎంతో పెద్ద విపత్తు తీసుకురావొచ్చు. తస్మాత్ జాగ్రత్త!

ఓటర్ ఐడీ కార్డు, ఆధార్ కార్డుల్లో ఫోటోలు తప్పుగా ఉండటం ఇంతకముందు చూసే ఉంటాము. కానీ ఏకంగా పడవ తరగతి పరీక్ష హాల్ టికెట్ లో ఫోటో తప్పు ఉంది. ఒక గేమ్ పేరుతో హాల్ టికెట్ ను విడుదల చేసింది. అంతే కాదు విద్యార్థి తండ్రి పేరులో కూడా ఈ గేమ్ ను జోడించింది. ఫొటోలో కూడా పబ్ జి ఫోటో ఉంది. గేమ్ ఆడుకుంటూ హాల్ టికెట్ తయారు చేసారా ఏంటి?

వివరాల లోకి వెళ్తే..స్టూడెంట్ పేరు హిదయత్ పబ్​జీ, తండ్రి పేరు తాహెర్ పబ్​జీ లైట్, తల్లిపేరు రేష్మా ఫాతిమా. కానీ హాల్ టికెట్ లో మాత్రం పబ్ జి. ప్రైవేటు స్కూల్ మేనేజ్మెంట్ తప్పిదం, అధికారుల నిర్లక్ష్యంతో లేని విద్యార్థి పేరుతో ఈ హాల్​టికెట్ బయటకొచ్చింది.హైదరాబాద్‌ నగరంలోని షాలిబండకు చెందిన హిదాయత్ అనే విద్యార్థి ‘S ది స్కూల్’ అనే పాఠశాలలో చదువుకున్నాడు. పడవ తరగతి పరీక్షలు ఈ రోజు మొదలయ్యాయి.

స్కూల్ లో 43 మంది విద్యార్థులున్నారు. కానీ మేనేజ్మెంట్ 44 మంది ఉన్నట్టు అధికారులకు వివరాలు పంపించింది. 43 మంది వివరాలు సక్రమంగానే ఉన్నప్పటికీ, మరొకరికి హిదయత్ పబ్జీ పేరుతో అప్లై చేశారు. ఇష్యూ చేసిన హాల్​టికెట్(2022114399)ను స్కూల్ ప్రతినిధి సోషల్ మీడియాలో పెట్టినట్టు అధికారులు చెప్తున్నారు. దీనిపై ప్రభుత్వ పరీక్షల విభాగం డైరెక్టర్ చర్యలు తీసుకుంటున్నట్టు అధికారులు చెప్తున్నారు.

“దయచేసి మమ్మల్ని ఇండియాకి తీస్కెళ్లండి, మమ్మల్ని రక్షించండి , ప్లీజ్. ఇక్కడ క్షణం క్షణం బిక్కుబిక్కుమంటూ గడుపుతున్నాం” అంటూ ఇటలీలో చిక్కుకుపోయిన తెలుగు విద్యార్దుల వీడియో ఇప్పుడు అందరిని కంటతడి పెట్టిస్తుంది. ఉన్నత చదువుల కోసం ఇక్కడికి వచ్చాం కాని బతుకుతామో లేదో అనే భయంతో గడుపుతున్నాము, దయచేసి మమ్మల్ని తీసుకెళ్లండి అంటూ వేడుకుంటున్నారు .

కరోనా ఎఫెక్ట్ తో ఇటలీలో పరిస్థితి ఎంత ఘోరంగా ఉందో తెలిసిందే. నిమిషనిమిషానికి మృతుల సంఖ్య పెరుగుతూనే ఉంది. కరోనా నుండి చైనా కోలుకోగలిగింది కానీ, ఇటలీ పరిస్థితి మాత్రం చేయి దాటిపోయింది. అందరికి వైధ్య సదుపాయం అందించలేక, నిస్సహాయ స్థితిలో నిర్దాక్షిణ్యంగా ముసలివాళ్లకి వైధ్యసదుపాయలు అందించడానికి నిరాకరించింది .  అంతేకాదు ఇటలీ నుండి ఇతర దేశాలకు పూర్తిగా రాకపోకలు నిలిపివేశారు. ఇలాంటి పరిస్థితుల్లో మన దేశానికి చెందిన కొంతమంది విద్యార్దులు ఇటలీలో చిక్కుకుపోయారు.

మెడికల్ సర్టిఫికెట్ తీసుకొస్తేనే ఎయిర్పోర్ట్ లోకి అనుమతినిస్తామని ఆపేశారు. మరో వైపు మెడికల్ సర్టిఫికెట్ ఇవ్వడానికి చాలా సమయం పడుతుందని డాక్టర్లు అంటున్నారని చెప్తున్నారు స్టూడెంట్స్. ఈ నెల పదకొండవ తేదిన ఎయిరిండియా విమానంలో భారత్ కి చేరుకోవాల్సిన విద్యార్దులని, అక్కడ పరిస్తితి విషమంగా ఉండడంతో తీసుకురావడానికి నిరాకరించారు.

ఎంబసీ వారే ప్రత్యేక హోటల్ లో వారికి బస ఏర్పాటు చేసి, ఫూడ్ కల్సించి టెస్టులు చేయిస్తున్నారు. గత పదిరోజులుగా వారిది ఇదే పరిస్థితి.” ఇక్కడ అందరికి కరోనా సోకుతుంది . ప్రస్తుతం మేం బాగానే ఉన్నాము. కావాలంటే మమ్మల్ని ఇండియా తీసుకెళ్లి ఏ టెస్టులైనా చేసుకోండి కాని మమ్మల్ని మాత్రం ఇక్కడ నుండి తీస్కెళ్లిపోండి”  అంటూ కొందరు తెలుగు విద్యార్దులు వీడియోలో తమ బాధని విన్నవించుకుని సోషల్ మీడియాలో పోస్టు చేశారు.

సోషల్ మీడియాలో వైరలైన ఈ వీడియో అందరిని కంటతడి పెట్టిస్తుంది. కుటుంబ సభ్యులకు ఏం చెప్పలేకపోతున్నాం. గవర్నమెంటే చొరవ తీసుకుని మమ్మల్ని తీసుకెళ్లాలి. ఇండియా తీసుకెళ్లి ఎన్ని నెలలైనా మమ్మల్ని ఐసోలేషన్లో పెట్టండి కాని ఇక్కడ మాత్రం వదిలేయకండి అంటూ ఏడుస్తూ విన్నవించుకున్నారు. ఈ వీడియో చూసిన నెటిజన్స్ తెలంగాణా మినిస్టర్ కెటిఆర్, ఎపి సిఎం జగన్ లను రిక్వెస్ట్ చేస్తున్నారు.   ఉన్నత చదువలు కోసం, ఉద్యోగాల కోసం విదేశాలకు వెళ్లిన ఎందరో భారతీయుల పరిస్థితి ఇదే,  చూడాలి మరి ఏం జరుగుతుందో.

also watch: