Off Beat

మనం ఒక చోటు నుండి వేరే చోటుకు ప్రయాణించడానికి ఎన్నో రకాల వెహికల్స్ ఉన్నాయి. అందులో మనందరం ఎక్కువగా వాడేది బస్, ట్రైన్, లేకపోతే ఫ్లైట్. ఇందులో చాలా మంది ట్రైన్ ప్రయాణాలను ఫ్లైట్ ప్రయాణాల ని ఇష్టపడతారు. అయితే బస్ లో కానీ, ట్రైన్ లో కానీ ఫ్లైట్ లో కానీ ప్రయాణించేటప్పుడు మనం చుట్టుపక్కల పరిసరాలను చూస్తూ ఉంటాం కానీ మనం కూర్చున్న బస్ ని కానీ, ట్రైన్ ని కానీ ఫ్లైట్ ని కానీ ఎక్కువగా పట్టించుకోము.

మనం ట్రైన్ ఎక్కడానికి ఎన్నో సార్లు రైల్వే స్టేషన్ కు వెళ్లి ఉంటాం. కానీ.. రైల్వే స్టేషన్ లో ఉండే ఎన్నో చిన్న చిన్న అంశాలను మనం పట్టించుకోము. మనకి ట్రైన్ టైం కి అందుకోవాలి అన్న ధ్యాసే ఉంటుంది తప్ప..పరిసరాలపై దృష్టి నిలపలేము. మీరెప్పుడైనా గమనించారా.. రైల్వే ప్లాట్ ఫామ్ పై ఎరుపు రంగు బ్లాక్ ఉంటుంది. దానికి ఆనుకునే పసుపు రంగు గీత ఉంటుంది. అయితే.. ఈ రంగు గీత ఎందుకు ఉంటుందో తెలుసా..?

పట్టాలపైనుంచి రైలు వెళ్తున్న సమయం లో.. పరిసరాల్లో ఎక్కువ గా గాలి వీస్తుంది. ఆ టైం లో రైలు ప్రక్కగా ఎవరైనా నుంచుంటే.. ఆ గాలి వలన వారు రైలు వైపుకి వెళ్లి.. కింద పడిపోయే ప్రమాదం ఉంటుంది. అందుకే.. అటు వైపు ఎవ్వరూ వెళ్ళకూడదు అని చెప్పడానికి ప్లాట్ ఫామ్ పై కొంత భాగాన్ని ఎరుపు రంగు పెయింట్ తో కప్పుతారు. దానికి ఆనుకునే పసుపు రంగు గీతను కూడా గీస్తారు.

అంటే.. ఆ ఎరుపు రంగు ఉన్న బ్లాక్ లో ఎవరు నుంచోకూడదు అని చెప్పడానికి అలా గీస్తారు. ఆ పసుపు రంగు గీత దాటి ముందుకు వెళ్ళకూడదు అని ట్రైన్ ఎక్కడానికి వచ్చిన ప్రయాణీకులకు తెలియచెప్పడం కోసం ఇలా గీత గీస్తారు.

ఏదైనా పెద్ద ప్రదేశంలో పని చేస్తున్నప్పుడు అది కూడా ముఖ్యంగా వ్యవసాయంలో ఎక్కువగా వాడే వాహనాలు ట్రాక్టర్లు. పొలాల్లో ట్రాక్టర్లు ఒక మనిషి పనిని ఎంతో సులభం చేస్తాయి. అయితే మీరు ఎప్పుడైనా ఒక విషయాన్ని గమనించారా? సాధారణంగా కారు వంటి వాహనాల్లో ఎగ్జాస్టింగ్ పైప్ వెనకాల ఉంటుంది. కానీ ట్రాక్టర్లలో ఎగ్జాస్టింగ్ పైప్ ముందుకు ఉంటుంది. అలా ట్రాక్టర్లలో ఎగ్జాస్టింగ్ పైప్ ముందుకి ఉండటానికి గల కారణాలు ఏంటో తెలుసుకుందాం.

# ట్రాక్టర్లు మనం రోడ్డు మీద మాత్రమే కాకుండా ఇతర ప్రదేశాల్లో కూడా ఉపయోగిస్తాం. ఒకవేళ ట్రాక్టర్ నీరు ఉన్న నేలపై నడుస్తూ ఉంటే, నీళ్లు ఎగ్జాస్టింగ్ పైప్ లోకి వెళ్లే అవకాశం ఉంటుంది. దీనివల్ల ఇంజన్ పాడవడం వంటి సమస్యలు వస్తాయి.

# ఎగ్జాస్టింగ్ పైప్ వాహనానికి వెనకాల ఉండేలా అరేంజ్ చేయడం కన్నా కూడా,  ఇంజన్ ఉన్నచోట అరేంజ్ చేయడమే సులభం. పైప్ వర్క్ తక్కువగా ఉంటుంది. అలాగే మెయింటెనెన్స్ ఖర్చు కూడా తగ్గుతుంది.

# మన దేశంలో ట్రాక్టర్ ను ఎక్కువగా పొలం పనులకే ఉపయోగిస్తారు. ఎగ్జాస్టింగ్ పైప్ కిందకి ఉంటే అందులో నుండి వచ్చే పొగ పంటలకి హాని కలిగిస్తుంది.

# సాధారణంగా ట్రాక్టర్ ని రెండు భాగాలుగా డివైడ్ చేయొచ్చు. రెండవ భాగం అప్పుడప్పుడు రిపేర్ చేయవలసి వస్తుంది. ఒకవేళ ఎగ్జాస్టింగ్ పైప్ వెనక్కి ఉంటే ఎప్పుడైనా ఏదైనా రిపేర్ వస్తే చేయడం చాలా కష్టం.

# కొన్నిసార్లు ఎగ్జాస్టింగ్ పైప్ చివర కర్వ్ తిరిగి ఉంటుంది. లేదా ఒక ఫ్లాప్ కవర్ ఉంటుంది. దీనివల్ల ఎగ్జాస్టింగ్ పైప్ ఉపయోగించనప్పుడు అందులోకి వర్షం చుక్కలు, లేదా వేరే ఏవైనా ఎగ్జాస్టింగ్ పైప్ లోపలికి వెళ్లకుండా ఉంటాయి.

Article sourced from: a youtube video from channel “Suman Tv Legal”

సాధారణంగా చాలా కుటుంబాల్లో జరిగే గొడవలు ఆస్తికి సంబంధించిన గొడవలు ఒకటి. ఈ గొడవలు ఎన్నో రకాలు ఉంటాయి. చాలా తరచుగా మనం వీటి గురించి వింటూనే ఉంటాం. తోబుట్టువులు ఉంటే ఆస్తి వారికి రావాలి అని అనుకోవడం, లేదా ఆస్తి పత్రాల విషయంలో స్పష్టత లేకపోవడం, ఇలా ఎన్నో రకాల గొడవలు జరుగుతూ ఉంటాయి. ఇలాగే ఒక వ్యక్తి వీలునామా రాయకుండా మరణిస్తే తర్వాత ఆస్తి ఎవరికి చెందుతుంది అనే గొడవలు కూడా జరుగుతూ ఉంటాయి. ఒకవేళ ఒక వ్యక్తి వీలునామా రాయకుండా మరణిస్తే ఆస్తి ఎవరికి చెందుతుంది అనే విషయం గురించి ఇప్పుడు తెలుసుకుందాం.

హిందూ వారసత్వ చట్టం ప్రకారం ఒక కుటుంబంలో ప్రథమ శ్రేణి వారసులు, ద్వితీయ శ్రేణి వారసులు అని ఉంటారు. చనిపోయిన వ్యక్తికి ముందు తల్లి ఉన్నారా లేదా అని చూస్తారు. తర్వాత భార్య, కొడుకు, కూతురు ఉన్నారేమో అని చూస్తారు. వీళ్ళందరూ ప్రథమ శ్రేణి వారసుల కిందకి వస్తారు. ఒకవేళ కొడుకు చనిపోతే ఆ చనిపోయిన కొడుకు యొక్క సంతానం, కూతురు చనిపోయి ఉంటే కూతురు యొక్క సంతానం కూడా ప్రథమ శ్రేణి వారసుల కిందకే వస్తారు. వీళ్ళకి ఆస్తి సమానంగా డివైడ్ అయ్యే అవకాశం ఉంటుంది.

ద్వితీయ శ్రేణి వారసులు అంటే ఒకవేళ ఆ వ్యక్తికి సంతానం లేకపోతే, మనవళ్లు, మనవరాళ్లు వచ్చే అవకాశం ఉండదు. వాళ్లు కూడా లేరు అని భావించినప్పుడు భర్త చనిపోతే భార్య జీవించి ఉంటారు. లేదా భార్య భర్త జీవించి ఉంటారు. ఆ కుటుంబంలో ఇంక ఎవరూ లేని పక్షంలో జీవించి ఉన్న వ్యక్తుల గురించి చూసినప్పుడు ముందుగా పురుషుడి తరుపు చుట్టాలని చూస్తారు. ఒకవేళ పురుషుడికి తోబుట్టువులు ఎవరు లేకపోతే మహిళ యొక్క తోబుట్టువులు ఎవరైనా ఉన్నారేమో అని చూస్తారు. వారికి ప్రాముఖ్యతను ఇస్తారు.

సాధారణంగా ఇలాంటి పరిస్థితి ఎక్కువగా ఉండదు. సంతానం లేకపోయినా కూడా ఒకవేళ పెంచుకున్న పిల్లలు కానీ, లేకపోతే భార్య పోతే భర్త, భర్త పోతే భార్య ఉండొచ్చు. ఒకవేళ ఆ వ్యక్తికి గనక రెండు పెళ్లిళ్లు అయ్యుంటే, రెండవ కుటుంబానికి చెందిన వారికి ఆస్తిపై హక్కు ఉండదు. హిందూ వివాహ చట్టం 1955 లో వచ్చింది. అంతకుముందు బహుభార్యత్వం ఉండేది.  1955 కి ముందు వివాహం అయ్యుంటే, చనిపోయే సమయానికి ఆయనకు ఇద్దరు భార్యలు ఉంటే, ఒక్క భార్య కిందే పరిగణించి ఆస్తిని ఒక్కరికే ఇచ్చేవారు. ఆ ఆస్తిని ఇద్దరు భార్యలు పంచుకుంటారు.

1955 కి ముందు వివాహం అయితే రెండవ భార్య కూడా చట్టపరంగా భార్య కింద పరిగణించబడతారు. ఒకవేళ 1955 తర్వాత రెండవ పెళ్లి చేసుకుని, కుటుంబం ఉంటే మాత్రం రెండవ కుటుంబానికి చట్టపరమైన హక్కులు ఉండవు. కానీ చట్ట ప్రకారం అయితే మాత్రం వారి సంతానాన్ని కూడా ప్రథమ శ్రేణి వారసుల కిందట పరిగణిస్తారు. చట్టపరంగా ఇంకొక విషయం కూడా చెప్పారు. అది ఏంటంటే చనిపోయిన వ్యక్తి రెండవ భార్యకి ఆ వ్యక్తి స్వార్జితంలో మాత్రమే వాటా ఉంటుంది. తరతరాలుగా వస్తున్న ఆస్తిలో వాటా ఉండదు. ఈ విషయంపై ఇంకా వివరంగా తెలుసుకోవాలంటే ఈ వీడియో చూడండి.

watch video :

ఈ మధ్య కాలంలో సోషల్ మీడియా వినియోగం ఎక్కువ అయింది. స్మార్ట్ ఫోన్ లేని ఇల్లు, సోషల్ మీడియా వాడని యువత ఉన్నారంటే అరుదనే చెప్పాలి. ఈ క్రమంలో సోషల్ మీడియా కూడా వ్యాపారం అయిపోతోంది. యూట్యూబ్, ఫేస్ బుక్ వంటి మాధ్యమాల ద్వారా ఇన్‌ఫ్లుయెన్సర్స్ పాపులారిటీ పెంచుకుంటున్నారు. ఆ పాపులారిటీని వారికి ఆదాయాన్ని సమకూర్చుతోంది.

ఈ మధ్య సోషల్ మీడియా ఇన్‌ఫ్లుయెన్సర్స్ కూడా ఎక్కువే అవుతున్నారు. ఒకసారి పాపులారిటీ వస్తే ఆదాయానికి ఏమీ కొదవ ఉండదు. బాగా పాపులర్ అయిపోయిన సెలెబ్రిటీలు లక్షల్లో సంపాదించేస్తున్నారు. మరి వీరికి టాక్స్ నిబంధనలు వర్తిస్తాయా..? లేదా? అన్న సందేహం మీకెప్పుడైనా వచ్చిందా..? జనాభా లో దాదాపు 57 శాతం మంది పూర్తిగా సోషల్ మీడియా పైనే ఆధారపడి, రివ్యూలు చూసుకుని ప్రొడక్ట్స్ కొనుగోలు చేస్తున్నారట.

ఈ క్రమంలో పలు కంపెనీలు సైతం తమ ప్రోడక్ట్స్ వాణిజ్య ప్రకటనల కోసం సోషల్ మీడియా పైనే ఆధారపడుతున్నాయి. ఈ లెక్కన వీడియో సేల్స్, డిజిటల్ మార్కెటింగ్, అఫిలియేట్ మార్కెటింగ్, ప్రోడక్ట్ రిప్రెజెంటేటివ్ లేదా అంబాసిడర్‌ , స్పాన్సర్డ్ సోషల్ అండ్ బ్లాగ్ పోస్ట్‌ లు చేసేవారికి సంవత్సర ఆదాయం కోటికి కూడా చేరే అవకాశం ఉంటుంది. వీరిపై పన్ను విధానం ఏ మేరకు ప్రభావం చూపిస్తుందో ఇప్పుడు తెలుసుకుందాం.

ఒక ఆర్ధిక సంవత్సరంలో ఇరవై లక్షల కంటే ఎక్కువ ఆదాయం సంపాదిస్తుంటే.. వారు కచ్చితంగా GST కింద రిజిస్టర్ అవ్వాల్సి ఉంటుంది. ఈ GST కింద రిజిస్టర్ అయిన యూట్యూబర్స్, బ్లాగర్స్, ఇతర సోషల్ మీడియా ఇన్ఫ్లుయెన్సుర్స్ కు 18 శాతం టాక్స్ పడుతుంది. ఇందులో తొమ్మిది శాతం స్టేట్ టాక్స్ కాగా… మరో తొమ్మిది శాతం సెంట్రల్ టాక్స్. కొన్ని రాష్ట్రాల నిబంధనల మేరకు 18 శాతం ఇంటిగ్రేటెడ్ టాక్స్ కూడా పడే అవకాశం ఉంటుంది.

చాలా మంది ఇన్ఫ్లుయెన్సుర్స్ లెటర్ ఆఫ్ అండర్ టేకింగ్ ను అందిస్తూ తమ సేవలను కొనసాగిస్తుంటారు. లేదంటే.. IGST చెల్లించి ఆ తరువాత వాపసుగా క్లెయిమ్ చేసుకుంటూ ఉంటారు. మరికొంత మంది యూట్యూబర్స్ గూగుల్ యాడ్ సెన్స్, గూగుల్ ఇంక్ వంటి ప్లాట్‌ఫార్మ్స్ ను ప్రకటనలకు వినియోగిస్తుంటారు. ఈ ప్లాట్‌ఫార్మ్ లు దేశం పరిధిలోకి రావు కాబట్టి సప్లైను “జీరో రేట్” గా పరిగణిస్తూ ఉంటారు.

అలాగే.. ఈ పన్నుల్లో మినహాయింపులు కూడా ఉంటాయి. వ్యాపారానికి అవసరమైన వస్తువుల కొనుగోలు ఖర్చులను కూడా ఆదాయంలో నుంచి తీసివేయవచ్చు. అంటే మైక్రోఫోన్ కొనుగోళ్లు, కెమెరా కొనుగోళ్లు వంటివి కూడా మినహాయింపులు జత చేయవచ్చు. ఇవే కాదు, ఇంటర్నెట్ ఖర్చులు, ఆఫీస్ రెంట్ లు, ఆఫీస్ కి అవసరమైన సామాన్లు, ఇతర కార్యాలయ ఖర్చులను కూడా ఇందులో జత చేయొచ్చు. డిజైన్, ఎడిటింగ్, ప్రమోషన్స్, అడ్వర్టైజింగ్ కి అయ్యే ఖర్చులను కూడా వీటిలో కలుపుకుని పన్ను మినహాయించుకోవచ్చు.

పిజ్జా ని ఇష్టపడని వారు ఎవరుంటారు చెప్పండి. వెస్ట్రన్ ఫుడ్ ఐటెం అయినప్పటికి.. తెలుగు వాళ్ళు కూడా బాగా ఇష్టపడే వంటకాల్లో పిజ్జా ఒకటి. దీనిని ఇంట్లో చేసుకునే వారు తక్కువే. కానీ, ఆన్ లైన్ లో ఆర్డర్ పెట్టుకునే వారి సంఖ్య మాత్రం ఎక్కువే ఉంటుంది. మనం ఇంట్లో చేసినప్పటికీ.. హోటల్ లో చేసిన టేస్ట్ రాదు. అందుకే.. చాలా మంది ఇంట్లో చేసుకోవడానికంటే.. ఆన్ లైన్ లో ఆర్డర్ పెట్టుకోవడానికి ప్రిఫరెన్స్ ఇస్తూ ఉంటారు.

డొమినోస్ వారి పిజ్జా బాగా ఫేమస్ అన్న సంగతి తెలిసిందే. వీరి స్టోర్ నుంచి మనం పిజ్జా ఆర్డర్ చేస్తే.. కచ్చితం గా పిజ్జా తో పాటు ఎక్స్ట్రాగా ఒరిగానో పాకెట్స్ వస్తాయి. వాటితో పాటు చిల్లి పౌడర్ పాకెట్స్ ని కూడా పంపిస్తాడు. మనకి ఇచ్చిన పిజ్జా పై ఆల్రెడీ వాటిని వేసినా.. మళ్ళీ ఎక్స్ట్రాగా పాకెట్స్ ఎందుకు పంపిస్తాడో తెలుసా..? అదొక మార్కెటింగ్ స్ట్రాటజీ.

మాములుగా.. ప్రతి ఆర్డర్ కి ఎక్స్ట్రా ఒరిగానో పాకెట్స్ పంపించాలంటే.. కొంత ఖర్చు కూడా చేయాల్సి ఉంటుంది. మనం పిజ్జా కి 500ల రూపాయలు చెల్లిస్తే.. ఎక్స్ట్రా ఒరిగానో పాకెట్స్ పంపడానికి వారు మరో యాభై రూపాయలు కేటాయిస్తారని అనుకుందాం.. ఆ లెక్కన.. వారు ఎక్స్ట్రా గా పంపిన పాకెట్స్ మనలో చాలామంది దాచుకుంటాం. మరోసారి.. పిజ్జా తినేటప్పుడు వేసుకుందాం అని పక్కన పెడతాం. మనం ఇంట్లో ఉన్న టైం లో ఈ పాకెట్స్ కనిపిస్తే.. మనకి పిజ్జా తినాలి అనే కోరిక ఆటోమేటిక్ గా కలుగుతుంది.

అంటే.. మనం మళ్ళీ పిజ్జా కొనడానికి మరో ఐదొందల రూపాయలని ఖర్చు చేస్తాం అన్నమాట. కానీ కొందరు టిపికల్ ఇండియన్స్ ఏమి చేస్తారంటే.. ఆ పాకెట్స్ ని పక్కన పెట్టి స్ట్రీట్ సైడ్ షాప్స్ లో పిజ్జా తెచ్చుకుని ఎంచక్కా వాటిపై ఆ ఒరిగానో వేసుకుని తినేస్తుంటారు. ఆ డొమినోస్ సంస్థ కి కూడా అందని స్ట్రాటజీస్ మనవి.. ఇలాంటి మార్కెటింగ్ ట్రిక్స్ తో ఎవరూ మన తెలుగోళ్ళని బుట్టలో వేసుకోలేరు అనుకోండి. అది వేరే విషయం.

మనం ఎవరింటికి అయినా వెళ్ళినప్పుడు, లేదా ఎవరి ఫంక్షన్ కి అయినా వెళ్ళినప్పుడు చిరు కానుకలను ఇస్తూ ఉండడం సహజమే. ఐతే.. పెళ్లిళ్లలో కొంచం ఉపయోగపడే వస్తువులను ఖరీదైనవి అయినా సరే ఇస్తూ ఉంటారు. అయితే.. మరికొందరు వారి శక్తియుక్తులను బట్టి డబ్బులు చదివించేస్తూ ఉంటారు.

అయితే..ఈ డబ్బులు చదివించడం లో 116/516/1116 ఇలా చివరిలో 16 సంఖ్య వచ్చేలా చూసుకుంటారు. ఇది ఎప్పటినుంచో కొనసాగుతోంది. తమ పెద్దలు అలా ఇచ్చే వారు కాబట్టి.. తాము కూడా అలానే ఇవ్వాలి అని అనుకుంటూ ఉంటారు. ఇలా ఈ సంప్రదాయం తరతరాలుగా కొనసాగుతోంది. కానీ, చివరిలో సున్నా ఉన్న సంఖ్యతో డబ్బును ఇవ్వకూడదు అనుకుంటే.. కనీసం ఒకటి, లేదా రెండు ఉండేటట్లు ఇవ్వొచ్చు కదా..? పదహారే ఉండేటట్లు ఎందుకు చూసుకుంటారు..?

గతం లో బ్రిటిష్ వారు పాలన లో ఉన్న సమయం లో వంద రూపాయలు మార్చుకుంటే.. పదహారు రూపాయలు తక్కువ గా ఇచ్చేవారట. ఆ తరువాత తక్కువ అయ్యిన 16 రూపాయలను కూడా కలిపి 116 రూపాయలను ఇచ్చేవారట. ఇది అక్కర్లేని ఆచారం గా మారి.. చివరకు 116/516/1116 రూపాయలుగా మారింది. దీనిపై మరో వాదన కూడా ఉంది. నిజాం సంస్థానం ఉన్న రోజుల్లో.. వారి లెక్కలు, ఆంధ్ర ప్రాంతం వారి లెక్కలు వేరేవిగా ఉండేవట.

ఈ క్రమం లో నిజాం (ప్రస్తుత తెలంగాణ) ప్రాంతం వారు ఆంధ్ర ప్రజలకు చెల్లింపులు చెల్లించాలంటే వందకు 116 రూపాయలు చెల్లిస్తేనే సమానం అయ్యేది. దానికి కారణం నిజాం వాసులు వాడే రూపాయి మారకం విలువ తక్కువ గా ఉండేది. అందుకే వంద రూపాయలు చెల్లించాలంటే 116 రూపాయలు చెల్లించాల్సి వచ్చేది. కాలక్రమం లో ఇదో సంప్రదాయం గా కొనసాగుతోంది.

మీకెప్పుడైనా ఈ సందేహం వచ్చిందా..? సాఫ్ట్ వేర్ కంపెనీ అన్నాక లాప్ టాప్ అవసరం తప్పనిసరిగా ఉంటుంది. మరి ఒకసారి వాడేసిన లాప్ టాప్ లను వీరు ఏమి చేస్తారు..? పూర్తి గా స్పీడ్ లేకపోయినా వీటిల్లో చాలా లాప్ టాప్ లు బాగానే పని చేస్తూ ఉంటాయి. వీటిని వృధా గా పడేయలేరు కదా.. మరి వీటిని ఏమి చేస్తారు అన్న సందేహం మీకెప్పుడైనా కలిగిందా..?

వీటికి ఓ కోరా యూజర్ సరైన సమాధానాన్ని ఇచ్చారు. వికీ పీడియా లాంటి సంస్థలు ఇలాంటి లాప్ టాప్ లను ఏమి చేస్తాయో ఆయన వివరించారు. వికీమీడియా ఫౌండేషన్ అనేది ప్రపంచ లాభాపేక్ష రహిత సంస్థల్లో ఒకటి గా చలామణి అవుతోంది. ఈ సంస్థ పెద్దది ఏమి కాదు. ఓ మూడొందల మంది ఉద్యోగుల వరకు ఈ సంస్థ లో పని చేస్తూ ఉంటారట. ఈ వికీ మీడియా ఫౌండేషన్ సంస్థ వారే వికీ పీడియా కోసం పని చేస్తూ ఉంటారు.

వీరు ఇతర ప్రాజెక్ట్ లను కూడా ప్రోత్సహిస్తూ సమాచారాన్ని తమ పేజీలలో నిక్షిప్తం చేసి ఉచితంగా అందచేస్తూ ఉంటారు. ఈ ఫౌండేషన్ లో అనుభవజ్ఞులైన ఉద్యోగులు వికీపీడియా కోసం కష్టపడి పని చేసిన వారికి ఉచితంగా అందిస్తారు. కనీసం ఒక్క లాప్ టాప్ కూడా లేని వికీ పీడియన్లు లాప్ టాప్ అవసరం అయితే పబ్లిక్ గానే అప్లై చేసుకోవచ్చు. ఈ సంస్థ సీనియర్ ఉద్యోగి అయిన అసఫ్ బార్తోవ్ లేదా ఇతరులు ఎవరైనా ఈ అప్లికేషన్స్ ను వెరిఫై చేసి వారికి ఎవరో ఒకరి ద్వారా లాప్ టాప్ లను అందిస్తూ ఉంటారు. ఈ లాప్ టాప్ లు కొత్త లాప్ టాప్ ల లాగా లేకపోయినా.. అసలు ఏ లాప్ టాప్ లేని వారికి మాత్రం ఉపయోగకరంగా ఉంటాయి.

గృహిణులకు పెద్ద సమస్య ఏంటి అంటే.. ఎక్కువ మొత్తాలలో పిండి ని నిల్వ చేసుకోవడం. పిండి ఎప్పుడు అవసరం పడుతుందో చెప్పలేం. అందుకే.. ముందుగానే ఎక్కువ మొత్తం లో తెచ్చి పెట్టుకుని నిల్వ చేసుకుంటూ ఉంటాం. అయితే.. ఇది అంత తేలికేమి కాదు. పదే పదే ఆ డబ్బాలను చెక్ చేసుకుంటూ ఉండాలి. ఎక్కువ మొత్తం లో పిండి నిల్వ చేస్తే పురుగులు పట్టే అవకాశం ఉంది.

మీరు కూడా ఈ సమస్యని ఎదుర్కొంటున్నారా..? అయితే.. ఈ ట్రిక్ పాటించి చూడండి.
పిండి లో ఎండు మిరపకాయలు లేదా బిర్యానీ ఆకులను వేసి ఉంచండి. అప్పుడు పిండి పురుగులు పట్టకుండా ఉంటుంది. బిర్యానీ ఆకుల నుంచి వచ్చే వాసన పిండి కి పురుగులు పట్టకుండా అడ్డుకుంటుంది. కొంతమంది డైరెక్ట్ గా కవర్లు తోనే పిండి పెట్టేస్తూ ఉంటారు. ఐతే.. ఇలా కాకుండా పిండి ని తీసి డబ్బా లో పెట్టుకోవడం ఉత్తమం.

చాలా మందికి మొబైల్స్ లో గేమ్స్ ఆడడం సరదాగా ఉంటుంది. కానీ, ఏ గేమ్ ఆడినా అందులో మనలని ఇరిటేట్ చేయడానికి యాడ్స్ తప్పకుండ ఉంటూనే ఉంటాయి. ఆన్ లైన్ గేమ్స్ సంగతి పక్కన పెడితే.. ఆఫ్ లైన్ లో ఆడే గేమ్స్ కి కూడా ఈ యాడ్స్ బాధ తప్పడం లేదు. ఈ యాడ్స్ కి చెక్ పెట్టాలంటే ఒక్కటే సొల్యూషన్ ఉంది.

అదేంటంటే.. మీరు గేమ్స్ ఆడే టైం లో.. మీకు ఎలాంటి కాల్స్ రావు అనుకుంటే ఫోన్ లో ఏరోప్లేన్ మోడ్ ను ఆన్ చేయండి. అప్పుడు మీరు ఎంత సేపు ఆదుకున్న మీకు యాడ్స్ రావు. ఒకవేళ మీకు ఏమైనా ఇంపార్టెంట్ కాల్స్ వస్తాయి అనుకుంటే ఈ మోడ్ ను ఆన్ చేయకపోవడమే మంచిది. ఎందుకంటే గేమ్స్ కోసం ఏరోప్లేన్ మోడ్ ఆన్ చేస్తే.. మీకు కాల్స్ రాకపోవచ్చు.