Off Beat

వర్షపు నీళ్లు నేలపై పడిన తర్వాత మట్టి తడిసి ఒక రకమైన వాసన వస్తుంది. ఆ వాసన ఎలా ఉంటుందో చెప్పడం కష్టం. కానీ మనలో చాలా మందికి అలా వర్షం పడిన తర్వాత వచ్చే వాసన ఇష్టం ఉంటుంది. చాలా రిఫ్రెషింగ్ గా ఉంటుంది ఆ వాసన. మీరు ఎప్పుడైనా ఒక విషయం గమనించారా? సాధారణంగా నీటికి వాసన ఉండదు. కానీ నీరు నేలపై పడగానే వాసన వస్తుంది.

అలా వర్షపు నీరు నేలపై పడగానే వాసన రావడానికి ఒక కారణం ఉంది. అదేంటంటే. వర్షపు నీరు నేలపై పడి దుమ్ముతో కలిసి వచ్చే వాసనని పెట్రిచోర్ అంటారు. ఇది వర్షం పడిన తర్వాత వచ్చే వాసనని చెప్పడానికి వాడే సైంటిఫిక్ పేరు.

ఈ పదాన్ని గ్రీక్ పదాలు పెట్రా, ఇచోర్ నుంచి తీసుకున్నారు. పెట్రా అంటే స్టోన్ (రాయి) అని, ఇంకా ఇచోర్ అంటే గ్రీక్ పురాణాలలో దేవతల వెయిన్స్ (సిరలు) లో ప్రవహించే ఫ్లూయిడ్ అని అర్థం. 1964 లో ఇద్దరు ఆస్ట్రేలియన్ సైంటిస్ట్ లు ఈ వాసనపై రాసిన ఆర్టికల్ పబ్లిష్ అయ్యింది. అందులో వాసన గురించి ఎక్స్పైనేషన్ ఇచ్చారు.

ఆ శాస్త్రవేత్తలు చెప్పిన దాని ప్రకారం మొక్కల్లో సహజమైన నూనె ఉంటుంది. ఆ నూనె ఆ మొక్క చుట్టుపక్కల ఉన్న భూమిలో కలుస్తుంది. తర్వాత వర్షం పడేంత వరకు అవి నిల్వ అయ్యి ఉంటాయి. వర్షం నీరు దుమ్ముతో కలిసినప్పుడు ఈ నూనె వాతావరణంలోకి విడుదలవుతుంది. ఆ సమయంలోనే మట్టిలో ఉండే జియోస్మిన్ అనే కెమికల్ కాంపౌండ్ కూడా వర్షం నీరు పడటం ద్వారా బయటకు వస్తుంది.

కొంత మంది శాస్త్రవేత్తలు ఈ వాసన యాక్టినోమైసెట్స్ అనే బ్యాక్టీరియా వల్ల కూడా వస్తుంది అని అన్నారు. ఈ బ్యాక్టీరియా రిప్రొడక్షన్ కోసం ఉత్పత్తి చేసిన స్పోర్స్ వర్షం వచ్చినప్పుడు, వాన నీటిలో కలిసి ఈ వాసన వస్తుంది అని పేర్కొన్నారు. ఈ వాసన గురించి మసాచుసెట్స్ ఇన్స్టిట్యూట్ ఆఫ్ టెక్నాలజీ (ఎంఐటి) పరిశోధకులు 2015 లో వివరించారు.

వారు చెప్పిన దాని ప్రకారం వర్షపు చుక్కలు భూమిని లేదా ఇతర పోరస్ పదార్థాలను తాకినపుడు నీరు, చిన్న చిన్న గాలి బుడగలు క్రియేట్ చేస్తుంది. ఈ గాలి బుడగలు అన్నీ కలిసి నీటి చుక్క మీదకు వెళ్తాయి అప్పుడు ఆ నీటి చుక్క పేలి లోపల ఉన్న కాంపోనెంట్స్ వాతావరణం (అట్మాస్పియర్) లో స్ప్రే అవుతాయి. ఇవన్నీ ఏరోసోల్స్ ద్వారా తయారవుతాయి. ఈ ఏరోసోల్స్ గాలిలోకి విడుదలవుతున్నప్పుడు పెట్రిచోర్ వాసనని క్యారీ చేస్తాయి.

ఏరోసోల్స్ వ్యాపించడానికి వర్షపాతం యొక్క స్ట్రెంత్, వెలాసిటీ కూడా ఒక కారణం. ఒక నీటి బిందువు నుండి ఒక సెకండ్ లోపు వందల ఏరోసోల్స్ డిస్పర్స్ అవ్వగలుగుతాయి. వర్షపాతం ఎంత భారీగా ఉంటే గాలిలోకి విడుదలయ్యే ఏరోసోల్స్ సంఖ్య అంత తక్కువగా ఉంటుంది. వర్షం తక్కువగా లేదా మీడియం గా ఉన్నప్పుడు చుట్టుపక్కల పెట్రిచోర్ వాసన అంత స్ట్రాంగ్ గా ఉంటుంది.

వర్షం అంటే అందరికి ఇష్టమే. ఇది సినిమాలో మాట అనుకుంట. రియల్ లైఫ్ కి వచ్చే సరికి వర్షం పడితే ఒకోసారి చిరాకు వస్తుంది. ముఖ్యంగా హైదరాబాద్ లో డ్రైవ్ చేయాలంటే వర్షం లో ఆ రోడ్లపై ఓ మినీ యుద్ధమే చేయాల్సి వస్తుంది. వర్షం పడితేనే వెంటనే ఓ షెల్టర్ చూసుకొని దాని దగ్గరికి వెళ్తాము మనము. అంతేకాని సినిమాలో లాగా తడుస్తూ ఎంజాయ్ చేయము కదా? కాకపోతే నిన్న హైదరాబాద్ లో వర్షం పడ్డప్పుడు మాత్రం నాకో వింత సంఘటన ఎదురైంది.

ఆఫీస్ నుండి ఇంటికి రావడానికి బస్సు స్టాప్ లో బస్సు కోసం ఎదురుచూస్తూ ఉన్నాను. తెలిసిందేగా మన బస్సులు మనకి అవసరం ఉన్నప్పుడు ఎప్పుడు తొందరగా రావు అని. ఈలోపు వర్షం మొదలైంది. ఒక్కసారిగా జోరుగా పడింది నిన్న వర్షం. రోడ్డుపై వెళ్లే వారందరు కూడా బస్సు స్టాప్ లో తడవకుండా ఉండడం కోసం ఆగారు. ఈ హడావిడిలో అందరు ఉండగా. ఈ వర్షం ఏంటి రా సడన్ గా అని అందరు తిట్టుకుంటూ ఉంటె ఓ అమ్మాయి మాత్రం వింత పని చేసింది. దెబ్బకి అక్కడున్నవారందరు నవ్వకుండా ఉండలేకపోయారు.

ఇంతకీ ఆ అమ్మాయి ఏం చేసింది అంటే. వర్షం పడుతూ ఉంటె…తన బ్యాగ్ లో నుండి ఓ బుక్ తీసి. అందులోనుండి ఓ పేపర్ చింపి. దానితో ఓ పడవ తయారు చేసింది. రోడ్డు మీద వర్షం నీరు పారుతూ ఉంటె. ఆ కాగితంతో చేసిన పడవను ఆ ప్రవాహంలోకి వదిలి. ఆ కాగితం పడవ ముందుకి కదులుతుంటే అది వీడియో తీసి వాట్సాప్ స్టేటస్ లో పోస్ట్ చేసింది. ఎవరి సరదాలు వాళ్ళవి అనుకోండి.

తేనెటీగలు మామూలుగా జనాలు సంచరించే ప్రాంతాల్లో ఎక్కువగా ఉండవు. ఇది మనందరికీ తెలుసు. తేనెటీగలు ఎక్కువగా చెట్ల మీద కానీ, లేదా ఎక్కువ జనసంచారం లేని ప్రదేశంలో కానీ తేనెని పెడతాయి. ఎక్కువగా అలాంటి ప్రదేశాల్లోనే గుంపులుగా ఉంటూ ఉంటాయి. జన సంచారం ఉన్న ప్రదేశాల్లో తేనెటీగలు తిరగడం అనేది చాలా అరుదుగా చూస్తాం.

ఒకవేళ తిరిగినా కూడా ఏవో ఒకటి, రెండు అలా విడివిడిగా తిరుగుతాయి. కానీ ఒక గుంపు తేనెటీగలు జనసంచారం ఉన్న ప్రదేశంలో మాత్రం చాలా వరకు రావు. కానీ ఒకసారి దాదాపు 20 వేల తేనెటీగలు ఒక కార్ కి పట్టుకున్నాయి. ఈ సంఘటన ఐదు సంవత్సరాల క్రితం జరిగింది. కారోల్ హోవార్త్ అనే ఒక 68 సంవత్సరాల మహిళ తన కార్ లో హావెర్ ఫారెస్ట్ కి వెళ్లారు.

అక్కడి నుంచి వచ్చిన తర్వాత తన కార్ పార్కింగ్ చేశారు. ఆ తర్వాత పార్కింగ్ లో ఉన్న కార్ వెనకాల చూస్తే కార్ మీద తేనెటీగల గుంపు ఉంది. అందుకు కారణం రాణి తేనెటీగ కార్ లో ఇరుక్కుపోయింది. దాని కోసం మిగిలిన తేనెటీగలన్ని వచ్చి ఆ కార్ మీద వాలాయి.

తేనెటీగలను తీసే వ్యక్తిని పిలిపించి ఆ తేనెటీగలు అన్నిటినీ తీయించారు. బీ కీపర్ వచ్చి ఆ తేనెటీగలు అన్నిటినీ తీశాడు. ఈ సంఘటన జరిగి ఐదు సంవత్సరాలు అయినా కూడా ఇప్పటికీ చాలా చోట్ల ఈ విషయం గురించి చర్చించుకుంటారు. అప్పట్లోనే అంత వైరల్ అయ్యింది ఈ విషయం.

మన దేశంలో అత్యంత సంపన్న వ్యక్తుల జాబితాలో కొంత మంది పేర్లు అయినా మన అందరికీ తెలిసే ఉంటాయి. వాళ్లు ఉండే ఇళ్లను కూడా వారికి కావలసిన వాటి కోసం సరిపోయే డబ్బులు ఖర్చు చేసి రూపొందించుకున్నారు. అలా మన దేశంలోని కొంత మంది సంపన్నుల ఇళ్ల ఖరీదు ఎంతో ఇప్పుడు చూద్దాం.

#1 ఆంటిలియా – ముఖేష్ అంబానీ

అసలు “మన దేశంలోని సంపన్నులు” అనే పేరు వినగానే మనలో చాలా మందికి గుర్తొచ్చేది ముఖేష్ అంబానీ. ముఖేష్ అంబానీ ఇంటి పేరు ఆంటిలియా. ఆంటిలియా భారతదేశంలోని అతి ఖరీదైన ప్రాపర్టీ. ఆంటిలియాను చికాగోకు చెందిన ఆర్కిటెక్ట్స్ పెర్కిన్స్ మరియు విల్ రూపొందించారు.

ఆస్ట్రేలియాకు చెందిన నిర్మాణ సంస్థ లైటన్ హోల్డింగ్స్ దాని నిర్మాణ బాధ్యతలు చూసుకున్నారు. ఇందులో 27 అంతస్థులు ఉంటాయి.ఆంటిలియాలో సెలూన్, థియేటర్, స్విమ్మింగ్ పూల్, జిమ్, ఐస్ క్రీమ్ పార్లర్ ఇంకా ఎన్నో సౌకర్యాలు ఉన్నాయి. ఆంటిలియా ఖరీదు 12,000 కోట్లు.

#2 జెకే హౌస్ – గౌతమ్ సంఘానియా

ఆంటిలియా తర్వాత భారత దేశంలో రెండవ ఎత్తైన ప్రైవేట్ బిల్డింగ్ సౌత్ ముంబైలో ఉన్న జెకే హౌస్. దీని విస్తీర్ణం 16,000 చదరపు అడుగులు. ఇందులో కూడా స్విమ్మింగ్ పూల్, జిమ్, స్పా తో పాటు హెలిప్యాడ్ కూడా ఉంది. దీని ఖరీదు సుమారు 6000 కోట్ల రూపాయలు ఉంటుందట.

#3 అబోడ్ – అనిల్ అంబానీ

అనిల్ అంబానీ ఇల్లు అబోడ్ విస్తీర్ణం 16,000 చదరపు అడుగులు. బిజినెస్ ఇన్సైడర్ కథనం ప్రకారం అనిల్ అంబానీ ఇంటి ఖరీదు 5000 కోట్ల రూపాయలు ఉంటుంది.

#4 జతియా హౌస్ – కుమార్ మంగళం బిర్లా

దీని విస్తీర్ణం 30,000 చదరపు అడుగులు. సినిమాల్లో చూపించినట్టు ఈ ఇంటి చుట్టూ నీళ్లు, గడ్డి ఉంటాయి. ఈ ఇంట్లో ఈ 20 బెడ్ రూమ్స్ ఉన్నాయి. వాల్ క్లాడింగ్, సీలింగ్ బర్మా టేకువుడ్ తో తయారు చేశారు. ఈ ఇంటిని కెఎమ్ బిర్లా 425 కోట్ల రూపాయలకు కొనుగోలు చేశారు.

#5 లింకన్ హౌస్ – సైరస్ పూనావాలా

భారతదేశ ఫార్మా దిగ్గజం సైరస్ పూనావాలా, 1957 లో యు.ఎస్. కాన్సులేట్ గా ఉపయోగించబడిన , తర్వాత లింకన్ హౌస్ గా పేరు మార్చబడిన భవనాన్ని 750 కోట్ల రూపాయలతో కొనుగోలు చేశారు.

#6 మన్నత్ – షారుక్ ఖాన్

ముంబైలోని షారుక్ ఖాన్ నివాసం మన్నత్ ఖరీదు 200 కోట్ల రూపాయలు.

#7 జిందాల్ హౌస్ – సజ్జన్ జిందాల్

మూడంతస్తుల ఈ ఇంటిని సజ్జన్ జిందాల్ 400 కోట్ల రూపాయలకు కొనుగోలు చేశారు.

#8 రుయా హౌస్ – రవి రూయా

ఎస్సార్ గ్రూప్ అధినేతలు అయిన రవి రూయా, శశి రూయా ఇంటి ఖరీదు 120 కోట్ల రూపాయలు.

#9 స్కై హౌస్ – విజయ్ మాల్యా

స్కై హౌస్ గా పిలవబడే విజయ్ మాల్యా ఇంటి ఖరీదు దాదాపు 100 కోట్లు ఉంటుందట.

#10 జిందాల్ హౌస్ (ఢిల్లీ) – నవీన్ జిందాల్

జిందాల్ సోదరులలో ఒకరైన నవీన్ జిందాల్ ఇంటి విలువ 120 – 150 కోట్ల వరకు ఉంటుంది.

#11 రిటైర్మెంట్ హోమ్ – రతన్ టాటా

రతన్ టాటా 2008 లో ఈ ఇంటిని కొనుగోలు చేశారు. ఈ ఇంటిని రిటైర్మెంట్ హోమ్ అని పిలుస్తారు. దీని ఖరీదు 150 కోట్ల రూపాయలు.

జనాలు ఎక్కువ బస్ ప్రయాణాల కంటే ట్రైన్ ప్రయాణం ఎక్కువ ఇష్టపడతారు. ఎందుకంటే ఆ ట్రైన్ వెళ్ళేటప్పుడు చుట్టూ ఉన్న పరిసరాలు ఎంతో ప్రశాంతతను ఇస్తాయి. జన సందోహం ఉన్న ప్రదేశాలలో ట్రైన్ వెళ్లదు కాబట్టి వాతావరణం కూడా ఆహ్లాదంగా అనిపిస్తుంది. అలా మనం మనం ట్రైన్ ఎక్కినప్పుడు మన చుట్టూ ఉన్న పరిసరాలను చూస్తూ ట్రైన్ ని ఎక్కువ గమనించము. మన బెర్త్ తప్ప మిగిలినవి మనం పట్టించుకోము.

అయితే మీరు ఎప్పుడైనా ఒక విషయాన్ని గమనించారా? అదేంటంటే, రైల్వే పట్టాల మీద ఉన్న ట్రాక్ మీద ఉండే ఇనుము రైలింగ్ మధ్యలో గ్యాప్స్ ఉంటాయి. అలా ఉండటానికి గల కారణం ఏంటో తెలుసా? అలా రైల్వే ట్రాక్ మీద మధ్యమధ్యలో గ్యాప్ ఉండడానికి గల కారణం ఏంటో ఇప్పుడు తెలుసుకుందాం.

ఇలా గ్యాప్ వదిలేయడానికి వెనకాల సైన్స్ కి సంబంధించిన ఒక కారణం ఉంది. అదేంటంటే వేసవి కాలంలో ఇనుము అనేది సాగుతుంది (ఎక్స్పాండ్ అవుతుంది). ఒకవేళ ట్రాక్ మీద ఉన్న ఇనుముకి మధ్య గ్యాప్ లేకపోతే వేసవి కాలంలో ఇనుము సాగినప్పుడు చోటు సరిపోక ట్రాక్ మీద ఇబ్బందులు వచ్చే అవకాశాలు ఉన్నాయి.

ట్రాక్ చాలా ఒత్తిడికి గురవుతుంది. అలాంటప్పుడు ట్రాక్ మీద పగుళ్లు వస్తాయి. అందుకే వేసవి కాలంలో ఇనుము సాగినప్పుడు వీలుగా ఉండేలా అలా మధ్యలో గ్యాప్ వదిలేస్తారు. అదే ఒకవేళ శీతా కాలంలో అయితే ఇనుము కాంట్రాక్ట్ అవుతుంది. అంటే శీతా కాలంలో అయితే ఇనుము దగ్గరికి వస్తుంది.

విచిత్రం గా ఉంది కదా.. ఒక మనిషి కి పేరు లేకపోతె ఎలా..? కానీ వాళ్ళు మాత్రం ఈల వేసి పిలుస్తారట. అది అసలు ఎలా సాధ్యం అవుతుందో..? కానీ వారికి మాత్రం ఇది సంప్రదాయం గా వస్తోందట. మనకి పిల్లలు పుట్టగానే.. ఏ పేరు పెట్టాలో రోజుల తరబడి ఆలోచించి పెడుతూ ఉంటాం.. అయినా సరే.. ఒకరికి పెట్టిన పేరు చాలా మందికి పెట్టబడి ఉంటూ ఉంటుంది. కానీ.. వారిలో మాత్రం ఒకరికి పెట్టిన ఈల మరొకరికి పెట్టరట.. అలా ఈల సౌండ్ లో వచ్చే డిఫరెన్స్ ని బట్టే మనుషుల్ని గుర్తిస్తారట.. ఇంతకీ వాళ్లెవరో చూద్దాం.

మేఘాలయ లో ఈస్ట్‌ ఖాసి జిల్లా కాంగ్‌థాన్‌ అనే ఊళ్లోని ప్రజలు ఇలా విజిల్స్ తోనే తమ వాళ్ళని పిలుచుకుంటారు. ఏ ఇద్దరు అయినా ఒకరికొకరు ఎదురుబడితే విజిల్స్ తోనే పలకరించుకుంటారు.. 700 కి పైగా జనాభా ఉంటున్న ఈ ప్రాంతం లో పక్షుల సౌండ్స్, ప్రకృతి లో వచ్చే సౌండ్స్, సినిమా పాటల్లోని మ్యూజిక్.. ఇలా రకరకాల సౌండ్ లను గుర్తుపెట్టుకుని వాటితోనే కొత్త సౌండ్ ని క్రియేట్ చేసుకుని వారి పిల్లలకు పేరు పెట్టుకుంటారట.. చిన్న పిల్లలకు కూడా చిన్నతనం నుంచే సౌండ్స్ ని చేయడం, గుర్తుపెట్టుకోవడం, ఈల వేయడం వంటి వాటిని నేర్పిస్తారట..

ఇక్కడ.. రోడ్డు పైన కానీ.. పదిమంది ఉన్న చోట కానీ ఎవరైనా ఈల వేస్తె మనం అసభ్యం గా భావిస్తాం కదా.. కానీ అక్కడ ఈలలు వేస్తె.. పిల్లవాడు ఎదిగాడని భావిస్తారట. పిల్లాడికి ఈల వేయడం వస్తే.. ఆ తల్లితండ్రులు తమ బిడ్డను ఎత్తుకుని మురిసిపోతారట. బయట ప్రపంచం ఎంత అప్ డేట్ అవుతున్నా.. వారు మాత్రం వారి సంప్రదాయానికి ప్రాధాన్యత ఇస్తూ వస్తున్నారు.

వారి వారసత్వాన్ని కాపాడుకోవడానికి అందరు సహకరిస్తూ ఉంటారు. పిల్లలకు కూడా చిన్నతనం నుంచే.. మనం రకరకాల పదాలు నేర్పించినట్లు వారు సౌండ్స్ ని నేర్పిస్తారట. రకరాల సౌండ్స్ చేయడం, ఈలలు వేయడం వంటివి వారికి చిన్నతనం నుంచే అలవాటు అయ్యి ఉంటాయి. కొత్తగా పుట్టిన వారికి 30 సెకండ్స్ నిడివి తో సౌండ్ ని సృష్టించి పేరు పెడతారట. ఇక్కడ మనం ఏ పేరు పెట్టుకున్నా ఇంట్లో వాళ్ళు షార్ట్ కట్ లో పిలుస్తూ ఉంటారు కదా.. అక్కడ కూడా అంతే.. 30 సెకండ్స్ సౌండ్ లో.. ఆరు సెకండ్ల సౌండ్ ని ఉపయోగనుంచి ఇంట్లో షార్ట్ కట్ లో పిలుచుకుంటుంటారట.

ఇలా ఈలలతో పీల్చుకోవడాన్ని ‘జిగవా యోబి’ అని పిలుస్తారట. వారి భాష లో ఈ పదానికి అర్ధం ఏంటి అంటే.. “అమ్మ ప్రేమ” అని. మన పెద్దలు మనకు జోల పాడినట్లు.. వీరు రకరకాల ట్యూన్స్ తో వారి పిల్లలకు జోల పాడతారట. తరతరాలు గా వస్తున్నా ఈ సంప్రదాయం ఇప్పటికీ అక్కడ కొనసాగిస్తున్నారట. ఆశ్చర్యం గా ఉంది కదా.. ఈ ప్రాంతం లో చదువుకున్న వాళ్ళు కూడా తక్కువే. ఇప్పటివరకు 6 గురు మాత్రమే చదువుల కోసం ఆ ఊరు దాటి బయటకు వచ్చారట. మిగిలిన వారంతా సాంప్రదాయ పనులపైనే ఆధారపడతారట.

ఒక కుటుంబానికి చెందిన వారి మధ్య ఎంత ప్రేమ ఉన్నా కూడా కొన్ని విషయాల్లో గొడవలు వస్తుంటాయి. అందులో ఒకటి ఆస్తి విషయం. ఆస్తి పంపకం విషయంలో గొడవలు అవ్వడం అనేది మనం చాలా సందర్భాల్లో చూస్తూనే ఉంటాం. ఒకవేళ ఇద్దరు సంతానం ఉంటే, వారిలో తల్లిదండ్రుల బాధ్యత ఒకరిని ఎక్కువగా తీసుకొని, ఒకరు తక్కువగా తీసుకుంటే, అప్పుడు ఆస్తి విషయంలో కచ్చితంగా గొడవలు అవుతాయి.

తల్లిదండ్రుల బాధ్యత తీసుకున్న వారికి ఎక్కువ ఆస్తి రావాలని, బాధ్యత తీసుకోని వారికి తక్కువ ఆస్తి రావాలని చర్చలు జరుగుతాయి. ఇది అన్నదమ్ముల మధ్య అవ్వచ్చు, లేకపోతే సోదరీ సోదరుల మధ్య అయినా అవ్వచ్చు. ఒకవేళ సోదరి ఉంటే, తనకి పెళ్ళి వెళ్లిపోయిన తర్వాత తండ్రి ఆస్తిపై ఎంత హక్కు ఉంటుంది అనే విషయంపై ఇప్పటికి కూడా మనకు అంత స్పష్టత లేదు. పెళ్లయిన కూతురికి తన తండ్రి ఆస్తి మీద ఎంత హక్కు ఉంటుందో ఇప్పుడు తెలుసుకుందాం.

ఈ ఆస్తి హక్కుకి సంబంధించిన చట్టం 1956 వరకు ఒక లాగా ఉంది. ఆ సంవత్సరానికి అంటే 1956 కంటే ముందు పుట్టిన ఆడపిల్లలకు ఒక రకమైన చట్టం ఉంది. సెప్టెంబర్ 9, 2005 లో మళ్ళీ ఒక కొత్త చట్టాన్ని అమలులోకి తీసుకొచ్చారు. అప్పట్లో తండ్రిని చూసుకోవడానికి కొడుకులే ఉండేవాళ్ళు. సాధారణంగా కూతురు పెళ్లి చేసుకొని వెళ్లిపోయేవారు. అందుకే 1956 కంటే ముందు పుట్టిన ఆడ పిల్లలకి తండ్రి ఆస్తిలో వాటా లేదు.

తర్వాత స్త్రీ పురుషుల మధ్య భేదాన్ని రూపుమాపడానికి సుప్రీంకోర్టు నడుంబిగించి 2005 లో కేంద్ర ప్రభుత్వం ద్వారా ఈ వారసత్వ చట్టంలో సవరణలు చేసి ఒక కొత్త చట్టాన్ని అమలులోకి తీసుకొచ్చింది.  అదేంటంటే 2005 తర్వాత నుంచి వచ్చిన చట్టం ప్రకారం తండ్రి ఆస్తిపై, అలాగే తండ్రి యొక్క అప్పులపై కూతురికి, కొడుకుకి సమానమైన హక్కు ఉంటుంది. ఇదే చట్టాన్ని ఇప్పటికి కూడా పాటిస్తున్నారు.

కానీ 1956 కంటే ముందు పుట్టిన ఆడవాళ్ళకి తన తండ్రి ఆస్తిలో వాటా రాదు. వారు ఇప్పుడు క్లెయిమ్ చేయాలి అనుకున్నా కూడా వారికి వాటా లేదు. అంతే కాకుండా వారికి వివాహం జరిగిన సంవత్సరాన్ని బట్టి ఆస్తి వాటా గురించి నిర్ణయిస్తారు. 1986 కంటే ముందు పెళ్లి అయిన వారి పరిస్థితి ఒక రకంగా ఉంది. 1986 తర్వాత పెళ్లి అయిన వారి పరిస్థితి ఇంకొక రకంగా ఉంటుంది. ఈ విషయం గురించి ఇంకా వివరంగా తెలుసుకోవాలంటే ఈ వీడియో చూడండి.

watch video :

https://youtu.be/pEHxXgfTDDk

NOTE : All images used are only for representative purpose.