Off Beat

టీవీలో ఎంటర్టైన్మెంట్ ప్రోగ్రామ్స్ చాలా వస్తాయి. కానీ బుర్రకి పదును పెట్టే ప్రోగ్రామ్స్ మాత్రం చాలా తక్కువగా వస్తాయి. మీలో ఎవరు కోటీశ్వరుడు లాంటి ప్రోగ్రామ్ అందులో ఒకటి. ఈటీవీలో కూడా గతంలో అలాంటి ప్రోగ్రామ్స్ చాలా వచ్చేవి. అలా ఈటీవీలో వచ్చిన ప్రోగ్రాం ఛాంపియన్. శ్రీనివాస్ అవసరాల దీనికి వ్యాఖ్యాతగా వ్యవహరించారు. కొంత మంది పిల్లలని ఈ ప్రోగ్రాంలో సెలెక్ట్ చేసి, జనరల్ నాలెడ్జ్ కి సంబంధించిన క్వశ్చన్స్ అడుగుతారు. ఈ ప్రోగ్రాంలో చాలా మంచి క్వశ్చన్స్ అడిగేవారు అని అప్పట్లో చాలా మంది పొగిడే వాళ్ళు కూడా. ఎన్నో తెలియని విషయాలని కూడా ఈ ప్రోగ్రాం ద్వారా తెలుసుకునే అవకాశం దొరికింది. పిల్లల్లో కూడా ఎంత తెలివైన వారు ఉన్నారు అనే విషయం ఈ ప్రోగ్రాం ద్వారా బయటికి వచ్చింది.

ఇలాంటి ఒక ప్రోగ్రాం తీసుకురావడం ఈటీవీ వాళ్లని అభినందించాల్సిన విషయం. ఈ ప్రోగ్రాంలో ఒక ఎపిసోడ్ లో వచ్చిన ఒక అమ్మాయి ఇటీవల తెలంగాణ గర్వించే దగ్గర స్థాయికి ఎదిగింది. ఇప్పుడు అందరూ గర్వపడేలా చేసింది. ప్రోగ్రాంలో కూడా శ్రీనివాస్ అవసరాల అడిగిన ప్రశ్నలకి తడుముకోకుండా సమాధానాలు చెప్పింది. అంత చిన్న వయసులోనే అన్ని తెలివితేటలు ఉన్నాయి. అందుకే ఇప్పుడు సివిల్స్ లో భారతదేశవ్యాప్తంగా మూడవ ర్యాంకు సాధించింది. ఆ అమ్మాయి అనన్య రెడ్డి. ఇటీవల విడుదల చేసిన సివిల్స్ ఫలితాల్లో మహబూబ్ నగర్ కి చెందిన భారతదేశవ్యాప్తంగా మూడవ ర్యాంకు సంపాదించి, రాష్ట్రం గర్వపడేలా చేశారు.

ఎటువంటి కోచింగ్ లేకుండానే సివిల్స్ లో మూడవ ర్యాంకు సాధించారు. అది కూడా మొదటి ప్రయత్నంలోనే ఇంత పెద్ద విజయం సాధించారు అనన్య రెడ్డి. సమాజానికి సేవ చేయాలని చిన్నప్పటినుండి ఉంది అని, అందుకే సివిల్స్ చదవాలి అని నిర్ణయించుకున్నట్టు తెలిపారు. రోజుకి 12 నుండి 14 గంటలు చదివేవారు. చదివే సమయంలో ఒత్తిడి రావడం అనేది సహజం. అలాంటివి ఎక్కువగా ఉండకుండా క్రికెట్ చూడడం, నవలలు చదవడం చేశారట అనన్య రెడ్డి. విరాట్ కోహ్లీ నుండి సమయం ప్రతికూలంగా ఉన్నప్పుడు ఎలా వ్యవహరించాలి అనే విషయాన్ని నేర్చుకున్నాను అని తెలిపారు. తెలంగాణ ముఖ్యమంత్రి రేవంత్ రెడ్డి అనన్యని సత్కరించారు. ఇంకా ఎంతో మంది ప్రముఖులు, రాజకీయ నాయకులు అనన్యకి అభినందనలు తెలిపారు.

watch video :

View this post on Instagram

A post shared by 𝓓𝓻’𝓟𝓻𝓪𝓭𝓮𝓮𝓹 𝓚𝓾𝓶𝓪𝓻 (@upsc_tspsc)

ALSO READ : ఒకే ఒక్క తెలుగు సినిమాలో నటించిన ఈ హీరోయిన్ ఎంతలా మారిపోయిందో చూడండి.!

అంబాసిడర్ కార్ అందరికీ గుర్తుండే ఉంటుంది.. వీటిని మన రాజకీయ నాయకులూ, అలాగే సినిమాల్లో ఎక్కువగా వాడేవారు. రాజకీయ నాయకుల నుండి పరిపాలనలో ఉన్న వ్యక్తుల వరకు అప్పట్లో విస్తృతంగా ఉపయోగించారు. ఇప్పటికీ చాలా మంది ఈ కారును ఉపయోగిస్తున్నారు. హిందూస్థాన్ మోటార్స్ 1957లో అంబాసిడర్ కారును విడుదల చేసింది. ఇది బ్రిటిష్ కారు ఆధారంగా రూపొందించబడింది. ఈ కారు 80ల వరకు ప్రజల హృదయాలను ఏలింది. అయితే మారుతీ సుజుకీ వచ్చిన తర్వాత దాని ఆదరణ తగ్గింది. కానీ ఈ కారుప్రయాణం అంటే.. ఇప్పటికీ చాలా మందికి మక్కువ.

అయితే 2014లో ఈ కారు ఉత్పత్తిని హిందుస్థాన్ మోటార్స్ నిలిపివేసింది. అయితే అంబాసిడార్ కారుపై ప్రేమ ఉన్న వారు ఇప్పటికీ ఆ పాత కార్లనే మోడిఫై చేసుకుంటున్నారు. మోడ్రన్​ గా తయారు చేయించుకుంటున్నారు. ఈ కార్ల తయారీ నిలిపేనాటికి అయితే వీటి ధర సుమారు నాలుగు లక్షల నుంచి స్టార్ట్ అయ్యేది. అయితే తాజాగా 1964 నాటి అంబాసిడర్ కార్ ఇన్వాయిస్ ఒకటి నెట్టింట వైరల్ గా మారింది. అందులో దాని ధర 16 ,495 రూపాయలుగా ఉంది.

1964 లో మద్రాసులోని గుప్తాస్ స్టేట్స్ హోటల్ కి ఈ కార్ ని డెలివరీ ఇచ్చినట్టుగా వైరల్ అవుతున్న ఆ ఇన్వాయిస్ లో ఉంది. ట్రైన్ లో పశ్చిమ బెంగాల్ నుంచి ఈ కార్ మద్రాస్ కి వచ్చినట్టుగా అందులో పేర్కొన్నారు. ఆ కార్ అసలు ధర 13 , 787 రూపాయలు కాగా.. సర్ ఛార్జ్ 255 రూపాయలు, ట్రాన్స్పోర్ట్ చార్జెస్ 897 రూపాయలు, మద్రాస్ జనరల్ సేల్స్ టాక్స్ 1 ,493 రూపాయలు, రిజిస్ట్రేషన్ కి 54 రూపాయలు, నెంబర్ ప్లేట్ రాయడానికి 7  రూపాయలు అయినట్టు ఆ ఇన్ వాయిస్ లో వివరించారు. మొత్తం గా 16 ,495 రూపాయలు అయింది.

రిలయన్స్ మోటార్ కార్పొరేషన్ ప్రైవేట్ లిమిటెడ్ జారీ చేసిన ఈ ఇన్ వాయిస్ లో ఆ బ్రాంచ్ మేనేజర్, అకౌంటంట్ సైన్స్ కూడా మనం చూడొచ్చు. వైరల్ గా మారిన ఈ ఇన్ వాయిస్ ని చూసి నెటిజన్లు ఆశ్చర్య పోతున్నారు. ఆ కార్ తో తమకు ఉన్న అనుబంధాన్ని గుర్తు చేసుకుంటూ ఫన్నీ కామెంట్స్ చేస్తున్నారు. ఈ పోస్ట్‌పై సోషల్ మీడియా యూజర్ స్పందిస్తూ.. 1972లో మా నాన్న అంబాసిడర్ కారును రూ. 18000కి కొన్నారు అని రాశారు.

ఇటీవల సివిల్స్ 2023 ఫలితాలు ప్రకటించారు. ఇందులో ప్రకాశం జిల్లాకి చెందిన ఉదయ్ కృష్ణారెడ్డి 780 ర్యాంక్ సాధించారు. ఉదయ్ కృష్ణారెడ్డి ఆంధ్రప్రదేశ్ లోని ప్రకాశం జిల్లాలోని సింగరాయకొండ మండలంలో ఊళ్ళపాలెంకి చెందినవారు. ఉదయ్ కృష్ణారెడ్డి తండ్రి రైతుగా పని చేసే కుటుంబానికి చెందినవారు. వారిది సాధారణమైన నేపథ్యం. ఉదయ్ తల్లి జయమ్మ ఉదయ్ కి 5 సంవత్సరాలు ఉన్నప్పుడు చనిపోయారు. తండ్రి శ్రీనివాసులు రెడ్డి, నాయనమ్మ రమణమ్మ దగ్గర ఉదయ్ పెరిగారు. ఉదయ్ తండ్రి, ఉదయ్ కి చిన్నప్పటినుండి సివిల్స్ గురించి చెప్తూ ఉండేవారు. ఆ ఆలోచనతోనే ఉదయ్ పెరిగారు.

ఉదయ్ ఇంటర్ చదువుతున్న సమయంలో ఉదయ్ తండ్రి మరణించారు. ఉదయ్ కి ఒక సోదరుడు కూడా ఉన్నారు. చిన్నతనంలోనే తల్లిదండ్రులను కోల్పోవడంతో, నాయనమ్మ దగ్గర పెరిగారు. ఉదయ్ నాయనమ్మ ఇద్దరు మనవళ్ళని చదివించారు. నెల్లూరు జిల్లా కావలిలో ఉన్న ప్రభుత్వ కళాశాలల్లో ఇంటర్మీడియట్, డిగ్రీ పూర్తి చేశారు. నెల్లూరు జిల్లా కావలిలో ఉన్న జవహర్ భారతి కళాశాలలో డిగ్రీ చదువుతున్నప్పుడు, చివరి సంవత్సరంలో ఉన్నప్పుడు, 2012 లో పోలీస్ కానిస్టేబుల్ గా నియమితులు అయ్యారు.

ఉమ్మడి ప్రకాశం జిల్లాలో ఉన్న గుడ్లూరులో నాలుగేళ్లు, ఆ తర్వాత ఉలవపాడు మండలం రామాయపట్నం మెరైన్‌ స్టేషన్‌లో కొంత కాలం చేశారు. 2019 వరకు ఆ ఉద్యోగం చేశారు. తర్వాత రాజీనామా చేశారు. అందుకు కారణం కూడా ఉంది. ఒకరోజు సీఐ అందరి ముందు ఉదయ్ కృష్ణారెడ్డిని అవమానించారు. దాంతో ఉద్యోగానికి రాజీనామా చేశారు. అప్పటి నుండి సివిల్స్ కి ప్రిపేర్ అయ్యారు. నాలుగవ ప్రయత్నంలో విజయం సాధించారు. ఉదయ్ కృష్ణారెడ్డి ఈ విషయం మీద మాట్లాడుతూ, “60 మంది పోలీసులు ముందు సీఐ అవమానించారు.”

“నా వ్యక్తిగత జీవితం గురించి కూడా మాట్లాడారు. దాంతో కానిస్టేబుల్ ఉద్యోగానికి రాజీనామా చేసి వెంటనే సివిల్స్ ప్రిపరేషన్ మొదలుపెట్టాను. మూడు సార్లు రాశాను. నాలుగవ ప్రయత్నంలో విజయం సాధించాను” అని చెప్పారు. ఉదయ్ కృష్ణారెడ్డికి ఐఏఎస్ క్యాడర్ మాత్రమే కాకుండా, ఐఆర్ఎస్, అంటే ఇండియన్ రెవెన్యూ సర్వీస్ లో నియమితులు అయ్యే అవకాశం కూడా ఉంది. ఈ విషయం మీద కూడా ఉదయ్ కృష్ణారెడ్డి మాట్లాడుతూ, ఇప్పుడు తన ప్రిపరేషన్ ఆపేది లేదు అని అన్నారు. ఐఏఎస్ కి ఎంపిక కావడం తన లక్ష్యం అని పేర్కొన్నారు.

ALSO READ : “మురళి విజయ్”తో ఎఫైర్ పెట్టుకొని భర్తకు విడాకులు… “దినేష్ కార్తీక్” గురించి ఇది తెలిస్తే రియల్ హీరో అంటారు.!

భారతదేశపు చరిత్రలో రాజుల గురించి ఎక్కువగా చెప్పుకుంటారు. వారి సాహసాల గురించి, లేదా వారి ప్రేమ కథల గురించి చెప్పుకుంటారు. కానీ రాణుల గురించి మాత్రం చాలా తక్కువగా చెప్తారు. కాబట్టి మన దేశంలో ఉన్న రాణుల గురించి ఎక్కువగా తెలియదు. వారిలో ఈ పిఠాపురం రాణి కూడా ఒకరు. బీబీసీ తెలుగు కథనం ప్రకారం, పిఠాపురం చరిత్ర అనే ఒక పుస్తకాన్ని ర్యాలీ ప్రసాద్ అనే ఒక రచయిత రాశారు. అందులో రాణి సీతాదేవి గురించి కొన్ని వివరాలు రాశారు. 1935 లో రాణి సీతాదేవికి ఉయ్యూరు సంస్థానానికి చెందిన రాజా మేకా వెంకయ్యప్పారావుతో వివాహం జరిగింది. వాళ్లకి ఒక కొడుకు ఉన్నాడు.

తన భర్తతో కలిసి సీతాదేవి రేస్ లకి వెళ్లేవారు. మరొక పక్క ప్రతాప్ సింగ్ గైక్వాడ్ బరోడాకి చెందిన మహారాజా. అప్పట్లో దేశంలో ఉన్న అత్యంత ధనవంతులలో ఆయన కూడా ఒకరు. గుర్రపు పందాలు అంటే ఎంతో ఇష్టం ఉన్న ప్రతాప్ సింగ్ గైక్వాడ్, ఒకసారి మద్రాస్ కి వెళ్లారు. అక్కడ ఒక రేస్ క్లబ్ దగ్గర సీతాదేవిని చూసి ప్రేమించారు. అప్పటికే సీతాదేవికి పెళ్లి జరిగి 7 సంవత్సరాలు అయ్యింది. అయినా కూడా ప్రతాప్ సింగ్ ఆమెని పెళ్లి చేసుకోవాలి అనుకున్నారు. రాణి సీతాదేవి కూడా ప్రతాప్ సింగ్ ని ఇష్టపడి పెళ్లి చేసుకోవాలి అనుకున్నారు. అక్కడే సమస్యలు మొదలు అయ్యాయి. రాజ్యంలోని నిబంధనలు వారి పెళ్లికి అడ్డుగా మారాయి. బరోడా సంస్థానం కట్టుబాట్ల ప్రకారం, మహారాజుల కుటుంబంలో రెండో వివాహం చేసుకోకూడదు.

అప్పటికే సీతాదేవికి మొదటి పెళ్లి అయ్యి ఉంది. దాంతో ప్రతాప్ సింగ్, సీతాదేవి మార్గాన్ని వెతకడం మొదలు పెట్టారు. ఏదో ఒకటి చేసి తమ పెళ్లి జరిగి తీరాలి అని అనుకున్నారు. అందుకే బరోడాలో పాటిస్తున్న హిందూ వివాహ చట్టం పరిధి నుండి తప్పించుకోవడానికి మతం మార్పిడి మాత్రమే ఒక మార్గం అని నిర్ణయించుకున్నారు. బరోడాలో ఉన్న న్యాయ నిపుణుల సహాయం తీసుకొని మతం మార్చుకోవాలి అనుకున్నారు.  సీతాదేవి ఇస్లాం మతం స్వీకరించి, ఉయ్యూరు రాజావారి నుండి విడాకులు తీసుకొని, ఆ తర్వాత మళ్లీ హిందూ మతాన్ని స్వీకరించి, 1943 లో ప్రతాప్ సింగ్ ని పెళ్లి చేసుకున్నారు.

కానీ సీతాదేవి వివాహం మీద బ్రిటిష్ వైస్రాయ్ కూడా తమ అభ్యంతరాలని వ్యక్తం చేశారు. చట్టం ప్రకారం మొదటి వివాహం రద్దు చేశారు. కాబట్టి రెండో వివాహానికి అడ్డంకులు ఉండవు. కానీ రాజులకి మాత్రం ఈ చట్టం వర్తించదు అని అన్నారు. ప్రతాప్ సింగ్ కి కూడా శాంతాదేవితో పెళ్లి జరిగి ఉంది. శాంతాదేవి ప్రతాప్ సింగ్ కి మొదటి భార్య. ఆ రాజ్యానికి వారసుడు ప్రతాప్ సింగ్ మొదటి భార్య కొడుకు అవుతాడు అనే ఒక నియమాన్ని పెట్టి, ఇదే షరతు మీద వారి రెండవ వివాహానికి అంగీకరించారు. కానీ సీతాదేవిని మహారాణి స్థానంలో గుర్తించేందుకు బ్రిటిష్ ప్రభుత్వం ఇష్టపడలేదు. అక్కడ ప్రోటోకాల్ ప్రకారం ఆ రాజ్యానికి మహారాణిని హర్ హైనెస్ అని పిలిచేవారు.  కానీ సీతాదేవిని అలా పిలవకూడదు అనే ఒక నిర్ణయాన్ని జారీ చేశారు.

కానీ మరొక పక్క, సీతాదేవి గైక్వాడ్ కుటుంబంలోకి అడుగు పెట్టిన తర్వాత, ప్రతాప్ సింగ్ మొదటి భార్య శాంతాదేవికి, సీతాదేవికి పడలేదు అని అంటారు. ఇద్దరు మహారాణులు వేరు వేరు భవనాల్లో ఉండేవారు. శాంతాదేవి లక్ష్మీ విలాస్ ప్యాలెస్ లో ఉండగా, సీతాదేవి మకరపుర ప్యాలెస్ లో నివసించారు. 1945 లో సీతాదేవికి, ప్రతాప్ సింగ్ కి ఒక కొడుకు పుట్టాడు. ఆ అబ్బాయికి శాయాజీరావు గైక్వాడ్ అనే పేరు పెట్టారు. ఆ సంవత్సరంలోనే సీతాదేవి మొనాకోలో ఉన్న మోంటేకార్లోకి వలసకి వెళ్లారు. అక్కడ ఉన్నవారందరికీ విలాసవంతమైన జీవితం ఉండేది. ఆ తర్వాత మన దేశానికి స్వాతంత్రం వచ్చింది. భారతదేశంలో ఉన్న సంస్థానాలను ప్రభుత్వం విలీనం చేసుకుంది.

దాంతో సీతాదేవి అక్కడే ఉండిపోయారు. బరోడా సంస్థానం నుండి ఎన్నో నగలు, డబ్బు కూడా తీసుకొని వెళ్ళాడు. అయితే, ప్రతాప్ సింగ్ గైక్వాడ్ కూడా అక్కడే స్థిరపడ్డారు. అక్కడ విలాసవంతమైన జీవితం గడిపారు. 1951 సంవత్సరంలో భారత ప్రభుత్వం ప్రతాప్ సింగ్ ని సంస్థానాధిపతి హోదా నుండి తొలగించారు. కేంద్ర ప్రభుత్వం నుండి వచ్చే రాయితీలు ఆయన మొదటి భార్య అయిన శాంతాదేవి సంతానానికి దక్కుతాయి అని ఆదేశాలు జారీ చేశారు. దాంతో భారతదేశానికి రావాలి అని ప్రతాప్ సింగ్ నిర్ణయించుకున్నారు. అప్పుడు సీతాదేవితో విభేదాలు వచ్చాయి. దాంతో 1956 లో వాళ్ళిద్దరూ విడాకులు తీసుకున్నారు.

సీతాదేవి ఇక్కడి నుండి మోనాకోకి డబ్బు, ఆభరణాలు తీసుకొని వెళ్ళిపోయారు. అందులో ఎన్నో విలువైన వజ్రాలు, ఆభరణాలు ఉన్నాయి. కానీ అవన్నీ భారతదేశానికి దక్కాల్సినవి. అవన్నీ సీతాదేవి తీసుకెళ్లిపోవడం వల్ల ఇండియాకి రావడం మీద సీతాదేవికి నియమాలు విధించారు. ఆ తర్వాత సీతాదేవి పారిస్ లో స్థిరపడ్డారు. తల్లితోనే ఉన్న శాయాజీరావు గైక్వాడ్ 1985 లో చనిపోయారు. తన ప్రాణాలు తనే తీసుకున్నారు. దాంతో సీతాదేవి బాధలోకి వెళ్లిపోయారు. ఫిబ్రవరి 15వ తేదీ, 1989 లో సీతాదేవి చనిపోయారు. అలా అప్పట్లో సీతాదేవి ఎంతో విలాసవంతమైన జీవితాన్ని గడిపారు.

ALSO READ : 39 ఏళ్ళ రామ్ చరణ్ కి తల్లిగా… 37 ఏళ్ళ హీరోయిన్..! ఇదెలా సాధ్యం..?