Off Beat

మనం చిన్నప్పుడు స్కూల్ డేస్ లో ఒక ఎక్స్పరిమెంట్ చేసేవాళ్ళం.. గుర్తుందా..? కొవ్వొత్తిని వెలిగించి దానిపై గ్లాస్ బోర్లిస్తే.. కాసేపటికి కొవ్వొత్తి ఆరిపోయేది. అదే గ్లాస్ బోర్లించి కొంత గ్యాప్ వదిల్తేనో.. లేక కొంత గాలి వెళ్లే ప్లేస్ ఉంటేనో ఆ కొవ్వొత్తి వెలుగుతూనే ఉండేది. దీనికి కారణం ఏంటంటే గాలి లో ఉండే ఆక్సిజెన్. అది ఉన్నప్పుడే కొవ్వొత్తి కాంతివంతం గా మండేది.

మరి నీటిలో కూడా ఆక్సిజెన్ ఉంటుంది కదా.. మరి నీరు పొయ్యగానే మంట ఎందుకు ఆరిపోతుంది..? అని ఎప్పుడైనా ఆలోచించారా..? నీటిలో ఉండే ఆక్సిజెన్ ఎందుకు మండదో మనం ఇప్పుడు తెలుసుకుందాం. నీటి ఫార్ములా H2O . నీరు అనేది ఉదజని కాలిపోగా మిగిలిన బూడిదే. ఉదజని అంటే హైడ్రోజెన్. ఇది కాలడం వలన ఏర్పడ్డ ద్రవ పదార్థమే నీరు.

కర్బన పదార్ధం కాలడం వలన ఏర్పడిన బూడిదనే మనం నీరు అంటున్నాం. ప్రకృతి లో సహజం గా జరిగే ఈ పధ్ధతి వలెనే నీరు ఏర్పడింది. కాలగా మిగిలిన బూడిద కాబట్టే, నీరు ప్రత్యేకం గా మండదు. ఇలా ఏర్పడ్డ నీటినే మనం శుద్ధిచేసి రకరకాలు గా వాడుకుంటున్నాము. మనం రోజు స్నానం చేసే నీరు కూడా బూడిదే. అందుకే “విభూతి స్నానం” అన్న పేరు కూడా వాడుక లోకి వచ్చి ఉంటుంది అని ఒక వివరణ కూడా ఉంది.

2002 లో వ్యాపార దిగ్గజం ధీరూభాయ్‌ అంబానీ మరణాంతరం అంబానీ సోదరుల మధ్య మనస్పర్థలు మొదలు అయ్యాయి. తల్లి కోకిలాబెన్‌ బిడ్డల మధ్య సయోధ్య కోసం ఎంతో ప్రయత్నించింది. చివరకు విడిపోయి.. వ్యాపారాలు పంచుకోవాలనే ఒప్పందానికి వచ్చారు అంబానీ బద్రర్స్‌. ఆయిల్‌, పెట్రోకెమికల్స్‌ వ్యాపారాలను అన్న ముఖేష్ అంబానీ ఎంచుకుంటే.. పవర్‌, టెలికామ్స్‌, ఫైనాన్షియల్‌ సర్వీసెస్‌ను తమ్ముడు అనిల్‌ తీసుకున్నాడు.

అప్పటి నుంచి ఇద్దరిదీ ఎడమొహం పెడమొహం. కలుసుకున్న సందర్భాలు చాలా అరుదు. బోర్డు సమావేశాల్లో ప్లాస్టిక్‌ నవ్వులతో ఎదురుపడ్డా.. ఆప్యాయంగా పలకరించుకుందే లేదు. అయితే వ్యాపారంలో.. ముఖేష్‌ అంబానీ సంపద.. పెరుగుతూ పోతోంది.

ఆసియాలోనే అపర కుబేరుడు అయ్యాడు ముఖేష్‌ అంబానీ. కానీ, అనిల్‌ అంబానీ సంపద మాత్రం దారుణంగా పడిపోయింది. ప్రస్తుతం అన్న ముకేశ్ అంబానీ దేశంలోనే అత్యంత ధనవంతుడు. కానీ తమ్ముడు అనిల్ అంబానీ మాత్రం దివాలా తీశారు. ఈయన కూడా ఒకప్పుడు దేశంలో అత్యంత సంపన్నుడి హోదాను అనుభవించారు. అయితే ఇప్పుడు మాత్రం పరిస్థితులు తలకిందులయ్యాయి.

ఒక కేసు విషయమై బ్రిటన్‌ కోర్టుకు అందించిన డాక్యుమెంట్లలో అనిల్ అంబానీ.. తన సంపద జీరో అని పేర్కొన్నట్లు బ్లూమ్‌బర్గ్ తెలిపింది. ‘నా ఇన్వెస్ట్‌మెంట్ల విలువ క్షీణించింది. నా అప్పులు పరిగణలోకి తీసుకుంటే నా సంపద విలువ జీరో. నా పేరు మీదు చెప్పుకోదగ్గ లేదా విక్రయించి సొమ్ము చేసుకోగల ఆస్తులు ఏమీ లేవు’ అని అనిల్ అంబానీ పేర్కొన్నారని వివరించింది.

అనిల్ అంబానీకి ఈ పరిస్థితి ఎందుకు వచ్చింది? అన్నదమ్ములు ఇద్దరూ ఒకే చోటు నుంచి ప్రయాణాన్ని ప్రారంభించారు. కాలం గడిచేకొద్ది అన్న అందనంత ఎత్తుకు వెళ్లగా.. తమ్ముడేమో పాతాళానికి చేరుకున్నాడు. ముకేశ్ అంబానీ, అనిల్ అంబానీ ఇద్దరూ 2005 తండ్రి ఆస్తులను సమంగా పంచుకున్న విషయం తెలిసిందే. 2007 అంటే కుటుంబం విడిపోయి రెండేళ్లు గడిచిన తర్వాత ఇద్దరు అన్నదమ్ముల మధ్య సంపద విలువలో అతిస్వల్ప వ్యత్యాసం మాత్రమే ఉండేది.

ఫోర్ట్స్ 2007 ధనవంతుల జాబితాలను గమనిస్తే.. అనిల్ అంబానీ సంపద 45 బిలియన్ డాలర్లు. ముకేశ్ అంబానీ సంపద విలువ 49 బిలియన్ డాలర్లు. సంపద విలువ పరంగా 2006లో అనిల్ అంబానీ అన్నను మించిపోయారు కూడా. దేశంలోని అత్యంత ధనవంతుల్లో అప్పుడు లక్ష్మీ మిట్టల్, అజీమ్ ప్రేమ్‌జీ తర్వాత మూడో స్థానంలో ఉన్నారు. అప్పట్లో అనిల్ అంబానీ దగ్గర అన్న కన్నా రూ.550 కోట్ల సందప ఎక్కువగా ఉండేది.

12 ఏళ్ల తర్వాత అంటే ఇప్పుడేమో అన్నదమ్ముల సంపద పూర్తి వ్యతిరేక దిశల్లో ఉంది. పోర్బ్స్ రియల్‌టైమ్ నెట్‌వర్త్ ప్రకారం 2019 మార్చిలో అనిల్ అంబానీ సంపద విలువ 1.9 బిలియన్ డాలర్లు (దాదాపు రూ.13,110 కోట్లు). 2007తో పోలిస్తే ఏకంగా 90 శాతం సంపద హరించుకుపోయింది. అదే సమయంలో ముకేశ్ అంబానీ సంపద 54 బిలియన్ డాలర్లుగా (దాదాపు రూ.3,72,600 కోట్లు) ఉంది. 2007తో పోలిస్తే సంపద 10 శాతం పెరిగింది. గతేడాది అనిల్ అంబానీ బిలియనీర్ల జాబితాలో చోటు కోల్పోయిన విషయం తెలిసిందే.

ముకేశ్ అంబానీ గత 12 ఏళ్ల కాలంలో రిలయన్స్ రిటైల్, రిలయన్స్ జియో వంటి కొత్త కొత్త వెంచర్లతో దూసుకెళ్లారు. ఆయిల్ అండ్ గ్యాస్ బిజినెస్‌ను మరింత విస్తరించారు. అదేసమయంలో అనిల్ అంబానీ తన సంపదను కోల్పోతూ వచ్చారు. టెలికం వ్యాపారం దెబ్బతింది. తెలియని వ్యాపారాల్లోకి ఎంట్రీ ఇచ్చి చేతులు కాల్చుకున్నారు. ఇన్‌ఫ్రాస్ట్రక్చర్, డిఫెన్స్ వ్యాపారాల్లోకి ప్రవేశించారు. దీంతో అప్పులపాలయ్యారు.

దూరదృష్టి, పట్టుదల అనే అంశాలు ముకేశ్ అంబానీని ఏ వ్యాపారంలోనైనా లీడర్‌గా నిలిపాయి. అనిల్ అంబానీ వేగంగా రాబడులను అందించే వ్యాపారాల్లో ఇన్వెస్ట్ చేసి నష్టపోయారు. అనిల్ చివరకు కుటుంబం నుంచి సంక్రమించిన టెలికం వ్యాపారాన్ని కూడా నిలుపుకోలేకపోయారు.

2002లో ముకేశ్ అంబానీయే టెలికం వ్యాపారాన్ని ప్రారంభించారు. ఆస్తుల పంపకంలో ఇది తమ్ముడికి వెళ్లింది. అయితేనేం ఆర్‌కామ్ ప్రారంభమైన దాదాపు 14 ఏళ్ల తర్వాత మళ్లీ రిలయన్స్ జియోను ఏర్పాటు చేశారు ముకేశ్ అంబానీ. దీన్ని కేవలం మూడేళ్ల కాలంలోనే టాప్ 3 టెలికం సంస్థల్లో ఒకటిగా నిలిపారు.

ముకేశ్ అంబానీ ఏ వ్యాపారాన్ని అయినా దగ్గరగా పర్యవేక్షిస్తారు. ఎప్పటికప్పుడు తగిన వ్యూహాలతో ముందుకెళ్తారు. క్షేత్ర స్థాయిలో కంపెనీ పరిస్థితి ఎలా ఉందో గమనిస్తూ ఉంటారు. ఇలాంటి లక్షణాలు అనిల్ అంబానీకి అబ్బలేదు. దీంతో కొత్తగా సంపాదన విషయాన్ని పక్కన ఉంచితే ఉన్న డబ్బునే నిలుపుకోలేకపోయారు. కానీ కష్ట కాలాల్లో తమ్ముడిని ఆదుకుంటూనే ఉన్నాడు ముఖేష్‌ అంబానీ. కష్ట సమయాల్లో అండగా నిలిచినందుకు అ‍న్నకు, వదినకు కృతజ్ఞతలు చెప్పాడు అనిల్‌ అంబానీ.

విమానం ఎక్కడం అంటే అందరికి సరదాగానే ఉంటుంది. కానీ.. కొంతమందికి మాత్రం టేకాఫ్ అయ్యే సమయం లోను, ల్యాండ్ అయ్యే సమయం లోను భయం గా ఉంటుంది. ఎందుకంటే.. ఈ రెండు సమయాల్లోనూ ప్రమాదం జరగడానికి ఎక్కువ అవకాశం ఉంటుంది కాబట్టి. అయితే.. ఈ రెండు సమయాల్లోనూ తప్పని సరిగా విండో షట్టర్లను తెరచి ఉంచాలని చెబుతుంటారు.

అయితే ప్రమాదం జరిగే అవకాశం ఉంటుంది కాబట్టే బయట పరిస్థితి ఎలా ఉందొ గమనించాలి. విండో షట్టర్లు తెరిచి ఉంచడం వలన టేక్ ఆఫ్ అవుతున్నప్పుడు, లాండింగ్ అవుతున్నప్పుడు విమానం లో కూర్చున్న వారి దృష్టి ఆటోమేటిక్ గా విమానం బయట వైపుకు పడుతుంది. దానివలన బయట కాంతి కి అలవాటు పడి కొంత భయం తగ్గుతుంది. అలాగే.. విమాన సహాయకులకు కూడా బయట కనిపిస్తుంది.

ఒకవేళ రెక్కల వద్ద ఏమైనా సమస్య వచ్చినా గుర్తించగలిగి వెంటనే విమాన కెప్టెన్ ను అలెర్ట్ చేయగలుగుతారు. అలాగే ల్యాండ్ అవుతున్న సమయం లో కూడా విమానం లోపల ఏమైనా ఇబ్బంది ఎదురైతే అది బయటివారికి కనిపిస్తుంది. వెంటనే ఎదో ఒక యాక్షన్ తీసుకోవడానికి అవకాశం ఉంటుంది. అదే కిటికీలు మూసేసి ఉంచితే ఎవరికి ఏమి తెలియదు.. అందుకే ల్యాండ్ అయ్యే సమయం లో కూడా కిటికీలు తెరచి ఉంచాలని చెబుతారు.

ప్రస్తుతం ఎక్కడ చూసినా కూడా ఒకే విషయం గురించి చర్చ జరుగుతోంది. భారతదేశం అంతా కూడా జాంనగర్ వైపే చూస్తోంది. భారతదేశంలోనే. కాదు కాదు. ప్రపంచంలోనే అత్యంత సంపన్నుల్లో ఒకరైన ముఖేష్ అంబానీ కొడుకు అనంత్ అంబానీ పెళ్లికి ముందు జరిగే వేడుకలు గుజరాత్ లోని జాంనగర్ లో అంగరంగ వైభవంగా చేస్తున్నారు.

అంబానీ వాళ్ళ ఇంట్లో ఏదైనా ఫంక్షన్ అంటేనే బాలీవుడ్ అంతా కూడా అక్కడే ఉంటుంది. అలాంటిది అంబానీ ఇంట్లో పెళ్లి అంటే బాలీవుడ్ ఏంటి. హాలీవుడ్ వాళ్లు కూడా ఉన్నారు. సినిమా వాళ్లు, రాజకీయాలకు చెందిన వాళ్లు, వ్యాపారవేత్తలు, క్రీడారంగానికి చెందినవారు, ఇలా ప్రతి రంగంలోని ప్రముఖులు కూడా ఈ వేడుకకి హాజరు అవుతున్నారు.

అంబానీ వారి మర్యాదల్లో కూడా ఎక్కడా లోటు రాకుండా చూసుకుంటున్నారు. ఫోటోగ్రాఫర్స్ బయట ఎక్కువ సేపు అంబానీ కుటుంబం కోసం వేచి చూసి, అక్కడికి వస్తున్న ప్రముఖుల గురించి సంబంధించిన విషయాలు అన్నీ కూడా కవర్ చేస్తున్నారు. వారు కూడా అలసిపోవద్దు అని ఉద్దేశంతో, వారి కోసం ఒక స్పెషల్ మీల్, తాగడానికి పానీయాలు, పండ్లు, స్వీట్లు వంటివి పంపించారు. ఇంక వేడుకల్లో అయితే దాదాపు 2000 రకాల వంటలు ఉన్నాయి అని సమాచారం. అంబానీ ఇంట్లో పెళ్లి అంటే ఖర్చు కూడా మామూలుగా ఉండదు కదా. కొన్నాళ్ల క్రితం అంబానీ కూతురు ఇషా అంబానీ పెళ్లి జరిగింది.

ఆమె పెళ్లి కోసం 700 కోట్లు ఖర్చు పెట్టారు. పెళ్లిలో ఇషా అంబానీ 90 కోట్ల విలువైన లెహంగాని ధరించారు. వాలంటీనో అనే అంతర్జాతీయ దుస్తుల బ్రాండ్ ఇషా అంబానీ కోసం మొదటి సారి ప్రత్యేకంగా ఇండియన్ డిజైనర్ లెహంగాని తయారు చేశారు. ఇప్పుడు అనంత్ అంబానీ పెళ్లి కోసం కూడా 1000 కోట్ల వరకు ఖర్చు అవుతుంది అని సమాచారం. ప్రముఖ ఇంటర్నేషనల్ సింగర్ రిహానా వచ్చి ఇప్పటికే అంబానీ వేడుకలో పెర్ఫార్మన్స్ ఇచ్చారు.

ఇంకా ఎంతో మంది అంతర్జాతీయ వ్యాప్తంగా గుర్తింపు పొందిన ప్రముఖులు ఈ వేడుకకి హాజరు అవుతారు. జూలైలో పెళ్లి జరుగుతుంది. ఇప్పుడు జరిగేది పెళ్లికి ముందు జరిగే సెలబ్రేషన్స్. ఇవన్నీ కలిపి 1000 కోట్లు అవుతుంది. నిన్న జరిగిన ప్రీ వెడ్డింగ్ పార్టీలో అంతర్జాతీయ దుస్తుల బ్రాండ్ వారు తయారు చేసిన దుస్తులను మాత్రమే అంబానీ కుటుంబం ధరించారు. వాటి ధర కోట్లల్లోనే ఉంటుంది. అంతే కాకుండా ముఖేష్ అంబానీ, నీతా అంబానీ ప్యార్ హువా పాటకి డాన్స్ కూడా వేశారు. ఇది కేవలం శాంపిల్ మాత్రమే. ఇంకా ఇలాంటి హైలైట్స్ వీరి వేడుకలో చాలా జరుగుతాయి.

watch video : 

Ambanis can act and dance too 🤌🏻✨#RadhikaMerchant #Jamnagar pic.twitter.com/RwkTb1N90i

— CHIRAG TALWAR (@Chiragtalwar23) March 1, 2024

ALSO READ : ఇలా కుడా అవుట్ అవుతారా.? పాపం తమన్ అన్న..!

ప్రతి ప్రాంతంలో కొన్ని ప్రదేశాలు చాలా ఫేమస్ గా ఉంటాయి. అక్కడికి వెళ్తే కచ్చితంగా ప్రదేశానికి వెళ్ళాలి అని అంటారు. అందులో కొన్ని హోటల్స్ కూడా ఉంటాయి. హైదరాబాద్ లో అలాంటివి చాలానే ఉన్నాయి. బెంగళూరులో కూడా అలా ఉన్న ఒక ప్రదేశం ఉంది. దాని పేరు రామేశ్వరం కేఫ్. బెంగళూరు వెళ్లి, రామేశ్వరం కేఫ్ గురించి అడిగితే ఎవరైనా సరే చెప్తారు.

అక్కడ అది అంత ఫేమస్. అందుకే ఇప్పుడు హైదరాబాద్ లో కూడా మరొక బ్రాంచ్ ఓపెన్ చేశారు. అసలు ఎందుకు ఇంత ప్రత్యేకత? అక్కడ ఎలాంటి పదార్థాలు ఉంటాయి? ఇవన్నీ ఇప్పుడు తెలుసుకుందాం. 2021 లో రామేశ్వరం కేఫ్ ఓపెన్ చేశారు. దివ్య రాఘవేంద్రరావు అనే వ్యక్తికి ఈ ఆలోచన వచ్చింది. ఇక్కడ సౌత్ ఇండియన్ వెజిటేరియన్ వంటలు, కాఫీ, టీ దొరుకుతాయి.

మొదటి బ్రాంచ్ బెంగళూరులో ఓపెన్ చేశారు. రామేశ్వరం కేఫ్ కి ఆ పేరు పెట్టడం వెనుక కూడా ఒక కథ ఉంది. ఎంతో గుర్తింపు తెచ్చుకున్న ఒక గొప్ప వ్యక్తి అక్కడ పుట్టారు. ఆయన గొప్పదనానికి నిదర్శనం గానే ఆ పేరు పెట్టారు. ఆ వ్యక్తి ఎవరో ఈపాటికి మీలో చాలా మందికి తెలిసి ఉంటుంది. ఏపీజే అబ్దుల్ కలాం గారు రామేశ్వరంలో పుట్టారు. అందుకే ఈ కేఫ్ కి ఆయన పేరు పెట్టారు. దివ్య రాఘవేంద్రరావు ముందు, “ఈ వ్యాపారం చేస్తాను” అని తన ఇంట్లో వారికి చెప్తే ఎవరూ ప్రోత్సహించలేదు. “అంత చదువుకొని ఈ వ్యాపారం చేయడం ఏంటి?” అని అన్నారు. కానీ దివ్య ఎవరి ప్రోత్సాహం సహకారం లేకుండానే తన సొంత కాళ్ళ మీద తను నిలబడి చూపించారు.

ఎంతో మంది ప్రముఖులు కూడా బెంగళూరుకి వెళ్ళినప్పుడు రామేశ్వరం కేఫ్ కి కచ్చితంగా వెళ్తారు. ఎన్నో అవార్డులు కూడా వీరు అందుకున్నారు. ఇక్కడ నాణ్యత పరిమాణాలు కూడా ఉన్నతమైన స్థాయిలో ఉంటాయి. అంతగా ప్రాచుర్యాలు పొందడంతో, వారి సేవలను వివిధ ప్రాంతాలకు విస్తరిస్తున్నారు. ప్రస్తుతం హైదరాబాద్ లో కూడా వీరి బ్రాంచ్ ఓపెన్ చేశారు. ఇక్కడ కూడా ఎంతో మంది రామేశ్వరం కేఫ్ లో పదార్థాలు రుచి చూడడానికి వెళుతున్నారు. భవిష్యత్తులో ఇంకా చాలా చోట్ల వీళ్ళకి బ్రాంచెస్ ఓపెన్ చేసి ఆలోచన కూడా ఉంది అన్నట్టు ఒక ఇంటర్వ్యూలో తెలిపారు. ఇలాగే విస్తరించి, ఇంకా గొప్ప పేరు పొందాలి అని ఆశిద్దాం.

ALSO READ : వైయస్ షర్మిల “ప్రేమ కథ” తెలుసా..? వీరి పరిచయం ఎలా మొదలయ్యింది అంటే..?

భారతీయులు పూర్వకాలం నుండి ఉదయాన్నే స్నానం చేయడం వల్ల వారి రోజు శుభప్రదంగా ఉంటుందని భావిస్తారు. పూర్వకాలం నుండి ఇది సంప్రదాయంగా మారిపోయింది. అందువల్ల భారతీయులు స్నానం చేయడంతో  వారి రోజును మొదలుపెడతారు. ఇలా చేయడం వెనుక సంప్రదాయాలు, మత విశ్వాసాలు ఉన్నాయి.

అయితే ఇతర ఆసియా దేశాలు అయిన జపాన్, చైనా, కొరియా లాంటి దేశాల్లో మాత్రం రాత్రి వేళ స్నానాలు చేస్తుంటారు. ఇలా చేయడం వెనుక ఉన్న కారణం కారణం ఏమిటో? సైన్స్ మరియు నిపుణులు ఏం చెబుతున్నారో ఇప్పుడు చూద్దాం..

జపాన్‌లో పురాతన కాలం నుండి రాత్రివేళ స్నానం చేసే ఆచారం ఉంది. రాత్రివేళ స్నానం చేయడం ద్వారా పగటివేళ శరీరంలో పేరుకున్న మలినాలు మరియు టాక్సిన్స్ పోగొట్టడానికి సహాయపడుతుందని, తద్వారా శరీరానికి విశ్రాంతి లభిస్తుందని నమ్ముతారు. రాత్రి పడుకునే ముందు స్నానం చేయడం వల్ల మనస్సు, శరీరం రెండూ శుభ్రపడతాయని వారి నమ్మకం. ఈ కారణంగా, స్నానం చేసిన తర్వాత ప్రశాంతంగా నిద్రపోతామని నమ్ముతారు. రాత్రిపూట స్నానం చేయడానికి మరో రీజన్, జపనీస్ కార్మికులు ఒత్తిడితో కూడిన పనులు చేస్తుంటారు.

నిద్రకు ముందు స్నానం చేయడం వల్ల పని పూర్తి అయ్యిందని,  విశ్రాంతి తీసుకోవడానికి సమయం వచ్చిందని శరీరానికి సూచించే మార్గం. ఇలా చేయడం వల్ల ఒత్తిడిని తగ్గి, మానసిక, శారీరక విశ్రాంతిని పెంచుతుంది. దక్షిణ కొరియా ప్రజలు చాలా గంటల పని తర్వాత రెస్ట్ తీసుకోవడానికి రాత్రివేళ స్నానం చేయడానికి ఇష్టపడతారు. చైనా సంస్కృతిలో, రాత్రివేళ స్నానం చేయడం పరిశుభ్రతలో ముఖ్యమైనదిగా పరిగణించబడుతుంది. ఈ రాత్రి స్నానం వల్ల పగటి సమయంలో శరీరంలో పేరుకున్న క్రిములను నాశనం చేస్తుందని విశ్వసిస్తారు. చైనా వాతావరణం చాలా తేమగా, తేలికపాటిగా ఉంటుంది. అందువల్ల  స్కిన్  పై బ్యాక్టీరియా, దుమ్ము పేరుకుపోతుంది. రాత్రి పూట స్నానం చేయడం వల్ల శరీరాన్ని శుభ్రంగా ఉంచుకోవడమే కాక ఇన్ఫెక్షన్ల వంటివి వ్యాప్తి చెందకుండా ఉంటాయి.

ఉదయం పూట స్నానం  వల్ల కలిగే ప్రయోజనాలు..

ఉదయపు స్నానం ప్రారంభానికి  కావాల్సిన శక్తిని ఇస్తుంది

రాత్రిపూట కలిగిన హ్యాంగోవర్‌ను తొలగించి, ఫ్రెష్ నెస్ ను ఇస్తుంది

మరింత యాక్టివ్ గా ఉన్న అనుభూతి కలుగుతుంది.

రాత్రి నిద్రించే టైమ్ లో చెమట ఎక్కువగా వచ్చేవారు తప్పనిసరి ఉదయం స్నానం చేయాల్సి ఉంటుంది.

రాత్రిపూట స్నానం వల్ల కలిగే ప్రయోజనాలు..

రాత్రిపూట స్నానం చేయడం వల్ల చెమట, ధూళిని పోగొడుగుతుంది.

రాత్రిపూట స్నానం వల్ల బెడ్‌షీట్‌ల పై నూనె, మురికి తక్కువగా చేరుతుంది.

రాత్రిపూట స్నానం చేయడం వల్ల స్కిన్ హెల్త్ మెరుగ్గా ఉంటుంది.

ప్రశాంతమైన నిద్ర పడుతుంది.

సైన్స్ ఏం చెబుతోందంటే..?
సైన్స్ మరియు నిపుణులు సైతం రాత్రి స్నానానికి మద్దతు తెలుపుతున్నారు. రోజంతా పని చేసిన తర్వాత రాత్రిపూట స్నానం చేయడం ద్వారా శరీరం రిఫ్రెష్ అవుతుంది. రోజంతా అలసిపోయిన వారు తలస్నానం చేయడం వల్ల నిమిషాల్లో అలసటను తగ్గించుకోవచ్చు. నిద్ర బాగా పడుతుంది. రాత్రి నిద్రించే ముందు గోరువెచ్చని నీటితో స్నానం చేయడం వల్ల మంచి నిద్ర పడుతుందని పలు పరిశోధనలు చెబుతున్నాయి.

Also Read: వేసవిలో చల్లనీరు ఎక్కువగా తాగుతున్నారా.. అయితే ఈ సమస్యలు ఎదుర్కోవాల్సిందే!