Off Beat

గ్యాస్ సిలిండర్ ప్రతి ఇంట్లోనూ ఉంటుంది. ఇది మనకు నిత్యావసరాల్లో ముందుంటుంది. ఎందుకంటే వంట చేసుకోవడానికి ఎక్కువమంది గ్యాస్ పైనే ఆధారపడతాం కాబట్టి.

మనం రెండు బండలు కొనుక్కుని ఒకటి స్పేర్ ఉంచుకుంటాం. ఒకటి అయిపోగానే మార్చుకుని.. రెండవ బండ బుక్ చేసుకుంటూ ఉంటాం. ఇది అందరు సహజంగా చేసే పనే.

అయితే.. చాలా మంది గ్యాస్ బండ ఎంత బరువు ఉందో చెప్పడానికి చిన్న పరికరాలు వాడతారు. అది అందరి ఇళ్లలోనూ ఉండకపోవచ్చు. కొందరు గ్యాస్ ఎంత ఉందో తెలుసుకోవడం కోసం బండను షేక్ చేసి చూడడం, లేదా పైకి ఎత్తి చూడడం వంటి పనులు చేస్తూ ఉంటారు. ఇది అన్ని సమయాల్లోనూ శ్రేయస్కరం కాదు. ఈ చిన్న ట్రిక్ తో మీ బండలో గ్యాస్ ఎంత వరకు ఉందో తెలుసుకోవచ్చు.

ఒక బౌల్ లో వాటర్ తీసుకోండి. ఒక క్లాత్ ను తీసుకుని దానిని వాటర్ లో ముంచి.. పూర్తి గా తడిసిన తరువాత బయటకు తీయండి. దానిని పిండి.. ఆ తడి గా ఉన్న గుడ్డతో బండను తుడవండి. గదిలో ఫ్యాన్ ను ఆపేసి ఈ బండను తుడవండి. ఒక నాలుగైదు నిమిషాల పాటు దానిని గమనిస్తే.. గ్యాస్ లేని భాగం లో తొందరగా ఆరిపోతుంది. గ్యాస్ ఉన్న కింద భాగం మాత్రం ఎక్కువ సేపు తడిగా ఉంటుంది.

ఈ తడిగా ఉన్న ప్లేస్ ఎక్కడివరకు ఉందో.. అక్కడవరకు మీ బండలో గ్యాస్ ఉందని అర్ధం. ఈ ట్రిక్ ఇంకా వివరంగా అర్ధం అవ్వాలంటే కింద ఈ వీడియో ను చూడండి. ఈ వీడియో చూసాక.. మీకు ఇంతేనా అనిపిస్తుంది కదా.. బండ ని పైకి లేపడం, వెయిట్ చూడడానికి ఆన్ లైన్ లో దొరికే రకరకాల మెజరింగ్ పరికరాలను ఉపయోగించడం అంత సేఫ్ కూడా కాదు.. చాలా సింపుల్ గా.. ఒక క్లాత్, వాటర్ తో ఈ ఎక్స్పరిమెంట్ ట్రై చేయచ్చు. మీరు కూడా ట్రై చేసి చూడండి. మీ ఇంట్లో ఉండే బండలో ఎంత వరకు గ్యాస్ ఉందో చెక్ చేసుకుని అవసరమైనపుడు కొత్త బండ బుక్ చేసుకోవచ్చు.

watch video :

ఇటీవల కాలంలో చాలా మంది నీటిని వేడి చేసుకోవడం కోసం కెటిల్ ను ఉపయోగిస్తున్నారు. పాస్తా, నూడుల్స్, గుడ్లు ఉడకపెట్టడం వంటి వాటికి కూడా దీనిని వాడేస్తున్నారు. అయితే, వాడుకోవడం సులువుగా ఉండడంతో కొన్ని ఇతర పదార్ధాల కోసం కూడా దీనిని వాడేస్తున్నారు. ఇటువంటి పొరపాట్లు చేయడం వలన ఈ కెటిల్స్ తొందరగా పాడైపోతూ ఉంటాయి.

అయితే.. ఎంత నాణ్యమైన కెటిల్స్ అయినా ఒక్కోసారి పాడైపోతూ ఉంటాయి. మీ కెటిల్స్ పాడవకుండా ఉండాలంటే వాటిని ఉపయోగించే తప్పుడు ఈ 5 తప్పులను అస్సలు చేయకండి. అవేంటో ఓ లుక్ వేయండి.

#1. ఎలక్ట్రిక్ కెటిల్స్ లో నిర్ణీత మోతాదుకు సరిపడా పదార్ధాలను మాత్రమే ఉంచాలి. ఎక్కువ మొత్తంలో నీటిని పోయకూడదు. దీనివల్ల నీరు బాయిల్ అయ్యేటపుడు అవుట్ లెట్ రంద్రాల నుంచి బయటకు వెళ్లి కెటిల్ మెషిన్ లోకి వెళ్లే అవకాశం ఉంటుంది. అప్పుడు మెషిన్ పాడవుతుంది. అలా అని తక్కువ మొత్తంలో నీరు పోయడం, అసలు నీరు లేకుండా వాడడం కూడా సరికాదు.

#2. కొంతమంది కెటిల్ ని వాడిన తరువాత ఆ నీటిని అందులోనే ఉంచేస్తూ ఉంటారు. ఇది కూడా కరెక్ట్ కాదు. దానివల్ల కెటిల్ లోపల తెల్లటి పొర పేరుకుపోతుంది. దీనివలన క్రమంగా కెటిల్ నాణ్యత తగ్గిపోతుంది. కెటిల్ ని వాడటం పూర్తయ్యాక ఆ నీటిని పూర్తిగా తీసేసి ఖాళీగా ఉంచడమే మంచిది.

#3. కెటిల్ లో నీరు మరుగుతున్నప్పుడు పొగలు బయటకు వస్తూ ఉంటాయి. ఆ పొగల వలన తేమ కూడా ఏర్పడుతుంది. దగ్గరిలో ఏదైనా ఫర్నిచర్ ఉంటె అవి పాడయ్యే అవకాశం ఉంటుంది. అలాగే.. ఆ పొగలు స్విచ్ బోర్డు వైపు వెళ్లేలా ఉన్నా ప్రమాదమే. కాబట్టి ఈ విషయంలో జాగ్రత్త పడాలి.

#4. కెటిల్ ని టాప్ కింద కడగకూడదు. సమపాళ్లలో నీటిని వెనిగర్ ను తీసుకుని కెటిల్ లో పోయాలి. కెటిల్ కు సగం వరకు ఈ మిశ్రమాన్ని ఉంచి స్విచ్ ఆన్ చేయాలి. కొంతసేపు మరిగించాక స్విచ్ ఆఫ్ చేసి అరగంట సేపు వదిలేయాలి. ఆ తరువాత స్క్రబ్బర్ తో రుద్ది కడిగేయాలి. బయట వైపు తడి గుడ్డ తో తుడుచుకుంటే సరిపోతుంది. కానీ, టాప్ కింద పెట్టి కడగడం వలన నీరు మెషిన్ రంధ్రాలలోకి వెళ్లే ప్రమాదం ఉంటుంది.

#5. కెటిల్ లో ఏయే పదార్ధాలు వాడుకోవచ్చనే విషయాన్నీ ప్యాకేజింగ్ లేబుల్ పై చెబుతారు. వాటి కోసం మాత్రమే కెటిల్ ను వినియోగించాలి. ఇతర పదార్ధాలను వండడం కోసం కూడా కెటిల్ ను వాడడం వలన దాని నాణ్యత తగ్గిపోతుంది.

ప్రయాణాలు అంటే ఇష్టం లేని వారు చాలా తక్కువ మంది ఉంటారు అనుకుంటా. ప్రపంచంలో ఎంతో మంది ప్రయాణాలు చేయడానికి ఇష్టపడతారు. ఎంతో మంది పని విషయంలో ప్రయాణిస్తారు, ఇంకా కొంత మంది వేరే ఏదైనా కారణంగా ప్రయాణాలు చేస్తారు, ఇంకా కొంత మంది వేరే ప్రదేశాలను చూడటానికి వెళ్తూ ఉంటారు. కానీ దాదాపు అందరు ప్రయాణాలు అయితే కచ్చితంగా చేస్తారు.

మనం ఒక చోటు నుండి వేరే చోటుకు ప్రయాణించడానికి ఎన్నో రకాల వెహికల్స్ ఉన్నాయి. అందులో మనందరం ఎక్కువగా వాడేది బస్, ట్రైన్, లేకపోతే ఫ్లైట్. ఇందులో చాలా మంది ట్రైన్ ప్రయాణాలను ఫ్లైట్ ప్రయాణాల ని ఇష్టపడతారు. అయితే బస్ లో కానీ, ట్రైన్ లో కానీ ఫ్లైట్ లో కానీ ప్రయాణించేటప్పుడు మనం చుట్టుపక్కల పరిసరాలను చూస్తూ ఉంటాం కానీ మనం కూర్చున్న బస్ ని కానీ, ట్రైన్ ని కానీ ఫ్లైట్ ని కానీ ఎక్కువగా పట్టించుకోము.

ఒకసారి మనం ఎప్పుడైనా గమనిస్తే బస్, ట్రైన్, ఫ్లైట్ లో సీట్లు బ్లూ కలర్ లో ఉంటాయి. దాదాపు ప్రతి బస్ లో, ప్రతి ట్రైన్ లో ప్రతి ఫ్లైట్ లో సీట్ బ్లూ కలర్ లోనే ఉంటాయి. అలా ఉండడానికి ఒక కారణం ఉంది. అదేంటంటే. సాధారణంగా ఒక మనిషి మెదడు ఒక్కొక్క రంగు చూస్తే ఒక్కొక్కలాగా స్పందిస్తుంది.

ఎరుపు చూస్తే డేంజర్ అని, తెలుపు చూస్తే శాంతి అని అలా ఒక్కొక్క రంగుని చూస్తే మనిషి మెదడు ఒక్కొక్కలాగా స్పందిస్తుంది. అలా మనం ప్రయాణాల్లో ఎక్కువసేపు కూర్చోవాల్సి వస్తుంది కాబట్టి మధ్యలో వచ్చే విసుగు అవకాశాలు ఉంటాయి. అలాంటప్పుడు బ్లూ కలర్ ఒక మనిషి మెదడు ని కామ్ చేస్తుంది.

బ్లూ కలర్ విసుగు, చిరాకు లాంటి ఫీలింగ్స్ ని పోగొట్టి మనల్ని రిలాక్స్డ్ గా ఉండేలా చేస్తుంది. అందుకే బస్, ఫ్లైట్ ట్రైన్ లో సీట్లు బ్లూ కలర్ లో ఉంటాయి. ఈసారి బస్, ట్రైన్ లేదా ఫ్లైట్లో ప్రయాణించేటప్పుడు మీరు కూడా ఈ విషయాన్ని గమనించండి. కేవలం బస్, ట్రైన్, ఫ్లైట్లో మాత్రమే కాకుండా జపాన్ లో అయితే స్ట్రీట్ లైట్లు కూడా బ్లూ కలర్ లోనే ఉంటాయట.

ఇండియన్ ఆర్మీ యూనిఫామ్ మనందరికీ సుపరిచితమే. దాదాపు దశాబ్దాల తరబడి ఒకటే యూనిఫామ్ ఉంటూ వచ్చింది. ఈ యూనిఫామ్ ని తాజాగా మార్చేశారు. కొన్ని మార్పులు చేర్పులు చేసి సరికొత్త ఆర్మీ యూనిఫామ్ ని అప్రూవ్ చేసారు. తాజాగా.. ఈ చేంజ్ చేసిన యూనిఫామ్ ను కూడా అఫిషియల్ గా అనౌన్స్ చేసారు.

పాత యూనిఫామ్ లో ఉన్న గుర్తింపుని, హుందాతనాన్ని పోగొట్టకుండా.. బోర్డర్ వద్ద ఉండి పోరాటం చేసే సైనికులకు ఏ కాలం లో అయినా కంఫర్ట్ గా ఉండే విధంగా వీటిని డిజైన్ చేయడం జరిగింది.

ఈ యూనిఫామ్ కు మార్పులు చేర్పులు చేయడం వెనక ఎంత కథ నడిచిందో ఈ ఆర్టికల్ లో తెలుసుకుందాం. దాదాపు దశాబ్దాల కాలంగా ఒకటే యూనిఫామ్ ని మన ఆర్మీ వారు ధరిస్తూ వచ్చారు. తాజాగా ఇతర దేశాల యూనిఫామ్ లను గమనించి, కొత్త టెక్నాలజీలను ఉపయోగించి మన సైనికులకు ఎల్ల వేళలా కంఫర్ట్ గా ఉండాలి అన్న ఉద్దేశ్యంతో యూనిఫామ్ లో మార్పులు తీసుకురావాలని అనుకున్నారు.

ఆడ, మగ సైనికులకు ఇవి సౌకర్యవంతంగా మరియు క్యారీ చేయడానికి ఈజీ గా ఉండేవిధంగా వీటిని డిజైన్ చేసారు. దాదాపు రెండేళ్ల క్రితమే యూనిఫామ్ చేంజ్ చేయాలి అన్న ఆలోచన మొదలైంది. గత ఏడాది జరిగిన ఆర్మీ కమాండర్ కాన్ఫిరెన్స్ లో ఈ టాపిక్ గురించి చర్చ కూడా జరిగింది. నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ తో కలిసి ఈ యూనిఫామ్ ని డిజైన్ చేసారు. భారత ఆర్మీ యూనిఫామ్ కొంత అమెరికా ఆర్మీ ట్రూప్స్ యూనిఫామ్ ని పోలి ఉంటుంది.

విద్యార్థులు, ప్రొఫెసర్స్ మొత్తం ఎనిమిది మంది టీం కలిసి ఈ యూనిఫామ్ ని డిజైన్ చేయడానికి పని చేసారు. రెండేళ్ల క్రితమే నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ ని ప్రభుత్వం కలిసింది. యూనిఫామ్ చేంజ్ గురించి కాంట్రాక్టు ను కుదుర్చుకుంది. ఎన్నో చర్చలు, ఫీడ్ బ్యాక్స్ తరువాత ఈ డిజైన్ ను కంఫర్మ్ చేసారు. ఇది కన్ఫర్మ్ చేయడానికి ముందు నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ 4 రకాల క్లాత్స్ ను తీసుకుని 8 రకాల డిజైన్స్ ను రూపొందించింది. 15 రకాల పాటర్న్స్ కూడా ట్రై చేసారు. చివరకు ఇప్పుడు మనం చూస్తున్న డిజైన్ ను ఓకే చేసారు.

కొన్నిసార్లు సమయం లేకపోవడం వలన కంగారుగా మంచి నీళ్లు తాగుతూ ఉంటాం. అలాంటప్పుడు బట్టల మీద పడి మరక లాగ కనిపిస్తుంది. అయితే ఏదైనా చాలా ముఖ్యమైన పని ఉన్నప్పుడు ఇలా జరిగితే చాలా ఇబ్బందిగా ఉండాల్సి వస్తుంది.

మరి మంచి నీళ్ళు పడినప్పుడు బట్టలు ఎందుకు డార్క్ గా కనబడతాయి..? అంతేకాక ఎక్కువ చెమట పట్టినప్పుడు అండర్ అర్మ్స్ భాగంలో కూడా డార్క్ గా కనబడుతుంది. మరి ఇలా జరగడానికి కారణం ఏమిటో ఇప్పుడే చూద్దాం.

బట్టల యొక్క రంగులు మరియు మెటీరియల్ తత్వం గురించి తెలుసుకునే ముందు, రంగులు ముందుగా ఏ విధంగా కళ్లకు కనిపిస్తాయో తెలుసుకోవాలి. ఉదాహరణకు మనకు గడ్డి రంగు ఆకు పచ్చగా ఎలా కనబడుతుందో తెలుసుకుందాం. లైట్ రేస్ గడ్డిను తాకడం వలన మనకి గడ్డి రంగు ఆకుపచ్చగా కనబడుతుంది మరియు ఇక్కడ లైట్ ఎనర్జీ కొంత భాగం మాత్రమే అబ్జార్బ్ అయింది.

అందుకే ఆకు పచ్చరంగులో కనబడింది. నిజానికి గడ్డి నీలం, ఎరుపు, పసుపు మరియు వివిధ రంగుల వేవ్ లెన్త్ ను అబ్జర్వ్ చేసుకుంటుంది. కానీ మనకు ఆకుపచ్చ లైట్ మాత్రమే రిఫ్లెక్ట్ అవుతుంది. మనం ఒక వస్తువుని చూసిన తర్వాత మన రెటీనాలో ఉండే కోన్ సెల్స్ రంగుని ట్రాన్స్లేట్ చేస్తాయి.

ఇదే ప్రక్రియ ప్రతి చోట అప్లై అవుతుంది అని చెప్పాలి. అయితే బట్టలు తడిసినప్పుడు మెటీరియల్ తడిగా అవుతుంది. ఆ మెటీరియల్ రెండవ రిప్లైక్టివ్ సర్ఫేస్ కింద మారుతుంది. అప్పుడు ఫైబర్ లో ఉండే గ్యాప్స్ నీటితోనూ మరియు గాలితోనూ నిండిపోతాయి. అప్పుడు ఇంటర్నల్ రిఫ్లెక్షన్ జరగడం వల్ల తడిగా ఉండే ప్రదేశం డార్క్ గా కనబడుతుంది.

ఏ అనారోగ్య సమస్య వచ్చినా ఆందోళన చెందక్కర్లేదు. ప్రతి సమస్యకి కూడా ట్యాబ్లెట్ వుంటుంది. డాక్టర్లు చెప్పిన విధంగా ఆ మాత్రలని వాడితే అనారోగ్య సమస్యల నుండి త్వరగా బయట పడవచ్చు. చాలా రకాల కంపెనీలు ట్యాబ్లెట్స్ ని తయారు చేస్తున్నాయి. అయితే ట్యాబ్లెట్స్ లో రంగులు వేరు వేరుగా ఉంటాయి. అలానే కొన్ని ట్యాబ్లెట్స్ ని  మనం గమనిస్తే వాటి మీద అడ్డగీతలు ఉంటాయి.

ఎప్పుడైనా ఆ అడ్డ గీతలు చూశారా..?, వాటిని చూసి డిజైన్ అని అనుకుంటున్నారా..? అయితే మీరు పొరపాటు పడినట్టే. అది ఏదో డిజైన్ కోసమో లేదంటే టాబ్లెట్ కి అందంగా ఉండడం కోసమో రూపొందించలేదు. దాని వెనక ఒక కారణం. అది ఏమిటి అనేది ఫార్మసిస్ట్ మన కోసం కొన్ని ముఖ్యమైన విషయాలను తెలిపారు. మరి ఇక మనం వాటి కోసం చూసేద్దాం.

మాత్ర మీద ఉండే ఈ లైన్ ని డీబోస్డ్ లైన్ అని అంటారు. ఈ గీత కనుక టాబ్లెట్ మీద ఉంది అంటే ఆ ట్యాబ్లట్ చాలా పవర్ ఫుల్ అని మనం తెలుసుకోవాలి. అదే విధంగా మాత్ర మీద ఆ గీత ఉంటే అది ముక్క చెయ్యడానికి సులభంగా ఉంటుంది. ఆ లైన్ వలన మాత్ర చక్కగా రెండు ముక్కలు అవుతుంది. అసలు మాత్రని విరవాల్సిన పని ఏమిటి అనే విషయానికి వస్తే..

మన సమస్యని బట్టి డోస్ ని ఇస్తారు వైద్యులు. ఉదాహారానికి 250mg మాత్రమే తీసుకోమంటే అప్పుడు 500mg ట్యాబ్లట్ లో సగం వేసుకోవాలి. ఆ లైన్ ఉంటే మనం సగం చేసి వేసుకోవడం ఈజీ అవుతుంది. కనుక డాక్టర్ ఇలా చెబితే మనం ఈ విధంగా ఫాలో అవ్వాలి. అయితే ఎప్పుడు కూడా డాక్టర్ ని కన్సల్ట్ చెయ్యకుండా మందులు వాడద్దు. అది ప్రమాదకరం.

కొన్ని కొన్ని సంఘటనలు చూసి మనం నవ్వుకుంటూ ఉంటాం.. కానీ, వాటి వెనుక ఉండే కారణాలను కూడా తెలుసుకోవాలి. కొన్ని నవ్వు తెప్పించినా.. అందులో ఎంతో కొంత వాస్తవం కూడా ఉంటుంది. అయితే.. ఈ కింది ఫోటో లో చూడండి.. పైన వంతెన పై ట్రైన్ వెళ్తోంది కదా. ఆ వంతెన కింద.. అండర్ పాస్ లో ప్రయాణీకులు వెళ్లకుండా ట్రైన్ వెళ్లే వరకు అక్కడే కదలకుండా వేచి ఉంటున్నారు.

వీరు ఇలా ఎందుకు ఉంటున్నారు..? ఇది భారత్ లోనే జరిగి ఉండొచ్చు. ముఖ్యంగా నగరాలు మరియు పట్టణాల్లోని రైల్వే అండర్‌పాస్‌ల (సాధారణంగా గ్రామీణ ప్రాంతాల్లో ఈ మౌలిక సదుపాయాలు లేవు) వద్ద ఇది జరిగి ఉండవచ్చు. ఈ ఫోటో ను చూస్తే రైలు ప్రయాణిస్తున్నప్పుడు వాహనాలు (ముఖ్యంగా 2 మరియు 3 వీలర్లు) మరియు పాదచారులు వంతెన నుండి కొన్ని మీటర్ల దూరంలో ఎందుకు వేచి ఉన్నారు అన్న అనుమానం రాక మానదు.

ఎందుకంటే, వంతెన పైన రైలు వెళుతున్నప్పుడు రైలు లో ఉన్న వ్యక్తులు తాము ఉన్న ప్రదేశాన్ని చూడకుండా వ్యర్ధాలను విసిరి వేయవచ్చు. మరో వైపు రైలు లో ఉంటె మల మూత్ర విసర్జన శాలల నుంచి వ్యర్ధాలు కిందకి పడుతూ ఉంటాయి. పైన రైలు కదులుతున్న సమయం లో వంతెన కింద ప్రయాణించడం వలన ఆ వ్యర్ధాలు కింద ప్రయాణిస్తున్న వ్యక్తులపై పడే అవకాశం ఉంటుంది. అందుకే, ముందు జాగ్రత్త చర్య గా వారు రైలు వెళ్లే వరకు వేచి ఉంటున్నారు.

మనం సాధారణం గా ఉపయోగించే వాటర్ బాటిల్స్ కి, కూల్ డ్రింక్స్ ను స్టోర్ చేసి అమ్మే బాటిల్స్ కి తేడా ఉంటుంది. ఈ తేడా ఎప్పుడైనా గమనించారా..? సాధారణం గా ఉండే వాటర్ బాటిల్స్ కి కింద బేస్ ఫ్లాట్ గా ఉంటుంది. కానీ, కూల్ డ్రింక్స్ ను స్టోర్ చేసి అమ్మే బాటిల్స్ కి మాత్రం కింద ఫైవ్ – పాయింటెడ్ టిప్ బేస్ ఉంటుంది. ఇలా ఎందుకు ఉంటుంది అని ఎప్పుడైనా ఆలోచించారా..? ఇలా ఎందుకు డిజైన్ చేస్తారో మనం ఇప్పుడు తెలుసుకుందాం.

మాములుగా ఉన్న బాటిల్ కంటే, బాటిల్ బేస్ వద్ద ముడతలు లేదా ఏదైనా డిజైన్ ఉన్న బాటిల్స్ ఎక్కువ బలం గా ఉంటాయి. అదెలా అంటే.. ఇపుడు మీరు ఏదైనా ఒక పేపర్ షీట్ ని తీసుకుని మడవండి. అది మీకు చాలా ఈజీ గా అనిపిస్తుంది. కానీ, అదే షీట్ ని బెండ్ చేసి ఆ తరువాత మడవండి. అప్పుడు మీకు మునుపటి కంటే కొంత కష్టం అనిపిస్తుంది. అలాగే, ఆ షీట్ ని ఏదైనా పైప్ లోకి చుట్టి మాదవడానికి ట్రై చేయండి. అది ఇంకా కష్టతరం అవుతుంది. ఏదైనా పదార్థాన్ని వంచడం వల్ల దాని బలం మరియు దృఢత్వం మరింత పెరుగుతాయి.

కూల్ డ్రింక్స్ ని చాలా తక్కువ ఉష్ణోగ్రత ఉన్న చోట నిల్వచేసి అమ్ముతుంటారు. అలాంటప్పుడు కూల్ డ్రింక్స్ వాల్యూం చాలా వరకు తగ్గుతుంది. అదే టైం లో, దాని ప్రెజర్ ఎక్కువ ఉంటుంది. ఈ ప్రెజర్ ను బాటిల్స్ తట్టుకోవాల్సి ఉంటుంది. కూల్ డ్రింక్స్ కార్బొనేషన్ వలన ఈ ప్రెజర్ ను సాధారణ బాటిల్స్ తట్టుకోవడం కష్టమవుతుంది. అదే ఫైవ్ – పాయింటెడ్ టిప్ బేస్ ఉన్న బాటిల్స్ అయితే ఈ ప్రెజర్ ని తట్టుకోగలవు. ఈ ఒత్తిడిని తట్టుకోవడం కోసమే ఫైవ్ – పాయింటెడ్ టిప్ బేస్ బాటిల్స్ ను డిజైన్ చేసారు. ప్రస్తుతం ఉన్న వాటిల్లో ఫైవ్ – పాయింటెడ్ టిప్ బేస్ బాటిల్స్ కూల్ డ్రింక్స్ ను స్టోర్ చేయడానికి అనుకూలం గా ఉన్నాయి. అదే ప్యాకేజ్డ్ వాటర్ కార్బోనేటేడ్ కాదు. అందుకే వాటికి ఫ్లాట్ గా ఉన్న బాటిల్స్ అయినా సరిపోతాయి.

మనం తరచూ కరెంటు వైర్ల మీద కూర్చునే కాకులు, పిట్టల్ని చూస్తుంటం వీటికి షాక్ కొట్టదా? అనిపిస్తుంటుంది మనలో చాలా మందికి ఈ ప్రశ్న ఎవరికైనా పెద్దవారికి వేస్తే వారు చెప్పే సమాధానం మనకు తృప్తినివ్వదు. కరెంటు వైర్ల మీద కూర్చునే పక్షులకి షాక్ కొట్టదు! అందుకు రెండు కారణాలున్నాయి. అవేంటంటే….సాధారణంగా మన ఇంటికి వచ్చే కరెంట్ తీగలు 4 ఉంటాయి. అందులో 3 తీగల్ని ఫేజులు అని, ఒకదాన్ని న్యూట్రల్‌ అనీ అంటారు. ఒక ఫేజు తీగకు, మరో ఫేజు తీగకు మధ్య, ఒక ఫేజు తీగకు, న్యూట్రల్‌ తీగకు మధ్య విద్యుత్‌ పొటన్షియల్‌ ఉంటుంది.

ఒక వ్యక్తిలోగానీ, వస్తువులో కానీ, జంతువులోగానీ విద్యుత్‌ ప్రవహించాలంటే దానికి అటూ ఇటూ విద్యుత్‌ పొటెన్షియల్‌ తేడా ఉండాలి. అంటే ఒక వ్యక్తికి షాక్‌ కొట్టాలంటే ఏకకాలంలో కనీసం రెండు తీగలతో అనుసంధానం ఉండాలి. అప్పుడు అధిక పొటెన్షియల్‌ ఉన్న తీగలోకి, అల్ప పొటెన్షియల్‌ ఉన్న తీగ నుంచి ఎలక్ట్రాన్లు ఆ వ్యక్తి ద్వారా ప్రయాణిస్తాయి.

ఇలా ఎలక్ట్రాన్లు శరీరంలో ప్రవహిస్తేనే ప్రమాదం. మనుషులు కూడా కేవలం ఒకే తీగను పట్టుకుని వేలాడితే ఏమీ కాదు. నేలను చెప్పుల్లేకుండా తాకితేనో, లేదా రెండు వైర్లను ఏకకాలంలో తగిలితేనో ప్రమాదం. పక్షుల విషయానికి వస్తే అవి ఒకే సమయంలో 2 తీగలపై వాలవు. కాబట్టి వాటి దేహం ద్వారా విద్యుత్‌ ప్రవహించదు. పొరపాటున అది అటొక కాలు, ఇటొక కాలు ఒకేసారి పెడితే షాకుకి గురవుతుంది. ఇలాంటి సంఘటనలు చాలా తక్కువ.