Politics

రాజకీయాల్లో ఎంతో మంది నాయకులు ఉంటారు. ఒక్కొక్క నాయకుడు లేదా నాయకురాలు ఒక్కొక్క పదవిలో ఉండి దేశానికి సేవ చేస్తూ ఉంటారు. అయితే మన తెలంగాణలో కూడా అలా ఎంతో మంది నాయకులు తెలంగాణ అభివృద్ధి కోసం కృషి చేస్తున్నారు. వారిలో కొంత మంది ఎమ్మెల్యేలు కూడా రాష్ట్ర అభివృద్ధికి తమ వంతు కృషి చేసి రాష్ట్రాన్ని ముందుకు నడిపించడంలో ముఖ్యపాత్ర పోషిస్తున్నారు.

అయితే మన రాష్ట్రంలో ఉన్న కొంత మంది ఎమ్మెల్యేల ఆస్తుల విలువ దాదాపు 100 కోట్ల పైగా ఉంది. మన రాష్ట్రంలో మొత్తంగా 119 మంది ఎమ్మెల్యేలు ఉన్నారు. వారిలో ఆరుగురు ఎమ్మెల్యేల ఆస్తి 100 కోట్లకు పైగా ఉంటుంది అని నామినేషన్స్ సమయంలో ఎన్నికల కమిషన్‌కు అందించిన అఫిడవిట్‌లో ఈ విషయాన్ని పేర్కొన్నట్టు సమాచారం. అలా 100 కోట్లకు పైగా ఉన్న తెలంగాణ ఎమ్మెల్యేలు ఎవరో ఇప్పుడు చూద్దాం.

#1 వివేకానంద్ – 600 కోట్లు

ఎలక్షన్స్ కి నెల రోజులు ముందు బీజేపీని వీడి కాంగ్రెస్‌లో చేరారు వివేకానంద్. మంచిర్యాల జిల్లాలోని చెన్నూర్ నియోజకవర్గం నుంచి వివేకానంద్ ఎన్నికయ్యారు. వివేకానంద్ ఆస్తుల విలువ 600 కోట్లకు పైగా ఉన్నట్టు తెలుస్తోంది. వివేకానంద్ విశాఖ ఇండస్ట్రీస్ లిమిటెడ్ వ్యవస్థాపకుడు మరియు చైర్మన్ గా ఉన్నారు. ఆయన భార్య భార్య సరోజ కంపెనీ మేనేజింగ్ డైరెక్టర్. వివేకానంద్ వయసు 66 సంవత్సరాలు. ఉస్మానియా యూనివర్సిటీ నుంచి ఎంబీబీఎస్ పట్టా కూడా పొందారు. 2009 లో కాంగ్రెస్ టికెట్ మీద పెద్దపల్లి నుండి లోక్ సభకి ఎన్నికయ్యారు. వివేకానంద్ దివంగత జి. వెంకటస్వామి కుమారుడు.

#2 కోమటిరెడ్డి రాజగోపాల్ రెడ్డి – 458 కోట్లు

అత్యంత సంపన్నులైన ఎమ్మెల్యేలలో రెండవ స్థానంలో ఉన్నారు కోమటిరెడ్డి రాజగోపాల్ రెడ్డి. ఈయన ఆస్తుల విలువ 458 కోట్లగా తెలిసింది. నల్గొండ జిల్లా మునుగోడు నియోజకవర్గం నుండి ఎన్నికైన కోమటిరెడ్డి రాజగోపాల్ రెడ్డి, ఎన్నికలకి నెల రోజుల ముందు బీజేపీని వీడి కాంగ్రెస్‌లో చేరారు.

#3 పొంగులేటి శ్రీనివాసరెడ్డి – 434 కోట్లు

కాంగ్రెస్ పార్టీకి చెందిన పొంగులేటి శ్రీనివాసరెడ్డి ఆస్తుల విలువ 434 కోట్లు. ఖమ్మం జిల్లాలోని పాలేరు నియోజకవర్గం నుండి ఎన్నికలలో గెలుపొందారు పొంగులేటి శ్రీనివాసరెడ్డి. పార్టీకి వ్యతిరేకంగా కొన్ని కార్యకలాపాలు చేశారు అంటూ బీఆర్‌ఎస్‌చే సస్పెండ్ చేయబడ్డారు. ఆ తర్వాత జులైలో కాంగ్రెస్‌లో చేరారు.

#4 పి.సుదర్శన్ రెడ్డి – 102 కోట్లు

కాంగ్రెస్ పార్టీకి చెందిన మాజీ మంత్రి అయిన పి.సుదర్శన్ రెడ్డి సంపద దాదాపు 102 కోట్లకు పైగా ఉంది అని సమాచారం. బోధన్ నియోజకవర్గం నుండి పి.సుదర్శన్ రెడ్డి ఎన్నిక అయ్యారు.

#5 జి.వినోద్ – 197 కోట్లు

వివేకానంద్ సోదరుడు అలాగే మాజీ మంత్రి అయిన జి.వినోద్ ఆస్తుల విలువ కూడా 197 కోట్లు అని తెలుస్తోంది. కాంగ్రెస్ పార్టీకి చెందిన జి.వినోద్ బెల్లంపల్లి నుండి ఎమ్మెల్యేగా ఎన్నికయ్యారు.

#6 కె.ప్రభాకర్ రెడ్డి – 197 కోట్లు

దుబ్బాక నుంచి ఎన్నికైన మెదక్ ఎంపీ కె.ప్రభాకర్ రెడ్డి ఆస్తుల విలువ 197 కోట్లు. 100 కోట్లకు పైగా ఆస్తులు ఉన్న క్లబ్‌లో చేరిన ఏకైక బీఆర్‌ఎస్ ఎమ్మెల్యేగా కె.ప్రభాకర్ రెడ్డి గుర్తింపు పొందారు.

వీరు మాత్రమే కాకుండా 50 కోట్లకు పైగా ఆస్తులు ఉన్న ఎమ్మెల్యేలు కూడా ఉన్నారు.

# కేసీఆర్ కేబినెట్‌లో మంత్రిగా పనిచేసిన బీఆర్‌ఎస్ పార్టీకి చెందిన మల్లారెడ్డి గారి ఆస్తుల విలువ 95.93 కోట్లుగా ప్రకటించినట్టు సమాచారం.

# మల్లారెడ్డి గారి అల్లుడు, మల్కాజిగిరి నియోజకవర్గం నుంచి బీఆర్‌ఎస్‌ టికెట్‌పై ఎన్నికైన అయిన మర్రి రాజశేఖర్‌ రెడ్డి ఆస్తులు 97 కోట్లు.

# గ్రేటర్ హైదరాబాద్‌లోని శేరిలింగంపల్లి నియోజకవర్గం నుంచి రెండోసారి ఎన్నికైన బీఆర్‌ఎస్‌కు చెందిన ఆరెకపూడి గాంధీ ఆస్తుల విలువ 85 కోట్లు ఉంటుంది.

# ఇదే పార్టీకి చెందిన, గ్రేటర్‌ హైదరాబాద్‌లోని ఉప్పల్‌ నుండి ఎన్నికైన బి.లక్ష్మారెడ్డి ఆస్తుల విలువ కూడా 85 కోట్లు.

వీరిలో అత్యంత ధనికులైన ఆరుగురు ఎమ్మెల్యేలలో ఐదుగురు కాంగ్రెస్ పార్టీకి చెందిన వాళ్లు. ఒకరు బీఆర్‌ఎస్‌ కి చెందినవారు. అయితే స్వల్ప ఆస్తులు ఉన్న వాళ్ళలో ముగ్గురు కూడా కాంగ్రెస్ పార్టీకి చెందినవారు.

# ఆదిలాబాద్ జిల్లాలోని ఖానాపూర్ నియోజకవర్గం నుంచి ఎన్నికైన వెడ్మ బొజ్జు ఆస్తుల విలువ 24 లక్షల రూపాయలు.

# దేవరకొండ నుండి ఎన్నికైన బాలు నాయక్ ఆస్తుల విలువ 28 లక్షలు.

# అలాగే అశ్వారావుపేట నుంచి ఎన్నికైన ఆదినాయరాం జారే ఆస్తుల విలువ 56 లక్షలుగా తెలుస్తోంది.

ALSO READ : “నా భార్య పరువు తీయద్దు” అంటూ…తండ్రిపై ఫైర్ అయిన “రవీంద్ర జడేజా”.! అసలేమైంది.?

ఆంధ్రప్రదేశ్ లో సార్వత్రిక ఎన్నికల గడువు దగ్గరికి వస్తుండడంతో ప్రతి నాయకుడు ప్రచారం పనిలో ఉన్నారు. మార్చి రెండో వారం నాటికి షెడ్యూల్ ఖరారు అవుతుంది. ఒకపక్క వైయస్సార్ కాంగ్రెస్ పార్టీ 6 విడతల్లో అభ్యర్థులను ఖరారు చేయగా, మరొక పక్క తెలుగుదేశం-జనసేన పార్టీ కూటమి అభ్యర్థుల జాబితా ఇంకా వెలువడలేదు.

అందుకు కారణం సీట్ల పంపకం ఇంకా జరుగుతూనే ఉంది. ఇందులో సరైన నిర్ణయాలు తీసుకోలేదు. ఈ కారణంగానే ఆలస్యం అవుతోంది. అంతే కాకుండా భారతీయ జనతా పార్టీని కూడా వారితో కలుపుకోవడానికి ఈ రెండు పార్టీలు ప్రయత్నాలు చేస్తున్నాయి.

ఈ క్రమంలో, కాపు నాయకుడు మాజీ మంత్రి అయిన చేగొండి హరిరామ జోగయ్య చర్చల్లో నిలిచారు. తెలుగు వన్ ఇండియా కథనం ప్రకారం… ఆయన పవన్ కళ్యాణ్ కి ఒక లెటర్ రాశారు. రాబోతున్న ఎన్నికలకు సంబంధించిన సూచనలు, సలహాలు పవన్ కళ్యాణ్ కి ఇచ్చారు. ఇందులో ఏ లోక్ సభ స్థానాల్లో జనసేన పోటీ చేయాలి అనే విషయాలని వివరించారు. జనసేన పార్టీ అభ్యర్థులు ఎక్కడ అయితే గెలిచే అవకాశం ఉందో, ఆ నియోజకవర్గాలను హరిరామ జోగయ్య వెల్లడించారు. ఇవి ఏడు స్థానాలు ఉన్నాయి.

తెలుగుదేశం పార్టీతో సీట్ల పంపకాలు విషయంలో చర్చలు జరిపి, ఈ ఏడు స్థానాలు దక్కించుకోవాలి అని చెప్పారు. ఇందులో కాపు, బలిజ సామాజిక వర్గాలకి ఓటు బ్యాంక్ ఎక్కువగా ఉండే లోక్ సభ స్థానాల్లో జనసేన అభ్యర్థులు నిలబడితే సరిగ్గా ఉంటుంది అని తన అభిప్రాయాన్ని వ్యక్తం చేశారు. అనకాపల్లి, కాకినాడ, విజయనగరం, మచిలీపట్నం, తిరుపతి, నర్సాపురం, రాజంపేట ప్రాంతాల్లో లోక్ సభలో పోటీ చేయాలి అని చెప్పి, అభ్యర్థుల పేర్లను కూడా పేర్కొన్నారు. వారిలో,

# అనకాపల్లి – కొణిదెల నాగబాబు (కాపు)/బొలిశెట్టి సత్యనారాయణ (కాపు)/కొణతల రామకృష్ణ (గవర)

# కాకినాడ- సానా సతీష్ (కాపు), నర్సాపురం- మల్లినీడి తిరుమలరావు (కాపు)

# విజయనగరం – గెదెల శ్రీనివాస్ (తూర్పు కాపు)

# మచిలీపట్నం – వల్లభనేని బాలశౌరి (కాపు)

# తిరుపతి- వర ప్రసాద్ (ఎస్సీ), రాజంపేట- ఎస్ బాలసుబ్రహ్మణ్యం (బలిజ)

# నర్సాపురం- మల్లినీడి తిరుమలరావు (కాపు)

# రాజంపేట- ఎస్ బాలసుబ్రహ్మణ్యం (బలిజ)

వీరిని అభ్యర్థులుగా ప్రకటించాలి అని చేగొండి హరిరామ జోగయ్య సూచించారు.

ALSO READ : ఈ 4 ప్రభాస్ సినిమాలని రిలీజ్ అయినప్పుడు ఫ్లాప్ అన్నారు.. కానీ తర్వాత సూపర్ హిట్ అయ్యాయి.!

ప్రస్తుత రాజకీయ పరిస్థితులను గమనించినట్లయితే గతంలో రాజకీయ నాయకుడిగా హరికృష్ణ లైఫ్ లో జరిగినదే షర్మిల లైఫ్ లో కూడా జరుగుతున్నట్లు అనిపిస్తుంది. నిజానికి షర్మిలకు రాజకీయాలతో సంబంధం లేదు. ఆమె ఒక ఇల్లాలిగా తన కుటుంబాన్ని చక్కపెట్టుకుంటున్న సమయంలో తండ్రి చనిపోవడం, జగన్ జైలుకు వెళ్లడం వంటి పరిస్థితుల వలన ఆమె రాజకీయాల్లోకి రావలసి వచ్చింది.

అయితే ఆంధ్రప్రదేస్ లోని వైఎస్ఆర్ సీపీ పార్టీ కోసం పనిచేసిన షర్మిలకు తర్వాత అన్నతో విభేదాలు రావడంతో ఆంధ్రప్రదేశ్ వదిలి తెలంగాణ వెళ్ళిపోయారు.

అక్కడ సొంతంగా పార్టీ పెట్టుకున్నారు కానీ ప్రాంతీయ పార్టీలతో పోరు భరించలేక కాంగ్రెస్ పార్టీలో విలీనం చేసేసి తిరిగి ఆంధ్రప్రదేశ్ కు వచ్చి కాంగ్రెస్ పార్టీలో చేరారు. సేమ్ టు సేమ్ హరికృష్ణ రాజకీయ ప్రయాణం కూడా అలాగే ఉంటుంది. రాజకీయాలంటే అసలు ఆసక్తి లేని హరికృష్ణ ఎన్టీఆర్ గారు టీడీపీ పార్టీ పెట్టడంతో ఆయనకి రథసారథిగా మారారు. తర్వాత అధికారం చంద్రబాబు నాయుడు చేతికి వచ్చాక ఆయనతో పొసగక పార్టీని విడిచి పెట్టేసారు హరికృష్ణ. తరువాత అన్నా టీడీపీ పేరిట సొంతంగా ఒక పార్టీ పెట్టారు.

కానీ 1999లో జరిగిన సార్వత్రిక ఎన్నికలలో ఆ పార్టీ ఘోరంగా ఓడిపోవడంతో రాజకీయాలకు దూరమయ్యారు.ఏడు సంవత్సరాల తర్వాత టీడీపీ చెంతకు చేరారు. చంద్రబాబు హరికృష్ణ కలిసి పోవడంతో టీడీపీ లో ఆయనకు కొంత గౌరవం పెరిగిందనే చెప్పాలి. హరికృష్ణ కూడా షర్మిల అలాగే తండ్రి కోసం పార్టీకి మద్దతు ఇచ్చారు. తర్వాత రాష్ట్ర విభజన సమయంలో హరికృష్ణ రాజకీయాలకు దూరం అయ్యారు.

టీడీపీ కి రాజీనామా చెయ్యకపోయినా ఆయన రాజకీయాలకు దూరంగా ఉన్నారని చెప్పాలి. ఇష్టం లేకపోయినా రాజకీయాలలోకి రావడం, పార్టీతో పొసగక కొత్త పార్టీలు పెట్టడం ఆపై మళ్లీ పాత పార్టీలోనే విలీనం అవ్వటం ఈ సంఘటనలు అన్ని ఇద్దరి జీవితంలోనూ ఇంచుమించు ఒకే లాగా జరుగుతున్నాయి. మరి అప్పట్లో హరికృష్ణ ఓడిపోయారు. అదే ఇప్పుడు కూడా కొనసాగుతుందా లేదంటే షర్మిల విజయం సాధిస్తుందా అనేది వేచి చూడాల్సిందే.

ఆంధ్రప్రదేశ్ అసెంబ్లీ సమావేశాలు ప్రారంభమయిన విషయం తెలిసిందే.  సమావేశాల ప్రారంభం ముందు మంత్రి అంబటి రాంబాబు అసెంబ్లీ మీడియా పాయింట్ దగ్గర మాట్లాడుతూ, చంద్రబాబు నాయుడు ఒక్క హామీని అమలు చేయలేదని, సీఎం  జగన్ ఇచ్చిన హామీలన్ని అమలు చేశారని అన్నారు.

టీడీపీ జనసేనకు ఎక్కువ సీట్లును కేటాయించదని, ఎక్కువ ఆశలు పెట్టుకోవద్దని అన్నారు. ”సీట్ల ముష్టి కోసం పవన్ కళ్యాణ్ 2 సార్లు చంద్రబాబు వద్దకు వెళ్లాడు. కుక్క తోక పట్టుకుని గోదావరి ఈదకండి. చంద్రబాబు నాయుడిగారి మాట విని,పవన్ కళ్యాణ్ మిమ్మల్ని ముంచే పరిస్థితిలో ఉన్నాడు.
60 సీట్లు ఇస్తారు, 70 సీట్లు ఇస్తారనే భ్రమల్లో ఉండవద్దని ఏ ఇరవై ఐదు సీట్లో ముష్టి వేస్తాడు” అని అన్నారు. జనసేన, టీడీపీ ఎలెక్షన్స్ కు సిద్ధంగా లేవని, సీట్ల లెక్కల్లో ఉన్నాయంటూ ఎద్దేవా చేశారు.  ఇచ్చిన మాటను నిలబెట్టుకున్న ఒకే ఒక ముఖ్యమంత్రిగా చరిత్రలో వైఎస్ జగన్ నిలిచిపోతారని వెల్లడించారు.  ఎవరెన్ని చీలికలు చేసినా, పద్మ వ్యూహాలు పన్నినా వాటిని ఛేదించి రాగల అర్జునుడు జగన్ అని అన్నారు.
అన్యాయాలు, అక్రమాలు చేసిన బాలశౌరి  బఫూన్ బాలశౌరి బఫూన్ అని విమర్శించారు. టికెట్ రాకపోవడంతో పార్టీ మారుతున్నాడని అన్నారు. ఇది ఇలా ఉంటే ఆదివారం నాడు జరిగిన చంద్రబాబు, పవన్ కళ్యాణ్‌ల భేటీ పై కూడా మినిస్టర్ అంబటి రాంబాబు స్పందించారు.  ‘‘మోయటానికి ఎందుకులే భేటీలు..!’’ అంటూ సోషల్ మీడియా వేదిక ఎక్స్ లో పోస్ట్ షేర్ చేశారు.
ఆ పోస్ట్ లో ఒక కార్టూన్ కూడా ఉంది. పవన్ కళ్యాణ్, లోకేష్, చంద్రబాబులను తన భుజాల పై మోస్తున్నట్టుగా ఆ  కార్టూన్‌ ఉంది. ఆ తరువాత  మీడియాతో ఆయన మాట్లాడుతూ, వీరిద్దరూ భేటీ అవడం కొత్త విషయం కాదన్నారు. సీట్ల కోసం లేదా నోట్ల కోసం భేటీ అయ్యారో వాళ్లిద్దరే చెప్పాలని కామెంట్స్ చేశారు. రెండేళ్లుగా రెండు పార్టీలు కలిసి పోటీ చేస్తాయని చెబుతున్నా, ఇప్పటికీ సీట్ల విషయం తేల్చుకోలేకపోయారని విమర్శించారు.

Also Read: కేంద్ర బడ్జెట్ ప్రకటన…. మధ్యతరగతి వారికి ఊరట…!

అయోధ్య రామ మందిరం, మసీదు గొడవ ఇప్పుడు ముగిసింది. ఇప్పుడు ఆ స్థానంలో రామ మందిరం స్థాపించబడింది. అయితే, ఇప్పుడు జ్ఞానవాపి మసీదుకు ప్రాంతంలో కూడా అక్కడ ఉన్న హిందువులు పూజ చేసుకునేందుకు కోర్టు అవకాశం కల్పించింది.

ఇది దాదాపు 37 సంవత్సరాల తర్వాత వచ్చింది. కానీ ఇక్కడ ములాయం సింగ్ యాదవ్ పేరు వినిపిస్తోంది. దీనికి కారణం ఏంటో ఇప్పుడు చూద్దాం. దాదాపు 1990 అక్టోబర్ సమయంలో ములాయం సింగ్ యాదవ్ సీఎం గా ఉన్నారు.

అప్పుడు రామ మందిరం నిర్మాణం చేయాలి అని విశ్వహిందూ పరిషత్ వారు కరసేవ నిర్వహించారు. అప్పుడు అందుకు వ్యతిరేకంగా చర్యలు చేపట్టాలి అని ములాయం సింగ్ యాదవ్ ప్రభుత్వం దాదాపు 28 వేల మంది పోలీసుల సిబ్బందిని మోహరించారు. అయినా కూడా కరసేవకులు బారీకేడ్లని దాటుకొని మరి మసీదు దగ్గరికి వెళ్లారు. మసీదు మీద కాషాయపు రంగు జెండాలని ఎగరవేశారు. అప్పుడు జరిగిన సంఘటనలో కాల్పులు జరిగాయి. అందులో 20 మంది మరణించారు.

కానీ ప్రత్యక్ష సాక్షులు మాత్రం ఇంకా ఎక్కువ మంది మరణించారు అని చెప్పారు. 1991 లో ఈ ఘటన తర్వాత యూపీలో ఎన్నికలు జరిగాయి. అక్కడ బిజెపి పార్టీకి చెందిన కళ్యాణ్ సింగ్ అధికారంలోకి వచ్చారు. 1992లో డిసెంబర్ 6వ తేదీన బాబ్రీ మసీద్ కూల్చివేసిన సంఘటన జరిగింది. ఇవన్నీ ఉత్తర ప్రదేశ్ లో బీజేపీ ప్రభుత్వాన్ని ఆ సమయంలో కేంద్రంలో ఉన్న పీవీ నరసింహారావు ప్రభుత్వం రద్దు చేసింది. తర్వాత సంవత్సరం ఎన్నికలు జరిగాయి. అందులో మళ్లీ ములాయం సింగ్ యాదవ్ అధికారంలోకి వచ్చారు.

అప్పుడు జ్ఞానవాపి సెల్లార్ లో హిందువులు పూజలు చేయకూడదు అంటూ ములాయం యాదవ్ ప్రభుత్వం ఆదేశించింది. హిందువుల పూజల మీద అక్కడ నిషేధం విధించింది. 1993 వరకు అక్కడ పూజలు జరిగాయి. అక్కడ వ్యాస్ అనే ఒక కుటుంబానికి చెందిన వాళ్ళు 200 ఏళ్ళకి పైగా పూజలు చేశారు. అందుకే వారి పేరు మీద ఆ సెల్లార్ కి వ్యాస్ జీ కా తెహ్ ఖానా అని పేరు కూడా వచ్చింది. కానీ ములాయం సింగ్ ప్రభుత్వం వచ్చాక పూజలు నిలిపివేసింది. ఇందుకు లా అండ్ ఆర్డర్ సమస్యని కారణంగా చూపింది.

అయితే మరొక పక్క శైలేంద్ర వ్యాస్ ఎలాంటి న్యాయ ఉత్తర్వులు జారీ చేయకుండానే ఉక్కు కంచెను నిర్మించారు అని తన పిటిషన్ లో పేర్కొన్నారు. ఈ జ్ఞానవాపి మసీదు ప్రాంతంలో హిందూ దేవాలయం ఒకటి ఉన్నట్లు, ఈ విషయాన్ని ఏఎస్ఐ సర్వే తెలిపింది అని హిందువుల తరపు న్యాయవాది అయిన విష్ణశంకర్ జైన్ చెప్పారు. ఇది 800 ఏళ్ల చరిత్ర ఉన్న గుడి. ఈ కాలక్రమంలో ఎన్నో యుద్ధాలు జరిగాయి. విధ్వంసాలు జరిగి, ఆ తర్వాత పునర్నిర్మాణాలు కూడా జరిగాయి.

మహారాజా జయచంద్ర, ఆయన పట్టాభిషేకం తర్వాత, దాదాపు 1170 నుండి 89 మధ్యలో ఆ ప్రదేశంలో ఆలయాన్ని నిర్మించారు అని దక్షిణాసియా అధ్యయనయాలలో ఎంతో నైపుణ్యం కలిగిన పండితుడు అయిన యుగేశ్వర్ కౌశల్ తెలిపారు. అయితే 1669 లో కాశీ విశ్వేశ్వర్ ఆలయాన్ని ధ్వంసం చేసి, ఆ శిథిలాల పైనే జ్ఞానవాపి మసీదుని మొఘల్ చక్రవర్తి అయిన ఔరంగజేబు నిర్మించారు అని ఇప్పటికీ ఒక కథనం అయితే ఉంది. దీన్ని అక్కడ చాలా మంది విశ్వసిస్తారు. అలా ఈ జ్ఞానవాపి మసీదు గొడవలో ములాయం సింగ్ పాత్ర కూడా ఉంది.

ALSO READ : సమ్మక్క సారలమ్మ జాతరలో కోళ్లను ఎందుకు ఎగురవేస్తారో తెలుసా..? దీనికి కారణం ఏంటంటే..?