Movie Reviews

• చిత్రం : తెగింపు
• నటీనటులు : అజిత్ కుమార్, మంజు వారియర్, సముద్రఖని, జాన్ కొక్కెన్, వీర, బక్స్.
• నిర్మాత : జీ స్టూడియోస్, బోనీ కపూర్
• దర్శకత్వం : హెచ్ వినోద్
• సంగీతం : జిబ్రాన్
• విడుదల తేదీ : జనవరి 11, 2023

స్టోరీ :

చెన్నైలోని ఒక ప్రైవేట్ బ్యాంక్‌లో దోపిడీ బృందం దిగి దొంగతనం చేయాలని అనుకుంటారు. వారు దొంగతనం చేసి వెళ్లిపోతున్న సమయంలో డార్క్ డెవిల్ (అజిత్ కుమార్) కూడా బ్యాంక్‌లో కనిపిస్తాడు. బ్యాంకింగ్ వ్యవస్థలో ఉండే ఎన్నో మోసాలని బయటికి తీసుకురావడమే అతని ధ్యేయం. అతను ఎవరు? తను అనుకున్న దాంట్లో విజయం సాధించాడా..? ఇవన్నీ తెలియాలంటే మీరు సినిమా చూడాల్సిందే.

రివ్యూ :

హీరో అజిత్ కి ఒక మంచి హిట్ పడి చాలా రోజులు అయ్యింది. కేవలం కమర్షియల్ సినిమాలు మాత్రమే కాకుండా డిఫరెంట్ సబ్జెక్ట్ ఉన్న సినిమాలని ప్రేక్షకులకు అందించడంలో అజిత్ ముందు ఉంటారు. హీరో అంటే కేవలం హీరోఇజం చేయడం మాత్రమే కాదు అన్ని రకాల ఎమోషన్స్ చేయాలి అని అనుకుంటారు. ఇప్పుడు తెగింపు సినిమాతో ప్రేక్షకుల ముందుకి వచ్చారు.

సినిమా మొత్తం ఒక బ్యాంక్ చుట్టూ తిరుగుతుంది. సినిమాలో చాలా తక్కువ మందిని నటి నటులు ఉంటారు. కానీ ఉన్న వాళ్ళు అందరూ కూడా సినిమా మొత్తం కనిపిస్తూ ఉంటారు. అసలు అజిత్ కాకుండా ఈ సినిమా ఇంకా ఎవరైనా చేస్తే చూడలేము ఏమో అనిపిస్తుంది. చాలా రోజుల తర్వాత అజిత్ చాలా యాక్టివ్ గా కనిపించారు. ఇంత పెద్ద స్టార్ అయ్యాక ఇలాంటి సబ్జెక్ట్ ఉన్న సినిమా చేయడం ఒక రకంగా సాహసం అని చెప్పాలి.

కానీ అజిత్ అలాంటి రిస్క్ తీసుకోవడం చాలా అభినందించాల్సిన విషయం. అజిత్ మాత్రమే కాకుండా ఈ సినిమాలో మరొక పాత్రలో నటించిన మలయాళ స్టార్ హీరోయిన్ మంజు వారియర్ కూడా చాలా బాగా నటించారు. సినిమాకి మరొక హైలైట్ మాత్రం యాక్షన్ ఎపిసోడ్స్. అవి చాలా బాగా డిజైన్ చేశారు. అలాగే జిబ్రాన్ అందించిన పాటలు, బ్యాక్ గ్రౌండ్ స్కోర్ చాలా స్టైలిష్ గా ఉన్నాయి. సినిమాని మరొక లెవెల్ కి తీసుకువెళ్లాయి. సినిమాలో కొన్ని సీన్స్ మాత్రం శంకర్ సినిమాల్లో ఉన్నట్టుగా మెసేజ్ ఓరియంటెడ్ గా ఉన్నట్టు అనిపిస్తాయి.

ప్లస్ పాయింట్స్ :

• అజిత్
• యాక్షన్ సీన్స్
• బ్యాక్ గ్రౌండ్ స్కోర్
• కాన్సెప్ట్

మైనస్ పాయింట్స్:

• సెకండ్ హాఫ్ లో వచ్చే కొన్ని ఎపిసోడ్స్
• బోరింగ్ గా అనిపించే కొన్ని సీన్స్

రేటింగ్ :

3/5

ట్యాగ్ లైన్ :

ఒక రెగ్యులర్ కమర్షియల్ సినిమా కాకుండా ఒక డిఫరెంట్ కాన్సెప్ట్ ఉన్న సినిమా చూడాలి అని అనుకునే వారికి తెగింపు ఒక మంచి యాక్షన్ సినిమాగా నిలుస్తుంది.

watch trailer :

• చిత్రం : వారిసు
• నటీనటులు : విజయ్, రష్మిక మందన్న, ఆర్ శరత్ కుమార్, ప్రకాష్ రాజ్, జయసుధ.
• నిర్మాత : దిల్ రాజు
• దర్శకత్వం : వంశీ పైడిపల్లి
• సంగీతం : తమన్
• విడుదల తేదీ : జనవరి 11, 2023

స్టోరీ :

స్టోరీ రాజేంద్రన్ (శరత్ కుమార్) అనే ఒక వ్యాపారవేత్తతో మొదలవుతుంది. రాజేంద్రన్ కి ఇద్దరు కొడుకులు. వారిలో మొదటి వాడు అయిన జై (శ్రీకాంత్), అజయ్ (శామ్) కి వారి తండ్రి ఛైర్మన్ పదవి మీద కన్ను ఉంటుంది. మీరు కాకుండా రాజేంద్రన్ కి మరొక కొడుకు కూడా ఉంటాడు. అతనే విజయ్ (విజయ్). విజయ్ కి తన తండ్రి లాగా కాకుండా వ్యాపారవేత్త లక్షణాలు ఏమీ ఉండవు.

వారికి పూర్తిగా విరుద్ధమైన ఆలోచన విధానం ఉంటుంది. అయితే రాజేంద్రన్ కి తనతో పాటు కలిసి వ్యాపారం చూసుకుంటున్న తన కొడుకుల మనస్తత్వం ఎలాంటిది అనేది తెలుస్తుంది. దాంతో రాజేంద్రన్ కి తన తర్వాత తన స్థానంలో కూర్చునే వాడు తన వ్యాపారాన్ని ముందుకు తీసుకెళ్లే వాడే అయ్యి ఉండాలి అని అనుకుంటాడు. దాంతో అసలు ఛైర్మన్ పదవి మీద కానీ, వ్యాపారం మీద కానీ ఎలాంటి ఆసక్తి లేని విజయ్ ని తన స్థానంలో కూర్చోబెడతాడు.

దీంతో రాజేంద్రన్ ఇద్దరు కొడుకులు కూడా వారి శత్రువు అయిన జయప్రకాష్ (ప్రకాష్ రాజ్) తో చేతులు కలుపుతారు. అసలు విజయ్ ఆ ఛైర్మన్ స్థానంలో కూర్చున్న తర్వాత ఎదుర్కొన్న సమస్యలు ఏంటి? తన సొంత వాళ్లే తనకి ఇబ్బంది కలిగించడానికి ప్రయత్నించారా? వీటన్నిటి నుండి విజయ్ ఎలా బయటపడ్డాడు? ఆ ఛైర్మన్ పదవిలో ఎలాంటి పనులు చేశాడు? తనని తాను ఎలా నిరూపించుకున్నాడు? ఇవన్నీ తెలియాలంటే మీరు సినిమా చూడాల్సిందే.

రివ్యూ :

డైరెక్ట్ తెలుగు సినిమాల ద్వారా కాకపోయినా తమిళ్ డబ్బింగ్ సినిమాల ద్వారా దాదాపు ఒక తెలుగు స్టార్ హీరోకి ఉన్న క్రేజ్ సంపాదించుకున్న హీరో విజయ్. తుపాకి సినిమా నుండి ఇప్పటివరకు కూడా విజయ్ నటించిన అన్ని సినిమాలు తెలుగులో కూడా విడుదల అవుతాయి దాదాపు తమిళ్ లో ఎంత పెద్ద హిట్ అయ్యాయో తెలుగులో కూడా అంతే పెద్ద హిట్ అవుతాయి. అయితే విజయ్ వంశీ పైడిపల్లి దర్శకత్వంలో నటిస్తున్నారు అంటే ఈ సినిమా తెలుగులో కూడా ఉంటుంది ఏమో అని అందరూ అనుకున్నారు. కానీ ఈ సినిమా పక్కా తమిళ్ సినిమా.

తెలుగులో చాలా గుర్తింపు ఉన్న ఎంతో మంది నటీనటులు ఈ సినిమాలో ఉన్నారు. మన ప్రేక్షకులకు కూడా సినిమా దగ్గర కావడానికి ఇలా చేశారు అని అర్థం అవుతోంది. సినిమా కథలో పెద్దగా చెప్పుకోవడానికి ఏమీ లేదు. అంతకుముందు మనం చాలా సినిమాల్లో చూసిన కథ. సినిమా మొత్తంలో కూడా ఎమోషనల్ గా బలంగా ఉండేలా వంశీ పైడిపల్లి కథని రాసుకున్నారు. చాలావరకు ఎమోషన్స్ ప్రేక్షకులకి కనెక్ట్ అయ్యేలాగే ఉన్నాయి.

కానీ ఇవన్నీ కూడా మనం అంతకుముందు చాలా సినిమాల్లో చూసే ఉంటాం అని అనిపిస్తుంది. ఇంక పెర్ఫార్మెన్స్ విషయానికి వస్తే సినిమాలో నటించిన నటీనటులు అందరూ కూడా వారి పాత్రల పరిధి మేరకు నటించారు. కానీ సినిమా మొత్తాన్ని తన భుజాలపై నడిపించారు విజయ్. ఒక స్టార్ పవర్ ఉంటే సినిమా ఏ రేంజ్ కి వెళుతుంది అనేది ఈ సినిమా ద్వారా మరొకసారి నిరూపించబడింది అని అనొచ్చు. హీరోయిన్ రష్మిక చాలా కమర్షియల్ సినిమాల్లో ఉండే రెగ్యులర్ హీరోయిన్ పాత్ర పోషించారు.

పర్ఫార్మెన్స్ గురించి పెద్దగా చెప్పుకోవడానికి ఏమీ లేదు. విజయ్ తో కలిసి చేసిన పాటల్లో రష్మిక డాన్స్ మాత్రం హైలైట్ అయ్యింది. అలాగే ముఖ్య పాత్రల్లో నటించిన శరత్ కుమార్, జయసుధ, ప్రకాష్ రాజ్, యోగి బాబు వారితో పాటు హీరో అన్న వదినలుగా నటించిన శ్రీకాంత్, సంగీత, శామ్ వీరందరూ కూడా తమ పాత్రలకి తగ్గట్టుగా నటించారు. సినిమా ఫస్ట్ హాఫ్ చాలా నార్మల్ గా వెళ్ళిపోతుంది.

కానీ సెకండ్ హాఫ్ లో మాత్రం ఎలివేషన్స్ సీన్స్ ఎక్కువగా ఉండేలా చూసుకున్నారు. సినిమాకి మరొక హైలైట్ తమన్ అందించిన సంగీతం. ఆ పాటలు వినడానికి, చూడడానికి చాలా బాగున్నాయి. అలాగే సినిమాటోగ్రఫీ కూడా చాలా ఫ్రెష్ గా అనిపిస్తుంది. కొన్ని ఫైటింగ్స్, ఎలివేషన్స్ కూడా తెరపై బాగా కనిపించాయి. డైలాగ్స్ కూడా ఒకరకంగా సినిమాకి ప్లస్ అయ్యాయి అని చెప్పవచ్చు.

ప్లస్ పాయింట్స్:

• విజయ్
• పాటలు
• సినిమాటోగ్రఫీ
• నిర్మాణ విలువలు

మైనస్ పాయింట్స్:

• పాత కథ
• ఎక్కడో చూసాం అనిపించినట్టు ఉండే సీన్స్

రేటింగ్ :

3.25/5

ట్యాగ్ లైన్:

సినిమా నుండి కొత్తదనం ఏమి ఆశించకుండా, ఒక మంచి ఫ్యామిలీ ఎంటర్టైనర్ చూడాలి అనుకునే వారికి, అలాగే విజయ్ నుండి మంచి ఎలివేషన్ ఉన్న సినిమా చూడాలి అనుకునే వారికి ఈ సినిమా అస్సలు నిరాశపరచదు. ఇటీవల కాలంలో వచ్చిన మంచి ఎమోషనల్ డ్రామాలో ఒకటిగా వారిసు సినిమా నిలుస్తుంది.

watch trailer :

• చిత్రం : టాప్ గేర్
• నటీనటులు : ఆది సాయి కుమార్, రియా సుమన్, బ్రహ్మాజీ, శత్రు, సత్యం రాజేష్, మైమ్ గోపి
• నిర్మాత : కె.వి.శ్రీధర్ రెడ్డి
• దర్శకత్వం : శశికాంత్
• సంగీతం : హర్షవర్ధన్ రామేశ్వర్
• విడుదల తేదీ : డిసెంబర్ 30 , 2022

స్టోరీ :
క్యాబ్ డ్రైవర్ గా పనిచేసే కుర్రాడు అర్జున్ (ఆది సాయి కుమార్). మరో వైపు నగరం లో పలు హత్యలు జరుగుతూ ఉంటాయి. వాటిని చేసే హంతకుడు ఎవరో తెలియదు. ఈ లోపు అర్జున్ ఒక హత్యకు ప్రత్యక్ష సాక్షిగా మారతాడు. అప్పటి నుంచి పోలీసులకు, గూండాలకు అతడు most వాంటెడ్ అవుతాడు. చివరికి ఈ సమస్య నుంచి అర్జున్ ఎలా తప్పించుకున్నాడు.. కిల్లర్ దొరికాడా అన్నది మిగతా కథ..

రివ్యూ :

చిత్ర ఫలితంతో సంబంధం లేకుండా వరుస సినిమాలు చేస్తుంటాడు ఆది సాయి కుమార్. ఈ సంవత్సరం 5 సినిమాలు రిలీజ్ చేసాడు. అవి అంతగా ఆడలేదు. ఇక ఈ ఏడాదికి ఫైనల్ గా టాప్ గేర్ చిత్రం తో ప్రేక్షకుల ముందుకి వచ్చాడు. ఈ చిత్రం లో మధ్యతరగతి కుర్రాడిగా బాగా నటించాడు. కానీ కొన్ని సన్నివేశాల్లో అతని నటన తేలిపోయింది. మిగతా నటులు పరిధి మేరకు నటించారు.

ఈ చిత్రం అవుట్ అండ్ అవుట్ కమర్షియల్ చిత్రం అయినప్పటికీ, సినిమా అంతటా అక్కడక్కడా కొన్ని చిల్లింగ్ మూమెంట్స్ ఉన్నాయి. హత్యలతో ఆసక్తికరం గా సినిమా స్టార్ట్ అవుతుంది. ఇంటర్వెల్ ట్విస్ట్ బావుంది. కొన్ని లోపాలు ఉన్నా కానీ స్క్రీన్ప్లే తో మేజిక్ చేసాడు దర్శకుడు. కథ రచన బావుంది కానీ కథనం కొన్ని చోట్ల తడబడింది.

సాయి శ్రీరామ్ విజువల్స్ బావున్నాయి కానీ.. నైట్ టైం వచ్చే సన్నివేశాలు ఇంకాస్త బాగా తీసుండొచ్చు. హర్షవర్ధన్ రామేశ్వర్ పాటలు అంతగా ఆకట్టుకోవు; కానీ అతను తన బ్యాక్‌గ్రౌండ్ స్కోర్‌తో ఆకట్టుకున్నాడు.

ప్లస్ పాయింట్స్ :

• స్క్రీన్ ప్లే
• ట్విస్ట్ లు

మైనస్ పాయింట్స్:

• రొటీన్ కథ
• ఎమోషన్స్ లేకపోవడం

రేటింగ్ :

2 .5 /5

ట్యాగ్ లైన్ :

‘టాప్ గేర్’ కమర్షియల్ అంశాలతో వచ్చిన మంచి యాక్షన్ థ్రిల్లర్.

watch trailer: 

• చిత్రం : రొమాంటిక్
• నటీనటులు : రవితేజ, శ్రీలీల, జయరామ్, సచిన్ ఖేడేకర్.
• నిర్మాత : టి జి విశ్వ ప్రసాద్
• దర్శకత్వం : త్రినాధరావు నక్కిన
• సంగీతం : భీమ్స్ సిసిరోలియో
• విడుదల తేదీ : డిసెంబర్ 23, 2022

స్టోరీ :

సినిమా ఇద్దరు రవితేజల మధ్య నడుస్తుంది. ఒక రవితేజ లోకల్ గా తిరిగే వ్యక్తి అయితే మరొక రవితేజ సంఘంలో పేరుప్రతిష్టలు ఉన్న ఒక వ్యాపారవేత్త. వారిద్దరికీ సంబంధం ఏంటి? వారిద్దరూ కలిసారా? వారికి ఉన్న సమస్యలు ఏంటి? అవి అన్ని వాళ్ళు ఎలా పరిష్కరించారు? ఇవన్నీ తెలియాలంటే మీరు సినిమా చూడాల్సిందే.

రివ్యూ :

యాక్షన్ కామెడీ సినిమాలతో తెలుగు సినిమా ఇండస్ట్రీలో తనకంటూ ఒక ప్రత్యేక స్థానం సంపాదించుకున్న స్టార్ హీరో రవితేజ. రవితేజ నటించిన సినిమాలు అన్నీ కూడా భారీ అంచనాల మధ్య విడుదల అవుతాయి. అయితే అందులో కొన్ని హిట్ అయితే కొన్ని మాత్రం ఆశించిన ఫలితాన్ని సాధించలేదు. ఈ సినిమాకి ముందు విడుదల అయిన రామారావు ఆన్ డ్యూటీ సినిమా కూడా పెద్ద హిట్ అవ్వలేదు.

దాంతో ఈ సినిమా మీద ఎక్కువగానే అంచనాలు ఉన్నాయి. సినిమా బృందం కూడా సినిమా మీద చాలా కాన్ఫిడెంట్ గా ఉంది. దాంతో ఈ సినిమా కచ్చితంగా హిట్ అవుతుందని అనుకున్నారు. సినిమా కథ విషయానికి వస్తే పెద్దగా కొత్తదనం ఏమీ లేదు. ఇలాంటి కథ మనం చాలా సినిమాల్లో చూశాం. కానీ టేకింగ్ పరంగా సినిమా ఎలా ఉంది అనేది ముఖ్యం. ఈ సినిమా టేకింగ్ పర్లేదు అనిపిస్తుంది. కొన్ని సీన్స్ మాత్రం ప్రేక్షకుల సహనానికి పరీక్ష పెట్టే లాగా ఉంటాయి.

ముఖ్యంగా హీరోయిన్ సీన్స్ అయితే ఒక రోటీన్ యాక్షన్ సినిమాలో ఉండే టెంప్లేట్ హీరోయిన్ పాత్ర లాగా అనిపిస్తుంది. సినిమాలో చాలా మంది ప్రముఖ నటీనటులు ఉన్నారు. వారందరూ తమ పాత్రలకి తగ్గట్టు నటించారు. కానీ ఈ సినిమాని తన భుజాల మీద వేసుకొని నడిపించారు రవితేజ. మొదటి నుండి చివరి వరకు చాలా ఎనర్జిటిక్ గా నటించారు. పాటలు చిత్రీకరించిన విధానం కూడా బాగుంది. కొన్ని డైలాగ్స్, పంచ్ లైన్స్ కూడా బాగున్నాయి.

ప్లస్ పాయింట్స్ :

• రవితేజ
• నిర్మాణ విలువలు
• మ్యూజిక్
• కొన్ని డైలాగ్స్

మైనస్ పాయింట్స్:

• కథలో లోపించిన కొత్తదనం
• ప్రేక్షకులకి చిరాకు తెప్పించే సీన్స్

రేటింగ్ :

3/5

ట్యాగ్ లైన్ :

ఎక్కువ ఎక్స్పెక్టేషన్స్ పెట్టుకోకుండా వెళ్తే ఈ సినిమా అందరికీ నచ్చుతుంది. రవితేజ అభిమానులని మాత్రం సినిమా అస్సలు నిరాశ పరచదు. కానీ సినిమా కథలో కొత్తదనం లేదు. దాంతో సాధారణ ప్రేక్షకులకి ధమాకా సినిమా ఒక్కసారి చూడగలిగే యాక్షన్ ఎంటర్టైనర్ గా నిలుస్తుంది.

watch trailer :

• చిత్రం : కనెక్ట్
• నటీనటులు : నయనతార, సత్యరాజ్, అనుపమ్ ఖేర్, వినయ్ రాయ్, హనియా నఫీసా.
• నిర్మాత : విఘ్నేష్ శివన్
• దర్శకత్వం : అశ్విన్ శరవణన్
• సంగీతం : పృథ్వీ చంద్రశేఖర్
• విడుదల తేదీ : డిసెంబర్ 22, 2022

స్టోరీ :

ఈ సినిమా కథ అంతా కరోనా లాక్డౌన్ నేపథ్యం లో సాగుతుంది. జోసెఫ్ బినోయ్ (వినయ్ రాయ్) ఒక హాస్పిటల్ లో పని చేస్తూ ఉంటారు. ఆయన భార్య సుజన్ (నయనతార) హౌస్ వైఫ్. వారికీ ఒక కుమార్తె అన్నా ఉంటుంది. ఆ అమ్మాయికి సంగీతం అంటే చాలా ఇష్టం. ఆమెకు లండన్ హార్వర్డ్ మ్యూజిక్ స్కూల్ లో సీట్ వస్తుంది. కానీ అక్కడికి వెళ్లేలోపే కరోనా వచ్చి లాక్ డౌన్ వస్తుంది.

తర్వాత కరోనా రోగులకు చికిత్స చేస్తూ జోసెఫ్ బినోయ్ చనిపోతాడు. తన తండ్రిని చివరి చూపు చూడలేనందుకు బాధపడిన అన్నా.. ఆయన ఆత్మతో అయినా మాట్లాడాలని ప్రయత్నించగా.. ఒక దుష్ట ఆత్మ ఆమెలో ప్రవేశిస్తుంది. అయితే ఒంటరిగా సుజన్ ఈ పరిస్థిని ఎలా ఎదుర్కొన్నారు, తన కుమార్తె ను ఎలా కాపాడుకున్నారు అన్నదే ఈ సినిమా కథ.

రివ్యూ :

లేడీ సూపర్ స్టార్ నయనతార చాలా గ్యాప్ తర్వాత ఈ చిత్రం లో నటించారు. మాయ చిత్రం తర్వాత నయనతార, దర్శకుడు అశ్విన్ శరవణన్ ఈ చిత్రం చేసారు. అయితే ఈ కథ చాలావరకు ఒకే ఇంట్లో జరిగింది. అలాగే ఈ సినిమాలో పాత్రలు కూడా మొబైల్ స్క్రీన్స్, లాప్ టాప్స్ ద్వారానే కనెక్ట్ అయ్యి ఉంటాయి. దయ్యం ఆవహించడం, చివరికి దయ్యం పోవడం కూడా ఆన్లైన్ ద్వారానే జరుగుతుంది. ఇది మినహా ఇస్తే ఈ సినిమా మొత్తం రెగ్యులర్ గానే ఉంటుంది. కరోనా సమయం లో ఆప్తులకు సహాయం చేయలేని పరిస్థితుల్ని హృద్యం గా తెరకెక్కించాడు దర్శకుడు.

విరామం లేకుండా ఈ సినిమా ఉంటుంది అని ముందుగానే ప్రకటించారు మేకర్స్. కానీ కథనం అంతసేపు ప్రేక్షకులను కదలకుండా కూర్చోబెట్టలేదు. అయితే రొటీన్ కథ ని సౌండ్ డిజైనింగ్, కెమెరా వర్క్ తో కొత్తగా ప్రెసెంట్ చేసాడు దర్శకుడు. క్లైమాక్స్ సీన్ చాలా చప్పగా సాగిపోతుంది. ఎదో ట్విస్ట్ ఉంటుందేమో అనుకున్న వారికి చివరివరకు నిరాశే ఎదురవుతుంది. నయనతార, సత్యరాజ్, అనుపమ్ ఖేర్ పాత్రలు హైలైట్ గా ఉంటాయి.

ప్లస్ పాయింట్స్ :

• ప్రధాన పాత్రల నటన
• సినిమాటోగ్రఫీ
• అద్భుతమైన మ్యూజిక్
• ఎమోషన్స్

మైనస్ పాయింట్స్:

• రొటీన్ కథ
• స్లో నెరేషన్

రేటింగ్ :

2 .5 /5

ట్యాగ్ లైన్ :

కనెక్ట్ సినిమా ను ప్రేక్షకులకు పూర్తిగా కనెక్ట్ చేయలేకపోయాడు దర్శకుడు. కానీ హర్రర్ సినిమాలు ఇష్టపడేవారికి ఈ సినిమా నచ్చుతుంది.

watch trailer :

• చిత్రం : అవతార్: ది వే ఆఫ్ వాటర్ (అవతార్ 2)
• నటీనటులు : సామ్ వర్తింగ్టన్, జో సల్దానా, సిగౌర్నీ వీవర్, స్టీఫెన్ లాంగ్, కేట్ విన్స్‌లెట్.
• నిర్మాత : జేమ్స్ కామెరాన్, జోన్ లాండౌ
• దర్శకత్వం : జేమ్స్ కామెరాన్
• సంగీతం : సైమన్ ఫ్రాంగ్లెన్
• విడుదల తేదీ : డిసెంబర్ 16, 2022

స్టోరీ :

మొదటి భాగానికి కొనసాగింపుగానే ఈ కథ సాగుతుంది. పూర్తిగా నావి మనిషి లాగా మారిన జేక్ (సామ్ వర్తింగ్టన్) తన కుటుంబంతో పాటు వేరే చోటికి వెళ్లిపోతాడు. అక్కడి మనుషుల్లో ఒకరిలాగా కలిసిపోతాడు. ఇక్కడ నీటిలో ఒక సంపద ఉంటుంది. ఆ సంపదని తీసుకోవడానికి ఒక సంస్థ ప్రయత్నిస్తూ ఉంటుంది. వారిని జేక్ ఎలా అడ్డుకుంటాడు? తన తర్వాత జనరేషన్ వాళ్లతో కలిసి ఎలా పోరాడుతాడు? వారంతా ఆ సంస్థపై ఎలా ఎదురుతిరిగారు? వారు చేసే పనులన్నీ ఎలా ఆపారు? ఇదంతా తెలియాలంటే మీరు సినిమా చూడాల్సిందే.

రివ్యూ :

అంత ఎక్కువ అంచనాలు లేకుండా విడుదల అయిన మొదటి భాగం ఎంత పెద్ద హిట్ అయ్యిందో అందరికీ తెలుసు. దాంతో ఈ సినిమా రెండవ భాగం కోసం ప్రపంచమంతా ఎదురుచూసింది. దాదాపు మొదటి భాగం విడుదల అయిన 10 సంవత్సరాల తర్వాత ఈ సినిమా విడుదల అవుతోంది. ఈ సినిమాకి ముఖ్య హైలైట్ మాత్రం గ్రాఫిక్స్. మొదటి భాగం కంటే కూడా ఈ సినిమాలో గ్రాఫిక్స్ పరంగా ఇంకా ఎక్కువ జాగ్రత్తలు తీసుకున్నారు అని అనిపిస్తుంది.

ఈ సినిమా 5 భాగాలుగా ఉంటుంది. అందులో రెండవ భాగం ఇప్పుడు విడుదల అయ్యింది. ఈ సినిమాలో ముఖ్యంగా చివరిలో వచ్చే ఫైటింగ్ సీన్ మాత్రం సినిమా మొత్తానికి ఒక పెద్ద హైలైట్ అయ్యింది. అలాగే అండర్ వాటర్ సీన్స్ కూడా చాలా బాగా చూపించారు. సినిమా చూస్తున్నంత సేపు కూడా దర్శకుడు పడిన శ్రమ, కష్టం ఆయన చిన్న విషయాలపై కూడా ఎంత జాగ్రత్త తీసుకున్నారు అనేది ప్రేక్షకులకి అర్థం అవుతూ ఉంటుంది.

ఇంక తెలుగు సినిమా విషయానికి వస్తే ప్రముఖ నటుడు, దర్శకుడు అవసరాల శ్రీనివాస్ ఈ సినిమాకి డైలాగ్స్ రాశారు. డబ్బింగ్ సినిమా అంటే డైలాగ్స్ ఏదో అతికించినట్టుగా ఉంటాయి. కానీ ఈ సినిమా డైలాగ్స్ కూడా సాధారణంగానే అనిపిస్తాయి. దాంతో తెలుగులో చూసినా కూడా సినిమా ఫీల్ ఏ మాత్రం తగ్గదు.

ప్లస్ పాయింట్స్ :

• నిర్మాణ విలువలు
• ఫైటింగ్ సీన్స్
• నీటిలో చూపించిన సీన్స్
• క్లైమాక్స్

రేటింగ్ :

4/5

ట్యాగ్ లైన్ :

సాధారణంగా మొదటి భాగం పెద్ద హిట్ అయితే, ఆ అంచనాలని రెండవ భాగం చేరుకుంటుందా లేదా అనే అనుమానం ఉంటుంది. కానీ ఈ సినిమా మాత్రం అంచనాలకు మించి ఉంది. ఎన్ని ఎక్స్పెక్టేషన్స్ పెట్టుకొని వెళ్ళినా కూడా అవతార్ 2 ప్రేక్షకులని అస్సలు నిరాశపరచదు. ఇంకా కొన్ని సంవత్సరాల పాటు ఎంతో గర్వంగా చెప్పుకోదగ్గ సినిమాగా ఈ సినిమా నిలుస్తుంది.

మెగాస్టార్ చిరంజీవి నటిస్తున్న లేటెస్ట్ మూవీ వాల్తేరు వీరయ్య. బాబీ దర్శకత్వంలో తెరకెక్కుతోన్న ఈ సినిమా మాస్ మసాలా ఎంటర్టైనర్ గా రాబోతుంది. ఈ సినిమాలో శ్రుతిహాసన్ హీరోయిన్ గా నటిస్తోంది. ఇక ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి విడుదలైన పోస్టర్లు, టైటిల్ టీజర్ ప్రేక్షకులను విపరీతంగా ఆకట్టుకున్నాయి.

ఈ సినిమాలో మెగాస్టార్ తో పాటు మాస్ మహారాజా రవితేజ కూడా నటిస్తున్న విషయం తెలిసిందే. దాంతో సినిమా పై అంచనాలు మరింత పెరిగాయి. ఇక ఇప్పటికే ఈ సినిమా షూటింగ్ శరవేగంగా జరుగుతోంది. త్వరలోనే ఈ సినిమానుంచి ట్రైలర్ ను రిలీజ్ చేయనున్నారు. సంక్రాంతి కానుకగా వాల్తేరు వీరయ్య సినిమాను రిలీజ్ చేయడానికి సన్నాహాలు చేస్తున్నారు మేకర్స్.

అయితే తాజాగా వాల్తేరు వీరయ్య చిత్ర ట్రైలర్ రివ్యూ బయటకు వచ్చింది. దుబాయ్ లో ఉంటూ ఇండియన్ సినిమాలకు ఫస్ట్ రివ్యూ ఇచ్చే సినీ క్రిటిక్, ఓవర్సీస్ సెన్సార్ బోర్డు సభ్యుడిగా చెప్పుకునే ఉమైర్ సంధు వాల్తేరు వీరయ్య ట్రైలర్ రివ్యూ చెప్పేశారు. సోషల్ మీడియాలో ఉమైర్ సంధు ఈ సినిమా ట్రైలర్ గురించి మాట్లాడుతూ ఈ విధంగా అన్నారు. ” వాల్తేరు వీరయ్య ట్రైలర్ మాస్ ధమాకా లా ఉంది. ఇది చిరంజీవి కం బ్యాక్ ఫిలిం అని ఇప్పుడు చెప్పొచ్చు. అద్భుతంగా ఉంది.” అని ఆయన ట్విట్టర్ లో పోస్ట్ పెట్టారు.

కానీ కొందరు నెటిజన్లు మాత్రం గతం లో ఆచార్య సినిమా సమయంలో కూడా ఈయన సూపర్ హిట్ రివ్యూ ఇచ్చారు. తీరా చూస్తే సినిమా బాక్స్ ఆఫీస్ వద్ద పరాజయాన్ని చవి చూసింది..ఇప్పుడు కూడా చిరంజీవి కం బ్యాక్ అంటున్నారు.. చూద్దాం ఈ సినిమా ఎలా ఉంటుందో అంటూ కామెంట్లు చేస్తున్నారు.

అయితే ఇటీవల వాల్తేరు వీరయ్య సినిమా నుంచి బాస్ పార్టీ లిరికల్ వీడియోను రిలీజ్ చేశారు. రాక్ స్టార్ దేవీ శ్రీ ప్రసాద్ ఈ మూవీకి అదిరిపోయే మ్యూజిక్ అందించనున్నారు. ఈ క్రమంలోనే నేడు విడుదలైన బాస్ పార్టీ సాంగ్ దుమ్మురేపుతోంది. మరోసారి దేవి తన స్టైల్ లో మాస్ మసాలా సాంగ్ ను కంపోజ్ చేశారు. ఇక ఈ పాటలో బాలీవుడ్ హాట్ బ్యూటీ ఊర్వశి రౌతేలా మెగాస్టార్ తో కలిసి స్టెప్పులేసింది.

• చిత్రం : పంచతంత్రం
• నటీనటులు : బ్రహ్మానందం, సముద్రఖని, కలర్స్ స్వాతి, శివాత్మిక రాజశేఖర్, ఉత్తేజ్, నరేష్ అగస్త్య, దివ్య శ్రీ పాద
• నిర్మాత : అఖిలేష్ వర్ధన్, సృజన్ ఎరబోలు
• దర్శకత్వం : హర్ష పులిపాక
• సంగీతం : ప్రశాంత్ ఆర్ విహారి
• విడుదల తేదీ : డిసెంబర్ 9 , 2022

స్టోరీ :

ఇది ఐదు కథల సమాహారం. పంచేంద్రియాల చుట్టూ తిరిగే ఐదు కథలను ఆవిష్కరించే చిత్రం. వేదవ్యాస్‌(బ్రహ్మానందం) ఆలిండియా రేడియోలో పనిచేసి రిటైర్‌ అవుతాడు. ఇంట్లో బోర్‌ కొడుతుండటంతో స్టోరీ టెల్లర్‌గా కొత్త కెరీర్‌ని ప్రారంభించాలనుకుంటాడు. స్టాండప్‌ స్టోరీ టెల్లింగ్‌ పోటీలకు వెళ్లాలనుకుంటాడు. కానీ ఇంట్లో తన కూతురు రోషిణి(కలర్‌ స్వాతి) ఆయన కోరికని అర్థంచేసుకోకుండా నిరుత్సాహపరుస్తుంది. అక్కడ పంచేంద్రియాల కాన్సెప్ట్ తో ఐదు కథలు చెబుతాడు.

మొదటి కథః మొదటి స్టోరీ దృశ్యం చుట్టూ తిరుగుతుంది. నరేష్‌ అగస్త్య సాఫ్ట్ వేర్‌ ఉద్యోగి. మంచి ఉద్యోగం చేస్తున్నా, ఏదో తెలియని అసంతృప్తి. అయితే బీచ్‌ గురించి విన్నప్పుడు అతనిలో తెలియని ఉత్సాహం కలుగుతుంది. మరి ఆ ఉత్సాహానికి కారణం ఏంటి? బీచ్‌కి దృశ్యానికి సంబంధం ఏంటనేది కథ.

రెండో కథః రుచి గురించి తెలియజేసే కథ. రాహుల్‌ విజయ్‌కి ఇంట్లో పెళ్లి సంబంధాలు చూస్తుంటారు. ఈ క్రమంలో అమ్మ ఒత్తిడి మేరకు చివరగా శివాత్మిక రాజశేఖర్‌ ని చూస్తాడు. పేరెంట్స్ కి నచ్చిందనే ఉద్దేశంతో ఆమెకి ఓకే చెబుతాడు. మరి రుచికి, వీరిద్దరు కలుసుకోవడానికి సంబంధం ఏంటనేది మిగిలిన కథ.

మూడో కథః వాసన గురించి తెలియజేసే కథ. సముద్రఖని బ్యాంకులో జాబ్‌ చేసి రిటైర్డ్ అవుతాడు. ఇంట్లో ఖాళీగా ఉంటాడు. కానీ ఆయనకు కొన్ని సార్లు బాడ్ స్మెల్ వస్తూ ఉంటుంది. ఈ మానసిక రోగం నుంచి ఆయన ఎలా బయట పడ్డాడు అనేదే ఈ కథ.

నాలుగో కథ: స్పర్శలోని అనుభూతిని తెలిపే కథ ఇది. వికాస్‌ ముప్పాల, దివ్య శ్రీపాద ప్రేమించి పెళ్లి చేసుకుంటారు. ఎంతో అన్యోన్యంగా ఉంటారు. అయితే దివ్య కి క్యాన్సర్‌ గా తేలుతుంది. మరి వికాస్‌, దివ్య శ్రీపాద తీసుకున్న నిర్ణయమేంటి? స్పర్శకి ఉన్న సంబంధం ఏంటనేది మిగిలిన కథ.

ఐదో కథః వినికిడిలోని గొప్పతనం తెలియజేసే కథ ఇది. లియా అనే పేరుతో చిన్న పిల్లల స్టోరీస్‌ చెబుతుంది కలర్స్ స్వాతి. వాటికి ఎంతో మంది చిన్నారులు అభిమానులుగా మారిపోతుంటారు. అలా ఉత్తేజ్‌ కూతురు కూడా పెద్ద ఫ్యాన్. స్వాతికి, ఉత్తేజ్‌ కూతురుకి ఉన్న సంబంధం ఏంటి? ఉత్తేజ్‌ కూతురు స్వాతిలో తెచ్చిన మార్పేంటి? వినికిడి పోషించిన పాత్ర ఏంటనేది మిగిలిన కథ.

ఈ ఐదు కథలు చెప్పడం వల్ల వేదవ్యాస్‌ జీవితం ఎలా మారిందనేది సినిమా కథ.

రివ్యూ :

కమర్షియల్‌ అంశాలు అతీతంగా ఒక ఫీల్‌ని, పంచేంద్రియాలను థీమ్‌గా తీసుకుని కథ అల్లుకున్నాడు దర్శకుడు హర్ష పులిపాక. మొదటగా ఇలాంటి ఐడియాతో సినిమా తీయాలనే దర్శకుడి ఆలోచనను మెచ్చుకోవలసిందే. ఐదు కథలను అల్లుకున్న తీరు, వాటికి పంచేంద్రియాల కాన్సెప్ట్ ముడిపెట్టడం బాగుంది.

అయితే కథల పరంగా చూస్తే అన్ని కథల అడియెన్స్ ని అంతటి ఫీల్‌కి గురి చేయలేకపోయాయి. అయితే సినిమా వెళ్లే కొద్దీ, ఆ ఫీల్‌ని పెంచుకుంటూ వెళ్లాడు దర్శకుడు. ఐదో కథకి వచ్చేసరికి దాన్ని మరింత పీక్‌లోకి తీసుకెళ్లాడు. కలర్స్ స్వాతి, రూప అనే చిన్నారి మధ్య పెట్టిన సన్నివేశాలు, రూప పాత్రలోని ట్విస్ట్ ఆడియెన్స్ చేత కన్నీళ్లు పెట్టిస్తాయి. ఓ బరువెక్కిన హృదయంతో ఆడియెన్స్ బయటకు వస్తారు.

దర్శకుడు ఈ ఐదు కథలను, వేద వ్యాస్‌ అనే పాత్ర ద్వారా ముడిపెట్టిన తీరు బాగుంది. క్లైమాక్స్ అదరగొడుతుంది. అయితే సినిమా కాస్త స్లోగా సాగడం ఆడియెన్స్ ఓపికకి పరీక్ష పెట్టే అంశం. ఇలాంటి సినిమాలకు థియేటర్లలో ఎలాంటి ఆదరణ దక్కుతుందో చెప్పలేంగానీ, ఓటీటీకి మాత్రం బెస్ట్ ఛాయిస్‌.

కామెడీ పాత్రల్లో కనిపించే బ్రహ్మానందం కి ఇదొక డిఫరెంట్‌ రోల్‌. సీరియస్‌ రోల్స్ లోకి టర్న్ తిప్పే సినిమా అవుతుంది. ఇక ఆయన నటన గురించి చెప్పేదేం లేదు. నవ్విస్తున్నట్టే అనిపించి హృదయాన్ని బరువెక్కించాడు. కలర్స్ స్వాతికిది కమ్‌ బ్యాక్ లాంటి సినిమా అవుతుంది. ఆమె పాత్రకి ప్రాణం పోసింది. రాహుల్‌ విజయ్‌, శివాత్మిక, అగస్త్య తమ పాత్రల మేరకు డీసెంట్‌గా బాగా చేశారు. సముద్రఖని నటనతో తన కథని నిలబెట్టారు. దివ్య శ్రీపాద, వికాస్‌ అద్భుతంగా చేశారు. ఆదర్శ్‌ బాలకృష్ణ, ఉత్తేజ్‌, రూప పాత్రలో చిన్నారి సైతం బాగా చేశారు.

ప్లస్ పాయింట్స్ :

• నటీనటులు
• సంగీతం
• సినిమాటోగ్రఫీ

మైనస్ పాయింట్స్:

• వినోదం లేకపోవడం
• కథల్లో కనెక్టివిటీ మిస్ అవ్వడం
• కొన్ని సాగతీత సీన్లు

రేటింగ్ :

2 .75 /5

ట్యాగ్ లైన్ :

మంచి ఫీల్ గుడ్ మూవీ. కానీ థియేటర్లకంటే ఓటీటీలకి మంచి ఛాయిస్.

• చిత్రం : గుర్తుందా సీతాకాలం
• నటీనటులు : సత్యదేవ్, తమన్నా, మేఘా ఆకాష్, కావ్య శెట్టి.
• నిర్మాత : భావన రవి, నాగశేఖర్, రామారావు చింతపల్లి (నాగశేఖర్ మూవీస్, మణికంఠ ఎంటర్‌టైన్‌మెంట్స్)
• దర్శకత్వం : నాగశేఖర్. ఆర్
• సంగీతం : కాల భైరవ
• విడుదల తేదీ : డిసెంబర్ 9, 2022

స్టోరీ :

సినిమాలో రెండు ప్రేమ కథలు ఉంటాయి. సత్యదేవ్ చదువుకుంటున్న వయసులో ఒక అమ్మాయిని ప్రేమిస్తారు. ఆ తర్వాత ఉద్యోగం చేస్తున్నప్పుడు తమన్నాతో స్నేహం పెరుగుతుంది. వాళ్ళిద్దరూ ప్రేమించుకొని పెళ్లి చేసుకుంటారు. ఆ తర్వాత ఏమయ్యింది? వారు ఎదుర్కొన్న సమస్యలు ఏంటి? ఈ కథ మొత్తం సత్యదేవ్ మరొకరికి ఎందుకు చెప్తున్నారు? అసలు వాళ్ళిద్దరూ కలిసి ఉంటారా విడిపోతారా? ఇవన్నీ తెలియాలంటే మీరు సినిమా చూడాల్సిందే.

రివ్యూ :

సత్యదేవ్ అంటే డిఫరెంట్ సబ్జెక్ట్ ఉన్న సినిమాలని ఎంచుకుంటారు అని గుర్తింపు ఉంది. సత్యదేవ్ ఇలాంటి సినిమా అంతకుముందు చేయలేదు. సినిమా ట్రైలర్ చూస్తే ఇది లవ్ స్టోరీ అని అర్థం అవుతోంది. సాధారణంగా ఇలాంటి లవ్ స్టోరీస్ అంతకు ముందు మనం చాలా చూశాం. కానీ ప్రజెంట్ చేయడంలో ఆ డైరెక్టర్ టేకింగ్ వల్ల సినిమా అనేది డిఫరెంట్ గా కనిపిస్తుంది. ఈ సినిమా స్టోరీ పరంగా పెద్దగా చెప్పుకోవడానికి ఏమీ ఉండదు.

కానీ ఇటీవల వచ్చిన కాలంలో ఫీల్ గుడ్ సినిమాల్లో ఒకటిగా ఇది నిలుస్తుంది. చూసినంత సేపు కూడా ఎక్కడా బోర్ కొట్టకుండా ఉండేలా దర్శకుడు జాగ్రత్తలు తీసుకున్నారు. రీమేక్ సినిమా అయినా సరే తెలుగు నేటివిటీకి తగ్గట్టుగా మార్పులు చేశారు. రీమేక్ సినిమా చాలా పెద్ద హిట్ అయ్యింది. ఈ సినిమా కూడా అందుకు తక్కువగా లేదు. కానీ కొన్ని సీన్స్ మాత్రం సాగదీసినట్టు అనిపిస్తాయి.

ప్లస్ పాయింట్స్ :

• ఎంచుకున్న పాయింట్
• లొకేషన్స్
• మ్యూజిక్
• నటీనటులు

మైనస్ పాయింట్స్:

• ఎక్కడో చూసినట్టుగా ఉండే కొని సీన్స్
• సాగదీసినట్టుగా అనిపించే కొన్ని ఎపిసోడ్స్

రేటింగ్ :

3/5

ట్యాగ్ లైన్ :

ఎటువంటి ఎక్సపెక్టేషన్స్ పెట్టుకోకుండా వెళ్తే ఈ సినిమా ఎవరిని నిరాశపరచదు. ఇటీవల వచ్చిన ఫీల్ గుడ్ సినిమాల్లో గుర్తుండిపోయే సినిమాల్లో ఒకటిగా గుర్తుండే సీతాకాలం సినిమా నిలుస్తుంది.