Movie Reviews

బిగ్ బాస్ తెలుగు ద్వారా పేరు సంపాదించుకున్న నటుడు సోహెల్. ఇప్పుడు సోహెల్ హీరోగా వచ్చిన బూట్‌కట్ బాలరాజు సినిమా విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : బూట్‌కట్ బాలరాజు
• నటీనటులు : సయ్యద్ సోహెల్ రయాన్, మేఘలేఖ, సునీల్, ఇంద్రజ.
• నిర్మాత : Md. పాషా
• దర్శకత్వం : శ్రీ కోనేటి
• సంగీతం : భీమ్స్ సిసిరోలియో
• విడుదల తేదీ : ఫిబ్రవరి 2, 2024

స్టోరీ :

బాలరాజు (సోహెల్) ఉద్యోగం లాంటిది ఏమీ లేకుండా స్నేహితులతో తిరుగుతూ ఉంటాడు. బాలరాజు మహాలక్ష్మి (మేఘలేఖ) అనే అమ్మాయిని ప్రేమిస్తాడు. ఆ అమ్మాయి కోసం తాను మారాలి అని నిర్ణయించుకుంటాడు. తాను మారాలి అని ఊరంతా తెలియాలి అనుకొని సర్పంచ్ ఎలక్షన్ లో గెలవాలి అనుకుంటాడు. అందుకే ఇంద్రావతి పటేల్ (ఇంద్రజ) కి పోటీగా ఎన్నికల్లో నిలుస్తాడు. ఆ తర్వాత ఏం జరిగింది? బాలరాజు ఎన్నికల్లో గెలిచాడా? సర్పంచ్ అయ్యాడా? మహాలక్ష్మి బాలరాజుని ప్రేమించిందా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

బిగ్ బాస్ ప్రోగ్రాం ఎంతో మందికి ఎన్నో రకాలుగా పాపులారిటీ తెచ్చిపెట్టింది. ఈ ప్రోగ్రాం తర్వాత సినిమాల్లోకి వెళ్లిన వాళ్ళు చాలా మంది ఉన్నారు. ముఖ్యంగా తమిళ్ బిగ్ బాస్ ప్రోగ్రాం తర్వాత అందులో పాల్గొన్న ఎంతో మంది నటులు, ప్రోగ్రాం తర్వాత ఇంకా పేరు తెచ్చుకొని హీరోలు అయ్యారు. ఇప్పుడు తెలుగు బిగ్ బాస్ లో చేసిన వారు కూడా అలాగే వెలుగులోకి వస్తున్నారు. వారిలో సోహెల్ ఒకరు. బిగ్ బాస్ ప్రోగ్రాం తర్వాత సోహెల్ కొన్ని సినిమాల్లో నటించారు.

ఇప్పుడు ఈ సినిమాతో ప్రేక్షకుల ముందుకి వచ్చారు. పాపులారిటీ రావడం అనేది మంచి విషయం. కానీ దాన్ని ఎలా ఉపయోగించుకోవడం అనేది మాత్రం ఆలోచించాలి. సోహెల్ మంచి నటుడు. ఎలాంటి పాత్ర అయినా చేయగలుగుతారు. కాబట్టి మంచి కంటెంట్ ఉన్న సినిమాలు ఎంచుకోవడం కూడా ముఖ్యం. ఇంక ఈ సినిమా విషయానికి వస్తే, ఈ సినిమా స్టోరీ మనం ఎన్నో సార్లు చూసాం. టేకింగ్ పరంగా కూడా కొత్తగా ఉందా అంటే, అది కూడా చాలా చోట్ల రొటీన్ గానే అనిపిస్తుంది. సోహెల్ ఈ సినిమాని ముందుకు తీసుకెళ్లడానికి తన వంతు ప్రయత్నం చేశారు.

కానీ రొటీన్ కథని కొత్తగా చూపించడంలో దర్శకుడు ఇంకా జాగ్రత్త తీసుకోవాల్సిందేమో అనిపిస్తుంది. సినిమాలో తెలిసిన నటీనటులు చాలా మంది ఉన్నారు. వాళ్లందరూ ఇలాంటి పాత్రలు అంతకుముందు పోషించిన వారు. కాబట్టి ఈ పాత్రల్లో వాళ్ళని చూడడం పెద్ద కొత్తగా ఏమీ అనిపించదు. ఇంద్రజకి చాలా సంవత్సరాల తర్వాత ఒక మంచి పాత్ర దొరికింది. మిగిలిన వాళ్ళు అందరూ కూడా తమ పాత్రలకి తగ్గట్టు చేశారు. కామెడీ ట్రై చేశారు. కానీ పెద్దగా వర్కౌట్ అవ్వలేదు. పాటలు సినిమాకి తగ్గట్టు అలా వెళ్ళిపోతాయి అంతే. శ్యామ్ కే నాయుడు సినిమాటోగ్రఫీ బాగుంది. కంటెంట్ పరంగా ఇంకా కొంచెం బలంగా ఉంటే బాగుండేది ఏమో అనిపిస్తుంది.

ప్లస్ పాయింట్స్ :

• సోహెల్ నటన
• సినిమాటోగ్రఫీ

మైనస్ పాయింట్స్:

• తెలిసిన కథ
• బలహీనమైన స్క్రీన్ ప్లే

రేటింగ్ :

2/5

ట్యాగ్ లైన్ :

సినిమా నుండి పెద్దగా ఎక్స్పెక్టేషన్స్ పెట్టుకోవడానికి ఏమీ లేదు. కేవలం సోహెల్ కోసం, సోహెల్ నటన కోసం సినిమా చూద్దాం అని అనుకునే వారికి బూట్‌కట్ బాలరాజు సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

ALSO READ : చాలా మంది తెలుగు హీరోయిన్స్ కంటే ఈ అమ్మాయి బాగా నటిస్తుంది ఏమో..! ఈమె ఎవరంటే..?

కలర్ ఫోటో సినిమాతో హీరోగా పేరు సంపాదించుకున్నారు సుహాస్. డిఫరెంట్ పాత్రలని ఎంచుకుంటూ, కొత్త కాన్సెప్ట్ ఉన్న సినిమాలని చేస్తున్నారు. ఇప్పుడు అంబాజీపేట మ్యారేజ్ బ్యాండ్ సినిమాతో ప్రేక్షకుల ముందుకి వచ్చారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : అంబాజీపేట మ్యారేజి బ్యాండు
• నటీనటులు : సుహాస్, శివాని, శరణ్య ప్రదీప్, నితిన్ ప్రసన్న.
• నిర్మాత : ధీరజ్ మొగిలినేని
• దర్శకత్వం : దుష్యంత్ కాటికనేని
• సంగీతం : శేఖర్ చంద్ర
• విడుదల తేదీ : ఫిబ్రవరి 2, 2024

స్టోరీ :

అంబాజీపేట అనే ఒక ప్రాంతంలో 2007 లో కథ మొదలవుతుంది. ఆ ఊరిలో ఉండే మల్లి (సుహాస్) అంబాజీపేట మ్యారేజ్ బ్యాండ్ లో ఒక సభ్యుడు. అతని అక్క పద్మ (శరణ్య ప్రదీప్) అక్కడే ఉన్న ఒక స్కూల్ లో టీచర్ గా పని చేస్తూ ఉంటుంది. అదే ఊరిలో ఉండే వెంకట్ బాబు (నితిన్ ప్రసన్న) ఊరిలో పెద్దమనిషి అని చెప్పుకుంటూ అందరి మీద అధికారం చెలాయిస్తూ ఉంటాడు. ఆ ఊరిలో ఉండే ఎంతో మంది వెంకట్ దగ్గర అప్పులు తీసుకొని బతుకుతారు. అయితే వెంకట్ కి, పద్మకి ఏదో సంబంధం ఉంది అని, వెంకట్ వల్లే పద్మకి ఉద్యోగం వచ్చింది అని ఆ ఊరిలో ఒక పుకారు వస్తుంది.

మరొక పక్క వెంకట్ చెల్లెలు లక్ష్మి (శివాని), మల్లి ప్రేమించుకుంటూ ఉంటారు. వెంకట్ కి, పద్మకి గొడవలు అవుతాయి. ఆ తర్వాత లక్ష్మి, మల్లి ప్రేమ కథ కూడా బయటికి వచ్చేస్తుంది. అప్పుడు ఆ గొడవలు ఇంకా పెరుగుతాయి. కోపంతో వెంకట్ పద్మ మీద పగ తీర్చుకోవాలి అని ఒక రోజు రాత్రి పద్మని స్కూల్ కి పిలిచి అవమానిస్తాడు. అప్పుడు మల్లి ఏం చేశాడు? వెంకట్ కి బుద్ధి చెప్పాడా? లక్ష్మితో మల్లి ప్రేమ కథ ఎలా సాగింది? ఈ గొడవల మధ్య వాళ్ళు ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఈమధ్య గ్రామీణ నేపథ్యంలో రూపొందుతున్న సినిమాలకి ఆదరణ పెరిగింది. ఇప్పుడు ఈ సినిమా కూడా అలా అంబాజీపేట అనే ఒక ప్రాంతంలో నడుస్తుంది. సినిమా చూస్తున్నంత సేపు కూడా ఎక్కడ అందులో ఉన్నది నటీనటులు అన్న విషయం గుర్తుకురాదు. చాలా సహజంగా నటించారు. సినిమా చిత్రీకరణ కూడా అంతే సహజంగా ఉంది. అయితే, ఇలాంటి కాన్సెప్ట్ ఉన్న కథలు మనం అంతకుముందు చూసాం. కులం అనే పేరుతో వచ్చిన సినిమాలు చాలానే ఉన్నాయి.

హీరో తక్కువ కులానికి చెందిన వారు అవ్వడం, హీరోయిన్ వాళ్ళు ఎక్కువ కులానికి చెందిన వాళ్ళు అవ్వడం, వారి మధ్య ప్రేమ, గొడవలు, ఇలాంటి కాన్సెప్ట్ ఉన్న సినిమాలు చాలా భాషల్లో వచ్చాయి. అయితే దర్శకుడు ఎలా ప్రజెంట్ చేస్తాడు అనే దానిమీద సినిమా ఆధారపడి ఉంటుంది. ఇంక ఈ సినిమా విషయానికి వస్తే, సరదాగా సాగిపోతున్న సినిమాలో ఇంటర్వెల్ దగ్గర గొడవ మొదలవుతుంది. అక్కడి నుండి సినిమా ఆసక్తికరంగా మారుతుంది. అయితే సినిమా పోస్టర్లలో కానీ, ట్రైలర్ లో కానీ సుహాస్ హీరో అన్నట్టు చూపిస్తారు.

కానీ సినిమా చూశాక సోదరి పాత్ర చేసిన శరణ్య ప్రదీప్ కి కూడా సమానమైన ప్రాముఖ్యత ఉంది అని అర్థం అవుతుంది. సినిమా మొత్తం కూడా పద్మ అనే పాత్ర చుట్టూ తిరుగుతుంది. ముఖ్యంగా కొన్ని సీన్స్ లో శరణ్య నటన చాలా బాగుంది. పర్ఫామెన్స్ విషయానికి వస్తే, సినిమాలో ఉన్న వాళ్ళందరూ కూడా బాగా చేశారు. సుహాస్ ఈ సినిమా కోసం చాలా కష్టపడ్డారు అని తెలుస్తోంది. నిజంగా ఒక ఊరిలో ఒక సాధారణంగా ఉండే కుర్రాడు ఎలా ప్రవర్తిస్తారో సుహాస్ ఈ సినిమాలో అలాగే నటించారు.

హీరోయిన్ శివాని కూడా తన పాత్ర పరిధి మేరకు నటించారు. వెంకట్ బాబుగా నటించిన నితిన్ ప్రసన్న కూడా బాగా నటించారు. అలాగే సినిమా మొత్తానికి మరొక హైలైట్ పాత్ర అయిన పద్మ పాత్రలో శరణ్య చాలా సహజంగా నటించారు. ముఖ్యంగా ఎమోషనల్ సీన్స్ లో ఆమె నటన సినిమాకి హైలైట్ అయ్యింది. పాటలు సినిమాకి తగ్గట్టు ఉన్నాయి. వాజిద్ బేగ్ అందించిన సినిమాటోగ్రఫీ బాగుంది. కానీ సినిమా కథ మాత్రం తెలిసిపోతుంది. క్లైమాక్స్ వరకు వచ్చాక కూడా చివరికి ఎలా ముగిస్తారు అనే విషయం ఇలాంటి కాన్సెప్ట్ ఉన్న సినిమాలు చూసిన ప్రేక్షకులకు అర్థం అవుతుంది. పెద్దగా ట్విస్ట్ లాంటివి ఏమీ ఉండవు.

ప్లస్ పాయింట్స్ :

• నటీనటుల పర్ఫార్మెన్స్
• కొన్ని ఎమోషనల్ సీన్స్
• 2007 టైంని చూపించిన విధానం
• సినిమాటోగ్రఫీ

మైనస్ పాయింట్స్:

• తెలిసిన కథ
• ఆసక్తికరంగా అనిపించని లవ్ ట్రాక్

రేటింగ్ :

3/5

ట్యాగ్ లైన్ :

కథపరంగా పెద్దగా ఎక్స్పెక్టేషన్స్ పెట్టుకోకుండా, ఒక మంచి ఎమోషన్స్ తో సాగే సినిమా చూద్దాం అని అనుకునే వారిని ఈ సినిమా అస్సలు నిరాశపరచదు. ఎమోషన్స్ ఎక్కువగా ఉన్న సినిమాలు ఇష్టపడే వారికి, అందులోనూ ముఖ్యంగా ఇలాంటి కాన్సెప్ట్ ఉన్న ప్రేమ కథలు ఇష్టపడే వారికి అంబాజీపేట మ్యారేజి బ్యాండు సినిమా ఒక్కసారి చూడగలిగే సినిమాగా నిలుస్తుంది.

watch trailer :

ALSO READ : ఇప్పటి వరకు చూడని హాస్య బ్రహ్మ “బ్రహ్మానందం” అరుదైన ఫోటోలు..!

బాలీవుడ్ హీరో అయినా కూడా తెలుగులో మంచి ఫ్యాన్ బేస్ సంపాదించుకున్న హీరో హృతిక్ రోషన్. అయన డాన్స్ కి చాలా మంది అభిమానులు ఉన్నారు. హృతిక్ రోషన్ హీరోగా నటించిన ఫైటర్ సినిమా ఇవాళ విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ఫైటర్
• నటీనటులు : హృతిక్ రోషన్, అనిల్ కపూర్, దీపికా పదుకొనే.
• నిర్మాత : మమతా ఆనంద్, రామన్ చిబ్, అంకు పాండే, కెవిన్ వాజ్, అజిత్ అంధారే
• దర్శకత్వం : సిద్ధార్థ్ ఆనంద్
• సంగీతం : విశాల్, శేఖర్
• విడుదల తేదీ : జనవరి 25, 2024

స్టోరీ :

షంషేర్ పఠానియా అలియాస్ ప్యాటీ (హృతిక్ రోషన్) ఎయిర్ ఇండియాలోని ఒక ఫైటర్ పైలైట్. అయితే, దేశంలో ఉన్న బెస్ట్ ఫైటర్ పైలైట్స్ ని శ్రీనగర్ లోని ఎయిర్ ఫోర్స్ స్టేషన్ లో ఒక స్పెషల్ పోస్టింగ్ కి పిలిపిస్తారు. ప్యాటీ కూడా అక్కడికి వెళ్తాడు. తన ర్యాంక్ తో ఉన్న మిన్నీ అలియాస్ మీనల్ రాథోడ్ (దీపికా పడుకొనే) అక్కడ పరిచయం అవుతుంది. వారందరినీ కలిపి ఎయిర్ డ్రాగన్ అనే ఒక స్పెషల్ యూనిట్ ఏర్పాటు చేస్తారు. వారి సీఓ రాకీ (అనిల్ కపూర్). పుల్వామా ప్రాంతంలో సి ఆర్ పి ఎఫ్ జవాన్ల మీద జైషే అనే ఒక ఉగ్రవాద సంస్థ దాడులు జరుపుతుంది.

దాని మీద ప్రతికాలం తీర్చుకోవడం కోసం ఇండియన్ ఎయిర్ ఫోర్స్ పాకిస్తాన్ లో ఉన్న బాలాకోట్ లో కొన్ని ఉగ్రవాద సంస్థ శిక్షణ శిబిరాలని ధ్వంసం చేస్తారు. అక్కడ వందలాది మంది మిలిటెంట్లని చంపేస్తారు. ఆ తర్వాత ఒక సుఖోయ్ యుద్ధ విమానం పాకిస్తాన్ లో ధ్వంసం అవుతుంది. దాంతో ఇద్దరు పైలెట్లు పారాచూట్ల సహాయం తీసుకొని పార్క్ భూభాగంలో దిగుతారు. ఆ తర్వాత ఏం జరిగింది? వారు ఎదుర్కొన్న సంఘటనలు ఏంటి? వారి సైన్యాన్ని ఎలా కాపాడుకున్నారు? ఆ పైలట్లని భారత్ కి తీసుకు వచ్చారా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సాధారణంగా యాక్షన్ సినిమాలు అంటే భాషతో సంబంధం లేకుండా ప్రతివారు ఆదరిస్తారు. అందులోనూ ముఖ్యంగా హృతిక్ రోషన్ లాంటి స్టార్ హీరో ఇలాంటి సినిమా చేస్తున్నారు అంటే ఆసక్తి ఇంకా పెరుగుతుంది. ఈ సినిమా ట్రైలర్ చూశాక పెద్దగా అంచనాలు అయితే ఏమీ లేవు కానీ, సినిమా నిరాశపరచదు అనే ఒక నమ్మకం మాత్రం వచ్చింది. అయితే సిద్ధార్థ్ ఆనంద్ గతంలో దర్శకత్వం వహించిన వార్, పఠాన్ సినిమాల ఛాయలు కూడా ఇందులో కనిపిస్తాయి అని అనిపించింది.

ఆ రెండు సినిమాలకు పని చేసిన వారే ఈ సినిమాలకి పనిచేయడంతో అలా అనిపించింది కానీ, సినిమా కథ పూర్తిగా డిఫరెంట్ గా ఉంది. యాక్షన్ సీన్స్ చాలా బాగా తీశారు. దాంతో పాటు ఎమోషన్స్ కూడా ఉండేలాగా చూస్తున్నారు. పర్ఫార్మెన్స్ విషయానికి వస్తే, సినిమాలో ఉన్న నటీనటులు అందరూ కూడా చాలా బాగా చేశారు. ముఖ్యంగా హృతిక్ రోషన్ కోసం తన పాత్రకి చాలా బాగా సూట్ అయ్యారు. పాటల్లో డాన్స్ చేస్తూనే, ఫైటింగ్ సీన్స్ ఫైటింగ్ కూడా చాలా బాగా చేశారు. ఒక పైలైట్ బాడీ లాంగ్వేజ్ ఎలా అయితే ఉంటుందో హృతిక్ రోషన్ అలాగే ప్రాక్టీస్ చేశారు అని తెలుస్తోంది.

హీరోయిన్ దీపికా పడుకొనే కూడా బాగా నటించారు. అలాగే అనిల్ కపూర్ కూడా మంచి పాత్రలో కనిపించారు. సహాయ పాత్రల్లో నటించిన కరణ్ సింగ్ గ్రోవర్, అభిషేక్ ఒబెరాయ్ కూడా తమ పాత్రలకి తగ్గట్టు నటించారు. అయితే సినిమా ఎంత బాగున్నా కూడా కథ తెలిసిపోతూ ఉంటుంది. టేకింగ్ పరంగా ఎక్కడ బోర్ కొట్టకుండా చూసుకున్నారు కానీ, నెక్స్ట్ ఏమవుతుంది అనేది యాక్షన్ సినిమాలు సాధారణంగా ఎక్కువగా చూసే ప్రేక్షకుడికి అర్థం అయిపోతుంది. ఈ విషయంలో మాత్రం జాగ్రత్త తీసుకుంటే బాగుండేదేమో అనిపిస్తుంది.

ప్లస్ పాయింట్స్ :

• హీరో, హీరోయిన్ల నటన
• పాటలు
• యాక్షన్ సీన్స్
• కొన్ని ఎమోషనల్ ఎపిసోడ్స్

మైనస్ పాయింట్స్:

• తెలిసిపోయే కథ
• కొన్ని చోట్ల సాగదీసినట్టుగా ఉన్న స్క్రీన్ ప్లే

రేటింగ్ :

3/5

ట్యాగ్ లైన్ :

ఎక్కువ ఎక్స్పెక్టేషన్స్ పెట్టుకోకుండా, హృతిక్ రోషన్ కోసం, లేదా ఒక మంచి యాక్షన్ సినిమా చూద్దాం అని అనుకునే వారికి ఫైటర్ సినిమా ఒక్కసారి చూడగలిగే మంచి యాక్షన్ ఎంటర్టైనర్ గా నిలుస్తుంది.

watch trailer :

ALSO READ : “1000 అయ్యింది.. రెండు లివర్ లు ఎక్స్ట్రా” అని ట్రోల్ చేసారు… కానీ ఈ అసలు లెక్క ఏంటో తెలుసా.?

సంక్రాంతి పండుగ కానుకగా చాలా సినిమాలు విడుదల అవుతున్నాయి. వీటిలో వెంకటేష్ హీరోగా నటించిన సైంధవ్ సినిమా కూడా ఒకటి. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : సైంధవ్
• నటీనటులు : వెంకటేష్ దగ్గుబాటి, శ్రద్ధ శ్రీనాథ్, బేబీ సారా, నవాజుద్దీన్ సిద్ధిఖీ, రుహానీ శర్మ,  ఆండ్రియా, ఆర్య.
• నిర్మాత : వెంకట్ బోయినపల్లి
• దర్శకత్వం : శైలేష్ కొలను
• సంగీత దర్శకత్వం : సంతోష్ నారాయణన్
• విడుదల తేదీ : జవనరి 13, 2024

స్టోరీ :

సైంధవ్ కొలను (వెంకటేష్) తన కూతురితో కలిసి ఉంటాడు. సైంధవ్ కి గతం ఉంటుంది. దానికి దూరంగా ప్రస్తుతం అసలు దానికి సంబంధమే లేకుండా బతుకుతాడు. ఒక సమయంలో తన కూతురు గాయత్రి పాప (బేబీ సారా) కి ఆరోగ్యం పాడవుతుంది. ఆ అమ్మాయి కోసం 17 కోట్ల విలువ చేసే ఇంజక్షన్ కావాల్సి ఉంటుంది. అప్పుడు సైంధవ్ ఏం చేశాడు? అసలు సైంధవ్ గతం ఏంటి? తన కూతురిని ఎలా కాపాడుకున్నాడు? అతను ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ: 

అటు కమర్షియల్ సినిమాలని, ఇటు ఎక్స్పరిమెంటల్ సినిమాలని సమానంగా బ్యాలెన్స్ చేస్తున్న నటుల్లో వెంకటేష్ ఒకరు. కమర్షియల్ సినిమాల్లో అయినా కూడా తన వయసుకు తగ్గ పాత్రలే చేస్తున్నారు. ఇప్పుడు కూడా అలాగే ఒక యాక్షన్ ఎంటర్టైనర్ సినిమాతో ప్రేక్షకుల ముందుకి వచ్చారు. సినిమా కోసం దర్శకుడు శైలేష్ ఎంచుకున్న స్టోరీ పాయింట్ బాగుంది. ఆ ఇంజక్షన్ విలువ నిజంగానే 17 కోట్లు ఉంటుంది. దాన్ని తీసుకురావడానికి తన కూతురిని కాపాడుకోవడానికి ఒక తండ్రి పడే తపన ఎలా ఉంటుంది అనేది ఈ సినిమాలో చూపించారు.

ఎప్పుడో ఘర్షణ సినిమాలో వెంకటేష్ ని ఒక సీరియస్ పోలీస్ ఆఫీసర్ పాత్రలో చూసాం. ఇప్పుడు మళ్లీ చాలా సంవత్సరాల తర్వాత అలాంటి ఒక సీరియస్ పాత్రలో చూస్తున్నాం. వెంకటేష్ ఈ పాత్రకి చాలా బాగా సూట్ అయ్యారు. డైలాగ్ డెలివరీ నుండి మేనరిజమ్స్ వరకు అన్ని బాగున్నాయి. స్టోరీ పాయింట్ ఎంత బాగున్నా కూడా టేకింగ్ విషయంలో మాత్రం ఇంకా జాగ్రత్తలు తీసుకొని ఉంటే బాగుండేది. ఫస్ట్ హాఫ్ నెమ్మదిగా వెళుతుంది. స్టోరీలోకి వెళ్లడానికి కొంత టైం తీసుకుంటుంది. ఆ తర్వాత సెకండ్ హాఫ్ లో కూడా స్టోరీ నడుస్తూ ఉంటుంది కానీ ఎక్కడ గ్రిప్పింగ్ గా అనిపించదు.

అసలు సైంధవ్ అనే వ్యక్తికి అంత పెద్ద ఫ్లాష్ బ్యాక్ ఏముంది అని చూపించాలి అనుకున్నారు. కానీ ఆ ఫ్లాష్ బ్యాక్ ఎపిసోడ్ విషయంలో మాత్రం ఇంకా జాగ్రత్తలు తీసుకోవాల్సింది. నిజంగానే అతని గతం ఏంటి అని ప్రేక్షకులు కూడా ఊహించుకుంటారు. ఆ అంచనాలని అందుకోవడంలో అక్కడక్కడ విఫలం అయ్యారు. పర్ఫార్మెన్స్ విషయానికి వస్తే వెంకటేష్ ఎంతో అనుభవం ఉన్న నటుడు. ఆయన పోషించని పాత్ర లేదు.

ఇప్పుడు ఈ సినిమాలో కూడా చాలా బాగా నటించారు. పాత్రలో నటనకి పెద్దగా ఆస్కారం లేకపోయినా కూడా ఎమోషనల్ సీన్స్ లో మాత్రం వెంకటేష్ నటన చూస్తుంటే ఆయనకు నిజంగా ఎంత అనుభవం ఉంది అనేది తెలిసిపోతుంది. ఎమోషన్స్ తెరపై చూపించడంలో సక్సెస్ అయ్యారు. మనోజ్ఞ పాత్రలో నటించిన శ్రద్ధ శ్రీనాథ్ తన పాత్ర పరిధి మేరకు బానే నటించారు. మరొక ముఖ్య పాత్రలో నటించిన రుహానీ శర్మ, కాస్త నెగిటివ్ షేడ్స్ ఉన్న పాత్రలో నటించిన ఆండ్రియా కూడా తమ పాత్రలకి తగ్గట్టు నటించారు.

గాయత్రి పాపగా నటించిన బేబీ సారా మొదటి సినిమా అయినా కూడా చాలా బాగా నటించింది. చైల్డ్ ఆర్టిస్ట్ లు కూడా ఇంత బాగా నటించడం అనేది అభినందించాల్సిన విషయం. బాలీవుడ్ లో గుర్తింపు సంపాదించుకొని ఇప్పుడు తెలుగులో మొదటి సినిమా చేశారు నవాజుద్దీన్ సిద్ధిఖీ. తెలుగులో డబ్బింగ్ కూడా తనే చెప్పుకున్నారు. నవజుద్దీన్ కూడా బాగా నటించారు. ఇంకొక పాత్రలో జయప్రకాష్ కూడా తన పాత్ర పరిధి మేరకు నటించారు. ముఖేష్ రిషి తెలుగు సినిమాల్లో రెగ్యులర్  గా పోషించే విలన్ పాత్రలోనే కనిపించారు. జిష్షు సేన్‌గుప్తా పాత్ర గురించి పెద్దగా చెప్పుకోవడానికి ఏమీ లేదు.

తనకి ఉన్న లిమిటెడ్ టైంలో బానే నటించారు. మరొక ముఖ్య పాత్రలో హీరో ఆర్య నటించారు. పాత్ర కనిపించేది కొంచెం సేపు అయినా కూడా ఆయన నటన కూడా బాగానే ఉంది. నటులు అందరూ ఎక్స్పీరియన్స్ ఉన్నవాళ్లు కాబట్టి బాగా నటించలేదు అన్నమాట రాదు. కాకపోతే వారి పాత్రలు మాత్రం కొందరికి ఎక్కువ స్క్రీన్ టైం ఉంటే, కొంత మంది మాత్రం కొంచెం సేపు కనిపిస్తారు అంతే. మణికందన్ సినిమాటోగ్రఫీ బాగుంది. కొన్ని యాక్షన్ సీన్స్ డిజైన్ చేసిన విధానం కూడా బాగుంది. చాలా స్టైలిష్ గా అనిపించింది.

సంతోష్ నారాయణన్ అందించడం పాటలు అంత గొప్పగా ఏమీ అనిపించవు. బ్యాక్ గ్రౌండ్ స్కోర్ మాత్రం కొన్నిచోట్ల బాగుంది. ఇంకా కొన్ని చోట్ల మాత్రం ఇంకా జాగ్రత్త తీసుకోవాల్సింది. గ్యారీ బిహెచ్ ఎడిటింగ్ కొన్ని చోట్ల కరెక్ట్ గా ఉన్నా కూడా కొన్ని చోట్ల మాత్రం ఇంకా కాస్త క్రిస్ప్ గా ఎడిట్ చేస్తే బాగుండేది ఏమో అనిపిస్తుంది. ఇలాంటి కాన్సెప్ట్ ఉన్న సినిమాలు రావడం చాలా అరుదుగా జరుగుతాయి. కానీ ఆ కాన్సెప్ట్ ని తెరపై చూపించడంలో మాత్రం చాలా కష్టపడాలి. ఇక్కడ సినిమా బృందం కష్టం అంతా తెలుస్తోంది. కానీ కొన్ని సీన్స్ లో మాత్రం టేకింగ్ విషయంలో ఇంకా జాగ్రత్తలు తీసుకోవాల్సింది.

ప్లస్ పాయింట్స్ :

• వెంకటేష్
• సినిమాటోగ్రఫీ
• దర్శకుడు ఎంచుకున్న పాయింట్
• కొన్ని యాక్షన్ సీన్స్

మైనస్ పాయింట్స్:

• స్క్రీన్ ప్లే
• కొన్ని పాత్రలని రాసుకున్న విధానం
• కొన్ని చోట్ల డల్ అయిన సీన్స్
• పెద్దగా సూట్ అవ్వని పాటలు, బ్యాక్ గ్రౌండ్ మ్యూజిక్

రేటింగ్:

3/5

ట్యాగ్ లైన్:

స్టోరీ పాయింట్ బాగున్నా కూడా పెద్దగా ఎక్స్పెక్టేషన్స్ పెట్టుకోకుండా, కేవలం వెంకటేష్ కోసం మాత్రమే సినిమా చూద్దాం అని అనుకునే వారికి సైంధవ్ సినిమా ఒక్కసారి చూడగలిగే కమర్షియల్ యాక్షన్ సినిమాగా నిలుస్తుంది.

watch trailer : 

సూపర్ స్టార్ మహేష్ బాబు, త్రివిక్రమ్ శ్రీనివాస్ కాంబినేషన్ లో రూపొందిన గుంటూరు కారం సినిమా సంక్రాంతి కానుకగా విడుదల అయ్యింది. ఎన్నో సంవత్సరాల నుండి అభిమానులు వీరిద్దరి కాంబినేషన్ కోసం ఎదురు చూస్తున్నారు. ఈ సినిమా అర్ధరాత్రి మొదటి షో పడింది. ఈ సినిమా ఎలా ఉందో ఇప్పుడు చూద్దాం.

• చిత్రం : గుంటూరు కారం
• నటీనటులు : మహేష్ బాబు, శ్రీలీల, మీనాక్షి చౌదరి.
• నిర్మాత : ఎస్. రాధా కృష్ణ(చినబాబు)
• దర్శకత్వం : త్రివిక్రమ్ శ్రీనివాస్
• సంగీతం : తమన్ ఎస్
• విడుదల తేదీ : జనవరి 12, 2024

స్టోరీ :

వైరా వెంకటరమణ (మహేష్ బాబు) గుంటూరులో మిర్చి యార్డ్ నడుపుతూ ఉంటాడు. రమణ తల్లి వైరా వసుంధర (రమ్యకృష్ణ), తండ్రి రాయల్ సత్యం (జయరాం) రమణ చిన్నప్పుడే విడిపోతారు. రమణ గుంటూరులో తన మేనత్త బుజ్జి (ఈశ్వరి రావు) దగ్గర పెరుగుతాడు. వసుంధర మరొక పెళ్లి చేసుకుంటుంది. తెలంగాణ రాష్ట్రానికి న్యాయ శాఖ మంత్రి అవుతుంది. వసుంధర తండ్రి వైరా వెంకటస్వామి (ప్రకాష్ రాజ్) రాజకీయాల్లో గొప్ప స్థానంలో ఉంటాడు.

వసుంధర రాజకీయ జీవితానికి మొదటి పెళ్లి, రమణ అడ్డంకిగా మారకూడదు అనుకుని రమణతో ఒక సంతకం పెట్టించాలి అనుకుంటాడు. వసుంధరకి పుట్టిన రెండో కొడుకుని కూడా రాజకీయాల్లోకి తీసుకురావడానికి ప్రయత్నిస్తాడు. వెంకటస్వామి రమణతో ఆ సంతకం పెట్టించాడా? వసుంధర రమణకి దూరం అవ్వడానికి కారణం ఏంటి? వసుంధర ప్రేమని రమణ పొందాడా? రమణ ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

త్రివిక్రమ్ ని అభిమానులు సరదాగా గురూజీ, మాటల మాంత్రికుడు అని అంటూ ఉంటారు. త్రివిక్రమ్ సినిమా స్టోరీలు సింపుల్ గా ఉంటాయి. అసలు కొన్ని పాత సినిమాలు చూసి, వాటి కథలని రీసైకిల్ చేసి సినిమాలు తీస్తారు అనే ఒక మార్క్ కూడా ఉంది. కానీ అన్ని చేసినా కూడా త్రివిక్రమ్ సినిమాలు అంటే ఏదో ఒక రకమైన ఆసక్తి ఉంటుంది. ఇప్పుడు ఈ సినిమా కథ కూడా పెద్దగా కొత్తగా ఏమీ అనిపించదు. త్రివిక్రమ్ సినిమాలు రిపీట్ లో చూసిన ఎవరికి అయినా సరే త్రివిక్రమ్ నెక్స్ట్ స్టెప్ ఏంటి అనేది అర్థం అయిపోతుంది.

ఇది మాత్రమే కాదు. సన్నాఫ్ సత్యమూర్తి నుండి త్రివిక్రమ్ తీస్తున్న సినిమాలు అన్నీ కూడా ఒకటే టెంప్లేట్ మీద సాగుతాయి. హీరోలు మారడం వల్ల త్రివిక్రమ్ టేకింగ్ మారింది. దాని వల్ల సినిమాలో రిజల్ట్ మారింది. అంతే. త్రివిక్రమ్ కథనంలో మాత్రం పెద్దగా తేడా ఏమీ లేదు. ఒక సినిమాకి యాక్షన్ బ్యాక్ డ్రాప్ అయితే, ఇంకొక సినిమాకి కామెడీ. మరొక సినిమాకి సెంటిమెంట్. ఇంక ఈ సినిమా విషయానికి వస్తే, అస్సలు బాలేదా అంటే, అలా చెప్పలేం. పోనీ చాలా బాగుందా అంటే, అలా కూడా చెప్పలేం. కొన్ని చోట్ల నిరాశపరిచినా కూడా, కొన్ని చోట్ల మాత్రం అలరిస్తుంది.

త్రివిక్రమ్ మార్క్ డైలాగ్స్ ఉన్నాయి. కానీ మరి వీళ్ళిద్దరి కాంబినేషన్ వల్ల అయ్యుండొచ్చు. వీరి నుండి చాలా ఎక్కువగా ఆశించాం. ఆ అంచనాలని మాత్రం అందుకోలేదు. చాలా సింపుల్ గా ఉంది. లేచి వచ్చేయాలి అన్నంత ఇబ్బంది పెట్టే సినిమా కాదు. కానీ హై ఇచ్చే ఎలివేషన్స్ తక్కువగా ఉన్నాయి. ఇటీవల కాలంలో పెద్ద హీరో సినిమా అంటే హీరో నిల్చుంటే ఎలివేషన్, హీరో కూర్చుంటే ఎలివేషన్ అనేలాగా ఉంటున్నాయి. ఈ సినిమా మాత్రం అలా లేదు. పర్ఫార్మెన్స్ విషయానికి వస్తే త్రివిక్రమ్ మహేష్ బాబుని అతడు సినిమాలో ఒకరకంగా ప్రజెంట్ చేశారు.

ఖలేజా సినిమాలో ఇంకొక రకంగా ప్రజెంట్ చేశారు. ఇప్పటికి కూడా మహేష్ బాబు బెస్ట్ సినిమాల్లో ఒకటిగా ఖలేజా సినిమా నిలుస్తుంది అంటే ఆ సినిమాలో మహేష్ బాబు పాత్ర రూపొందించిన విధానం ఎంత బాగుందో మనం అర్థం చేసుకోవచ్చు. ఈ సినిమాలో కూడా మహేష్ బాబు చాలా డిఫరెంట్ గా కనిపిస్తారు. అంత పెద్ద స్టార్ అయ్యాక కూడా మొహమాటం లేకుండా ఈ సినిమా కోసం ఆయన చేసిన కొన్ని సీన్స్ మాత్రం అభినందించాల్సిన విషయం.

డాన్స్ విషయంలో కూడా ప్రత్యేక శ్రద్ధ తీసుకుంటున్నారు. ఎమోషనల్ సీన్స్ లో చాలా బాగా నటించారు. ఒక రకంగా చెప్పాలి అంటే సినిమా మొత్తాన్ని తన భుజం మీద మోసారు. నిజంగా ఒక కొత్త మహేష్ బాబుని చూసినట్టే అనిపిస్తుంది. మిగిలిన వాళ్ళు అందరూ కూడా తమ పాత్రలకి తగ్గట్టు నటించారు. మీనాక్షి చౌదరి హీరోయిన్ పాత్రకి తక్కువ, స్పెషల్ అప్పియరెన్స్ కి ఎక్కువ అనే పాత్రలో నటించారు. శ్రీలీల కూడా పర్వాలేదు. కానీ డాన్స్ తో పాటు యాక్టింగ్ విషయంలో కూడా శ్రీలీల ఇంకా శ్రద్ధ తీసుకొని ఉంటే బాగుండేది. రమ్యకృష్ణ తన పాత్ర పరిధి మేరకు చేశారు.

ప్రకాష్ రాజ్ కూడా ఉన్నంతలో బాగానే చేశారు. రాహుల్ రవీంద్రన్, వెన్నెల కిషోర్, ఈశ్వరి రావు, జయరాం, జగపతి బాబు, సునీల్ వీళ్ళందరూ కూడా తమ పాత్రకి తగ్గట్టు చేశారు. మనోజ్ పరమహంస సినిమాటోగ్రఫీ బాగుంది. త్రివిక్రమ్ గత చిత్రాలతో పోలిస్తే ఈ సినిమాలో కలర్ గ్రేడింగ్ అంతా కూడా కాస్త ఫ్రెష్ గా అనిపిస్తుంది. ఇంక మ్యూజిక్ డైరెక్టర్ తమన్ విషయానికి వస్తే ఇంకా శ్రద్ధ తీసుకొని ఉంటే బాగుండేది ఏమో అనిపిస్తుంది. ఒకటి, రెండు పాటలు బాగానే ఉంటాయి.

కానీ ఈ మధ్య తమన్ పాటలు అన్నీ కూడా ఒకటే రకంగా అనిపిస్తున్నాయి. కొన్ని సోషల్ మీడియా రెఫరెన్సెస్ బాగానే ఉన్నా కూడా, కొన్ని మాత్రం ఎందుకు వాడారు అర్థం కాదు. ఈ సినిమాలో పాటలు చిత్రీకరించిన విధానం బాగుంది కాబట్టి తెరపై చూడడానికి బాగున్నాయి. యాక్షన్ సీన్స్ కూడా బాగానే వర్కౌట్ అయ్యాయి. అంతా బాగానే ఉన్నా కూడా త్రివిక్రమ్ మార్క్ మాత్రం మిస్ అయ్యింది ఏమో అనిపిస్తుంది. మరి ఇది త్రివిక్రమ్ చేసిన ప్రయోగం కూడా అయ్యి ఉండొచ్చు. ఎలివేషన్స్ పక్కన పెట్టి, హీరోని సింపుల్ గా చూపించే ప్రయత్నం చేశారు. రైటింగ్ విషయంలో మాత్రం త్రివిక్రమ్ ఇంకా కొంచెం జాగ్రత్త తీసుకొని ఉంటే బాగుండేదేమో అనిపిస్తుంది.

ప్లస్ పాయింట్స్ :

• మహేష్ బాబు
• నిర్మాణ విలువలు
• కొన్ని ఎమోషనల్ సీన్స్
• డైలాగ్స్

మైనస్ పాయింట్స్:

• తెలిసిన కథ
• సరిగ్గా వాడని కొన్ని పాత్రలు

రేటింగ్ :

3/5

ట్యాగ్ లైన్ :

ఎక్కువ ఎక్స్పెక్టేషన్స్ పెట్టుకోకుండా, పెద్ద హీరో సినిమాలో ఎక్కువ ఎలివేషన్స్ ఉంటాయి అని అనుకోకుండా, సరదాగా అలా సాగిపోయే ఒక సినిమా చూద్దాం అనుకునే వారికి గుంటూరు కారం సినిమా ఒక మంచి డీసెంట్ కమర్షియల్ ఎంటర్టైనర్ గా నిలుస్తుంది.

watch trailer :