Sports Adda

దాదాపు రెండు నెలలపాటు క్రికెట్ మజాను పంచిన ఐపీఎల్ ముగిసింది. దీంతో ఇంగ్లాండ్ బయల్దేరి వెళ్లిన భారత క్రికెటర్లు వరల్డ్ టెస్ట్ ఛాంపియన్‌షిప్ కోసం సన్నద్ధం అవుతున్నారు. జూన్ ఏడో తేదీన ఆస్ట్రేలియా, టీమిండియా మధ్య డబ్ల్యూటీసీ ఫైనల్ మొదలు కానున్న సంగతి తెలిసిందే.

ఈసారి ఎలాగైనా సరే టైటిల్ గెలవాలనే పట్టుదలతో భారత జట్టు డబ్ల్యూటీసీ ఫైనల్లో బరిలోకి దిగుతోంది. పుజారా ముందే ఇంగ్లాండ్ వెళ్లి కౌంటీల్లో ఆడుతూ.. అక్కడి పరిస్థితులకు అలవాటు పడ్డాడు. మిగతా క్రికెటర్లు ఐపీఎల్ లీగ్ స్టేజ్ ముగిసిన దగ్గర్నుంచి దశల వారీగా ఇంగ్లాండ్ వెళ్లారు.రోహిత్ శర్మ ప్రాక్టీస్ చేస్తున్న ఫొటోలతోపాటు.. యువ ఓపెనర్ యశస్వి జైశ్వాల్‌కు కోహ్లి బ్యాటింగ్ టిప్స్ చెబుతున్న ఫొటోలు సోషల్ మీడియాలో వైరల్ అయ్యాయి.

ప్రాక్టీస్ సెషన్ లో ఉన్న కోహ్లీ ఫోటో కూడా ఒకటి బయటకి వచ్చింది. అయితే ఆ ఫోటోలో కోహ్లీ ఆర్సీబీ బాగ్ తో కనిపించాడు. దీనిపై నెటిజన్లు ఫన్నీ గా స్పందిస్తున్నారు. “అయ్యో ఎవరైనా గేమ్ కి వెళ్లేప్పుడు లక్కీ చార్మ్ ని తీసుకెళ్లారు. కానీ కోహ్లీ ఏంటి దీన్ని తీసుకెళ్లాడు”.. అంటూ ఒక యూసర్ కామెంట్ చెయ్యగా.. “ఆర్సీబీని కోహ్లీని ఎవరు వేరు చెయ్యలేరు..” అంటూ మరో యూసర్ కామెంట్ చేసాడు.

ఆర్సీబీ ఐపీఎల్ ప్లేఆఫ్స్ చేరకపోయినా.. కోహ్లి మాత్రం 14 మ్యాచ్ లలో 639 పరుగులు చేశాడు. రెండు వరుస సెంచరీలు చేయడం విశేషం. ఇక ఆరు హాఫ్ సెంచరీలు కూడా ఉన్నాయి. 2013 తర్వాత తొలి ఐసీసీ ట్రోఫీ కోసం చూస్తున్న ఇండియాకు కోహ్లి ఫామ్ కలిసొచ్చేదే.

ఐపీఎల్‌ వల్ల బీసీసీఐ ఆటగాళ్లను బ్యాచులు బ్యాచులుగా లండన్‌కు పంపిస్తోంది. భారత్‌ డబ్ల్యూటీసీ ఫైనల్‌ ఆడటం ఇది రెండోసారి. అరంగేట్రం ఫైనల్లో న్యూజిలాండ్‌ చేతిలో ఓటమి చవిచూసింది. మరోవైపు టీమ్‌ఇండియా ఇప్పటికే 15 మందితో కూడిన ప్రధాన జట్టును ప్రకటించింది. ముగ్గురు స్టాండ్ బై ఆటగాళ్లను తీసుకొంది. కోచ్ రాహుల్ ద్రవిడ్ నేతృత్వంలోని కోచింగ్ స్టాఫ్ తోడుగా ఉంది. ఈసారి ఎలాగైనా ప్రపంచ ఛాంపియన్ షిప్ కైవసం చేసుకోవాలని టీమ్ ఇండియా పట్టుదలగా ఉంది.

Also read: క్రికెట్ లో వాడే RED బాల్ కి, WHITE బాల్ కి, PINK బాల్ కి మధ్య ఉన్న “తేడా” ఏంటో తెలుసా..?

ఇండియన్ ప్రీమియర్ లీగ్‌ ప్రతిభ ఉన్న క్రికెటర్లకు భారత జట్టులో స్థానం సంపాదించడానికి మార్గం. ఐపీఎల్ ప్రపంచంలో అత్యంత ప్రజాదరణ పొందిన క్రికెట్ లీగ్. ఐపీఎల్ లో తమ సత్తాను చాటిన క్రికెటర్లు ఎంతోమంది టీం ఇండియాలో స్థానం పొందారు.

అలా గత రెండు ఐపీఎల్ సీజన్లలో తన ప్రతిభను చాటిన ఒక క్రికెటర్, భారతజట్టులో స్థానం సంపాదించుకున్నాడు  అందరి చేత టీమిండియా సూపర్ స్టార్ అనిపించుకున్నాడు. కానీ టీమిండియా తరుపునే కాకుండా ఐపీఎల్ 16వ సీజన్ లో రాణించలేదు. భారత్ కు ఆడేది కూడా అనుమానమే అంటున్నారు. ఆ క్రికెటర్ ఎవరో ఇప్పుడు చూద్దాం..
క్రికెట్ లో ప్రస్తుతం ఉన్న రూల్స్ బ్యాటర్స్ కు అనుకూలించే విధంగా ఉన్నాయి. అయితే టి20 ఫార్మాట్ లో బౌలింగ్ చేయాలంటే అంత తేలిక కాదు. బౌలింగ్ చేయాలంటే దడ పుడుతుంది. కొందరు బౌలర్లు మాత్రం వైవిధ్యమైన బాల్స్ తో బ్యాటర్స్ ను కట్టడి చేస్తుంటారు. బౌలింగ్ లో వైవిధ్యాన్ని చూపిస్తేనే బౌలర్లు క్రికెట్ లో నిలదొక్కుకోగలరు. అది వైవిధ్యాన్ని ప్రదర్శించలేక 2021 ఐపీఎల్ లో సంచలనం సృష్టించిన ఉమ్రాన్ మాలిక్ 16 వ సీజన్ లో రాణించ లేకపోయాడు.
కశ్మీర్‌ ఎక్స్‌ప్రెస్‌ పేరుగాంచిన 24 ఏళ్ల ఉమ్రాన్ మాలిక్ 2021 ఐపీఎల్ లో మొదటిసారి ఎంట్రీ ఇచ్చాడు. సన్ రైజర్స్ హైదరాబాద్ జట్టు తరుపున నెట్ బౌలర్ గా ఆడాడు. గంటకు 150 కిలోమీటర్ల వేగంతో బౌలింగ్ చేయడంతో ఉమ్రాన్ టాక్ ఆఫ్ ద టౌన్ అయ్యాడు. 2021లో ఆడింది తక్కువ మ్యాచ్ లే అయినా అందరి దృష్టిని ఆకర్షించాడు. 2022లో ఐపీఎల్ లో మరోసారి టాక్ ఆఫ్ ద లీగ్ అయ్యాడు. ఉమ్రాన్ క్రమం తప్పకుండా అదే వేగంతో బౌలింగ్ చేస్తుండడంతో అతడిని టీమిండియాకు సెలెక్ట్ చేశారు. ఆ సమయంలో ఉమ్రాన్ మాలిక్ పై ప్రశంసలు కురిసాయి. కానీ ఉమ్రాన్ టీమిండియా తరఫున రాణించలేదు. ఇక తాజాగా జరిగిన ఐపీఎల్ సీజన్ లో నిరాశపరిచాడు. 16వ సీజన్ లో ఎనిమిది మ్యాచ్ లు ఆడిన ఉమ్రాన్ తీసింది 5 వికెట్లు మాత్రమే. 10.85 ఎకానమీతో రన్స్ ఇచ్చాడు. దాంతో హైదరాబాద్ జట్టు ఉమ్రాన్ ని పక్కన పెట్టింది. ఉమ్రాన్ ప్రతి బాల్ ను 150 కిలో మీటర్ల వేగంతో వేస్తున్నాడు. కానీ వైవిధ్యాన్ని ప్రదర్శించడం లేదు. దాంతో ప్రత్యర్ధులు ఉమ్రాన్ పేస్ ను వాడి రన్స్ చేస్తున్నారు. వేగం ఉన్నా ఉమ్రాన్ బౌలింగ్ తో టీంకు నష్టం జరుగుతోంది. ఇలాగే ఉంటే ఉమ్రాన్ భారత జట్టుకు ఎంపిక అవ్వడం కష్టం అంటున్నారు.

Also Read: “అంబటి రాయుడుకి అన్యాయం చేశారు..!” అంటూ… అనిల్ కుంబ్లే కామెంట్స్..! ఏం జరిగిందంటే..?

ఇండియాలో అత్యంత ఇష్టపడే క్రీడలలో క్రికెట్ అగ్ర స్థానంలో ఉంటుంది. క్రికెట్ కెరీర్‌ గా ఎంచుకోవడానికి కూడా  చాలా పోటీ ఉంది. భారత జట్టులో స్థానం సంపాదించాలని ఎంతోమంది కల కంటూ ఉంటారు. ఎంతో టాలెంట్ ఉంటే తప్ప భారత జట్టులో చోటు సంపాదించలేరు.

అయితే కొంతమంది క్రికెటర్లకు ఎంతో ప్రతిభ ఉన్నప్పటికి, వారికి నిరూపించుకోవడానికి తగిన అవకాశాలు రావడం లేదు. అలా ఛాన్స్ లు లేక టన్నుల కొద్దీ ప్రతిభ, క్రికెట్ పట్ల ఎంతో ఆసక్తి ఉన్నా, కొందరు దురదృష్టం కొద్ది లెజెండరీ క్రికెటర్లుగా ఎదగలేకపోయారు. అలాంటి 5 గురు ఇండియన్ క్రికెటర్ల గురించి ఇప్పుడు తెలుసుకుందాం..
1. అంబటి రాయుడు:

అంబటి రాయుడు 2019 ప్రపంచకప్‌కు ముందు, జరిగిన మ్యాచ్ లలో అద్భుతంగా రాణించాడు. కానీ సెలక్టర్లు త్రీడీ ఆటగాడికి ప్రాధాన్యత ఇస్తూ, రాయుడును జట్టు నుంచి సడెన్ గా తొలగించారు. అయితే ప్రపంచకప్‌లో ఆటగాళ్లకు గాయపడ్డారు. అయినా , స్టాండ్‌బై ప్లేయర్‌గా ఉన్న రాయుడుని సెలెక్టర్లు జట్టులోకి తీసుకోలేదు. దీంతో అంబటి రాయుడు విచారంగా అంతర్జాతీయ క్రికెట్‌కు వీడ్కోలు పలికాడు. అలా అతని కల చెదిరిపోయింది.
2. కరుణ్ నాయర్:

వీరేంద్ర సెహ్వాగ్ తరువాత 2016లో కరుణ్ నాయర్ ఇంగ్లండ్‌ జట్టు పై ట్రిపుల్ సెంచరీ చేసి, ఇండియన్ క్రికెట్ చరిత్రలో రెండో బ్యాట్స్ మెన్ గా నిలిచాడు. కానీ దురదృష్టం నాయర్ ను వెంటాడింది. ట్రిపుల్ సెంచరీని చేసిన తర్వాత, జట్టులోకి తీసుకోలేదు. సాధారణంగా సెంచరీ చేసిన ఆటగాడు తరువాతి ఆటలో అయినా జట్టులో స్థానం దొరికే అవకాశం ఉంటుంది. కానీ ట్రిపుల్ సెంచరీ బాదిన నాయర్‌కు చోటు దక్కలేదు. క్రికెట్ చరిత్రలో ఇలాంటి ఘటనలు ఎప్పుడూ జరగలేదు.
3. వసీం జాఫర్:

వసీం జాఫర్ ‘ది లెజెండ్ ఆఫ్ డొమెస్టిక్ క్రికెట్’ గా పేరు గాంచాడు. జాఫర్ దేశవాళీ క్రికెట్‌లో ఇప్పటి వరకు ఎక్కువ పరుగులు చేసిన బ్యాట్స్‌మన్ గా నిలిచాడు. అతను 186 ఫస్ట్-క్లాస్ మ్యాచ్‌ల్లో ముంబైకి ఆడుతున్న సమయంలో 14609 పరుగులు చేశాడు. అంతే కాకుండా ఫస్ట్ క్లాస్ కెరీర్‌లో 46 సెంచరీలు చేశాడు.

2000లో అరంగేట్రం చేసిన జాఫర్ 31 టెస్టు మ్యాచ్‌ల్లో 34.11 రన్స్ సగటుతో 1944 రన్స్ చేశాడు. అప్పట్లో ఇది గౌరవప్రదమైన రికార్డు. అయితే, భారత జట్టుకు కఠిన సమయం రావడంతో, ప్లేయర్స్ రొటేషన్స్ లో మారుతుండడంతో అద్భుతమైన బ్యాటింగ్ టెక్నిక్ ఉన్నప్పటికీ, దురదృష్టం కొద్ది అతను జట్టులో స్థానం
కోల్పోయాడు.
4. ఇర్ఫాన్ పఠాన్:

ఇర్ఫాన్ పఠాన్ గురించి ప్రత్యేకంగా పరిచయం చేయవలసిన అవసరం లేదు. పాకిస్థాన్‌తో జరిగిన టెస్టు మ్యాచ్‌లో మొదటి ఓవర్‌లోనే హ్యాట్రిక్ వికెట్లు పడగొట్టి రికార్డును సృష్టించాడు. 23 ఏళ్ల వయసులో పఠాన్‌ మూడు ఫార్మాట్లలో అద్భుతంగా రాణిస్తుండడంతో అతనికి జూనియర్ కపిల్ దేవ్ గా పేరు వచ్చింది. అయితే అతనిని  దురదృష్టం అనేది గ్రెగ్ చాపెల్ రూపంలో వెంటాడింది.

చాపెల్ టీమ్ ఇండియా కోచ్ గా మారిన తరువాత అతను పఠాన్‌ను బలవంతంగా ఆల్ రౌండర్‌గా మార్చే ప్రయత్నం చేశాడు. చాపెల్ పఠాన్ ను బౌలింగ్ కన్నా బ్యాటింగ్‌ పై ఎక్కువ దృష్టి ఉంచేలా  చేశాడు. దాంతో రెండింటిని సమానంగా కొనసాగించడంలో పఠాన్ తడబడ్డాడు. దాంతో జట్టులో స్థానం కోల్పోయాడు. 173 అంతర్జాతీయ మ్యాచ్‌లు ఆడి తనకంటూ గుర్తింపు తెచ్చుకున్నప్పటికి అతని కెరీర్ 27 సంవత్సరాల వయస్సులో ముగిసింది.
5 . దినేష్ కార్తీక్:

దినేష్ కార్తీక్ పేరు వినగానే  నిదాహాస్ ట్రోఫీ ఫైనల్ మ్యాచ్ లో అతని బ్యాటింగ్‌ అందరికి గుర్తుకు వస్తుంది. కార్తీక్ దేశవాళీ క్రికెట్ లో అద్భుతంగా రాణించి మంచి గుర్తింపు తెచ్చుకున్నాడు. కానీ అతను భారత క్రికెట్ జట్టులో స్థానం పొందలేకపోయాడు. ఓపెనర్ గా మొదటి మ్యాచ్ ఆడటమే అతనికి శాపంగా మారింది.
అప్పటికే జట్టులో సౌరవ్ గంగూలీ, సచిన్ టెండూల్కర్, వీరేంద్ర సెహ్వాగ్ లాంటి టాప్ ఆర్డర్ బ్యాట్స్‌మెన్ ఉన్నారు. దాంతో కార్తీక్ ఎక్కువగా అవకాశాలు రాలేదు. ఇక ధోనీ ఉండడం వల్ల అతను వికెట్ కీపర్‌గాను రెండవ స్థానంలో ఉండేవాడు. ఎంతో ప్రతిభ ఉన్నా దినేష్ కార్తీక్ భారత అత్యంత దురదృష్టకర క్రికెటర్లలో ఒకరిగా నిలిచాడు.

Also Read: “ఫాఫ్ డూప్లెసిస్”… సౌత్ ఆఫ్రికా వాడు అయ్యుండి “అరబిక్” టాటూ ఎందుకు వేయించుకున్నాడో తెలుసా? వెనుక ఉన్న కథ ఇదే.!

ఐపీఎల్ 2023 విజేత చెన్నై సూపర్‌కింగ్స్ ఫైనల్ హీరో అంబటి రాయుడు ఆ మ్యాచ్‌తో మరోసారి చర్చల్లోకొచ్చాడు. తక్కువ స్కోరే అయినా ధాటిగా ఆడి జట్టు విజయానికి దోహదపడ్డాడు. అది కూడా తన చిట్ట చివరి ఆటలో. ఈ మ్యాచ్ తర్వాత ఐపీఎల్ కు కూడా రాయుడు గుడ్ బై చెప్పాడు.

అయితే రాయుడికి ఉన్న ప్రతిభకి టీమిండియాలో వచ్చిన అవకాశాలకు అసలు పొంతనే లేదు. కెరీర్ తొలినాళ్లలో సచిన్ అంతటివాడు అవుతాడని అనుకున్నా.. తాను వేసిన తప్పటడుగులతో రాయుడుకి తగిన గుర్తింపు రాలేదు. ముఖ్యంగా టీమిండియాలో చోటు విషయంపై అంబటికి బీసీసీఐ అన్యాయం చేసిందని తాజాగా అనిల్ కుంబ్లే వ్యాఖ్యానించారు.

టీమ్ ఇండియా మాజీ క్రికెటర్, చెన్నై సూపర్‌కింగ్స్ స్టార్ బ్యాటర్ అంబటి రాయుడు గురించి ప్రత్యేకంగా చెప్పుకోవల్సిన అవసరం లేదు. ధాటిగా ఆడటంలో అంబటి రాయుడు ప్రత్యేకం. జట్టుకు అవసరం ఉన్నప్పుడు తప్పకుండా చేయత అందిస్తుంంటాడు. 2018-19 మధ్యకాలంలో టీమ్ ఇండియాలో వచ్చిన అంబటి రాయుడు అద్భుతంగా రాణించాడు. నాలుగవ స్థానంలో బరిలో దిగినా జట్టును గెలిపించే ఇన్నింగ్స్‌లు ఆడాడు.

ఇదే సమయంలో 2019 వన్డే ప్రపంచకప్‌లో రాయుడు ఆడతాడని అందరూ భావించారు. కానీ బీసీసీఐ సెలెక్షన్‌ కమిటీ పెద్ద షాక్‌ వచ్చింది. 2019 వన్డే ప్రపంచకప్‌కు రాయుడును కాదని ఆల్‌రౌండర్‌ విజయ్‌ శంకర్‌ను ఎంపిక చేశారు. దీంతో నిరాశ చెందిన రాయుడు బీసీసీఐపై బహిరంగంగానే విమర్శలు గుప్పించాడు. అంతేకాకుండా అంతర్జాతీయ క్రికెట్‌ నుంచి తప్పుకున్నాడు. అయితే ఆటపై మక్కువతో తన రిటైర్మెంట్‌ నిర్ణయాన్ని వెనక్కు తీసుకున్నప్పటికీ టీమిండియాలో మళ్లీ చోటు దక్కలేదు.

ఇప్పుడు ఇదే విషయంపై టీమిండియా మాజీ హెడ్‌ కోచ్‌ అనిల్‌ కుంబ్లే స్పందించాడు. ‘రాయుడు 2019 ప్రపంచకప్‌ ఆడాల్సింది. అందులో ఎలాంటి సందేహం లేదు. అయితే రాయుడిని తప్పించి సెలక్షన్‌ కమిటీతో పాటు జట్టు మెనేజ్‌మెంట్‌ పెద్ద తప్పు చేసింది. కెప్టెన్‌ కోహ్లీ, కోచ్‌ రవిశాస్త్రి అతడిని నాలుగో స్థానం కోసం ఆరునెలల పాటు సిద్ధం చేశారు. కానీ ఆ తర్వాత జట్టులో స్థానం లేకుండా చేశారు. ఇది నాకు చాలా ఆశ్చర్యం కలిగించింది’ అని కుంబ్లే షాకింగ్‌ కామెంట్స్‌ చేశాడు.ప్రస్తుతం కుంబ్లే వ్యాఖ్యలు వైరల్ గా మారాయి.

Also read: అప్పుడు “షేన్ వార్న్”… ఇప్పుడు “ధోనీ”..! ఇలాంటి ఘనత వీరికే సాధ్యం ఏమో..!

ఐపీఎల్ 2023 ఫైనల్ లో గుజరాత్ పై అద్భుతమైన విజయాన్ని అందుకుని ఐదో సారి కప్పు అందుకుంది చెన్నై సూపర్ కింగ్స్. 16వ ఐపీఎల్ లో 5 వికెట్ల తేడాతో గెలుపొంది చెన్నై తన సత్తాను మరోసారి చాటింది. అయితే ప్రస్తుతం చెన్నై కెప్టెన్ మహేంద్రసింగ్ ధోని వయసు 41 ఏళ్ళు.

అయితే ఐదోసారి కప్పును ఎగరేసుకుపోయిన చెన్నై టీం లో చాలా మంది సీనియర్ ప్లేయర్స్ ఉన్నారు. దీంతో వీరిపై డాడీస్ ఆర్మీ అనే పేర్లు కూడా వచ్చాయి. కానీ వాటన్నిటిని పట్టించుకోకుండా విజేతలుగా నిలిచారు. అయితే ధోని ఎంత గొప్ప కెప్టెన్ అన్న విషయం మనకి తెల్సిందే.. ఆయన తన జట్టును నడిపించే తీరు.. వారిని ప్రోత్సహించే తీరుతో ఆతని మలుపు తిప్పగలరు.

అయితే ఈ ఐపీయల్ సీజన్ లో ధోని తన బ్యాట్ తో మెరుపులు మెరిపించలేదు కానీ.. టీ20 అనేది యువ ప్లేయర్ల ఆట కావచ్చు. అయితే, ఇక్కడ సీనియర్ కెప్టెన్ ఉంటే చాలా ప్రయోజనాలు ఉంటాయి. కెప్టెన్ నుంచి స్ఫూర్తి పొందడం, బృంద స్ఫూర్తితో ముందుకు వెళ్లడం లాంటివి ఇక్కడ మనకు కనిపిస్తాయి. సగటు ప్రతిభను కనబరిచే టీమ్‌లను కూడా ప్లేయర్లను గౌరవిస్తూ, సరైన సందేశాలను ఇస్తూ మంచి కెప్టెన్‌లు విజయాల దిశగా నడిపించగలరు.

సీఎస్‌కేకు ధోనీ తొలి టైటిల్ తెచ్చిపెట్టినప్పుడు ఆయన వయసు 28 ఏళ్లు. 35 ఏళ్ల తర్వాత కూడా ధోనీ తన జట్టుకు మూడు టైటిల్స్ తెచ్చిపెట్టారు. 41 ఏళ్ళ వయసులో మరోసారి టైటిల్ ని ఖాతాలో వేసుకున్నారు.

ధోని లాగే 15 ఏళ్ల కిందట ‘ఇండియన్ ప్రీమియర్ లీగ్ (ఐపీఎల్)’ మొదటి సీజన్‌లో రాజస్థాన్ రాయల్స్ జట్టుకు 38 ఏళ్ల షేన్ వార్న్ నేతృత్వం వహించి విజయం దిశగా నడిపించారు. దేశ జాతీయ జట్టుకు కెప్టెన్సీ చేయని అతిగొప్ప ప్లేయర్‌గా ఆయన్ను వర్ణించారు.

షేన్ వార్న్ వ్యూహకర్తగా, మార్గదర్శిగా ఆయన జట్టును నడిపించారు. కానీ, ఆస్ట్రేలియా ఎన్నడూ ఆయన్ను కెప్టెన్సీ మెటీరియల్‌గా చూడలేదు. కానీ, ఐపీఎల్ ఆయనకు అవకాశం ఇచ్చింది. ఆ నమ్మకాన్ని ఆయన నిలబెట్టుకున్నారు. అలాగే ఐపియల్ రెండో సీజన్ లో 38 ఏళ్ల ఆడమ్ గిల్‌క్రిస్ట్ ఈ కప్పును డెక్కన్ చార్జర్స్‌కు తెచ్చిపెట్టారు. అటు వార్న్, ఇటు ధోనీ.. ఇద్దరూ సమయానికి తగినట్లుగా నడుచుకునే కెప్టెన్లు. ప్లేయర్లలో వీరు స్ఫూర్తి నింపుతారు. అవసరమైతే మందలిస్తారు కూడా.

వేగంగా మారుతున్న గేమ్‌ను అన్ని కోణాల్లోనూ చూడగలిగే సీనియర్ ప్లేయర్లకు ఐపీఎల్ లాంటి జట్ల సారథ్య బాధ్యతలను అప్పగించడం చాలా మంచి పని అని విశ్లేషకుల అభిప్రాయం. తాజాగా ధోని రిటైర్మెంట్ గురించి మాజీ క్రికెటర్ వీరేంద్ర సెహ్వాగ్ మాట్లాడుతూ.. “ఐపీఎల్ 2023 సీజన్‌లో మొత్తం కలిపి ధోనీ ఆడిన బంతులు ఓ 40-50 ఉండొచ్చు. కాబట్టి.. ధోనీ ఇప్పుడు కేవలం కెప్టెన్సీ కోసం ఆడుతున్నాడు. రాబోవు సీజన్లలో ధోనీని చెన్నై టీమ్ మెంటార్ లేదా కోచ్ లేదా డైరెక్టర్ ఆఫ్ క్రికెట్‌గా చూసే అవకాశం ఉంది’’ అని సెహ్వాగ్ చెప్పుకొచ్చాడు.

Also read: IPL నుండి ధోని రిటైర్ అవ్వకుండా… BCCI తీసుకొచ్చిన కొత్త నియమం ఏంటో తెలుసా..?

క్రికెట్‌లో ఉపయోగించే 3 రకాల బాల్స్ గురించి క్రికెట్ చూసేవారికి తెలిసే ఉంటుంది. టెస్ట్‌ క్రికెట్‌కు రెడ్‌ మరియు  పింక్‌ బాల్స్‌, వన్డే మరియు టీ20 లాంటి పరిమిత ఓవర్లు ఆడే క్రికెట్‌కు వైట్‌బాల్‌ ఉపయోగిస్తున్నారు.

వీటిని తయారు చేసేందుకు వాడే మెటీరియల్‌ దాదాపు ఒకటే అయినా రంగులు మాత్రం వేరు. అయితే క్రికెట్ లో  ఎందుకు 3 రకాల బాల్స్ వాడతారు? ఈ బాల్స్ మధ్య ఉండే తేడా ఏమిటో ఇప్పుడు చూద్దాం..
క్రికెట్ లో మొదటి నుండి కూడా రెడ్ బాల్ ను ఉపయోగిస్తున్నారు. 1971లో వన్డే క్రికెట్ ప్రారంభించిన తరువాత రెడ్ బంతితో వన్డే మ్యాచ్ ఆడటం కష్టం అయ్యింది. ఎందుకంటే సాధారణంగా టెస్ట్ మ్యాచ్ లో రోజుకి 90 ఓవర్లు బౌలింగ్ చేయవచ్చు. వెలుగు బాగా ఉన్నప్పుడు 98 ఓవర్లు వరకు బౌలింగ్ చేస్తారు. అయితే మొదట్లో వన్డే క్రికెట్ లో ఇన్నింగ్స్ కు అరవై ఓవర్లు ఉండేవి. అంటే మధ్యాహ్న సమయంలోనే 120 ఓవర్లు పూర్తి చెయ్యాలి. కానీ 120 ఓవర్లు ఒక్కరోజులో  పూర్తి చెయ్యడం చాలా కష్టం.
రెడ్ బాల్ పగటి సమయంలోనే బాగా కనిపిస్తుంది. కానీ ఫ్లడ్‌లైట్ల వెలుతురులో రెడ్‌ బాల్‌ ఎక్కువగా కనిపించదు. ఆ వెలుతురులో రెడ్ బాల్ గోధుమ రంగులో కనిపిస్తుంది. ఇక పిచ్ కూడా కొంచెం బ్రౌన్ కలర్ లోనే ఉంటుంది. దానివల్ల బ్యాటర్ బంతిని సరిగ్గా గమనించలేడు. ఇక మొదట్లోవన్డేలలో లైట్ ఫెయిల్ అయిన సందర్భాలలో మ్యాచ్ ను ఆపి, ఆ మరుసటి రోజు కంటిన్యూ చేసేవారు. దీంతో 1977 లో వైట్ బాల్ ను తీసుకొచ్చారు. అలాగే వన్డే మ్యాచులను డే అండ్ నైట్ ఆడటం ప్రారంభించారు. ఫ్లడ్‌లైట్ల వెలుతురులో వైట్ బాల్ అనేది క్లియర్ గా కనిపిస్తుంది.
2015లో టెస్ట్ క్రికెట్ ను కూడా డే అండ్ నైట్ ఆడటం మొదలుపెట్టారు. కానీ అయితే ఫ్లడ్ లైట్స్ వెలుతురులో  రెడ్ బంతితో ఆడటం చాలా కష్టం. అందువల్ల టెస్ట్ మ్యాచ్ కోసం పింక్ బాల్ ను తీసుకువచ్చారు. అయితే  డే అండ్ నైట్ టెస్ట్ మ్యాచ్ లను వైట్ బాల్ తో ఆడితే అయిపోయేది కదా అనుకోవచ్చు. కానీ టెస్ట్ మ్యాచ్ లను వైట్ జెర్సీలు ధరించి  ఆడతారు. అందువల్ల టెస్టుల్లో వైట్ బాల్ తో  ఆడితే అది ఇబ్బంది అవుతుంది. కాబట్టి పింక్ బాల్ ను వాడుతున్నారు.

రెడ్ బాల్ – పింక్ బాల్ మధ్య  తేడా:

రెడ్ బాల్ కు పింక్ బాల్ కు అయితే ఎక్కువగా తేడా ఉండదు. అయితే టెస్ట్ మ్యాచుల్లో నైట్ టైం ఎండ ఉండదు కాబట్టి పిచ్ పైన జీవం అలాగే ఉంటుంది. దాంతో పింక్ బాల్ రాత్రి సమయంలో కొంచెం ఎక్కువగా స్వింగ్ అవుతుంది. పరిస్థితుల వల్ల ఈ బాల్స్  మధ్య కాస్త తేడా ఉంటుంది. ప్రోపర్టీస్ ఒకటే.
రెడ్ బాల్ – వైట్ బాల్ మధ్య తేడా:

1. రెడ్ బాల్ సీమ్ థ్రెడింగ్ కాస్త దగ్గరగా ఉంటుంది. బంతి పైన ఉండే కుట్లు కాస్త దగ్గరగా ఉంటాయి. అందువల్లే రెడ్ బాల్ ఎనబై ఓవర్స్ దాకా స్ట్రాంగ్ ఉంటుంది. వైట్ బంతి పైన ఉండే థ్రెడింగ్ కొంచెం వైడ్ గా ఉంటుంది. అందువల్ల వైట్ బాల్ 50 ఓవర్స్ అయిపోయేసరికి షేప్ అవుట్ కావడం మొదలవుతుంది.
2. వైట్ బాల్ ఫినిషింగ్ స్మూత్ గా, షైనీ గా ఉంటుంది. దీని వల్లే మ్యాచ్ మొదట్లో వైట్ బాల్ ఎక్కువ స్వింగ్ అవుతుంది. మ్యాచ్ అయ్యే కొద్ది తొందరగా పాతగా అవడం, మురికిగా మారడం వల్ల షైన్ పోయి స్వింగ్ తగ్గుతుంది. రెడ్ బాల్ ఫినిషింగ్ కాస్త హార్డ్ గా ఉంటుంది. దాని షైనింగ్, రఫ్ పార్ట్ ఎక్కువ సమయం వరకు ఉంటాయి. దాంతో మొదట్లో 30 ఓవర్స్ దాకా బాల్ ఎక్కువగా స్వింగ్ అవుతుంది.
3. రెడ్ బాల్ తో పోలిస్తే వైట్ బాల్ బరువు ఎక్కువగా ఉంటుంది. దాంతో బౌలర్ వైట్ బాల్ ను ఎక్కువగా కంట్రోల్ చెయ్యలేరు. ఎక్కువ స్కిల్ ఉన్న బౌలర్స్ వారు అనుకున్న లైన్ అండ్ లెంగ్త్ లో వైట్ బాల్ తో నిలకడగా వెయ్యగలరు. రెడ్ బాల్ బరువు కొంచెం తక్కువగా ఉండటం వల్ల ఏ బౌలర్ అయినా వేయగలరు.

Also Read: IPL నుండి ధోని రిటైర్ అవ్వకుండా… BBCI తీసుకొచ్చిన కొత్త నియమం ఏంటో తెలుసా..?

కెప్టెన్‌గా కూల్ గా పేరుగాంచిన మహేంద్ర సింగ్ ధోనీకి ఎంత క్రేజ్ ఉందో ప్రత్యేకంగా చెప్పనవసరం. లేదు. తాజాగా ఐపీఎల్‌ 16 వ సీజన్ విజేతగా చెన్నై జట్టును నిలబెట్టాడు. అంతేకాదు ఐపీఎల్ లో అత్యధిక టైటిల్స్ గెలిచిన రోహిత్ కు సమంగా నిలచాడు.

ఐపీఎల్‌లో ధోనీకి దక్కిన క్రేజ్ మరో ప్లేయర్ కి దక్కలేదు అని చెప్పవచ్చు.  11 సార్లు ఐపీఎల్ ఫైనల్ కు ఆడిన ప్లేయర్ ఎవరైనా ఉన్నారా అంటే ఆ ప్లేయర్ మహేంద్ర సింగ్ ధోనీ మాత్రమే. చెన్నై జట్టును కెప్టెన్‌గా పదవసారి ఫైనల్ తీసుకెళ్లిన ధోనీ, ఈ సీజన్ లో గెలిచిన తరువాత ఐపీఎల్‌కు రిటైర్మెంట్ గురించి ప్రకటన చేస్తాడని ఎప్పటి నుండో చర్చ జరుగుతోంది. దానికి కారణం ధోనీ మోకాలి నొప్పితో ఇబ్బంది పడడటం. ఇక ధోనీ కూడా ఈ సీజన్ మొదట్లో చాలా సార్లు రిటైర్మెంట్‌ పై సిగ్నల్స్ ఇచ్చాడు. అయితే రీసెంట్ గా ధోనీ మాట్లాడుతూ రిటైర్మెంట్ పై నిర్ణయించుకోవడానికి ఇంకా సమయం ఉందని అన్నాడు. 17 వ సీజన్‌కు ముందు రిటైర్మెంట్ పై ఒక నిర్ణయం తీసుకుంటానని చెప్పాడు. అయితే రాబోయే ఐపీఎల్‌‌ సీజన్ లో ధోనీ ఆడే అవకాశాలు ఉన్నాయి. ఒకప్పటిలా ఆడలేకపోయినప్పటికీ, జట్టు కోసం వ్యూహా రచనలో ధోనీ బ్రెయిన్ చురుగ్గా పని చేస్తోంది.అందువల్ల రిటైర్మెంట్ గురించి ధోనికే వదిలేయాలని చెన్నై జట్టు మేనేజ్‌మెంట్ ఎప్పుడో నిర్ణయించుకుంది. నిజానికి ధోనీ ఆడితేనే చెన్నై జట్టు ఫ్రాంచైజీకి ఉపయోగం అని చెప్పవచ్చు. ఇక ధోనీ తన ఐపీఎల్ కెరీర్ ను పొడిగించుకునేలా ఇంపాక్ట్ ప్లేయర్ అనే నిబంధనను బీసీసీఐ తీసుకొచ్చింది. సాధారణంగా ధోనీ లోయర్ ఆర్డర్‌లో బ్యాటింగ్‌ చేశాడు. ఇంపాక్ట్ ప్లేయర్ నిబంధన వల్ల అదనపు బ్యాట్స్ మెన్ లేక  బౌలర్‌ను వాడుకునే అవకాశం ఉంటుంది. కాబట్టి ధోనీ బ్యాటింగ్ ఆర్డర్లో ఇంకా దిగువ స్థానంలో బ్యాటింగ్‌ చేయడానికి  వీలవుతోంది.
16 వ సీజన్ లో ఇప్పటి దాకా చెన్నై జట్టు  15 మ్యాచ్‌లు ఆడింది. ధోనీ 62 బంతులను ఆడి 104 పరుగులు మాత్రమే చేశాడు. చెన్నై జట్టులో బాగా ఆడే బ్యాటర్లు ఉన్నారు. అందువల్ల ధోనీకి బ్యాటింగ్‌ చేసే ఛాన్స్ ఎక్కువగా రావడం లేదు. ధోనీ  నుంచి చెన్నై జట్టు ఆశించేది నాయకత్వం, వ్యూహరచన మాత్రమే. ధోనీ బ్యాటర్ గా రాణించలేకపోయినా  ఆ ఫ్రాంచైజీకి అంతగా బాధ లేదు. దీన్ని బట్టి 16 వ సీజన్‌కు ప్రారంభం అయ్యే ముందుగా బీసీసీఐ తెచ్చిన ఇంపాక్ట్ ప్లేయర్ నిబంధన ధోనీని మరి కొన్ని సంవత్సరాలు ఐపీఎల్‌ లో ఆడించడం కోసమే అన్నట్లుగా అనిపిస్తోంది.

Also Read: IPL 2023: విజేతగా నిలిచిన చెన్నై..! ప్రైజ్‌మనీ, అవార్డుల వివరాలు ఇవే..!

ప్రపంచంలోనే అత్యంత ధనిక క్రికెట్ లీగ్ ఐపీఎల్ 16వ సీజన్ గ్రాండ్ గా ముగిసింది. ఐపీఎల్ 2023 విజేతగా చెన్నై సూపర్ కింగ్స్ జట్టు నిలిచింది. నరేంద్ర మోదీ స్టేడియం వేదికగా జరిగిన ఫైనల్‌లో మ్యాచ్ లో చెన్నై జట్టు 5 వికెట్ల తేడాతో గుజరాత్ జట్టు పై విజయం సాధించింది.

డెవాన్ కాన్వే 25 బాల్స్ లో 47 రన్స్ చేసి ప్లేయర్ ఆఫ్ ద మ్యాచ్‌గా నిలిచాడు. ఈ గెలుపుతో కెప్టెన్ ధోనీ అత్యధిక ఐపీఎల్ టైటిళ్లను సాధించిన ప్లేయర్స్ లో రోహిత్‌ శర్మను సమం చేశాడు. ఇక ఇతర జట్లు మరియు ప్లేయర్స్ ప్రత్యేక అవార్డులను పొందారు. అయితే ఎవరెవరికి ఏ అవార్డు వచ్చిందో ఇప్పుడు చూద్దాం..
ఐపీఎల్ ప్రైజ్‌మనీ మొత్తం:
రూ. 46 కోట్ల, 50 లక్షలు

• విజేతగా నిలిచిన జట్టుకి : రూ. 20 కోట్లు(చెన్నై సూపర్ కింగ్స్)
• రన్నరప్‌ గా నిలిచిన జట్టుకు: రూ. 13 కోట్లు(గుజరాత్ టైటాన్స్‌)
• మూడో స్థానంలో ఉన్న జట్టుకి : రూ. 7 కోట్లు (ముంబై ఇండియన్స్‌)
• నాలుగో స్థానంలో ఉన్న జట్టుకి : రూ. 6 కోట్ల 50 లక్షలు (లక్నో సూపర్‌ జెయింట్స్‌)
  

ఆరెంజ్‌ క్యాప్‌ (అత్యధిక పరుగులు చేసిన బ్యాటర్‌) :

శుబ్‌మన్‌ గిల్‌ (17 మ్యాచ్‌లు: 890 పరుగులు) సెంచరీలు: 3, హాఫ్ సెంచరీలు: 4

ఐపీఎల్‌ టోర్నీలో ఆరెంజ్‌ క్యాప్‌ సాధించిన తక్కువ వయస్కుడిగా శుబ్‌మన్‌ గిల్‌ (23 ఏళ్ల 263 రోజులు) రికార్డ్ సృష్టించాడు.

ప్రైజ్‌మనీ: రూ. 15 లక్షలు
పర్పుల్‌ క్యాప్‌ (అత్యధిక వికెట్లు తీసిన బౌలర్‌) :

మొహమ్మద్‌ షమీ (17 మ్యాచ్‌లు: 28 వికెట్లు)

ప్రైజ్‌మనీ: రూ. 15 లక్షలు
ఇతర అవార్డులు, ప్రైజ్‌మనీ:

మోస్ట్‌ వాల్యుబుల్‌ ప్లేయర్‌ ఆఫ్‌ ది సీజన్‌: శుబ్‌మన్‌ గిల్‌ (రూ. 10 లక్షలు)

సూపర్‌ స్ట్రైకర్‌ ఆఫ్‌ ది సీజన్‌: గ్లెన్‌ మాక్స్‌వెల్‌ (ఆర్సీబీ- రూ. 10 లక్షలు)

గేమ్‌ ఛేంజర్‌ ఆఫ్‌ ది సీజన్‌: శుబ్‌మన్‌ గిల్‌ (రూ. 10 లక్షలు)

లాంగెస్ట్‌ సిక్స్‌ ఆఫ్‌ ది సీజన్‌ : ఫాఫ్‌ డుప్లెసిస్‌ (రూ. 10 లక్షలు)

క్యాచ్‌ ఆఫ్‌ ది సీజన్‌: రషీద్‌ ఖాన్‌ (రూ. 10 లక్షలు)

సీజన్‌లో అత్యధిక ఫోర్లు: శుబ్‌మన్‌ గిల్‌ (రూ. 10 లక్షలు)

ఫెయిర్‌ ప్లే అవార్డు: ఢిల్లీ క్యాపిటల్స్‌

ఉత్తమ పిచ్‌, గ్రౌండ్‌ ఆఫ్‌ ది సీజన్‌: వాంఖడే స్టేడియం, ఈడెన్‌ గార్డెన్స్‌ (రూ. 50 లక్షలు)

Also Read: పైసా వసూల్ పెర్ఫార్మెన్స్ అంటే వీళ్లదే … IPL 2023 లో తీసుకున్న డబ్బులకు న్యాయం చేసిన 3 ప్లేయర్స్.!

ఐపీఎల్ అనేది చాలా మందికి ఒక మంచి అవకాశం. ఇక్కడ గనక తమ ప్రతిభని చూపిస్తే నేరుగా టీం ఇండియా జట్టులో చేరే అవకాశం ఉంటుంది. అందుకే ఆటగాళ్లందరూ తమ బెస్ట్ ఇవ్వడానికి ప్రయత్నిస్తారు.

ఈ ఐపీఎల్‌లో యశస్వి జైస్వాల్, తిలక్ వర్మ, సుయాష్ శర్మ, రింకూ సింగ్ లాంటి యువ ప్లేయర్స్.. తమ అద్భుతమైన ఆటతీరుతో టీమిండియా తలుపు తడుతుంటే.. మరికొందరు ఆటగాళ్లు పేలవమైన ఫామ్‌తో వచ్చిన ఛాన్స్‌లు మిస్ చేసుకుంటున్నారు.

ఈ సీజన్ లో ఫెయిల్ అవ్వడం వల్ల కొందరు ఆటగాళ్లకు టీమిండియా తలుపులు మూసుకుపోయినట్టే అని క్రీడా విశ్లేషకులు చెబుతున్నారు. ఇప్పుడు వాళ్లెవరో చూద్దాం..

#1 సర్ఫరాజ్ ఖాన్

దేశవాళీ క్రికెట్‌లో అద్భుతంగా రాణించిన సర్ఫరాజ్ ఖాన్.. ఈ ఏడాది ఢిల్లీ క్యాపిటల్స్ తరపున ఆడాడు. 4 మ్యాచ్‌ల్లో 13.25 సగటుతో 53 పరుగులు మాత్రమే చేశాడు. దీన్ని బట్టి సర్ఫరాజ్ ఖాన్ కి టీమిండియాలోకి చోటు దక్కడం కష్టమే అనిపిస్తోంది.

#2 దీపక్ హుడా

భారత్ తరఫున 10 వన్డేలు, 21 టీ20లు ఆడిన దీపక్ హుడా.. ఐపీఎల్‌లో లక్నో సూపర్ జెయింట్స్‌కు ప్రాతినిధ్యం వహిస్తున్నాడు. ఈ సీజన్‌లో దీపక్  హుడా 12 మ్యాచ్‌ల్లో 7.64 సగటుతో 84 పరుగులు మాత్రమే చేశాడు. దీంతో ఇతడి భవిష్యత్తు ప్రశ్నార్థకం గా మారింది.

#3 పృథ్వీ షా

ఈ సీజన్‌లో ఢిల్లీ క్యాపిటల్స్ తరపున ఆడుతోన్న పృథ్వీ షా ఘోరంగా అట్టర్ ఫ్లాప్ అయ్యాడు. ఆడిన ఎనిమిది మ్యాచుల్లో 13.25 సగటుతో 106 పరుగులు చేశాడు. దీంతో టీమిండియాలో చోటు దక్కించుకోవడం కష్టమే అని క్రీడా విశ్లేషకులు చెబుతున్నారు.

#4 రాహుల్ త్రిపాఠి

భారత్ తరఫున 5 టీ20ల్లో 97 పరుగులు చేసిన త్రిపాఠి.. ఈ సీజన్‌లో ఒకట్రెండు మినహా చెప్పుకోదగ్గ ఇన్నింగ్స్‌లు ఆడలేదు. 13 మ్యాచ్‌ల్లో 22.75 సగటుతో 273 పరుగులు చేశాడు.

#5 దీపక్ చాహర్

దీపక్ చాహర్ ఈ సీజన్‌లో చెన్నై సూపర్ కింగ్స్ తరఫున 9 మ్యాచ్‌లు ఆడి 12 వికెట్లు పడగొట్టాడు. గాయాలు కారణంగా చాలావరకు మ్యాచ్‌లకు దూరంగా ఉన్నాడు. దీంతో అతడి ఫిట్‌నెస్ ప్రశ్నార్థకంగా మారింది.

Also read: CSK VS GT IPL 2023 క్వాలిఫైయర్ మ్యాచ్‌లో… డాట్ బాల్‌కి చెట్టుని ఎందుకు చూపిస్తున్నారో తెలుసా? కారణం ఇదే.!