Sports Adda

విరాట్ కోహ్లీ ఆటపై ఎన్నో ట్రోల్స్ వచ్చాయి. మొన్న మ్యాచ్ అదరకొట్టి కోహ్లీ ప్రశంసలను అందుకున్నాడు. విరాట్ ఆట వలనే పాకిస్థాన్ పై ఇండియా గెలిచింది. అయితే సిడ్నీ గ్రౌండ్ లో మాత్రం ఇండియా చాలా రికార్డ్స్ ని క్రియేట్ చేసిందనే చెప్పాలి.

భారత జట్టుకి ఇది లక్కీ. 4 మ్యాచ్‌లను ఆడగా టీమిండియా 3 గెలిచింది. ముఖ్యంగా విరాట్ కి ఇది అదృష్టమని అనచ్చు. ఎందుకంటే మాజీ కెప్టెన్ విరాట్ కోహ్లి ఇక్కడ ఆడిన ప్రతీ మ్యాచ్ లో కూడా అదరకొట్టేసాడు.

సిడ్నీ గ్రౌండ్ లో విరాట్ ఆడిన 4 ఇన్నింగ్స్‌ లో 79 సగటుతో 236 పరుగులు చేశాడు. అయితే వీటిలో త్రి హాఫ్ సెంచరీలు వున్నాయి. 85 రన్స్ SCGలో ఎక్కువ స్కోర్ చేసాడు విరాట్. వీటిని చూస్తేనే అర్ధం అవుతోంది కోహ్లీ ఇక్కడ ఎంత బాగా ఆడుతున్నాడనేది. ఇక రోహిత్ అయితే రెండు మ్యాచ్లు ఆడాడు. ఈ రెండింట్లో 75 పరుగులు చేశాడు. అయితే పాకిస్థాన్ తో పోటీ పడుతున్నప్పుడు రోహిత్ ఫెయిల్ అయ్యాడు.

మరి నెదర్లాండ్స్ తో ఎలా ఆడతాడనేది చూడాలి. ఆ మ్యాచులో విఫలమైన రోహిత్ కి ఈ మ్యాచ్ కీలకంగా ఉండనుంది. మళ్ళీ ఫామ్ లోకి రోహిత్ వచ్చి ఆడాలని రోహిత్ చెబుతున్నాడు. సిడ్నీ గ్రౌండ్ స్పిన్నర్లకు బాగుంటుంది. కృనాల్ పాండ్యా లెఫ్ట్ ఆర్మ్ స్పిన్నర్. ఇక్కడ కృనాల్ 4 వికెట్లు పడగొట్టాడు. 36 పరుగులును ఇచ్చాడు.  సూపర్ 12 రౌండ్‌ లో ఇండియా నెదర్లాండ్స్‌, దక్షిణాఫ్రికా, జింబాబ్వే, బంగ్లాదేశ్‌లతో ఆడనుంది.

టీ20 ప్రపంచకప్ కోసం భారత జట్టు ఇప్పటికే ఆస్ట్రేలియాకు చేరుకుంది. 14 మంది సభ్యులతో భారత్ ఆస్ట్రేలియాకు చేరుకుంది. బయలుదేరే ముందు భారత జట్టు.. కోచింగ్ స్టాఫ్, ఇతర సహాయక సిబ్బందితో గ్రూప్ ఫోటో దిగింది. ఇక ఆ ఫోటోలో ఒక వైపు టీమిండియా ప్లేయర్లు ఉంటే.. మరో సైడ్ కోచింగ్ స్టాఫ్ తో పాటు ఇతర సిబ్బంది ఉన్నారు. ఒక రకంగా చెప్పాలంటే భారత టీం కంటే కూడా స్టాఫ్ టీమే పెద్దదిగా కనిపించింది. మొత్తం 16 మంది టీమిండియాకు సహయక సిబ్బందిగా ఉన్నారు.

అయితే టీం స్టాఫ్ సిబ్బందిలో ఒక మహిళ కూడా కనిపించింది. దాంతో ఆమె ఎవరు? టీమిండియాలో ఆమె రోల్ ఏంటో తెలుసుకునేందుకు అభిమానులు ఆసక్తి ప్రదర్శిస్తున్నారు.

ఆమె పేరు రాజలక్షి అరోరా. ఆమె టీమిండియా పురుషుల జట్టుకు సంబంధించిన మీడియా విషయాలను చూసుకుంటుంది. 2015 లో రాజలక్ష్మి బీసీసీఐ లో సోషల్ మీడియా మేనేజర్ గా చేరారు. ప్రస్తుతం ఆమె బీసీసీఐ మీడియా, కమ్యునికేషన్ టీంకు హెడ్ గా ఉన్నారు.

రాజలక్ష్మి భారత జట్టుకు, ఫాన్స్ కు అనుసంధానం గా పనిచేస్తున్నారు. అంటే ఎప్పటికప్పుడు టీమిండియా ప్లేయర్లకు సంబంధించిన వీడియోలను, ఫోటోలను సోషల్ మీడియా ద్వారా ప్రేక్షకులకు చేరవేస్తుంది. ప్లేయర్లకు సంబంధించిన ప్రాక్టీస్ సెషన్స్ కు సంబంధించిన వీడియోలను, ఫోటోలను బీసీసీఐ ట్విట్టర్ ఖాతాలో ఎప్పటికప్పుడు పోస్ట్ చేయడంలో ఈమెదే కీలక పాత్ర.

బీసీసీఐకి ట్విట్టర్ లో మొత్తం మూడు అధికారిక ఖాతాలు ఉన్నాయి. ఒకటి బీసీసీఐ, రెండోది బీసీసీఐ ఉమెన్, మూడోది బీసీసీఐ డొమెస్టిక్. ఈ మూడు ఖాతాలను అరోరానే నిర్వహిస్తుంటుంది.

అంతేకాకుండా 2019లో ఈమెను బీసీసీఐ అంతర్గత ఫిర్యాదుల కమిటీకి హెడ్ గా నియమించారు. ఇందులో మొత్తం నలుగురు సభ్యులు ఉంటారు. ఆటగాళ్ల దురుసు ప్రవర్తన, లైంగిక వేధింపులు వంటి వాటిని ఈ కమిటీ విచారిస్తుంది. ప్లేయర్లు మైదానంలో లేదా బయట దురుసుగా ప్రవర్తించినా.. లైంగిక ఆరోపణలు ఎదుర్కొన్న అరోరా అధ్యక్షతన ఉన్న కమిటీ విచారణ చేస్తుంది.

క్రికెట్ ల‌వ‌ర్స్ ఎప్పుడెప్పుడా అంటూ ఎదురుచూస్తున్న టీ20 వ‌ర‌ల్డ్ క‌ప్‌కు స‌మ‌యం ఆస‌న్న‌మైంది. ఈ నెల 16న ఆస్ట్రేలియా వేదిక‌గా ఈ మెగా టోర్నీ మొద‌లు కానుంది. టీ20 వ‌ర‌ల్డ్ క‌ప్‌ తొలి టైటిల్‌ను టీమిండియా గెలిచిన సంగ‌తి తెలిసిందే. 2007లో కెప్టెన్ కూల్ మ‌హేంద్ర సింగ్ ధోనీ నేతృత్వంలోని భార‌త జ‌ట్టు ఈ క‌ప్‌ను గెలుచుకుని స‌త్తా చాటింది.

అయితే ఆ త‌ర్వాత ఒక్క‌సారి కూడా టీమిండియా ఈ క‌ప్‌ను గెల‌వ‌లేదు. తాజాగా టీ20ల్లో స‌త్తా చాటుతున్న భార‌త జ‌ట్టు ఈ ద‌ఫా ఎలాగైనా టీ20 వ‌ర‌ల్డ్ క‌ప్‌ను గెల‌వాలంటూ యావ‌త్తు భార‌తావ‌ని కోరుతోంది. అలా కోరుకుంటున్న వారిలో టీ20 వ‌ర‌ల్డ్ క‌ప్ తొలి టైటిల్‌ను ముద్దాడిన ధోనీ కూడా ఉన్నాడు.

టీమిండియా జ‌ట్టు స‌గ‌టు వీరాభిమానిలా మారిపోయిన ధోనీ.. టీ20 వ‌ర‌ల్డ్ క‌ప్‌ను భార‌త్ గెల‌వాలంటూ కోరుతూ ఏకంగా త‌న పాత హెయిర్ స్టైల్‌లోకి మారిపోయాడు. 2011లో టీమ్ ఇండియా చివరిగా ప్రపంచ కప్ గెలిచినప్పుడు తనకు ఏ హెయిర్ స్టైల్ ఉందో దాన్ని తిరిగి చేయించుకుంటున్నట్లుగా ధోని ఒక వీడియోలో కనిపిస్తున్నాడు. ఓరియో కి సంబంధించిన ఒక ప్రకటనలో భాగంగా ధోని ఈ వీడియో చేసినట్లు తెలుస్తోంది. ఓరియో కూడా భారత్ లో 2011 లో ప్రవేశించిన నేపథ్యం లో ఈ వీడియో చేసినట్లు తెలుస్తోంది. దీంతో ఈ వీడియో వైరల్ గా మారింది.

2011లో భారత క్రికెట్ జట్టు చివరిసారిగా ఎంఎస్ ధోని సారథ్యంలో భారత్ ప్రతిష్టాత్మక ట్రోఫీని కైవసం చేసుకుంది. అప్పటి నుండి, భారత జట్టు అనేక ప్రపంచ కప్‌లలో దగ్గరగా వచ్చింది కానీ విజయవంతం కాలేదు. రోహిత్ శర్మ నేతృత్వంలోని టీమ్ ఇండియా ఆస్ట్రేలియాలో పెద్ద ఈవెంట్‌కు సిద్ధమవుతున్న తరుణంలో ధోని భారత జట్టు విజయం సాధించాలని ఆకాంక్షిస్తున్నాడు.

ధోనీ T20 ప్రపంచ కప్ 2022లో భారత జట్టుకు మెంటార్‌గా కూడా పనిచేశాడు, అయితే గ్రూప్ దశను దాటడంలో కూడా విఫలమైన మెన్ ఇన్ బ్లూ కోసం ఈ ప్రచారం స్టార్ట్ చేసారు.

ప్రస్తుతం భారత జట్టు టీ20 ప్రపంచకప్ కోసం తమ సుదీర్ఘ నిరీక్షణకు ముగింపు పలకాలని ఉవ్విళ్లూరుతోంది. 2007లో ప్రారంభ ఎడిషన్‌ను గెలుచుకున్నప్పటి నుండి, మెన్ ఇన్ బ్లూ అతిపెద్ద వేదికపై ఈ ఫార్మాట్‌లో విజయాన్ని రుచి చూడలేదు.

MS Dhoni’s 2011 classy hairstyle is back! Ab no one can stop India to win this cup again! Ab hoga Dangal!

Send us your top #BringBack2011 moments and share them with @msdhoni and @oreo_india #OreoIndia #BringBack2011 #Ad #OREO pic.twitter.com/Dot0jsky7X

— Johns. (@CricCrazyJohns) October 4, 2022

ఎయిర్‌పోర్టుకు లేట్ గా వెళ్లడం వలెనే షిమ్రాన్ హెట్మేయర్ ఆటకు దూరమయ్యాడు అని అంతా అంటున్నారు. అసలు నిజంగా షిమ్రాన్ హెట్మేయర్ ఆటకు దూరం అవ్వడానికి కారణం ఎయిర్‌పోర్టుకు లేట్ గా వెళ్లడం ఏనా.? అందుకే వెస్టిండీస్ మిడిలార్డర్ బ్యాట్స్‌మెన్ షిమ్రాన్ హెట్మేయర్ టీ20 వరల్డ్ కప్‌ లో ఆడడం లేదా..? అయితే అసలు కారణం ఇదేనట.

మరి వివరాలను చూస్తే.. మిడిలార్డర్ బ్యాట్స్‌మెన్ షిమ్రాన్ హెట్మేయర్ టీ20 వరల్డ్ కప్‌కు ఎంపికయ్యాడు. కానీ ఫ్లైట్ మిస్ అయ్యాడు. ఆస్ట్రేలియాకు శనివారమే హెట్మేయర్ వెళ్ళాలి కానీ ఫ్యామిలీ వలన తన ప్రయాణం వాయిదా వేసుకున్నాడట. అయితే ఇతను వచ్చెనందుకు సోమవారం గయానా టు ఆస్ట్రేలియా వెళ్లే ఫ్లైట్ కి ఓ టికెట్ ని ఎంతో కష్టపడి బుక్ చేశారట.

కానీ ఈ ఆటగాడు టైం కి ఎయిర్ పోర్ట్ కి వెళ్ళలేదు. దీంతో ఫ్లైట్ మిస్ అయ్యాడు. వెస్టిండీస్ క్రికెట్ డైరెక్టర్ జిమ్మీ ఆడామ్స్‌ కూడా ఇలానే చెప్పారు. టైం కి ఎయిర్ పోర్ట్ కి వెళ్ల లేదని అందుకే ఫ్లైట్ మిస్ అయ్యాడని అన్నారు. ఈ స్థానం లో షమరా బ్రూక్స్‌ను ఎంపిక చేసారు. దానితో షమరా బ్రూక్స్‌ టీ20 వరల్డ్ కప్ లో ఆడుతున్నాడు. సెలక్షన్ కమిటీ ఏ షమరా బ్రూక్స్‌ ని ఎంపిక చేసింది.

ఈ సమాచారంని వెస్టిండీస్ క్రికెట్ బోర్డు ఐసీసీకి చెప్పేసారు. పైగా హెట్మేయర్ కి టికెట్ బుక్ చేసినప్పుడే ఆలస్యం అయితే కనుక జట్టులో మరొకరిని పెడతాం అని వెస్టిండీస్ క్రికెట్ బోర్డు చెప్పిందట. ఈ విషయాన్ని సోషల్ మీడియాలో ట్రోల్ చేస్తుంటే ఒక నెటిజన్ అసలు విషయం ఇదే అంటూ చెప్పారు. ఇదిలా ఉంటే పూర్తైన కరేబియన్ ప్రీమియర్ లీగ్‌ లో షమరా అద్భుతమైన ఆటను ఆడాడు. అందరినీ షమరా కరేబియన్ ప్రీమియర్ లీగ్‌లో ఆకట్టేసుకున్నాడు. వెస్టిండీస్ క్రికెట్ డైరెక్టర్ జిమ్మీ ఆడమ్స్ మాట్లాడుతూ.. వీలైనంత త్వరగా ఆస్ట్రేలియాకు పంపిస్తామని అన్నారు. ఇదిలా ఉంటే అక్టోబర్ 17న వెస్ట్ ఇండీస్ స్కాట్లాండ్‌ తో ఆడనుంది.

డేవిడ్ మిల్లర్.. ఈ పేరు గురించి క్రికెట్ అభిమానులకు పెద్దగా పరిచయం అక్కర్లేదు. అసాధారణ ప్రతిభ గల ఆటగాడు. ‘కిల్లర్‌ మిల్లర్‌’గా గుర్తింపు పొందిన ఈ విధ్వంసకర బ్యాటర్‌.. తనదైన రోజున ఎంతటి విధ్వంసం సృష్టించగలడో అందరకి తెలుసు. ఐపీఎల్ లో అలాంటి మరుపురాని ఇన్నింగ్స్ లు ఎన్నో ఉన్నాయి.

ఒక్కసారి క్రీజులో కుదురుకున్నాడంటే.. ఆరోజు రాత్రి ప్రత్యర్థి జట్టు బౌలర్లకు కలలోకి వచ్చినట్లే. ఇటీవల గువహటి వేదికగా భారత్ తో జరిగిన మ్యాచ్.. అందుకు చక్కటి ఉదాహరణ. కళ్ల ముందు కొండంత లక్ష్యమున్నా.. ఏమాత్రం అదురు.. బెదురు లేకుండా బౌండరీల వర్షం కురిపించాడు. ఈ ఏడాది గుజరాత్ టైటాన్స్ ఐపీయల్ కప్పు కొట్టడం లో మిల్లర్ పాత్ర ప్రత్యేకమైనది.

మూడో స్థానం నుంచి ఏదో స్థానం వరకు ఎప్పుడైనా బాటింగ్ చేయగల సిద్ధహస్తుడు. మ్యాచ్ తీరునే తలకిందులు చేయగల ఆటగాడు మిల్లర్. అంతే కాకుండా బౌండరీ లైన్ దగ్గర ఫీల్డింగ్ చేయడం లో, క్యాచ్ లు పట్టడం లో మిల్లర్ ఎక్సపర్ట్.

ఐపీయల్ తో పాటు ప్రపంచం లో జరిగే అన్ని ప్రైవేట్ లీగ్స్ కి మిల్లర్ ఆడుతూ ఉంటాడు. అందుకే ఒత్తిడి లో అతడు సంయమనం గా ఉండగలడు. ఇంతలా రాణిస్తున్నా.. అతడు సౌతాఫ్రికా జట్టులో నిత్యం అవమానాలు ఎదుర్కొంటూనే ఉన్నాడు అని స్వయంగా దక్షిణాఫ్రికా కు చెందిన అతని అభిమానులు వాపోతున్నారు.

మిల్లర్‌ అంతర్జాతీయ క్రికెట్‌లో చాలాకాలం క్రితమే(2010లో) ఎంట్రీ ఇచ్చినప్పటికి మొదట్లో అవకాశాలు ఎక్కువగా రాలేదు.పరిమిత ఓవర్ల స్పెషలిస్ట్‌గా గుర్తింపు పొందిన అతను వెలుగులోకి రావడానికి ఐదేళ్లు పట్టింది. 2015 వన్డే వరల్డ్‌ కప్‌. ఆ వరల్డ్‌కప్‌లో సౌతాఫ్రికా సెమీఫైనల్‌కు చేరింది అంటే.. అది మిల్లర్‌ ఇన్నింగ్స్ ల వల్లే. ఆ టోర్నీలో మిల్లర్‌ 324 పరుగులు సాధించాడు. ఆ తర్వాత రెగ్యులర్‌ సభ్యుడిగా ప్రమోషన్‌ పొందినప్పటికీ జట్టులో అతని స్థానం మాత్రం సుస్థిరం కావట్లేదు.

మిల్లర్ ఎన్ని పరుగులు చేసినా.. ఎన్ని గొప్ప ఇన్నింగ్స్ లు ఆడినా సెలెక్టర్లు లెక్కలోకి తీసుకోవట్లేదు. ఎప్పుడు జట్టులో ఉంటాడో.. ఎప్పుడు పీకేస్తారో.. ఎవరు ఊహించలేకపొతున్నారు. అందుకు ఆ దేశ క్రికెట్ బోర్డులో జరిగే రాజకీయాలే.. ఒక కారణమట. కుళ్లు, కుతంత్రాలతో నిండిపోయిందట. ‘జాతి వివక్ష’ కారణంగా ఇప్పటికే ఎన్నో విమర్శలు ఎదుర్కొంటున్న సౌతాఫ్రికా బోర్డులో ఇలాంటివి నిత్యం జరుగుతుంటాయట.

దక్షిణాఫ్రికాతో మూడు మ్యాచ్ ల టీ20 సిరీస్ ను మరో మ్యాచ్ మిగిలి ఉండగానే భారత్ సొంతం చేసుకుంది. సౌతాఫ్రికాతో గౌహతి వేదికగా జరిగిన రెండో టీ20లో భారత్ 16 పరుగుల తేడాతో విజయం సాధించిన సంగతి తెలిసిందే. టాస్ ఓడి తొలుత బ్యాటింగ్ చేసిన భారత్ 20 ఓవర్లలో 3 వికెట్లకు 237 పరుగుల భారీ స్కోరు చేసింది.

సూర్యకుమార్ యాదవ్ (22 బంతుల్లో 61; 5 ఫోర్లు, 5 సిక్సర్లు) సునామీ ఇన్నింగ్స్ ఆడాడు.సూర్యకుమార్ తో పాటు కేఎల్ రాహుల్ (28 బంతుల్లో 57; 5 ఫోర్లు, 4 సిక్సర్లు), విరాట్ కోహ్లీ (28 బంతుల్లో 49; 7 ఫోర్లు, 1 సిక్స్), రోహిత్ శర్మ (37 బంతుల్లో 43; 7 ఫోర్లు, 1 సిక్స్) లు రాణించారు. చివర్లో దినేశ్ కార్తీక్ (7 బంతుల్లో 17; 1 ఫోర్, 2 సిక్సర్లు) సూపర్ ఫినిష్ ఇచ్చాడు.

మరోవైపు విజయం కోసం సౌతాఫ్రికా చివరి వరకు పోరాడింది. డేవిడ్ మిల్లర్ (106 నాటౌట్) శతకంతో దాదాపుగా ఓడించేంత పని చేశాడు. ఇక మ్యాచ్ ముగిసిన అనంతరం జరిగిన పోస్ట్ మ్యాచ్ ప్రెజెంటేషన్ లో రోహిత్ శర్మ చేసిన వ్యాఖ్యలు ఇప్పుడు ఆసక్తికరంగా మారాయి.

పోస్ట్ మ్యాచ్ ప్రెజెంటేషన్ లో రోహిత్ శర్మ భారత బౌలింగ్ మెరుగు పడాల్సి ఉందని వ్యాఖ్యానించాడు. అదే సమయంలో భారత బ్యాటింగ్ ను ఆకాశానికి ఎత్తేశాడు. ముఖ్యంగా సూర్యకుమార్ యాదవ్ పై ప్రశంసల జల్లు కురిపించాడు.అయితే ఇక్కడే సూర్యకుమార్ యాదవ్ గురించి ఒక ఆసక్తికర వ్యాఖ్య చేశాడు. సూర్యకుమార్‌ యాదవ్ ఆడిన తీరును మెచ్చుకున్న రోహిత్.. ఇకపై సూర్యకుమార్‌ను ఆడించాలని అనుకోవడం లేదని, అతన్ని నేరుగా అక్టోబర్‌ 23వ తేదీన బరిలోకి దింపాలని భావిస్తున్నట్లు రోహిత్‌ పేర్కొన్నాడు.

పిచ్, మ్యాచ్‌ సిచ్యూవేషన్‌తో సంబంధంలేని ఆట తీరుతో సూర్యకుమార్‌ అదరగొడుతున్నాడు. మిగతా జట్టు మొత్తం పిచ్‌ వల్ల ఇబ్బంది పడుతున్నా, వెంట వెంటనే వికెట్లు కోల్పోయినా.. ప్రత్యర్థి బౌలర్లు మంచి లైన్‌ అండ్‌ లెంగ్త్‌తో బౌలింగ్‌ చేసినా.. ఇవేవి సూర్య బ్యాటింగ్‌పై ప్రభావం చూపడం లేదు. అందుకే టీ20 వరల్డ్‌లో సూర్య నేరుగా వచ్చి అదరగొట్టాలని రోహిత్‌ భావన.

అయితే వన్డే సిరీస్ కు సూర్యతో పాటు టి20 ప్రపంచకప్ కు ఎంపికైన చాలా మంది ప్లేయర్లు దూరంగా ఉన్నారు. ఇక రెండు వార్మప్ మ్యాచ్ లు ఉన్నాయి.సూర్యకుమార్ యాదవ్ ను నేరుగా పాకిస్తాన్ తో 23న జరిగే మ్యాచ్ లో ఆడిస్తామనేది అనాలోచిత నిర్ణయమనే చెప్పాలి. ఎందుకంటే ఇక్కడి పిచ్ లకు ఆస్ట్రేలియా పిచ్ లకు చాలా వ్యత్యాసం ఉంటుంది. అంతేకాకుండా ఫామ్ లో పీక్స్ లో ఉన్న ప్లేయర్ ను పక్కన బెట్టడం మంచిది కాదు. దాని వల్ల అతడి రిథమ్ దెబ్బ తింటుంది.

ఆసియా కప్ లో పాకిస్తాన్ పై మ్యాచ్ విన్నింగ్ ఇన్నింగ్స్ ఆడిన పాండ్యాను ఆ తర్వాత హాంకాంగ్ తో జరిగిన మ్యాచ్ లో ఆడించలేదు. ఇక సూపర్ 4లో మళ్లీ జట్టులోకి వచ్చిన అతడు ఫ్లాప్ షో కనబరిచాడు. ఫామ్ లో ఉన్న ప్లేయర్ ను పక్కన బెట్టడం ఎప్పుడూ మంచిది కాదనే విషయాన్ని రోహిత్ గుర్తించుకోవాలి అని అభిమానులు కామెంట్లు చేస్తున్నారు.