Sports Adda

ఇండియా vs ఆస్ట్రేలియా మూడవ టీ 20 ఆదివారం రోజు హైదరాబాద్ లో జరిగింది. సిరీస్ నిర్ణయించే మ్యాచ్ లో భారత్ ఘన విజయం సాధించింది. మొదట బాటింగ్ చేసిన ఆస్ట్రేలియా జట్టు 20 ఓవర్లలో 7 వికెట్లు కోల్పోయి ఆస్ట్రేలియా 186 పరుగులు చేసింది. 19.5 ఓవర్లలో 4 వికెట్లు కోల్పోయి భారత్ 187 పరుగులు చేసి 6 వికెట్ల తేడాతో ఘన విజయం సాధించింది. దీంతో టీమిండియా మూడు టీ20 మ్యాచ్ ల సిరీస్ ను 2-1 తో దక్కించుకుంది.

ఆస్ట్రేలియా బ్యాటింగ్‌ లో గ్రీన్ 52, టిమ్ డేవిడ్ 54 పరుగులు చేయగా, డేనియల్‌ సామ్స్‌ 28(నాటౌట్‌), జోష్‌ ఇంగ్లీస్‌ 24 పరుగులు చేశారు. భారత్‌ బౌలింగ్ లో అక్సర్ పటేల్ (3), భువనేశ్వర్‌, చాహల్‌, హర్షల్‌ పటేల్‌ ఒక్కోక్క వికెట్ పడగొట్టారు. భారత్‌ బ్యాటింగ్‌ లో సూర్యకుమార్‌ 69, కోహ్లీ 63 పరుగులు చేయగా, హార్దిక్‌ పాండ్యా 25(నాటౌట్‌), రోహిత్‌ శర్మ 14 పరుగులు చేశారు. ఆస్ట్రేలియా బౌలింగ్‌ లో డేనియల్‌ శామ్స్‌ 2 వికెట్లు పడగొట్టారు.

ఉత్కంఠ భరిత మ్యాచ్ లో చివరి ఓవర్లో భారత్ గెలుపునకు 11పరుగులు కావాల్సి ఉంది. అప్పుడు విరాట్ కోహ్లీ సిక్స్ కొట్టి గెలుపు సులభం చేసారు అనుకునేలోపే 2వ బంతికి కోహ్లీ క్యాచ్ ఔట్ కావడంతో మళ్లీ ఉత్కంఠ తారస్థాయికి చేరింది. తర్వాత బాటింగ్ కి వచ్చిన దినేష్ కార్తీక్ సింగల్ తీసి హార్దిక్ పాండ్య కి స్ట్రైక్ ఇచ్చాడు. మూడో బంతికి హార్దిక్ ఒక బంతి డాట్ చేయడంతో 2బంతుల్లో 4పరుగులు కావాల్సొచ్చింది. 5వ బంతికి హార్దిక్ కట్ షాట్ ఆడగా బంతి బ్యాక్ సైడ్ ఫోర్ వెళ్లింది. దీంతో గెలుపు భారత్ సొంతమైంది.

#1.

#2.

#3.

#4.

#5.

#6.

#7.

#8.

#9.

#10.

#11.

#12.

#13.

#14.

#15.

#16.

#17.

#18.

#19.

#20.

#21.

#22.

#23.

శనివారం రోజు జరిగిన ఇంగ్లాండ్ – భారత మహిళల జట్టు క్రికెట్ మ్యాచ్ లో భారత్ ఘనవిజయం సాధించింది. చివరి దాకా ఉత్కంఠ భరితంగా జరిగిన ఈ మ్యాచ్ లో భారత మహిళల జట్టు 16 పరుగుల తేడాతో ఆతిధ్య ఇంగ్లాండ్ పై ఘన విజయాన్ని అందుకుంది. దీనితో మూడు మ్యాచ్ల సిరీస్ ని క్లీన్ స్వీప్ చేసింది. మొదటి ఇన్నింగ్స్లో భారత్ 45 4 ఓవర్లలో 169 పరుగులు చేసి ఆలౌట్ అయ్యింది. రెండో ఇన్నింగ్స్లో బాటింగ్ చేసిన ఇంగ్లాండ్ కేవలం 118 పరుగులు చేసి 9 వికెట్లు కోల్పోయింది. 17 పరుగులు చేసి ఇంగ్లాండ్ గెలవాల్సిన సమయంలో డీన్ ని దీప్తి శర్మ రన్ అవుట్ ( మాన్కడింగ్) చేశారు. భారత్ ఇనింగ్స్ లో దీప్తి శర్మ 28 పరుగులు, స్మృతి మంధానా 50 పరుగులు చేసారు. భారత పేస్ దిగ్గజం జులన్ గోస్వామి చివరి మ్యాచ్ కావడం విశేషం.

ఆస్ట్రేలియా తో జరిగిన తొలి టీ 20 లో భారత జట్టు ఓటమి పాలైన సంగతి తెల్సిందే. టాస్ ఓడి ముందుగా బ్యాటింగ్ కు దిగిన భారత్ 20 ఓవర్ లలో.. 6 వికెట్ల నష్టానికి 208 పరుగులు చేసింది. అనంతరం ఆస్ట్రేలియా 19.2 ఓవర్ లలో లక్ష్య ఛేదన చేసి గెలిచింది.
ఈ ఇన్నింగ్స్ సమయం లో ఒక ఆసక్తికర సంఘటన చోటు చేసుకున్న విషయం తెల్సిందే. టీం ఇండియా కెప్టెన్ రోహిత్ కీపర్ దినేష్ కార్తిక్ పై ఆగ్రహం వ్యక్తం చేసాడు. రివ్యూ లా విషయం లో భారత జట్టు కాస్త అలసత్వం ప్రదర్శించడంతో మాన్ అఫ్ ది మ్యాచ్ కామెరూన్ గ్రీన్ కి లైఫ్ లభించింది.

అలాగే పన్నెండో ఓవర్ లో స్టీవ్ స్మిత్ కీపర్ షాట్ ట్రై చేస్తే అది దినేష్ కార్తిక్ చేతిలో పడింది. దినేష్ దాన్ని అప్పీల్ చెయ్యగా ఎంపైర్ నాట్ అవుట్ అన్నారు. భారత్ రివ్యూ కి వెళ్లగా ఒక వికెట్ లభించింది. అదే ఓవర్ లో మాక్స్ వెల్ బ్యాట్ కు దగ్గరగా బాల్ వెళ్ళింది. దానికి కీపర్ అప్పల్ చెయ్యలేదు కానీ భారత జట్టు అప్పీల్ చేసింది. తర్వాత కెప్టెన్ రోహిత్ రివ్యూ కి వెళ్లగా భారత్ కు మరో వికెట్ లభించింది.
ఆ తర్వాత రోహిత్ శర్మ దినేష్ కార్తిక్ పీక పట్టుకొని ” నీకెన్ని సార్లు చెప్పా అప్పీల్ చెయ్యమని..లేదా నాకైనా చెప్పావు రివ్యూ కి వెళదామని” అంటూ అన్నాడు. తర్వాత రోహిత్ ప్రేక్షకుల వైపు తిరిగి కన్ను కొట్టాడు. దీంతో ఇదంతా సరదాగా జరిగిందని అర్థమవుతోంది.

ఈ నేపథ్యంలో సూర్యకుమార్ యాదవ్ గురువారం మీడియాతో మాట్లాడాడు. జర్నలిస్ట్‌లు అడగిన ప్రశ్నలకు సరదాగా సమాధానాలు చెప్పాడు. ఈ క్రమంలోనే తొలి టీ20లో డీఆర్‌ఎస్ విషయంలో అలసత్వంగా ఉన్న దినేశ్ కార్తీక్‌పై రోహిత్ శర్మ ఆగ్రహం వ్యక్తం చేసిన ఘటనను సూర్య ముందు ప్రస్తావించగా.. అతను అసలు విషయం వెల్లడించాడు.

‘మైదానంలో చాలా ఒత్తిడి ఉంటుంది. కాబట్టి అప్పుడప్పుడు సరదా ఘటనలతో పరిస్థితులను మాములగా చేయాల్సి ఉంటుంది. కానీ ఫోకస్ మాత్రం గేమ్‌పైనే ఉంటుంది. డీఆర్‌ఎస్ విషయంలో కొన్నిసార్లు తప్పులు జరగడం సహజం. బ్యాట్‌ ఎడ్జ్ సౌండ్ కీపర్లకు వినపడకపోవచ్చు. ఇక రోహిత్, దినేశ్ కార్తీక్ చాలా ఏళ్లుగా కలిసి ఆడుతున్నారు. సరదాగా తిట్టుకునేంత సాన్నిహిత్యం వారి మధ్య ఉంది.’అని సూర్యకుమార్ యాదవ్ తెలిపాడు.

టీ 20 కోసం భారత జట్టును సిద్ధం చేయడం లో కెప్టెన్ రోహిత్ చాలా మార్పులు చేస్తున్నారు. మరో వైపు టీం ఇండియాలో దినేష్ కార్తిక్ పాత్ర ఏంటనే దానిపై తాజాగా చర్చలు జరుగుతున్నాయి. ఐపీఎల్ లో ఫినిషర్ గా మెరిసిన ఈ వెటరన్ క్రికెటర్ ని ఫినిషర్ గా మార్చి జట్టులో చోటు కల్పించారు. తర్వాత జరిగిన మ్యాచ్ లలో అతడు ఫినిషర్ గా మెరుపులు మెరిపించాడు. ధోని తర్వాత మరో ఫినిషర్ భారత్ కు దొరికాడు అంటూ క్రికెట్ ఫాన్స్ కామెంట్స్ చేస్తున్నారు.

ఇది ఇలా ఉండగా…మీరెప్పుడైనా గమనించారా.. దినేష్ వాడే హెల్మెట్ ఇతర బ్యాటర్స్ కి డిఫరెంట్ గా ఉండడాన్ని?దీనికి ప్రత్యేక కారణమంటూ ఏం లేదు కానీ హెల్మెట్ యొక్క బరువు (తేలికగా ఉండడం) కారణం అవ్వొచ్చు. ఏది ఏమైనప్పటికీ క్రికెట్ రూల్స్ కి కట్టుబడి ఉన్నంత వరకూ పరికరాల ఎంపిక ఆటగాడి వ్యక్తిగత ప్రాధాన్యతకు సంబంధించిన విషయం.

డీకే ఈ రకమైన హెల్మెట్ వాడడం ఇదే తొలిసారి కాదు. అతని వికెట్ కీపింగ్ హెల్మెట్ కూడా ఇతర కీపర్లకు భిన్నంగా ఉన్న సందర్భాలు అనేకం. అంతర్జాతీయ క్రికెట్ (ICC), IPL రెండింటిలోను అనేక సందర్భాల్లో కార్తీక్ బేస్ బాల్-రకం ఫేస్ ప్రొటెక్టర్ గార్డ్ ధరించి కనిపించాడు. ఇది క్రికెట్ నిబంధనల ద్వారా అనుమతించబడుతుంది. కేవలం దినేష్ కార్తీక్ మాత్రమే కాదు.

రాహుల్ త్రిపాఠి కూడా ఇదే రకమైన బ్యాటింగ్ హెల్మెట్‌ని ధరిస్తాడు. శ్రీలంక మాజీ కెప్టెన్ కుమార సంగక్కర, ఇంగ్లండ్ మాజీ బ్యాటర్లు జేమ్స్ టేలర్ మరియు మైఖేల్ కార్బెర్రీ కూడా అప్పట్లో ఇటువంటి హెల్మెట్‌లను ధరించేవారు.

అయితే ఐపీఎల్ తర్వాత జరిగిన అన్ని మ్యాచ్ లలో దినేష్ ను ఎంపిక చేస్తూ వచ్చారు కానీ, తుది జట్టులో ఆడే అవకాశాలు చాలా తక్కువగా వచ్చేవి. ఒకవేళ జట్టులో చోటు దక్కినా ఏడో స్థానం లో బ్యాటింగ్ కు వచ్చేవాడు. ఇలా అయితే దినేష్ కార్తిక్ ఫినిషర్ పాత్రకు ఎలా న్యాయం చేస్తాడని అందరూ చర్చించుకుంటున్నారు. తాజాగా ఆసీస్ మాజీ ఓపెనర్ మాథ్యూ హేడెన్ టీమ్ ఇండియాలో కార్తీక్ పాత్రను ప్రశ్నించాడు, అతనికి బ్యాటింగ్ చేయడానికి మరిన్ని అవకాశాలు ఇవ్వాలని మేనేజ్‌మెంట్‌ను కోరాడు.

టీ 20 కోసం భారత జట్టును సిద్ధం చేయడం లో కెప్టెన్ రోహిత్ చాలా మార్పులు చేస్తున్నారు. మరో వైపు టీం ఇండియాలో దినేష్ కార్తిక్ పాత్ర ఏంటనే దానిపై తాజాగా చర్చలు జరుగుతున్నాయి.

ఐపీఎల్ లో ఫినిషర్ గా మెరిసిన ఈ వెటరన్ క్రికెటర్ ని ఫినిషర్ గా మార్చి జట్టులో చోటు కల్పించారు. తర్వాత జరిగిన మ్యాచ్ లలో అతడు ఫినిషర్ గా మెరుపులు మెరిపించాడు. ధోని తర్వాత మరో ఫినిషర్ భారత్ కు దొరికాడు అనుకొనే లోపే అతడి పాత్ర ప్రశ్నార్థకం గా మారింది.

ఐపీఎల్ తర్వాత  జరిగిన అన్ని మ్యాచ్ లలో దినేష్ ను ఎంపిక చేస్తూ వచ్చారు కానీ, తుది జట్టులో ఆడే అవకాశాలు చాలా తక్కువగా వచ్చేవి. ఒకవేళ జట్టులో చోటు దక్కినా ఏడో స్థానం లో బ్యాటింగ్ కు వచ్చేవాడు. ఇలా అయితే దినేష్ కార్తిక్ ఫినిషర్ పాత్రకు ఎలా న్యాయం చేస్తాడని అందరూ చర్చించుకుంటున్నారు.
తాజాగా ఆసీస్ మాజీ ఓపెనర్ మాథ్యూ హేడెన్ టీమ్ ఇండియాలో కార్తీక్ పాత్రను ప్రశ్నించాడు, అతనికి బ్యాటింగ్ చేయడానికి మరిన్ని అవకాశాలు ఇవ్వాలని మేనేజ్‌మెంట్‌ను కోరాడు.

“నేను భారత జట్టులో దినేష్ పాత్ర గురించి ఆలోచిస్తున్నాను. దినేష్ ఇప్పుడు పోషిస్తున్న ఈ పాత్ర ఫినిషర్. కానీ అతడికి ఆ అవకాశాలు లభించట్లేదు ” అని మొదటి టీ20లో హేడెన్ అన్నాడు.
“నేను దినేష్ కార్తీక్‌ను అగౌరవపరచటం లేదు .కానీ అతడు మంచి ఆటగాడు. ఒక ఫినిషర్ పాత్రకు న్యాయం చేయగలడు. కానీ అతడికి ఆ అవకాశాలు ఇవ్వట్లేదు. అతడు ఏ స్థానం లో వస్తే ఫినిషర్ గా మెరిపించగలడో అది అతనికి ఇవ్వాలి. అల్ రౌండర్ తర్వాత ఫినిషర్ ని బ్యాటింగ్ కి పంపడం వల్ల ఉపయోగం ఉండదు. ఇలా చేస్తే రోహిత్ స్ట్రాటజీ వర్క్ అవుట్ అవ్వదు.” అని హేడెన్ అన్నారు.

సిరీస్‌లోని మొదటి మ్యాచ్‌లో టీమ్ ఇండియా నాలుగు వికెట్ల తేడాతో ఓటమిని చవిచూసింది మరియు ఇప్పుడు శుక్రవారం నాగ్‌పూర్‌లో డిఫెండింగ్ T20 ప్రపంచ కప్ చాంప్‌లతో డూ-ఆర్ డై మ్యాచ్‌ను ఎదుర్కొంటుంది.

ఇంటర్నేషనల్ క్రికెట్ కౌన్సిల్ (ఐసీసీ) క్రికెట్ కి సంబంధించిన కొన్ని నియమాలని మార్చింది. ఈ నియమాలని మార్చాలి అని ఉమెన్ క్రికెట్ కమిటీకి కూడా పంపారు. వారు కూడా ఈ విషయానికి ఆమోదం తెలిపారు.

ఆటలో పాటించే కొన్ని పద్ధతులని మార్చాలి అని కమిటీ నిర్ణయించుకుంది. ఆ పద్ధతులు ఏంటో, వాటిని మార్చి కొత్తగా ఎలాంటి నియమాలని తీసుకురాబోతున్నారో ఇప్పుడు చూద్దాం.

#1 పిచ్ బయటికి వెళితే నో బాల్ గా పరిగణించబడుతుంది. బ్యాట్ లేదా బ్యాటర్ లోని కొంత భాగం కచ్చితంగా పిచ్ లోపల ఉండాలి. అలా కాకుండా పిచ్ బయటికి వెళితే అంపైర్ దానిని డెడ్ బాల్ గా పరిగణిస్తారు. బ్యాటర్ ఒక వేళ పిచ్ బయటికి వెళ్ళేలా బౌలింగ్ చేస్తే ఆ బాల్ ని నో బాల్ గా పరిగనిస్తారు

#2 ఉమ్ముతో బంతి రుద్దడం కూడా నిషేధించారు. సాధరణంగా బౌలింగ్ చేసే ముందు బౌలర్లు ఉమ్ముతో బాల్ రుద్దుతారు. కోవిడ్ కారణంగా ఇది గత రెండు సంవత్సరాల నుండి చెయ్యట్లేదు. ఇప్పుడు దీనిని శాశ్వతంగా నిషేధించాలి అని నిర్ణయించుకున్నారు.

#3 మన్‌కడింగ్‌ అంటే నాన్-స్ట్రైకింగ్ ఎండ్ లో ఉండే బ్యాటర్ క్రీజ్ దాటినపుడు బౌలింగ్ చేసే బౌలర్లు వికెట్లు పడేస్తే దాన్ని మన్‌కడింగ్‌ అంటారు. అంతకు ముందు ఈ విషయాన్ని క్రీడా స్ఫూర్తికి విరుద్ధంగా చూసేవారు. ఇప్పుడు మాత్రం దీన్ని ఆటలో ఒక భాగంగానే పరిగణించాలి అనే నిర్ణయం తీసుకున్నారు.

#4 టెస్ట్ మ్యాచ్ లో, వన్డే మ్యాచ్ లో బ్యాటర్ రాగానే రెండు నిమిషాల్లో రెడీ అవ్వాలి. టీ 20 కి ఇది 90 సెకండ్లు అని నియమం పెట్టారు. అది మాత్రం ఇప్పుడు మార్చలేదు.

#5 బౌల్ చేయకముందే బ్యాటర్స్ క్రీజ్ దాటి బయటికి వస్తే బౌలర్ వికెట్లను బాలతో కొట్టి చేయొచ్చు. లేదా కీపర్ కి బాల్ అందించడం ద్వారా అవుట్ చేయొచ్చు. కానీ ఇప్పటి నుండి అలా కుదరదు. ఒకవేళ అలా చేస్తే డెడ్ బాల్ గా పరిగణిస్తారు.

#6 ఈ సంవత్సరం జనవరి టీ 20ల్లో ప్రవేశపెట్టిన ఇన్ మ్యాచ్ పెనాల్టీ ఇప్పటి నుంచి వన్డే మ్యాచ్ కి కూడా వర్తించేలా రూల్స్ ఏర్పాటు చేస్తున్నారు.

#7 ఒక ప్లేయర్ క్యాచ్ అవుట్ అయితే కొత్తగా వచ్చే బ్యాటర్ బ్యాటింగ్ చేయాల్సి ఉంటుంది. ఒకవేళ అవుట్ అయిన బ్యాటర్ పరుగు తీస్తూ నాన్ స్ట్రైక్ ఎండ్ కి వెళ్ళినా కూడా ఇదే నిబంధనలు పాటించాల్సి ఉంటుంది.

#8 బౌలర్ బౌలింగ్ చేసేటప్పుడు ఫీల్డింగ్ జట్టు సరిగ్గా ప్రవర్తించకపోతే ఆ బాల్ ని డెడ్ బాల్ గా ప్రకటిస్తారు. అదే కాకుండా అయిదు పరుగులని బ్యాటింగ్ జట్టుకి ఇస్తారు.

2023 లో జరిగే పురుషుల వరల్డ్ కప్ తర్వాత ఈ నిబంధనలు అమలు చేస్తారు.

మొహాలీ వేదికగా టీమిండియాకి ఆస్ట్రేలియాతో జరిగిన టీ20 సిరీస్ లో 4 వికెట్ల తేడాతో ఆస్ట్రేలియా విజయం సాధించింది. మ్యాచ్ లో టాస్ ఓడి మొదట బ్యాటింగ్ చేసిన భారత్ జట్టు 208 పరుగుల స్కోర్ చేసింది. రెండవ టీ 20 నాగపూర్ వేదికగా శుక్రవారం రాత్రి జరుగుతుంది.

హార్దిక్ పాండ్య (71 నాటౌట్: 30 బంతుల్లో 7×4, 5×6), ఓపెనర్ కేఎల్ రాహుల్ (55: 35 బంతుల్లో 4×4, 3×6) హాఫ్ సెంచరీ నమోదు చేశారు. తర్వాత సూర్యకుమార్ యాదవ్ (46: 25 బంతుల్లో 2×4, 4×6) కూడా మంచి స్కోర్ చేశారు. ఆస్ట్రేలియా జట్టు బౌలర్లలో నాథన్ ఎలిస్ మూడు వికెట్లు, జోష్ హేజిల్‌వుడ్ రెండు వికెట్లు, కామెరూన్ గ్రీన్ ఒక వికెట్ పడగొట్టారు. 209 పరుగుల లక్ష్య ఛేదనలో బరిలోకి దిగిన ఆస్ట్రేలియా జట్టు మొదటి నుంచే దూకుడుగా ఆడింది.

కెప్టెన్ అరోన్ ఫించ్ (22: 13 బంతుల్లో 3×4, 1×6) నాలుగో ఓవర్‌ లోనే అవుట్ అయిపోయారు. ఓపెనర్ కామెరూన్ గ్రీన్ (61: 30 బంతుల్లో 8×4, 4×6) హాఫ్ సెంచరీ చేశారు. ఆ తర్వాత వచ్చిన స్టీవ్‌స్మిత్ (35: 24 బంతుల్లో 3×4, 1×6) చేయగా, గ్లెన్ మాక్స్‌వెల్ (1), జోష్ ఇంగ్లీస్ (17), టిమ్ డేవిడ్ (18) చేశారు. ఒక ఎండ్ లో క్రీజ్ లో నిలిచిన మాథ్యూవెడ్ (45 నాటౌట్: 21 బంతుల్లో 6×4, 2×6) చివరిలో ఆస్ట్రేలియా ని గెలిపించారు.

ఆసియా కప్ లో కూడా భారత్ ఎంత గోరంగా పరాజ్యమైందో అందరికి తెలిసిందే. డెత్ ఓవర్లులో అత్యంతంగా చెత్త బౌలింగ్ తో డిఫెండ్ చేయలేకపోయారు. అటు బౌలింగ్ లో ఫెయిల్ అయ్యారు..ఇక ఫీల్డింగ్ లో అనేక క్యాచ్ లు వదిలేస్తున్నారు. ఇక టీం ఇండియా ఇలాగే ఆడితే ఆస్ట్రేలియాతో సిరీస్ ఓడిపోయినా ఆశ్చర్యం లేదు. ఇక టీ 20 వరల్డ్ కప్ లో లీగ్ స్టేజిలోనే మనోళ్లు వెనక్కి వచేస్తారో ఏమో ఇలా ఆడితే అంటూ క్రికెట్ అభిమానులు కామెంట్స్ చేస్తున్నారు.

ఈ క్రమంలో “ధోని” ని గుర్తు చేసుకుంటూ కూడా చాలా మీమ్స్ వస్తున్నాయి. ధోని ఉండుంటే టీం ఇలా ఉండేది కాదు అంటూ. ఒక ఫినిషర్ గా ధోని ఎన్ని మ్యాచ్ లు గెలిపించాడో ప్రత్యేకించి చెప్పక్కర్లేదు. ధోని క్రీజ్ లో ఉన్నప్పుడు చివరి ఓవర్ లో 15 పరుగులు కొట్టాలంటే ప్రెషర్ ధోనీపై కాదు ఆ బౌలర్ పై ఉంటుంది అనడంలో అతిశయోక్తి లేదు.

2007 వరల్డ్ కప్ లో చివరి 2 బంతుల్లో ఒక పెరుగుని డిఫెండ్ చేసి మ్యాచ్ డ్రా చేసి…బౌల్ అవుట్ లో తన ప్రతిభతో విజయాన్ని అందించాడు ధోని. అలాగే బాంగ్లాదేశ్ తో జరిగిన మ్యాచ్ లో కూడా చివరి బంతికి రెండు పరుగులు చేయాల్సిన సమయంలో సమయస్ఫూర్తితో గ్లోవ్స్ తీసేసి రన్ అవుట్ చేసి గెలిపించాడు. ఇంక ధోని మాస్టర్ మైండ్ గురించి చెప్పాలంటే ఇంకా ఎన్నో ఉన్నాయి. కానీ ఇకనైనా టీం ఇండియా తప్పిదాలను అధిగమించి టీ 20 ప్రపంచ కప్ పై ద్రుష్టి పెడితే బాగుంటుంది అని ఫాన్స్ అభిప్రాయపడుతున్నారు.