Viral

విజయ్ దేవరకొండ హీరోగా పూరి జగన్నాధ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకుముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, మలయాళం, కన్నడ భాషల్లో కూడా విడుదల అయ్యాయి. కానీ ఈ సినిమా మాత్రం పూర్తి స్థాయి పాన్ ఇండియన్ సినిమా గా రూపొందుతోంది.

ఈ సినిమాతో అనన్య పాండే హీరోయిన్ గా తెలుగు ఇండస్ట్రీకి పరిచయం అవుతున్నారు. పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు.

అయితే ఈ సినిమాకి సంబంధించిన పోస్టర్ ఒకటి ఇటీవల విడుదల చేశారు. ఇందులో విజయ్ దేవరకొండ గులాబీ పూలు పట్టుకుని నిల్చుని ఉన్నారు. ఈ పోస్టర్ పై పెద్ద ఎత్తున కామెంట్స్ వస్తున్నాయి. “అసలు ఇలాంటి పోస్టర్ ఎలా విడుదల చేశారు?” అంటూ కామెంట్ చేస్తున్నారు. కానీ ఈ పోస్టర్ వెనకాల పెద్ద కథ ఉంది. అదేంటంటే ఈ సినిమా బాక్సింగ్ నేపథ్యంలో సాగుతుంది. సినిమా మొత్తం యు ఎఫ్ సి (అల్టిమేట్ ఫైటింగ్ ఛాంపియన్ షిప్) కాన్సెప్ట్ మీద నడుస్తుంది. దాని ప్రకారం నిజంగా ఎలా అయితే ఉంటుందో సినిమాలో కూడా మనకు అలాగే చూపించడానికి సినిమా బృందం ప్రయత్నిస్తున్నారు.

అక్కడ ఒక మనిషి బరువుని కొలిచేటప్పుడు అలాగే కొలుస్తారు. ఆడవారికైనా మగవారికైనా సరే ఇలాగే బరువుని కొలుస్తారు. సినిమా ఈ మార్షల్ ఆర్ట్స్ కి సంబంధించింది కాబట్టి, నిజంగా ఎలాగైతే జరుగుతుందో సినిమాలో కూడా అలాగే చూపించాలి కాబట్టి, పోస్టర్ కూడా అలాగే విడుదల చేశారు. సినిమా కాబట్టి కొంచెం క్రియేటివ్ గా చూపించాలి కాబట్టి విజయ్ దేవరకొండ గులాబీ పూలు పట్టుకున్నట్టు మనకు చూపించారు. కానీ పోస్టర్ చూసి కూడా నెగిటివ్ కామెంట్స్ అయితే చాలా వస్తున్నాయి. కానీ సినిమాలో ఉన్న కథకు సంబంధించి అయితే ఈ పోస్టర్ సినిమాలో ఒక భాగం అని చెప్పొచ్చు. ప్రస్తుతం అయితే ఈ పోస్టర్ సోషల్ మీడియాలో వైరల్ అవుతోంది.

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు.

అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు. ప్రస్తుతం సమంత నటించిన కాత్తు వాక్కుల రెండు కాదల్ అనే తమిళ్ సినిమా ఇటీవల విడుదల అయ్యింది. ఈ సినిమాలో విజయ్ సేతుపతి హీరోగా నటించగా, నయనతార మరో హీరోయిన్ గా నటించారు. సమంత ఇప్పుడు యశోద సినిమా షూటింగ్‌లో ఉన్నారు.

అలాగే విజయ్ దేవరకొండ హీరోగా నటిస్తున్న ఖుషి సినిమాలో కూడా నటిస్తున్నారు. ఇదిలా ఉండగా సమంత కాఫీ విత్ కరణ్ ప్రోగ్రాం కి అతిథిగా వెళ్లారు. ఈ ప్రోగ్రాంకి సంబంధించిన ప్రోమో ఇవాళ విడుదల అయ్యింది. ఇందులో సమంత మాట్లాడుతూ, “చాలామంది పెళ్లి చేసుకున్న వాళ్ళు వారి పెళ్లి జీవితంలో ఆనందంగా ఉండకపోవడానికి కారణం నువ్వే” అని కరణ్ జోహార్ ని అన్నారు. “మీ సినిమాలు చూసి K3G (కభీ ఖుషీ కభీ గమ్) లాగా ఉంటుంది అని అందరూ అనుకుంటారు. కానీ నిజ జీవితంలో మాత్రం కేజీఎఫ్ లాగా ఉంటుంది” అని అంటున్నారు. సమంత ఈ ప్రోగ్రామ్ లో హీరో అక్షయ్ కుమార్ తో కలిసి పాల్గొన్నారు. వీరిద్దరూ కలిసి కరణ్ జోహార్ ప్రొడక్షన్ అయిన ధర్మ ప్రొడక్షన్స్ లో ఒక సినిమా చేస్తారు, అది ఈ ప్రోగ్రాంలో ప్రకటిస్తారు అనే వార్తలు వస్తున్నాయి.

watch video :

తెలుగు సినిమాలో పూరీ జగన్నాథ్ కి ఒక సేపేరేట్ క్రేజ్ ఉంది. సినిమాని తక్కువ బడ్జెట్ లో, తక్కువ కాల వ్యవధిలో అద్భుతంగా తీయడంలో పూరీకి ఎవరు సాటి రాలేరు. కానీ ఇటీవల కాలంలో తీసిన కొన్ని సినిమాలు ఆయన స్ధాయి కావని ఆయన అభిమానులంటున్నారు.

ఇష్మార్ట్ శంకర్ సినిమాతో హిట్ ట్రాక్ ఎక్కిన పూరీ రౌడీ హీరో విజయ్ దేవరకొండ హీరోగా లైగర్ అని పాన్ ఇండియా సినిమా ప్రకటించాడు. ఈ సినిమా ఆగస్ట్ లో విడుదలకి సిద్ధం అవుతుంది. అయితే ఈ సినిమా ప్రచారం లో భాగంగా విడుదల చేసిన ఫస్ట్ లుక్ పోస్టర్ మీద నెటిజన్లు విపరీతంగా ట్రోల్స్ చేస్తున్నారు. ఆ పోస్టర్ లో ఒంటి మీద ఎలాంటి డ్రెస్ లేకుండా, సిక్స్ ప్యాక్ తో విజయ్ నిలబడి, పువ్వులని చేత్తో పట్టుకున్నాడు.

అయితే ఈ పోస్టర్ పై విపరీతం గా ట్రోల్ జరుగుతున్నప్పటికీ ఇదంతా పూరీ ప్రమోషల్ స్టంట్ లో భాగమని ప్రేక్షకులు అనుకుంటున్నారు. గతం లో ‘ఇడియట్’, ‘దేశముదురు’, ‘లోఫర్’ రోగ్ అని తిట్లని సినిమా పేర్లుగా పెట్టి హిట్లు కొట్టిన పూరీకి తన సినిమాని జనాల్లోకి ఎలా తీసుకెళ్లలో బాగా తెలుసని, ఈ విషయం లో వర్మకి పూరీ ఏ మాత్రం తీసిపోడని టాలీవుడ్ లో చర్చ జరుగుతుంది.  కేవలం ఒక్క పోస్టర్ తో సినిమా జనాల్లోకి పోయేలా పూరీ చేయగలిగాడు అని కొందరు అంటే, అలాంటి పోస్టర్ రిలీజ్ చేయడానికి ఒప్పుకున్న విజయ్ కూడా గ్రేట్ అని ఆయన అభిమానులు చర్చించుకుంటున్నారు. ఆ పోస్టర్ పై సోషల్ మీడియాలో విపరీతమైన మీమ్స్ ట్రెండ్ అవుతున్నాయి అవేంటంటే . .

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

ప్రతి గురువారం, శుక్రవారం మనల్నందరిని అలరిస్తున్న ప్రోగ్రామ్స్ జబర్దస్త్ ఇంకా ఎక్స్ట్రా జబర్దస్త్. ఈ ప్రోగ్రామ్స్ స్టార్ట్ అయినప్పటి నుంచి మెల్లమెల్లగా జనాల్లోకి స్ప్రెడ్ అవుతూ, ఇప్పుడు టాప్ షోస్ గా నిలిచాయి. ఈ రెండు ప్రోగ్రామ్స్ ద్వారా ఎంతో మంది ఆర్టిస్టులు మన ఇండస్ట్రీకి పరిచయం అయ్యారు. ఒక రోజు జబర్దస్త్ లో అనసూయ యాంకర్ గా మనల్ని అలరిస్తుంటే, మరొక రోజు ఎక్స్ట్రా జబర్దస్త్ లో రష్మీ యాంకర్ గా మనల్ని ఎంటర్టైన్ చేస్తారు.

జబర్దస్త్ ద్వారా పేరుతెచ్చుకున్న కమెడియన్స్ లో సుధీర్ ఒకరు. సుధీర్ కి రెండు తెలుగు రాష్ట్రాల్లో ఎంత క్రేజ్ ఉందో ప్రత్యేకంగా చెప్పాల్సిన అవసరం లేదు. అలాంటిది సుధీర్ ఇప్పుడు జబర్దస్త్ వదిలేసి వెళ్ళిపోయారు.

ప్రస్తుతం సుధీర్ స్టార్ మాలో ప్రసారం అవుతున్న సూపర్ సింగర్ ప్రోగ్రాంకి యాంకర్ గా వ్యవహరిస్తున్నారు. అయితే సుధీర్ ఇటీవల పార్టీ చేద్దాం పుష్ప అనే ప్రోగ్రాంకి కూడా యాంకర్ గా వ్యవహరించారు. ఈ ప్రోగ్రాంకి సుధీర్ అత్యధిక రెమ్యూనరేషన్ తీసుకున్నారు. ఒక షెడ్యూల్ కి సుధీర్ రెమ్యునరేషన్ దాదాపు 15 లక్షలు అని వార్తలు వినిపిస్తున్నాయి. అంతకు ముందు శ్రీదేవి డ్రామా కంపెనీ లో ఉన్నప్పుడు సుధీర్ 6 నుండి 7 లక్షల వరకు తీసుకునేవారు. ఇప్పుడు స్టార్ మా 10 నుండి 15 లక్షల మొత్తాన్ని ఆఫర్ చేశారు అనే వార్తలు వస్తున్నాయి. ప్రస్తుతం సుధీర్ స్టార్ మా ప్రోగ్రాంలో యాంకర్ గా వ్యవహరిస్తున్నారు.

ప్రముఖ నటి మీనా భర్త విద్యా సాగర్ అస్వస్థత కారణంగా చెన్నైలో తుదిశ్వాస విడిచారు. విద్యా సాగర్ గత కొంత కాలం నుండి ఊపిరితిత్తుల సంబంధిత వ్యాధులతో బాధపడుతున్నారు. మీనా, విద్యా సాగర్ 2009లో పెళ్లి చేసుకున్నారు.

విద్యా సాగర్ తెలుగు కుటుంబానికి చెందినవారు. విద్యా సాగర్ గత కొంత కాలం నుండి ఊపిరితిత్తులకు సంబంధించిన సమస్యలతో బాధపడుతున్నారు.

ఇవాళ మీనా తన సోషల్ మీడియా అకౌంట్ లో ఈ విషయానికి సంబంధించి ఒక పోస్ట్ చేశారు. అందులో మీనా, ” నా భర్త తిరిగిరాని లోకాలకు వెళ్లిపోవడంపై నేను చాలా బాధపడుతున్నాను. ప్రస్తుతం మేము ఉన్న పరిస్థితిని గౌరవించాలి అని నేను మీడియా వారికి రిక్వెస్ట్ చేస్తున్నాను. ఈ విషయంపై తెలిసీ తెలియకుండా తప్పుడు సమాచారాన్ని అందించకండి. ఇలాంటి సమయాల్లో నాకు నా కుటుంబానికి ధైర్యం చెప్పిన వాళ్లందరికీ నేను థాంక్స్ చెప్పాలి అనుకుంటున్నాను. నా భర్తని కాపాడటానికి ఎంతో ప్రయత్నించిన మెడికల్ టీంకి కూడా థాంక్స్ చెప్తున్నాను” అని రాశారు.

విద్యా సాగర్ మొదట సాఫ్ట్‌వేర్ ఇంజనీర్‌గా చేసారు. తర్వాత వ్యాపార రంగంలోకి అడుగు పెట్టారు. పెళ్లయిన తర్వాత కూడా మీనా చాలా సినిమాల్లో  నటించారు. ఇటీవలే వెంకటేష్ హీరోగా నటించిన దృశ్యం 2 లో కూడా మీనా నటించారు. అలాగే మోహన్ బాబు నటించిన సన్ ఆఫ్ ఇండియా సినిమాలో కూడా మోహన్ బాబు పక్కన హీరోయిన్ గా నటించారు. అలాగే రజనీకాంత్ హీరోగా నటించిన పెద్దన్న సినిమాలో కూడా మీనా నటించారు. వారి కూతురు నైనిక కూడా ఒక సినిమాలో నటించారు.

గోపీచంద్ సినిమాలు అంటేనే సాధారణంగా చాలా డిఫరెంట్ గా ఉంటాయి. కథ కూడా అంతకు ముందు ఎక్కడా చూడనట్టుగా ఉంటుంది. కమర్షియల్ సినిమాలు అయినా సరే గోపీచంద్ స్టైల్ ప్రేక్షకులకి చాలా కొత్తగా అనిపిస్తుంది.

అందుకే గోపీచంద్ సినిమా అనగానే ప్రేక్షకుల్లో ఆసక్తి ఉంటుంది. అది కూడా గోపీచంద్ మారుతి లాంటి డైరెక్టర్ తో సినిమా చూస్తున్నారు అనగానే పక్కా కమర్షియల్ సినిమాపై ఎప్పటినుంచో ప్రేక్షకులకి ఎలా ఉంటుందా అనే ఒక ఆసక్తి ఉంది. సాధారణంగా మారుతి సినిమా అంటే కామెడీ, కమర్షియల్ అంశాలు ఉంటాయి.

ఈ సినిమాలో కూడా అలాగే ఉన్నాయి. సినిమాలో చాలా వన్ లైనర్ డైలాగ్స్ ఉన్నాయి. చాలా వరకు అవి వర్కౌట్ అయ్యాయి. కొన్ని చోట్ల మాత్రం కొంచెం ఎక్కువగానే అనిపించాయి. అయితే ప్రస్తుతం సినిమాకి వస్తున్న స్పందన చూసిన తర్వాత ప్రభాస్ అభిమానుల్లో ఆందోళన నెలకొంది. అందుకు కారణం ప్రభాస్ నెక్స్ట్ సినిమా మారుతితో చేస్తున్నారు. రాజా డీలక్స్ అనే సినిమా కోసం ప్రభాస్ మారుతి దర్శకత్వంలో నటిస్తున్నారు.

దాంతో ఈ సినిమా కూడా ఇలాగే ఉంటుంది ఏమో అని అభిమానులు అనుకుంటున్నారు. అంతే కాకుండా ప్రభాస్ గత రెండు సినిమాలు కూడా యంగ్ డైరెక్టర్స్ తో తీశారు. అవి ఆశించిన ఫలితాన్ని ఇవ్వలేదు. ఇప్పుడు ఈ సినిమా అయినా హిట్ అయితే బాగుండు అని అభిమానులు కోరుకుంటున్నారు. ప్రస్తుతం ప్రభాస్ వరుస సినిమాల షూటింగ్ పనులతో బిజీగా ఉన్నారు. ప్రభాస్ హీరోగా నటిస్తున్న ఆది పురుష్ సినిమా షూటింగ్ పూర్తయ్యింది. ప్రభాస్ సలార్ సినిమా పనిలో బిజీగా ఉన్నారు. మరికొన్ని సినిమాలకి సంబంధించిన వార్తలు కూడా వినిపిస్తున్నాయి.

సోషల్ మీడియాలో యాక్టివ్ గా ఉండే సెలబ్రిటీలలో బండ్ల గణేష్ ఒకరు. ఏ విషయం పైన సరే సోషల్ మీడియా వేదికగా బండ్ల గణేష్ స్పందిస్తారు. సెలెబ్రిటీలకి పుట్టిన రోజు సందర్భంగా విషెస్ చెప్పడం మాత్రమే కాకుండా ఎన్నో సామాజిక విషయాలపై కూడా బండ్ల గణేష్ తన అభిప్రాయాన్ని సోషల్ మీడియా ద్వారా వ్యక్తం చేస్తారు.

అయితే ఇటీవల బండ్ల గణేష్ చేసిన ఒక ట్వీట్ ప్రస్తుతం వైరల్ అవుతోంది. ప్రముఖ ప్రొడ్యూసర్ దిల్ రాజుకి కొడుకు పుట్టారు అని తెలిసి అందరూ అభినందించారు. బండ్ల గణేష్ కూడా దిల్ రాజుకి అభినందనలు తెలుపుతూ సోషల్ మీడియాలో ట్వీట్ చేశారు. కానీ ఈ ట్వీట్ లో వేరే ప్రొడ్యూసర్ ని ట్యాగ్ చేశారు.

దిల్ రాజు నిర్మాణ సంస్థ అయిన శ్రీ వెంకటేశ్వర క్రియేషన్స్ ని ట్యాగ్ చేసే బదులు బివిఎస్ఎన్ ప్రసాద్ నిర్మాణ సంస్థ అయిన శ్రీ వెంకటేశ్వర సినీ చిత్ర నిర్మాణ సంస్థని ట్యాగ్ చేశారు. అలాగే ఈ విషయంపై అభినందనలు తెలిపారు. ఇక సినిమాల విషయానికి వస్తే బండ్ల గణేష్ సినిమాల్లో నటించడం, మాత్రమే కాకుండా ఎన్నో సూపర్ హిట్ అయిన సినిమాలను కూడా నిర్మించారు. ప్రస్తుతం బండ్ల గణేష్ నటిస్తున్న కొన్ని సినిమాలు షూటింగ్ దశలో ఉన్నాయి.