Viral

రామ్ చరణ్-శంకర్ కాంబినేషన్లో ఒక సినిమా రాబోతోంది అనే విషయం అందరికీ తెలుసు. ఈ సినిమాని దిల్ రాజు గారు నిర్మిస్తున్నారు. ఈ సినిమా పాన్ ఇండియన్ సినిమాగా విడుదల కాబోతోంది. అయితే ఇందులో హీరోయిన్ గా ఎవరు నటించబోతున్నారు అని చాలా మంది పేర్లు వచ్చాయి. ముందు ఒక చైనీస్ నటి ఈ సినిమాలో హీరోయిన్ గా నటిస్తారు అని అన్నారు.

ఆ తర్వాత కియారా అద్వానీ పేరు వినిపించింది. ఇప్పుడు మాత్రం మరొకరు హీరోయిన్ గా ఫిక్స్ అయ్యారు అనే వార్త బలంగా వినిపిస్తోంది. గత రెండు సంవత్సరాల నుండి హిట్ మీద హిట్ కొడుతూ దూసుకుపోతున్న రష్మిక మందన్న రామ్ చరణ్-శంకర్ కాంబినేషన్లో రూపొందుతున్న సినిమాలో హీరోయిన్ గా నటిస్తున్నారు అనే ప్రచారం జరుగుతోంది.

కొన్ని రోజుల క్రితం ఈ సినిమాకి డైలాగ్ రైటర్ గా సాయి మాధవ్ బుర్రా గారిని తీసుకున్నారు. మెయిన్ కొరియోగ్రాఫర్ గా జానీ మాస్టర్ వ్యవహరిస్తున్నారు. అలాగే తమన్ సంగీత దర్శకత్వం అందిస్తున్నారు. ఇలా సర్ప్రైజ్ గా సినిమాకి సంబంధించిన అప్డేట్స్ ని విడుదల చేశారు. ఇదే విధంగా హీరోయిన్ గురించి కూడా అప్డేట్ ఇస్తారేమో వేచి చూడాల్సిందే.

గత కొద్ది రోజులుగా తమిళ్ స్టార్ హీరో తలపతి విజయ్ తన రోల్స్ రాయిస్ కార్ ఎంట్రీ పన్ను చెల్లించలేదు అనే విషయంపై చర్చలో నిలిచారు. జడ్జ్ ఎం.సుబ్రహ్మణ్యం, విజయ్ 2012 లో కొనుగోలు చేసిన రోల్స్ రాయిస్ కారు ఎంట్రీ పన్ను చెల్లించలేదు అంటూ ఆర్డర్ పాస్ చేశారు. ఈ కారణంగా విజయ్ పై లక్ష రూపాయల జరిమానా విధించారు. అయితే ఇప్పుడు ఈ కేసులో మద్రాస్ హైకోర్టు తీర్పు ఇచ్చింది. ఈ కేసులో విజయ్ పై మధ్యంతర తీర్పును ఇస్తూ ఉత్తర్వులు జారీ చేసింది కోర్టు.

అయితే విజయ్, తాను పన్ను మొత్తం చెల్లించడానికి సిద్ధంగా ఉన్నాను అని, కాకపోతే ఎం.సుబ్రహ్మణ్యం తాను చేసిన అనాలోచిత వ్యాఖ్యలను వెనక్కి తీసుకోవాలి అని అన్నారు అని విజయ్ తరపు సీనియర్ కౌన్సిల్ విజయ్ నారాయణ్ అన్నారు. కోర్ట్ మధ్యంతర ఉత్తర్వులు జారీ చేసిన తర్వాత అప్పీల్ ని  ఆగస్టు 31వ తేదీకి వాయిదా వేసింది. ప్రస్తుతం ట్విట్టర్ లో విజయ అభిమానులు మిస్టర్ పర్ఫెక్ట్ తలపతి విజయ్ అనే హ్యాష్ ట్యాగ్ తో ట్రెండ్ చేస్తున్నారు.

పవర్ స్టార్ పవన్ కళ్యాణ్, రానా దగ్గుబాటి హీరోలుగా మలయాళంలో బ్లాక్ బస్టర్ అయిన అయ్యపనుమ్ కోషియుమ్ రీమేక్ రూపొందుతోంది అన్న విషయం తెలిసిందే. ఇందులో పవన్ కళ్యాణ్ పోలీస్ ఆఫీసర్ పాత్రలో కనిపించబోతున్నారు. ఇటీవల పవన్ కళ్యాణ్ ఈ సినిమా షూటింగ్ లో పాల్గొన్నారు. పవన్ కళ్యాణ్ లుక్ కి సంబంధించిన పోస్టర్ సినిమా బృందం నిన్న విడుదల చేశారు. పోలీస్ గెటప్ లో ఉన్న పవన్ కళ్యాణ్ ఫోటోని పోస్ట్ చేసి, పవన్ కళ్యాణ్ సినిమాలో పోషించే పాత్ర పేరు కూడా రివీల్ చేశారు.

సాగర్ కే చంద్ర దర్శకత్వం వహిస్తున్న ఈ సినిమాలో పవన్ కళ్యాణ్ భీమ్ల నాయక్ అనే పాత్రలో కనిపించబోతున్నారు. అయితే ఈ సినిమా మేకింగ్ వీడియోని సినిమా బృందం ఇవాళ విడుదల చేసింది. ఈ వీడియోలో పవన్ కళ్యాణ్ తో పాటు, రానా దగ్గుబాటి కూడా కనిపిస్తున్నారు. అంతే కాకుండా ఈ సినిమా సంక్రాంతికి విడుదల కాబోతోంది అని కూడా చిత్ర బృందం ప్రకటించింది.

Watch video :

ఆర్ఆర్ఆర్ సినిమా విడుదల గురించి భారతదేశం అంతా కూడా ఆసక్తిగా ఎదురు చూస్తోంది. ఈ సినిమాకు సంబంధించిన ప్రతి అప్డేట్ సోషల్ మీడియాలో వైరల్ అవుతోంది. ప్రేక్షకుల ఆసక్తిని అర్థం చేసుకున్న సినిమా బృందం కూడా సోషల్ మీడియాలో యాక్టివ్ గా ఉంటూ సినిమాకి సంబంధించిన చిన్న చిన్న విషయాలను కూడా షేర్ చేసుకుంటున్నారు. అయితే ఈ సినిమాకు సంబంధించి ఇవాళ మరొక అప్డేట్ విడుదల అయ్యింది.

ఆర్ఆర్ఆర్ సినిమా మొదటి పాట విడుదల తేదీని సినిమా బృందం ప్రకటించింది. ఈ పాటని ఆగస్టు 1వ తేదీన 11 గంటలకు విడుదల చేయబోతున్నారు. ఈ అప్డేట్ కి సంబంధించి విడుదల చేసిన ఫోటోలో మ్యూజిక్ డైరెక్టర్ కీరవాణి గారితో పాటు విజయ్ ఏసుదాస్, అనిరుధ్ రవిచందర్, బాలీవుడ్ మ్యూజిక్ డైరెక్టర్ అమిత్ త్రివేది ఉన్నారు. దోస్తీ అనే ఈ పాటని హేమచంద్ర, అనిరుధ్ రవిచందర్, అమిత్ త్రివేది విజయ్ ఏసుదాస్, యాసిన్ నిజార్ పాడారు. ఈ పాటలో జూనియర్ ఎన్టీఆర్, రామ్ చరణ్, అలియా భట్  కనిపిస్తారు అనే వార్త ప్రచారంలో ఉంది.

మన తెలుగు సినిమా ఇండస్ట్రీలో ఉన్న కమెడియన్లలో టాప్ కమెడియన్ ఎవరు అంటే ఆలోచించకుండా అందరి నోటి నుండి వచ్చే ఒకే ఒక సమాధానం బ్రహ్మానందం గారు. ఎన్నో సంవత్సరాల నుండి ఎన్నో రకాల కామెడీ పాత్రలతో మనందరినీ అలరిస్తున్నారు బ్రహ్మానందం గారు. అయితే బ్రహ్మానందం గారు గత కొన్ని సంవత్సరాల నుండి సినిమాల్లో ఎక్కువగా కనిపించడం లేదు. తన ఆరోగ్యం దృష్ట్యా ఎక్కువగా సినిమాల్లో నటించడం లేదు బ్రహ్మానందం గారు.

అల్లు అర్జున్ హీరోగా నటించిన అల వైకుంఠపురంలో సినిమాలో రాములో రాముల పాటలో కొన్ని సెకండ్లు కనిపిస్తారు. బ్రహ్మానందం గారు అలా స్క్రీన్ మీద కనిపించిన కొన్ని సెకండ్లను కూడా ప్రేక్షకులు చాలా ఎంజాయ్ చేశారు. ఇటీవల నవీన్ పోలిశెట్టి, ప్రియదర్శి, రాహుల్ రామకృష్ణ ముఖ్య పాత్రల్లో నటించిన జాతి రత్నాలు సినిమాలో కూడా జడ్జ్ గా నటించారు బ్రహ్మానందం గారు. అయితే ఇప్పుడు బ్రహ్మానందం గారు మళ్లీ తిరిగి సినిమాల్లో నటించబోతున్నారు అనే వార్త వినిపిస్తోంది.

ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న సినిమాలో బ్రహ్మానందం గారు ఒక ముఖ్య పాత్రలో నటించబోతున్నారట. ఇందులో ప్రభాస్ కి, బ్రహ్మానందం గారికి మధ్య వచ్చే కామెడీ ట్రాక్ మెయిన్ హైలైట్ గా నిలుస్తుందట. ఒకవేళ ఇదే నిజమైతే మళ్లీ అతిధి పాత్రలో కాకుండా ఒక ఫుల్ లెన్త్ పాత్రలో బ్రహ్మానందం గారిని తెరపై చూడొచ్చన్నమాట. ఇంకా ఈ సినిమా విషయానికి వస్తే ప్రాజెక్ట్ కే అనే పేరుతో రూపొందుతున్న ఈ సినిమా షూటింగ్ ఇటీవల ప్రారంభమయ్యింది.