Viral

రామ్‌చ‌ర‌ణ్, ద‌ర్శ‌కుడు బుచ్చిబాబు సానా క‌ల‌యిక‌లో రూపొందుతోన్న పాన్ ఇండియ‌న్ సినిమాను అఫీషియ‌ల్‌గా అనౌన్స్‌ చేశారు. రామ్‌చ‌ర‌ణ్ 16వ సినిమాకు బుచ్చిబాబు సానా ద‌ర్శ‌క‌త్వం వ‌హించ‌నున్నాడు. ఉప్పెన సినిమాతో ద‌ర్శ‌కుడిగా టాలీవుడ్‌లో అరంగేట్రం చేసిన బుచ్చిబాబు రెండో సినిమాతోనే బంప‌రాఫ‌ర్‌ను అందుకున్నాడు. కొన్నిసార్లు తిరుగుబాటు అవ‌స‌రం అంటూ ఈ సినిమా అనౌన్స్‌మెంట్ పోస్ట‌ర్‌పై ఉన్న క్యాప్ష‌న్‌ ఆస‌క్తిని పంచుతోంది.

మైత్రీ మూవీ మేక‌ర్స్ స‌మ‌ర్ఫ‌ణ‌లో సుకుమార్ రైటింగ్స్‌, వృద్ధి సినిమాస్ ప‌తాకాల‌పై వెంక‌ట స‌తీష్ కిలారు ఈ పాన్ ఇండియ‌న్ సినిమాను నిర్మించ‌బోతున్నారు. క‌థానాయిక‌తో పాటు మిగిలిన న‌టీన‌టులు, సాంకేతిక నిపుణుల వివ‌రాల్ని త్వ‌ర‌లో వెల్ల‌డించే అవ‌కాశం ఉంది. ఈ చిత్రం లో హీరోయిన్ గా దివంగత హీరోయిన్ శ్రీదేవి తనయ జాన్వీ కపూర్ పేరు ని పరిశీలిస్తున్నారట మేకర్స్.

అయితే తాజాగా ఈ చిత్రానికి సంబంధించిన ఒక ఆసక్తికర సమాచారం నెట్టింట వైరల్ గా మారింది. ఈ సినిమా కోసం నిర్మాతలు ఏకం గా 250 కోట్ల రూపాయలు ఖర్చు పెట్టనున్నట్లు సమాచారం. తొలి చిత్రం తో 100 కోట్లు వసూలు చేసిన బుచ్చి బాబు ని నమ్మి మేకర్స్ ఇంత భారీ బడ్జెట్ పెట్టనున్నట్లు తెలుస్తోంది. ఈ చిత్రం కోసం పవర్ ఫుల్ స్క్రిప్ట్ ను సిద్ధం చేశారట బుచ్చిబాబు. ఆర్.ఆర్.ఆర్ సక్సెస్ తో దేశవిదేశాల్లో చరణ్ మార్కెట్ భారీగా పెరిగిన నేపథ్యంలో మేకర్స్ ఖర్చు విషయంలో అస్సలు రాజీ పడకూడదని భావిస్తున్నారని సమాచారం.

రాజమౌళి దర్శకత్వంలో వచ్చిన ఆర్ ఆర్ ఆర్ సినిమా తర్వాత మెగా పవర్‌స్టార్ రామ్‌ చరణ్ టాప్ డైరెక్టర్లలో ఒకరైన శంకర్‌తో కలిసి పాన్ ఇండియన్ ప్రాజెక్ట్ చేస్తోన్నసంగతి తెలిసిందే. ఈ సినిమా ప్రస్తుతం షూటింగ్‌ను జరుపుకుంటోంది. దిల్ రాజు నిర్మిస్తున్నారు.. కియారా అద్వానీ హీరోయిన్‌గా చేస్తున్నారు. ఇక ఈ సినిమాలోనే ప్రధాన హైలైట్‌.. రామ్ చరణ్ డ్యుయల్ రోల్‌లో కనిపించనున్నారు. వీటిలో ఒక పాత్రలో గ్రామీణ యువకుడిగా కనిపంచనుండగా.. మరో పాత్రలో సూపర్ స్టైలిష్‌గా కనిపిస్తారని తెలుస్తోంది.

దర్శకధీరుడు రాజమౌళి తెరకెక్కించిన కళాఖండం ఆర్ ఆర్ ఆర్. కొమురం భీమ్ గా యంగ్ టైగర్ ఎన్టీఆర్, అల్లూరి సీతారామరాజుగా మెగా పవర్ స్టార్ రామ్ చరణ్ కలిసి నటించిన ఈ మూవీకి ప్రపంచవ్యాప్తంగా పేరు వచ్చింది. ఈ సినిమాతో తెలుగు ఇండస్ట్రీ ఖ్యాతి ఎల్లలు దాటింది. కానీ భారత్ తరఫున ఆస్కార్ అవార్డుల పోటికి అధికారిక ఎంట్రీకి గుజరాతీ చిత్రం ఛెల్లో షో సినిమాను ప్రకటించిన విషయం తెలిసిందే.

అయితే దానితో సంబంధం లేకుండా ఎఫ్ వై సి(ఫర్ యువర్ కన్సిడరేషన్) క్యాంపెయిన్ మొదలు పెట్టింది ఆర్ ఆర్ ఆర్ టీం. అయితే ఈ చిత్రం ఆస్కార్స్ లో నిలుస్తుంది అన్నప్పటి నుంచి ఆస్కార్ కి వెళ్లబోయే లిస్ట్ అంటూ చాలా వార్తలు వచ్చాయి. కానీ వాటిలో ఏవి ఇప్పటి వరకు అధికారికం గా ప్రకటించలేదు.

అలాగే తాజాగా మరో లిస్ట్ నెట్టింట వైరల్ అవుతోంది. అందులో ఈ పరిశీనలకు సంబంధించి ఉత్తమ సినిమా, ఉత్తమ దర్శకుడు (రాజమౌళి), ఉత్తమ నటుడు (రామ్ చరణ్), ఉత్తమ పాట (నాటు నాటు, కీరవాణి), ఉత్తమ చిత్రం (ఆర్ ఆర్ ఆర్), ఉత్తమ స్క్రీన్ ప్లే ( విజయేంద్ర ప్రసాద్), ఉత్తమ విజువల్ ఎఫెక్ట్స్ ( శ్రీనివాస్ మోహన్) అని ఆ లిస్ట్ లో ఉంది. వీటిలో కనీసం రెండు కేటగిరీల్లో ఆస్కార్స్ వచ్చే అవకాశం ఉంది అనే వార్త ప్రస్తుతం వైరల్ అవుతోంది.

అయితే ఈ సినిమాలో బెస్ట్ యాక్టర్ గా జూనియర్ ఎన్టీఆర్ ని ఎంతో పెద్ద అవార్డ్ అయిన ఆస్కార్ అవార్డ్ నామినేషన్స్ కి పంపాలి అంటూ ఒక ప్రముఖ మ్యాగజిన్ రాసింది. కానీ ఈ లిస్ట్ లో ఎన్టీఆర్ పేరు లేకపోవడం పై ఆయన ఫాన్స్ ఆగ్రహం వ్యక్తం చేస్తున్నారు. ఆర్ ఆర్ ఆర్ చిత్రం లో కొమురం భీం గా ఎన్టీఆర్ ఎంతో బాగా నటించారు. ఆయన పాత్ర పై సర్వత్రా పలు ప్రసంశలు లభించాయి.

అధికారికంగా ఆస్కార్ బరిలో నిలిచే చిత్రాలు, నటులు, వంటి వివిధ కేటగిరీ లకు సంబంధించిన లిస్ట్ వచ్చే ఏడాది జనవరి 24 న రానుంది. అప్పటికి ఈ అంశంపై స్పష్టత వచ్చే అవకాశం ఉంది. అదే విధంగా ఆస్కార్ వేడుక వచ్చే ఏడాది మార్చి నెలలో జరుగనుంది.

తెలుగు సినిమా స్థాయి ‘బాహుబలి’ చిత్రంతో ఎక్కడికో వెళ్లిపోయింది. ఆ తర్వాత అందరి దృష్టి తెలుగు సినిమాలపైనే ఉంది. ఈ నేపథ్యంలో వచ్చిన పుష్ప చిత్రం కూడా పాన్ ఇండియా లెవెల్లో విడుదలై అందర్నీ ఆకట్టుకుంది. సుకుమార్ దర్శకత్వం లో ఐకాన్ స్టార్ అల్లు అర్జున్ నటించిన ఈ చిత్రం ఏ రేంజ్ లో హిట్ అయ్యిందో అందరికి తెలిసిందే. ఇది ఇలా ఉంటే ఈ సినిమా విడుదల అయ్యి దాదాపు ఏడాది పూర్తికావస్తున్నా కూడా పుష్ప పార్ట్ 2 కి సంబంధించిన ఇంకా మొదలు కాకపోవడంతో అభిమానులు నిరాశ వ్యక్తం చేస్తున్నారు.

ఈ చిత్రం రెండు భాగాలుగా రాబోతున్న విషయం తెలిసిందే. ఇందులో మొదటి దాన్ని ‘పుష్ప: ది రైజ్’ పేరుతో విడుదల అవగా, రెండో భాగానికి ‘పుష్ప: ది రూల్’ అనే టైటిల్ పెట్టారు. ఇందులో పుష్ప రూలర్ గా ఎలా మారాడు అన్న విషయాన్ని చూపించనున్నారు. ఎంతో ప్రతిష్టాత్మకంగా రానున్న ఈ రెండో భాగం లో ఎంతో మంది స్టార్లను భాగం చేయనున్నట్లు తెలుస్తోంది.

ఈ నేపథ్యం లో ఈ చిత్రానికి సంబంధించిన ఒక ఇంటరెస్టింగ్ అప్డేట్ నెట్టింట వైరల్ గా మారింది. పుష్ప 2 లో రామ్ చరణ్ ని ఒక కీలక పాత్ర కోసం ఒప్పించినట్లుగా న్యూస్ వైరల్ అవుతోంది. ఈ సినిమా కోసం సుకుమార్ అదిరిపోయే ట్విస్ట్ లు, యాక్షన్ సీక్వెన్స్ లు రాసుకున్నాడట. ఇందులో భాగం గా ఊహించని విధంగా రామ్ చరణ్ ఎంట్రీ ఉండేలాగా రాసుకున్నారట.

ఈ మూవీ లో ప్రీ క్లైమాక్స్ సమయం లో రామ్ చరణ్ ఎంట్రీ ఇచ్చి, అల్లు అర్జున్ తో కలిసి ప్రత్యర్థులపై పోరాటం చేస్తారని టాక్. తమిళం లో దర్శకుడు లోకేష్ కనకరాజ్ తనకంటూ ఒక యూనివర్స్ క్రియేట్ చెయ్యడం కోసం వరుసగా సినిమాలు చేస్తూ.. హీరోలని, కొన్ని పాత్రలని అందులో భాగం చేస్తున్నాడు. ఇప్పుడు అదే ఫార్ములాని సుకుమార్ క్రియేట్ చేయబోతున్నాడని తెలుస్తోంది.

అందుకే చిట్టిబాబు పాత్రని పుష్ప రాజ్ తో కలపబోతున్నట్లు తెలుస్తోంది. అలాగే సినిమాలో నుండి ఒక డైలాగ్ కూడా లీక్ అయింది. అడవిలో జంతువులు నాలుగు అడుగులు వెనక్కి వేసాయంటే పులి వచ్చిందని అర్ధం.. అదే పులి నాలుగు అడుగులు వెనక్కి వేసిందంటే పుష్ప రాజ్ వచ్చాడని అర్థం. అనే ఒక డైలాగ్ కూడా సోషల్ మీడియాలో వైరల్ అవుతోంది

పవన్ కళ్యాణ్ హీరోగా హరీష్ శంకర్ దర్శకత్వంలో సినిమా రాబోతున్న సంగతి తెలిసిందే. సినిమాకి ముందు భవదీయుడు భగత్ సింగ్ అని పేరు పెట్టారు. సినిమా ప్రకటించారు కానీ ఆ తర్వాత సినిమాకి సంబంధించిన ఒక విషయం కూడా చెప్పలేదు. దాంతో అసలు సినిమా ఉందా ఆగిపోయిందా అని అనుమానాలు కూడా అందరికీ వచ్చాయి.

సోషల్ మీడియా ద్వారా పవన్ కళ్యాణ్ అభిమానులు అందరూ కూడా మళ్లీ మీ సినిమా ఎప్పుడు ఉంటుంది అని సినిమా దర్శకుడిని నిర్మాతలని అడగడం మొదలుపెట్టారు. ఇటీవల హరీష్ శంకర్ సినిమాకి సంబంధించి ఒక విషయాన్ని చెప్తాను అని ప్రకటించారు. నిన్న సోషల్ మీడియాలో ఈ సినిమా పేరు ఉస్తాద్ భగత్ సింగ్ అని చెప్పారు.

ఈ సినిమాకి సంబంధించి పూజా కార్యక్రమాలు కూడా నిన్న జరిగాయి. ఇందులో పవన్ కళ్యాణ్ కూడా పాల్గొన్నారు. అయితే ఇప్పుడు ప్రేక్షకుల్లో ఈ సినిమాకి సంబంధించి ఇంకో కొత్త అనుమానం మొదలయ్యింది. అదేంటంటే, ఈ సినిమా తమిళ్ స్టార్ విజయ్ హీరోగా నటించిన తేరి సినిమా రీమేక్ అని అంటున్నారు. ఇదే సినిమా తెలుగులో పోలీసోడు పేరుతో విడుదల కూడా అయ్యింది.

సినిమా తమిళ్ లో చాలా పెద్ద హిట్ అయ్యింది. తెలుగులో కూడా హిట్ అయ్యింది. అయితే ఇప్పుడు ఈ సినిమాని పవన్ కళ్యాణ్ రీమేక్ చేస్తున్నారు అని అంటున్నారు. మరి ఇందులో ఎంతవరకు నిజం ఉంది అనేది తెలీదు. కానీ సినిమా పేరు విని మాత్రం అందరూ సర్దార్ గబ్బర్ సింగ్ గుర్తోస్తోంది అంటున్నారు. ఈ విషయంపై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2

#3#4#5#6#7#8#9#10
#11#12#13#14#15#16#17#18

రియల్ లైఫ్ కపుల్ నాగ చైతన్య, సమంత జంటగా నటించిన చిత్రం ‘మజిలీ’. ఈ సినిమాకి ముందు వారిద్దరూ కలిసి రెండు చిత్రాల్లో నటించారు కానీ నిజ జీవితం లో భార్యాభర్తలు అయిన తర్వాత ఈ చిత్రం లో వారు తొలి భార్యాభర్తలుగా కలిసి నటించారు. కానీ వారికి జంటగా అదే సినిమా ఆఖరిది అయ్యింది. అయితే ఈ చిత్రం అప్పట్లో సెన్సేషన్ క్రియేట్ చేసింది. మజిలీ సినిమాలో సమంత నటనకు ఎన్ని మార్కులు వేసినా తక్కువే. భర్త యొక్క ప్రేమను పొందేందుకు ఆమె చేసే ప్రయత్నం.. ఆమె ఎమోషన్స్ లో చూడవచ్చు.

అయితే ఈ చిత్రాన్ని మరాఠీ లో రీమేక్ చేయనున్నారు. నిజజీవిత జంట అయిన రితేష్, జెనీలియా ఇందులో ప్రధాన పాత్రలు పోషిస్తున్నారు. అయితే తాజాగా ఈ చిత్ర టీజర్ రిలీజ్ చేసారు. దాన్ని చూసిన నెటిజన్లు రీమేక్ లో జెనీలియా అనుకున్న స్థాయిలో ఎమోషన్స్ పండించలేక పోయిందని అనుకుంటున్నారు.

మజిలీ చిత్రం లో సమంత ఒక సన్నివేశంలో నాగ చైతన్య కాలు టచ్ చేస్తుంది. ఆ సన్నివేశంలో సమంతకు అతడిపై ఉన్న ప్రేమ మొత్తం కనిపిస్తుంది. ఆ సన్నివేశంను ఏ ఒక్కరు కూడా ఓవర్ అనుకోలేదు. కానీ తాజా ఈ సినిమా లో మాత్రం రితేష్ యొక్క కాలును టచ్ చేసి మొక్కుకున్న సమయంలో జెనీలియా ఓవర్ యాక్షన్ అనిపించింది. ఈ ఒక్క సీన్ తోనే మజిలీ రీమేక్ నిరాశ పర్చింది.

జెనీలియా చాలా సీనియర్ హీరోయిన్. నటిగా మంచి మార్కులు దక్కించుకుంది. తెలుగులో ఆమెకు ఇప్పటికీ అభిమానులున్నారు. కానీ మజిలీ చూసిన తర్వాత సామ్ పాత్రలో జెనీలియా సరిపడలేదని వారు భావిస్తున్నారు. అంతే కాకుండా మజిలీ సినిమాలో “ప్రియతమా” సాంగ్ చాలా బావుంటుంది. కానీ ఈ సాంగ్ లో మ్యూజిక్ ఆ సిట్యుయేషన్స్ కి సరిపడినట్టు లేదని నెటిజన్లు ట్రోల్ చేస్తున్నారు. సోషల్ మీడియాలో ఈ వీడియోను షేర్ చేసి సినిమా మరెంత కళా ఖండం అన్నట్లుగా ఉంటుందో అంటూ కామెంట్స్ చేస్తున్నారు.

2012లో రితేష్‌ తో పెళ్లి తర్వాత దాదాపు పదేళ్ల కు జెనీలియా మళ్లీ వెండితెరపై కనిపించబోతుంది. ‘వేద్‌’ పేరుతో ఈ చిత్రం తెరకెక్కనుంది. మరాఠీలో జెనీలియా హీరోయిన్ గా చేస్తున్న మొదటి సినిమా ఇది. ఈ సినిమాని ఆమె భర్త రితేష్‌ దర్శకత్వం వహించడం విశేషం. దర్శకుడిగా రితేష్‌కి కూడా ఇది తొలి సినిమా కావడంతో ఈ సినిమాపై మరింత ఆసక్తి పెరిగింది.

watch video :

https://www.instagram.com/reel/Cly-_OaD_cP/?igshid=YmMyMTA2M2Y%3D

ఎన్నో అంచనాల నడుమ విడుదలైన ‘లైగర్’ సినిమా పరాజయం తో డాషింగ్ డైరెక్టర్ పూరి కాస్త గ్యాప్ తీసుకున్నాడు. ఇప్పుడు సోషల్ మీడియాలో తిరిగి యాక్టివ్ అయ్యారు. కాగా ‘పూరీ మ్యూజింగ్స్‌’ పేరుతో చేసే పాడ్‌కాస్ట్‌లకు కూడా కొంత విరామం ఇచ్చిన ఆయన తాజాగా మళ్లీ ప్రారంభించారు. ఇప్పటికే ఎన్నో విభిన్న కాన్సెప్ట్ లను ప్రేక్షకులకు వినిపించిన ఆయన ఈసారి తడ్కా గురించి చెప్పారు.

ఎన్నో రకాల కాన్సెప్ట్‌లతో పాడ్‌క్యాస్ట్‌ వినిపించిన ఆయన ఈసారి ‘తడ్కా’ గురించి చెప్పారు. తడ్కా అంటే తాలింపు. అంటే ఆయన వంటల గురించి మాట్లాడారు అనుకుంటే పొరపాటే. ఆయన మన జీవితాల్లోని తడ్కా ల గురించి మాట్లాడారు.

‘‘మనం అప్పుడప్పుడు ఏదైనా పనికోసం ఓ మనిషిని మరో మనిషి దగ్గరకు పంపిస్తాం. అతను తిరిగొచ్చి అక్కడ ఏం జరిగిందో చెప్పకుండా.. మిగిలినవ్నీ చెబుతాడు. ఏం జరిగింది? అని అడిగితే.. ‘మంచి రోజులు కావన్నా. నువ్వు ఎంత మంచి చేసినా ఫలితం ఉండదు. అతడు అలా మాట్లాడడం నాకు నచ్చలేదు. నాలుగు డబ్బు వచ్చేసరికి కొవ్వెక్కి కొట్టుకుంటున్నాడు. నేను కాబట్టి ఊరుకున్నా. వాడి మాటలు వింటే నువ్వు అయితే కొడతావ్‌’ అని మనం పంపించిన మనిషి జవాబిస్తాడు. కాదురా ఇంతకీ వాడు ఏమన్నాడో చెప్పు అని గట్టిగా అడిగితే.. ‘డబ్బులిచ్చి పట్టుకెళ్లమన్నాడు’ అన్నా అని బదులిస్తాడు. అక్కడ పెనంలో ఉన్న దాన్ని ఇక్కడకి తీసుకొచ్చేలోపు మనుషులు తాలింపు వేసి తీసుకొస్తారు.” అని పూరి తెలిపాడు.

“తాలింపు అంటే తడ్కా. జీవితంలో సగం గొడవలు ఇలాగే తడ్కా వల్లే వస్తాయి. ఇక్కడ మధ్యవర్తులు జరిగింది చెబుతున్నారా.. లేక వారికి నచ్చింది చెబుతున్నారా.. అన్నది మనం చూసుకోవాలి. ఆ మధ్యవర్తులు ఎవరో కాదు మనమే. ప్రతి ఒక్కరూ తడ్కా స్పెషలిస్ట్. తడ్కా లేకుండా ఎవరూ మన దగ్గరకు ఏ వంటకాన్నీ తీసుకురారు. ఇప్పుడు మనం ఎంత స్మార్ట్‌గా ఉంటున్నామో తడ్కా అలానే ఉంటుంది. జాగ్రత్తగా ఉండండి. దయచేసి తడ్కా తగ్గిద్దాం’’ అని పూరీ జగన్నాథ్‌ పేర్కొన్నారు.