Viral

PREMALU REVIEW: కొన్ని సినిమాలు విడుదల అయ్యే సమయానికే మన తెలుగులో డబ్ చేసి విడుదల చేస్తే, కొన్ని సినిమాలు మాత్రం విడుదల అయ్యాక, హిట్ అయ్యాక తెలుగులోకి డబ్బింగ్ చేసి విడుదల చేస్తున్నారు. అలా ఇప్పుడు మలయాళంలో ఇటీవల విడుదల అయ్యి సూపర్ హిట్ అయిన ప్రేమలు సినిమా తెలుగులో రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ప్రేమలు
• నటీనటులు : నస్లెన్ కె గఫూర్, మమిత బిజు, అల్తాఫ్ సలీం, శ్యామ్ మోహన్.
• నిర్మాత : ఫహాద్ ఫాజిల్, దిలీష్ పోతన్, శ్యామ్ పుష్కరన్.
• దర్శకత్వం : గిరీష్ ఎ డి
• సంగీతం : విష్ణు విజయ్
• విడుదల తేదీ : మార్చి 8, 2024

స్టోరీ :

సచిన్ (నస్లెన్ కె గఫూర్) ఇంజనీరింగ్ పూర్తి చేస్తాడు. ఇంట్లో తన తల్లిదండ్రులకి పడదు. యూకేకి వెళ్ళిపోవాలి అని సచిన్ అనుకుంటాడు. అంతలో వీసా సమస్య ఎదురవుతుంది. వీసా రావాలి అంటే ఇంకొక 6 నెలలు ఎదురు చూడాలి. తన ఇంట్లో కూడా ఇబ్బందికరమైన పరిస్థితులు ఉండడంతో, అదే సమయంలో సచిన్ స్నేహితుడు అమూల్ (సంగీత్ ప్ర‌తాప్‌) సలహాతో గేట్ కోచింగ్ లో జాయిన్ అవుతాడు. దాని కోసం హైదరాబాద్ కి వస్తారు.

అక్కడ ఒక పెళ్లిలో సచిన్ రీను (మమిత బిజు) ని చూసి ఇష్టపడతాడు. ఆ తర్వాత వాళ్ళిద్దరూ స్నేహితులు అవుతారు. కానీ రీనుకి కావాల్సిన క్వాలిటీస్ ఏవి కూడా సచిన్ లో ఉండవు. ఆ తర్వాత ఏం జరిగింది? గతంలో సచిన్ ప్రేమించిన అమ్మాయి ఎవరు? ఆ అమ్మాయికి తన ప్రేమని ఎందుకు చెప్పలేదు? ఇప్పుడు రీనుకి తన ప్రేమని చెప్పగలుగుతాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఒక సినిమా ప్రేక్షకులకి నచ్చాలి అంటే, కొత్త కథ ఉండాలి, చాలా డిఫరెంట్ కాన్సెప్ట్ ఉండాలి, అందులో పాత్రలు కూడా డిఫరెంట్ గా ఉండాలి అనే అవసరం లేదు. రొటీన్ కథ అయినా కూడా టేకింగ్ బాగుంటే ప్రేక్షకులకి ఆటోమేటిక్ గా నచ్చుతుంది. ఈ సినిమా విషయంలో కూడా అదే జరిగింది. యూత్ ఫుల్ లవ్ స్టోరీస్ అంటే అది ఒక యూనివర్సల్ కాన్సెప్ట్. కాబట్టి ఏ భాషలోకి అయినా ఈ సినిమాలని డబ్బింగ్ చేసి విడుదల చేసే అవకాశాలు ఉంటాయి. ఇదే అవకాశాన్ని తెలుగులో రాజమౌళి కొడుకు ఎస్ ఎస్ కార్తికేయ తీసుకున్నారు.

ఈ సినిమా డిస్ట్రిబ్యూషన్ రైట్స్ తీసుకొని తెలుగులో విడుదల చేశారు. ఇది నిజంగానే ఒక సక్సెస్ ఫుల్ ప్రయత్నం. సినిమా కథ మనకి తెలిసిన కథ. కానీ టేకింగ్ పరంగా బాగుంది. ఇటీవల కాలంలో ఇలాంటి సింపుల్ కాన్సెప్ట్ ఉన్న సినిమాలు రావడం తగ్గిపోయాయి. ఇది చాలా ఫ్రెష్ గా అనిపిస్తుంది. సినిమా చూస్తున్నంత సేపు బోర్ కొట్టకుండా నవ్విస్తారు. ఈ సినిమా హైదరాబాద్ లో తీశారు. దాంతో మన తెలుగు నేటివిటీకి దగ్గరగా అనిపిస్తుంది.

ఈ సినిమాకి ఇటీవల విడుదల అయిన 90స్ సిరీస్ డైరెక్టర్ ఆదిత్య హాసన్ డైలాగ్స్ అందించారు. అవి చాలా వరకు నవ్వు తెప్పించే విధంగా ఉన్నాయి. సోషల్ మీడియా రిఫరెన్సెస్ అయితే ఎక్కువగానే ఉన్నాయి. ఇంక పర్ఫార్మెన్స్ విషయానికి వస్తే, నటీనటులు అందరూ కూడా మనకు తెలిసిన వారు కాదు. అయినా కూడా చాలా బాగా చేశారు. వాళ్ళని చూస్తుంటే ఒక కొత్త వాళ్లను చూస్తున్న ఫీలింగ్ రాదు. వారి పాత్రలు మాత్రమే కనిపిస్తాయి. సినిమా కోసం ఒక బలమైన గొడవ పెట్టాలి అని దర్శకుడు గిరీష్ అనుకోలేదు.

సాధారణంగా చాలా మంది జీవితాల్లో జరిగే విషయాలు, ఆ విషయాల నుండి వచ్చే గొడవలు. వాటిని ఎలా పరిష్కరించుకున్నారు. ఇదే విషయం మీద సినిమా అంతా కూడా నడుస్తుంది. అయితే సినిమా స్టార్ట్ అవ్వడం మాత్రం సాధారణంగానే స్టార్ట్ అవుతుంది. కాస్త స్లోగా ఉంటుంది. ఆ తర్వాత నుండి వచ్చే ఎపిసోడ్స్ మాత్రం వేగంగా నడుస్తాయి. కొన్ని ఊరి పేర్లు విషయంలో కూడా తెలుగు డబ్బింగ్ లో కన్ఫ్యూజన్ గా అనిపిస్తాయి. విష్ణు విజయ్ అందించిన సంగీతం కూడా బాగుంది.

ప్లస్ పాయింట్స్ :

• నటీనటుల పర్ఫామెన్స్
• ప్రేక్షకులకు కనెక్ట్ అయ్యే సీన్స్
• డైలాగ్స్
• కామెడీ

మైనస్ పాయింట్స్:

• తెలిసిన కథ
• కొంచెం స్లోగా స్టార్ట్ అయ్యే ఫస్ట్ హాఫ్

రేటింగ్ :

3.25/5

ట్యాగ్ లైన్ :

పేరుకి మాత్రమే ఈ సినిమా యూత్ ఫుల్ ఎంటర్టైనర్. కానీ కుటుంబం అంతా కూడా కలిసి చూసే అంత మంచి కథనం ఉంది. కొత్త కథ ఎక్స్పెక్ట్ చేయకుండా, సరదాగా అలా నవ్వుకుందాం అని అనుకునే వారికి ఈ సినిమా అస్సలు నిరాశపరచదు. ఇటీవల కాలంలో వచ్చిన కామిడీ ఎంటర్టైనర్స్ లో ప్రేమలు సినిమా ఒక మంచి ఎంటర్టైనర్ గా నిలుస్తుంది.

watch trailer :

ప్రముఖ దర్శకుడు రామ్ గోపాల్ వర్మ దర్శకత్వంలో వచ్చిన వ్యూహం సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : వ్యూహం
• నటీనటులు : అజ్మల్ అమీర్, ధనుంజయ్ ప్రభునే, సురభి ప్రభావతి, మానస రాధాకృష్ణన్.
• నిర్మాత : దాసరి కిరణ్ కుమార్
• దర్శకత్వం : రామ్ గోపాల్ వర్మ
• సంగీతం : బాలాజీ
• విడుదల తేదీ : మార్చి 2, 2024

స్టోరీ :

వైయస్ రాజశేఖర్ రెడ్డి గారు మరణించిన సీన్ తో సినిమా మొదలవుతుంది. అయితే, సినిమాలో అందరి పేర్లు మార్చారు. వీర శేఖర్ రెడ్డి, జగన్మోహన్ రెడ్డిని, మదన్ రెడ్డి, వైయస్ భారతి గారిని మాలతి, సోనియా గాంధీని మేడం, బాబు గారు, ముఖేష్, జనసేన పార్టీ పేరుని మనసేన, శ్రవణ్ కళ్యాణ్ పేర్లతో సినిమాలో పాత్రలని చూపించారు. తండ్రి చనిపోయాక మదన్ రెడ్డి (అజ్మల్ అమీర్) ఏం చేశారు? ఆయన ఎదుర్కొన్న సంఘటనలు ఏంటి? ఇవన్నీ సినిమాలో చూపించారు.

రివ్యూ :

వైయస్ఆర్ గారి మరణం తర్వాత జరిగిన సంఘటనలు అన్నీ కూడా సినిమాలో చూపించారు. అయితే సినిమాలో పాత్రల పేర్లు మాత్రం మార్చి చూపించారు. అయినా కూడా వస్త్రధారణ, వేషధారణని బట్టి వాళ్ళు ఎవరు అనేది మనకి అర్థం అవుతుంది. పర్ఫార్మెన్స్ విషయానికి వస్తే, సినిమాలో నటించిన నటీనటులు అందరూ కూడా తమ పాత్రలకి తగ్గట్టు నటించారు. నిజ జీవితంలో ఉన్న వ్యక్తుల ఆధారంగా ఈ పాత్రలు రూపొందించారు కాబట్టి, వారి హావభావాలు, మాట్లాడే విధానం అవన్నీ కూడా నిజ జీవితంలో ఉండే వ్యక్తుల లాగానే ఉండేలాగా చూసుకున్నారు. చాలా వరకు అలాగే చేశారు కూడా.

కాబట్టి ఆ పాత్రల్లో ఆ నటీనటులు పర్ఫెక్ట్ గా సూట్ అయ్యారు. డైలాగ్ డెలివరీ, వాయిస్ మోడ్యులేషన్ విషయంలో కూడా తీసుకున్న జాగ్రత్తలు సినిమాలో ఆ పాత్రలు ఎవరు అనేది తెలియజేసేలాగా ఉన్నాయి. వైయస్ జగన్మోహన్ రెడ్డి పాత్రలో నటించిన అజ్మల్ అమీర్ చాలా బాగా నటించారు. సినిమాలో ఎమోషనల్ సీన్స్ కూడా ఎక్కువగా ఉండేలాగా చూసుకున్నారు. అవన్నీ తెరపై చాలా బాగా కనిపించాయి. నేపథ్య సంగీతం విషయంలో ఇంకా కొంచెం జాగ్రత్త తీసుకొని ఉంటే బాగుండేది. కానీ సినిమా అంతటా కూడా కంటెంట్ పరంగా బలంగా ఉండేలాగా చూసుకున్నారు.

రేటింగ్ :

3/5

ట్యాగ్ లైన్ :

వైయస్సార్ గారి మరణం తర్వాత జగన్మోహన్ రెడ్డి ఎదుర్కొన్న సంఘటనలని ఈ సినిమాలో చూపించారు. జగన్మోహన్ రెడ్డి గారు ఆ తర్వాత ఎలాంటి నిర్ణయాలు తీసుకున్నారు, ఎలా ముందడుగు వేశారు అనే విషయాలని కూడా ఇందులో చూపించారు. ఇది ఒక మంచి పొలిటికల్ డ్రామా.

watch trailer :

ALSO READ : ఇలా కుడా అవుట్ అవుతారా.? పాపం తమన్ అన్న..!

ఎన్నో సినిమాల్లో కమెడియన్ గా, ముఖ్య పాత్రల్లో నటించిన వెన్నెల కిషోర్, ఇప్పుడు చారి 111 సినిమాతో హీరోగా ప్రేక్షకుల ముందుకి వచ్చారు. ఈ సినిమా ఇవాళ విడుదల అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : చారి 111
• నటీనటులు : వెన్నెల కిషోర్, మురళీ శర్మ, సంయుక్త విశ్వనాథన్.
• నిర్మాత : అదితి సోని
• దర్శకత్వం : టిజి కీర్తి కుమార్
• సంగీతం : సైమన్ కె కింగ్
• విడుదల తేదీ : మార్చి 1, 2024

స్టోరీ :

ప్రసాద్ రావు (మురళీ శర్మ) ఒక రిటైర్డ్ ఆర్మీ ఆఫీసర్. దేశంలో జరిగే కొన్ని పనులని ఆపడానికి, ఆ పనుల నుండి దేశాన్ని కాపాడడానికి, ముఖ్యమంత్రి, ప్రసాద్ రావు నేతృత్వంలోనే రుద్రనేత్ర అనే ఒక ఏజెన్సీని స్థాపిస్తారు. అయితే హైదరాబాద్ లో సూ-సై-డ్ బాం-బ్ అ-టా-క్స్ జరిగే మిషన్ ని డీల్ చేయడానికి ఎవరు ఖాళీగా లేకపోవడంతో, చారి (వెన్నెల కిషోర్) ని నియమిస్తారు. చారి, శ్రీనివాస్ (బ్రహ్మాజీ) అనే వ్యాపారవేత్తని ఈ కేస్ విషయంలో పట్టుకోడానికి వెళ్తాడు. అక్కడ మరొక ఏజెంట్ ఈషా (సంయుక్త) ఒక సూట్ కేసును దొంగలించి తీసుకెళ్తుంది. ఆ క్యాప్సూల్ వెనుక ఉన్న కథ ఏంటి? అసలు ఆ సూట్ కేస్ లో ఏం ఉంది? ఆ ఇంజనీర్ ఎవరు? చారి ఈ సమస్యలను ఎలా పరిష్కరించాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సాధారణంగా వెన్నెల కిషోర్ అంటే ముఖ్యంగా గుర్తొచ్చేది కామెడీ. వెన్నెల కిషోర్ ఎన్నో రకాల పాత్రలు చేసినా కూడా, కామెడీ పాత్రలకి ఎక్కువగా గుర్తింపు లభించింది. కాబట్టి ఈ సినిమాలో కూడా వెన్నెల కిషోర్ లీడ్ రోల్ లో చేసినా కూడా కామెడీ ఎక్కువగా ఉండేలాగా చూసుకున్నారు. ఆ కామెడీ కొన్ని చోట్ల బాగానే అనిపించినా కూడా, కొన్ని చోట్ల మాత్రం అనవసరంగా కామెడీ పెట్టినట్టు అనిపించింది. దర్శకుడు కీర్తి కుమార్ ఎంచుకున్న స్టోరీ పాయింట్ బాగుంది. కానీ అనవసరమైన చోట్ల కామెడీ పెట్టడం వల్ల అవి జోక్స్ లాగా అనిపించలేదు. సీరియస్ గా వెళ్లాల్సిన సీన్స్ లో కూడా కామెడీ ఉంటుంది.

కానీ కొన్ని సీన్స్ లో మాత్రం కామెడీ బాగానే ఉంది. ఫస్ట్ హాఫ్ ఆసక్తికరంగా సాగుతుంది. సెకండ్ హాఫ్ లో వచ్చే ఒక ట్విస్ట్ కూడా బాగుంటుంది. పర్ఫార్మెన్స్ విషయానికి వస్తే, వెన్నెల కిషోర్ చారి పాత్రలో బాగా నటించారు. సినిమాలో చాలా మంది తెలిసిన నటీనటులు ఉన్నారు. వాళ్లందరికీ నిడివి తక్కువగా ఉన్నా కూడా గుర్తుండిపోయే పాత్రలు లభించాయి. మిగిలిన వాళ్ళు అందరూ కూడా తమ పాత్రలకి తగ్గట్టు నటించారు. బ్యాక్ గ్రౌండ్ మ్యూజిక్ స్టైలిష్ గా ఉంది. కొన్ని సీన్స్ లో క్లారిటీ మిస్ అయ్యింది. ఆ విషయంలో ఇంకా కొంచెం జాగ్రత్త తీసుకొని ఉంటే బాగుండేది.

ప్లస్ పాయింట్స్ :

• స్టోరీ పాయింట్
• బాగా గ్రౌండ్ మ్యూజిక్
• కొత్త కథనం
• సెకండ్ హాఫ్ లో ట్విస్ట్

మైనస్ పాయింట్స్:

• అనవసరం లేని చోట్ల వచ్చిన కామెడీ
• కొన్ని సీన్స్ లో మిస్ అయిన క్లారిటీ

రేటింగ్ :

2.75/5

ట్యాగ్ లైన్ :

సినిమా నుండి పెద్దగా ఎక్స్పెక్టేషన్స్ పెట్టుకోకుండా, సరదాగా అలా నవ్వుకొని రావడానికి ఏదైనా సినిమా చూద్దాం అని అనుకునే వారికి, చారి 111 సినిమా ఒక్కసారి చూడగలిగే కామెడీ స్పై ఎంటర్టైనర్ గా నిలుస్తుంది.

watch trailer : 

ALSO READ : BHOOTHADDAM BHASKAR NARAYANA REVIEW : “శివ కందుకూరి” హీరోగా నటించిన ఈ సినిమా ఎలా ఉంది..? స్టోరీ, రివ్యూ & రేటింగ్.!

వీకెండ్ అవ్వడంతో చాలా సినిమాలు రిలీజ్ అవుతున్నాయి. ఇప్పుడు శివ కందుకూరి నటించిన భూతద్దం భాస్కర్ నారాయణ సినిమా కూడా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : భూతద్దం భాస్కర్ నారాయణ
• నటీనటులు : శివ కందుకూరి, రాశి సింగ్, అరుణ్ కుమార్, వర్షిణి సౌందరరాజన్.
• నిర్మాత : స్నేహల్ జంగాల, శశిధర్ కాసి, కార్తీక్ ముడుంబి
• దర్శకత్వం : పురుషోత్తం రాజ్
• సంగీతం : శ్రీచరణ్ పాకాల, విజయ్ బుల్గానిన్
• విడుదల తేదీ : మార్చి 1, 2024

స్టోరీ :

ఆంధ్రప్రదేశ్, కర్ణాటక సరిహద్దు ప్రాంతంలో వరుసగా కొంత మంది చనిపోతూ ఉంటారు. ఒక వ్యక్తి వారందరిని చంపేస్తూ ఉంటాడు. వారి తలలు తీసుకొని, ఆ స్థానంలో దిష్టిబొమ్మలు పెట్టి వెళ్ళిపోతాడు. దాంతో అక్కడ ఉన్న ఒక లోకల్ డిటెక్టివ్ అయిన భాస్కర్ నారాయణ (శివ కందుకూరి) ఈ కేస్ ఇన్వెస్టిగేట్ చేయడానికి ముందుకి వస్తాడు. అసలు ఆ చంపే వ్యక్తి ఎవరు? అలా ఎందుకు చేస్తున్నాడు? భాస్కర్ నారాయణ ఆ వ్యక్తిని ఎలా కనిపెట్టాడు? ఈ క్రమంలో ఎలాంటి సంఘటనలు ఎదుర్కొన్నాడు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

డిటెక్టివ్ థ్రిల్లర్ అనే జోనర్ లో చాలా సినిమాలు వచ్చాయి. చాలా సినిమాలు వస్తూ ఉంటాయి. ఒక కేసుని ఆ డిటెక్టివ్ ఎలా ఇన్వెస్టిగేట్ చేస్తాడు అనేది సినిమాలో ఆసక్తికరంగా చూపిస్తే ఆ సినిమా హిట్ అయినట్టే. ఇటీవల ఏజెంట్ సాయి శ్రీనివాస ఆత్రేయ అలాగే పెద్ద హిట్ అయ్యింది. ఇప్పుడు భూతద్దం భాస్కర్ నారాయణ సినిమా కూడా అలాంటి ఒక విషయం మీదే నడుస్తుంది. ఇందులో దర్శకుడు ఎంచుకున్న స్టోరీ పాయింట్ బాగుంది.

అంతే కాకుండా సినిమాని పురాణాలకి సంబంధం ఉండేలాగా ఉన్న సీన్స్ కూడా చాలా బాగా వచ్చాయి. అయితే కొన్ని చోట్ల మాత్రం రొటీన్ గా అనిపిస్తుంది. అందులోనూ ముఖ్యంగా ఫస్ట్ హాఫ్ లో అయితే చాలా సీన్స్ ఇంకా కొంచెం బాగా రాసుకొని ఉంటే బాగుండేది అని అనిపించే విధంగా ఉంటాయి.  పర్ఫార్మెన్స్ విషయానికి వస్తే, శివ కందుకూరి, భాస్కర్ నారాయణ పాత్రలో బాగా నటించారు.

హీరోయిన్ రాశి సింగ్ తన పాత్ర పరిధి మేరకు నటించారు. మిగిలిన వాళ్ళు అందరూ కూడా తమ పాత్రలకి తగ్గట్టు నటించారు. శ్రీ చరణ్ పాకాల అందించిన బ్యాక్ గ్రౌండ్ మ్యూజిక్ బాగుంది. విఎఫ్ఎక్స్ కూడా బాగున్నాయి. కొన్ని ట్విస్ట్ సీన్స్ రాసుకున్న విధానం కూడా బాగుంది. సినిమాలో ఉన్న సస్పెన్స్ ని క్లైమాక్స్ వరకు తీసుకెళ్లడంలో డైరెక్టర్ చాలా వరకు సక్సెస్ అయ్యారు. కానీ కొన్ని సీన్స్ మాత్రం రొటీన్ గా అనిపిస్తాయి. ఆ విషయంలో జాగ్రత్త తీసుకొని ఉంటే బాగుండేది.

ప్లస్ పాయింట్స్ :

• స్టోరీ పాయింట్
• కొన్ని ట్విస్ట్ లు
• బ్యాక్ గ్రౌండ్ మ్యూజిక్
• ఎడిటింగ్

మైనస్ పాయింట్స్:

• రొటీన్ గా అనిపించే కొన్ని సీన్స్
• సెకండ్ హాఫ్ లో ల్యాగ్

రేటింగ్ :

2.75/5

ట్యాగ్ లైన్ :

అక్కడక్కడ మధ్యలో వచ్చే రొటీన్ సీన్స్ ని పక్కన పెడితే, ఇన్వెస్టిగేటివ్ డ్రామాలు, డిటెక్టివ్ థ్రిల్లర్స్ ఇష్టపడే వారికి భూతద్దం భాస్కర్ నారాయణ సినిమా ఒక్కసారి చూడగలిగే ఒక డీసెంట్ సినిమాగా నిలుస్తుంది.

watch trailer :

ALSO READ : “నీ యావ ఆడవాళ్ళ మీద నుంచి మగవాళ్ళ మీదకి మళ్లిందా?”… అంటూ పవన్ పై ఫైర్ అయిన జగన్ అభిమాని.!

సినిమా సినిమాకి డిఫరెంట్ కాన్సెప్ట్ ఉన్న స్టోరీస్ ఎంచుకుంటూ ముందుకి వెళ్తున్న హీరో వరుణ్ తేజ్. ఇప్పుడు ఆపరేషన్ వాలెంటైన్ సినిమాతో ప్రేక్షకుల ముందుకి వచ్చారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : ఆపరేషన్ వాలెంటైన్
• నటీనటులు : వరుణ్ తేజ్, మానుషి చిల్లర్.
• నిర్మాత : సోనీ పిక్చర్స్ ఇంటర్నేషనల్ ప్రొడక్షన్స్, సందీప్ ముద్దా
• దర్శకత్వం : శక్తి ప్రతాప్ సింగ్ హడా
• సంగీతం : మిక్కీ జె మేయర్
• విడుదల తేదీ : మార్చి 1, 2024

స్టోరీ :

వింగ్ కమాండర్ అర్జున్ రుద్రదేవ్ (వరుణ్ తేజ్), ఎయిర్ ఫోర్స్ వజ్ర అనే మిషన్ లో భాగంగా 20 మీటర్ల ఎత్తులో జెట్ ని నడిపితే రాడార్ కి చిక్కకుండా ఉండే కాన్సెప్ట్ ని పరీక్షించాలి అనుకుంటాడు. కానీ ఆ పరీక్ష విఫలం అవుతుంది. అందులో, ఆ మిషన్ లో భాగమైన కబీర్ (నవదీప్) చనిపోతాడు. ఈ కారణంగా ఈ మిషన్ ని ఆహానా గిల్ (మానుషి చిల్లర్) అనే మరొక వింగ్ కమాండర్ ఆపేస్తుంది. ఆహానా గిల్, అర్జున్ ప్రేమలో ఉంటారు.

ఈ సంఘటన జరిగిన కొన్ని సంవత్సరాలకి అర్జున్ కోలుకుంటాడు. ఫిబ్రవరి 14, 2019 లో పుల్వామా దాడి జరిగి, అందులో ఎంతో మంది సైనికులు వీరమరణం పొందుతారు. అప్పుడు ఇండియన్ ఎయిర్ ఫోర్స్ పాకిస్తాన్ లోకి వెళుతుంది. అక్కడ సర్జికల్ స్ట్రైక్ చేస్తుంది. ఆ తర్వాత ఏం జరిగింది? అర్జున్ ఈ మిషన్ లో ఎలా పాల్గొన్నాడు? అతను ఎలాంటి పై ఎత్తులు వేశాడు? పాకిస్తాన్ చర్యలని ఇండియన్ ఎయిర్ ఫోర్స్ ఎలా అడ్డుకుంది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఇటీవల దేశభక్తి అనే కాన్సెప్ట్ మీద వస్తున్న సినిమాల సంఖ్య ఎక్కువగానే పెరిగింది. దేశం కోసం సైనికులు ఎలాంటి త్యాగాలు చేస్తారు అనేది సినిమాల ద్వారా చెప్పి వారి గొప్పదనాన్ని ప్రజలందరికీ తెలియజేయాలి అని దర్శకులు ప్రయత్నించడం అనేది మంచి విషయం. ఇప్పుడు ఈ సినిమా కూడా ఇలాగే దేశభక్తి నేపథ్యంలో రూపొందించారు. ఇటీవల హృతిక్ రోషన్ హీరోగా నటించిన ఫైటర్ అనే ఒక సినిమా వచ్చింది. అది కూడా ఇలాగే పుల్వామా దాడుల నేపథ్యంలోనే సాగుతుంది. రెండిటికీ దగ్గర పోలికలు ఎంత ఉన్నాయో, తేడాలు కూడా అంతే ఉన్నాయి.

సినిమాలో ఎమోషనల్ సీన్స్ ని చాలా బాగా చూపించారు. కొన్ని సీన్స్ కంటతడి పెట్టించే విధంగానే ఉంటాయి. అయితే పుల్వామా దాడి తర్వాత ఆ సర్జికల్ స్ట్రైక్ అనేది ఎలా చేశారు అనే విషయం ఎవరికీ తెలియదు. ఈ విషయాన్ని దర్శకుడు తెరపై చూపించే ప్రయత్నం చేశారు. సినిమా మెయిన్ కాన్సెప్ట్ కూడా అదే. ఫస్ట్ హాఫ్ అంతా కూడా, సెకండ్ హాఫ్ కోసం స్టోరీ నిర్మించడానికి వాడుకున్నారు. కానీ అక్కడే ప్రేక్షకుల సహనానికి పరీక్ష పెడతారు. సెకండ్ హాఫ్ లో మెయిన్ కథ అంతా ఉంచి, అసలు అలా వాళ్ళు చేయడానికి కారణాలు అన్ని ఎస్టాబ్లిష్ చేయడానికి ఫస్ట్ హాఫ్ లో కొన్ని సన్నివేశాలు పెట్టారు. కానీ అవి చాలా వరకు సాగదీసినట్టు అనిపిస్తాయి.

అసలు మెయిన్ పాయింట్ కి సినిమా ఎప్పుడు వెళ్తుంది అనిపిస్తుంది. సెకండ్ హాఫ్ అంతా కూడా ఫస్ట్ హాఫ్ తో పోలిస్తే గ్రిప్పింగ్ గా రాసుకున్నారు. క్లైమాక్స్ లో వచ్చే దేశభక్తి సన్నివేశాలు చాలా బాగా చూపించారు. సినిమా బడ్జెట్ 42 నుండి 50 కోట్ల మధ్యలో ఉంటుంది అని సమాచారం. కానీ అంత తక్కువ బడ్జెట్ లో చాలా మంచి విజువల్స్ ఇచ్చారు. సినిమా బృందం అంతా కూడా సినిమా కోసం కష్టపడ్డారు అని చూస్తే అర్థం అవుతోంది. పర్ఫార్మెన్స్ విషయానికి వస్తే, వరుణ్ తేజ్ ఈ పాత్రకి చాలా బాగా సూట్ అయ్యారు. ఒక ఎయిర్ ఫోర్స్ అధికారిగా చాలా బాగా కనిపించడంతో పాటు, బాగా నటించారు. మిగిలిన పాత్రల్లో నటించిన వారు కూడా తమ పాత్రలకి తగ్గట్టు నటించారు.

హీరోయిన్ మానుషి చిల్లర్ కి మొదటి సినిమా అయినా కూడా నటనకు ఆస్కారం ఉన్న పాత్ర దొరికింది. తన పాత్రకి తగ్గట్టు తాను నటించారు. అయితే సినిమాలో కొంత మంది హిందీ నటులు కూడా ఉన్నారు. తెలుగు సినిమా నడుస్తున్నప్పుడు, వారి లిప్ మూమెంట్ హిందీలో ఉండడం అనేది దాని మీద ఫోకస్ వెళ్లే లాగా చేస్తుంది. అక్కడక్కడ ఇది తెలుగు సినిమా కాదు ఏమో అని అనిపిస్తుంది. కానీ నటన పరంగా మాత్రం వారు కూడా బాగా నటించారు. మిక్కీ జే మేయర్ అందించిన పాటలు, అందులోనూ ముఖ్యంగా బ్యాక్ గ్రౌండ్ మ్యూజిక్ అయితే చాలా బాగుంది. హరి కే వేదాంతం సినిమాటోగ్రఫీ అయితే సినిమాకి మరొక పెద్ద హైలైట్ అయ్యింది. విజువల్స్ మాత్రం చాలా రిచ్ గా ఉన్నాయి. టెక్నికల్ గా సినిమా చాలా బాగుంది. ఫస్ట్ హాఫ్ విషయంలో మాత్రం ఇంకా కొంచెం జాగ్రత్తగా తీసుకొని ఉంటే బాగుండేది ఏమో అనిపిస్తుంది.

ప్లస్ పాయింట్స్ :

• ఎమోషనల్ సీన్స్
• బ్యాక్ గ్రౌండ్ మ్యూజిక్
• నిర్మాణ విలువలు
• దేశభక్తి గురించి చూపించిన విధానం

మైనస్ పాయింట్స్:

• తెలుగులో కొంత మంది నటుల హిందీ మూమెంట్
• అక్కడక్కడ సాగదీసినట్టుగా ఉన్న ఫస్ట్ హాఫ్

రేటింగ్ :

3/5

ట్యాగ్ లైన్ :

ఫస్ట్ హాఫ్ లో మాత్రమే సాగదీయడం లాంటివి ఉంటాయి. ఇటీవల కాలంలో వచ్చిన బెస్ట్ విజువల్స్ ఉన్న సినిమాల్లో ఈ సినిమా ముందు వరుసలో ఉంటుంది. ఫస్ట్ హాఫ్ లో అలా ఉన్నా పర్వాలేదు, సినిమా కథనం ముఖ్యం అనుకునే వారికి, దేశభక్తి లాంటి కాన్సెప్ట్ ఉన్న సినిమాలు ఇష్టపడే వారికి ఆపరేషన్ వాలెంటైన్ సినిమా ఒక్కసారి చూడగలిగే ఒక మంచి ఎమోషనల్ సినిమాగా నిలుస్తుంది.

watch trailer :

ALSO READ : సమరసింహారెడ్డి మూవీ ఎన్ని థియేటర్స్ లో రీరిలీజ్ అవుతుందో తెలుసా..? రీరిలీజ్ లో రికార్డ్ ఇదే.!

ఎంతో మంది చైల్డ్ ఆర్టిస్టులు హీరోలుగా, హీరోయిన్లుగా ఎంట్రీ ఇస్తున్నారు. ఇప్పుడు అలాగే అతడు సినిమాలో చైల్డ్ ఆర్టిస్ట్ గా నటించిన దీపక్ సరోజ్, సిద్ధార్థ్ రాయ్ అనే సినిమాతో హీరోగా అడుగు పెట్టారు. ఈ సినిమా ఇవాళ రిలీజ్ అయ్యింది. ఈ సినిమా ఎలా ఉందో ఇప్పుడు చూద్దాం.

• చిత్రం : సిద్ధార్థ్ రాయ్
• నటీనటులు : దీపక్ సరోజ్, తన్వి నేగి, నందిని యల్లారెడ్డి.
• నిర్మాత : జయ ఆడపాక
• దర్శకత్వం : వి. యశస్వి
• సంగీతం : రధన్
• విడుదల తేదీ : ఫిబ్రవరి 23, 2024

స్టోరీ:

సిద్ధార్థ్ రాయ్ (దీపక్ సరోజ్), లాజిక్స్ మీద బ్రతికే వ్యక్తి. ప్రతి విషయాన్ని లాజిక్ ప్రకారం ఆలోచించి, సరైన నిర్ణయం తీసుకుంటూ ఉంటాడు. అందుకే తప్పులు జరగకుండా జాగ్రత్త పడుతూ ఉంటాడు. అలా సాగిపోతున్న సిద్ధార్థ్ జీవితంలోకి ఇందు (తన్వి నేగి) ప్రవేశిస్తుంది. ఇందులో ప్రేమలో పడి ఎమోషన్స్ గురించి తెలుసుకోవడం మొదలు పెడతాడు. కానీ వీరిద్దరి మధ్య మాత్రం గొడవలు జరుగుతూ ఉంటాయి. ఇలా వాళ్ల సమస్యలను పరిష్కరించుకుంటున్నప్పుడు, సిద్ధార్థ్ జీవితంలోకి రాధ (నందిని యల్లారెడ్డి) ప్రవేశిస్తుంది. ఆ తర్వాత జరిగిన సంఘటనలు ఏంటి? సిద్ధార్థ్ ఎవరిని ప్రేమించాడు? ఇందు ఏం చేసింది? వాళ్ల సమస్యలను వాళ్ళు ఎలా పరిష్కరించుకున్నారు? ఇవన్నీ తెలియాలి అంటే మీరు సినిమా చూడాల్సిందే.

రివ్యూ:

లవ్ స్టోరీ అనే జోనర్ లో వచ్చిన సినిమాలు ప్రేక్షకులకు కొత్త ఏమీ కాదు. ఎన్నో లవ్ స్టోరీ సినిమాలు చూసి, ఏ ప్రేమ కథ చూస్తున్నా కూడా తర్వాత ఏం జరుగుతుంది అనే విషయాన్ని మన ప్రేక్షకులు ఈజీగా కనిపెట్టగలుగుతారు. అలాంటి తెలిసిన కథను కూడా టేకింగ్ పరంగా జాగ్రత్తలు తీసుకుంటే సినిమాని బాగా చూపించే అవకాశం ఉంటుంది. ఈ సినిమా ట్రైలర్ చూసినప్పటి నుండి కూడా చాలా మంది అర్జున్ రెడ్డి సినిమాతో పోలికలు వెతకడం మొదలు పెట్టారు. అయితే, సినిమా బృందం మాత్రం అర్జున్ రెడ్డి సినిమాకి ఈ సినిమాకి ఎటువంటి పోలిక లేదు అని చెప్తూ వచ్చారు.

ఇంక ఈ సినిమా కథ విషయానికి వస్తే, ఎమోషన్స్ కి, లాజిక్స్ కి మధ్య నలిగే ఒక వ్యక్తిని చూపించారు. అలాంటి వ్యక్తులు ఎలాంటి సంఘటనలు ఎదుర్కొంటారు అనే విషయాన్ని చూపించారు. కానీ కొన్ని సీన్స్ మాత్రం అందులో మోతాదుకు మించి డ్రామా పెట్టినట్టు అనిపిస్తాయి. సింపుల్ గా చూపించే అవకాశం ఉంది. పర్ఫార్మెన్స్ విషయానికి వస్తే, సినిమాలో ఉన్న నటీనటులు అందరూ కూడా తమ పాత్రలకి తగ్గట్టు నటించారు. దీపక్ సరోజ్ కి హీరోగా ఇది మొదటి సినిమా. పాత్ర కోసం తనని తాను చాలా మార్చుకున్నారు. అది సినిమా చూస్తుంటే తెలిసింది.

హీరోగా ఇది మొదటి సినిమా అయినా కూడా, ఎటువంటి భయం లేకుండా బాగా నటించారు. హీరోయిన్స్ తన్వి, నందిని కూడా పాత్రల పరిధి మేరకు నటించారు. అర్జున్ రెడ్డి సినిమాతో ఎంత పోలికలు లేవు అని చెప్పినా కూడా, ఎక్కడో ఒకచోట అర్జున్ రెడ్డి సినిమా గుర్తొస్తుంది. అయినా కూడా రెండు డిఫరెంట్ కథలు. టేకింగ్ పరంగా కూడా అలాగే డిఫరెంట్ గా ఉండేలాగా చూసుకున్నారు. కానీ కొన్ని సీన్స్ మాత్రం చాలా సాగదీసినట్టు అనిపిస్తాయి. ఈ విషయంలో జాగ్రత్త తీసుకొని ఉంటే బాగుండేది.

ప్లస్ పాయింట్స్:

• నటీనటుల పర్ఫార్మెన్స్
• నిర్మాణ విలువలు

మైనస్ పాయింట్స్:

• కొన్ని సీన్స్ లో ఎక్కువ అయిన డ్రామా
• సాగదీసినట్టుగా ఉన్న కొన్ని ఎపిసోడ్స్

రేటింగ్ :

2.75/5

ట్యాగ్ లైన్:

మరి ఎక్కువ ఎక్స్పెక్టేషన్స్ పెట్టుకోకుండా, అర్జున్ రెడ్డి సినిమాతో అసలు పోలిక పెట్టకుండా, ఈ సినిమా ఎలా తీశారు అని చూద్దాం అనుకునే వారికి, సిద్ధార్థ్ రాయ్ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :