Anudeep

మెగాస్టార్ చిరంజీవి సెకండ్ ఇన్నింగ్స్ తర్వాత ఎప్పుడు లేనంత స్పీడ్ గా వరుస సినిమాలు ప్రకటిస్తూ మెగా ఫ్యాన్స్ ను సర్ప్రైజ్ చేస్తున్నాడు. ఖైదీ నెంబర్ 150 , సైరా నరసింహ రెడ్డి, ఆచార్య, గాడ్ ఫాదర్ చిత్రాలతో ప్రేక్షకుల ముందుకి వచ్చారు చిరు. అయితే చిరు చివరి రెండు చిత్రాలు ఆశించిన ఫలితాలు ఇవ్వకపోవడంతో అభిమానులు ‘వాల్తేరు వీరయ్య’ చిత్రం పై ఆశలు పెట్టుకున్నారు. వారి అంచనాలకు తగ్గినట్టుగానే ఈ చిత్రం సంక్రాంతికి విడుదలై మంచి విజయాన్ని నమోదు చేసుకుంది. మాస్ ఎంటర్టైనర్ గా తెరకెక్కిన ఈ చిత్రానికి బాబీ కొల్లి దర్శకత్వం వహించారు.

అయితే వాల్తేరు వీరయ్య తర్వాత చిరు మెహెర్ రమేష్ తో చేస్తున్న ‘బోళాశంకర్’ షూటింగ్ లో పాల్గొననున్నారు. తమిళం లో అజిత్ హీరోగా నటించిన వేదాళం చిత్రానికి భోళా శంకర్ రీమేక్. ఈ చిత్రం లో చిరుకి జోడీగా తమన్నా నటిస్తుండగా.. చిరు చెల్లెలి పాత్రలో మహానటి కీర్తి సురేష్ నటించనుంది. ఈ చిత్రాన్ని ఏప్రిల్ 14న విడుదల చేస్తున్నట్టు ప్రకటించారు మేకర్స్. అయితే చిరు తదుపరి చిత్రం పై ఆసక్తికర అప్డేట్ ఒకటి చక్కర్లు కొడుతోంది.

అయితే నిన్నమొన్నటి వరకు చిత్ర పరిశ్రమలో డిఫరెంట్ మాస్ చిత్రాలతో తనకంటూ ప్రత్యేక గుర్తింపు తెచ్చుకున్న దర్శకుడికి చిరంజీవి ఛాన్స్ ఇచ్చినట్టు తెలుస్తోంది. ఆయనే వి వి వినాయక్. వినాయక్ ఇప్పటికే చిరంజీవితో రెండు హిట్ చిత్రాలను తెరకెక్కించారు. వినాయక్‌తో మరో సినిమా చేయడానికి చిరు గ్రీన్ సిగ్నల్ ఇచ్చినట్టు సమాచారం. వినాయక్ కి ప్రస్తుతం టాలీవుడ్ ప్రాజెక్ట్స్ ఏమి చేతిలో లేవు. దీంతో ప్రస్తుతం రేసులో వెనుక బడ్డాడు.

అయితే రీసెంట్‌గా రామ్ చరణ్ మమ్ముట్టి నటించిన ‘భీష్మ పర్వం’ సినిమా రీమేక్ రైట్స్ సొంతం చేసుకున్నారు. ఈ చిత్రాన్ని వినాయక్ చేతిలో పెట్టడానికి ఓకే చెప్పినట్టు సమాచారం. గతంలో వినాయక్ చిరుతో తెరకెక్కించిన రెండు చిత్రాలు రీమేక్స్ కావడంతో ఈ చిత్రాన్ని కూడా వినాయక్ చేస్తే బావుందని భావించారట. అయితే వినాయక్ మాత్రం ఈ సారి డైరెక్ట్ స్టోరీ తోనే చిరు ని చూపించాలని భావిస్తున్నారట. మరి ఏ కథతో వినాయక్, చిరు ప్రేక్షకుల ముందుకి వస్తారో చూడాలి.

సూపర్ స్టార్ మహేష్ బాబు ప్రస్తుతం తెలుగు ఇండస్ట్రీ ని రూల్ చేస్తున్న హీరోలలో ఆయన నెంబర్ 1 లో ఉంటారు. పోకిరి లాంటి ఇండస్ట్రీ హిట్ తరువాత మహేష్ బాబు వెనక్కి తిరిగి చూసుకోలేదు…ఆ తరువాత సినిమాలు దూకుడు, శ్రీమంతుడు, భరత్ అనే నేను సినిమాలు కూడా బ్లాక్ బస్టర్ హిట్లుగా నిలిచాయి. సినిమాల నుంచి భారీగా డబ్బు సంపాదిస్తున్న మహేష్ బాబు మరోవైపు అడ్వర్టైజింగ్, బిజినెస్ వెంచర్స్ తో ఫైనాన్షియల్ గా చాలా ఎదిగిపోయారు. మహేష్ కు సంబంధించిన ఫైనాంటిల్ వ్యవహారాలన్నింటిని ఆయన భార్య నమ్రత చూసుకుంటారు.

గతేడాది సర్కారు వారి పాట చిత్రం తో ప్రేక్షకుల ముందుకి వచ్చిన మహేష్.. ప్రస్తుతం త్రివిక్రమ్ తో ఒక చిత్రం చేయనున్నాడు. ఇప్పటికే వీళ్లిద్దరి కాంబినేషన్ లో రెండు చిత్రాలు వచ్చాయి. దీంతో రానున్న చిత్రం పై భారీ అంచనాలు ఉన్నాయి. ఈ చిత్రం లో పూజ హెగ్డే కథానాయిక. ఈ ఏడాది ఇండిపెండెన్స్ డే కానుకగా ఈ సినిమా ఆగష్టు నెల 11వ తేదీన థియేటర్లలో రిలీజ్ కానుంది. అయితే ఈ సినిమా కోసం మహేష్ తన లుక్ ని పూర్తిగా చేంజ్ చేసారు. ఇప్పటికే ఆయన ఆ లుక్ తో బయట పలు మార్లు కనిపించారు.

అయితే మహేష్ బాబు వరుస హిట్స్ తో జోరు మీద ఉన్నారు. అయితే తన గత చిత్రం సర్కారు వారి పాటకు మహేష్ 50 కోట్ల వరకు రెమ్యూనరేషన్ తీసుకోగా..త్రివిక్రమ్ తో చేయబోయే చిత్రానికి మరింత పెంచినట్లు తెలుస్తోంది. ఈ సినిమా కోసం మహేష్ 70 కోట్ల రూపాయల రేంజ్ లో రెమ్యూనరేషన్ తీసుకున్నారని సమాచారం. అలాగే ప్రముఖ ఓటీటీ సంస్థ నెట్ ఫ్లిక్స్ ఈ సినిమా డిజిటల్ హక్కులను కొనుగోలు చేసింది. ఈ మేరకు నెట్ ఫ్లిక్స్ అధికారిక ప్రకటన విడుదల చేసింది.

యాక్షన్ ఎంటర్‌టైనర్‌గా తెరకెక్కనున్న ఈ మూవీ షూటింగ్‌కు సంబంధించి మొదటి రెండు వారాలు యాక్షన్‌ సీన్లు చిత్రీకరించేందుకు మేకర్స్‌ ప్లాన్‌ చేస్తున్నారు. ఈ భారీ బడ్జెట్ చిత్రాన్ని హారిక అండ్ హాసిని క్రియేషన్స్ పతాకంపై ఎస్ రాధాకృష్ణ (చినబాబు) నిర్మిస్తుండగా థమన్ సంగీతం అందిస్తున్నారు. రామ్-లక్ష్మణ్ మాస్టర్స్ యాక్షన్ కొరియోగ్రఫీ అందించనుండగా. ఈ చిత్రానికి ఎడిటర్‌గా నవీన్ నూలి పనిచేయనున్నారు.ఈ చిత్రం తర్వాత మహేష్.. ఎస్ఎస్ రాజమౌళితో పనిచేయనున్న సంగతి తెలిసిందే.

అప్పట్లో ఎన్టీఆర్, అక్కినేని నాగేశ్వర రావు, కృష్ణ, శోభన్ బాబు, కృష్ణం రాజు వంటి నటులు తరచూ మల్టీ స్టారర్ చిత్రాల్లో నటించే వారు. తర్వాతి కాలం లో మల్టీ స్టారర్ చిత్రాలు తగ్గిపోయాయి. మళ్ళీ ఈ మధ్య కాలం లో పుంజుకుంటున్నాయి.

వెంకటేష్, నాగార్జున వంటి సీనియర్ హీరోలు యంగ్ హీరోలతో కలిసి మల్టీ స్టారర్లు చేయడానికి ఆసక్తి చూపిస్తున్నారు. అలా వచ్చిన మల్టీ స్టారర్ సినిమాలేవో ఇప్పుడు చూద్దాం..

#1 సీతమ్మ వాకిట్లో సిరిమల్లె చెట్టు..

శ్రీకాంత్ అడ్డాల దర్శకత్వం లో వెంకటేష్, మహేష్ బాబు కాంబినేషన్ లో వచ్చిన ఈ చిత్రం మల్టీ స్టారర్ ట్రెండ్ ని రీ స్టార్ట్ చేసింది. 2013 సంక్రాంతికి వచ్చిన ఈ చిత్రం సూపర్ హిట్ గా నిలిచింది.

#2 మసాలా
విక్టరీ వెంకటేష్, ఎనర్జిటిక్ హీరో రామ్ కాంబినేషన్ లో వచ్చిన ఈ చిత్రాన్ని విజయ్ భాస్కర్ తెరకెక్కించారు.

#3 మనం
అక్కినేని కుటుంబం అంతా కలిసి నటించిన ఈ చిత్రం సూపర్ హిట్ అయ్యింది. దీనికి విక్రమ్ కుమార్ దర్శకుడు.

#4 ఊపిరి
వంశి పైడిపల్లి తెరకెక్కించిన ఈ చిత్రం లో నాగార్జున, కార్తీ కలిసి నటించారు. ఈ చిత్రం తెలుగు, తమిళ భాషల్లో సూపర్ హిట్ అయ్యింది.

#5 గోపాల గోపాల
పవర్ స్టార్ పవన్ కళ్యాణ్, విక్టరీ వెంకటేష్ కలిసి నటించిన ఈ చిత్రం 2015 సంక్రాంతి కి విడుదలై మంచి విజయాన్ని నమోదు చేసుకుంది.

#6 దేవదాస్
కింగ్ నాగార్జున, నాచురల్ స్టార్ నాని కలిసి నటించిన ఈ చిత్రం 2018 లో విడుదల అయ్యింది. శ్రీరామ్ ఆదిత్య దర్శకత్వం వహించిన ఈ చిత్రం బాక్స్ ఆఫీస్ వద్ద ప్లాప్ గా నిలిచింది.

#7 ఎఫ్ 2
అనిల్ రావిపూడి తెరకెక్కించిన ఈ చిత్రం లో విక్టరీ వెంకటేష్, వరుణ్ తేజ్ కలిసి నటించారు. ఈ చిత్రం సూపర్ హిట్ అయ్యింది.

#8 బాహుబలి

దర్శక ధీరుడు రాజ మౌళి తెరకెక్కించిన ఈ చిత్రం లో ప్రభాస్, రానా దగ్గుబాటి కలిసి నటించారు. ఈ చిత్రం ప్రపంచ వ్యాప్తం గా ఎంత సెన్సేషన్ క్రియేట్ చేసిందో తెలిసిందే.

#9 బంగార్రాజు

నాగార్జున, నాగ చైతన్య కలిసి నటించిన ఈ చిత్రం బాక్స్ ఆఫీస్ వద్ద హిట్ గా నిలిచింది.

#10 భీమ్లా నాయక్
సాగర్ కె చంద్ర తెరకెక్కించిన ఈ చిత్రం లో పవర్ స్టార్ పవన్ కళ్యాణ్, రానా దగ్గుబాటి కలిసి నటించారు. ఈ చిత్రం సూపర్ హిట్ అయ్యింది.

#11 ఆర్ ఆర్ ఆర్
రాజమౌళి తెరకెక్కించిన మరో అద్భుత చిత్రం ఆర్ ఆర్ ఆర్. ఈ సినిమా లో మెగా పవర్ స్టార్ రామ్ చరణ్, ఎన్టీఆర్ కలిసి నటించారు. ఈ చిత్రం బాక్స్ ఆఫీస్ వద్ద రికార్డులను కొల్లగొట్టింది.

#12 వెంకీ మామ
నిజ జీవిత మామా అల్లుళ్ళు అయిన వెంకటేష్, నాగ చైతన్య ఈ చిత్రం లో అదే పాత్రల్లో నటించారు. ఇది బాక్స్ ఆఫీస్ వద్ద యావరేజ్ గా నిలిచింది.

#13 ఆచార్య
కొరటాల శివ తెరకెక్కించిన ఈ చిత్రం లో రామ్ చరణ్, చిరంజీవి తొలిసారిగా పూర్తి స్థాయిలో కలిసి నటించిన చిత్రం ఇది. కానీ ఇది ప్లాప్ అయ్యింది.

ప్రస్తుతం సోషల్ మీడియా లో ఒక సీనియర్ స్టార్ హీరోయిన్ పిక్స్ వైరల్ అవుతున్నాయి. ఆ ఫోటోలని చూసి ఆమె అభిమానులు షాక్ అవుతున్నారు. ఈ వయసులో కూడా చెరగని అందం తో అభిమానులను ఆకట్టుకుంటున్నారు ఆమె. అప్పుడెప్పుడో సినిమాల్లోకి వచ్చిన ఈ భామ.. ఇప్పటికీ అదే స్పీడుతో ప్రాజెక్టులను చేస్తూ దూసుకుపోతోన్నారు.

ఆమే రమ్య కృష్ణ. నీలాంబరిగా మారినా.. శివగామిగా రాజ్యాన్ని పాలించినా.. దేవతగా అవతారం ఎత్తినా.. గ్లామర్ లుక్‌లో కనిపించినా ఒక్క రమ్యకృష్ణకే చెల్లింది. 1992 నుంచి 2000 వరకు పలు భాషల్లో తన అసమాన ప్రతిభతో ఓ వెలుగు వెలిగారు రమ్యకృష్ణ.

అలాగే సోషల్ మీడియాలోనూ రమ్యకృష్ణ తన హవా కొనసాగిస్తున్నారు. ఇందులో భాగంగానే తాజాగా ఆమె కొన్ని హాట్ ఫొటోలను ఇన్‌స్టాగ్రామ్ ఖాతాలో షేర్ చేశారు. దీంతో ఈ పిక్స్‌కు నెటిజన్ల నుంచి భారీ స్థాయిలో స్పందన దక్కుతోంది. దీంతో ఇవన్నీ తక్కువ టైంలోనే వైరల్‌గా మారాయి.

దాదాపు 300లకు పైగా సినిమాల్లో నటించి హవాను చూపించారు. ఈ క్రమంలోనే ఎన్నో భాషల్లో వరుసగా సినిమాలు చేశారు. తద్వారా నేషనల్ రేంజ్‌లో క్రేజ్ పొందారు. ఇప్పటికీ అదే ప్రభావం చూపుతున్నారు.

బాహుబలి చిత్రం తర్వాత.. ఈ మధ్య కాలంలో రమ్యకృష్ణ భారీ చిత్రాల్లో భాగం అవుతున్నారు. ఇందులో భాగంగానే ఇటీవలే ‘లైగర్’ అనే సినిమాతో ప్రేక్షకుల ముందుకు వచ్చారు. కానీ, ఈ చిత్రం డిజాస్టర్ అయింది. అలాగే, ఇప్పుడు మాత్రం ఆమె ‘రంగమార్తాండ’ అనే సినిమాలో నటిస్తున్నారు.

సినిమాల మీద సినిమాలు చేస్తూ తీరిక లేని షెడ్యూల్ గడుపుతోన్న రమ్యకృష్ణ.. ప్రస్తుతం ఆహాలో స్ట్రీమింగ్ అవుతోన్న ‘డ్యాన్స్ ఐకాన్’ అనే షోకు జడ్జ్‌గానూ వ్యవహరిస్తున్నారు.

తెలుగు సినీ పరిశ్రమలో ఈ ఏడాది కాలంలో సెలెబ్రిటీల మరణవార్తలు విన్పిస్తున్నాయి. అలనాటి తరం లోని దిగ్గజ నటులు ఈ ఏడాది మరణించారు. మొన్న కృష్ణంరాజు, నిన్న సూపర్‌స్టార్ కృష్ణ మరణించగా..ఇప్పుడు కైకాల సత్యనారాయణ, చలపతిరావులు కన్నుమూశారు. మొత్తం సినీ పరిశ్రమ అంతా నివాళి అర్పించింది.

సినిమా ఇండస్ట్రీ లో అందరు మంచి చెడు కలిసే పంచుకుంటారు.ఎవరింట్లో ఎలాంటి కార్యక్రమం అయినా మరొకరు కుటుంబాలతో సహా వెళ్తారు. కానీ ఇందరు దిగ్గజ నటులు చనిపోయినా నాగార్జున వారిని కడసారి చూడటానికి వెళ్ళకపోవడం పై అందరు ఆశ్చర్యం వ్యక్తం చేస్తున్నారు. కానీ నాగ చైతన్య, అఖిల్ ఈ కార్యక్రమాలకు హాజరవుతున్నారు.

అక్కినేని నాగేశ్వరరావు మరణించినప్పుడు పరిశ్రమ మొత్తం కలిసి వచ్చి, కదలి వచ్చి ఆయనకు ఘనమైన వీడ్కోలు ఇచ్చింది. అంతే కాదు అలా వ‌చ్చిన వారంద‌రూ.. క‌న్నీరు పెట్టుకుంటున్న నాగ్‌కి ధైర్యం చెప్పారు. నాగార్జున పుట్టింది, పెరిగింది అంతా ఇండస్ట్రీలోనే. 100 సినిమాలకు దగ్గర పడ్డాడు. ప్రతి నటుడితో… నేటి తరం, నిన్నటి తరం, కొత్త తరంతో ఆయనకు మంచి అనుబంధము ఉంది. కానీ తన తండ్రికి సమకాలీకులైన వారు మరణిస్తే కడ‌చూపుకి కూడా వెళ్లడం లేదు.

నాగార్జున సినిమాల్లో కైకాల సత్యనారాయణ క్యారెక్టర్ ఆర్టిస్టుగా, విలన్‌గా, కామెడీ విలన్‌గా ఎన్నో పాత్రలు చేశారు. అంతేకాదు తన తండ్రి అయిన ఏఎన్ఆర్‌కు కైకాల ఆప్తమిత్రుడు. అయినా నాగార్జున స్పందించలేదు. వారసుడు అనే సినిమాలో కృష్ణ నాగార్జున కలిసి నటించారు. అయినా టాలీవుడ్ సూపర్ స్టార్ మరణంపై నాగార్జున పెద్దగా స్పందించలేదు. భౌతికకాయం సందర్శించలేదు. అలాగే కృష్ణం రాజు చనిపోయినా నాగార్జున ఇలాగే ప్రవర్తించాడు.

అయితే నాగార్జున ఇలా మ‌ర‌ణించిన పెద్ద‌ల భౌతిక దేహాల‌ను సంద‌ర్శించి నివాళులు అర్పించ‌కపోవడానికి కారణం చనిపోయిన వ్యక్తులను చూడాలంటే భయమా? లేక పార్థీవదేహాలను సందర్శించడం అపశకునంగా భావిస్తున్నారా? అనే సందేహాలు ఫాన్స్ లో మొదలయ్యాయి. మరణించిన వ్యక్తులను చివరి చూపు చూడాలని ప్రతి ఒక్కరు కోరుకుంటారు. ఎన్నో వేల మైళ్ల దూరం నుంచి వస్తారు. మరి నాగార్జున ఇలా ఎందుకు చేస్తున్నారో ఆయన స్పందిస్తే గానీ తెలీదు.

తెలుగు చిత్ర పరిశ్రమలో ఉన్న టాప్ డైరెక్టర్స్ లో త్రివిక్రమ్ శ్రీనివాస్ ఒకరు. అభిమానులంతా మాటల మాంత్రికుడు అంటూ ప్రేమగా పిలుచుకుంటారు. త్రివిక్రమ్ కి ఉన్న ఫాలోయింగ్ గురించి ప్రత్యేకంగా చెప్పక్కర్లేదు. ఎన్నో బ్లాక్ బస్టర్ చిత్రాలను తెరకెక్కించి తనకంటూ ప్రత్యేక ఇమేజ్ క్రియేట్ చేసుకున్నాడు. డైరెక్టర్ గా మారక ముందు త్రివిక్రమ్ డైలాగ్ రైటర్ గా చాలా చిత్రాలు చేసాడు. మరి కొన్ని చిత్రాలకు ఘోస్ట్ రైటర్ గా కూడా పని చేసాడు.

1999 లో స్వయంవరం చిత్రం ద్వారా ఇండస్ట్రీ లోకి ఎంట్రీ ఇచ్చిన ఆయన.. త్రివిక్రమ్ డైలాగ్ లు ఉంటే సినిమా హిట్ అనే నమ్మకాన్ని కలిగించారు. ఈయన సినిమాలు ఆలోచింపజేస్తాయి. ఆయన కలం తో రాసిన మాటలు తూటాల్లా మన మనసులలోకి, మెదడులోకి దూసుకుపోతాయి. చాల మంది హీరోలకి ఫాన్స్ ఉంటారు.. కానీ ఈయన మాటలకి హీరోలు ఫాన్స్. తాను చెప్పాలనుకున్నది పెద్ద పెద్ద పదాల్లో చెప్పడు త్రివిక్రమ్. సాధారణ పదాలు వాడుతూ సారాన్ని మనలోకి ఎక్కిస్తాడు.

ప్రముఖ నిర్మాణ సంస్థ శ్రీ స్రవంతి మూవీస్ పతాకం పై ‘ స్రవంతి’ రవి కిషోర్ నిర్మించిన ‘నువ్వే నువ్వే’ చిత్రం తో త్రివిక్రమ్ దర్శకుడిగా పరిచయం అయ్యాడు. ఈ చిత్రం తరుణ్, శ్రేయ జంటగా నటించారు. అయితే ఈ చిత్రం లో తరుణ్ ప్రకాష్ రాజ్ తో ఒక మాట చెప్తాడు.. ” నా చెల్లి ఒక అనామకుడిని ప్రేమించింది అని చెప్తే.. నేను మీలాగా ఆవేశపడను. మనం ఎవర్నైనా ప్రేమిస్తే వాళ్ళ ఆలోచనలు మనకి దగ్గరగా ఉంటేనే ప్రేమిస్తాం.. అందుకే నా చెల్లి అడుక్కునే వాడిని ప్రేమిస్తే.. వాడిలో ఏదోక మంచి విషయం ఉందని నేను నమ్ముతాను.” అని రాసాడు త్రివిక్రమ్.

కానీ కొన్నేళ్ల తర్వాత తీసిన అత్తారింటికి దారేది చిత్రం లో.. ” మీ కూతురు ఒక డ్రైవర్ ని ప్రేమించింది అంటే మీకు కోపం వచ్చింది కదా.. అలాగే మా తాత కి కూడా మా అత్త ని పెళ్లి చేసుకున్నప్పుడు కోపం వచ్చింది. ఇప్పుడు మీకు వచ్చిన కోపం కరెక్ట్ అయితే.. అప్పుడు మా తాతకి వచ్చిన కోపం కూడా కరెక్ట్ ఏ.. అప్పుడు ఆయనది తప్పు అయితే.. ఇప్పుడు మీది కూడా తప్పే..” అని పవన్ కళ్యాణ్ తో పలికించాడు త్రివిక్రమ్. అయితే ఈ రెండు సినిమాల్లోని డైలాగ్ లు ఒకదానికొకటి విరుద్ధం గా ఉన్నాయి. ఏంటి గురూజీ ఆ సినిమాలో అలా చెప్పారు. ఇప్పుడు ఈ సినిమాలో ఇలా చెప్పారేంటి గురూజీ అని నెటిజన్లు కామెంట్లు చేస్తున్నారు.