Anudeep

టాలీవుడ్ స్టార్ హీరోయిన్ అందాల నటి సమంత గురించి ఎంత చెప్పినా తక్కువే. ఆమె తన నటనతో తెలుగు చిత్రసీమలో ఎంతోమంది అభిమానులను సంపాదించుకుంది. అక్కినేని నాగ చైతన్య హీరోగా నటించిన ‘ఏ మాయ చేసావే’ చిత్రం తో తెలుగులో అడుగు పెట్టింది సామ్. కొద్ది రోజుల్లోనే సూపర్ హిట్ చిత్రాల్లో నటించి స్టార్ హీరోయిన్ గా ఎదిగింది. సమంత సోషల్ మీడియా లో చాలా యాక్టీవ్ గా ఉంటుంది. తనకి సంబంధించిన అన్ని విషయాలను సామ్ తన అభిమానులతో పంచుకుంటుంది.

సామ్ తనకి ‘మయోసిటిస్’ అనే వ్యాధి ఉంది అని కూడా సోషల్ మీడియా లో షేర్ చేసుకుంది. అయితే సామ్ తన సహ నటుడు అక్కినేని నాగచైతన్య తో వివాహం జరిగి, విడాకులు ఇచ్చిన తర్వాత తీవ్ర డిప్రెషన్ లోకి వెళ్లి..ఇప్పుడిప్పుడే కోలుకుంటుంది సమంత. అయితే నాగ చైతన్య తో విడిపోయిన తర్వాత సమంత పై ఎన్నో వార్తలు వచ్చాయి. విడాకులు ఇవ్వడానికి సమంతానే కారణం అని.. విడాకుల తర్వాత 250 కోట్ల భరణం కూడా తీసుకుంది అని ఎన్నో వార్తలు వచ్చాయి.

అలాగే ఆమె విడాకులు తీసుకున్న వెంటనే రెండో పెళ్ళికి సిద్దమయ్యారంటూ కూడా వార్తలు వచ్చాయి. తాను భరణం తీసుకున్నాను అని వస్తున్న వార్తలపై సామ్ ఒక షో లో మాట్లాడుతూ..” ఎవరైనా ఇన్కమ్ టాక్స్ అధికారులు నా ఇంటికి వచ్చి.. నేను ఎలాంటి భరణం తీసుకోలేదు అని ప్రూవ్ చేస్తే బావుండు..” అని అన్నారు.. . అంటే అవి ఎంత ఫేక్ వార్తలో అర్థం అవుతోంది. ఇలా విడాకులు తీసుకున్న తర్వాత సామ్ పై ఎన్నో వార్తలు వచ్చాయి. అయితే తర్వాత సమంత తనకు ‘మయోసిటిస్’ అనే వ్యాధి ఉంది అని ప్రకటించింది. దానికి సమంత ప్రస్తుతం చికిత్స తీసుకుంటుంది.

అయితే ఈ విషయం పై కూడా ఎన్నో వార్తలు రాసుకొచ్చారు. ఫలితం గా యశోద చిత్ర ప్రమోషన్స్ లో సమంత ఈ ఫేక్ న్యూస్ పై స్పందిస్తూ.. ” నాకు ప్రాణాంతక మైన వ్యాధి వచ్చింది, త్వరలో చనిపోబోతున్నాను అని చాలా ఆర్టికల్స్ రాసారు. కానీ నా ఆరోగ్యం ప్రస్తుతం కొంచెం డిఫికల్ట్ గానే ఉంది కానీ నేను ఇంకా చనిపోలేదు..” అని చెప్తూ సామ్ ఎమోషనల్ అయ్యారు. సమంత స్వయం గా చెప్పినా కూడా ఆమె ఆరోగ్యం పై ఫేక్ న్యూస్ లు రావడం ఆగలేదు.

అయితే సమంత ప్రస్తుతం చికిత్స తీసుకుంటూ.. సోషల్ మీడియా కి దూరం గా ఉన్నారు. ఈ క్రమం లో సమంత తన వ్యాధి చికిత్స కోసం దక్షిణ కొరియా వెళ్లారని, పలు బాలీవుడ్ ప్రాజెక్టుల నుంచి ఆమెను తొలగిస్తున్నారని, సామ్ ఇంక సినిమాలు మానేస్తున్నారని ఫేక్ న్యూస్ లు రావడం తో సమంత మేనేజర్ అవన్నీ నిజం కాదని వెల్లడించారు. ఆమె తన ఇంట్లోనే ఉండి రెస్ట్ తీసుకుంటున్నారని.. ఇలాంటి ఫేక్ న్యూస్ లు స్ప్రెడ్ చెయ్యొద్దని సమంత సిబ్బంది, ఆమె ఫాన్స్ కోరుతున్నారు.

దర్శకధీరుడు రాజ‌మౌళి ద‌ర్శ‌క‌త్వంలో సినిమా వ‌స్తుందంటే.. సూప‌ర్ హిట్ అవుతుంద‌ని ప్రేక్ష‌కులు ముందే డిసైడ్ అయిపోతారు. సినిమా హిట్ గురించి ఆలోచించకుండా.. జ‌క్క‌న్న నుంచి ఇదివ‌ర‌కు వచ్చిన సినిమా రికార్డులను బ్రేక్ చేస్తుందా? లేదా అని మాత్ర‌మే మాట్లాడుకుంటారు. అంతలా ఆయన క్రేజ్ సంపాదించుకున్నారు. మ‌గ‌ధీర సినిమాతో రికార్డులు మొదలెట్టిన రాజ‌మౌళి.. బాహుబ‌లితో పాన్ ఇండియా డైరెక్టర్ అయ్యారు. ఇక జ‌క్కన్న ద‌ర్శ‌క‌త్వంలో ఇటీవ‌ల వచ్చిన ‘ఆర్ఆర్ఆర్’ (రౌద్రం రణం రుధిరం) సినిమా బాక్సాఫీస్ వద్ద రికార్డులు క్రియేట్ చేసింది.

అయితే రాజమౌళి అంతకు ముందు సినిమాలు కూడా సూపర్ హిట్ అయినప్పటికీ బాహుబలితో ఆయన క్రేజ్ అమాంతం పెరిగిపోయింది. అప్పటి నుంచి ప్రపంచం ద్రుష్టి మొత్తం టాలీవుడ్ పై పడింది. అయితే ఈ క్రేజ్ పెరగటం తో పలువురు తెలుగు సినిమా పై, తెలుగు దర్శకులపై ట్రోల్ల్స్ చేయడం స్టార్ట్ చేసారు. రాజమౌళి పై గతం లో కొన్ని ట్రోల్స్ వచ్చాయి.. లాజిక్ లేకుండా తీస్తున్నాడు, హాలీవుడ్ సినిమాల సీన్లు కాపీ కొడుతున్నాడు, స్టార్ల తోనే సినిమాలు తీస్తాడు అంటూ ట్రోల్ చేసేవారు.

అయితే మరోసారి రాజమౌళి పై అక్కసు వెళ్లగక్కుతున్నారు కొందరు. రాజమౌళి కి అంత సీన్ లేదు.. ఎందుకు అందరు అతడిని ఆకాశానికి ఎత్తేస్తున్నారు అంటూ ఒక నెటిజన్ ప్రశ్నించగా.. “రాజమౌళి తాను సినిమా తీసే ముంచే క్లియర్ గా చెప్తున్నాడు అవి ఫిక్షన్ సినిమాలు అని.. అలాగే అతడు తన క్రియేటివిటీ ని చూపిస్తున్నాడు.. లాజిక్స్ ని ప్రూవ్ చెయ్యాలి అని కాదు. అలాగే అతడు కేవలం స్టార్లతో నే సినిమాలు తియ్యడు. సునీల్, నాని, నితిన్ వంటి హీరోలతో సినిమాలు తీసి సూపర్ హిట్స్ చేసాడు రాజమౌళి.” అని ఒక నెటిజన్ బదులిచ్చాడు.

మరొక నెటిజన్ ఆ ప్రశ్నకు బదులిస్తూ.. ” ఎందుకు అందరు తెలుగు టెక్నిషియన్స్ ని టార్గెట్ చేస్తున్నారు. ఇతడికి తన క్రియేటివిటీ వల్ల ఇంత క్రేజ్ వచ్చింది.. అది ఊరికే రాలేదు. కానీ ఇంకా చాలా మంది ఫేమస్ డైరెక్టర్స్ ఉన్నారు కదా. వారికీ కూడా పేరు ఎలా వచ్చిందని మీరు ప్రశ్నించండి. ” అంటూ చెప్పారు.

త్రినాథరావు దర్శకత్వం లో మాస్ మహారాజ రవి తేజ నటిస్తున్న సినిమా ధమాకా. ఎనెర్జిటిక్ మాస్ ఎంటర్టైనర్ గా రానున్న ఈ చిత్రం డిసెంబర్ 23 న థియటర్లలో విడుదల కానుంది. అభిషేక్ అగర్వాల్ ఆర్ట్స్, పీపుల్స్ మీడియా ఫ్యాక్టరీ బ్యానర్లు సంయుక్తంగా తెరకెక్కిస్తున్న సినిమా ధమాకా. డబుల్ ఇంపాక్ట్ అనే టాగ్ లైన్ తో వస్తున్న ఈ చిత్రం లో రవి తేజ ద్విపాత్రాభినయం చేస్తున్నారు. శ్రీ లీల హీరోయిన్ గా నటిస్తోంది. ఇప్పటికే విడుదలైన టీజర్, సాంగ్స్ ఈ చిత్రం పై అంచనాలు పెంచేస్తున్నాయి.

ఈ చిత్రానికి ప్రసన్న కుమార్ బెజవాడ కథ, స్క్రీన్ ప్లే, మాటలు అందించారు. రీసెంట్ గా రిలీజ్ అయిన దండకాడియాల్ సాంగ్ ప్రస్తుతం ట్రెండింగ్ లో ఉంది. ఈ సినిమాతో మాస్ రాజా సూపర్ హిట్ అందుకోవడం పక్కా అంటున్నారు ఫ్యాన్స్. అయితే ఈ సాంగ్ లో రవి తేజ, శ్రీలీల ఎనెర్జిటిక్ గా డాన్స్ చేసారు. అయితే ఈ పాటకి ముందు షూటింగ్ సమయం లో రవి తేజ కాలి లో ఒక ఇనప చువ్వ దిగి 12 కుట్లు కూడా పడ్డాయట. అయినా ఆ కాలి గాయం తోనే .. రవి తేజ ‘దండ కడియాల’ సాంగ్ లో డాన్స్ చేశారట. ఈ విషయాన్ని శ్రీ లీల తాజాగా ప్రీ రిలీజ్ ఈవెంట్ లో వెల్లడించింది.

సినిమా రిలీజ్ దగ్గర పడటం తో షూటింగ్ లేట్ అవ్వకూడదని రవి తేజ మొండిగా ఈ పాట లో డాన్స్ చేశారట. ఈ సాంగ్ ని చూస్తుంటే రవి తేజ అంత పెద్ద గాయం తో ఉన్నట్టు అనిపించదు. అంతే బాగా డాన్స్ చేసాడు మాస్ మహారాజ్. రవి తేజ గత రెండు చిత్రాలు ప్లాప్ కావడం తో ఈ చిత్రం పై మంచి అంచనాలే ఉన్నాయి. మరి ఈ మూవీ రవి తేజ కి ఎలాంటి ఫలితాన్ని ఇస్తుందో చూడాలి..